Tweet
بسم الله الرحمن الرحيم
اخوانى اخواتى اسعد الله اوقتكم ودمتم بخير
هذه خطبه لشيخ كشك رحمه الله يتكلم فيها عن الفسادالناتج عن طريق الاعلام
فى زمن كان فيه الباب الاول والرئيسى للعلام هو الراديو
رحم الله شيخنا لو كان موجود معنا فى هذا التطور الاعلامى الرهيب كان هيقول ايه
ولكن الله المستعان
على بركه الله نبدى الخطبه
يقول شيخنا رحمه الله
يعنى اعلام يدمر مدمر مافيش حاجه ابدا
طول النهار مافيش غير اقبلك فين واقولك ايه
يبقى الواحد طالع على باب الكريم بيقول يا فتاح ياعليم
بدل ما يقول له فى الراديو اتقى الله ولا تاكل حراما
لا يسمع عمك محرم فؤاد بيقول رمش عينه اللى جرحنى
جرحك ليه هو رمش عينه مواس حلاقه يا وله هو ايه
واللى تقولك ايه غاب القمر يا ابن عمى
طب يا مقصوفة الرقبه انتى قاعده مع ابن عمك ليه بتعملى ايه لحد القمر ما غاب
حتى لا اله الا الله الفلاحين اللى كانو الواحد منهم مايعرفش الالف من كوز الدره
النهارده قال بيعرف غاب القمر يا ابن عمى
وايه والله احنا كنا فى سجن طره وكان الجدع دا اللى اسمه عبد الرحمن الابنودى كانو خدوه ست ايام اعتقال
احنا بنقعد بالسنين اما هو علشان شيوعى ما يقعدش اكتر من يومين تلاته
ويقعد فى زنزنه مفتوحه والشاويش يقدم ليه الشاى
لكن احنا بناكل ايه مش فول مسوس لا سوس مفول
وحد الله وقول لا اله الا الله
ايوه ايوه يا بلدنا يا عجيبه فيكى حاجه محيرانىنزرع القمح فى سنين يطلع القرع فى صوانى
بقى خدو السيد الابنودىاللى بيحكى حكايه ابو زيد الهلالى سلامه
بيحكها للجمهور فى الاذاعه وبيستمعوله ومافيش واحد تفوته خلقه ابدا
يعنى الفلا حين تقولك ايه
الساعه تسعه وربع معياد الحلقه بتاعة ابو زيد الهلالى
والله لو كان عن النبى محمدكنتم قاعدتم اتوبتم وقلتم يلا بينا يا شيخا شوف لنا كرسى معسل
انما ابو زيد الهلالى لا ماشى نسمع
وطلع ابوزيد وقال مش عارف ايه واذا كنت جعان لحم كتافى يكفيك واذا كنت عطشان من ماء البلاد اسقيك والاسم ادهم لكن النقب شرقاوى
خدو السيد الابنودى يومين فى طره وبعدين واحنا قاعدين معه
فبيقول بالذمه دى بلد تستهل الواحد يقدم له مواهب وخدمات
فبقوله انت قدمت ايه من المواهب يا بنى
قال انتم مش عارفنا
قولت له لا يا ابنى نحب نتشرف
قال انا فلان الفلانى مؤلف اغنيه تحت الشجره يا وهيبه
قولت ما شاء الله دا ايه دا ايه الفتوح والتجلى دا
ايه ياوله يا بتاع وهيبه ايه دا ايه العظمه دى يا سيدى تحت الشجر يا وهيبه
اسرائيل عماله تجيب صواريخ هوك
اسرائيل عماله تجيب طائرات اف 15 و اف 16 واحنا اوف منكم
ادى المساله طول النهار مافيش غير كده الحب والغرام والتبجح
واللى تقولك يامه اعملى معروف معدش فيها كسوف قومى افتحى له الباب ولا اناديله
وحد من الجيران وصف له قلتنا يامه القمر عطشان
شفتو عمركم القمر بيقى عطشان
علشان كده روسيا طلعت القمر وامريكا طلعت القمر واحنا القمر بتاعنا على الباب
مش عارف حيسيب الباب امتى
قال يعنى القمر دور على الدنيا كلها ملقاش غير قلتها علشان يشرب منها
وادى المساله والريف النهارده لا صلاه ولا بعد ما كان هو مهبط العبادات
النهارده مطلعين لهااغانى مخصوص له
امه نعيمه تقول لها نعمين تقول لها خلى عليوه يكلمنى
كلمتك فى جنابك يا ستى عليوه حيكلمك ليه
لا وايه الكلام رسمى يعنى امه اللى بتقوله انزل كلم البنت بتنادى عليك
