Tweet
السلام عليكم ورحمة الله وبركاته
الحمد لله وكفى وصلاة وسلاما على عباده الذين اصطفى
ثم اما بعد
حبيبي اتنام وانا اربى لك في الخضور حبيبي انت هتنام وانا سهرانه تخيلوا لو كلمه من الكلمات دي اتقالت لشاب من الشباب الوقتي يعمل ايه؟ كان سيدنا ابو سليمان الدارمي بيصلي قيام ليل بيتهجد نزل يسجد نام في السجود وهوه نايم راي حوريه من حوريات الجنه بتركله برجليها وبتقولوه الكلام ده يا جماعه حبيبي اتنام والله ينظر الى المتهجدين في تهجدهم حبيبي اتنام وانا اربى لك في الخضور حبيبي مش دي الكلمه اللي الشباب الوقتي بيضيع شبابه كله عشان يسمعها كلمة بحبك الشباب بيعمل ايه عشان ينتزع كلمة بحبك من واحده اد ايه بيلف واد ايه بيتعب واد ايه بيجيب هدايا واد ايه بيسهر مع اصحابه يتعلم منهم يقول ايه وميقولش ايه ولو قالتهالوه في الاخر يبقى سهل انها تقولها لغيره لكن مكانتش قالتها لغيره فعلا انما ده الله اكبر اتقاله حبيبي لا دفع مهر ولا كتب قايمه بـ 100000 جنيه ولا جاب شقه وفرشها عفش بـ 50000 جنيه يااااه يعني مهر الجنه سهل اوي كده يارب الجنه يا جماعه برضه الحب ولما قالتلوه حبيبي قالتهالوه لوحده واللي قالتهالوه ده جمالها شكله ايه؟ تخيلوا حور الجنه جمالهم شكله ايه يا جماعه حورية الجنه دي حورية الجنه دي من جمال وشها بس لو اطلت يعني لو طلعت بصت بصه كده على الارض لانارت الارض من جمالها ده من جمال وشها لونها زي اللؤلؤ يعني مش بياض بياض ايه بقى ده ربنا بيقولك زي اللؤلؤ عينيها عينيها ربنا بيقول حور عين عين يعني عينيها ساحره يعني لون عينيها ايه؟ لون نني عينيها ايه؟ رسمة عينيها شكلها ايه؟ حور يعني شدة سواد النني لو انتوا شوفتوا يا جماعه العيون السوده العيون بتاعة مصر دي كلها بني مش سوده العيون السوده دي اخطر الف مره من اي عينين ملونه حور عين طب القصه بتاعتها طب شعرها انا مش عايز الشباب يتعب انا عايز الشباب بس ايه يعرف الجنه جميله اد ايه والبنات يعرفوا الجنه جميله اد ايه منا بوصف في جمالك في الجنه ده انت هيبقى جمالك هيبقى اشد من كده ميت مره في الجنه القصه وشعرها هيبقى شكله ايه؟ ده من غير قصه خالص لو لبست حجاب لو لبست خمار لنصيفها على راسها خير من الدنيا وما فيها يعني لو جبنا ملكات جمال العالم بالبهرجه والزينه واللبس بتاعهم وجبناها وهيه محجبه جمالها هيضرب كل دول يا سلام طيب ثغرها ضحكتها لو ضحكت بس يعني يقولك ان في الجنه تضيء جنابات الجنه فيسال ما هذا؟ فيقال حوريه ضحكت لزوجها شايف ضحكتها جميله ازاي ريئها لو تفلت في البحر لصار عذبا يعني تخيل ولد وبنت من اللي قاعدين على التندات سايبين صلاة التراويح والكلام اللي بيذكرنا بربنا والاخره وقاعدين على التندات الوقتي وقامت هي تفلت في وشه هيشيلها يرميها في النيل على طول انما دي لو تفلت في وش زوجها في الجنه ياااه ده لو تفلت في البحر يبقى عسل امال يبقى هيه ايه بقى يا جماعه ده ريئها بالصدفه تغني لزوجها بصوت لم يسمع في الدنيا على الاطلاق يعني اجمل من اجمل المغنيات اللي مجننين الشباب الوقتي اكمل ولا كفايه كفايه بقى احسن الستات هيزعلوا كفايه الستات هتزعل والشباب هيتعب برضه انا مش عايزكوا تتعبوا يا جماعه انا عايز اقوللكوا الوقتي اد ايه الجنه دي ارض الحب اد ايه الجنه دي هيه اللي فيها قصص حب حقيقيه بتحبك اد ايه وانت بتحبها اد ايه شايف ربنا بيوصفها في الجنه بيقول ايه "عُرُباً " الواقعة :37,يعني ايه؟ يعني من كتر حبها فيك بتقولك كلام حب لا سمعته في اغاني الحب ولا قريته في قصص الحب ولا قريته في جوابات الحب ولا الشعراء اللي بيحبوا عرفوا يوصفوه في الشعر بتاعهم "عُرُباً " الواقعة :37 ربنا بيقولك "قَاصِرَاتُ الطَّرْفِ " ص:52 , يعني عينيها عليك من كتر الولأ والحب بالله عليك يا اخي لو انت قاعد في محاضره ولا في مكان بتبص لقيت واحده بصت لك تعمل ايه هيغمى عليك طبعا طيب تخيل لو لقيتها نص دقيقه حاطه عينيها عليك لا ده الموضوع هايتطور بقى طب تخيل لو انت كل ما تبصلها تلاقيها بتبصلك طب تخيل لو مابتشيلش عينها من عليك طب تخيل بقى انها بتبصلك بنظرة ولأ وشوق وهيام حب يا جماعه علاقة الحب اللي ما بين الزوج وزوجته في الجنه ما بين الرجل والحوريه او الزوجه بتاعته في الجنه لم تسمع الارض مثلها على الاطلاق حب حقيقي ولو غبت عنها شويه تروحلك هيه اللي تجيلك تقولك ان لك اهلون وحشتني بس كلمة وحشتني منها بقى مسمعتش زيها في الدنيا كلها ولما تغيب عنها وترجع تقولك لقد ازدّتم بعدنا جمالا ايه الجمال ده ايه الحلاوه دي وكمان ايه يا جماعه "يُسْقَوْنَ مِن رَّحِيقٍ مَّخْتُومٍ " مطففين :25, يسقون مش يشربون تيجي تمد ايدك على كوباية العصير تقولك لاء انا اللي هاسقيهالك بايديا تمد الكوبايه وتسقيك بق ببق بايديها ايه رايك بقى ايه رايك في الحب ده وانتي برضه زوجك في الجنه هيحبك كده يسقيكي بايديه وعينه عليكي وانتي بتشربي وبيحبك ويقولك كلام عمرك ما سمعتيه ولا تخيلتي انك انتي تسمعيه تخيلوا معايا يا جماعه انت الوقتي على نهر الكوثر اللي خدت الشاليه اللي على ضفافه بـ 12 ركعة سنه كنت بصليهم كل يوم انت وهي انت وحبيبتك قاعدين انتوا الاتنين ربنا جمع ما بينكوه لانكوا كنتوا من اهل قيام الليل انتوا