[بقلمي] لم اتوقع يوماً ان اكون هكذا !!

[(أم فارس)]

السلام عليكم ورحمة الله وبركاته
معي اليوم قصة احترت في عنوانها
فاخترت لها عنوان
(لم اتوقع يوماً ان اكون هكذا )
حكاية بنت اعرفها
تقول صاحبة القصة
نشأت في بيت غير ملتزم كلياً
يعني بيصلي عادي وبيصوم عادي ولبس ضيق عادي ومكياج عادي برضه
واغاني عادي وخروج عادي
بس مش اووووي يعني في الخروج
الحق يتقال برده
بابايا مسافر من وانا صغيرة وبيجي اجازات
ماما بتشتغل
اخويا برده بيشتغل وبيسافر لشغله
المهم يعني
كبرت لقيت انه مفيش راجل في البيت
وده حسيته من وقت ما اخويا اتخرج من كليته (كلية عسكرية ) وبدأ يسافر لشغله بقى ويشوف حياته
كنت بتضايق اووووي من كده
انه الكل مشغول
يعني بابا مسافر (فهمت وقدرت بعد كده انه لولايا انا واخواتي وامي مكنش هتغرب ويتعب نفسه )
وامي بتشتغل ( ومش عارفه توفق كويس بين البيت والشغل بس اما كبرت برده بدأت افهم اكتر واقدر الوضع وان فعلا كل ده عشانا احنا )
واخويا (لظروف كليته كان بيجي خميس وجمعه تقريبا مش فاكرة ولما اتخرج بيسافر 3 اسابيع ويجي اسبوع)
المهم يعني ما بين ده كله انا كنت فعلا خلاص اتخنقت من الوضع
بس ده اتغير جوايا لما كبرت
المهم من الموضوع ده كله
جيت في يوم ايام ثانوية عامة وتحديداً في 2 ث
بدأت افكر اني البس الاسدال
(انا من اولى ث كنت بتدرج في اللبس يعني بنطلون ع بلوزة طويلة وبعدين جيبات وبعدين عبابات ملونه وبعدين عبايات سودا بعدين في 2 ث قلت هلبس الاسدال)
وكااااااااانت الصاااعقة
ايوا والله كانت صاعقة لأهلي اصلا وبالتحديد امي لانها هي اللي قاعده معايا بقى
ان الب اصلا عبايات سودا
مابالكو بقى بالاسدال ؟؟
طبعا كانت نهايتي
ورحت شريت اسدال وورتهولها وقلتلها هلبسه
وطبعا اتفتح ماسورة شتائم وتهزيق ( اتعودت عليه بعد كده بقى من كتر ببقى بيحصل )
المهم تهزيق بقى ولا ومش لا وهيكبرك وانتي هتعملي كده ليه ووصلت انها تقولي انتي مش متربية كمان
وربنا ميرضاش انك تغضبي اهلك
ماله لبسك ماهو محترم وحلو اهو
......
المهم حسيت ان فعلا مخنوقة من الكلام بتاع ماما ده بس انا كنت فعلا عاوزة البس الاسدال
مش فاكرة ايه السبب اللي خلاني اقرب لربنا وامشي في الطريق ده (طريق الارهاب حالياً)
بس اللي اقدر اقوله ان كنت مقضياها بالطول والعرض بس مش طول وعرض اوي يعني
يعني مكنتش معرضاها اوووي
خروجات وفسح ولبس وكله
اه والله (ربنا يغفرلي)
المهم لبست الاسدال بقى
وكل شوية اقوم واقف اقوم واقف
لان مفيش صحبة صالحة طبعا
وكنت كمان تركت زمايلي (شلة الانس) اللي كنت ملمومة عليها ايام ث
وكنت بموت ان تركتهم وحزينه
بس ده كان لازم يتعمل عشان اعرف امشي في الطريق ده
لان واحد منا هيشد التاني ولاني كنت لسه في اول الطريق فخفت ارجع تاني
فبعدت احسن
الباب اللي يجيلك منه الريح سده واستريح
المهم
طبعا كل شوية يحصل قلق عندي بسبب الاسدال
كان بس مصعبها عليا اني لوحدي في البيت
لا لوحدي في العيله
فمكنتش بخلص من الكلام سواء من قرايب بابا او قرايب ماما
وكنت في نظرهم ست الشيخة بقى والكلام ده
المهم شوية بشوية
بدأت افكر في النقاب
واحبه اووووووي
كنت لما اشوف منتقبة ابكي
اشمعنى هي لسباه وانا لأ
اكيد انا مش اهل ان البسه
وربنا حارمني منه بذنوبي
المهم
فكرت البسه وبالفعل
اشتريت نقاب وكده
وكانت الصاعقة الكبرى بقى لما فاتحت ماما
تهزيق اكتر من التهزيق بتاع الاسدال والعبايات
بل ووصلت لبعض المرات للضرب
المهم في 3 ث محاولات للنقاب وباءت بالفشل
كنت كل شوية اقوم واقع وابكي اكتر من الاول
بمعنى اصح
نفسيتي تتعب اكتر من الاول
ماما قالتلي طب كلمي بباكي في الموضوع ولو وافق البسيه
كلمت بابا في الموبايل
طبعا الرد الطبيعي
ممنوع واصلا ده مش في الدين ده بدعه وعاده فرعونية انتي مبتشوفيش عبله الكحلاوي ولا ايه
المهم بابا في وسط الكلام قالي لما تخلصي ثانوية البسيه
فعلا مريت بفترة كنت خلاااااص تعبت من كل حاجه في البيت عندي
بس كنت بقول اكييييد ربنا له حكمة انه ابقى انا كده وسطهم
...
قلت خلاص هصبر لحد م اخلص الثانوية بعدين افاتحه تاني
وخلصت الثانويه الحمد لله وخلصنا منها
...
سافرنا لبابا انا واختي الاول
وبعد اسبوعين امي واخويا سافروا لينا
المهم قلت استغل الفرصة وافاتحه تاني
....
اعدت جمبه
قلتلته بابا حبيبي مش هلبس النقاب بقى واحنا راحين نعمل عمرة !!
وكانت الصاعقة
نفس الكلام اللي اتقال اول مرة بل اشد
وقالي لما تتخطبي وتروحي بيت جوزك البسيه براحتك
لأني الوقتي ادامه
يعني مش بكلمه في التليفون
لا ده انا اعده قصاده
..........
هنا اصبت بإحباط شديد ونفسيه مدمرة جداا جداا جدااااااا
نزلنا مصر
جت فترة حسيت ان فعلا تعبانة مش قادرة ابين وشي اكتر من كده
لا وزاد وغطى ان امي خلعتني الازدال وجبتلي عبايات عشان الجامعه بقى
للاسف وتم ده وانا حسه ان عريانة بالعبايات
لان اللي خد ع الستر لا يمكن يرضى بأقل منه فعلا
.........
بعد فترة من الاحباط واليأس
قررت انا المدعوة .....
ان هستعين بالله اكتر ومش هيأس نهائي ولا هحبط ولازم افهم ان بابا وماما بيتعبوا علشانا وماما محملاني مسؤليه لازم اكون ادها
ومش اخيب ظنها ابداً وافرحها بيا
.......
ودخلت الجامعه بقى وما ادراك ما الجامعه
وانا مقررى في نفسي ان خلاص مش هلبس النقاب الوقتي وهسمع كلام بابا وطول الفترة دي هجهز نفسي للنقاب بالعلم والقرآن وحسن الخلق والدعوة
وبالفعل بدات في ده الحمد لله
بس كنت كل فترة البس الاسدال وكل ما البسه اسمع كلمتين من امي
بس كنت بلبسه عشان ابين لأمي اني مش حابه العبايات دي ونفسي البس الاسدال تاني
المهم بقى
ايه
الدراسة في سنتي كانت بدأة يوم 21 10
انا فاكرة
بعد شهر ونص تقريباً
كااااااااااااانت المفاااااااااجأة
بل صاااااااااعقة













































