خلاص زهقت .. نفسي اموت

[غير مسجل]

تم معرفة المشكلة انتظر الرد قريباً

[فريق استشارات سرك فى بير(الأخوات)]

رد: خلاص زهقت .. نفسي اموت

السلام عليكم ورحمة الله وبركاته ..
قال تعالى ( قل يا عبادي الذين أسرفوا على أنفسهم لا تقنطوا من رحمة الله إن الله يغفر الذنوب جميعا إنه هو الغفور الرحيم)
مهما كانت معاصيك وذنوبك ربنا غفور رحييييييم
انتظر الرد قريبا
ونرجو منك على ان تكون على تواصل هنا فى هذا الموضوع

[فريق استشارات سرك فى بير(الأخوات)]

رد: خلاص زهقت .. نفسي اموت

اخانا الكريم نريد منك قرأة هذا الكتيب




لتحميل نسخة PDF من الكتيب كاملاً

هنـــــــــــــــــــــا رابط مباشر


لازم يكون عند حضرتك برنامج بيقرأ الـ

PDF

حمل البرنامج ده وصطبه وهيفتح معاك ان شاء الله

سبحان الله وبحمده سبحان الله العظيم
مؤقتا الى ان يتم الرد الوافى عليكم ونريد منكم ان يتسع صدركم وان تحسنوا الظن بالله
فقاتل المئة نفس
وبغى بنى اسرائيل
ومن العصاة غيرهم الذين تاب الله عليهم
كانوا يقعون فى كبائر وهم الآن فى الجنة بفضل الله ورحمته
فنرجو ان تمحو كلمة انتحار من قاموس حياتك
وتابع معنا هنا
انتظر الرد قريباً

[غير مسجل]

رد: خلاص زهقت .. نفسي اموت

قال تعالى ( قل يا عبادي الذين أسرفوا على أنفسهم لا تقنطوا من رحمة الله إن الله يغفر الذنوب جميعا إنه هو الغفور الرحيم)
مهما كانت معاصيك وذنوبك ربنا غفور رحييييييم

كل ده كلام

[فريق استشارات سرك فى بير(الأخوات)]

رد: خلاص زهقت .. نفسي اموت

يا اخى الكريم انا قلت انتظر الرد
لم اقل انى رديت عليك
ولكن نحن نريد منك أولاً ان يتسع صدرك
انتظر الرد

[فريق استشارات سرك فى بير(الأخوات)]

رد: خلاص زهقت .. نفسي اموت

السلام عليكم ورحمة الله وبركاته ..
أهلاً بك اخانا الكريم فى بيتكم الثانى الطريق الى الله
نسأل الله ان يفرج كربك ويهديك ويثبت قلبك على الايمان ويبعد عنك الفتن ما ظهر منها وما بطن آمين آمين
بداية الله غفور رحيم ومن رحمته بك انك دخلت هنا وطلبت المساعدة
غيرك اخانا يعبد الآن بقرة او تمثال او بشر مثله سبحان الله ويعيش ويموت وهو كافر لكن بفضل الله انت دخلت مكان يتحدث عن الله
وكل آية سأكتبها او حديث قدسى هى كلام الله لك
كلنا القرآن والأحاديث الشريفة رسالة موجهة لكل انسان منا
فأستشعر هذا الشعور الرائع الله يخاطبك
استمع إلى هذا النداء الرباني "قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ "
فلا تقول هو لا يريدنى
الله ارحم بك من أمك وابيك
مهما كانت ذنوبك ومعاصيك
(كل يوم تقول الأرض: دعني يا رب أبتلع ابن آدم, إنه أكل من رزقك ولم يشكرك، وتقول البحار: يارب دعني أغرق ابن أدم إنه أكل من رزقك ولم يشكرك، وتقول الجبال: يا رب دعني أطبق على ابن آدم إنه أكل من رزقك ولم يشكرك، وتقول السماء: يا رب دعني أنزل كسفاً على ابن آدم إنه أكل من رزقك ولم يشكرك، فيقول الله عز وجل لهم: يا مخلوقاتي أأنتم خلقتموهم؟ يقولوا: لا يا ربنا, قال الله: لو خلقتموهم لرحمتموهم. دعوني وعبادي من تاب إلي منهم فأنا حبيبهم, ومن لم يتب فأنا طبيبهم, وأنا إليهم أرحم من الأم بأولادها, فمن جاءني منهم تائباً تلقيته من بعيد مرحباً بالتائبين, ومن ذهب منهم عاصياً ناديته من قريب إلى أين تذهب؟ أوجدت رباً غيري؟ أم وجدت رحيماً سواي)).

