قربت اتجنن امتحاناتي يوم9/6ومافتحت كتاب انقذووووووووني بسرعه

[غير مسجل]

طبعا عرفتم من العنوان انا دلوقت في3ثانوي ومش فاتحه كتاب ومش عارفه اعمل ايه


وكل لماااا اجي اذاكر احس بكسل شديد وملل ومش قادرة اقعد علي الكتاااااااااب (طبعااااااا السبب المعاصي)

وحتي لما احس اني كويسه مع ربنا واقعد اذاكر

شويه ويجيلي الشيطان ويقولي ربنااااااا عدل اذاي هيساويكي بالي بتذاكر من اول السنة

مستحيل هتجيبي ذيهاااااااا (ياتري ده صحيح اخبروني)


السنة الماضيه حصل نفس الكلام وجيت اخر الايام واعتمدت علي الدعاء فقط دون الاخذ بالاسباب

ومجبتش مجموع ومجموعي كان زبالة (اسفه علي اللفظ)

وهو الموضوع بيتكرر وحاسه اني مهماااااا دعيت مش هيستجبلي

وحاسه اني مش هقدر اخلص المواد حاسه ان الوقت خلاااااص ومفيش فايده

ممكن تقولولي حل

بس عشان خاطر بابا وماما الغلبانين الي تعباهم دول

ياتري فيه امل ان اذاكر واخلص واجيب الدرجات النهائيه ان شاء الله

عشان ارفع مجموعي واسعد بابا وماما

اقسمت عليكم بالله ردو عليه بسرعه

انا المواد الي بد رسها

انجليزي

عربي

تاريخ

علم نفس

فلسفه

وماده المستوي الرفيع فلسفه

والدين عال العال ديماااااا بجيب فيه الدرجات النهائيه من غير ما اذاكره

ياريت كل المواد ذي الدين

منتظرة ال لا تهملوني

الوقت بيسرقني
واسالكم الدعااااااااااء

[غير مسجل]

رد: قربت اتجنن امتحاناتي يوم9/6ومافتحت كتاب انقذووووووووني بسرعه

المواد ادبية مش مستاهلة القلق ده كله
ابدأى ذاكرى التاريخ وابدئى بالتاريخ الاسلامى لغاية الفصل السادس
ذاكريهم كويس وهما ساهلين اوووى ان شاء الله وركزى على بقيت الابواب لان غالباً الامتحانات بتيجى منهم
والفلسفة إبدئى بالمنطق وركزى كويس فيه
العربى انصحك سيبك من الادب ماتذكريهوش كتير عالفاضى والمليان
وكمان عليه درجتين فقط
كمان حاولى تبدأى بقصة طه حسين التافهه إقريها بس كده واحفظ شوية معانى كلمات
انجليش حاولى تحل امتحانات وتركزى كويس عالجرامر
علم النفس مادة سهلة ولذيذة جداً اقريها بس كده وافهميها كويس
كمان ادعى الدعاء ده طالما هناك صعوبة ( اللهم لا سهل الا ما جعلته سهلاً وانت تجعل الحزن إذا شئت سهلاً )
ربنا يوفقنى واياكِ لما يحبه ويرضاه

[غير مسجل]

رد: قربت اتجنن امتحاناتي يوم9/6ومافتحت كتاب انقذووووووووني بسرعه

بداية ابدا معاكي بسؤال


فيه ناس بتعيش حياتها كلها فساد في فساد لكن ممكن اخر ايام في حياته يبئه ولي من اولياء الله تعالي صح؟؟


كلنا ذو خطا ,,يعني مثلا لو كله اخد بفكر حضرتك في مثلا انه يفكر يلتزم هيقول ياه هو انا هقدر احصل اللي التزموا من اربع خمس سنين


لو كله قال كدا محدش هيلتزم ابدا

بالعكس ممكن يكون اللي لسه ملتزم جديد ده يبئه احسن من اللي التزم من عشر سنين

نيجي لموضوع الدراسة اللي انا ربطت الكام جملة اللي فاتوا بيه علي سبيل المثال

لو هتقولي ياه هو ربنا هيكرمني زي ما هيكرم اللي بتذاكر من اول السنة

لو هتقولي كدا مش هتعملي حاجة وممكن تسقطي لا قدر الله كمان


انا حاليا خريج ,,مريت باللي انتي بتقوليه ده كتير اوي

وواضح ان حضرتك ادبي زيي انا كدا ويمكن اخدت المواد دي كمان

اؤلك علي موقف ويمكن يفيدك

قب امتحان الفلسفة مكنتش عارف يعتبر الا حاجات بسيطة اوي

المهم كان عندي ثقة في ربنا وقلت هبدا من جديد وهعمل اللي عليا ويمكن اللي اذاكره يجي منه