الاتنين ومن اهل الالتزام تخيل قدامكوا بقى كوبايات عصير اناناس بمزاج التسنيم وقدامكوا اطباق حمام محشي لحمه وقدامكوا اطباق فواكه فيها 100 نوع فاكهه كل ثمره ليها طعم غير التاني تخيل بقى المتعه دي وهيه زينة ايه وجمال ايه وعينين ايه وشعر ايه تخيل الضحكه بتاعتها تخطف القلب وهيه بتشيل كوباية العصير تسقيك وهيه بتسقيك عينيها عليك وعلى عينيك وبتقولك اشرب يا حبيبي تدفع فيها كام دي تدفعوا فيها كام يا شباب الشباب اللي عامل ان هوه بيحب والبنات اللي عامله انها بتحب والرجاله اللي عاملين انهم يا جماعه حب ايه يا جماعه احنا محناش في ارض الحب ارض الحب في الجنه انتي نفسك تتجوزي شاب وسيم وقوي وجميل طب اجمل طب تتجوزي امير من الامراء طب ما تطمعي انك تتجوزي واحد من اهل الفردوس الاعلى تخيلي الشباب بتوع الفردوس الاعلى دول جمال ايه وقوة ايه ووسامة ايه وملك ايه انت لو عرضت عليك تتجوز واحده جميله اه والله ياريت ياريت الواحد معندوش امل غير بعد 25 سنه كده عما يكون نفسه طب لو عرضت عليك واحده نجمه سينيمائيه طب تتجوز نجمه عالميه طب تتجوز ملكة جمال العالم طب مش نفسك تتجوز حوريه من حوريات الفردوس الاعلى مش نفسك يا اخي يا شباب مش نفسكوا في كده اشمعنى احنا في الدنيا طموحين وفي الاخره مش طموحين اشمعنى في الدنيا عايزين الاحسن وفي الاخره مش عايزين الاحسن قصص الحب قصص حب دنيا ايه اللي هيه لو اتقدملها عريس تسيبه وهوه لو شاف واحده اجمل منها يفضل قالب عليها اسبوعين ولما ينول المراد ولما تنول المراد ولما يتجوزوا ويتقفل عليهم باب واحد والشعر يتغسل والوش يتغسل وتخرج كده يقوم يشوفها كده يقولها ايه ده انتي مين؟ تقولوه ده انا حبيبتك حبيبتي حبيبتي مين حبيبتي كان عينيها خضرا اه معلش انا اسفه ده كان عدسات يا حبيبي اله طب حبيبتي كانت طويله لا معلش يا حبيبي ده كان كعب 11 سنتي والله طب حبيبتي ما كانتش تخينه كده معلش يا حبيبي ده كان حزام التخسيس بس كان للاسف طب حبيبتي كان شعرها ناعم وجميل اه معلش الكوافير والله نسيت اروح له امبارح بس طب حبيبتي كانت بيضه ده كان والله بودره يا حبيبي يعني ينقلب كلام الحب الجميل والكلام المعسول بتاع جوابات الغرام لكلام تاني انتوا عارفين بقى بيوصل بعد كده للمحاكم الشرعيه اتنين مليون قصة حب نهايتها في المحاكم الشرعيه معلقه لغاية الوقتي قصص الحب في الجنه كتيير قصة الحب ما بينك وبين اصحابك ما بيننا وما بين بعض يا جماعه احنا هانحب بعض في الجنه اد ايه اد ايه هانبقى اصحاب بنحب بعض في الجنه شوفوا ربنا بيقول ايه "وَأَمْدَدْنَاهُم بِفَاكِهَةٍ وَلَحْمٍ مِّمَّا يَشْتَهُونَ " الطور :22, امددناهم الكلمه دي فكرتني ايام ما كنت بروح لاصحابي المختربين في الشقه بتاعتهم فوهما قاعدين كده طبعا عيشة المختربين بتبقى صعبه شويه يقوم الباب مخبط يقوم واحد يدخل في ايه ده واحد منكوا جايله زياره من البلد لحمه بقى واكل يقوم كل الشباب يقولوا ايه مدد ويقوم كله هاجم على القفص اللي يخطف لحمه واللي يخطف عصير واللي يخطف حاجه مدد فكلمة امددناهم دي تحسسك بجو البهجه وجو المتعه "يَتَنَازَعُونَ فِيهَا كَأْساً لَّا لَغْوٌ فِيهَا وَلَا تَأْثِيمٌ " الطور :23 كاس ايه ده العصير انهار ده الخمر انهار بيبقى بيتنازعوا ليه ده يا جماعه من البهجه زي ما الاصحاب يهزروا مع بعض كده وده يخطف دي من ده وده يخطفها وده ياخد بق وده ياخد بق من جو البهجه وجو الحب ده من كتر البهجه ليهم مكان بيتقابلوا فيه باستمرار في الجنه عند عين التسنيم افتكروا اسم الكلمه دي لان باذن الله ده المكان اللي احنا هنتقابل مع بعض فيه في الجنه لما ندخل الجنه مع بعض يا جماعه باذن الله عين التسنيم " عَيْناً يَشْرَبُ بِهَا الْمُقَرَّبُونَ " المطففين :28 يعني ايه يشرب بها؟ مش يشرب منها يشرب بها زي ما اقولك انا اكلت بالمطبخ يعني ايه يعني هناك يعني بيروحوا هناك ويعدوا بقى يسقوا ويشربوا ويمسكوا من التسنيم العصاير يعني زي جو المحلات كده اللي تلاقي الشباب جاي بعربياته وتلاقي الشباب بيحب جو المحلات دي اكتر من الاكل اللي فيها وفي ناس بتروح عشان جو البهجه هناك اكتر من طعم الاكل اللي فيها جو البهجه يا جماعه على سر ر متقابلين قاعدين مع بعض بنحب بعض قصص حب مهوله وايه ورحلات زي ما انت عايز ونطلع رحلات وحفلات وحفلات شوي النهارده عازمين العشره المبشرين بالجنه لا بكره عازمين شريش العابد لا بعده هانعزم مصعب لالالالا انا لو عليا انا هاعزم مصعب اول واحد اذا كان الواحد بيحبه اوي من الوقتي امال لما ندخل الجنه ان شاء الله معاهم هانعمل ايه قصص حب انما حب , الشلل الوقتي الشلل بالله عليكوا اول ما الشاب يسيبهم ويمشي تبدا التريقه والغمز واللمز واي حاجه تفرقهم لو بنت دخلت ما بينهم تفرقهم لو دخلوا كليات مختلفه يتفرقوا لو دخلوا وظائف مختلفه بعد الكليه يتفرقوا لو واحد منهم سقط سنه ولا سقط يتفرقوا اي حاجه تفرقهم مهواش حب حقيقي انما ارض الحب الحقيقيه ده لسه قصص الحب كتيييييييييير حب الله ياااااه يا جماعه ده حب الجنه دي ارض حب مهوله الدنيا دية اهلها لسه معرفوش الحب لغاية دلوقتي
