( سلسلة ) من غير لماضة ياحمادة .... متجدد بإذن الله

[ضيف]

رد: ( سلسلة ) من غير لماضة ياحمادة .... متجدد بإذن الله

سؤال اليوم وعاوز الاجابة بعد سماع المقطع

حبيبى فى الله

عاوزك تسمع المقطع الصغير دة

وهو جميل جدا

وبه نصائح قيمة

وتجاوب على السؤال دة :

ما هى الخطوات الخمس التى لو فعلتها تقربت الى الله ؟؟؟




http://www.youtube.com/watch?v=QlsHm...hannel&list=UL

[علاء الناقر]

رد: ( سلسلة ) من غير لماضة ياحمادة .... متجدد بإذن الله

بارك الله فيكم
التوبه
الصلاه فى وقتها
الذكر
ترك الاصدقاء السوء
القرآن

[ضيف]

رد: ( سلسلة ) من غير لماضة ياحمادة .... متجدد بإذن الله

(( 3 ))

السلام عليكم ورحمة الله وبركاته

بسرعة ياشباب

استكمالا للحلقة الاولى ومعرفة أسرار جديدة من

لماذا لا نتوب ؟

فيه 10 حاجات بتحجب العبد وقلب العبد عن رب العباد

10اسباب بتحجب و بتسد وبتعطل بين قلب العبد وبين التوبه او الهدايه

مش طالبة رغى كتير ف المقدمة لأن العشر اسباب فيهم شرح كتير

بس مش هياخدوا وقت ف القراية ان شاء الله




الحجاب الأول
الجهل بالله
انك متعرفش ربنا دى مشكلة كبيرة وسبب فى حاجات كتير جدا
لو متعرفش ربنا مش هتستحى منه لما تيجي تعمل معصية
لو متعرفش ربنا يبقى مش هتخاف منه ومن عذابه
لو متعرفش ربنا يبقى مش هتحبه

بنسأل نفسنا ليه مش بنخاف من ربنا .. مش بنخشع ف الصلاة ليه
ليه مرتبطين بالدنيا اوى ومش هاممنا الاخره والعذاب والنار

مثال : لو جالنا من كوكب تانى كائن ودخلناه على أسد
فطبيعي مش هيخاف منه لانه (ميعرفوش)
بس الفرق بين الخوف من الله والخوف من الأسد
هو انك بتخاف منه لكن بتحبه وطمعان ف رحمته لكن الأسد بتاخف منه وانت كارهه

فطبيعي عدم خشيتك من الله وعدم خشوعك طالما انت لا تعرف الله ومضيع وقتك فى الدنيا واللعب
ودا أول سر




الحجاب التانى
البدعة والعمل الصالح لغير وجه الله
البدعة هى الأعمال اللى لم ترد فى القران الكريم او ترد فى السنة النبوية وسيرة الخلفاء الراشدين
لقوله صلى الله عليه وسلم:
"كل محدثة بدعة وكل بدعة ضلالة، وكل ضلالة في النار"

والعمل الصالح زى الصلاه والصوم وجوانا اننا بنعمل دا عشان الناس تقول علينا اننا بتوب ربنا وماشاء الله
الواد او البنت زى الفل او بلبس الحجاب ولبس واسع عشان العريس يقول عليه محترمة او عشان الاهل والجيران يقولوا بنت
كويسة
اعمال صالحة مش لوجه الله ودى بتكون حجاب بين القلب وبين ربنا وتوبته



الحجاب التالت
الكبائر الباطنه
كباااااائر باطنة !! طب ادينا مثال كدا عشان نفهم بالله عليك
مثال ( الفخر والكبر والغرور ) تصوروا الحاجات دى بتحجب القلب عن ربنا وبتكون سبب فى ابعادنا عن طريق التوبة
بتبقى كبائر اعظم من الكبائر الظاهرة (كبائر الذنوب) زى الزنا وشرب الخمر والشتائم ... !!!



