دايما بنقول ( عايز حد بحبك ليه كفى بالله حبيبا )

[أمة عزيزة بالله]

دايما بنقول ( عايز حد بحبك ليه كفى بالله حبيبا )

بس فعلا دي حقيقة لو ربنا حبّك كل مشاكلك حتتحل

مشاكل الدنيا والآخرة ..

لو ربنا حبّك

حيرزقك الطاعة ..
لو ربنا حبّك

حيكرهك في المعصية ..
لو ربنا حبّك

حيرزقك الصبر ..
لو ربنا حبّك

حتكون من المحسنين ..
لو ربنا حبّك

حيرزقك القبول في الارض وحب الناس لك ..
لو ربنا حبّك

حيحسن التدبير لك ..
لو ربنا حبّك

حيرزقك الرفق واللين ..
لو ربنا حبّك

يوفقك لعمل صالح قبل الموت ..

يبقى لازم نسعى لرضى ربنا، لازم نعمل المستحيل علشان ربنا يحبنا،

ممكن الناس تفتكر الوصول لحب ربنا صعب !

بل بالكعس ربنا يسرلنا سبل كتير اوي توصلنا لحبه ، العبادة بكل أنواعها ، #صنائع_المعروف

بس في حاجات معينة ذكرت لو عملتها ربنا حيحبك ..

*السعي في حاجة الناس بوجه عام

(نفع الناس - إدخال السرور على المسلم - تفريج كربه - إطعامه )

عن ابن عمر - رضي الله عنهما - أن رجلاً جاء إلى النبي صلى الله عليه وآله وسلم فقال:

يا رسول الله أي الناس أحبّ إلى الله؟
وأيّ الأعمال أحب إلى الله؟

فقال رسول الله صلى الله عليه وآله وسلم:
"1/أحب الناس إلى الله أنفعهم للناس،
2/وأحب الأعمال إلى الله سرورٌ تدخله على مسلم،
3/أو تكشف عنه كُرْبَةً،
4/أو تقضي عنه دَيْنًا،
5/أو تطرد عنه جوعًا
6/ ولئن أمشي مع أخٍ لي في حاجةٍ أحبُّ إليّ من أن أعتكف في هذا المسجد شهرًا،
ومن مشى مع أخيه في حاجةٍ حتى يُثبتها له ثبَّت الله قدمه يوم تزول الأقدام"

شوف كام حاجة ؟ مش قادر تعمل حاجة فيهم وتعيش عليها علشان ربنا يحبك !

*مش صعب لما يكون أخوك في الله أو أختك في الله محتاج خدمة تعملهالو وتنفعه ..

*مش صعب لما أختك في الله تكون حزينة علشان فقيرة ومش قادرة تجهز نفسها وتساعديها وتدخلي السرور على قلبها بكشف كربتها ..

*مش صعب لما تلاقي أخوك في الله مكروب علشان عليه دين مش قادر يقضيه وتساعده وتجمعلو وتقضي دينه ..

*مش صعب لما تروحو لاسرة فقيرة بتاكل يوم وعشرة لا تروحو تطعموهم مرة كل شهر حتى

بس اللي صعب
,,

,,

,,

اننا نعرف ان دي كلها أبواب تقربنا إلى الله ومندخلش منها

واللي أصعب

,,

,,

ان تكون في جنة عرضها السماوات والأرض وملناش مكان فيها

رغم أبواب الخير الكتير اللي مبتنحصرش في حاجة ولا اتنين

حتقول : دي حاجات محتاجة فلوس وانا مش معايا
حقولك : جمعلهم من الناس
حتقول : بنكسف
حقولك : انكسف علشان ربنا
heart رمز تعبيري


قصة صغير يحكي صاحبها :

ركبت تاكسى لمحت بطرف عينى شيئا على الكرسى الخلفى،إستوضحته فإذا هو هاتف محمول

مددت يدى ووضعت حقائبى فوقه حتى لا يلحظ السائق ، ثم سحبت حقائبى مرة أخرى ومعها الهاتف

ذهبت إلى سكنى أنتظر أحدا يتصل وتمر ساعتين

صاحبة الهاتف شابة مخطوبة وكانت إذ نسيت هاتفها فى طريقها للطبيب لشأن يخصها ، عرفت من أمها هذا كله

تواصلت معى وأعلمتها بمكانى ، ثم أتت ومعه خطيبها ، أعطيتهم الهاتف
أغدق بعبارات الثناء التى تناسب الموقف أدرت ظهرى وانصرفت عدت إلى البيت

والله ثم والله ثم والله أنى فى هذه الآونة لم أكن أملك أى مال تقريبا
والدنيا كانت مخبطه تخبيط عجيب

فى اليوم الثانى ، صفقة بيع أكسب من خلالها 3000
واليوم وقد مر شهر تقريبا على هذا الأمر ، صفقة بيع أخرى أكسب من خلالها 10.000

كان ممكن يقول وانا مالي
بس مضيعش الأجر عليه وأدخل السرور عليهم ونَفعهم

علشان ببساطة هو بيعامل ربنا

[مشروع ملتزمه]

رد: دايما بنقول ( عايز حد بحبك ليه كفى بالله حبيبا )

موضوع جميل جدا والقصه موثرة فعلا

اللهم ارزقنى حبك وحب من احبك وحب عمل يقربنى الى حبك

وارزقنى مراقبتك فى الامور كلها

جزاك الله خيرا اختى الغاليه