كنت صاحي الصبح بدري يوم الامتحان ولسه مخلصتش ومتوتر ومش عارف اجمع نفسي

قلت انا مقدميش الا حاجة واحدة اتوكل علي ربنا وانشل علي حاجات ويا صابت يا خابت ومفيش حاجة ابكي عليها

فكان معايا جربنال اسمه الدستور وكان بيتوقع الامتحانات بتيجي ازاي

قلت هقرا الاسئلة اللي جايبها وربنا ييسر في الفلسفة والمنطق

قريت الاسئلة وعرفتها ورحت الامتحان وبقول ياريت انجح بس

ايجت الورقة ببص فيها لقيت الاسئلة اللي قريتها في الجرنال هي هي ما عدا نقطة واحدة بس ف الفلسفة او نقطة كمان في المنطق

خلصت باقي الاسئلة وسيبتهم للنهاية وبعد ما خلصت قلت أركز واكتب اي حاجة فيهم متعلقة بيهم وخلاص

تصوري جبت كام في الفلسفة اللي كنت لحد الصبح مش عارف يعتبر الا حاجات بسيطة ؟؟

جبت 50 من خمسين والله

انا مش بؤلك انك تزنقي نفسك وتعملي زيي لكن انتي لو قدامك شهر واحد بس هتقدري تعملي حاجة باذن الله تعالي

ثقي بالله ثم بنفسك وقدراتك

من استطال الطريق ضعف مشية ,,

لو كنتي ماشية في طريق ومفيش مواصلات لاقياها والطريق طويل ولما جيتي تبصي لقيتي اخر الطريق بعيد اوي لو قلتي ياه همشي كل ده لسه

عمرك ما هتوصلي ابدا الا بعد مدة طويلة

اما لو حطيتي عنيكي علي هدفك وقلتي انا عنيا علي النهاية وهوصل دلوقتي ومش هستريح هتوصلي ومش هتحسي باي حاجة والكلام ده عن تجربة

فيه موضوع لاخت في المنتدي اسمها aya دوري عليه هو متعلق بالمذاكرة موضوع هيحمسك اوي وان شاء الله ربنا يوفقك لما فيه الخير والصلاح

المهم توكلي علي الله

قربي من ربنا اكتر

ثقي في الله عز وجل

صلي الصلاة علي وقتها وربنا هيباركلك في وقتك انا كنت بكون مخلصتش واروح المسجد اصلي وربنا بيبارك في الوقت

اعلمي ان اللي هتذاكريه ربنا هيكرمك بيه وده اللي ربنا كاتبهولك

وتذكري قول ربنا في الحديث القدسي" انا عند ظن عبدي بي"

فاحسني الظن بربك وابداي دلوقتي بعد ما تقراي كلامي قومي اتوضي وصلي ركعتين استغفري ربنا عز وجل وابداي مذاكرتك

وحطي في دماغك انك قادر بعون الله عز وجل انك تفرمي الكتب دي كلها في اقل وقت ممكن وتكوني احسن من زمايلك باذن الله

ربنا حرك الارض لعبد كان عاوز يتوب له

ربنا قادر علي كل شىء سبحانه وتعالي

نتمني نري موضوعك هنا بانك اصبحت من الاوائل

[فريق استشارات سرك فى بير(الأخوات)]

رد: قربت اتجنن امتحاناتي يوم9/6ومافتحت كتاب انقذووووووووني بسرعه

السلام عليكم ورحمة الله وبركاته ...
اهلاً بك اختنا الكريمة فى بيتك الثانى الطريق الى الله
بداية نسأل الله لك التوفيق انت وكل طلاب المسلمين
انا سأقول لك على طريقة كنت افعلها وكمان كانت الامتحانات فى ايامنا اصعب منكم
أولاَ تقرئى المادة قراية سريعة وبعدان هاتى النماذج وأبدأى حليها
واى سؤال يقف معاكى ارجعى للكتاب او شرح الاستاذ
حتلاقى نفسك بتذاكرى وانتى مستمتعة
لأن طريقة الصم هذة مملة عند ناس كتير
انا حتى فى الجامعة كنت افعلها احل اسئلة الامتحانات
لكن كما قلت لك حلى كل سؤال متوقع او غير متوقع متصل بلمادة
ولازم يكون عندك حسن ظن فى ربنا سبحانه وتعالى واعلمى ان اختيار ربنا للانسان
احسن من اختياره لنفسه وربنا يوفقك ياااااااااارب

