الاخلاص - الدرس وتفريغه د/حازم شومان // مفهرس

[رساله]

بسم الله الرحمن الرحيم

الإخلاص

د/ حازم شومان

السلام عليكم و رحمة الله و بركاتة ..

الحمد لله و كفى و صلاة و سلاما على عبادة اللذين اصطفى .
ثم اما بعد
فبإذن الله سبحانة و تعالى قبل ان نفتتح درس الليلة عايزين...........

ثلاث ملاحظات سريعة قد تكون بعضها قاسى شويه و لكنها فى غاية الاهمية .

الملاحظة الاولى تتعلق بما يمكن ان نسمية وهم الإلتزام

يعنى انا بسأل كل بنت جات التزمت فى هذا الدرس او ملتزمة حديثة الالتزام و كل شاب حديث الإلتزام ..

للبنت يعنى لو انتى ماشية فى الشارع و شاب عاكسك هل بتبصيلة على انة طعنك فى شرفك و فى عفتك و لا بتقولى لسة فى شباب عندهم نظر

و هل الشاب لغاية دلوقتى لما بيمشى ويشوف بنت متبرجة فى الشارع هل قلبة بيميل لها و لا بيشمائذ من المنظر ولا من شدة نقاء قلبة ما بيشفش حاجة اصلا و كأن مفيش نساء فى الشارع

عايزين يا جماعة ما نعش فى وهم الالتزام

مثال ........
شاب اتصل بية و كان اول كلامة انا ملتزم و الحمد لله و .....و قعد يحكى مشاكلة فبدأت استدرجة فى الكلام و فوجئنا ان الملتزم دة يصنع بديهات المعاصى و لازال همة الأول و الأخير هوة الدنيا و شلة السوء و لازال بيكلم بنات ...

فهل دة ملتزم و لا عايش ف وهم الالتزام

النقطة الثانية ...غفلة القلب عن طريق ربنا

الشاب إلى بيقعد شهريين كامليين ايام الامتحانات لا بيحضر دروس ولا بيسمع شرايط لانة حجتة ان مفيش وقت .... يا أخى دة الواحد الى مجبس ذراعة شهريين و بيجى يبفك الجبس بيلاقى ذراعه ما بيتحركش و بيروح لدكتور علاج طبيعى علشان يعرف يحرك ذراعه

إنت بقى لما تجبس قلبك شهريين فى الدنيا و مفيش اى تجديد لمخازن الإيمان فى قلبك ...... انت عايز بقى بعد شهريين تلاقى قلبك عامل ازاى ؟؟؟

الشاب الى بيقلك انا هطلع مصيف اسبوع و بعدين ألتزم ...انت تضمن ان قلبك و انت رايح زى قلبك و انت راجع؟؟؟ تضمن إن انشراح صدرك للدين و انت رايح زى و انت راجع ؟؟؟

يجب ألا تغفل عن قلبك و لا لحظة وجهد قطع الطريق الى الله يجب ألا يتوقف ولا يوم مهما كانت الظروف لأن مفيش حاجة اسمها ان جهد قطع الطريق لله يتوقف ابدا .

النقطة الثالثة ... عدم الامن من عقاب الله و من عذاب الله .

يعنى اية .... يعنى شوف قول بلال بن سعد رضى الله عنة
( رب رجل يأكل و يشرب ويضحك و هو فى كتاب الله من وقود النار )

من الآيات إلى بترعب فى كتاب الله فى قصة سيدنا لوط قول الملائكة لسيدنا لوط
(( وَقَضَيْنَا إِلَيْهِ ذَلِكَ الأَمْرَ أَنَّ دَابِرَ هَؤُلاء مَقْطُوعٌ مُّصْبِحِينَ))
سورة الحجر آية 66
صدق الله العظيم

معناة ان الناس دى هتهلك الصبح وشوف الأية الى بعدها ((وَجَاءَ أَهْلُ الْمَدِينَةِ يَسْتَبْشِرُونَ))سورة الحجر 67
جايين يشوفوا ضيوف سيدنا لوط و لكن دة انتوا خلاص اتحكم عليكوا من فوق سبع سموات بالإعدام و مهماش عارفين ...

ممكن يكون شاب بيراوض نفسة عل الإنتكاس وبينة و بين لقاء الله ايام

مثال ....
والله كان فى شاب فى قرية مجاورة و كان ملتزم و مقبل جدا فى الإلتزام وفجأة نتيجة بعض الضغوط الى مر بيها بدأ هذا الشاب فى ينزل ينزل لغاية ما بقى بيمشى فى الشارع لابس البد و الشورت و حاطط السيجارة فى بقة و للأسف ثلاثة ايام بالظبط و مات هذا الشاب ..

مثال ....
وشاب تانى كان بيشتغل فى احد فرق الحفلات و التزم فترة و نتيجة بعض الضغوط رجع تانى و باءت كل محاولات ارجاعة للطريق الصحيح و فجأة فلان مات ...