بس للاسف في ارض تانيه ارض تانيه اسمها النار ارض الكراهيه كلها قصص كره زي ما الجنه كلها قصص حب دي كلها قصص كراهيه كل حاجه بتكره العاصي اللي بيدخل فيها اهل النار بيكرهوا بعض قصص كراهيه "رَبَّنَا أَرِنَا الَّذَيْنِ أَضَلَّانَا مِنَ الْجِنِّ وَالْإِنسِ نَجْعَلْهُمَا تَحْتَ أَقْدَامِنَا " فصلت :29, يارب ننزلهم تحت رجلينا ندوس عليهم بجذمنا "لِيَكُونَا مِنَ الْأَسْفَلِينَ " فصلت :29 بيقولوا كده فين وهما في زنزانه في النار زنازين النار ايه "وَإِذَا أُلْقُوا مِنْهَا مَكَاناً ضَيِّقاً " الفرقان :13 , ده هيه زنزانه ضيقه وكمان بيتحشروا فيها كمان ورا بعض كلما كل ما يدخل فوج الفوج اللي بعده يلعنه والفوج ال يعني افواج ورا افواج في زنزانه ضيقه والجدران نار والحيطه نار والارض نار الجمره اللي في الارض الجمره من النار لو لمست رجلين العاصي دماغه تغلي منها مش الرسول قال ان ابو طالب عذابه في النار جمره جمره عند رجليه بيغلي منها دماغه جمرة النار امال قاعد على ارض النار والجدران نار والشباك مش بيجيب هوا ده بيجيب ريح السموم اللي بتتسمم بيها كل خليه من خلايا الجسم اللي بتدخل في كل خليه الواحد يحس ان جسمه مولع والعياذ بالله يبقى الاخلاء اهم يا جماعه اهل النار بيكرهوا بعض وكره الله ربنا بيكره اللي في النار "لَمَقْتُ اللَّهِ أَكْبَرُ مِن مَّقْتِكُمْ أَنفُسَكُمْ " غافر :10 , ده كمان ايه بيكره نفسه ده اللي في النار ده بيكره نفسه لما يلاقي نفسه في تابوت من جمر من نار لوحده انت اللي جبتيني هنا يكره نفسه ياااه نفسه بتكرهوه وربنا بيكرهوه واصحابه بيكرهوه "الْأَخِلَّاء يَوْمَئِذٍ بَعْضُهُمْ لِبَعْضٍ عَدُوٌّ إِلَّا الْمُتَّقِينَ " الزخرف:67 , كانوا شلة اصحاب راكبين في عربيه الولد يحط شريط الاغاني وبعد كده يشتغل يخلص يقوم شايله وحاطط شريط تاني يخلص يشيله ويحط شريط تالت فافتكر كده اشمعنى انا اللي اخد السيئات فقام قايل لاصحابه حطوا انتوا الشريط قالولوا لاءا انت اله يعني انا اتشاكلوا مع بعض يا جماعه اتشاكلوا مع بعض من الدنيا بس وهما لسه مش قدام ربنا امال لو قدام ربنا هيولعوا في بعض والحبيبه الحبيبه اخرتهم ايه في النار اسمع الايات اللي تزلزل القلب "تَبَّتْ يَدَا أَبِي لَهَبٍ وَتَبَّ مَا أَغْنَى عَنْهُ مَالُهُ وَمَا كَسَبَ سَيَصْلَى نَاراً ذَاتَ لَهَبٍ وَامْرَأَتُهُ " المسد 2: 3: 4 , حبيبته حبيبته اهوه مراته وحبيبته شوفوا بقى الزوج وزوجته والحبيب وحبيبته امراته مالها يارب "حَمَّالَةَ الْحَطَبِ " المسد :4 الحطب ده الحطب ده اللي بيتولع بيه في اهل النار هيه بتشيل الحطب ليه مذكرش في السوره غير جوزها عشان تولع بيه في جوزها طب ليه يارب امر مش انتوا كنتوا الاتنين بتحبوا في معصيتي مش انتوا الاتنين كنتوا بتحبوا بعض وبتتامروا على الدين اله يبقى في النار ايه اللي بيحصل امراته حمالة الحطب تخيل لما نهاية قصة الحب تبقى بالمنظر ده اما نهاية الحبيبه تبقى بالمنظر ده ده مش كده ده الرسول بيكره العاصي من قصص الكراهيه لما العاصي يجيله يقوله سحقا سحقا اتسحق بس ابعد عني الملايكه بتكرهوه وهي طالعه بروحوه محدش يرضى يفتح له ابواب السما ابدا وكلهم يقولوله ما هذه الرائحة المنتنه ايه الريحه دي ريحة المعصيه الملايكه ترد عليهم باسوء اسم كان بيكره يسمعوه في الدنيا ليه بتكرهوه عايزه تغيظوه عايزه تحرق قلبه ده مش بس كده يا جماعه ده النار بتكرهوه النار هيه النار دي كائن حي النار دي كائن حي النار "إِنَّ جَهَنَّمَ كَانَتْ مِرْصَاداً " النبأ :21 , مرصاد يعني اول ما العاصي بيطلع من القبر رصداه من بعيد هوه مش واخد باله بس هيه رصداه واول ما ييجي يقرب هوه لسه بعيد عنها "إِنَّهَا تَرْمِي بِشَرَرٍ كَالْقَصْرِ " المرسلات :32 , من كتر كرهها ليه عايزه توديله النار بتاعتها من بعيد لدرجه "إِذَا رَأَتْهُم مِّن مَّكَانٍ بَعِيدٍ سَمِعُوا لَهَا تَغَيُّظاً وَزَفِيراً " الفرقان :12 , تزفر عشان توصل لهم حرها لغاية المكان اللي هما فيه بعيد عايزه تحسسهم بنارها من بعيد ولما ييجي يقرب شويه ممكن تطلع لسان نار تبلعه جواها ولو جه جمبها تشهق بقى هوه ربنا قال ان النار بتشهق ليه عشان تبلعه لاعمق حته فيها ولما بيدخل جواها ده النار يا جماعه بيحطم بعضها بعضا امال اللي بيتحط جواها يحصله ايه ولما تخلص جوه تقول لربنا "هَلْ مِن مَّزِيد " ق :30 كمان يارب كمان (هل) يعني بتطلب بتقدم طلب لله كمان يارب كمان كمان ده علينا احنا عايزه كمان اللي بعده يارب ليه اصل النار دي عبد زيها زيك عبادته ان هيه تعذب العصاه اول يوم النار هتعبد فيه ربنا يوم القيامه فهيه ما سدات ان هيه تعبد ربنا عايزه اعبدك كمان يارب هات كمان عشان اعبدك يارب يبقى العاصي جوه النار ربنا كارهوه والملايكه كارهاه والرسول كارهوه والنار كارهاه والحبيبه كارهين بعض واصحابه كارهينوه واهل النار كارهين بعض وهوه كاره نفسه وجسمه اللي بيتعذب كارهوه , ما هو لو انت شهدت على واحد شهاده هيدخل بيها السجن عشر سنين تبقى بتحبه تبقى بتكرهوه ما بالك لو شهدت عليه شهاده توديه سجن جهنم ايديك اللي بتعصي بيها ربنا تكرهك عينك اللي بتبص بيها للحرام تكرهك لسانك اللي بتنطق بيه الحرام يكرهك ودنك اللي بتسمع بيها الحرام تكرهك يبقى جسمه بيكرهوه وهوه بيعصي بيه ربنا سبحانه وتعالى ليه عشان ايه ايه اللي يستاهل انا