● رسائل العشر ● د.حازم شومان

[أم يامن السلفية]

رسائل العشر (1)

و تقترب عشرة أيام ولا كنوز الدنيا هتعوض ساعة واحدة فيها
إحنا داخلين على أيام مش هنحسبها
بالساعة ولا بالليلة ولا بالنهار ...
هنحسبها بالدقيقة .
بل هنحسبها بالثانية !!!



استعد/ى للأيام دى و اسمع/ى قبلها بأسبوع دروس عن عشر ذى الحجة
اشحن/ى قلبك عن عشر ذى الحجة واستعد/ى
فإذا دخلت العشر فانطلق/ى
و خلى همك إيقاظ قضية عشر ذى الحجة عند الناس

العشر من ذى الحجة فرصة عظيمة
و ممكن تكون آخر فرصة في حياتك !
الأيام دي لسه عليها قرابة الأسبوعين

يعني احنا الآن قبل العشر
عايزين نبدأ نعمل بروفة على الحاجات اللى
ممكن نعملها في عشر ذي الحجة إن شاء الله
صيام / قيام /قرآن / ذكر / بر والدين / صلة رحم / صدقة /.........



عايزين ندل الناس علي الخير أنت مسلم إذن
أنت داعية
كلم أهل بيتك كلم زوجتك كلم جيرانك كلم أصحابك كلمهم عن عشر ذي الحجة خليهم يجهزوا
أنشر القضية في الدنيا اللي هيعبد ربنا بسببك هتاخد ثواب كل عبادة عبد ربنا بها في العشرة أيام



بتصرف من درس
عقد عمل في عشر ذي الحجة
http://way2allah.com/khotab-item-78813.htm

[أم يامن السلفية]

(( فهرس رسائل العشر ))


رسائل العشر (2)

رسائل العشر (3)

[أم يامن السلفية]

رسائل العشر (2)

تخيل لو أنا قلتلك دلوقتي أنت قدامك عقد عمل عشر أيام بمليون جنية إيه رأيك؟
عشررررة أيااااااام بمليووووون جنيه
هي دي فرصة تتعوض
إحنا مش هنتكلم دلوقتي عن عقد عمل عشرة أيام بمليون جنيه
هنتكلم مع بعض عن عشرة أيام أغلي من الدنيا ومن اللي فيها
هنتكلم عن عقد عمل عند الله عشرة أيام بالعبادة



جاءت فرصة عظيمة للمصالحة مع الله
لو واحد منا مدير الشغل بتاعه زعلان منه
بيقعد يقول أكثر يوم أعرف أصالحه فيه هو إيه
طيب أحب هدية هو بيحبها إيه
و لله المثل الأعلى
أهو عشر ذي الحجة أحب الأيام الي الله
صالح ربك في أحب الأيام إلى ربك
فرصة عظيمة عشان كل واحد مننا يصالح ربنا ويترجي في الثواب اللى عند الله سبحانه وتعالى



الباب لسه متقفلش يا جماعة

اللي فاته رمضان

أبواب رحمة الله لن تغلق
الكنوز والحسنات لن تغلق
أبواب خزائن الله لن تغلق
أبواب السماء أمام دعائي ودعائك لن تغلق

في موسم عبادة عظيم جاي تانى بعد كام يوم إن شاء الله

[أم يامن السلفية]

رسائل العشر (3)

أفضل أيام الدنيا



قال رسول الله صلى الله عليه وسلم : " ما من أيام العمل الصالح فيهن أحب إلى الله منه في هذه الأيام العشر" ،
قالوا : "ولا الجهاد في سبيل الله " !!
قال : "ولا الجهاد في سبيل الله ، إلا رجل خرج بنفسه وماله ولم يرجع من ذلك بشيء " [رواه البخاري]
و قال رسول الله صلى الله عليه وسلم :
" ( أن أفضل أيام الدنيا أيام العشر ) ، قالوا: " يا رسول الله، ولا مثلهن فى سبيل الله؟ " ،
قال: " ولا مثلهن فى سبيل الله إلا من عفر وجهه فى التراب"
[رواه الهيثمي _ ج4_ ص 17]

العشرة من ذى الحجة أفضل أيام الدنيا ..... يعني أفضل صلاة فجر هتصليها طول السنة
أفضل أيام الدنيا ...يعني أفضل جلسات ضحي هتقعدها طول السنة
أفضل أيام الدنيا.... يعني أفضل تلاوة قرآن وذكر لله هتذكره طول السنة
أفضل أيام الدنيا يعني أفضل صيام نافلة هتصومه طول السنة


لو متقلتش ميزانك في الأيام دي أمال هتقله أمتى ؟!
العشرة من ذى الحجة أحب الأيام الي الله في العبادة
يعني مش هيأذن لحد يعبده فيها غير أحب العباد الي الله
يعني انت عايز تعرف ربنا بيحبك ولا لا شوف ربنا هيفتح عليك في العبادة فيها ولا لا
عايز تعرف ربنا بيحبك قد إيه شوف ربنا هيفتح عليك في العبادة في الأيام دي قد إيه ؟!
الأيام دي عايزة استعداد
ده موسم تجارة للآخرة
لازم تجهز نفسك
لازم تحضر قلبك

[خديجة أحمد]

وعليكم السلام ورحمة الله وبركاته
جزاك الله خيرا أختي أم يامن