إعـــــــلان

**قدوتي أمهات المؤمنين** · 10-01-2016, 04:47 PM

رد: ::/* اللقاء الأول _ تأملات في سورة الحجرات _ الشيخ شوقي عبد الصادق _ كل ما يخص اللقاء */ ::

جزاكم الله خيرا

**يسرا. أحمد** · 10-01-2016, 05:08 PM

رد: ::/* اللقاء الأول _ تأملات في سورة الحجرات _ الشيخ شوقي عبد الصادق _ كل ما يخص اللقاء */ ::

جزاكم الله خيرا

***أمة الرحيم*** · 10-01-2016, 11:56 PM

رد: ::/* اللقاء الأول _ تأملات في سورة الحجرات _ الشيخ شوقي عبد الصادق _ كل ما يخص اللقاء */ ::

جزاكم الله خيرًا

**فخورة_بنقابى** · 11-01-2016, 07:56 PM

رد: ::/* اللقاء الأول _ تأملات في سورة الحجرات _ الشيخ شوقي عبد الصادق _ كل ما يخص اللقاء */ ::

سورة الحجرات
اللقاء الأول

الشيخ شوقي عبد الصادق

الحمد لله والصلاة والسلام على سيدنا رسول الله صلى الله عليه وسلم ، وعلى آله وصحبه ومن والاه ، وبعد ، نغوص بعقلية تأديبيةٍ تربويةٍ حول تأملات في سورة الحجرات ، سورة الحجرات من السور المدنية المباركة والقرآن كله مبارك ، هذه الصورة فيها من الآداب ما فيها التي لو طبقها المسلمون لسعدوا في دنياهم وأخراهم ، ولابد أن نتدبر القرآن كله من أوله إلى آخره لقوله تعالى :" أَفَلا يَتَدَبَّرُونَ الْقُرْآنَ وَلَوْ كَانَمِنْ عِنْدِغَيْرِ اللَّهِ لَوَجَدُوا فِيهِ اخْتِلافًا كَثِيرًا(82) النساء ،

أول درس من دروس التدبر في هذه السورة المباركة آداب أدب الله سبحانه وتعالى بها المؤمنون ، هذا الأدب يدور حول ثلاث عناصر ،

العنصر الأول :: اِتبع نبيكَ تَكُن مؤمنًا ،

بدأ الله سبحانه وتعالى هذا الأدب بقوله " يَا أَيُّهَا الَّذِينَ آمَنُوا لا تُقَدِّمُوا بَيْنَ يَدَيِ اللَّهِ وَرَسُولِهِ وَاتَّقُوا اللَّهَ إِنَّ اللَّهَ سَمِيعٌ عَلِيمٌ " 1) ، لا تقدموا بين يديّ الله ورسوله ،

لما تقرأ القرآن تجد فيه آيات وسور أمر الله فيها بالتقديم

فقال تعالى :" يَا أَيُّهَا الَّذِينَ آمَنُوا إِذَا نَاجَيْتُمُ الرَّسُولَ فَقَدِّمُوا بَيْنَ يَدَيْ نَجْوَاكُمْ صَدَقَةًۚ" 12 المجادلة ،

فقدموا بين يديّ نجواكم صدقة هذا هو الشاهد ،

وفي سورة البقرة أمر الله سبحانه وتعالى بمعاشرة النساء الحلال فقال :" نِسَآؤُكُمْ حَرْثٌ لَّكُمْ فَأْتُواْ حَرْثَكُمْ أَنَّى شِئْتُمْ وَقَدِّمُواْلأنفسكم " البقرة 223، أي قدموا ذرية صالحة تنفعكم في حياتكم وبعد موتكم ، قدموا لأنفسكم ،

إذًا فيه مواطن يأمر الله سبحانه وتعالى فيها بالتقديم ، قدم صدقة ، قدم ذرية صالحة ، قدموا