قولتلكوا ارض الحب وجبتلكوا بعدها ارض الكراهيه عشان كل واحد منكوا يشوف هوه عايز ايه عايز قصص الحب اللي قلب بيتقطع لما يسمعها في الجنه حياة الحب وحياة السعاده وحياة البهجه ولا عايز قصص الكراهيه والبؤس والشقاء اللي في النار عشان ايه يا جماعه عشان ايه عشان سراب سراب الدنيا دي سراب "أَعْمَالُهُمْ كَسَرَابٍ بِقِيعَةٍ يَحْسَبُهُ الظَّمْآنُ مَاء " النور :39 , الشباب الوقتي بيحسبوا السراب مياه يااااااه يا اخي في الله يا حبيبتي في الله يا حبيبي في الله يا جماعه القهوه والنادي ووقفات الجامعه كل ده سراب اللي بيدور على السعاده في الاماكن دي بيدور على السراب مش هتاخد حاجه من وراها خدوا ايه اللي خدوا الدنيا اللي خدوا الشهره اخرتها كانت ايه واللي خدوا الفلوس اخرتها كانت ايه تعرفوا بنت اوناسيس بنت اوناسيس اللي كان اغنى واحد في العالم ورثته بنته الوحيده وخدت كل ورثه اخرتها كانت ايه كان معاها اموال لو اتوزعت على فقراء العالم كله كانت غنتهم اخرتها كانت ايه اتجوزت اربع رجاله كل واحد بتدور معاه على السعاده منهم واحد شيوعي راحت شقته بقت تمسحله البلاط وتغسل له المواعين وتطبخ له وتكنس له بتدور على السعاده يمكن تلاقيها وفي الاخر ماتت منتحره لما ياست ان في سعاده في الدنيا
تعرفوا مارلين مونرو مين فينا اللي يوصل مين في الاخوات يعني ربنا يعافينا يارب مين واحده في مصر دي كلها توصل للشهره اللي هيه وصلتلها في العالم وبعد كده في الاخر بنت بعتت لها قالتلها انا نفسي ابقى زيك ابقى زيك ازاي الورقه لغاية الوقتي عاينينها في المتحف البريطاني بعتت لها جواب ترد عليها قالت لها انا اتعس امراه في العالم انا اتعس واحده في العالم اوعي تدخلي السكه دي ايه ده؟ مش دول اللي خدوا الدنيا دنية ايه يا ابني منا قولتلك انها سراب يحسبها الظمآن ماء بنحسبها مياه يا جماعه لغاية ما تطلع روحنا وراها واول ما نوصل نكتشف انها كانت سراب افرايت افرايتم افرايتي "أَفَرَأَيْتَ إِن مَّتَّعْنَاهُمْ سِنِينَ " الشعراء :205 , متعناهم سنيييين لو مسك كل الموبايلات وطلع كل الرحلات ومشي مع كل البنات وحصل كل المراكز وبقى عنده شركات ومراكز وشهادات وعاش حياته كلها بالطول والعرض وسمع كل الاغاني وبص على اللي نفسه فيه وقال اللي نفسه فيه وسمع اللي نفسه فيه وكل اللي نفسه فيه ولبس اللي نفسه فيه وركب اللي نفسه فيه "أَفَرَأَيْتَ إِن مَّتَّعْنَاهُمْ سِنِينَ ثُمَّ جَاءهُم مَّا كَانُوا يُوعَدُونَ" الشعراء :205 :206 , جالهم عذاب القبر وجالهم عذاب القيامه وجالهم العقوبه على معصيه معصيه في النار ياااااه "مَا أَغْنَى عَنْهُم مَّا كَانُوا يُمَتَّعُونَ "الشعراء :207 ده غمسه واحده في جهنم بتنسي انعم اهل الارض كل النعيم اللي داؤه بتجيب له فقد ذاكره كلي لتاريخه كله اللي على الارض غمسه واحده من النار يا جماعه عشان ايه عشان ايه نعصي ربنا عشان ايه ندي ظهرنا لربنا سبحانه وتعالى ايه اللي يستاهل ده الجنين وهوه داخل الدنيا بيبقى مكلبش قابض ايديه كده هوه تلاقيه قابض ايديه يعني تفكها له عشان يفكها والواحد مننا بيموت تلاقيه فاتح ايديه كانه وهوه داخل كان مكلبش فيها وهوه خارج بيقول انا مخدتش منها حاجه طلعت سراب انا ضيعت عمري كله ورا سراب وفي الاخر مخدتش منها حاجه ده مش سراب لاء ده عذاب عشان ايه نعيش في العذاب في الدنيا قبل الاخره عشان ايه "وَمَنْ أَعْرَضَ عَن ذِكْرِي" طه :124 , اللي هيدي ظهره ليا اللي هيدي ظهره لربنا اللي مش هيبقى بيت ربنا هوه الماوى بتاع قلبه وقلبه يعلق بيه في الدنيا "فَإِنَّ لَهُ مَعِيشَةً ضَنكاً وَنَحْشُرُهُ يَوْمَ الْقِيَامَةِ أَعْمَى قَالَ رَبِّ لِمَ حَشَرْتَنِي أَعْمَى وَقَدْ كُنتُ بَصِيراً قَالَ كَذَلِكَ أَتَتْكَ آيَاتُنَا فَنَسِيتَهَا وَكَذَلِكَ الْيَوْمَ تُنسَى " طه :124 :125:126 وكذلك اليوم تنسى تستحملها دي قلبك يستحملها لو ربنا قالها لك وكذلك اليوم تنسى ياااه يارب انت هتنساني هتسيبني يارب هتسيبني في الاخره ده انا مكنتش استحمل انك تسيبني في الدنيا استحمل انك تسيبني في الاخره انت اللي اخترت ان الدنيا المعيشه الضنك المعيشه الشقاء المعيشه اللي كلها عذاب الشاب النهارده ارفان ليه يا ابني مشكله مع ابوه بكره ارفان ليه يا ابني مشكله مع اصحابه بعده ارفان ليه يا ابني اهوه متضايق وخلاص هوه ارف ولا بسبب ده ولا ده ولا ده هوه ارفان لانه بعيد عن ربنا لان فطرته بتصرخ فيه من جواه انا ليا غذاء زي ما جسمك له غذاء غذيني بالقران غذيني بالصلاه غذيني بالتوبه الى الله هنعمل ايه يا جماعه عشان ايه ايه اللي يستاهل ادي ارض الحب وادي ارض الكره ادي ارض المتعه وادي ارض العذاب ادي ارض النعيم وادي ارض الجحيم ايه اللي يستاهل هنختار ايه من الوقتي احنا لسه في رمضان اهوه ولسه التمن ابواب بتوع الجنه مفتوحين على مصراعيهم ولسه ابواب النار السبعه مقفوله انما كلها تلات اربع ايام وابواب الجنه هترجع تاني وابواب النار هتتفتح تاني وابواب السينيمات هتتفتح تاني وابواب النادي هتتفتح تاني وابواب الشهوات هتتفتح تاني وبعدها هنعمل ايه ابواب المساجد هتفضل مفتوحه هنفضل مع ربنا ولا بعد رمضان هنقول خلاص يارب نقابلك السنه الجايه
اقول قولي هذا واستغفر الله لي ولكم .