الحجاب الرابع
وهى الكبائر الظاهرة
الزنا ..وشرب الخمر.. عقوق الوالدين.. الشرك بالله ..السحر.. القتل . الانتحار
..السرقة .. المتشبهة بالرجال والمتشبه بالنساء
+
الذنوب الصغيرة لما بتصبح كبائر (يا راجل حتى الذنوب الصغيرة ممكن تبقى كبائر؟)
ايوة لما

- تستصغر الذنب (ياعم دا غيرى بيعمل اكتر من كدا .. يا عم مش هتفرق )
- الاصرار والمواظبة ع الذنب الصغير (النظر للبنات (زنا العين وهو زنا اصغر ) واحد اتعود يبص ع البنات ومش عايز يبطل يكبر الذنوب ويبقى من الكبائر )
-الفرح بالذنب الفرح بالذنب اعظم من الذنب (زى واحد فرح انه قدر يغوى بنت محترمة ومتدينه وقدر يوقعها زى ما بنقول وحس بمتعة وفرح فى دا )
-التهاون بستر الله عليك قال عبدالله بن عباس رضي الله عنهما: ( يا صاحب الذنب لا تأمن سوء عاقبته.. ولما يتبع الذنب أعظم من الذنب إذا عملته.. قلة حيائك ممن على اليمين وعلى الشمال (الملكين اللى بيكتبوا الحسنات والسيئات) ـ وأنت على الذنب ـ أعظم من الذنب.. وضحكك وأنت لا تدري ما الله صانع بك أعظم من الذنب.. وفرحك بالذنب إذا ظفرت به أعظم من الذنب.. وخوفك من الريح إذا حركت ستر بابك ـ وأنت على الذنب ـ ولا يضطرب فؤادك من نظر الله إليك أعظم من الذنب ).
- المجاهرة بالمعاصى ويكفى بشرحها الحديث الشريف قال : { كل أمتي معافى إلا المجاهرون.. وإن المجاهرة أن يعمل الرجل بالليل عملاً ثم يصبح وقد ستره الله عليه فيقول: يا فلان عملت البارحة كذا وكذا. وقد بات يستره ربه ويصبح يكشف ستر الله عليه }.
- أن تكون شخص يقتضدى به الناس : مدير مدرسة او مصنع او شخص مشهور او حاجة كبيرة يقتضى الناس بيها
وبعدين يعمل حاجة غلط زى انه يدخن او يكذب او يعمل اى ذنب فالناس تبتدى تعمل زية وتقلدة (فتاخد ذنوب كل من يقلدك وفى كلة مرة يقلدك تاخد ذنوبه الى ان يموت واذا مت قبلة تفضل تاخد فى ذنوب كل الناس اللى قلدوك لحد ما يموتوا كلهم)
ودا بينطبق على اللى بيحطوا توقيعات وصور رمزية مخالفة واصحاب المواقع والمنتديات اللى بيسمحوا بنشر
الأغانى والأفلام والكليبات والتواقيع والصور الرمزية >> يوم القيامة جبال من السيئات متعرفش جاتلك منين
{ من سنّ في الإسلام سنة سيئة كان عليه وزرها ووزر من عمل بها من بعده من غير أن ينقص من أوزارهم شيء }
إن الذين يحبون أن تشيع الفاحشة في الذين آمنوا لهم عذاب أليم


الحجاب الخامس
الصغائر
وهى صغائر الذنوب
والصغائر بتكبر زى ما ذكرنا قبل كدا وبتبقى كبائر وذنوب عظيمة
وذكرنا الاسباب
وكم من صغيرة ادت بصاحبها لسوء الخاتمة والعياذ بالله
فلازم تعظم ذنوبك مهما صغرت واوعى اوعى اوعى اوعى تحقرها او تستصغرها
والمؤمن اللى يعظم ذنوبة مهما صغرت لانه عارف ان ربنا بيراقبة



فاصل عشان ناخد راحة ونرجع إن شاء الله ......