[غير مسجل]

رد: قربت اتجنن امتحاناتي يوم9/6ومافتحت كتاب انقذووووووووني بسرعه

بداية ابدا معاكي بسؤال


فيه ناس بتعيش حياتها كلها فساد في فساد لكن ممكن اخر ايام في حياته يبئه ولي من اولياء الله تعالي صح؟؟


كلنا ذو خطا ,,يعني مثلا لو كله اخد بفكر حضرتك في مثلا انه يفكر يلتزم هيقول ياه هو انا هقدر احصل اللي التزموا من اربع خمس سنين


لو كله قال كدا محدش هيلتزم ابدا

بالعكس ممكن يكون اللي لسه ملتزم جديد ده يبئه احسن من اللي التزم من عشر سنين

نيجي لموضوع الدراسة اللي انا ربطت الكام جملة اللي فاتوا بيه علي سبيل المثال

لو هتقولي ياه هو ربنا هيكرمني زي ما هيكرم اللي بتذاكر من اول السنة

لو هتقولي كدا مش هتعملي حاجة وممكن تسقطي لا قدر الله كمان


انا حاليا خريج ,,مريت باللي انتي بتقوليه ده كتير اوي

وواضح ان حضرتك ادبي زيي انا كدا ويمكن اخدت المواد دي كمان

اؤلك علي موقف ويمكن يفيدك

قب امتحان الفلسفة مكنتش عارف يعتبر الا حاجات بسيطة اوي

المهم كان عندي ثقة في ربنا وقلت هبدا من جديد وهعمل اللي عليا ويمكن اللي اذاكره يجي منه

كنت صاحي الصبح بدري يوم الامتحان ولسه مخلصتش ومتوتر ومش عارف اجمع نفسي

قلت انا مقدميش الا حاجة واحدة اتوكل علي ربنا وانشل علي حاجات ويا صابت يا خابت ومفيش حاجة ابكي عليها

فكان معايا جربنال اسمه الدستور وكان بيتوقع الامتحانات بتيجي ازاي

قلت هقرا الاسئلة اللي جايبها وربنا ييسر في الفلسفة والمنطق

قريت الاسئلة وعرفتها ورحت الامتحان وبقول ياريت انجح بس

ايجت الورقة ببص فيها لقيت الاسئلة اللي قريتها في الجرنال هي هي ما عدا نقطة واحدة بس ف الفلسفة او نقطة كمان في المنطق

خلصت باقي الاسئلة وسيبتهم للنهاية وبعد ما خلصت قلت أركز واكتب اي حاجة فيهم متعلقة بيهم وخلاص

تصوري جبت كام في الفلسفة اللي كنت لحد الصبح مش عارف يعتبر الا حاجات بسيطة ؟؟

جبت 50 من خمسين والله

انا مش بؤلك انك تزنقي نفسك وتعملي زيي لكن انتي لو قدامك شهر واحد بس هتقدري تعملي حاجة باذن الله تعالي

ثقي بالله ثم بنفسك وقدراتك

من استطال الطريق ضعف مشية ,,

لو كنتي ماشية في طريق ومفيش مواصلات لاقياها والطريق طويل ولما جيتي تبصي لقيتي اخر الطريق بعيد اوي لو قلتي ياه همشي كل ده لسه

عمرك ما هتوصلي ابدا الا بعد مدة طويلة

اما لو حطيتي عنيكي علي هدفك وقلتي انا عنيا علي النهاية وهوصل دلوقتي ومش هستريح هتوصلي ومش هتحسي باي حاجة والكلام ده عن تجربة

فيه موضوع لاخت في المنتدي اسمها aya دوري عليه هو متعلق بالمذاكرة موضوع هيحمسك اوي وان شاء الله ربنا يوفقك لما فيه الخير والصلاح

