ساعدونى

[غير مسجل]

بسم الله الرحمن الرحيم
اسمى محمد طالب فى الصف الثالث الثانوى .. عندى مشكلة بسيطة بس بالنسبة لى مش بسيطة
فى الصف الثانى الثانوى فى المدرسة رأيت زميلة لأول مرة فأعجبتنى جدا وحسيت انى قلبى مال ليها جدا .. هى زميلة بنت خالتى ( فى نفس الصف ) .. المهم كلمت بنت خالتى وقولتلها انى معجب بيها جدا فبنت خالتى وضحتلها احساسى بيها وحبى ليها .. فتبادل بينا حب جديد .. فى المدرسة كنت بشوفها وقلبى يميل ليها اكتر عشان بجد انسانة محترمة جدا بس الشيطان لعب بيننا .. ضعفت نفسى واتصلت بيها وكلمتها كانت رافضة فى الاول ان هى تكلمنى بس بعدها استسلمت ( وياريت ما وافقت فى الاول) .. المهم استمرينا نتكلم حوالى سنة بس فى اواخر السنة دى كانت بتبقى المكالمة اعزنا الله وعفاكم مش كويسة .. فى ايام المكالمات ديا كنت بحس بالهم الضيقة كنت ببكى كتير وخائف م المستقبل .. بس كلمتها وقولتلها احنا لازم مش نتكلم تانى عشان احنا غلطنا م الاول وده حرام بس كنا بنبعد شويه وواحد منا يضعف فنرجع نتكلم تانى
وهكذا ...
انا دلوقتى والحمد لله مش بكلمها تانى بس لما بشوفها ف اى مكان ببقى سعيد جدا بس لما تغيب عن عينى بيجيلى هم اكتر واتخنق .. انا دايما بدعى ربنا وبتوب وبرجع التزم بالصلاة وكل حاجة بس مش عارف ليه بضعف وارجع تانى للهم

سؤالى انا عايز طرق فعالة عشان اتخلص من ذنبى ده و طرق عشان اتخلص من همى
بس انا بحبها جدا وانا عايزها فى طاعة ربنا وبتمنى انها تبقى من نصيبى
ممكن تساعدونى ؟؟

[غير مسجل]

رد: ساعدونى

ارجو الرد والمساعدة فأنا مهموم وعندى حالة ضيق من الدنيا
ارجو الرد بسرعة

[مراقب قسم سرك فى بير]

رد: ساعدونى

سيتم الرد قريبا بارك الله فيكم

[فريق استشارات سرك فى بير(الأخوات)]

رد: ساعدونى

وعليكم السلام ورحمة الله وبركاته



أهلاً بك أخانا الكريم معنا في المنتدي

فخيراً فعلت لما اتخذت هذه القرارات
لأن الموضوع ببساطة يأخي أن الشيطان لن يتركك
تواصل هذه العلاقة بدون أن تقع في شئ مما يغضب الله
فهو يستدرج الإنسان خطوة خطوة كما قال الله

(ياأيها الذين آمنوا لا تتبعوا خطوات الشيطان)






لاشك أن العاطفة بين الرجل والمرآة أمر لا مفر منه
و لا لوم عليك أنك تحبها لكن لابد أن تعلم كيف يعالج الإسلام هذه الأمور؟؟؟




الإسلام يريد أن تكون العاطفة بين الرجل والمرآة مثمرة لا أن تكون مدمرة لصاحبيها
كيف هذا ؟





كما تعلم قول النبي صلى الله عليه وسلم




ما اجتمع رجل وأمرأة إلا كان الشيطان ثالثهما




فالإسلام يسد هذا الباب من أوله فيمنع التواصل مع النساء بأي شكل

لأنك كما تعلم إذا كان هناك خطر في منطقة فيجب أن نسد جميع الطرق إلى هذا الخطر وأي خطر أعظم من خطر التعامل مع النساء





فلا يجوز أن تتواصل معها بأي شكل لأن إن كنت أنت تحس أنك قوي



وتستطيع تحمل هذا فالبنت أكيد لن تستطيع وبذلك أخشى أن تكون السبب في فتنتها في دينها



لأن النساء عموما قلوبهن رقيقة ويتأثرن بأي شئ فإذا كنت تحبها فابعد عنها لكي لا تكون سبب في وقوعها في المعصية




ولنفرض جدلا إن كلامكم ليس به أي تجاوز فإمتثال أمر الله واجب




والمعيار الذي نحكم به هو معيار الدين
هذا العمل يرضي الله أم يغضبه
في ميزان الحسنات أم السيئلت




فنصحيتنا لك بالتوقف فوراً عن محادثتها حتى وإن كان شات



لأن النار تأتي من مستصغر الشرر وهذا الكلام ينطبق على أقاربك البنات أيضاً

اخى الغالى

طبعا مجتمع الدراسة بما فيه من اختلاط و تبرج أصبح يمثل مرحلة صعبة وشديدة الخطورة في حياة أي شاب واى بنت

نسأل الله أن يحفظ شباب و بنات المسلمين من كل سوء
وصدق المصطفى صلى الله عليه وسلم إذ قال

((ما تركت بعدي فتنة أضر على الرجال من النساء))

والله تبارك وتعالى حرم على عبادة مقدمات المعاصى والذنوب

وهذا من رحمته جل وعلا

فأمرنا سبحانه بغض الصر وجعلة امرا وفرضا علينا

والخضوع بالقول من النساء جعله ذنبا

ومعلش انت تهاونت فى غص بصرك ولم تحفظه وهى خضعت بالقول فتبسمت لك وصرتم تتحدثون بما لايرضى الله تبارك وتعالى