يعنى شوف لا يدخل الجنه ديوث قالو وما الديوث يارسول الله قال الذى لا يغار على عرضه
انا عايزك توحد الله وتقول لا اله الا الله
ولذلك حاجه عجيبه جدا
واحد غنى مربى كلبـ
وانتم عارفين الاغنياء دائما فى كل بيت كلبـ
دا بقى يعنى له جميع الامتيازات
انا اعرف واحد فى الشرابيه بيتاجر فى الكلاب بيبيع الواحد ب 800 جنيه
مع ان التجاره فى الكلاب حرام
ان الله تعالى حرم ثمن الكلب واجرة المراه البغيه يعنى الواحد اللى يمشى مراته فى الحرام وياكل من اجرها
واللى يبيع الكلب حرام بيع الكلب حرام وبيع الخنزير حرام واجرة المراه البغيه الزانيه حرام
انما احنا بقى تبقى الناس مش لقيه تاكل ودا مربى كلبـ
الناس نايمه على الرصيف ودا عامل للكلب اوضه لوحده
والناس نايمه على الرصيف وتلقى الواحد بيقول لتانى وسع يابنى شويه انت عايزنى انام فى الشارع
اومال انت نايم فين يابنى
وتبقى الناس مش لقيه موصلات
وتلقى بيجو دا اسم الكلب بيبص لك من شباك الشيفروليه
انت واقف على المحطه بقالك تلات ساعات
والكلب يبص لك كده وبيضحك لك ضحكه زرقه بنت كلب
يعنى شوف بقى حتقول ايه
شيفروليه ومرسيدس بنس ومرسيدس خنزيره واحنا مش لقين حمار سيدس
تقوم انت تقول يسلام تقول ياليتنى كنت ؟؟؟؟؟؟؟ ما انت حتعمل ايه
انت عايز توصل ما انت عايز توصل
وحد الله وقول لا اله الا الله
ولذلك النبى حذر من مجتمع الكلاب
تعرف قال ايه النبى تعرف النبى قال ايه
قال من امسك كلبنا لغير حرستنا نقص الله له من اجره كل يوم قيرطين رواه البخارى
متصلى على حبيبك
وزيد علشان احنا بنحب الصلاه على النبى سكر زياده
ولذلك بعد ما توحد وتقول لا اله الا الله
الفقراء لما اتغظو من كلب الغنى قتلوا
قام الغنى قال يسلام هما قتلوا طب انا حعمل له ليله محصلتش فى التاريخ
نصب له صوان وكراسى مذهب ومقرئ وخد العزاء
قاموا الفقراء راحو للعمده بتاعهم وقالو له يا حضرة العمده يصح ان الغنى يعمل صوان للكلب اللى مات وياخد العزاء بتاعه
قام العمده راح للغنىقالو ايه اللى انت عملته دا
قالو ابدا يا حضرة العمده اصل الكلب قبل ما يموت كان سايب 100 جنيه تركه فقالى اعملى صوان ب 50 واعطى العمده 50
قام رد عليه العمده قالو انت بتقول المرحوم قال ايه
مهو اعطه خمسين الكلب اخذ لقب مرحوم
لانه اذا اردت ان تنجز فعليك بالونجز
مهو الرجل بيقول رحت علشان اطلع طلب لقيت الرجل اللى قاعد على المكتب
كل ما يدخل عليه واحد يقول له عايز اطلع الطلب الفلانى يقوله بكره ياسيد
انتم عارفين الرجل بتاع همسه عتاب فى الراديو بتاع بكره يا سيد
الرجل بيقول انا مستعجل وجاى من مكان بعيد فقال روحت حطط 50 قرش فى البطاقه وقدمت له البطاقه
قام قالى الله كويس بس كنا عايزين بطاقه كمانه يعنى 50 قرش تانى
الشفره النهارده اصبحت تتقال فى الراديو
يبقى عارف ان الواد الفلاح دا مروح فيقوله ياوله يا صميده ابقى هات الشمس عند الغروب
الشمس عند الغروب يعنى ايه فطيره مشلتة الشمس عند الغروب
ياوله ابقى هات لنا ديكين
انت عارف الديك يعنى الجنيه والديك الرومى ال10 جنيه
ولما الورقه ام العشرين طلعت ابقى هات لنا كبش
خد بالك انا بعلمك علشان تعرف تمشى حالك
وحد الله يامسلم وقول لا اله الا الله
بالله العظيم يمين تلاته يعنى مين اللى بتسال جوزها هذا السؤال