الحمد لله وكفى وصلاة وسلاما على عباده الذين اصطفى
ثم اما بعد
حبيبي اتنام وانا اربى لك في الخضور حبيبي انت هتنام وانا سهرانه تخيلوا لو كلمه من الكلمات دي اتقالت لشاب من الشباب الوقتي يعمل ايه؟ كان سيدنا ابو سليمان الدارمي بيصلي قيام ليل بيتهجد نزل يسجد نام في السجود وهوه نايم راي حوريه من حوريات الجنه بتركله برجليها وبتقولوه الكلام ده يا جماعه حبيبي اتنام والله ينظر الى المتهجدين في تهجدهم حبيبي اتنام وانا اربى لك في الخضور حبيبي مش دي الكلمه اللي الشباب الوقتي بيضيع شبابه كله عشان يسمعها كلمة بحبك الشباب بيعمل ايه عشان ينتزع كلمة بحبك من واحده اد ايه بيلف واد ايه بيتعب واد ايه بيجيب هدايا واد ايه بيسهر مع اصحابه يتعلم منهم يقول ايه وميقولش ايه ولو قالتهالوه في الاخر يبقى سهل انها تقولها لغيره لكن مكانتش قالتها لغيره فعلا انما ده الله اكبر اتقاله حبيبي لا دفع مهر ولا كتب قايمه بـ 100000 جنيه ولا جاب شقه وفرشها عفش بـ 50000 جنيه يااااه يعني مهر الجنه سهل اوي كده يارب الجنه يا جماعه برضه الحب ولما قالتلوه حبيبي قالتهالوه لوحده واللي قالتهالوه ده جمالها شكله ايه؟ تخيلوا حور الجنه جمالهم شكله ايه يا جماعه حورية الجنه دي حورية الجنه دي من جمال وشها بس لو اطلت يعني لو طلعت بصت بصه كده على الارض لانارت الارض من جمالها ده من جمال وشها لونها زي اللؤلؤ يعني مش بياض بياض ايه بقى ده ربنا بيقولك زي اللؤلؤ عينيها عينيها ربنا بيقول حور عين عين يعني عينيها ساحره يعني لون عينيها ايه؟ لون نني عينيها ايه؟ رسمة عينيها شكلها ايه؟ حور يعني شدة سواد النني لو انتوا شوفتوا يا جماعه العيون السوده العيون بتاعة مصر دي كلها بني مش سوده العيون السوده دي اخطر الف مره من اي عينين ملونه حور عين طب القصه بتاعتها طب شعرها انا مش عايز الشباب يتعب انا عايز الشباب بس ايه يعرف الجنه جميله اد ايه والبنات يعرفوا الجنه جميله اد ايه منا بوصف في جمالك في الجنه ده انت هيبقى جمالك هيبقى اشد من كده ميت مره في الجنه القصه وشعرها هيبقى شكله ايه؟ ده من غير قصه خالص لو لبست حجاب لو لبست خمار لنصيفها على راسها خير من الدنيا وما فيها يعني لو جبنا ملكات جمال العالم بالبهرجه والزينه واللبس بتاعهم وجبناها وهيه محجبه جمالها هيضرب كل دول يا سلام طيب ثغرها ضحكتها لو ضحكت بس يعني يقولك ان في الجنه تضيء جنابات الجنه فيسال ما هذا؟ فيقال حوريه ضحكت لزوجها شايف ضحكتها جميله ازاي ريئها لو تفلت في البحر لصار عذبا يعني تخيل ولد وبنت من اللي قاعدين على التندات سايبين صلاة التراويح والكلام اللي بيذكرنا بربنا والاخره وقاعدين على التندات الوقتي وقامت هي تفلت في وشه هيشيلها يرميها في النيل على طول انما دي لو تفلت في وش زوجها في الجنه ياااه ده لو تفلت في البحر يبقى عسل امال يبقى هيه ايه بقى يا جماعه ده ريئها بالصدفه تغني لزوجها بصوت لم يسمع في الدنيا على الاطلاق يعني اجمل من اجمل المغنيات اللي مجننين الشباب الوقتي اكمل ولا كفايه كفايه بقى احسن الستات هيزعلوا كفايه الستات هتزعل والشباب هيتعب برضه انا مش عايزكوا تتعبوا يا جماعه انا عايز اقوللكوا الوقتي اد ايه الجنه دي ارض الحب اد ايه الجنه دي هيه اللي فيها قصص حب حقيقيه بتحبك اد ايه وانت بتحبها اد ايه شايف ربنا بيوصفها في الجنه بيقول ايه "عُرُباً " الواقعة :37,يعني ايه؟ يعني من كتر حبها فيك بتقولك كلام حب لا سمعته في اغاني الحب ولا قريته في قصص الحب ولا قريته في جوابات الحب ولا الشعراء اللي بيحبوا عرفوا يوصفوه في الشعر بتاعهم "عُرُباً " الواقعة :37 ربنا بيقولك "قَاصِرَاتُ الطَّرْفِ " ص:52 , يعني عينيها عليك من كتر الولأ والحب بالله عليك يا اخي لو انت قاعد في محاضره ولا في مكان بتبص لقيت واحده بصت لك تعمل ايه هيغمى عليك طبعا طيب تخيل لو لقيتها نص دقيقه حاطه عينيها عليك لا ده الموضوع هايتطور بقى طب تخيل لو انت كل ما تبصلها تلاقيها بتبصلك طب تخيل لو مابتشيلش عينها من عليك طب تخيل بقى انها بتبصلك بنظرة ولأ وشوق وهيام حب يا جماعه علاقة الحب اللي ما بين الزوج وزوجته في الجنه ما بين الرجل والحوريه او الزوجه بتاعته في الجنه لم تسمع الارض مثلها على الاطلاق حب حقيقي ولو غبت عنها شويه تروحلك هيه اللي تجيلك تقولك ان لك اهلون وحشتني بس كلمة وحشتني منها بقى مسمعتش زيها في الدنيا كلها ولما تغيب عنها وترجع تقولك لقد ازدّتم بعدنا جمالا ايه الجمال ده ايه الحلاوه دي وكمان ايه يا جماعه "يُسْقَوْنَ مِن رَّحِيقٍ مَّخْتُومٍ " مطففين :25, يسقون مش يشربون تيجي تمد ايدك على كوباية العصير تقولك لاء انا اللي هاسقيهالك بايديا تمد الكوبايه وتسقيك بق ببق بايديها ايه رايك بقى ايه رايك في الحب ده وانتي برضه زوجك في الجنه هيحبك كده يسقيكي بايديه وعينه عليكي وانتي بتشربي وبيحبك ويقولك كلام عمرك ما سمعتيه ولا تخيلتي انك انتي تسمعيه تخيلوا معايا يا جماعه انت الوقتي على نهر الكوثر اللي خدت الشاليه اللي على ضفافه بـ 12 ركعة سنه كنت بصليهم كل يوم انت وهي انت وحبيبتك قاعدين انتوا الاتنين ربنا جمع ما بينكوه لانكوا كنتوا من اهل قيام الليل انتوا الاتنين ومن اهل الالتزام تخيل قدامكوا