قال رسول الله صلى الله عليه وسلم

((إن الله كتب على ابن آدم حظه من الزنا ، أدرك ذلك لا محالة ، فزنا العين النظر ، وزنا اللسان المنطق ، والنفس تتمنى وتشتهي ، والفرج يصدق ذلك كله أو يكذبه))

فالحمد لله ان ربنا جعلنا من المسلمين لأن الإسلام جاء ليصنع مجتمع متزن من جميع النواحي و منها اتزان المشاعر الذي لا يكون إلا بعد الزواج

لحفظ القلوب ربنا سبحانه و تعالى شرع لنا ضوابط

زي مثلا حرمة الاختلاط و لكننا ابتلينا انه بقى في كل الأماكن حوالينا

لذلك علينا أن نشدد على الضوابط

اللي أولها غض البصر

و المشكلة بدئت بنظرة اللي أدت إلى الإعجاب الشكلي و تدرجت إلى الملاحظة انك بدئت تلاحظ خلقها و وشكلها

فبدأ عقلك يرسم صورة خيالية لهذه الفتاه دون معرفتها معرفة حقيقية من الأساس

قال ابن القيم رحمه الله :

(دافع الخطرة, فإن لم تفعل صارت فكرة فدافع الفكرة, فإن لم تفعل صارت شهوة فحاربها, فإن لم تفعل صارت عزيمة وهمة, فإن لم تدافعها صارت فعلاً, فإن لم تتداركه بضده صار عادة فيصعب عليك الانتقال عنها)

لذلك سبب المشكلة كان عدم دفع الخاطرة من الأساس

حل المشكلة دي انك تذكر نفسك

بأن الله حبه عزيز لا يجتمع مع حب آخر (غير حلال) في قلب واحد

و الله سيعوضك خيرا منها

و أكيد من ما استشفيته من كلامك انك نفسك تطلب رضا ربنا وتنساها

عايز حب ربنا يخرج من قلبك ؟؟

كل ماتذكري نفسك بالمعنى دا لعله يدفع خواطر هذا الفتاه من قلبك

تاني حل هو الاستغفار لأنه يجلي القلب و ينظفه

و استشعر المعنى دا كل ما تقول أستغفر الله

والأهم الدعاااااااااااااااااااااااء

ادعي كتير أن يصرف الله عن قلبك السوء و أن يرزقك حبه و أن يغنيك بحلاله عن حرامه و تذلل لله أن يخرج أي مشاعر أو خواطر من قلبك

و بعد ما تدعي وكل أمر دينك و دنياك لله عز و جل

و أيضا كحل عملي انك اذا قدرت تبعد ولا تراها فى المدرسة او فى الدروس فهذا يكون افضل لحفظ قلبك ودى هتبقى خطوة فعالة فى العلاج ، فلو حتى الموضوع صعب ادعي ربنا إنه ييسره

و لازم تقتنع ان دي مجرد خواطر يلقيها الشيطان في قلبك

و اتأكد ان كل ما تجاهد أكتر كلما زاد ثوابك عند الله عز و جل و تيقن أنه سيصرف عنك السوء

قال تعالى :

وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا وَإِنَّ اللَّـهَ لَمَعَ الْمُحْسِنِينَ ﴿العنكبوت: ٦٩﴾

و لازم تتيقن انك طالما لجأت إلى الملك و طلبت رضاه

و تركت شيئا لله

ان الله سيعوضك خيرا ان شاء الله

وطالما انك ابتعدت عنها وقولتلها ان اللى بنعمله ده حرام

هذة هى البداية الصحيحة

نسأل الله أن تكون توبة نصوحة مقبولة عند الله

ولكن بنأكد على شيء مهم جداً
و هو

فى فرق ما بين نفسى أتوب ...


كمجرد حاجة بتتمناها ومش عاوز تتعب عشان توصل ليها

و بين عاوز أتوب ومصمم ..

وعندك استعداد تحاول بكل قوتك عشان تتوب

ربنا سبحانه و تعالي بيقول في سورة الرعد :

"إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ"

فلازم عشان ربنا يساعدنا علي التغيير نبدأ و لو بخطوة بسيطة نغير نفسنا

فإن شاء الله لو ناوي بجد فربنا غفور رحيم

ولكن ناوي بجد دى تساوى كتييير

**** الغاء أى إيميل كنت استخدمته فى الكلام معها أو أى عضوية فى منتدى مش كويس بتغيير الباس وورد لباس وورد عشوائى طويل بحيث لا تستطيع فتحه مرة أخرى

**** التخلص من أى ايميلات أو أرقام تليفونات تعرفها هى .

**** تغيير رقم تليفونك اللي كنت بتتكلم منه (بإتلاف الشريحة ..والتنازل عنها لو كانت باسمك )

حتى تقطعى على نفسك أى مدخل من مداخل الشيطان

لإنك النهارده ممكن تكون قوي ...لكن بعد شوية لو فى أى وسيلة ممكن توصلك لحد كنت تعرفه ممكن جداً تضعف تاني و تقع من جديد

فاقطع أى طريق ممكن يرجعك

*** إنك تبدأ من جديد وكلك ندم على اللى فات

*** إنك تحاول تقرب من ربنا بكل قوتك

*** إنك لازم تغير أفكارك وحياتك

*** تحاولي يبقى عندك صحبة صالحة

معلش طولت عليك شوية

وفى النهاية

نتمنى ان تكون معنا وتسجل فى المنتدى وستجد صحبة صالحة تعينك على طاعة الله

واسأل الله تعالى ان يعينك على البعد ععن المعاصى ويهدى قلبك ويثبتك على طاعته

[غير مسجل]

رد: ساعدونى

جزاكم الله خيرا
اللهم ثبتنا على دينك وطاعتك يالله