انا نفسى اعرف وحده تكون بتقول لجوزها ايه اللى انت حفظته من القران
دى بتبقى طول النهار بتردح لجارتها وجارتها بردو ترد عليها وحافظين احدث قاموس فى الشتائم
وتجى تقول له اقراء الفاتحه تقوم تقولك
اهدنا الصراط المستقين
المستقين على السبعه دى ولا على التامنه مش عارفها تقولى المستقيم خلاص
ليه لان ما فيش تشجيع على الدين ولا على الاسلام
اومال التشجيع على ايه
يقولك الغلط فين برنامج قال بيعطى فلوس 75 قرش واللى يجاوب تانى يكسب 150 قرش
الغلط فين انا قلت يارب يمكن حيحفظ الناس القران ولا التحيات ويصحح لهم
انما الغلط فين عباره عن مسابقه فى حفظ الاغانى
يعنى يجيب الاغنيه غلط ويقول مين يصحح الكلمات يسلام يسلام
يعنى مثلا هلت ليالى القمر يقول هلت ليالى البدنجان اى حاجه
يقول قول الصح وتاخد 75 قرش شوف التشجيع على الفساد
وبعدين الاخر تقول خدنى عن الوجود وابعدنى بعيد بعيد لوحدنا
حتعملو ايه حتعملو ايه يادى المصيبه السودا ياولاد
بقى النبى بيقول ما خلا رجل بامراه اللى كان الشيطان ثالتهما
قام واحد سئل النبى سؤال
وان كانت صالحه يارسول الله
اسمع ووحد الله وقول لا اله الا الله
انت عارف الشيطان بيسيبك امتى
لما الاذان يرفع ياخد بعضه ويطلع جرى من الجامع
الاذان يخلص يدخل تانىيسمع الاقامه يطلع تانى
لما ندخل نصلى يدخل بقى معنا يشتغل
يقولك دا انت صليت ركعتين بس لا دول تلاته يكعبل الواحد
تلاته اتنين اتنين تلاته يكعبلك
يقولك اسرع يا اخى شويه فى الصلاه علشان عيالك عايزينك
الاكل حيبرد يخلى الناس تدخل مع بعض سباق فى الصلاه والجدع اللى يخلص الاولى
والله المستعان رحم الله شيخنا واسكنه الفردوس الاعلى اللهم امين
اخوانى اخواتى اسعد الله اوقتكم ودمتم بخير
هذه خطبه لشيخ كشك رحمه الله يتكلم فيها عن الفسادالناتج عن طريق الاعلام
فى زمن كان فيه الباب الاول والرئيسى للعلام هو الراديو
رحم الله شيخنا لو كان موجود معنا فى هذا التطور الاعلامى الرهيب كان هيقول ايه
ولكن الله المستعان
على بركه الله نبدى الخطبه
يقول شيخنا رحمه الله
يعنى اعلام يدمر مدمر مافيش حاجه ابدا
طول النهار مافيش غير اقبلك فين واقولك ايه
يبقى الواحد طالع على باب الكريم بيقول يا فتاح ياعليم
بدل ما يقول له فى الراديو اتقى الله ولا تاكل حراما
لا يسمع عمك محرم فؤاد بيقول رمش عينه اللى جرحنى
جرحك ليه هو رمش عينه مواس حلاقه يا وله هو ايه
واللى تقولك ايه غاب القمر يا ابن عمى
طب يا مقصوفة الرقبه انتى قاعده مع ابن عمك ليه بتعملى ايه لحد القمر ما غاب
حتى لا اله الا الله الفلاحين اللى كانو الواحد منهم مايعرفش الالف من كوز الدره
النهارده قال بيعرف غاب القمر يا ابن عمى
وايه والله احنا كنا فى سجن طره وكان الجدع دا اللى اسمه عبد الرحمن الابنودى كانو خدوه ست ايام اعتقال
احنا بنقعد بالسنين اما هو علشان شيوعى ما يقعدش اكتر من يومين تلاته
ويقعد فى زنزنه مفتوحه والشاويش يقدم ليه الشاى
لكن احنا بناكل ايه مش فول مسوس لا سوس مفول
وحد الله وقول لا اله الا الله
ايوه ايوه يا بلدنا يا عجيبه فيكى حاجه محيرانىنزرع القمح فى سنين يطلع القرع فى صوانى
بقى خدو السيد الابنودىاللى بيحكى حكايه ابو زيد الهلالى سلامه
بيحكها للجمهور فى الاذاعه وبيستمعوله ومافيش واحد تفوته خلقه ابدا
يعنى الفلا حين تقولك ايه