وتابع معنا سلسلة :

[عبدالرحمن ابواليزيد]

رد: ( سلسلة ) من غير لماضة ياحمادة .... متجدد بإذن الله

جزاك ربي خيرا وجعلة في ميزان حسناتك

[أبوسلمى المصري]

رد: ( سلسلة ) من غير لماضة ياحمادة .... متجدد بإذن الله

بارك الله فيكم شيخنا الكريم
رفع الله قدرك
صاحب قلم مميز ممزوج بفهم للواقع
ربنا يزوجك :) روسي

[ضيف]

رد: ( سلسلة ) من غير لماضة ياحمادة .... متجدد بإذن الله

بارك الله فيكم شيخنا الكريم

وفيك بارك الله اخى الحبيب


رفع الله قدرك

ورفع قدرك فى الدارين

صاحب قلم مميز ممزوج بفهم للواقع

وهذه شهادة اعتز بها فجزاك الله خيرا

ربنا يزوجك :) روسي

يااااااااااااااااااااااااااااااااااااااااااااااااا ااااااااااااااارب

استجب هذا الدعاء

جزاك الله خيرا اخى على هذا الدعاء

[أبو جعفر محمد المصرى]

رد: ( سلسلة ) من غير لماضة ياحمادة .... متجدد بإذن الله

جزاكم الله خيراً شيخنا الحبيب وبارك الله فيك وجعل هذا العمل فى ميزان حسناتك

[مصطفى عبد الحميد]

رد: ( سلسلة ) من غير لماضة ياحمادة .... متجدد بإذن الله

جزاكم الله خيرًا و نفع بكم الإسلام و المسلمين متابعين بإذن الله

[mohamedhassan87]

رد: ( سلسلة ) من غير لماضة ياحمادة .... متجدد بإذن الله

جزاكم الله خيرا يا ابو معاذ متابع معاك وتقبل تقييمي

[ضيف]

رد: ( سلسلة ) من غير لماضة ياحمادة .... متجدد بإذن الله

(( 4 ))


قولنا الحلقة اللى فاتت قبل الفاضل
ان

فيه 10 حاجات بتحجب العبد وقلب العبد عن رب العباد

10اسباب بتحجب و بتسد وبتعطل بين قلب العبد وبين التوبه او الهدايه

وتكلمنا عن خمسة منهم
والنهاردة
رجعنا لبعض تانى ....



الحجاب السادس
حجاب الشرك
وهو (من أغلظ الأحجبه)
(اوعى تفوت السبب دا وتروح ع اللى بعده )
مش مقصود بالشرك هو انك تعبد الاصنام
المقصود بية هو تعلق قلبك بغير الله (الشرك الخفى)
والاشراك هو انك تترك عبادة الله عشان شئ معين(عبد الشئ المعين)
الاذان بيأذن ويقول حى على الصلاة وانت منفض وعمال تشتغل (عبد الفلوس)
او وانت بتلعب (عبد اللعب)
او بتعمل اعمال خيريه عشان يقولوا عليك كريم وانسان تقى وبتاع ربنا (عبدللناس)
ودى حاجة مهمة اوى يا شباب لازم ناخد بالنا منها الشرك الخفى خطير
لانه خفى ومجهول من معظم الناس
{ اللهم إني أعوذ بك أن أشرك بك شيئاً أعلمه وأستغفرك لما لا أعلمه }




