Tweet
إذا عايزة طفلك يبدع في الرسم لازم تحرصى على تنمية الموهبه دي اكتشفيها و شجعيه ...
و فن الرسم مش معناه ان الطفل يتحبس جواه بس ... لاء ... ممكن يكون عنده هوايات تانية رياضية و ثقافية و غيرها ..
بس انا بعتبر الرسم بالذات ده منفس ، ممكن تلاقي طفل يقعد يرسم ايام اسابيع و فجاءة يتوقف و بعدين يرجع تاني ، مش زي درس السباحة و التنس و التايكوندو لازم يستمر بصورة منتظمة لاء .... ده عاوز مزاج ..
عشان كده مش بحب الزم الطفل بأخد دروس في الأول ...
بس ممكن بعد ما تقوى عنده الرغبة و بعد تشجبع الأهل في مرحلة ما ، ممكن يلتحق الطفل بمكان يساعده في اكتشاف تجارب فنية تانية تساعدة في التعبير بطرق جديدة
بس الخطوات الأولى لازم تبداء في البيت
كتير من الأطفال بيحبو الرسم بس معظمهم بيقابلهم الاهل بالإهمال لأنهم بيعتبروا دي شخابيط و تضييع وقت ، و بعضهم بيقابلها بالعنف لأنها بتعمل فوضى كبيرة و خاصة لما يبتدي الطفل يجرب الألوان على حاجات عزيزه على قلبهم فيبتدي الصراخ و العقاب و المنع !!
تعالو كده نشوف شوية الشخابيط دي بتعمل إيه ..
الرسم بساعد الطفل على ...
التركيز في تفاصيل الأشياء
وتنشيط المخ بصورة كبيرة،
و توزيع الأفكار في للوحة الصغيرة دي بيزيد معها نسبة ذكائه.
و بيساعد في تنمية المهارات واكتشاف عوامل الابتكار والإبداع وكمان بيساعده على اكتشاف العلاقات وإدخال التعديلات لما بيحاول إبراز جمال الرسم وتقريبه من الواقع.
التركيز في تفاصيل الأشياء
وتنشيط المخ بصورة كبيرة،
و توزيع الأفكار في للوحة الصغيرة دي بيزيد معها نسبة ذكائه.
و بيساعد في تنمية المهارات واكتشاف عوامل الابتكار والإبداع وكمان بيساعده على اكتشاف العلاقات وإدخال التعديلات لما بيحاول إبراز جمال الرسم وتقريبه من الواقع.
علم النفس بيقول أن رسومات الأطفال تدل على خصائص مرحلة نموهم العقلي، و هى تعبر عن رؤيته للحياة من حولة ، افحصي بعينك و قلبك رسمة طفلك شوفي عايز يقول إيه !
هتعرفي مشاعر كتير ... ركزي على الألوان و احجام الأشخاص و تصرفاتهم يمكن متفهميش كتير من الرسمه لكن أسأليه و اتكلمي معاه عن الحكاية إللي ورا الصورة ، اكتشفي خبايا طفلك من خلال رسوماته !
و الرسم كمان وسيلة لطفلك للإتصال مع شخص آخر ،هو مش بيرسم لنفسة ولكن رسمته دي رسالة عشان توصل و تتبلغ لشخص اكبر ، مش هدفه من الرسم أنه يقلد الحقيقة بتفاصيلها الدقيقة ، لكن بيرغب في تمثلها، عشان كده بنقول إن المقدرة على الرسم تتمشى مع التطور الذهني والنفسي للطفل، وبتؤدي إلى تنمية تفكيره وذكائه .
الرسم وسيلة اتصال هايلة جدا بينك وبين طفلك لما يعرض عليكِ رسمته دورك مش بس التشجيع فقط ولكن المشاركة أيضاً
بغض النظرعن مدى تقيمك للرسم يفضل انك تبدي اعجابك بالرسمة و افتكرى دايما ان ملاحظاتك دي هتتحفر في ذاكرته بل و وجدانه كمان ، فكوني حريصة دايما في انتقاء كلمات تبنى لا تهدم موهبة الطفل
احرصي على الاحتفاظ برسماته العزيزة على قلبة وليست المفضلة لديكِ انت ، علمية يحفظ رسماته في ملف و يحبذ انه يكون من صنع إيديه و فرجيه لضيوفك و الأهل و الأقارب ، من وقت لآخر علقى رسماته المميزة في اماكن مختلفة في المنزل
افتكرى دايما ان ابنك و بنتك دول جواهر مخفية و دورك انتي كأم انك تكتشفي جوهرتك دي مميزه في إيه عشان تلمع و تشع
افتكرى دايما ان ابنك و بنتك دول جواهر مخفية و دورك انتي كأم انك تكتشفي جوهرتك دي مميزه في إيه عشان تلمع و تشع
و تتألق انتى الأساس يا ماما دورك كبير و مهم جدا و متنسيش دور زوجك كمان مهم ورأيه هيفرق مع الولاد لازم يشارك ولو بكلمات تشجيعية بسيطة .
من نصائح ام بتحب الرسم بتصرف
تعليق