انت ماتضمنش انك انت فى لحظة تلقى الله و انت على ماعلية الان من الأعمال و على ما نحن علية من التقصير .... يا جماعة ممكن واحد يلتزم دلوقتى ويكون دة قبل اجلة بيومين او تلاتة

مثال ....
البنت الى حضرت درس الحجاب بتاع الاسبوع الماضى و كانت متبرجة و تابت الى الله فى المسجد و هية خارجة من المسجد بالحجاب ضربتها عربية فماتت ......

احيانا الواحد ممكن ينتكس قبل اجلة بأيام لا بيوم واحد زى قصة
(( قاتل المئة نفس )) تاب الى الله قبل اجلة بيوم واحد ومات و هوة فى طريقة الى القرية الصالحة

موضوع الليلة :
((( ازاى نحول التراب لذهب )))

عصور قضتها البشرية عشان تحاول تحول التراب الى ذهب عشان تغتنى طبعا و لكن كل الجهود بائت بالفشل إلا انة فى طريق واحد بيحول التراب لذهب .... هو الإخلاص ...

الاخلاص بيحول التراب لذهب .. الإخلاص بيحول الأكل و الشرب لثواب يتبنى فية قصور عند الله .....

و هنتكلم عن الإخلاص عشان حاجتيين فى غاية الخطورة ...

1- خطورة قضية الرياء

2- مفهوم الإخلاص عندنا قاصر

الإخلاص مش مجرد ركعتين صلتهم لله ورجعت مش دة الإخلاص ..

خطورة قضية الرياء ... يعنى الله سبحانة و تعالى فى سورة البقرة بيقول
((أَيَوَدُّ أَحَدُكُمْ أَن تَكُونَ لَهُ جَنَّةٌ مِّن نَّخِيلٍ وَأَعْنَابٍ تَجْرِي مِن تَحْتِهَا الأَنْهَارُ لَهُ فِيهَا مِن كُلِّ الثَّمَرَاتِ وَأَصَابَهُ الْكِبَرُ وَلَهُ ذُرِّيَّةٌ ضُعَفَاء فَأَصَابَهَا إِعْصَارٌ فِيهِ نَارٌ فَاحْتَرَقَتْ كَذَلِكَ يُبَيِّنُ اللّهُ لَكُمُ الآيَاتِ لَعَلَّكُمْ تَتَفَكَّرُونَ))
(266)سورة البقرة

الراجل دة عمل اية عشان يبقى عندة جنة فيها كل الثمرات .. لابد انة تعب فيها قوى و فنى حياتة علشانها

لما كبر و احتاجها و كان لة اولاد صغيرين وجات نار كلتها .......دة بقى زى المرائى الى بيطلع عينة فى العمل الصالح و يجى يوم القيامة هيموت عشان ياخد ثواب عمل من الأعمال دى ..... بس مفيش ... الجنة اتقلبت نار

قال رسول الله صلى الله علية وسلم ..

دخل سيدنا ابوهريرة مرة المدينة فجاء احد التابعين فوجد ناس ملفوفين حوالية فقال من هذا فقالوا ابو هريرة ...فذهب الية واقسم علية بأن يحدثة بحديث من رسول الله صلى الله علية وسلم فنشغ ابو هريرة نشغة( يعنى شهق شهقة ) فأغمى علية ..... ثم أفاق و قال لأحدثنك حديث سمعتة و عقلتة من رسول الله ثم نشغ نشغة ثم اغمى علية ثم قام و قال ثم نشغ نشغة ثم اغمى علية .....ثم قام فقال (((إذا اجتمعت الخلائق يوم المحشر و نزل لهم رب العالمين و جميع الخلائق جاثيين على ركبهم حتى يقضى بينهم فأول من يقضى الله بينهم ثلات رجل تعلم القران ورجل انفق فى سبيل الله و رجل قاتل فى سبيل الله )))

تخيلوا يا جماعة مش اول ما يقضى الله بينهم يوم القيامة فاسق او كافر لأ دة قارئ و مجاهد و منفق

فيأتى الله بقارئ القران فيقول لة ام اعلمك من أياتى التى انزلتها على عبادى .فيقول نعم يارب .فيقول الله فماذا عملت فيما علمت ... فيقول قمت به اناء الليل و أطراف النهار ..فيقول الله له كذبت و تقول الملائكة له كذبت و يقول الله تعالى بل ليقال قارئ وقد قيل .

اما المنفق فيقول يارب تصدقت ووصلت رحمة فيقال له كذبت و تقول الملائكة له كذبت بل أنفقت ليقال جواد و قد قيل

اما المقاتل ليقال شجاع وقد قيل ..

أولئك اول من تسعر بهم النار يوم القيامة ..... هل حد منا لما سمع الحديث ده حصلة الى حصل لأبو هريرة ...

الرياء من أخطر الصفات الى ممكن ينهار بسببها أى عبد امام الله فى الدنيا و الاخرة

وفى اربع فضايح مستنيين المرائى ....