المهم توكلي علي الله

قربي من ربنا اكتر

ثقي في الله عز وجل

صلي الصلاة علي وقتها وربنا هيباركلك في وقتك انا كنت بكون مخلصتش واروح المسجد اصلي وربنا بيبارك في الوقت

اعلمي ان اللي هتذاكريه ربنا هيكرمك بيه وده اللي ربنا كاتبهولك

وتذكري قول ربنا في الحديث القدسي" انا عند ظن عبدي بي"

فاحسني الظن بربك وابداي دلوقتي بعد ما تقراي كلامي قومي اتوضي وصلي ركعتين استغفري ربنا عز وجل وابداي مذاكرتك

وحطي في دماغك انك قادر بعون الله عز وجل انك تفرمي الكتب دي كلها في اقل وقت ممكن وتكوني احسن من زمايلك باذن الله

ربنا حرك الارض لعبد كان عاوز يتوب له

ربنا قادر علي كل شىء سبحانه وتعالي

نتمني نري موضوعك هنا بانك اصبحت من الاوائل

جزاكم الله خيرااااااااا الكلام ده حمسني جدااااااااا
وبصراحه الي ضيعني السنه الماضيه هو الياس
لان ساعتها كان فاضل 10 ايام علي الامتحانات وكنت متابعه الاستاذ باسم الشريف
لان كلامه كان بيشجعني وجيت اسمعله الحلقه الاخيرة في المنهج
قال فيهاااااا خلاص الي تعب من اول السنه ربنا هيديله علي اد تعبه والي كان بيلعب هيشوف نتيجه لعبه

ساعتها تركت المذاكرة بالكليه وكنت علمي وكنت بمتحن في الدروس والله واطلع فيها من الاول واخذ جوائز

بس قولت اراده ربناااا

وانا مش زعلانه انا راضيه والي ربنا هيدهولي انا راضيه بيه

بس لازم اعمل الي عليه
وربنااااا يبارك في الوقت

[غير مسجل]

رد: قربت اتجنن امتحاناتي يوم9/6ومافتحت كتاب انقذووووووووني بسرعه

المواد ادبية مش مستاهلة القلق ده كله
ابدأى ذاكرى التاريخ وابدئى بالتاريخ الاسلامى لغاية الفصل السادس
ذاكريهم كويس وهما ساهلين اوووى ان شاء الله وركزى على بقيت الابواب لان غالباً الامتحانات بتيجى منهم
والفلسفة إبدئى بالمنطق وركزى كويس فيه
العربى انصحك سيبك من الادب ماتذكريهوش كتير عالفاضى والمليان
وكمان عليه درجتين فقط
كمان حاولى تبدأى بقصة طه حسين التافهه إقريها بس كده واحفظ شوية معانى كلمات
انجليش حاولى تحل امتحانات وتركزى كويس عالجرامر
علم النفس مادة سهلة ولذيذة جداً اقريها بس كده وافهميها كويس
كمان ادعى الدعاء ده طالما هناك صعوبة ( اللهم لا سهل الا ما جعلته سهلاً وانت تجعل الحزن إذا شئت سهلاً )
ربنا يوفقنى واياكِ لما يحبه ويرضاه

ربنا يكرمك
دي المشكله انهااااااا ادبيه

لان المواد الادبيه محتاجه وقت كبير جدااا

بعكس المواد العلميه

والله انا دخلت علمي السنه الماضيه علشان اهرب من التاريخ والفلسفه

لكن قدر الله وما شاء فعل
وبالفعل اول6فصول في التاريخ سهلين
انا والله كنت حفظاهم ذي اسمي بس نسيتهم وبقالي اكترمن اسبوع مش عارفه اخلص الباب الاول
حاسه بملل

وانا هنفذ كلامك ان شاء الله

بس الادب مهم دول2درجتين مش شويه

جزاكم الله خيرا

[غير مسجل]