لبست النقاب
ايوا وربنا لبست النقاب
ازاي بقى
معرفش بجد
الحكاية
ان رحت لماما قلتلها حاجه ع اخويا بيعملها غلط فزعقتلي جامد لدرجة ان بكيت اووووي وحسيت ان مكسورة
فقلت ف نفسي خلاص والله من بكرة هلبس الاسدال ومش هخلعه تاني ولا هلبس عبايات
وتزعق بقى متزعقش خلاص انا اتعودت ع الكلام وحفظته
المهم قلت طل وليه مخليها النقاب مرة واحده وزعيق بزعيق بقى
وبهدله ببهدله ومرمطة بمرمطة
وفضلت طول الليل اطلع الاسدال والنقابات اللي عندي والجونتات عشان اشوف هكوي ايه
وصبح الصبح
لبست النقاب ونزلت
وهي مشافتنيش ولا اخويا كمان وانا نازلة
المهم بقى في الموضوع ده بغض النظر عن الاهانة والبهدله والضرب الخفيف
من ماما
واخويا خاصمني اسبوعين
وبابا بعتله رساله قلتله اني لبسته
وماما مرضتش تنزلني الجامعه فترة كده
بغض النظر عن ده كله فعلا
انا كنت فرحااااااااااااااااانة فرحانة اووووووووووووي
انا مكنتش متخيله انها هتعدي كده كنت فكراها فعلا هتبقى اكبر من كده بكتييييييييييييير سواء من امي او اخويا
لان اتبهدلت لما قررت البس عبايات سودا واسدال
........
دلوقتي فعلا بمشي في الشارع اوقات يجي في بالي
يااااااااااااااه
معقول خلاص انا منتقبة
انا بقيت ملكة ؟؟
معقول بجد
لا مش مصدقة فعلا
(ده انا كنت خلاص قلت هستعين بالله وانتظر اتزوج عشان البسه وهجهز نفسي عشان اكون اهل للنقاب )
يااااااااااااه
معقول انا منتقبة وحافظة لاجزاء من القرآن
معقول انا حد يجي يسألني عن شئ بالدين واجاوبه
معقول انا اكون سبب في هداية حد
معقول انا زميلاتي تتخذني قدوة
يااااااااااااااااااااااه
فعلا لم اتوقع ان اكن هكذا
....
بدأت اكون بارة اكتر بأهلي وخاصة أمي
واشيل المسؤليه اكتر من الاول واقدر امي
بس الى الان لازال الكلام مستمر على اني اخلعه وانا خلاص تقريبا بقالي سنتين لبساه اهو
.........
حاجه اعرفوها
من يصدق الله يصدقه
اوقات الضعف والشده والبلاء دي
لو انت لوحدك فيها
ربنا بيعلمك تستعين بيه بس حتى لو مفيش صحبة صالحة
يكفيك بس انك حاسس ان ربنا معاك
ان ربنا اختارك من وسط اهلك من وسط بيتك من وسط زمايلك انك تكون كده
انك تكون رمز للدين
انك بس تعرف حقيقة الدنيا
انه بس دوقك حلاوة الانس بالله
انه دوقك يعني ايه من ترك شيئا لله عوضه الله خيراً منه
كفاااااااااااني فخرا ان تكون لي رباً
كيف احزن وانت ربي
كم من ضيقة فرجتها عني
وكم من شئ جميل كنت انتظره فحققته لي
يااااربي لا ادري ما اقول
ولكن ماذا عساي ان اقول سوى
اني احبك ربي
وانك ياربي كريم وودود
لن انسى لحظات فتوري بطاعتك واجدك تقترب مني وتقربني منك
لن انسى لحظات همي
فتصبرني وتقول لي انها الجنة فاصبري
لن انسى لحظات بكائي في غرفتي من اهلي
فاجدك بجانبي
لن انسى اني اذنبت في حقك وعصيتك فكتبت لي التوبة والرجوع
لن انسى انك كتبت لي ان اكون منتقبة :)
لن انسى انك جعلتني اعمل في الدعوة اليك
جعلتني من المهتدين :)
...........
بقلمي
(أم فارس)
نسألكم الدعاء
لا إله إلا انت سبحانك اني كنت من الظالمين