، أما في هذا الموطن فنهى الله عز وجل عن التقديم وقال :" يَا أَيُّهَا الَّذِينَ آمَنُوا لا تُقَدِّمُوا " إذًا يأمر بالتقديم وهنا ينهى عن التقديم ، لا تقدموا ، ثم قال " لا تقدموا بين يديّ الله ورسوله " ولم يقل ربنا سبحانه وتعالى لا تقدموا ماذا ؟ أمر بتقديم الصدقة ، أمر بتقديم الذرية وهنا نهى عن التقديم ، نهى عن تقديم إيه؟ سكت القرآن فلم يفصح ما هو الشيء الذي نهانا الله سبحانه وتعالى عن تقديمه ، ما هو الشيء الذي نهانا الله عن تقديمه ؟ لم يذكره ، وعدم ذكر الشيء المنهي عن تقديمه غاية البلاغة ، وكمال البلاغة ، لماذا ؟ لأنه يشمل كل أمر من أقوال وأفعال وهيئات وحركات ، وحالات ، كل شيء منهي عن تقديمه شملته هذه الآية ولذلك لم يفصح القرآن لا تقدموا إيه ؟ يعني كأني أقول لا تقدموا كذا ، لا تقدموا منكرًا ، لا تقدموا فاحشًة ، إنما قال لا تقدموا وسكت ، ليشمل جميع أنواع التقديم ، فالله عز وجل حدَّ حدودًا واللي هيعدي بعد هذا الحد يبقى قدّم ، ما هو قدَّم يعني إيه ؟ يعني سبق ، يبقى فيه حد والله سبحانه وتعالى حده واللي يعدي عن هذا الحد يبقى سبق يبقى تقدم ، لا تقدموا يعني لا تسبقوا ، بينن يددي الله ورسوله ، يبقى الله ورسوله صلى الله عليه وسلم حدَّ حدودًا لا يجوز أن نتعداها ، طبعًا مع ضرب الأمثلة السورة هتتضح أكثر ، القرآن ذكر حدودًا ، يعني مباشرة الزوجة مثلًا ، قال تعالى :" وَلَا تُبَاشِرُوهُنَّ وَأَنتُمْ عَاكِفُونَفِيالْمَسَاجِدِۗتِلْكَ حُدُودُ اللَّهِ " 187 البقرة ، يبقى حدّ أهو ، تلك حدود الله ، لا يجوز المباشرة في المسجد ، وأنتم عاكفون ، الله عز وجل حدّ حدًا في الزوجة التي تُطلَق ثلاثًا ، لا يمكن أبدًا أن ترجع للزوج الأول إلا بعد أن تنكح زوجًا غيره ويطلقها الزوج الثاني أو يموت عنها فقال تعالى : "فَإِن طَلَّقَهَا فَلَا تَحِلُّ لَهُ " البقرة 230 ، أي لمين ؟ للزوج الأول " حتى تنكحَ زوجًا غيره " وقال بعدها إيه ؟ " تلك حدودُ الله " طب هقدم إزاي بقى ؟ فيه حد هنا وعاوز اتقدم عليه والقرآن قالي اوعى تتقدم ، التقدم إن نا أعمل نوع من التحايل يبقى بخدم صاحبي بخدم حد يهمني ، بعمل إيه ؟ بعقد على زوجته وأحللهاله عشان ترجع له وأحللهاله عشان تبقى كده اسمها إيه ؟ نكحت زوجًا غيره ، ومحصلش نكاح أصلًا كله حبر على ورق وعملنا أي حركة للتحليل عشان إيه؟ عشان ترجع للزوج ، فأنا قدمت بين يديّ الله ورسوله تعديت الحد ، لأن الآن حتى تنكح ، يعني تنكح نكاحًا صحيحًا ، ينكحها زوجًا غيره ينكحها زوجًا غيره نكاحًا صحيحًا يبقى أنا كده قدمت ، والتقديم يا إخوانا بإختصار كده ، التقديم بين يديّ الله ورسوله صلى الله عليه وسلم معناه استحسان ، ممكن تستحسن الشيء وتقدمه يعني إنت تؤلف عبادة ، تزود عبادة أو تعمل شيء ومتخالفش فيه النص بس تخالف من ناحية تانية ، زي إيه مثلا ؟ نضرب مثال في المواريث ، وفيها تقديم ، ربنا سبحانه وتعالى لما اتكلم عن المواريث قال :" تِلْكَ حُدُودُ اللَّهِ وَمَنْ يُطِعِ اللَّهَ وَرَسُولَهُ يُدْخِلْهُ جَنَّاتٍ تَجْرِيمِنْتَحْتِهَا الأَنْهَارُ خَالِدِينَ فِيهَا وَذَلِكَ الْفَوْزُ الْعَظِيمُ(13) النساء ، قال " تلك حدود " لو افترضنا أب قسِّم الميراث وادى الذكر مثل حظ الأنثيين وبالعدل وادى الزوجة التمن وقسِّم الميراث كله تمام ومخالفش النص اللي هو إيه ؟ الأنصبة ، هل قدَّم بين يديّ الله ورسوله صلى الله عليه وسلم ولا مقدمشي ؟ قدَّم ! قدَّم إزاي ؟ إنه قسم التركة قبل يه ؟ قبل وقتها ، لأن التركة لها وقت لأن كل آيات المواريث تقول " مما ترك " " مما ترك " " مما تركنا " " مما تركتم " يعني تمشوا الأول تموتوا وبعدين إيه؟ تتركوا ، هو ده اللي إيه ؟ بيتقسِّم ، فهنا قدَّم بين يديّ الله وهو قسِّم بالأنصبة صح بس خلاها قبل إيه ؟ معادها يبقى قدَّم بين يديّ الله ورسوله صلى الله عليه وسلم ، الله سبحانه وتعالى حضَّ في الزوجة اللي زوجها يظاهر منها " الَّذِينَيُظَاهِرُونَمِنكُم مِّننِّسَائِهِم " المجادلة 2 ، طالما قالها أنت عليّ كظهر أمي ، يبقى عليه كفارة الـ إيه ؟ كفارة الظهار ، قبل إيه ؟ قبل ما يتماسا ، فقال تعالى :" فمن لم يجد فصيام شهرينِ متتابعينِ من قبلِ أن يتماسَّا فمن لم يستطع فإطعام ستين مسكينًا ذلك لتؤمنوا بالله ورسوله وتلك " إيه ؟ حدودُ اللهِ ، يبقى متتعداهاش ، يبقى لا يمكن تمسها حتى لو حد شايفك ، ما ممكن في البيت ، هو حد شايفك في البيت ؟ متمسهاش حتى إيه ؟ تكفر ، ممكن تقدم بين يديّ الله ورسوله صلى الله عليه وسلم طاعة ، إزاي ؟ الرسول عليه الصلاة والسلام أّذِن بين يديه ، بلال أَذن وابن أم مكتوم رضي الله عنهما أذنوا بين يديّ النبي صلى الله عليه وسلم ، قدامه وهو سامع الأذان وشايفهم ، ييجي واحد بعد ما خلص الأذان المشروع بـ لا إله إلا الله ، يقوم يقعد يقول إيه ؟! الصلاة والسلام عليك يا سيدي يا رسول الله ، الصلاة والسلام عليك يا أول خلق الله ، يا نور عرش الله ، كل الكلام ده زيادة وتقديم بين يديّ الله ورسوله صلى الله عليه وسلم ، خلاص الأذان حده هنا عند لا إله إلا الله ، هتزود ؟! يبقى إنت في الحالة دي إيه؟! قدمت بين يدي الله ورسوله صلى الله عليه وسلم ، مات ميت " وإذا مات ابن ءادم انقطع عمله إلا من ثلاث وذكر ولد صالح يدعو له " جه الولد الصالح ، عاوز يعمل حاجة صالحة لأبيه الرسول مشرعهاش ، قال من صدقة جارية وعلم يُنتفع به ، وولد إيه ؟ صالح يدعو له ، الولد الصالح قال هيعمل ختمة لأبيه أو لأمه أو لأخيه أو لإبنه ، يبقى هنا قدَّم بين إيه؟ يديّ الله ورسوله صلى الله عليه وسلم ، لأن فيه حدّ أهو ، بينتفع بكذا وكذا وكذا ، قال طب هنفعه بكذا ! هنفعه بحاجة كمان ، ممكن التقديم بين يديّ الله ورسوله يكون بهيئة ، ييجي الرسول عليه الصلاة والسلام حطلنا هيئة ومنظر معين وشكل معين ، آجي نا بقى أعمل إيه ؟ زي نظام الختمة والحاجات دي و الخميس و الأربعين ، الرسول عليه الصلاة والسلام قال في الحديث المتفق عليه عن عائشة رضي الله عنها " من أحدث " جديد أهو ، حاجة جديدة في العبادات ، " في أمرنا ما ليس منه فهو رد " يعني قرايتك القرآن لأبيك دي مردودة ، أي حاجة تعملها مش موجود فيها نص بتبقى إيه ؟ مردودة . ، ممكن هيئة الإنسان ، الرسول عليه الصلاة والسلام له هيئة ، والصحابة رضوان الله عليهم لهم هيئة ولهم شكل ، ولهم حتى طريقة في الحلاقة ، آجي أنا أعمل يه بقى ! أقوم معدي الحدّ ده وأحلق حلقة على مزاجي ، حلقة في الكتالوج ، حالقة موجودة عند الحلاق من الكتلوج ، الحلاق عنده كتالوج ، تنقي نت الحلقة اللي إيه ؟ تعجبك ، إنت متنقيش الحلقة ، لازم تشوف رسولك صلى الله عليه وسلم كان بيحلق إزاي ، رسولك صلى الله عليه وسلم كان بيقص شعره إزاي؟ لأن هو ده الحد اللي حده إيه ، الرسول عليه الصلاة والسلام ، ييجي في الحديث المتفق عليه عنن ابن عمر رضي الله عنهما قال :"إن رسول الله صلى الله عليه وسلم نهى عن القزع ، نهى عن القزع ، الرسول عليه الصلاة والسلام نهى عن إيه ؟ نهى عن القزع ، إيش القزع ؟ يحلق بعض الرأس ويشيل بعضه ، طب بتعمل كده ليه ؟ يبقى قدَّم بين يديّ الله ورسوله صلى الله عليه وسلم ، بيصلي وبيحافظ على الصلاة ومفيش أي مشكلة ، لكن هيئته ليست كما يريد النبي صلى الله عليه وسلم ولا هيئة النبي صلى الله عليه وسلم ، لو رسول شال العمامة أو كشف رأسه هتجد رأسه كلها إيه ؟ مستوى واحد ، سواء ، ذا كان محلوق يبقى محلوق ، مقصر الشعر يبقى مقصر ، كله مساء واحد ، فالرسول عليه الصلاة والسلام هكذا هيئته إذا قص شعره قصه بهذه الصورة ، فأنت متقصوش بقى إيه ، بطريقة تانية وتستحسنها ، لأن تُقَّدِم يبقى إنت بتستحسن ، بتستحسن الهيئة أو أقوال و أفعال أو عبادات ، لبس النبي صلى الله عليه وسلم له هيئة أن يكون لباسه ساتر لعورة غير مجسم ، وغير كذا وغير كذا .