فضيحة فى الدنيا

فضيحة عند الموت

فضيحة يوم القيامة

فضيحة فى جهنم

فضيحة الدنيا
زى الشاب الى كان فى احد الجمعيات و كان فى ناس فى الجمعية داخليين منافسة و معاهم فيها واحدة بنت ... هوة ظن ان الفتاة دى غير ملتزمة و غير جادة و يجب ان تخرج او تطرد من الجمعية ....فأرسل رسالة لأحد الاشخاص المؤثرين فى الجمعية يحثه على ان تطرد هذة البنت و لكنة بدل ما يدوس على زر الارسال للشخص دة داس بالخطأ على زر الإرسال للناس كلهم الى معاة فى الجمعية .....ودة طبعا اتفضح بين الناس لان نيتة ما كانتش لله

فمفيش حد أبدا هيضحك على الله ...

الفضيحة عند الموت ...
( ( فَإِنَّ الرَّجُلَ مِنْكُمْ لَيَعْمَلُ حَتَّى مَا يَكُونُ بَيْنَهُ وَبَيْنَ الْجَنَّةِ إِلَّا ذِرَاعٌ فَيَسْبِقُ عَلَيْهِ كِتَابُهُ فَيَعْمَلُ بِعَمَلِ أَهْلِ النَّارِ وَيَعْمَلُ حَتَّى مَا يَكُونُ بَيْنَهُ وَبَيْنَ النَّارِ إِلَّا ذِرَاعٌ فَيَسْبِقُ عَلَيْهِ الْكِتَابُ فَيَعْمَلُ بِعَمَلِ أَهْلِ الْجَنَّةِ ))..وهذا الحديث العظيم رواه البخاري (3208) ومسلم (2643)
عشان كدة لما تشوف واحد خاتمتة ساءت وكان عبد صالح تعرف انه كان مرائى و لما تشوف فنان مات فى غرفتة وهوه بيزنى او بيشرب مخدرات تعرف ان الموت من احد اسباب الفضيحة عند الموت

فضيحة يوم القيامة
على رؤوس الخلائق (( ما من عبد يقوم قومة رياء إلا فضحة الله على رؤوس الخلائق يوم القيامة ))رواه البخاري من حديث عوف بن الطفيل و عروة بن الزبير

فضيحة فى جهنم
(( يؤتى بالرجل يوم القيامة فيلقى فى جهنم فتنطلق اقطاب بطنة فيجرها فى النار كما يدور الحمار فى الرحى فيجتمع اليه اهل النار وهم فى ذهول ..ألم تكن الشيخ فلان ..ألم تكن تأمر بالمعروف و تنهى عن المنكر ...قال بلى ...ولكن كنت آمر بالمعروف و لا آتية وانهى عن المنكر و آتية )))

قال ابن العباس (( وبلا حال قلبك اذا حركت الريح بابك و انت على المعصية أعظم عند الله من الذنب ))

فلازم نعرف خطورة قضية الرياء لإن المرائى الى عايز يرضى الناس ربنا بيسخط عليه و بيسخط عليه الناس كمان و العكس للإنسان المخلص

كان احد السلف القاسم بن محمد (( كان دائما ينظر الى عبد الله بن المبارك و يقول بماذا فضل علينا هذا الرجل ..ان كان يصلى فإنا نصلى و ان كان يصوم فإنا نصوم و ان كان يحج فإنا نحج و ان كان يغزو فإنا نغزو ... فبماذا فضل هذا العبد حتى يضع الله له القبول فى الأرض .....يقول بينما كنت معه فى سفر فى الشام وكنا نتعشى فى بيت اذ إنطفأ القنديل فلما عاد القنديل نظرت اليه فإذا لحيتة قد ابتلت من الدموع )))

الإخلاص يرفعك ...احيانا تلاقى داعية افصح من داعية بس التانى اشهر من الاول و الكتاب ده احسن من ده طب ليه التانى هو الأشهر ... الإخلاص هوه الى هيرفعك و البقاء للأقوى إخلاصا ...

يقول رسول الله صلى الله علية وسلم ..(((.لأعلمن اقواما من امتى يأتون يوم القيامة بحسنات أمثال جبال تهامة فيجعلها الله هباءً منثورا ... فخاف الصحابة و قالوا صفهم لنا يارسول الله ...قال صلى الله عليه وسلم ... هم منكم و يأخذون من الليل ما تأخذون غير انهم اذا خلو بمحارم الله انتهكوها )))

من أخطر ثمار الرياء ..... الإنتكاس ..

أصل فى شاب بيدخل الدين عايز يرضى ربنا و عايز برضه حظ نفسه و لكن لما مايلاقيش حظ نفسه يرجع وينتكس ..... صدقنى الرياء هيدمر دينك و هيدمر دنيتك و هيدمر أخرتك يوم تلقى الله سبحانة و تعالى ....