[لؤلؤة باسلامي]

رد: لم اتوقع يوماً ان اكون هكذا !!

عليكم السلام ورحمة الله وبركاته
جزاكم الله خيرًا ونفع بكم

[رحيق الزهره]

رد: لم اتوقع يوماً ان اكون هكذا !!

جزاكم الله خيرًا ونفع بكم

[العائدة الى الغفور]

رد: لم اتوقع يوماً ان اكون هكذا !!

جزاك الله خيرا

شجعتني جدا جزاك الله خيرا ....

[(أم فارس)]

رد: لم اتوقع يوماً ان اكون هكذا !!

وجزاكم خير مثله
العائده الى الغفور .. ربنا يحفظك ويرزقك توبة صادقه

[آية درويش]

رد: لم اتوقع يوماً ان اكون هكذا !!

جزاكم الله خيرا

[( أمة الرحمن )]

رد: لم اتوقع يوماً ان اكون هكذا !!

جزاكِ الله خيرا
اللهم ارزقني لبس النقاب عاجلا يارب
اللهم استر كل بنات المسلمين

[سهير(بنت فلسطين)]

رد: لم اتوقع يوماً ان اكون هكذا !!

السلام عليكم ورحمة الله وبركاته
جزاك الله خيرا اخيتي العزيزة , وبارك الله فيك , سلمت اناملك , قصة تشجع كل اخت غير منقبة ما شاء الله

[علياء سليمان]

رد: لم اتوقع يوماً ان اكون هكذا !!

جزاكِ الله خيرا

[(أم فارس)]

رد: لم اتوقع يوماً ان اكون هكذا !!

وجزاكم خيراً مثله

[رحلة البداية]

رد: لم اتوقع يوماً ان اكون هكذا !!

ا

ن ربنا اختارك من وسط اهلك من وسط بيتك من وسط زمايلك انك تكون كده
انك تكون رمز للدين
لا دى صعبة
انك بس تعرف حقيقة الدنيا
انه بس دوقك حلاوة الانس بالله

جزاكى الله خيرا

[(أم فارس)]

رد: لم اتوقع يوماً ان اكون هكذا !!

رحلة البداية
مش صعبه خالص
استعيني بالله فقط والدعاء
...
ا

[أم عبد الرحمن .]

رد: لم اتوقع يوماً ان اكون هكذا !!

جزاكم الله خيراً ونفع بكم وبكل ما تقدمونه .

نسأل الله تعالى الثبات .

[(أم فارس)]

رد: لم اتوقع يوماً ان اكون هكذا !!

وجزاكي خيراً مثله

[(أم فارس)]

رد: لم اتوقع يوماً ان اكون هكذا !!