بقى كوبايات عصير اناناس بمزاج التسنيم وقدامكوا اطباق حمام محشي لحمه وقدامكوا اطباق فواكه فيها 100 نوع فاكهه كل ثمره ليها طعم غير التاني تخيل بقى المتعه دي وهيه زينة ايه وجمال ايه وعينين ايه وشعر ايه تخيل الضحكه بتاعتها تخطف القلب وهيه بتشيل كوباية العصير تسقيك وهيه بتسقيك عينيها عليك وعلى عينيك وبتقولك اشرب يا حبيبي تدفع فيها كام دي تدفعوا فيها كام يا شباب الشباب اللي عامل ان هوه بيحب والبنات اللي عامله انها بتحب والرجاله اللي عاملين انهم يا جماعه حب ايه يا جماعه احنا محناش في ارض الحب ارض الحب في الجنه انتي نفسك تتجوزي شاب وسيم وقوي وجميل طب اجمل طب تتجوزي امير من الامراء طب ما تطمعي انك تتجوزي واحد من اهل الفردوس الاعلى تخيلي الشباب بتوع الفردوس الاعلى دول جمال ايه وقوة ايه ووسامة ايه وملك ايه انت لو عرضت عليك تتجوز واحده جميله اه والله ياريت ياريت الواحد معندوش امل غير بعد 25 سنه كده عما يكون نفسه طب لو عرضت عليك واحده نجمه سينيمائيه طب تتجوز نجمه عالميه طب تتجوز ملكة جمال العالم طب مش نفسك تتجوز حوريه من حوريات الفردوس الاعلى مش نفسك يا اخي يا شباب مش نفسكوا في كده اشمعنى احنا في الدنيا طموحين وفي الاخره مش طموحين اشمعنى في الدنيا عايزين الاحسن وفي الاخره مش عايزين الاحسن قصص الحب قصص حب دنيا ايه اللي هيه لو اتقدملها عريس تسيبه وهوه لو شاف واحده اجمل منها يفضل قالب عليها اسبوعين ولما ينول المراد ولما تنول المراد ولما يتجوزوا ويتقفل عليهم باب واحد والشعر يتغسل والوش يتغسل وتخرج كده يقوم يشوفها كده يقولها ايه ده انتي مين؟ تقولوه ده انا حبيبتك حبيبتي حبيبتي مين حبيبتي كان عينيها خضرا اه معلش انا اسفه ده كان عدسات يا حبيبي اله طب حبيبتي كانت طويله لا معلش يا حبيبي ده كان كعب 11 سنتي والله طب حبيبتي ما كانتش تخينه كده معلش يا حبيبي ده كان حزام التخسيس بس كان للاسف طب حبيبتي كان شعرها ناعم وجميل اه معلش الكوافير والله نسيت اروح له امبارح بس طب حبيبتي كانت بيضه ده كان والله بودره يا حبيبي يعني ينقلب كلام الحب الجميل والكلام المعسول بتاع جوابات الغرام لكلام تاني انتوا عارفين بقى بيوصل بعد كده للمحاكم الشرعيه اتنين مليون قصة حب نهايتها في المحاكم الشرعيه معلقه لغاية الوقتي قصص الحب في الجنه كتيير قصة الحب ما بينك وبين اصحابك ما بيننا وما بين بعض يا جماعه احنا هانحب بعض في الجنه اد ايه اد ايه هانبقى اصحاب بنحب بعض في الجنه شوفوا ربنا بيقول ايه "وَأَمْدَدْنَاهُم بِفَاكِهَةٍ وَلَحْمٍ مِّمَّا يَشْتَهُونَ " الطور :22, امددناهم الكلمه دي فكرتني ايام ما كنت بروح لاصحابي المختربين في الشقه بتاعتهم فوهما قاعدين كده طبعا عيشة المختربين بتبقى صعبه شويه يقوم الباب مخبط يقوم واحد يدخل في ايه ده واحد منكوا جايله زياره من البلد لحمه بقى واكل يقوم كل الشباب يقولوا ايه مدد ويقوم كله هاجم على القفص اللي يخطف لحمه واللي يخطف عصير واللي يخطف حاجه مدد فكلمة امددناهم دي تحسسك بجو البهجه وجو المتعه "يَتَنَازَعُونَ فِيهَا كَأْساً لَّا لَغْوٌ فِيهَا وَلَا تَأْثِيمٌ " الطور :23 كاس ايه ده العصير انهار ده الخمر انهار بيبقى بيتنازعوا ليه ده يا جماعه من البهجه زي ما الاصحاب يهزروا مع بعض كده وده يخطف دي من ده وده يخطفها وده ياخد بق وده ياخد بق من جو البهجه وجو الحب ده من كتر البهجه ليهم مكان بيتقابلوا فيه باستمرار في الجنه عند عين التسنيم افتكروا اسم الكلمه دي لان باذن الله ده المكان اللي احنا هنتقابل مع بعض فيه في الجنه لما ندخل الجنه مع بعض يا جماعه باذن الله عين التسنيم " عَيْناً يَشْرَبُ بِهَا الْمُقَرَّبُونَ " المطففين :28 يعني ايه يشرب بها؟ مش يشرب منها يشرب بها زي ما اقولك انا اكلت بالمطبخ يعني ايه يعني هناك يعني بيروحوا هناك ويعدوا بقى يسقوا ويشربوا ويمسكوا من التسنيم العصاير يعني زي جو المحلات كده اللي تلاقي الشباب جاي بعربياته وتلاقي الشباب بيحب جو المحلات دي اكتر من الاكل اللي فيها وفي ناس بتروح عشان جو البهجه هناك اكتر من طعم الاكل اللي فيها جو البهجه يا جماعه على سر ر متقابلين قاعدين مع بعض بنحب بعض قصص حب مهوله وايه ورحلات زي ما انت عايز ونطلع رحلات وحفلات وحفلات شوي النهارده عازمين العشره المبشرين بالجنه لا بكره عازمين شريش العابد لا بعده هانعزم مصعب لالالالا انا لو عليا انا هاعزم مصعب اول واحد اذا كان الواحد بيحبه اوي من الوقتي امال لما ندخل الجنه ان شاء الله معاهم هانعمل ايه قصص حب انما حب , الشلل الوقتي الشلل بالله عليكوا اول ما الشاب يسيبهم ويمشي تبدا التريقه والغمز واللمز واي حاجه تفرقهم لو بنت دخلت ما بينهم تفرقهم لو دخلوا كليات مختلفه يتفرقوا لو دخلوا وظائف مختلفه بعد الكليه يتفرقوا لو واحد منهم سقط سنه ولا سقط يتفرقوا اي حاجه تفرقهم مهواش حب حقيقي انما ارض الحب الحقيقيه ده لسه قصص الحب كتيييييييييير حب الله ياااااه يا جماعه ده حب الجنه دي ارض حب مهوله الدنيا دية اهلها لسه معرفوش الحب لغاية دلوقتي