العنصر الثاني من هذا التأمل في الدرس الأول من سورة الحجرات المباركة " اخفض صوتك للسُنة _ تفُز بتمام المنة " تمام المنة الله عز وجل له المنة العظمى على عباده ، فكل ما تتبع النبي صلى الله عليه وسلم ، وتخفض صوتك للسُنة وتطأطئ رأسك ، حتى لو منفذتش ، فرق كبير جدًا بين إنك تعترض حتى لو نفذت وإنك تسكت وبدون تنفيذ ، الذي يسكت ولا ينفذ مؤدب مع الله ورسوله صلى الله عليه وسلم ، والذي ينفذ بعد الجدل ، مخاصم لله ولرسوله صلى الله عليه وسلم ، يعني حتى لو منفذتش! أنا لا أدلك إلى عدم التنفيذ ، لأ أنا أنصحك بالتنفيذ بس عندما تجد شيء في السُنة وإنت مش قادر تقيمه ، متعترضش لأن الاعتراض دي جريمة كُبرى وأمر آخر ، يعني إنت مش هتنفذ ومع ذلك بتعترض ! وذلك انظر إلى هذا الأدب في قوله تعالى :" إِنَّ الَّذِينَ يَغُضُّونَ أَصْوَاتَهُمْ عِندَ رَسُولِ اللَّهِ أُوْلَئِكَ الَّذِينَ امْتَحَنَ اللَّهُ قُلُوبَهُمْ لِلتَّقْوَى " الحجرات 3 ، يغضون أصواتهم يعني إيه ؟ إوعى تكون فاهم غض الصوت ، إنك في مسجد النبي صلى الله عليهى وسلم بس يكون صوتك منخفض وأي مكان بقى تجعجع وتشوح وتعترض وتتمرد ! لا ، تغض صوتك في جميع الأحوال ، عندما تسمع قال الله قال رسوله صلى الله عليه وسلم ، تخرس ، تسكت ، لا تجادل ، إنما تستفهم ماشي ، تستفهم ، تطلب بيان ، تطلب توضيح ، تطلب تفسير ، أه ، إنما تُجادل لا " إِنَّ الَّذِينَ يَغُضُّونَ أَصْوَاتَهُمْ عِندَ رَسُولِ اللَّهِ" وكلمة عند ، رسول الله عليه الصلاة والسلام كده كأنه موجود على الكوكب الأرضي كله ، لو انت في روسيا عندك بردو مين؟ رسول الله صلى الله عليه وسلم ، في أمريكا عندك رسول الله ، في جنوب فريقيا عندك رسول الله عليه الصلاة والسلام ، في المسجد النبوي عندك رسول الله صلى الله عليه وسلم ، في أي مكان إنت مسلم ، يبقى عندك إيه ؟ رسول الله عليه الصلاة والسلام ، إوعى تفكر بقى إن الرسول فيه من صفات الله وأنه موجود بكل مكان ! لأه ، " يغضون أصواتهم عند رسول الله " لأن كل مكان فيه سُنة للنبي صلى الله عليه وسلم ، فيه قال الله ، قال رسوله صلى الله عليه وسلم ، يبقى الرسول عليه الصلاة والسلام موجود في هذا المكان ، وإن شاء الله هو موججود بهذا المكان بعز عزيز وبذل ذليل ، موجود في كل مكان ! مش بذاته ، لا :: علمه ، سنته الخير الذي تركه النبي صلى الله عليه وسلم ، " يغضون صواتهم " انظر سبب نزول الآية إيه ؟! ...
سبب نزول الآية : أورد البخاري رحمه الله عن ابنِ أبي مُليكة قال ، " كاد الخَيْرَانِ " اللي هما أبو بكر وعمر رضي الله عنهما أن يهلكا ، كاد الخيران أن يهلكا ، لما قدم على رسول الله صلى الله عليه وسلم وفد بني تميم ، الوفود دي جاءت في السنة التاسعة من الهجرة ، ويُفهم من هذا أن سورة الحجارات من آخر ما نزل القرآن ، يعني من السور الإيه ؟ يعني من السور الأخيرة في النزول في المدينة سنة 9 من الهجرة ، النبي عليه الصلاة والسلام تُوفي في أول العام الحادي عشر شهر ربيع الأول ، الوفود جاءت فوفد بني تميم أراد الرسول عليه الصلاة والسلام أو رشح لهم من يتولى أمرهم بعد أن يعودوا من عند الرسول صلى الله عليه وسلم ، أشار أحد الرجلينِ الخيرينِ بالأقعر بن حابس التميمي وأشار الآخر بغيره ، يبقى يبدوا والله أعلم إن اللي أشار بالأقرع مين ؟؟ أبو بكر رضي الله عنه ، وأشار الآخر بغيره يعني أشار من؟ يعني أشار من ؟ عمر للأقرع بن حابس ، فقال أبو بكر رضي الله عنه لعمر إنما ردت خلافي ! إنت عاوز بس إيه ؟! تعارض وخلاص ! جبهة معارضة يعني ، إنما أردت خلافي ، فقال عمر رضي الله عنه :" ما أردت خلافك " فارتفعت أصواتهم، يعني كأن إيه ؟ إن سيدنا بو بكر بيقول لأ إنت أردت خلافي ، فيقوله ما أردت خلافك ، لأ إنت أردت ! كده يعني ، فارتفعت إيه ؟ أصواتهم ، في حضرة من ؟ في حضرة رسول الله صلى الله عليه وسلم ، فنزلت الآية " لا ترفعوا أصواتكم فوق صوت النبي " " إن الذين يغضون أصواتهم عند رسول الله ، يه اللي يحصل بعد كده بقى ؟ بعد ذلك كان عمر رضي الله عنه إذا أراد أن يكلم النبي صلى الله عليه وسلم في أمر ، يكلمه كأخي السِرار ، يعني كلمه في إيه ؟ في أذنه ، في أذنه ، لدرجة إن النبي صلى الله عليه وسلم كان يغيب عنه كلام كتير من كلام عمر رضي الله عنه فيستفهمه ، يقوله بتقول إيه ؟ تقصد إيه ؟ يقوم عمر رضي الله عنه إيه ؟ يوضح شوي انظر إلى هذا الأدب " لا تَرْفَعُوا أَصْوَاتَكُمْ فَوْقَ صَوْتِ النَّبِيِّ " رفع الصوت يا خوانا في الحالة دي في سبب النزول مكنش اعتراض على النبي صلى الله عليه وسلم ، إنما هو خلاف في النقاش ، رفع الصوت حاليًا هو الاعتراض ، الاعتراض على السنة هو ده رفع الصوت في المقام الأول ، لأن مش كل الناس عايشة في المسجد النبوي ، إنما رفع الصوت في النسجد النبوي ده نوع من أنواع الرفع ، طيب هل كل المسلمين محصورين في المسجد ؟ لا طبعًا ، موجودين في أي مكان والآية بتخاطبهم في أي مكان ، لا ترفعوا أصواتكم فوق صوت النبي ، ، لما نزلت الآية " لا ترفعوا أصواتكم فوق صوت النبي " فيه سبب للنزول عرفنا إن هو إيه ؟ الخيران أبو بكر وعمر رضي الله عنهما ...