الساعه تسعه وربع معياد الحلقه بتاعة ابو زيد الهلالى
والله لو كان عن النبى محمدكنتم قاعدتم اتوبتم وقلتم يلا بينا يا شيخا شوف لنا كرسى معسل
انما ابو زيد الهلالى لا ماشى نسمع
وطلع ابوزيد وقال مش عارف ايه واذا كنت جعان لحم كتافى يكفيك واذا كنت عطشان من ماء البلاد اسقيك والاسم ادهم لكن النقب شرقاوى
خدو السيد الابنودى يومين فى طره وبعدين واحنا قاعدين معه
فبيقول بالذمه دى بلد تستهل الواحد يقدم له مواهب وخدمات
فبقوله انت قدمت ايه من المواهب يا بنى
قال انتم مش عارفنا
قولت له لا يا ابنى نحب نتشرف
قال انا فلان الفلانى مؤلف اغنيه تحت الشجره يا وهيبه
قولت ما شاء الله دا ايه دا ايه الفتوح والتجلى دا
ايه ياوله يا بتاع وهيبه ايه دا ايه العظمه دى يا سيدى تحت الشجر يا وهيبه
اسرائيل عماله تجيب صواريخ هوك
اسرائيل عماله تجيب طائرات اف 15 و اف 16 واحنا اوف منكم
ادى المساله طول النهار مافيش غير كده الحب والغرام والتبجح
واللى تقولك يامه اعملى معروف معدش فيها كسوف قومى افتحى له الباب ولا اناديله
وحد من الجيران وصف له قلتنا يامه القمر عطشان
شفتو عمركم القمر بيقى عطشان
علشان كده روسيا طلعت القمر وامريكا طلعت القمر واحنا القمر بتاعنا على الباب
مش عارف حيسيب الباب امتى
قال يعنى القمر دور على الدنيا كلها ملقاش غير قلتها علشان يشرب منها
وادى المساله والريف النهارده لا صلاه ولا بعد ما كان هو مهبط العبادات
النهارده مطلعين لهااغانى مخصوص له
امه نعيمه تقول لها نعمين تقول لها خلى عليوه يكلمنى
كلمتك فى جنابك يا ستى عليوه حيكلمك ليه
لا وايه الكلام رسمى يعنى امه اللى بتقوله انزل كلم البنت بتنادى عليك
يعنى شوف لا يدخل الجنه ديوث قالو وما الديوث يارسول الله قال الذى لا يغار على عرضه
انا عايزك توحد الله وتقول لا اله الا الله
ولذلك حاجه عجيبه جدا
واحد غنى مربى كلبـ
وانتم عارفين الاغنياء دائما فى كل بيت كلبـ
دا بقى يعنى له جميع الامتيازات
انا اعرف واحد فى الشرابيه بيتاجر فى الكلاب بيبيع الواحد ب 800 جنيه
مع ان التجاره فى الكلاب حرام
ان الله تعالى حرم ثمن الكلب واجرة المراه البغيه يعنى الواحد اللى يمشى مراته فى الحرام وياكل من اجرها
واللى يبيع الكلب حرام بيع الكلب حرام وبيع الخنزير حرام واجرة المراه البغيه الزانيه حرام
انما احنا بقى تبقى الناس مش لقيه تاكل ودا مربى كلبـ
الناس نايمه على الرصيف ودا عامل للكلب اوضه لوحده
والناس نايمه على الرصيف وتلقى الواحد بيقول لتانى وسع يابنى شويه انت عايزنى انام فى الشارع
اومال انت نايم فين يابنى
وتبقى الناس مش لقيه موصلات
وتلقى بيجو دا اسم الكلب بيبص لك من شباك الشيفروليه
انت واقف على المحطه بقالك تلات ساعات
والكلب يبص لك كده وبيضحك لك ضحكه زرقه بنت كلب
يعنى شوف بقى حتقول ايه
شيفروليه ومرسيدس بنس ومرسيدس خنزيره واحنا مش لقين حمار سيدس
تقوم انت تقول يسلام تقول ياليتنى كنت ؟؟؟؟؟؟؟ ما انت حتعمل ايه
انت عايز توصل ما انت عايز توصل
وحد الله وقول لا اله الا الله
ولذلك النبى حذر من مجتمع الكلاب
تعرف قال ايه النبى تعرف النبى قال ايه
قال من امسك كلبنا لغير حرستنا نقص الله له من اجره كل يوم قيرطين رواه البخارى
متصلى على حبيبك
وزيد علشان احنا بنحب الصلاه على النبى سكر زياده
ولذلك بعد ما توحد وتقول لا اله الا الله