عن انس رضي الله عنه ، قال : سمعت رسول الله صلي الله عليه وسلم يقول : ( قال الله تعالى : يا ابن ادم ! إنك ما دعـوتـني ورجوتـني غفرت لك على ما كان منك ولا أبالي ، يا ابن آدم ! لو بلغـت ذنـوبك عـنان السماء ، ثم استغـفـرتـني غـفـرت لك ، يا ابن آدم ! إنك لو اتيتني بقراب الأرض خطايا ثم لقيتـني لا تـشـرك بي شيئا لأتـيـتـك بقرابها مغـفـرة ).
رواه الترمذي [ رقم : 3540 ] وقال : حديث حسن صحيح

حتقول انا انسان سيء
وعملت معاصى وذنوب كتييير يا ترى ربنا حيقبلنى
حنضرب لك مثال
من كتاب الأخ الفاضل جزاه الله خيرا


لسة فاقد الأمل
قال رسول الله صلى الله عليه وعلى آله وسلم : " كان فيمن قبلكم رجل قتل تسعة وتسعين نفساً، فسأل عن أعلم أهل الأرض، فدل على راهب، فأتاه فقال: إنه قتل تسعة وتسعين نفساً فهل له من توبة؟! فقال: لا ، فقتله فكمل مائة، ثم سأل عن أعلم أهل الأرض ، فدل على رجل عالم فقال: إنه قتل مائة نفس، فهل له من توبة؟! فقال: نعم ، ومن يحول بينه وبين التوبة؟ انطلق إلي أرض كذا وكذا، فإن بها أناسا يعبدون الله - تعالي- فاعبد الله معهم، ولا ترجع إلي أرضك فإنها أرض سوء، فانطلق حتى إذا نصف الطريق أتاه الموت، فاختصمت فيه ملائكة الرحمة، وملائكة العذاب. فقالت ملائكة الرحمة: جاء تائبا مقبلا بقلبه إلي الله تعالي، وقالت ملائكة العذاب: إنه لم يعمل خيرا قط، فأتاهم ملك في صورة آدمي فجعلوه بينهم- أي حكما - فقال: قيسوا ما بين الأرضين فإلي أيتها كان أدني فهو له، فقاسوا فوجدوه أدني إلي الأرض التي أراد، فقبضته ملائكة الرحمة " متفق عليه .

طب اسمع الآية الشريفة دى
قال الله تعالى " وَالَّذِينَ إِذَا فَعَلُواْ فَاحِشَةً أَوْ ظَلَمُواْ أَنفُسَهُمْ ذَكَرُواْ اللَّهَ فَاسْتَغْفَرُواْ لِذُنُوبِهِمْ وَمَن يَغْفِرُ الذُّنُوبَ إِلاَّ اللَّهُ وَلَمْ يُصِرُّواْ عَلَى مَا فَعَلُواْ وَهُمْ يَعْلَمُونَ ، أُوْلَئِكَ جَزَاؤُهُم مَّغْفِرَةٌ مِّن رَّبِّهِمْ وَجَنَّاتٌ تَجْرِي مِن تَحْتِهَا الأَنْهَارُ خَالِدِينَ فِيهَا وَنِعْمَ أَجْرُ الْعَامِلِينَ " .

شايف رحمة ربنا بيك اخانا
اوعى تقول انا خلاص يأست مهما كانت المعاصى والذنوب
ودلوقتى عاوزين نعرف أصل المشكلة الحقيقية

تعلقت امرأة بأستار الكعبة وقالت :

يا وحشتي بعد الأنس .. ويا ذلي بعد العز .. ويا فقري بعد الغِنى ..

فقيل لها : مالك ؟! أذهب لكِ مال أو أصِبتِ بمصيبة ؟!!

قالت : لا ؛ ولكن ... كان لي قلب ففقدته ..

قيل لها : هذه مصيبتكِ ؟!!

قالت : وأي مصيبة أعظم من فقد القلوب وانقطاعها عن المحبوب ؟!