لما نزلت بقى شوف التعامل مع القرآن ولازم نكون زي الصحابي ده ، يعني لنا في هذا الصحابي رضي الله عنه أسوة حسنة ، أي آية في القرآن اعتبرها خاصة بك إنت ، نازلة لك إنت ، فيها وعيد يبقى بتتوعدك ، فيها وعد يبقى بتوعدك ، كأن مفيش حد في الكون إلا إنت ، ، نت اللي في الكون بس ، " يأيها الذين ءامنوا " يبقى مفيش حد في الوجود من الناس خالص مؤمن إلا إنت ، إيه المطلوب مني ؟ مطلوب منك 1 2 ، 3 ، 4 ، احذروا كذا ، يبقى التحذير دهو ليا أنا ، فيه تخويف ، التخويف دهو ليا أنا وهكذا ، فهذا الصحابي رضي الله عنه تعامل مع الآية دي بقى ، اسموا إيه الصحابي ؟ ثابت بن قيس رضي الله عنه ، نزلت الآية :" لا تَرْفَعُوا أَصْوَاتَكُمْ فَوْقَ صَوْتِ النَّبِيِّ وَلا تَجْهَرُوا لَهُ بِالْقَوْلِ كَجَهْرِ بَعْضِكُمْ لِبَعْضٍ أَن تَحْبَطَ أَعْمَالُكُمْ وَأَنتُمْ لا تَشْعُرُونَ" الحجرات 2 ، الصحابي جلس في بيت هذا ، ثابت رضي الله عنه جلس في بيته وقال أنا من أهل النار ، حبط عملي ، واحتبس عن النبي صلى الله عليه وسلم ، معدش بيروح يصلي جماعة ، ما عاد يذهب للمسجد ولا يصلي جماعة مع رسول الله صلى الله عليه وسلم ، فسأل عنه النبي صلى الله عليه وسلم سعد بن معاذ رضي الله عنه ، ويُفهم من هذا أو يؤخذ من هذا إن إمام الحي أو إمام الناس يتفقد الناس ، يخلص صلاة يبص في الناس ، من اللي حضر ومن اللي محضرش ؟ من اللي غاب ومن اللي مريض ، من اللي كذا ، من اللي كذا ، يتفقد الناس ، فسأل النبي صلى الله عليه وسلم سعد بن معاذ عن إيه ؟ عن ثابت رضي الله عنهما ، فقال يا أبا عمرو ما شأن ثابت ؟ اشتكى ؟ اشتكى يعني مريض ؟ فقال سعد رضي الله عنه إنه لجاري ، ده ثابت بن قيس جاري وما علمتُ له بشكوى ، معلوماتي إن هو مش مريض ، قال ، فأتاه سعد رضي الله عنه عشان يسأل عنه فذكر له قول النبي صلى الله عليه وسلم إن الرسول عليه الصلاة والسلام يقول كذا كذا ، فقال ثابت رضي الله عنه أُنزلت هذه الآية ولقد علمتم ، يعني يا صحابة رسول الله صلى الله عليه وسلم أني من أرفعكم صوتًا على رسول الله صلى الله عليه وسلم ، فأنا من أهل لنار ، فذكر ذلك سعد رضي الله عنه لرسول الله صلى الله عليه وسلم فقال رسول الله صلى الله عليه وسلم بل هو من أهل الجنة " متفقٌ عليه " ثابت رضي الله عنه ما كان يعترض على رسول الله صلى الله عليه وسلم لكن هو من الجِبلة التي جُبِل عليها ، من الخِلقة التي خُلِقَ عليها ، صوته أصلًا إيه ؟ رفيع أصلًا ، لو كان في مجلس وتكلم كل اللي في المجلس يعرفوا ن ثابت رضي الله عنه بيتكلم من صوته المميز فلما نزلت الآية " أَن تَحْبَطَ أَعْمَالُكُمْ" قال طيب ما هو أنا صوتي الوحيد اللي بيبقى باين في المجلس ، يبقى أنا كده حبِط عملي ، أنا من أهل النار في بعض الروايات بتقول إنه قال لأحد الصحابة أنا هدخل بيت الفرس أو قال لزوجته ، زوجته جميلة بنت عبدالله بن أُبي بن سلول ، قالها إن هو هيدخل بيت الفرس اللي هو زي الحظيرة ، أدخل بيت الفرس بتاعه أغلقي عليا الباب بالضبة ، بالضبة يعني إيه؟ تسمر الباب من بره ميخرجش ، يعني يا أموت أو يعفو عنه أو يغفر له رسول الله صلى الله عليه وسلم ... تأمل ! أنه رضي الله عنه نظر لهذا الأمر بهذه الحساسية وصمم إن هو ما يخرج لأنه صوته رفيع وكده ارتفع فوق صوت النبي صلى الله عليه وسلم فهو كده إيه .. حبط عمله ، فإذا برسول الله يرفع عنه ذلك الحرج ويقوله لا ما حبط عمله إنما هو من أهل الجنة ، وهذا الحديث نأخذ منه إن المبشرين بالجنة أكتر من إيه .. من عشرة ، العشرة المبشرين دول فيه حديث واحد آه ، لكن لما تعد المبشرين تلاقيهم مئات منهم ثابت هذا فهو من المبشرين بنص حديث رسول الله صلى الله عليه وسلم وكان يمشي بين الصحابة الكرام وهم يعلمون أنه من أهل الجنة .
