مش عارفه اعمل ايه فى نفسى(الغفله وضياع الوقت )

[غير مسجل]

السلام عليكم ورحمه الله وبركاته

بصراحه انا تبعت جدااااا وحاسه انى فى صحرااا وفى الضياااع

انا كل يوم افضل سهرانه للصبح وادخل انام الصبح واصحى متاخر

واقوم افضل قاعده طول اليوم على النت

والصلوات طبعا بتتأخر

والله مش بعمل اى حاجه غير النت فى اليوم

مفيش عباده ولا اى حاجه غير الصلاه وطبعا بصليها متأخر

وعليا امتحان قران عدد اجزاء كبير جدا بعد كم يوم ومفتحتش المصحف خااالص

ومش لاقيه صحبه صالحه ونفسى اروح دروس وحاجات كتير

بس فيييييييييييييييييييييييييييييين

انا عايشه برا مصر ومفتقده الصحبه الصالحه

غير انى فى ثانوى والمفروض احضر للمدرسه عشان متزنقش فى الدراسه

ولازم احضر وورايا حاجات كتير جدااااا

مش مهتميه لا بالعباده ولا بنفسى ولا باي حاجه لحد ما بقى شكل شكل المدمنيين

عينيا بقى تحتيها اسود اوووى وجسمى بقى تابعنى من القاعده

ورايا مسئوليات كتيييييير اوووووى

وامى وابويا طول اليوم قومى قومى وكلهم زهقوا منى

طبعا عندهم حق وانا غلطانه بس بحس انه ادمااان

ببقى طول اليوم من الفيس لهنا لهنا حتى مش باخذ االوقت ده فى دروس علميه ولا حاجه

حتى معنديش اي فكره عن اداره الوقت

ويومى كله ضايع حتى ايام الدراسه

ومعنديش اي هدف فى حياتى ومش عارفه اعمل ايه

انا مهمشه فى الحياه ومليش فايده خاااااااااااااالص

حتى محتاره ومش عارفه اختار انهي قسم علمى ولا ادبى وتعبت من التفكير

طبعا ده اللى انا فكراه ولو افتكرت حاجه تانيه هقولها باذن الله

حاسه انى نفسى ابقى احسن ونفسى اعمل واعمل واعمل بس مش عارفه احط اهدافى

وابدا ازاى وامشى ازاى واحدد وقتى ازاااى

كل يوم اقول بكره احسن ومش هقعد على الجهاز وهبدا احفظ عشان الامتحان

واراجع عشان المدرسه

بس ولا حياه لمن تنادى

كنت عايزه مجموعه دروس افضل اسمع فيهم على طول
يعنى كل يوم درس

وكمان عايزه اسماء كتب حلوه تنصحيني بيهم

بحيث انى كل يوم برضه اقرا شويه

بحيث ان الواحد همته متنزلش باذن الله

[فريق استشارات سرك فى بير(الأخوات)]

رد: مش عارفه اعمل ايه فى نفسى

وعليكم السلام ورحمة الله وبركاته

ابنتى الفاضلة
اعلمى أن أول طرق العلاج هى اكتشاف المرض

فاحمدى الله أنك أحسست بألم المرض وبدأت فى طلب العلاج بمثل هذا السؤال

فكم من غافل لاهٍ يضيع عمره ولا يؤثر فيه ذلك
فاحمدى الله على نعمته ليزيدك كما وعد ( وَإِذْ تَأَذَّنَ رَبُّكُمْ لَئِنْ شَكَرْتُمْ لَأَزِيدَنَّكُمْ )

ابنتى الفاضلة
أنت فى مقتبل العمر والشباب وهذه نعمة
وعندك وقت فراغ وهذه نعمة أخرى جليلة

وإليك حديثين جليلين
عن ابن عباس ـ رضي الله عنهما ـ قال: قال رسول الله صلى الله عليه وسلم: ( نعمتان مغبون فيهما كثير من الناس : الصحة والفراغ ) رواه البخاري

وحديث
عَنْ مُعَاذِ بْنِ جَبَلٍ ، رَضِيَ اللَّهُ عَنْهُ ، قَالَ : قَالَ النَّبِيُّ صَلَّى اللَّهُ عَلَيْهِ وَسَلَّمَ : " لَا تَزُولُ قَدَمَا عَبْدٍ يَوْمَ الْقِيَامَةِ حَتَّى يُسْأَلَ عَنْ أَرْبَعِ خِصَالٍ : عَنْ عُمُرِهِ ، فِيمَ أَفْنَاهُ ؟ وعَنْ شَبَابِهِ ، فِيمَ أَبْلَاهُ ؟ وَعَنْ مَالِهِ ، مِنْ أَيْنَ اكتَسَبه ؟ وَفِيمَ أَنْفَقَهُ ؟ وَعَنْ عِلْمِهِ ، مَاذَا عَمِلَ فِيهِ ؟ "

فابدأى ابنتى بمعالجة أمر الاهتمام بالوقت فى حياتك

فالنفس مثل الطفل على ما تعوديها تتعود

فتحدثى معها وصححى معتقادتها وأفكارها

والحل الدائم الذى أنصح به
الكشكول
لابد من كشكول لمحاسبة النفس ومحاورتها

فابدأى معها بهذين الحديثين لتتذكر لماذا يجب عليها حفظ الوقت

ثم ذكريها بالهدف من خلقها أصلا

وأن وراءها يوم يشيب لهوله الولدان وستعرض أعمالها على الله فماذا ستقول وما الذى ستحويه صحائفها

ولكى لا تقلقى ابنتى فهذا العلاج سيأخذ وقت
ولكن تأثيره فعال بإذن الله
فابدأى وجاهدى وثابرى حتى تبدأ حياتك فى الانضباط ثانية

وجاهدى نفسك فى أمر النت
فأنت كما قلت لا تستفيدى شيئ من الجلوس
فاعملى مثل المدمنين واقلعى عما أدمنت
اجعلى لنفسك علاج ألا تدخلى على النت لمدة اسبوع مثلا

وفى هذا الأسبوع أعيدى ضبط الساعة البيولوجية

اجعلى نومك ينضبط واجعلى من يومك ساعة لمحاسبة النفس كما دللتك

ثم اعملى جدول بسيط تسيرين عليه فى فترة انقطاعك عن النت
مثلا ورد يومى من القرآن ومن الذكر وسماع شريط وقبل كل ذلك قومى إلى الصلاة فور سماعك النداء

وبإذن الله لو صبرت على هذا العلاج أسبوعا ستتغير حياتك تماما

لكن عليك بأمرين
الصبر
والمجاهدة

وستصلى بإذن الله

وإليك هذه السلاسل
اسمعيها بالترتيب شريط يوميا وبإذن الله ستتغير حياتك

بداية الهداية

الطريق إلى القرآن

جنود جيش محمد

وبالنسبة للكتب
إذا استطعت الحصول على كتاب رد إلى روحى للدكتور خالد أبو شادى بجزئيه ( بأى قلب نلقاه و جرعات الدواء ) كانا لك عونا بإذن الله
أسأل الله أن يرزقك أرضى ما يرضيه عنك
وأنا معك ابنتى الفاضلة إذا احتجت لشيئ آخر