حينما يعصي القلب صاحبه ولا يستجيب معه للطاعات و العبادات فهذا إنذار إن في شيء حصل في هذا القلب ، ومن رحمة ربنا إننا نحس بإن في حاجة اتغيرت في علاقتنا بالله في حين إن في ناس عايشة ومش بتفكر في علاقتها مع ربنا و مش بتحاسب نفسها

فاللهم لك الحمد

القلب ده هو ملك الجوارح بيحركها و بتستمد منه قوتها و طاقتها فلو استقام القلب استقامت الجوارح اللى احنا دلوقتى عايزين نطوعها لله و نشغلها في العبادات ..

فالقلب ده حساس جدا لو أصابته أي آفة هتؤثر عليه و بالتالى هتؤثر على باقي الجوارح..

قال رسول الله صلى الله عليه وسلم: ( ألا وإن في الجسد مضغة إذا صلحت صلح الجسد كله وإذا فسدت فسد الجسد كله ألا وهي القلب ) صحيح البخاري

فما تحتاج له الآن هو جلسة خلوة مع القلب تفكر فيه شوية .. حاول تدخل جواه و تمشي في ممراته و تتفقد أحواله ...


قد يكون في أمور خفية جدا دخلت له لا يتنبه لها احد كبر أو عجب أو تسخط أو تعلق بالدنيا أو غيرها .. أو رواسب جاهلية لم تخرج منه بعد ولسه مؤثرة عليه


شوف إيه اللى عامل جدار ما بين وصول أثر العبادات دى للقلب .. و الجدار ده هيكون من القلب نفسه، ثم ابدأ مستعين بالله و بكثرة الدعاء علاج كل مشكلة إيمانية على حدى

اقرأ فيها كتب أو اسمع لها محاضرات


و في السحر اسجد لله وأدعيه باكي طالب التوبة و أن يجدد الله الإيمان في قلبك.. اكثر من الدعاء

(اللهم جدد الإيمان في قلبي)

أنت قلت عاوز تتغير و تقرب من ربنا و لكن مش عارف وبترجع تاني

الصراع ده طبيعي لأننا كلنا جوانا الخير و الشر لكن المهم مين أقوى جواك؟؟
و إزاي أقوي جانب الخير عشان أقدر أتغير؟؟

هقولك مثال بسيط جدا
لو عندك زرعتين واحدة بتسقيها باستمرار و واحدة لأ ..الطبيعي اللي بتسقيها هتبقى أقوى و الثانية هتضعف ....
نفس الحكاية لو احنا عاوزين نقوي جانب الخير أو علاقتنا مع ربنا

وهنقول كلام عملي , أنت بتدخل لقلبك إيه طول اليوم ؟؟؟؟؟

ببساطة كده هسألك عن أربع حاجات إنت بتسمع إيه و بتشوف إيه و بتتكلم عن إيه و بتفكر في إيه؟؟؟؟؟

و بسأل عن الأربعة دول لأن دول الطريق لقلبك
هنلاقى إن أغلب يومنا بيدور عن الكلام عن الدنيا و الكلية و المذاكرة و مشاكلنا مع أهلنا و آخر الأخبار ........ إلى آخره

الحل العملي البسيط جدا و الفعال جدا كمان إن شاء الله

خلي ليك وقت يومي تسمع عن ربنا و تتكلم عن ربنا و تفكر في حالك معاه و تنظر في كتابه و احنا ممكن نساعدك هنا في المنتدى , تعرف على أخوه لك هتشجعوا بعض و هتحس إنك بتتغير إن شاء الله
لأن عدم وجود الوسط و الصحبة سبب مهم جدا من أسباب عدم الثبات

اسمع { إِنَّ اللَّهَ لَا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ } [الرعد : 11]

يعني لو حياتك فضلت زي ماهي و اهتماماتك زي ما هي و أسلوب حياتك زي ما هو تفتكر التغير هييجي منين ؟؟

عشان نعمل أى شئ في الدنيا لازم يبقى عندنا دوافع عشان نقدر نعمله..

فإن قويت الدوافع فعلنا الشئ بكل سهولة و يسر ..
وإن ضعفت كان الشئ ثقيل علينا و تكاسلنا عنه ..
هذه قاعدة عامة فى كل أمور الحياة

ومن أقوى الدوافع :
1) الحب
2)الاحتياج

فالطالب لو عنده رحلة مدرسية هيصحى بدرى حتى لو مش نايم وقت كافي لأنه بيحب الخروج و ممكن نفس الطالب يكون بيصحى بصعوبة شديدة جدا في يوم دراسي عادي لأنه معندوش دافع و مش بيحب الدراسة

فلماذا يقوم الطالب مبكراً في يوم الرحلة المدرسية حتى و لو لم ينم وقتاً كافياً ، لأنه يحب الذهاب للعب و المرح وربما نفس الطالب يعاني أشد المعاناة في الذهاب ليوم دراسي عادي لأنه لا يحب المدرسة بسبب استثقاله للعلوم المدرسية

وكذلك الاحتياج
فالموظف قد لا يحب عمله و لكنه لا يتغيب عنه أبداً ..لأنه يحتاج للمرتب و يعلم أن غياب يوم واحد سيتسبب له في مشكلة كبيرة .