صدقنى الشيطان مش هيسيبك و هيجيلك مرة من المرات و يقولك افتخر بعملك امام الناس و فى وقتها تنتقل من ديوان السر الى ديوان الرياء العلنى فتعاقب به امام الله

من صور الرياء و انت واقف فى المسجد تصلى و دخل عليك احد الأصدقاء تبدأ بقى تعدل ركوعك و سجودك و للاسف تضيع الركعتين و كان ممكن دعوتك فى الصلاة تخلييك ملك من الملوك يوم القيامة ولكن للاسف كنت مرائى ...

من صور الرياء كان هناك عبد من عباد بنى اسرائيل و فى احد روايات بنى اسرائيل سمع انه كان فية شجرة تعبد من دون الله فى الأرض فراح عشان يقطعها فذهب ..فظهر له الشيطان فى الطريق و سألة الى أين ؟؟ فقال الى الشجرة التى تعبد كم دون الله لأقطعها ....فقال له لن اتركك تذهب فتصارعا فصرع الرجل الشيطان تلات مرات فقال له الشيطان سأضع لك ثلاث دراهم كل يوم تحت سجادتك و تترك هذا الأمر ........ففكر الرجل ان يستغل ثلاث دراهم فى سبيل الله و فعل عمل خير فى سبيل الله و لكن للاسف كان بيضحك على نفسة .........

فوضع الشيطان له الدراهم اول يوم و تانى يوم و فى ثالث يوم لم يضع لة شئ .......فحمل الرجل الفأس و ذهب الى الشجرة ليقطعها فقابلة الشيطان فى الطريق فتصارعا فصرعة الشيطان ثلاث مرات ....فقال له الرجل ماذا حدث لقد كنت لا تقدر على فما بالك اليوم تقدر على ......فقال له الشيطان لقد كنت من قبل تقطعها لأجل الله اما الان فتقطعها من اجل الثلاث دراهم ..........


معنى الإخلاص ....

الإخلاص هو ان قلبك يخلص من كل تعلق بمخلوق ويخلو من كل شائبة الإ الله عشان كدة كلمة ((لا اله الا الله )) اسمها كلمة الاخلاص

سمعت مرة الإمام وهو بيقرأ و يقول قول
قال تعالى: إِذْ قَالَتِ امْرَأَةُ عِمْرَانَ رَبِّ إِنِّي نَذَرْتُ لَكَ مَا فِي بَطْنِي مُحَرَّرًا فَتَقَبَّلْ مِنِّي إِنَّكَ أَنْتَ السَّمِيعُ الْعَلِيمُ
[آل عمران:35]
ده معناها انها نذرت نفسها أصلا لله اولا و بعدها نذرت مافى بطنها و كلمة محررا معناها انه لايوجد قيود و لا شهوات تشدها للدنيا

مالكم اذا قيل لكم انفروا فى سبيل الله اثقالتم و اذا قيل لكم انفروا فى سبيل ماتش او رحلة او مصيف جريتوا على طول ودة عشان قلبك مشدود بالدنيا

افهم معنى الإخلاص ..

فى اخر سورة الأنعام
((قُلْ إِنَّ صَلَاتِي وَنُسُكِي وَمَحْيَايَ وَمَمَاتِي لِلَّهِ رَبِّ الْعَالَمِينَ ﴿١٦٢﴾))
الأنعام162

هل حياتك لله هل موتك لله زى الحبيب صلى الله علية وسلم عند الوفاة قال الصلاة الصلاة و ماملكت يمينكم أو زى سيدنا يعقوب عاد الموت لما جمع اولادة و قال لهم ما تعبدون من بعدى او زى قاتل المئة لما حضرة الموت اخذ يذحذح بصدرة الى الأرض الصالحة او ذى حبيب البخارى فى سورة يا سين قال ((إِنِّي آمَنتُ بِرَبِّكُمْ فَاسْمَعُونِ))
يس25
((قِيلَ ادْخُلِ الْجَنَّةَ قَالَ يَا لَيْتَ قَوْمِي يَعْلَمُونَ))
يس26

هل انت حياتك لله و موتك لله ...أسأل نفسك هل عملك خالص لله هل بتستحضر نيتك عند كل عمل ؟؟

ياترى نيتك اية فى أكلنا و شربنا ؟؟ هل لبسك لله و لا لنفسك

لازم نشتغل لحساب الله مش حساب أنفسنا

مفهوم خلوص القلب لله :::

معناة ان يكون قلبك خاضع لله

قال رسول الله صلى الله علية وسلم (( أَنْ تَعْبُدَ اللَّهَ كَأَنَّكَ تَرَاهُ ، فَإِنْ لَمْ تَكُنْ تَرَاهُ فَإِنَّهُ يَرَاكَ .))"رواه مسلم

لو الحب الى فى قلبك بقى كله لله لو الخوف الى فى قلبك بقى كلة لله لو التعظيم الى فى قلبك بقى كلة لله لو الرجاء بقى كلة لله ... انت كدة بقيت خالص لله ..و بقى فى خلوص فى قلبك لله سبحانه وتعالى

و الله لا أحد عارف مصلحتنا غيره يبقى نسمع كلام غيرة ليه ...