بس للاسف في ارض تانيه ارض تانيه اسمها النار ارض الكراهيه كلها قصص كره زي ما الجنه كلها قصص حب دي كلها قصص كراهيه كل حاجه بتكره العاصي اللي بيدخل فيها اهل النار بيكرهوا بعض قصص كراهيه "رَبَّنَا أَرِنَا الَّذَيْنِ أَضَلَّانَا مِنَ الْجِنِّ وَالْإِنسِ نَجْعَلْهُمَا تَحْتَ أَقْدَامِنَا " فصلت :29, يارب ننزلهم تحت رجلينا ندوس عليهم بجذمنا "لِيَكُونَا مِنَ الْأَسْفَلِينَ " فصلت :29 بيقولوا كده فين وهما في زنزانه في النار زنازين النار ايه "وَإِذَا أُلْقُوا مِنْهَا مَكَاناً ضَيِّقاً " الفرقان :13 , ده هيه زنزانه ضيقه وكمان بيتحشروا فيها كمان ورا بعض كلما كل ما يدخل فوج الفوج اللي بعده يلعنه والفوج ال يعني افواج ورا افواج في زنزانه ضيقه والجدران نار والحيطه نار والارض نار الجمره اللي في الارض الجمره من النار لو لمست رجلين العاصي دماغه تغلي منها مش الرسول قال ان ابو طالب عذابه في النار جمره جمره عند رجليه بيغلي منها دماغه جمرة النار امال قاعد على ارض النار والجدران نار والشباك مش بيجيب هوا ده بيجيب ريح السموم اللي بتتسمم بيها كل خليه من خلايا الجسم اللي بتدخل في كل خليه الواحد يحس ان جسمه مولع والعياذ بالله يبقى الاخلاء اهم يا جماعه اهل النار بيكرهوا بعض وكره الله ربنا بيكره اللي في النار "لَمَقْتُ اللَّهِ أَكْبَرُ مِن مَّقْتِكُمْ أَنفُسَكُمْ " غافر :10 , ده كمان ايه بيكره نفسه ده اللي في النار ده بيكره نفسه لما يلاقي نفسه في تابوت من جمر من نار لوحده انت اللي جبتيني هنا يكره نفسه ياااه نفسه بتكرهوه وربنا بيكرهوه واصحابه بيكرهوه "الْأَخِلَّاء يَوْمَئِذٍ بَعْضُهُمْ لِبَعْضٍ عَدُوٌّ إِلَّا الْمُتَّقِينَ " الزخرف:67 , كانوا شلة اصحاب راكبين في عربيه الولد يحط شريط الاغاني وبعد كده يشتغل يخلص يقوم شايله وحاطط شريط تاني يخلص يشيله ويحط شريط تالت فافتكر كده اشمعنى انا اللي اخد السيئات فقام قايل لاصحابه حطوا انتوا الشريط قالولوا لاءا انت اله يعني انا اتشاكلوا مع بعض يا جماعه اتشاكلوا مع بعض من الدنيا بس وهما لسه مش قدام ربنا امال لو قدام ربنا هيولعوا في بعض والحبيبه الحبيبه اخرتهم ايه في النار اسمع الايات اللي تزلزل القلب "تَبَّتْ يَدَا أَبِي لَهَبٍ وَتَبَّ مَا أَغْنَى عَنْهُ مَالُهُ وَمَا كَسَبَ سَيَصْلَى نَاراً ذَاتَ لَهَبٍ وَامْرَأَتُهُ " المسد 2: 3: 4 , حبيبته حبيبته اهوه مراته وحبيبته شوفوا بقى الزوج وزوجته والحبيب وحبيبته امراته مالها يارب "حَمَّالَةَ الْحَطَبِ " المسد :4 الحطب ده الحطب ده اللي بيتولع بيه في اهل النار هيه بتشيل الحطب ليه مذكرش في السوره غير جوزها عشان تولع بيه في جوزها طب ليه يارب امر مش انتوا كنتوا الاتنين بتحبوا في معصيتي مش انتوا الاتنين كنتوا بتحبوا بعض وبتتامروا على الدين اله يبقى في النار ايه اللي بيحصل امراته حمالة الحطب تخيل لما نهاية قصة الحب تبقى بالمنظر ده اما نهاية الحبيبه تبقى بالمنظر ده ده مش كده ده الرسول بيكره العاصي من قصص الكراهيه لما العاصي يجيله يقوله سحقا سحقا اتسحق بس ابعد عني الملايكه بتكرهوه وهي طالعه بروحوه محدش يرضى يفتح له ابواب السما ابدا وكلهم يقولوله ما هذه الرائحة المنتنه ايه الريحه دي ريحة المعصيه الملايكه ترد عليهم باسوء اسم كان بيكره يسمعوه في الدنيا ليه بتكرهوه عايزه تغيظوه عايزه تحرق قلبه ده مش بس كده يا جماعه ده النار بتكرهوه النار هيه النار دي كائن حي النار دي كائن حي النار "إِنَّ جَهَنَّمَ كَانَتْ مِرْصَاداً " النبأ :21 , مرصاد يعني اول ما العاصي بيطلع من القبر رصداه من بعيد هوه مش واخد باله بس هيه رصداه واول ما ييجي يقرب هوه لسه بعيد عنها "إِنَّهَا تَرْمِي بِشَرَرٍ كَالْقَصْرِ " المرسلات :32 , من كتر كرهها ليه عايزه توديله النار بتاعتها من بعيد لدرجه "إِذَا رَأَتْهُم مِّن مَّكَانٍ بَعِيدٍ سَمِعُوا لَهَا تَغَيُّظاً وَزَفِيراً " الفرقان :12 , تزفر عشان توصل لهم حرها لغاية المكان اللي هما فيه بعيد عايزه تحسسهم بنارها من بعيد ولما ييجي يقرب شويه ممكن تطلع لسان نار تبلعه جواها ولو جه جمبها تشهق بقى هوه ربنا قال ان النار بتشهق ليه عشان تبلعه لاعمق حته فيها ولما بيدخل جواها ده النار يا جماعه بيحطم بعضها بعضا امال اللي بيتحط جواها يحصله ايه ولما تخلص جوه تقول لربنا "هَلْ مِن مَّزِيد " ق :30 كمان يارب كمان (هل) يعني بتطلب بتقدم طلب لله كمان يارب كمان كمان ده علينا احنا عايزه كمان اللي بعده يارب ليه اصل النار دي عبد زيها زيك عبادته ان هيه تعذب العصاه اول يوم النار هتعبد فيه ربنا يوم القيامه فهيه ما سدات ان هيه تعبد ربنا عايزه اعبدك كمان يارب هات كمان عشان اعبدك يارب يبقى العاصي جوه النار ربنا كارهوه والملايكه كارهاه والرسول كارهوه والنار كارهاه والحبيبه كارهين بعض واصحابه كارهينوه واهل النار كارهين بعض وهوه كاره نفسه وجسمه اللي بيتعذب كارهوه , ما هو لو انت شهدت على واحد شهاده هيدخل بيها السجن عشر سنين تبقى بتحبه تبقى بتكرهوه ما بالك لو شهدت عليه شهاده توديه سجن جهنم ايديك اللي بتعصي بيها ربنا تكرهك عينك اللي بتبص بيها للحرام تكرهك لسانك اللي بتنطق بيه الحرام يكرهك ودنك اللي بتسمع بيها الحرام تكرهك يبقى جسمه بيكرهوه وهوه بيعصي بيه ربنا سبحانه وتعالى ليه عشان ايه ايه اللي يستاهل انا قولتلكوا ارض الحب وجبتلكوا