فعشان يحصل تغير لازم نزود حب ربنا في القلب و نزود فهمنا بمدى احتياجنا للدين و أهميته

يعنى البداية هتبقى بمعرفة ربنا
و معرفة ثواب الأعمال و عقوبتها مع وجود صحبة صالحة


فمهما كان حال قلبك فلا تيأس من رحمة الله الواسعة ... ابدأ الخطوة وربنا سيكرمك بكرم لا تتخيليه إن شاء الله
واياك اياك اياك
القنوط من رحمة الله
أخطر ما فى الذنب أن ييأسك الشيطان من التوبة منه

لأسباب منها


الأول: لأنه نوع من القنوط من رحمة الله ...حتى و إن كان ( قنوط خفي) وكأنك يأست من أن ربنا يتوب عليك وكأنك بترجع لربنا كل مرة و أغلب ظنك أنك هترجع للمعصية تاني


القنوط من رحمة الله من الكبائر
فالله تعالى قال :
( إِنَّهُ لَا يَيْئَسُ مِنْ رَوْحِ اللَّهِ إِلَّا الْقَوْمُ الْكَافِرُونَ )
و
( وَ مَنْ يَقْنَطُ مِنْ رَحْمَةِ رَبِّهِ إِلَّا الضَّالُّونَ )

والثاني : أن الواحد لما بيبدأ ييأس من شىء همته بتضعف جدا فى مواجهته و أحيانا خلاص بيستسلم وبيقى مبرر لأخطاء تانية أكبر

مثلا : طالب و قبل الامتحان ومذاكرش كويس لو هو عنده أمل أنه ممكن يخلص هتلاقيه بيواصل بأقل قدر من النوم وهمته عالية جدا وعاوز ينتهي من المذاكرة
أما لو بدأ ييأس ممكن تلاقيه بيضيع بالساعات لأنه خلاص مفيش فايدة

والثالث أن الشيطان بعد ما بدأ ييأسك من التوبة ..ممكن يبدأ يفتح لك أبواب معصية تانية من نفس المجال!!
والهدف أنك بدل عجزك عن غلق باب واحد فما بالك بأبواب كثير وبدل يأسك من التوبة من ذنب واحد هيحارب عشان ييأسك من نفسك خالص بوقوعك فى ذنوب كثير
قول لنفسك
سأظل أطرق الباب حتى أخر نفس فى حياتى
اوعى تبعد
واحنا ان شاء الله حنتابعك هنا
وياريت تسمع دروس سلسلة الشباب والشهوى للشيخ هانى حلمى
وهذا المقطع المهم
http://www.youtube.com/watch?v=IvN1_X3WiKg

نسأل الله ان يهديك وان يثبتك ويرزقك الخير عاجله وآجله
ان احتجت اى شيء ابواب الطريق الى الله مفتوحة لك

[غير مسجل]

رد: خلاص زهقت .. نفسي اموت

انت كلامك كله أنا عارفه ودي مشكلتي وكلام حلو بس مش مقتنع ومش قادر انفذ منه حاجة
وعلى فكرة انا ليا أصحاب ملتزمين
بس اي كلام مش من النوع اللى الواحد يتسند عليهم ولابياخدوا بيد الواحد ولابيسألوا عن حاله
يعني اصحاب فشنك
انت ضربت ليا مثال السحرة تماما انا قلبي تقريبا أسود من قلبهم
لكن هما ربنا أراد هدايتهم لسبب فهداهم ودخلوا الجنة
لكن انا الابواب كلها مغلقة في وشي
وبعدين انت عاوز ايه من واحد ربنا بشره بالنار

[بيت الدعوة الى الله]