الإخلاص هو
إن تتحول ملكية خالصة لله و حده قلبك و لسانك و دماغك و عينك و رجليك و كلك لله بس

الإخلاص هو
إن يبقى الله هو الهدف الأساسى فى حياتى لان هو اللى يملك كل شئ فى الكون

مثال .....
كنت بكلم ولد صغير عن الله و حب الله و كان لسة لم يدخل المدرسة و لما مسك ورقة كان مكتوب عليها الله قالى ...انت عارف انا اللى فى قلبى كتير قوى لله انا اللى فى قلبى ما أقدرش اوصفه ...دة طفل يا جماعة الإخلاص دخل قلبة فقام معبر بكلمات أغلبيتنا ما يعرفش يقولهم و لا عاشهم فى حياته

مثال .....
عمر بن الخطاب كان ماشى فوجد راجل بيفتح عنده بيت من طين فكان بيفتح الشباك ...فقال له عمر لماذا تفتح الشباك .... فقال له لتدخل الشمس ...فقال له هلا قلت لأسمع الأذان و سيدخل الهواء والشمس

انت بتذاكر ليه لله و لا لمين ....دلوقتى لما تيجى تسأل طالب بتذاكر ليه يقولك عشان ابقى طبيب مسلم او مهندس مسلم ............لا يا جماعة انا بذاكر عشان ابقى مسلم طبيب و مسلم مهندس و مسلم محامى و كدة ..........

لإن الاول مسلم يا جماعة دة علماء الفقة والعقيدة كانوا علماء الطب والهندسة و الفلك ...

مثال .....
الربيع بن خزيم من أئمة السلف ....قال لمراتة احنا عندنا عزومة النهاردة فمراته طبخت و كلفت الأكل ...فراح جوزها عزم واحد مجنون من المدينة ..فقالتله زوجتة بعد مامشى الراجل لو قلت ان هذا الرجل لما كنت تكلفت هذا التكلف ....فقال لها ولكن الله يعلم ...

لان الثواب هو ان انا أعمل ومش هيفرق انا بطعم مين ....

مثال .....
مسطح بن اوثاثة اتهم السيدة عائشة بنت سيدنا ابو بكر الصديق فى شرفها وعفتها ولكن سيدنا ابو بكر ماقطع عنة العطية الى كان بيدهالوا ليه؟ لأنه كان بيعطيها لأجل الله .

اعمل كل حاجة لله ومش للناس و ما تقولش الناس اتغيرت لانه انت يا أخى بتعمل كدة لله مش لفلان و لا غيره

مثال .....
جاء للرسول صلى الله علية وسلم شاة هدية فقال للسيدة عائشة قسميها هدايا وصدقات فلما كانت تقسمها فكانت تسأل يحى الخادم ماذا قال القوم ...قال بارك الله فيكم ...فتقول ....وهم بارك الله فيهم ..نقول كما قالوا ويبقى أجرنا

مثال .....
الصحابي إلى اسلم ولما كان الرسول صلى الله علية وسلم بيعطى الغنائم قال له ((( ماعلى هذا اتبعتك )) انا اتبعتك عشان أضرب بسهم ها هنا فأموت فأدخل الجنة..((( هو دة الإخلاص ))

عايزين نوسع مفهوم الإخلاص فى التعامل مع الله سبحانة و تعالى و الى يعمل كدة يبقى هنيئًا له

ده حول التراب فعلا الى ذهب .......

فاكريين حديث الثلاثة والصخرة ....الأول قال اللهم انه كان لى ابوين شيخين كبيرين وذكر كثير من بره بهما ثم قال اللهم ان كنت فعل هذا إبتغاء وجهك الكريم ففرج عنا مانحن فيه ...

والأخر لما تعفف عن الزنا وقال اللهم ان كنت قد قمت من عليها ابتغاء وجهك الكريم ففرج عنا مانحن فيه ...

يا جماعة الإخلاص هو الى حرك الصخرة من مكانها ....

انت بتسمع إن فى عمل بيضاعف حسنات وعمل تانى لسبعين ضعف وعمل تانى لسبعمائة ضعف ...ايه الفرق ؟؟

الفرق هوه الإخلاص فى العمل ......

مثال .....
الأمام مالك جة يألف كتاب الموطأ و كان فى واحد قبلة اسمة ( ابن ابى ذئب ) ألف نفس موضوع الكتاب الموطأ..فواحد قال للإمام مالك ان ابن ابى ذئب ألفة قبلك ...فلماذا تؤلفة تانية فقال له (((ماكان لله بقى )))

مثال .....
السيدة عائشة كانت بتسأل الرسول هل مر عليك أصعب من يوم أحد ...فقال صلى الله علية وسلم نعم يوم العقبة يوم عرضت نفسى على ابن عبد يلين فرفضنى فظللت امشى وأسير فما أستفقت الا فى منطقة قرن الثعالب و اذا بجبريل وملك الجبال و جبريل يقول ان هذا ملك الجبال فطلب منة ما شئت يا رسول الله .......