رد: قربت اتجنن امتحاناتي يوم9/6ومافتحت كتاب انقذووووووووني بسرعه

السلام عليكم ورحمة الله وبركاته ...
اهلاً بك اختنا الكريمة فى بيتك الثانى الطريق الى الله
بداية نسأل الله لك التوفيق انت وكل طلاب المسلمين
انا سأقول لك على طريقة كنت افعلها وكمان كانت الامتحانات فى ايامنا اصعب منكم
أولاَ تقرئى المادة قراية سريعة وبعدان هاتى النماذج وأبدأى حليها
واى سؤال يقف معاكى ارجعى للكتاب او شرح الاستاذ
حتلاقى نفسك بتذاكرى وانتى مستمتعة
لأن طريقة الصم هذة مملة عند ناس كتير
انا حتى فى الجامعة كنت افعلها احل اسئلة الامتحانات
لكن كما قلت لك حلى كل سؤال متوقع او غير متوقع متصل بلمادة
ولازم يكون عندك حسن ظن فى ربنا سبحانه وتعالى واعلمى ان اختيار ربنا للانسان
احسن من اختياره لنفسه وربنا يوفقك ياااااااااارب

هي بصراحه فكرة جميلة جداااااا

ومن زمان وانا عايزة اجربهااااااا

ولكن لما بمسك الامتحانات ببقي مش عارفه حاجه وبفضل ارجع للكتاب ومبكنش لاقيه الاجابه بسهوله

انا اصلا اكتر حاجه بكرهاااااااا حل الاسئله

يعني اذاكر واحفظ الدرس ذي اسمي
واجي احل واقول لازم احل كل الاسئله

بعديها بمل وابداش اذاكر تاني

فكل شخص وليه طريقته

ولكن جزاكم الله خيرااااااا لعل احد من الزوار الطلبه يستفيدووو بيهاااااااااا

ربنا يباركلكم

[غير مسجل]

رد: قربت اتجنن امتحاناتي يوم9/6ومافتحت كتاب انقذووووووووني بسرعه

ربنا يكرمك
دي المشكله انهااااااا ادبيه

لان المواد الادبيه محتاجه وقت كبير جدااا

بعكس المواد العلميه

والله انا دخلت علمي السنه الماضيه علشان اهرب من التاريخ والفلسفه

لكن قدر الله وما شاء فعل
وبالفعل اول6فصول في التاريخ سهلين
انا والله كنت حفظاهم ذي اسمي بس نسيتهم وبقالي اكترمن اسبوع مش عارفه اخلص الباب الاول
حاسه بملل

وانا هنفذ كلامك ان شاء الله

بس الادب مهم دول2درجتين مش شويه

وربناااااااا يساعدناااااااااا ومتنسنيش من الدعاااء وانا هدعيلك ان شاء الله

جزاكم الله خيرا
انا بقولك بس سيبك من الادب لانه صعب غير كده كتير جدااا عليكم فى سنة تالته
وانا فى الثانوية ماكنتش بفتح ادب تالته ده نهائى لانه كان صعب ومالوش اى لازمة علمية نهائى
فلوحضرتك عاوزة فعلاً تحققى الدرجتين دول ذاكريه بس متبد~يش بيه نهائى
خليه فى الاخر اوحسب حالتك المزاجية

[فريق استشارات سرك فى بير(الأخوات)]

رد: قربت اتجنن امتحاناتي يوم9/6ومافتحت كتاب انقذووووووووني بسرعه

اذا تم الحديث بتلك الطريقة بصيغة المفرد سأغلق الموضوع
بين الاخوة والاخوات
من يريد ان يتحدث يتحدث بصيغة الجمع

[غير مسجل]

رد: قربت اتجنن امتحاناتي يوم9/6ومافتحت كتاب انقذووووووووني بسرعه

اذا تم الحديث بتلك الطريقة بصيغة المفرد سأغلق الموضوع
بين الاخوة والاخوات
من يريد ان يتحدث يتحدث بصيغة الجمع

ناسف شيخنا الفاضل
ساخرج من الموضوع تماماً
وان شاء الله حضرتك تنصحها وتعمل بنصيحتك

[غير مسجل]

رد: قربت اتجنن امتحاناتي يوم9/6ومافتحت كتاب انقذووووووووني بسرعه

اذا تم الحديث بتلك الطريقة بصيغة المفرد سأغلق الموضوع
بين الاخوة والاخوات
من يريد ان يتحدث يتحدث بصيغة الجمع

انا آسفة انا صاحبه الموضوع انا كنت فاكره ان المشاركه كانت لاخت

ورب الكعبه كنت فاكره انها طالبة ذي لما قالت ان اول6فصول سهلين

وده باين من كلامي لما قولت هدعيلك

يعني كنت فاكره انها طالبة ذيي

ورب الكعبه

علي العموم ربنااااااا يباركلكم

وانا مشفتش رد الاخ قبل التعديل

الحمدلله