[منقول] اشغلى اطفالك ورتبى البيت بسهولة

[جنه الرحمن غايتى]

طبعا اي ام عندهاا طفال لازم لو هترحيلها زيارة لازم تقوليلها قبلها بشهر


عشان كده انا هسهل عليكم واقولكم ازاي برتب البيت بسهولة وبسرعة وبشغلهم


وبيبقي عندي استعداد استقبل ضيف ف اي وقت





اللي باللون الاحمر ده اللي بعمله انا عشان اسهل شغل البيت علي نفسي

واللي باللون الاسود ده ازاي بشغل ولادى وانا برتب البيت


يلا هوريكم الافكار ومتنسوش تقيمو وتقولو رايكو


1-اول ما تصحي من النوم وانتي داخلة الحمام حطي غسلة وشغليهاولو دخللتي الحمام مرة تانيه طلعي الغسيل حطيه ع المنشر والي تشيليه ناشف يطبق ف ساعتها

الوقت ده غالبا هيكونو نايمين ولو صاحيين البيبي الصغير ست شهور بحطه ف المشايةواديله شخليله


والكبيير بخليه يدخل الهدوم ف الغسالة او يناولهاني

2-المواعين والله بقت سهلة جدا من ساعت ما بقيت اعمل كده

انا بدخل اعمل اكل 3 مرات ف اليوم فطار وغدا وعشا

كل مرة ادخل وانا بعمل الاكل علي ما يستوي اكون غسلت الطبقين بتوع الاكل اللي قبله وبعد ما بناكل ع طول بحط المواعين ف الحوض وانزل عليها مية


بقت سهلة جدااااااا والمطبخ ع طول شكله نضيف

ولو اتبقي وقت عندي ف اي وجبة وغالبا بتكون الغدا عشان بياخد وقت اطول بقوم مروقة المطبخ كله واكنسه والمعه


ف وقت وقوفك ف المطبخ هقولك ع فكرة حلوة بشغل بيها ابني عمره سنتين

هاتي علب المشروم او الفول او التونه اللي بتكون متبرشمه كويس زي كده


ورتبيها ف درفة من الدرف اللي تحت وكل مرة يدخل المطبخ يتعبك افتحيله الدرفة وقوليله فكها ورتبها

والله بتشغلهم اكترررررر من اللعب بتاعتهم

انا ابني بيقول عليها لعب اصلا

وابني الصغير بيكون ف المشاية بردو

وطول ما انا شغالة بكلمهم هما الاتنين


3-الترويق بعد كل صلاة بدي لنفسي 5 دقايق بس بسرعه بسرعه اوضب الشقة وكل حاجه مكانها


كلمي طفلك وعلميه النظام انا عن نفسي بشغله باني بقوله ارمي دول ف الباسكت دي بيفهمني ويرميها

4-بعد صلاة العشا بكنس الشقة كلها ويوم الاربع بس بمسحها وبجمع الزبالة كلهاوطلعها برا ووقت ما بفتح التلاجه...جوعانه يعني.... بقوم مطلعه الحاجات اللي ملهاش لازمة

دي بقي منصحكيش يكونو صاحيين بيبهدلوو الدنيا حتي الصغير بالمشايه بيبهدلها فممكن يكونو قدام التلفزيون بس ف الوقت ده بس مش طول اليوم

5- الحمامات والحواض تكون قبل الشاور اليومي


ممكن تحميه قبلك وتخليه يستناكي ع الباب بالعجلة بتاعته



6- البوتوجاز عن نفسي مفيش وقت المعه بعد كل اكله فبحط ورق المونيوم وبشيله يوم الجمعه ولو لسه نضيف بسيبه


7-القلاية والكبة والبويلر واللاب بلمعهم مرة ف الاسبوع تلميع خارجي


زي شغل المطبخ بالظبط بشغلهم بردو زي رقم 2

ملحوظة صغيرة

لو انتي مشغلتيش طفلك معاكي هيبهدلك ويكركبلك الدنيا ولعلمك هوا بيفرح جدااااااا لما بطلب منه يساعدني بيحس انه كبير

منقول

[الدره العصماء]

رد: اشغلى اطفالك ورتبى البيت بسهولة

ماشاء الله نصائح رائعه لكل أم جديدة
بارك الله فيكِ وأثابك الجنه ,,فى انتظار المزيد .

[جنه الرحمن غايتى]

رد: اشغلى اطفالك ورتبى البيت بسهولة

جزاكى الله خيرا على المرور الطيب

[العابدلله]

رد: اشغلى اطفالك ورتبى البيت بسهولة

جميل جدا ان حضرتكم بتربوا الاولاد على روح التعاون والتنظيم فى هذا السن المبكر
بالاضافة انهم بيرحوكم ويساعدوكم الا انهم ايضا بيتعلموا ذلك من ضغرهم فينعكس عليهم فى الكبر بداية من الدراسة ونهاية بالعمل

وفقكم الله

[جنه الرحمن غايتى]

رد: اشغلى اطفالك ورتبى البيت بسهولة

فعلاً

جزاكم الله خيرا على المرور الطيب

[دعــ الإستغفار ــاء]

رد: اشغلى اطفالك ورتبى البيت بسهولة

ما شاء الله تبارك الله

نفع الله بك بإفادتنا من تجربتك الخاصة في التربية

و جعل أبناءك من الذرية الصالحة