فقال ملك الجبال لو شئت يارسول الله لأطبقت عليهم الأخشبين .....فقال رسول الله لعل الله يخرج من أصلابهم من يوحد الله ...........................

الرسول كان مخلصا فى دعائة فحدث بالفعل ان ::

العاص بن وائل خرج من صلبة عمرو بن العاص و الوليد ابن المغيرة خرج من صلبه خالد بن الوليد و ابو جهل خرج من صلبة عكرمة ابن ابى جهل

الأخلاص فى الجهاد هو الى فتح كابل ... ايام ما كانت بتفتح افغانستان كان قائد الجيش فقد محمد بن واسع فسأل عليه اين محمد ابن واسع فقالوا له انه فى أقصى الميمنة يشير بأصبعة الى السماء ...فقال لهم لأصبع محمد بن واسع احب الى من الف جندى و الف سيف ..

الإخلاص ثمارة فى الدين والدنيا و فى الأخرة ثمار لا تحصى

أحد السلف كان بيقول ظللت اربعين سنة فى الصف الاول وذات مرة أصابنى عذر فتأخرت فأصابنى الحرج فى االصلاة اى قال لنفسه الناس لما تشوفنى هتقول ايه ...فعلمت انى كنت مرائيا أربعين سنة .....

شوفتوا خطورة المسألة .....احد السلف يقول كلما عالجت دربا من دروب الرياء فى نفسى برز لى لون اخر ...

كيف يصل الرياء الينا ..؟؟؟؟

فى جزء من اصحابك بيبقى فيهم الخير لما يشوفوك قدرت على نفسك وعملت اللى مش قادرين عليه يعودوا بقى يمدحوك كل مايشوفوك فيدخل الرياء الى قلبك ..

كان فى شاب الحمد لله هو ملتزم حاليا و كان بيجلس فى المسجد مع الدعاة و كل يوم يقولوله كلام عن الدعوة و االدين و بعد خمسة عشر يوما خلاص بقى اتشحن و خرج فقابل مجموعة من صحابة و بدأ يتكلم معاهم عن الدعوة و بعدين اصحابة بقى اعجبوا بيه فمسكوا فيه وبقى كل واحد عايز يشرحلة موضوع وواحد عايز يقوله موضوع تانى و واحد عنده مشكلة عايز يحكيهاله و لكن للأسف لقيت الشاب راجع فى حالة غريبة ..... ذهب مخلصا ورجع مرائيا لانه ماقدرش يستحمل كلام الناس ومدحهم

طب اية الحل ...
انة يسيب الدعوة بقى لأ دة يبقى رياء أشد من رياء انه يدعو لغير الله ...

الحل انه يخصص ورد بينة وبين الله يبدأ يعالج فية هذا الأمر فى قلبه ....

احذروا من مداخل الرياء و خدوا بالكم من اخطر مرض كلنا معرضيين ليه .......

أرأيت يارسول الله صلى الله علية وسلم الرجل يجاهد يلتمس الأجر و الذكر .......خدوا بالكوا يا جماعة من المرض ده لانه جاب اجل اخوة لو كانوا مخلصين لكانوا من الأئمة ...المرض دة بالذات بيصيب المجتهدين الناجحين فى الدين ....

مثال .....
شوفوا الفرق بين الراجل الى يلقى فى جهنم و هو كان قارئ للقرءان والراجل الى يقوم من قبرة فيجد رجل نحيل االوجة فيقول له من أنت فيقول انا صاحبك القرءان انا الذى أظمأت ليلك و أسهرت نهارك وان كل تاجر من وراء تجارتة وانك اليوم من وراء كل تجارة يعنى انت هتاخد النهاردة ارباح جميع الأعمال الصالحة اللى فى الكون فيعطى الملك بيمينه ويعطى الخلد بشماله و يلبس تاج الوقار ويكسى حلة لاتقوم الأرض بمثلها ..............

شوفت ده بذل نفس المجهود بتاع ده بس ده ملك من ملوك الأخرة وده اترمى فى جهنم شايفين المرائى و خاتمته ....

أمثلة الرياء ...

مثال .....
الراجل إللى كان مشهور بالإنفاق فراحولة ناس عايزين يبنوا دار ايتام فقال لهم انا مستعد بس بشرط ان صورتى تتحط فى الواجهة و اسمى تحتها ويتقال ان انا الى بنتها ...تخيلوا بعد ما ينفق ده كله فى الأخر لنفسه مش لله ...

مثال .....
الأخ الى دخل المسجد ومش ناوى يصلى تحية المسجد او سنه الصلاة ويلاقى اخوة يعرفهم فيقوم و يصلى

الاخت الى بتصوم يوم ويوم عشان تحافظ على وزنها و على قوامها ...