بعدها ارض الكراهيه عشان كل واحد منكوا يشوف هوه عايز ايه عايز قصص الحب اللي قلب بيتقطع لما يسمعها في الجنه حياة الحب وحياة السعاده وحياة البهجه ولا عايز قصص الكراهيه والبؤس والشقاء اللي في النار عشان ايه يا جماعه عشان ايه عشان سراب سراب الدنيا دي سراب "أَعْمَالُهُمْ كَسَرَابٍ بِقِيعَةٍ يَحْسَبُهُ الظَّمْآنُ مَاء " النور :39 , الشباب الوقتي بيحسبوا السراب مياه يااااااه يا اخي في الله يا حبيبتي في الله يا حبيبي في الله يا جماعه القهوه والنادي ووقفات الجامعه كل ده سراب اللي بيدور على السعاده في الاماكن دي بيدور على السراب مش هتاخد حاجه من وراها خدوا ايه اللي خدوا الدنيا اللي خدوا الشهره اخرتها كانت ايه واللي خدوا الفلوس اخرتها كانت ايه تعرفوا بنت اوناسيس بنت اوناسيس اللي كان اغنى واحد في العالم ورثته بنته الوحيده وخدت كل ورثه اخرتها كانت ايه كان معاها اموال لو اتوزعت على فقراء العالم كله كانت غنتهم اخرتها كانت ايه اتجوزت اربع رجاله كل واحد بتدور معاه على السعاده منهم واحد شيوعي راحت شقته بقت تمسحله البلاط وتغسل له المواعين وتطبخ له وتكنس له بتدور على السعاده يمكن تلاقيها وفي الاخر ماتت منتحره لما ياست ان في سعاده في الدنيا
تعرفوا مارلين مونرو مين فينا اللي يوصل مين في الاخوات يعني ربنا يعافينا يارب مين واحده في مصر دي كلها توصل للشهره اللي هيه وصلتلها في العالم وبعد كده في الاخر بنت بعتت لها قالتلها انا نفسي ابقى زيك ابقى زيك ازاي الورقه لغاية الوقتي عاينينها في المتحف البريطاني بعتت لها جواب ترد عليها قالت لها انا اتعس امراه في العالم انا اتعس واحده في العالم اوعي تدخلي السكه دي ايه ده؟ مش دول اللي خدوا الدنيا دنية ايه يا ابني منا قولتلك انها سراب يحسبها الظمآن ماء بنحسبها مياه يا جماعه لغاية ما تطلع روحنا وراها واول ما نوصل نكتشف انها كانت سراب افرايت افرايتم افرايتي "أَفَرَأَيْتَ إِن مَّتَّعْنَاهُمْ سِنِينَ " الشعراء :205 , متعناهم سنيييين لو مسك كل الموبايلات وطلع كل الرحلات ومشي مع كل البنات وحصل كل المراكز وبقى عنده شركات ومراكز وشهادات وعاش حياته كلها بالطول والعرض وسمع كل الاغاني وبص على اللي نفسه فيه وقال اللي نفسه فيه وسمع اللي نفسه فيه وكل اللي نفسه فيه ولبس اللي نفسه فيه وركب اللي نفسه فيه "أَفَرَأَيْتَ إِن مَّتَّعْنَاهُمْ سِنِينَ ثُمَّ جَاءهُم مَّا كَانُوا يُوعَدُونَ" الشعراء :205 :206 , جالهم عذاب القبر وجالهم عذاب القيامه وجالهم العقوبه على معصيه معصيه في النار ياااااه "مَا أَغْنَى عَنْهُم مَّا كَانُوا يُمَتَّعُونَ "الشعراء :207 ده غمسه واحده في جهنم بتنسي انعم اهل الارض كل النعيم اللي داؤه بتجيب له فقد ذاكره كلي لتاريخه كله اللي على الارض غمسه واحده من النار يا جماعه عشان ايه عشان ايه نعصي ربنا عشان ايه ندي ظهرنا لربنا سبحانه وتعالى ايه اللي يستاهل ده الجنين وهوه داخل الدنيا بيبقى مكلبش قابض ايديه كده هوه تلاقيه قابض ايديه يعني تفكها له عشان يفكها والواحد مننا بيموت تلاقيه فاتح ايديه كانه وهوه داخل كان مكلبش فيها وهوه خارج بيقول انا مخدتش منها حاجه طلعت سراب انا ضيعت عمري كله ورا سراب وفي الاخر مخدتش منها حاجه ده مش سراب لاء ده عذاب عشان ايه نعيش في العذاب في الدنيا قبل الاخره عشان ايه "وَمَنْ أَعْرَضَ عَن ذِكْرِي" طه :124 , اللي هيدي ظهره ليا اللي هيدي ظهره لربنا اللي مش هيبقى بيت ربنا هوه الماوى بتاع قلبه وقلبه يعلق بيه في الدنيا "فَإِنَّ لَهُ مَعِيشَةً ضَنكاً وَنَحْشُرُهُ يَوْمَ الْقِيَامَةِ أَعْمَى قَالَ رَبِّ لِمَ حَشَرْتَنِي أَعْمَى وَقَدْ كُنتُ بَصِيراً قَالَ كَذَلِكَ أَتَتْكَ آيَاتُنَا فَنَسِيتَهَا وَكَذَلِكَ الْيَوْمَ تُنسَى " طه :124 :125:126 وكذلك اليوم تنسى تستحملها دي قلبك يستحملها لو ربنا قالها لك وكذلك اليوم تنسى ياااه يارب انت هتنساني هتسيبني يارب هتسيبني في الاخره ده انا مكنتش استحمل انك تسيبني في الدنيا استحمل انك تسيبني في الاخره انت اللي اخترت ان الدنيا المعيشه الضنك المعيشه الشقاء المعيشه اللي كلها عذاب الشاب النهارده ارفان ليه يا ابني مشكله مع ابوه بكره ارفان ليه يا ابني مشكله مع اصحابه بعده ارفان ليه يا ابني اهوه متضايق وخلاص هوه ارف ولا بسبب ده ولا ده ولا ده هوه ارفان لانه بعيد عن ربنا لان فطرته بتصرخ فيه من جواه انا ليا غذاء زي ما جسمك له غذاء غذيني بالقران غذيني بالصلاه غذيني بالتوبه الى الله هنعمل ايه يا جماعه عشان ايه ايه اللي يستاهل ادي ارض الحب وادي ارض الكره ادي ارض المتعه وادي ارض العذاب ادي ارض النعيم وادي ارض الجحيم ايه اللي يستاهل هنختار ايه من الوقتي احنا لسه في رمضان اهوه ولسه التمن ابواب بتوع الجنه مفتوحين على مصراعيهم ولسه ابواب النار السبعه مقفوله انما كلها تلات اربع ايام وابواب الجنه هترجع تاني وابواب النار هتتفتح تاني وابواب السينيمات هتتفتح تاني وابواب النادي هتتفتح تاني وابواب الشهوات هتتفتح تاني وبعدها هنعمل ايه ابواب المساجد هتفضل مفتوحه هنفضل مع ربنا ولا بعد رمضان هنقول خلاص يارب نقابلك السنه الجايه
اقول قولي هذا واستغفر الله لي ولكم .
:lll:
،،،،،،
تعليق