رد: خلاص زهقت .. نفسي اموت

السلام عليكم اخانا المشتكى انا لم اقرا مشكلتك لكنى قرات ردك الاخير
واكرر عليك نفس الاية بس المرة ديه عاوزك تقراها بقلبك بجد وتفكر فيها
قال تعالى ( قل يا عبادي الذين أسرفوا على أنفسهم لا تقنطوا من رحمة الله إن الله يغفر الذنوب جميعا إنه هو الغفور الرحيم)
مهما كانت معاصيك وذنوبك ربنا غفور رحييييييم

بجد انت لو قراتها بقلبك هتحس باحساس عمرك مش حسيته وبعدين كل ابن ادم خطاء وخير الخائين التواااااااااااااابوووون
كلنا بنغلط وبنعصى وبنرجع لربنا وبنعصى وبنرجع لربنا لازم مش تياس وبعدين قصة الراجل اللى قتل ماااائة نفس
ده اللى يسمع كده يقول هيدخل النار حدف لالكن ربى غفور رحيم تاب الرجل
مقلش انا كده كده داخل النار لا فهذا ينكس نفسك يعنى طالما انت حاطط فى عقلك وقلبك انك مش هتتغير وتقرب من ربنا
يبقى مش هتتقدم ابدا لازم تحط فى عقلك وقلبك وقول انا هقرب من ربنا وهبقى احسن باذن الله وواظب على الصلاة واجعل القراءن ونيسا لك واقراءه بقلبك بجد هتحس احساس عمرك مش هتحسه ولاحسيته قبل كده
واجعل ربك حبك الاول والاخير (أذا احب الله راى كل شىء جميلا)
وكل فترة اسمع درس يحمسك ويشجعك مهما كان اللى حواليك مش ملتزمين انت جاهد نفسك على الطاعة ولا سترتاح راحة مع بعدها راحة وخليك قدوة لغيرك ومتقولش ان انا اصلا داخل النار خلى عندك يقين بربنا واتوكل على الله
واول شىء تفعله هو التوبة
لما الواحد بيغلط فى حق بشر او شخص عزيز عليه بتندم وتبكى عشان عملت كده مابالك بقا ان انت اغضبت ربك ورب البشر عاوزك تبكى ايون تبكى وانت بتصلى واتذلل لربنا انه ياخد بايدك وادعى وانت بتصلى كتيييير الدعاء سلاح المؤمنين
وارجوك متقلش انا مش ينفع معايا الكلام ده لو والله كل واحد فينا فيه خير حتى لو ارتكبت الذنوب كلها برده فيك خير وتقدر تقرب من ربنا لو انت عاوز يعنى لازم تحفز نفسك وتشجع نفسك وتحاول انه يكون لك صديق حميم ملتزم تستشريه فى شىء ولا تتكبر على ان تساله فى شىء سواء اكان مساعدة او توضيح خليه يا خد بايدك
وادعى ربنا انه يشرح صدرك
وارجو ان تتقبل منى هذه الكلمات واعتذر عن الاطالة وارجو ان تبشرنى ماذا فعلت ونسال الله لنا ولكم الهدايه

[فريق استشارات سرك فى بير(الأخوات)]

رد: خلاص زهقت .. نفسي اموت

يا اخى الكريم احسن الظن بالله
كفاك سوء ظن بخالقك فهذة آفاتك ومشكلتك الحقيقية
يشهد الله انى دعوت لك كثيرا فى هذا اليوم المبارك يوم عرفة
ومن ألهمنى الدعاء سوى الله

h

http://www.youtube.com/watch?v=5JJVir290iM

[غير مسجل]

رد: خلاص زهقت .. نفسي اموت

أولا : ربنا يكرمك على دعائك عسى الله أن يتقبل منك
ثانيا : لقد أحسنت الظن به كثيرا ورجعت إليه كثيرا وماوجدت إلا أنه يردني ولايقبلني
حضرتك انا كانت تأتي علي أيام أعود إليه وأتوب ولكن لايستمر الحال إلا يوما واحدا
وأجد نفسي اغوص في أعماق المعاصي والشهوات مرة أخرى

حضرتك عارف انه ليس بعد الكفر ذنب اهو دا حالي فأنا صراحة أعيش أياما ولحظات عصيبة في كل لحظة أتمنى الموت
وأحس أني سأموت الآن ولكن

ولما أجي أنام اقول الشهادة لأني عارف اني ممكن اموت وانا نايم

الصراحة مش عارف اعمل ايه انا زهقت حياتي كلها دمار وكفر وكل حاجة ممكن تقولها

ومشكلتي برده ان الناس بتبص ليا على اني انسان محترم وعارف ربنا والكلام ده ولكن هما مش عارفين اللى فيها لو عرفوا هايتفوا عليا