مثال .....
إحذر اهم سبب يجيب الرياء هو الناس يا جماعة ...الشاب يبقى اهم حاجة عندة رأى الناس .. كثير جدا من المعاصى مش بتفعل علشان خاطر الشهوة لأ ده علشان خاطر الناس ورأيهم

ماتتخدعش بكلام الناس لإنه هيضيعك .............

فى عنصر مهم قوى ليس من الرياء ولازم ناخد بالنا منة و هو ....

((وسواس الرياء الى بيجى للملتزمين الجدد كتمرين مشهور ليس من الرياء )) لأن الملتزم الجديد بيحس بصدمة الناس لما بيلتزم ..لإن الناس بدأت تحترمه و بدأت تحبه فيحس انه مرائى .....لا يا جماعة و الله

مثال .....
لما تحب مسجد معين عشان الناس الى فيه ده مش رياء ابدا اوعى تفتكر كده ...

مثال .....
لما تروح عمرة وناوى انك تجيب هدايا من هناك ده مش رياء أبدا

مثال .....
لما تروح للأخ إلى بيوجهك و بتحب تسمع كلامه وتقولة على الحاجات الكويسة الى انت بتعملها ده مش رياء أبدا ...

مثال .....
يا جماعة لما تزيد وتنشط فى العمل الصالح وانت مع الأخوة الصالحين ده مش رياء ابدا دى حاجة طبيعية جدا

مثال .....
لما تدعو الى الله بحاجة انت ما بتعملهاش مش رياء مادام انت نفسك تعملها و مش قادر و بتحاول ده مش إسمة رياء

مثال .....
لما تعمل عمل والناس تمدحك فيه مادام انت ماكنتش بتعمل عشان المدح ده مش رياء

مثال .....
الزوجة إلى بتتشجع لما جوزها يقولها اعملى كذا وكذا ده مش رياء

مثال .....
لما تكون الامتحانات بتزود فى طاعتك ده مش رياء

مثال .....
لما تظهر عملك للى أقل منك عشان يقتدى بيك ده مش رياء

كم من عمل صالح ترك مخافة من الرياء

كم من اخ ترك الإلتزام بسبب وسواس الشيطان

كم من أخ ترك الدعوة بسبب وسواس الشيطان

اوعى تكون من النوعية دى النوعية قصيرة العقل .....خليك انسان تلقائى .....

أهم علاج للرياء ...

- ان احنا نعرف احوال المخلصين

- إننا نحتك بالمخلصين

- إننا نصاحب المخلصين

كلمة هزتنى جدا قرأتها عن الإمام الشافعى ...قال
((وددت لو أن كل كتبي انتشرت فى الأرض و انتفع بها الناس ثم لم تنسب إلى و لم ينسب إلى منها شئ ......))

محمد بن واسع كان يقول ادركت أقواما كان الدمع يفيض من أعينهم على وسادتهم و زوجاتهم على نفس الوسادة ولا يعلمون ...

لقد أدركت أقواما كان الدمع يفيض من أعينهم فى صلاتهم ولا يعلم من هم على يمينهم او شمالهم شيئا ...

الحسن البصري كان بيقول أدركت أقواما كان أحدهم لا يوجد على وجه الأرض عمل يمكن أن يفعلة سرا ويفعله علنا من شدة الإخلاص

كان أحد السلف يقول وددت لو عملت عمل لا يطلع عليه ملكا اليمين والشمال خوفا من الرياء

كان احد السلف لما مات وجدوا على ظهره علامات سوداء لأنة كان ليلا بيحمل الدقيق و ينقلة إلى بيوت الفقراء

كيف تعالج قضية الرياء :: نأخذ على سبيل المثال .........

الإطلاع على أحوال المخلصين ....

اوعى تفتكر ان ترك العمل هيعالج الرياء الى عندك

ثبت عمل صالح لا يعلمة احد نهائيا (( زى صيام او قيام او ورد او صدقة من مالك ))

المهم يبقى بينك و بين الله عمل تدرب قلبك على الإخلاص فيه ...

الحاجة الثانية .....

كل لما تزيد فى الإيمان لازم تعرف ان الدنيا حقيرة و فانية

أحد السلف كان يقول عندما عرفت الناس لم أعد أعبأ بمدحهم و لا ذمهم لإن الناس إما مفرط فى الذم أو مفرط فى المدح أو إنسان جاهل أو إنسان عالم ......وفى الأخر مفيش حاجة تستاهل علشان ترائي هؤلاء الناس

فمن علاج الرياء أن تخرج قلبك من صنم أو وثن الناس

فمن علاج الرياء انك تفتكر إلى هيدخل معاك فى قبرك

فمن علاج الرياء انك تفتكر إن الدنيا زايلة

فمن علاج الرياء انك تعرف عظمة الله

التوصيات الأسبوعية إلى عايزينها الأسبوع ده .....

