Tweet
كيف حالكم
اسأل الله ان تكونوا بخير حال
احكي اليوم قصة
نينة حبيبة
اترككم مع القصة
نينة حبيبة دي تبقى جارة جدتي
يعني بيتها عند بيت جدتي في البلد
اما بنروح عند جدتي ديما بروح لنينة حبيبه
وده من وانا في 1 اعدادي الى الان
الاول يمكن كنت صغيرة كنت بروحلها عادي ومش في نيتي شئ بس انا بحبها فكنت بروحلها
وهي بتعزني اوووووووووي لانها بتعز ابي وامي وده لانها بتعز جدي الله يرحمه (جدي ابو والدي)
ربنا يرحمه يااارب ويغفرله ويلحقني بيه في الجنة بدون حساب ولا سابقة عذاب
المهم
اني بحبها اووووي وهي عندها (سعادتي في طاعتي لربي ) دي حاجة كبيييييييييرة اوووووي
♥♥
نينة حبيبة دي رأيت منها فعلا عجب العجااااااااااب
نينة حبيبة توفى زوجها
وانا في 2 ثانوي
ما وجدتها غير صااااااااااابرة
دائما تقول الحمد لله يارب الحمد لله قدر ومكتوب
الحمد لله
ديما كل م اروح اعد معها شوية الاقيها ديما حامده ربنا
بعد ما توفى زوجها بفترة مش متذكره ايه حصل
بس اللي فاكراه ان ميه مغليه وقعت على رجلها الاتنين والله المستعان الجلد من سخونة الماء تساقط وانكمش
ومع ده كله برده بتقول الحمد لله؟؟!!
غيرنا بيحصله اقل من كده
وببقى ساخط
شوف دي مش متعلمة
وكبييييييييييرة بالسن
زوجها توفى
هي مريضة
اعده لوحدها في بيتها بعد م زوجها توفى
اولادها مش بيسألوا عنها اد كده
ومع ده كله
(الحمد لله)
♥♥
اكمل الكلام
بعد م وقعت على نينة حبيبه المية المغليه
فضلت شهوووووووور تتعالج من رجليها والان هي مش بتمشي
وبرضه
بتقول الحمد لله وصابره
♥♥
نينة حبيبه من كم شهر من شهرين تقريبا ابنها توفى
ابنها الكبير توفى
♥♥
متخيلين
مات ابنها الكبير
وزوجها قبليه توفى
والابناء مافي حدا بيسأل
♥♥
كنا بالبلد يومها بس مرضتش اروح العزا
مرات عمي قالتلي لا متروحيش اليوم عشان انتي صغيرة وهي زمانها تعبانة لوفاة ابنها وكده
♥♥
وفعلا مرحتش
وراحت والدتي
ورجعت بالصدمة ليا
بتقولي انتي مجيتيش ليه؟؟
نينة حبيبة سألت عليكي وزعلانة منك انك مجيتيش؟؟
بقولها هي كويسة ي ماما؟؟
قالت اه وصابرة ماشاء الله
♥♥
قلتلها خلاص ان شاء الله لما نيجي البلد تاني هروحلها اعد معاها واشوفها
♥♥
وفعلا رحنا البلد تاني ورحت لنينة حبيبة
عكس ما توقعت
لقيتها صااااااااااابرة
وبتقول برده الحمد لله
الحمد لله يا حبيبتي
ربنا يرحمه هو وجدك يارب وكل من مات من حبايبنا
بجد
ابكاني هذا الموقف
ماهذا الصمود
بل ما هذا الصبر؟؟
ماهذا الرضا؟؟
♥♥
اخر شئ
من فترة كبيرة تقريبا من بداية الدراسة بالسنة دي
فوجئت ان نينة حبيبه نظرها بقى بيقل والان هي لا ترى
بقت بتعرفني من صوتي
♥♥
مرة داخلة عليها بتقول مين ؟؟
قلت انا يا نينة حبيبه
مش عرفاني
؟؟
ضحكت وضمتني ليها
♥♥
نسيت اقول ان نينة حبيبة دلوقتي تقريبا لحم ع عظام فقط
راح الجمال
راحت الصحة
راح الكلام
♥♥
مش دي هي اللي كنت بروحلها وانا صغيرة
♥♥
تخيل معايا بقى كده
زوجها توفى
هي مريضة
(سكر وضغط وكبد ورجليها وعنيها.غير التعب النفسي)
ابنها توفى
ابناءها لا يسألوا عنها الا كل فين وفين مع انهم متجوزين فوقيها
والبنات كل وحده ف بيت زوجها
♥♥
ومع ده كله
الحمد لله
اذهلني هذا الصمود
هذا الصبر
هذا الرضا
هذا الحمد والشكر
؟؟
اخر مرة شفتها الخميس اللي فات
♥♥
بقولها عاملة ايه يا حاجة
قالت الحمد لله
الحمد لله يا (....)
انتي عاملة ايه
والدراسة وباباكي ومامتك واخواتك
♥♥
بتقول
ربنا ما يحوجك لحد ويمتعك بالصحة
قلتلها اصبري يا نينة حبيبه وليكي الجنة
يدوم حمدك لربك يارب
شوفي جدو الله يرحمه كان ازاي وكان صابر
يعني يا نينة لو التمن الجنة متستهلش نصبر شوية؟؟!!
قالت الحمد لله ياارب انا راضية بكل حاجة منك يارب
♥♥
دلوقتي
انت لسه مش راضي؟؟
لسه ساخط؟؟
لسه مش حامد لربك؟؟
♥♥
نينة حبيبة دي مش متعلمة وكبيرة في السن
♥♥
خلي ليك ديما عمل مداوم عليه وقول لنفسك لعلي بهذا العمل ادخل الجنة
♥♥
لو التمن الجنة متستهلش تصبر شوية؟؟!!
متستهلش ترضى؟؟!
♥♥
اعتذر عن الاسلوب لو الكلام مش مترتب
♥♥
سبحان الله والحمد لله ولا اله الا الله والله اكبر ولا حول ولا قوة الا بالله
استغفر الله العظيم واتوب اليه
استغفر الله العظيم واتوب اليه
استغفر الله العظيم واتوب اليه
حسبنا الله سيؤتينا من فضله انا الى ربنا راغبون
حسبنا الله ونعم الوكيل
لا اله الا الله وحده لا شريك له.له الملك وله الحمد وهو على كل شئ قدير
اللهم صل على سيدنا محمد وعلى آله وصحبه وسلم تسليما كثير
لا اله الا انت سبحانك اني كنت من الظالمين
....
اللهم اجعل عملنا كله صالحا ولوجهك خالصا ولا تجعل لأحد غيرك فيه شيئاً
اللهم انا نسألك الاخلاااااص والقبول
اللهم انا نسألك الاخلاص
اللهم انا نسالك الاخلاص
..
سبحانك اللهم وبحمدك نشهد ان لا اله الا انت نستغفرك ونتوب اليك
دمتم في حفظ الله
تعليق