أنا هضرب أمثلة بقى لرفع الصوت فوق صوت النبي صلى الله عليه وسلم عشان الصورة تتضح لخص كده رفع الصوت فوق صوت النبي معناه إيه ؟؟ معناه إنه اعتراض ، رفع الصوت نوع من الإيه ؟ من الاعتراض ، معترض ، معترض إمتى ؟ نص يأتيك مثلا أن النبي صلى الله عليه وسلم قال الحديث طويل شوية لكن هناخد الشاهد منه بس ، الرسول صلى الله عليه وسلم يقول : " ولا يخلون أحدكم بامرأة فإن الشيطان ثالثهما " إيه الاعتراض بقى ؟ واحد خاطب جديد آجي أقوله خلي بالك فيه محذور احذره لا تخلو بمخطوبتك .. ليه ! لأن الشيطان تالتكم ، يقول أومال أتعرف عليها إزاي ؟! يبقى كده عمل إيه بقى رفع صوته ، الرسول يقولك لا تخلو وأنت بتقول أومال أتعرف عليها إزاي ، كأن الحديث كان فيه حق لك والرسول ماقلهوش ، يقولك " ولا يخلون أحدكم بامرأة فإن الشيطان ثالثهما " والخلوة ، خلوة بالتليفون خلوة ، خلوة في الحديث خلوة ، خلوة في البيت خلوة ، خلوة في المواصلات خلوة ، كل دي خلوة طالما إن الناس لا يسمعون حديثك لا يعرفون المادة التي تتكلم فيها بتقولوا إيه بتتكلموا في إيه فأنت في خلوة ، لما آجي أقولك الرسول بيقول كده وتقول أومال أتعرف عليها إزاي وتتهم الإسلام بأنه كده جامد ويذكرلك حاجات بقى إن فلان لما خطب وماتعرفش على خطيبته كويس ما استمروش والزواج فشل لأنه ما أتعرفش عليها يبقى كده أنا لازم أتعرف طب أتعرف عليها إزاي قدام أهلها مش هعرف اتكلم مش هعرف أقولها كلمتين من اللي أنت عارفهم دول لإن هيبقوا سامعيني .. أهو ده الشيطان ثالثهما ، فلما يجيي الرسول صلى الله عليه وسلم يقول ما تخلوش بها ما تعترضش وتقول أومال أتعرف عليها إزاي ، ما أنتش قادر تقاوم ما تعترضش يعني قول أنا ضعيف قول نسأل الله سبحانه وتعالى أن يزود إيماني وإني معملش دي ، إنما تقول كيف أتعرف كأن الرسول فاته إنه يعرفك أومال صلاة الاستخارة لزمتها إيه صلاة الاستخارة اصلا ما اتصلتش ما انت لو صليت استخارة الله سبحانه وتعالى يقدمها لك هو الذي يقدم لك هذه الزوجة صلاة الاستخارة هو الذي قدمها لك لما تقول إن كانت خير لي في ديني ودنياي فيسره لي وقدره .. مش كده يبقى الله سبحانه وتعالى هو اللي هيعرفك بيها وهو الي هيغرس في قلبك حبها ويديم بينكما المحبة .
مثال تاني برده لرفع الصوت رفع الصوت على النبي صلى الله عليه وسلم أو على القرآن " لا تَرْفَعُوا أَصْوَاتَكُمْ فَوْقَ صَوْتِ النَّبِيِّ " دلوقتي بنرفع صوتنا بدره فوق صوت القرآن آجي مثلا أقولك الله سبحانه وتعالى يقول " يا أيها الذين آمنوا اتقوا وذروا ما بقي من الربا إن كنتم مؤمنين " ، وأقولك رسول الله صلى الله عليه وسلم يقول : "لعن الله آكل الربا وموكله وكاتبه وشاهديه وقال هم سواء" الحديث متفق عليه ثم تقول إيه بقى ارفع صوتي أنا ! الآية بتتكلم الحديث بيتكلم أنت بقى المفروض تسكت حتى لو بتاكل الربا ! آه حتى لو بتاكل الربا تسكت ، اسكت وبينك وبين الله اسأل الله أن يخلصك من هذا الذنب ن غنما تقول إيه لا أصل اقتصاد البلد هيقع يبقى رفعت صوتك ، أومال أحط الفلوس فين ! يبقى رفعت صوتك ، كل ده هيخلي الربا اللي أنت خايف من إنه حرام هيخليه حلال لك .. أبدا هيخليه حرام برده وزدت عن الحرمة اللي أنت واقع فيها إنك رفعت الصوت ، رفع الصوت معناها إيه ؟ معناها إن العمل يحبط " أن تحبط أعمالكم وأنتم لا تشعرون " أي أعمال هتحبط أي نوع من الاعمال هيحبط الأعمال الصالحة ، لأن الاعمال الفاسدة أنا عاوزها تحبط هو فيه حد عاوز الأعمال الفاسدة تفضل مكتوبة ! يبقى تحبط إيه .. الأعمال الصالحة والأعمال السيئة موجودة وبتزيد في هذه الحالة لا ترفع الصوت وتقول إين أضع مالى ؟
كذلك من صور رفع الصوت فوق صوت النبي وفوق صوت القرآن مثلا الله سبحانه وتعالى يقول " ومن الناس من يشتري لهو الحديث ليُضل عن سبيل الله " ، " ومن الناس من يشتري لهو الحديث ليَضل عن سبيل الله " يبقى بيُضل ويَضل ، يُضل إيه غيره ، يشتري لهو الحديث ليَضل هو ، سدينا عبد الله بن مسعود فسرها وقال وحلف قال " والله هو الغناء " ، والنبي صلى الله عليه وسلم قال في الحديث الذي رواه البخاري وغيره " ليكونن من أمتي أقوام يستحلون الحرى والحرير والخمر والمعازف " كلمة يستحلون يعني يطلبون الشئ وعاوزين يجعلوه حلال وهو أصلا حرام ، يستحلون بخلاف يستحرمون ، يستحرمون يعني إيه يجعلوه حراما ، أما دول يجعلون الشئ الحرام حلال بستحلون يعني عاوزين يجعلوه حلال ، يستحلون الحرى يعني الزنا ، الحرير اللي هو الحرير المعروف ، والخمرة يستحلوها ويعتبروها حلال مش حرام ، والمعازف اللي هي المعازف معروفة ، آجي أقولك ربنا بيقول كذا ، الرسول صلى الله عليه وسلم بيقول كذا " ومن الناس من يشتري لهو الحديث" ، " ليكونن من أمتي أقوام يستحلون " أنت طبعا الكلام ده كله هيصادم حاجة عندك حاجة أنت ناوي تعملها عاوز تعمل فرح هتتجوز وعاوز تعمل فرح لما آجي اقولك خلي بالك ربنا بيقول كذا ياشيخ ده فرح هيبقى ميتم ! مش هيبقى فيه معازف مش هيبقى فيه موسيقى هيبقى ميتم ! يبقى عملت إيه بقى رفعت صوتك في الحالة دي تعمل إيه تقول ربنا يغفر لي زي ما اتفقنا أنا مش قادر اتخلص تبقى ندمان وحزين زعلان وقاعد كأنك قاعد على جمر وتبقى مش عاوز تروجح المكان اللي فيه المعازف وفيه المنكرات دي مش عاوز بس مش قادر وكاره ، لذلك الرسول عليه الصلاة والسلام يقول الخطيئة إذا وقعت في الأرض خطيئة زي حضور المعازف حضور شرب الخمر أي حاجة من الحاجات دي ، الخطيئة إذا وقعت في الأرض من غاب عنها فرضيها