إن كل واحد مننا يثبت عمل مايقولش علية لمخلوق

انك تحافظ على دعاء الرسول صلى الله علية وسلم (( اللهم انى أعوذ بك أن أشرك بك شيئا أعلمه و أستغفرك اللهم مما لا أعلمه )) الحديث أخرجه الإمام أحمد

انك تحافظ على دعائين لرسول الله صلى الله علية وسلم إلى كان بيقولهم فى أول صلاته ...

الدعاء الأول ....وجهت وجهي للذي فطر السماوات و الأرض حنيفا وما أنا من المشركين

الدعاء الثاني ....إن صلاتي و نسكى ومحياي ومماتي لله رب العالمين لاشريك له و بذلك أمرت وأنا أول المسلمين

انت لما بتقول الدعائين دول كأنك بتقول إن أركان الإخلاص الأربعة يارب فى حياتي وأنا بعترفلك فيهم فى أول صلاتي ....

عايزين نحاول بإذن الله تعالى إننا نحافظ على الثلاث توصيات

وأخيرا .........

اللهم ارزقنا الإخلاص فى القول ... اللهم ارزقنا الإخلاص فى نوايانا و أعمالنا .. ربنا اجعلنا مخلصين لك مسلمين لك سلما لك اللهم لاتجعل فى قلوبنا إلا إلاك اللهم لاتجعل فى قلوبنا حظا لغيرك يارب العالمين اللهم لاتجعل همنا إلا رضاك اللهم لاتجعل توكلنا إلا عليك اللهم اخلص قلوبناا لك واخلص أوقاتنا لك و اخلص أعمارنا لك وأخلص أموالنا لك و أخلص حياتنا لك يارب العالمين اللهم لا تدع ذرة فى طاقتنا لغيرك اللهم لا تدع ثانية فى وقتنا لغيرك اللهم لا تدع أي مال من أموالنا لغيرك اللهم اجعل حياتنا كلها لك يارب العالمين تقبل منا حياتنا لك يارب العالمين تقبل منا مماتنا لك تقبل أعمالنا تقبل نوايانا تقبل كل أعمالنا الصالحة املأ قلوبنا حبا لك ورضا بك وثقة فيك وإنابة وإخباتا إليك وتوكلا عليك وحسن ظن بك يارب العالمين
يارب تب علينا لنتوب يارب تب علينا لنتوب ارضي عنا اهدنا واهدي بنا و اجعلنا هداة لمن اهتدى اجعلنا هداة مهتدين لا ضالين ولا مضلين و لا مغيرين ولا مبدلين اشرح لنا الصدور يسر لنا الأمور وقفنا إلى ماتحبة وترضاة .أقمنا على مرادك منا .املأ حياتنا بالقرءان و بالدعوة بالقرءان والجهاد فى سبيك بالقرءان اللهم اجعل القرءان العظيم ربيع قلوبنا و نور صدورنا وجلاء همومنا . يارب علمنا القرءان وعلمنا بالقرءان وفهمنا القرءان وفهنا بالقرءان فقهنا فى القرءان وفقهنا بالقرءان
يارب انت تعلم حاجتنا إليك وفقرنا إليك وذلنا بين يديك .اللهم انت تعلم احتياجنا إليك يارب العامين اللهم مالنا غير عونك نبلغ به رضاك مالنا غير توفيقك نبلغ بة هداك

أنخنا مطايانا ببابك و أتينا إليك يارب راجيين فلا تردنا على أعقابنا خائبين ولا منتكسين و ثبت قلوبنا على دينك إلى يوم نلقاك يارب العالمين و اجعل خير أيامنا وأسعد أيامنا و افرح أيامنا يوم لفائك يارب العالمين

سبحانك اللهم و بحمدك أشهد أن لا إله إلا انت أستغفرك و أتوب إليك .

[راجية حب الرحمن]

رد: الاخلاص الدرس وتفريغه د/حازم شومان

موضوع مميز افادني كثيرا
بارك الله فيكم وفي جهدكم الواضح

[حلم مسلمة]

رد: الاخلاص الدرس وتفريغه د/حازم شومان

وعليكم السلام ورحمة الله وبركاته
ما شاء الله تبارك الله
جزاكِ الله خيرا وبارك الله فيكِ
موضوع جميل جدا ربنا يجعله فى ميزان حسناتك اللهم امين
اللهم ارزقنا الاخلاص فى القول والعمل
ويارب لا تجعل حظنا من ديننا قولنا اللهم امين

[محبة المساكين]

رد: الاخلاص الدرس وتفريغه د/حازم شومان

اللهم اجعلنا من المخلصين الصادقين
واكتب لنا الجنه يارب بغير حساب ولا سابقه عذاب

بارك الله فيك وجزاك الله خيرا

[مسلمة معتزة بدينها]

رد: الاخلاص الدرس وتفريغه د/حازم شومان

جزاكم الله خير الجزاء ونفع بكم

[*أمة الرحيم*]

رد: الاخلاص - الدرس وتفريغه د/حازم شومان

جزاكم الله خيرًا ... ونفع الله بكم