[فريق استشارات سرك فى بير(الأخوات)]

رد: خلاص زهقت .. نفسي اموت

السلام عليكم ورحمة الله وبركاته ..
اخى الفاضل التغير خصوصا فى وقتنا هذا لا يأتى فى يوم او اثنان
الموضوع عاوز منك صبر ومجاهدة لازم حتحصلك فتن زى كل البشر
كلنا معرضون لفتن شديدة جدااااااااا
واحيانا الانسان بيذل ويقع
لكن ليس معناه ان يقول ربنا مش عاوزنى ربنا مش قابلنى
الله لا يغلق الباب فى وجه احد ويمهل ويعطى فرص ورسائل
ومنها ما تقرأه الآن خلى عندك أرادة قوية وعزيمة
واتغير بجد العيب عندك فأصلحه
لو تقدر تقول بعض المعاصى اللى بتقع فيها ونضع لك هنا
حلول عملية لها ونتابعك حيكون افضل اخى الفاضل وحتسهل عليك وعلينا
تحديد المعاصى المستمرة معك
كل شيء وله حل بفضل الله بس زى ما قلتلك حدد لى بعض المعاصى
عشان نقدر نساعدك وكمان عاوزين أرادة من حديد
ربنا يعينك يااااااارب
فى انتظارك

[غير مسجل]

رد: خلاص زهقت .. نفسي اموت

أولا : ربنا يكرمك على دعائك عسى الله أن يتقبل منك
ثانيا : لقد أحسنت الظن به كثيرا ورجعت إليه كثيرا وماوجدت إلا أنه يردني ولايقبلني
حضرتك انا كانت تأتي علي أيام أعود إليه وأتوب ولكن لايستمر الحال إلا يوما واحدا
وأجد نفسي اغوص في أعماق المعاصي والشهوات مرة أخرى

حضرتك عارف انه ليس بعد الكفر ذنب اهو دا حالي فأنا صراحة أعيش أياما ولحظات عصيبة في كل لحظة أتمنى الموت
وأحس أني سأموت الآن ولكن

ولما أجي أنام اقول الشهادة لأني عارف اني ممكن اموت وانا نايم

الصراحة مش عارف اعمل ايه انا زهقت حياتي كلها دمار وكفر وكل حاجة ممكن تقولها

ومشكلتي برده ان الناس بتبص ليا على اني انسان محترم وعارف ربنا والكلام ده ولكن هما مش عارفين اللى فيها لو عرفوا هايتفوا عليا

طيب أنا اخوك مصطفى وعايز أكلم معاك شوية بعد إذنك ..
ياريت تتصل على الرقم ده ..
دار النعيم للنشر والتوزيع
0103418784
وقولهم انا عايز تليفون الدكتور مصطفى .. وان شاء الله هيدولك التليفون ..
وأنا في إنتظارك في أي وقت يا جميل :)

ربنا يبارك فيك ويرفع قدرك في الدنيا والآخرة ..

[فريق استشارات سرك فى بير(الأخوات)]

رد: خلاص زهقت .. نفسي اموت

جزاكم الله خيرا اخانا الفاضل دكتور مصطفى ونرجو من الادارة عدم حذف رقم التليفون
وياريت اخانا تتواصل مع دكتور مصطفى ونحن ايضا تحت امرك فى اى وقت
هل ترى فضل الله عليك الآن اخانا الكل يمد يده اليك فلا تيأس

[غير مسجل]

رد: خلاص زهقت .. نفسي اموت

شكرا لكم على اهتمامكم وانا متابع معكم وشكرا يا دكتور مصطفى على اهتمامك وهاكلمك إن شاء الله

[بيت الدعوة الى الله]

رد: خلاص زهقت .. نفسي اموت

والله العظيم انا كنت بتابع الموضوع ده باستمرار لان فعلا رسالتك ديه اخذت اهتمام كبير وكنت بدعيلك ولكل المسلمين ان ربنا يمن عليكم بالهداية وجزى الله خيرا فريق الاستشارات
وجزى الله دكتور مصطفى خير الجزاء ربنا يحفظكم

ولو عوزت اى شىء اكتب هنا فى الموضوع هتلاقى ميت ايد بتقول (هات ايدك) منتظرين البشرى ربنا يبشركم بالجنة