نواعمبسوط بيها من غاب عنها فرضيها كان كمن حضرها كأنك كنت موجود وعلى المنصة كمان ، ومن حضرها فكرهها كاره وساخط في ضرورة معينة ومن حضرها فكرهها كان كمن غاب عنها ، يبقى أنت لما يكون فيه حاجات زي كده بدل ما لا هيبقى ميتم لا مايبقاش فرح يبقى رفعت صوتك فوق صوت النبي صلى الله عليه وسلم وجهرت بالقول ويحبط عملك ، لكن حتى لو بتعمل معصية تصمت وتسكت وتطلب من الله أن يغفر لك .
يبقى كده احنا أخدنا إيه .. اخفض صوتك للسنة تفز بتمام المنة .. إيه المنة المنة أن الله سبحانه وتعالى يمن عليك ، يمن عليك بالمغفرة ، يمن عليك باتباع السنة أكثر وأكثر لأن لما تعمل حسنة وتتيع النبي صلى الله عليه وسلم الحسنة تقول لأختها تعالي والسيئة نفس الكلام تقول لأختها برده تعالي ، فتتبع السنة فيها الخير كله .
العنصر الثالث الذي نريد أن نتكلم عنه في الدرس الأول في هذا التأمل الطيب والأدب الذي أدب الله به المؤمنون " لا تَرْفَعُوا أَصْوَاتَكُمْ فَوْقَ صَوْتِ النَّبِيِّ وَلا تَجْهَرُوا لَهُ بِالْقَوْلِ كَجَهْرِ بَعْضِكُمْ لِبَعْضٍ أَن تَحْبَطَ أَعْمَالُكُمْ" برده فيه آية تانية في سورة النور " لَا تَجْعَلُوا دُعَاءَ الرَّسُولِ بَيْنَكُمْ كَدُعَاءِ بَعْضِكُمْ بَعْضًاۚ" النور 63 ، لما تيجي تنادي على الرسول صلى الله عليه وسلم ميكونش زي إيه .. الكلام ده كان في حياة النبي .
العنصر الثالث كلما زاد صبرك رجع عقلك الصبر يا إخواننا مهم جدا " وَلَوْ أَنَّهُمْ صَبَرُوا "ده مين اللي كان بينادي على مين على النبي صلى الله عليه وسلم " حَتَّى تَخْرُجَ إِلَيْهِمْ لَكَانَ خَيْرًا لَّهُمْ " كده كده الرسول خارج إيه اللي حصل رفعوا صوتهم تعرضوا إن ممكن أعمالهم تحبط نادوا الرسول بطريقة غير مؤدبة ويبدو والله اعلم إنهم كانوا أعراب لم يعرفوا قدر النبي صلى الله عليه وسلم كما ينبغي لأن الناس الراسخة في الإيمان والراسخة في الإسلام ماكنوش يعملوا كده أبدا فيبدو أنهم كانوا حديثي عهد بالإسلام ومش عارفين لذلك الله قال عن الأعراب " الْأَعْرَابُ أَشَدُّ كُفْرًا وَنِفَاقًا وَأَجْدَرُ أَلَّا يَعْلَمُوا حُدُودَ مَا أَنْزَلَ اللَّهُعَلَى رَسُولِهِ ، التوبة 97" فهنا " وَلَوْ أَنَّهُمْ صَبَرُوا حَتَّى تَخْرُجَ إِلَيْهِمْ لَكَانَ خَيْرًا لَّهُمْ " صبروا الصبر خير كله الصبر على المصيبة خير ، الصبر على الطاعة خير ، الصبر على الأمر بالمعروف والنهي عن المنكر خير ، " وَلَوْ أَنَّهُمْ صَبَرُوا حَتَّى تَخْرُجَ إِلَيْهِمْ لَكَانَ خَيْرًا لَّهُمْ وَاللَّهُ غَفُورٌ رَّحِيمٌ " الحجرات 5" وقال تعالى " مَا عِنْدَكُمْ يَنْفَدُۖوَمَاعِنْدَاللَّهِ بَاقٍۗوَلَنَجْزِيَنَّ الَّذِينَ صَبَرُوا أَجْرَهُمْ بِأَحْسَنِ مَا كَانُوا يَعْمَلُونَ. ، النحل 96" في الآخرة "إِنِّي جَزَيْتُهُمُ الْيَوْمَ بِمَا صَبَرُوا أَنَّهُمْ هُمُ الْفَائِزُونَ (111) المؤمنون" وقال تعالى " وَجَعَلْنَا مِنْهُمْ أَئِمَّةً يَهْدُونَ بِأَمْرِنَا لَمَّا صَبَرُواۖ وَكَانُوا بِآيَاتِنَا يُوقِنُونَ (24) السجدة"ده مين دول ده بني إسرائيل ، بنو إسرائيل الله جعل منهم أئمة لما صبروا ، فالإمامة تنال بالصبر ، إمامة الصلاة تنال بالصبر ، إمامة الناس في أمور الخير بالصبر ، الإمامة العظمى رئيس الدولة مهو ده الإمام الإمامة دي تنال بالصبر كل شئ يلزمه صبر ولذلك الله يوصي النبي ويقول له " فَاصْبِرْ كَمَا صَبَرَ أُولُو الْعَزْمِمِنَالرُّسُلِ " الأحقاف 35 ، اصبر وأولي العزم قبله كام واحد اربعة وهو خامسهم صلى الله عليه وسلم وكلهم صبروا نوح صبر 950 سنة دعا قومه ليلا ونهارا ، دعا قومه سرا وجهرا " أعلنت لهم وأسررت لهم إسرارا" دعاهم ليلا ونهارا صبر 950 سنة وأخد حمولة المركب مركب بسيط مركب بدائي لكن صبر " فَاصْبِرْ كَمَا صَبَرَ أُولُو الْعَزْمِمِنَالرُّسُلِ " الأحقاف 35 حتى سيدنا يونس اللي كان الصبر على الدعوة بالنسبة له لين شوية قال له رب العزة " فَاصْبِرْ لِحُكْمِ رَبِّكَوَلَا تَكُنْ كَصَاحِبِ الْحُوتِ إِذْ نَادَى وَهُوَ مَكْظُومٌ (48)القلم" متكونش زيه في إيه ؟ في لين الصبر في ضعف الصبر " فَاصْبِرْ كَمَا صَبَرَ أُولُو الْعَزْمِمِنَالرُّسُلِ " الأحقاف 35 ، الدعوة محتاجة صبر الإنفاق في سبيل الله محتاج صبر البلاء عاوز صبر الطاعة عاوزة صبر قيام الليل يلزمه صبر تذوق القرآن يلزمه صبر ، تعهد القرآن عاوز صبر إنك تصبر وتقرأ الجزء بتاعك فالصبر يعني مفتاح للخير كله " وَتَوَاصَوْا بِالْحَقِّ وَتَوَاصَوْا بِالصَّبْرِ(3) " سورة العصر ، السورة التي لو نزلت وحدها على رسول الله صلى الله عليه وسلم لكفت الناس ، كل المخلصين كانوا أهل صبر وكل أصحاب الطاعة أهل صبر أهل البلاء صبروا " إِنَّا وَجَدْنَاهُ صَابِرًا " يثني الله على أيوب المبتلى المضروب به المثل في الصبر ابتلي في بدنه وابتلي في ماله وابتلي في أولاده كل هذا ذهب ماتوا أولاده كلهم ذهب ماله كله ابتلي بمرض بس مرض غير منفر الإسرائليون وكتب الحاجات المدسوسة في كتب التفسير تقولك إن بنو إسرائيل حطوه على مذابل بني إسرائيل وكان في جسمه ديدان وكل هذا كلام كذب كان مبتلى وكان فيه مرض في جسمه ولكن والله أعلم مرض دفين حاجة غير منظورة غير منفرة يعني ما كان به برص ما كان مثلا لعابه يسيل أو مخاطه ينزل أو كذا أبدا ما كان منفر لجليسه لكن جسمه فيه ضعف لا يستطيع أن يمارس حياته أمراض أو حاجة في المفاصل شئ دفين ، مرض وذهب ماله ومات أولاده وكل هذا وهو صابر لقدر الله سبحانه وتعالى ولم يتخل عن الدعوة إلى الخير ولم يتخل عن مقام النبوة أثنى عليه الله وقال " إِنَّا وَجَدْنَاهُصَابِرًا ۚنِّعْمَ الْعَبْدُۖإِنَّهُ أَوَّابٌ " ص 44 ، جزاء الصبر إيه بقى " وَآتَيْنَاهُ أَهْلَهُ وَمِثْلَهُممَّعَهُمْرَحْمَةًمِّنْ عِندِنَا " الأنبياء 84 ، سورة ص و "رَحْمَةً مِّنَّا " سورة الأنبياء " وَآتَيْنَاهُ أَهْلَهُ وَمِثْلَهُممَّعَهُمْ " يعني كان معاه 10 أولاد وماتوا رجعوا العشرة وعشرة معهم أيضا هذا كله جزاء الصبر .
فالصابر عقله راجح خد مثال للصبر في الواقع يعني زوج حديث ولسة هو وزوجته كده مش عارفين بعض كويس الحياة يلزمها صبر هتنرفزه عاوز صبر وإلا هيطلق وكمان مرة الصبر ينفذ الطلقة التانية وكمان مرة الصبر ينفذ خلص الموضوع هيقولوا له الطلاق مفيهوش حاجة طالما مش مكتوب عند المأذون هات من الأول تاني ماتخافش هات 6 كمان هات 9 هات 12 أهم حاجة مش مكتوب !! فيلزم الزوجة دي اللي هو مش قادر يتأقلم معاها ومش قادرة تتأقلم معاه وبرده الزوجة نقوله نفس الكلام نقولها اصبري عقبال ما تتعودي على طباعه وسلوكياته ، فبرده الحياة الزجية الناجحة يلزمها الصبر .. ولذلك كلما زاد صبر الإنسان رجع عقله ما يندمش ما يتخذش قرارات ويرجع يندم فيها ما يتخذش قرارات ويرجع يعيط لأن الموضوع فلت هو اللي طلق وبيعيط واللي طلق 3 طلقات لأن صبره قليل وفي الآخر هو برده بيدور على حل وبيدور على فتوى ويشوف بقى حد يشوفله مخرج شمال مخرج يمين وهكذا .
يا إخواني بارك الله فيكم السورة كلها خير " يَا أَيُّهَا الَّذِينَ آمَنُوا لا تُقَدِّمُوا بَيْنَ يَدَيِ اللَّهِ وَرَسُولِهِ وَاتَّقُوا اللَّهَ إِنَّ اللَّهَ سَمِيعٌ عَلِيمٌ" ، " يَا أَيُّهَا الَّذِينَ آمَنُوا لا تَرْفَعُوا أَصْوَاتَكُمْ فَوْقَ صَوْتِ النَّبِيِّ" الحجرات 1 ، 2 ، النبي صلى الله عليه وسلم لم يمت يعني إيه لم يمت كدعوة لم يمت كدين لم يمت كسنة وإن شاء الله لن يموت أبدا ، إنما كبشر ولحم وشحم وروح وهو نفسه صعد إلى الله سبحانه وتعالى " لا تَرْفَعُوا أَصْوَاتَكُمْ فَوْقَ صَوْتِ النَّبِيِّ وَلا تَجْهَرُوا لَهُ بِالْقَوْلِ كَجَهْرِ بَعْضِكُمْ لِبَعْضٍ أَن تَحْبَطَ أَعْمَالُكُمْ وَأَنتُمْ لا تَشْعُرُونَ" الحجرات 2 ، لو أنت عندك ضعف وقصور في زاوية من الزوايا فيه سنة أو فيه طاعة مش قادر تعملها ما تعترضش ، أقولك ما بتتطلقش لحيتك ليه ؟ تقولي أصل هي سنة ، يعني غيه سنة السنة تزينك أم تشينك هي سنة ، مع إن هي مش سنة هي يا إما فرض أو واجب ، بفرض إن هي سنة جدلا يعني هنعتبرها سنة لماذا لا تتحلى بالسنة ؟ اسكت سل الله أن يمكنني من هذا ، سل الله أن يعينني على هذا ، لكن تقول إنها سنة بمنتهى البساطة كده هذا رفع صوت فوق صوت النبي لأنه قال قصوا الشارب واعفوا عن اللحى وخالفوا اليهود والنصارى .
اسأل الله العظيم رب العرش العظيم أن ينفعنا بما علمنا وأن يعلمنا ما ينفعنا وأن يرجح عقولنا وان يزد في صبرنا .. اللهم آمين .. وصلِ اللهم وسلم على سيدنا محمد
نواع