الفقراء لما اتغظو من كلب الغنى قتلوا
قام الغنى قال يسلام هما قتلوا طب انا حعمل له ليله محصلتش فى التاريخ
نصب له صوان وكراسى مذهب ومقرئ وخد العزاء
قاموا الفقراء راحو للعمده بتاعهم وقالو له يا حضرة العمده يصح ان الغنى يعمل صوان للكلب اللى مات وياخد العزاء بتاعه
قام العمده راح للغنىقالو ايه اللى انت عملته دا
قالو ابدا يا حضرة العمده اصل الكلب قبل ما يموت كان سايب 100 جنيه تركه فقالى اعملى صوان ب 50 واعطى العمده 50
قام رد عليه العمده قالو انت بتقول المرحوم قال ايه
مهو اعطه خمسين الكلب اخذ لقب مرحوم
لانه اذا اردت ان تنجز فعليك بالونجز
مهو الرجل بيقول رحت علشان اطلع طلب لقيت الرجل اللى قاعد على المكتب
كل ما يدخل عليه واحد يقول له عايز اطلع الطلب الفلانى يقوله بكره ياسيد
انتم عارفين الرجل بتاع همسه عتاب فى الراديو بتاع بكره يا سيد
الرجل بيقول انا مستعجل وجاى من مكان بعيد فقال روحت حطط 50 قرش فى البطاقه وقدمت له البطاقه
قام قالى الله كويس بس كنا عايزين بطاقه كمانه يعنى 50 قرش تانى
الشفره النهارده اصبحت تتقال فى الراديو
يبقى عارف ان الواد الفلاح دا مروح فيقوله ياوله يا صميده ابقى هات الشمس عند الغروب
الشمس عند الغروب يعنى ايه فطيره مشلتة الشمس عند الغروب
ياوله ابقى هات لنا ديكين
انت عارف الديك يعنى الجنيه والديك الرومى ال10 جنيه
ولما الورقه ام العشرين طلعت ابقى هات لنا كبش
خد بالك انا بعلمك علشان تعرف تمشى حالك
وحد الله يامسلم وقول لا اله الا الله
بالله العظيم يمين تلاته يعنى مين اللى بتسال جوزها هذا السؤال
انا نفسى اعرف وحده تكون بتقول لجوزها ايه اللى انت حفظته من القران
دى بتبقى طول النهار بتردح لجارتها وجارتها بردو ترد عليها وحافظين احدث قاموس فى الشتائم
وتجى تقول له اقراء الفاتحه تقوم تقولك
اهدنا الصراط المستقين
المستقين على السبعه دى ولا على التامنه مش عارفها تقولى المستقيم خلاص
ليه لان ما فيش تشجيع على الدين ولا على الاسلام
اومال التشجيع على ايه
يقولك الغلط فين برنامج قال بيعطى فلوس 75 قرش واللى يجاوب تانى يكسب 150 قرش
الغلط فين انا قلت يارب يمكن حيحفظ الناس القران ولا التحيات ويصحح لهم
انما الغلط فين عباره عن مسابقه فى حفظ الاغانى
يعنى يجيب الاغنيه غلط ويقول مين يصحح الكلمات يسلام يسلام
يعنى مثلا هلت ليالى القمر يقول هلت ليالى البدنجان اى حاجه
يقول قول الصح وتاخد 75 قرش شوف التشجيع على الفساد
وبعدين الاخر تقول خدنى عن الوجود وابعدنى بعيد بعيد لوحدنا
حتعملو ايه حتعملو ايه يادى المصيبه السودا ياولاد
بقى النبى بيقول ما خلا رجل بامراه اللى كان الشيطان ثالتهما
قام واحد سئل النبى سؤال
وان كانت صالحه يارسول الله
اسمع ووحد الله وقول لا اله الا الله
انت عارف الشيطان بيسيبك امتى
لما الاذان يرفع ياخد بعضه ويطلع جرى من الجامع
الاذان يخلص يدخل تانىيسمع الاقامه يطلع تانى
لما ندخل نصلى يدخل بقى معنا يشتغل
يقولك دا انت صليت ركعتين بس لا دول تلاته يكعبل الواحد
تلاته اتنين اتنين تلاته يكعبلك
يقولك اسرع يا اخى شويه فى الصلاه علشان عيالك عايزينك
الاكل حيبرد يخلى الناس تدخل مع بعض سباق فى الصلاه والجدع اللى يخلص الاولى
والله المستعان رحم الله شيخنا واسكنه الفردوس الاعلى اللهم امين
تعليق