**إنا باقون على العهد** · 12-01-2016, 09:28 AM

رد: ::/* اللقاء الأول _ تأملات في سورة الحجرات _ الشيخ شوقي عبد الصادق _ كل ما يخص اللقاء */ ::

جزاكم الله خيرا

**أبو عبد الرحمن حسان** · 13-01-2016, 09:59 PM

رد: ::/* اللقاء الأول _ تأملات في سورة الحجرات _ الشيخ شوقي عبد الصادق _ كل ما يخص اللقاء */ ::

اسال الكريم ان ينفعنا وان يعلمنا وان يجعله خالصا للوجه لله

**محمد أمين بن حميدة** · 15-01-2016, 01:01 AM

رد: ::/* اللقاء الأول _ تأملات في سورة الحجرات _ الشيخ شوقي عبد الصادق _ كل ما يخص اللقاء */ ::

جزاكم الله خيرا وزادكم توفيقا وإخلاصا ودعوة إليه على بصيرة

**ام زيد الموحدة** · 21-01-2016, 11:11 PM

رد: ::/* اللقاء الأول _ تأملات في سورة الحجرات _ الشيخ شوقي عبد الصادق _ كل ما يخص اللقاء */ ::

جزاكم الله خيرا

إعـــــــلان

::/* اللقاء الأول _ تأملات في سورة الحجرات _ الشيخ شوقي عبد الصادق _ كل ما يخص اللقاء */ ::

[حصري] ::/* اللقاء الأول _ تأملات في سورة الحجرات _ الشيخ شوقي عبد الصادق _ كل ما يخص اللقاء */ ::

تعليق

تعليق

تعليق

تعليق

تعليق

تعليق

تعليق

تعليق