الحجاب السابع
التوسع فى المباحات (التوسع فى الحلال)
تصدقوا ان ممكن يكون الحجاب بينا وبين ربنا هو بطننا
ماتستغربش ايوه
الأكل حلال والشرب حلال بس اذا زاد عن حده يبقى حرام
اللبس حلال بس اذا زاد فى الفخامة وبقى القصد منه التكبر والفخر والتباهى اصبح حرام
النوم حلال بس إذا زاد عن حده اصبح حرام
وهى قاعدة الزيادة فى الحلال حرام
ودا سببة عشان نفسر السبب ورا الحجاب دا اية هناخد مثال وليكن الأكل
الاكل والشرب لما بيزيد عن حده بيسبب امراض وبيسبب كسل ودا بيأثر على العبادات
فلو واحد بطنة مملية اكل هيريح ويأنتخ ولا هيقوم لصلاة ولا هيقدر يعمل اى حاجة
وحتى لو كان بطل وقام ولا هيركز فى صلاة ولا هيقى فية خشوع ولا اى حاجة
بطنة مملية اكل وكتير مننا جرب وحتى ممكن تعملها تجربة عملية املى بطنك اكل وشوف هتبقى
فى الصلاة زى ما انت وبطنك معتدلة ولا لاء وتعالوا قولولى


الحجاب التامن
الغفلة
الغفلة بتيجي انك بتنسى ربنا وبتبقى ماشى ورا الشيطان وورا هواك
وغافل عن عذاب ربنا وعن الاخره ومهتم فقط بالدنيا وما فيها وبتحقيق متعتك

بس ممكن تفوق منها لو قلبك نور بحاجة من التلاتة دول :

- نور ملاحظة نعم ربنا : الانسان دايما بيحب الناس اللى بتحسن الية وبتحسن معاملته وبتديلة وليها فضل عليه والصفات دى جمعها ربنا انه احسن معاملتنا رغم عصيانا وانه انعم علينا بنعم لا تحصى

-نور اكتشاف حقارة افعالة : فتستحقر نفسك وعملك اللى هيأدى لهلاكك فى الدنيا والاخره


-نور ضياع العمر اكتشاف ان العمر هو رأس مال الانسان الوحيد وان ايام عمرة بتضيع
ومش بس كدا كمان بتضيع ف الذنوب والمعاصى

فاذا دخل نور حاجة من التلاتة دول قلب العبد يدخل نور الله قلب العبد


الحجاب التاسع
العادات والتقاليد
ان يكون الانسان عبد للعادات والتقاليد السيئة والمخالفة لأوامر الله
زى التعود على السجاير انت عبد للسيجارة مفيش سبب لشربها
وعارفين كلها انها عادة سيئة وانها حرام ورغم ذلك بنعملها
لية ؟
لانها عادة سيئة اتملكت مننا فأصبحنا عبيد ليها

وكذلك خلع الحجاب ولبس الضيق والغيبة والنميمة وغيرها من العادات السيئة


الحجاب العاشر
حجاب الملتزمين
يعنى حتى الملتزمين ليهم حجاب
ايوة
انه يرضى عن عمله

ودا مفهوم خاطئ تماما (مهما كترت اعمالك فمتجيش حاجة جنب نعمة من نعم الله)
ومحدش بيدخل الجنة بأعمالة ولا حتى رسول الله صلى الله عليه وسلم

فإن رضا العبد بطاعته.. دليل على حسن ظنه بنفسه.. وجهله بحقيقة العبودية.. وعدم علمه بما يستحقه الرب جلّ جلاله.. ويليق أن يعمل به

المفروض اننا نعبد ربنا ونحسن الظن ان عملنا ربنا هيتقبلة (ولا نتأكد ان الله سيقبلة) (ولا نظن ان الله لن يقبلة لان الله عند ظن عبده به) وندعى ربنا انه يتقبلة

لازم دايما عيوبنا وعيوب اعمالنا تكون ادامنا ونحاول نعمل ونجتهد
عشان ربنا يتقبل منا


اسمع الكلمات الذهبية

ولله درّ من قال:
متى رضيت نفسك وعملك لله فاعلم أنه غير راض به.. ومن عرف أن نفسه مأوى كل عيب وشر.. وعمله عرضة لكل آفة ونقص.. كيف يرضى الله نفسه وعمله؟!

وكلما عظم الله في قلبك.. صغرت نفسك عندك.. وتضاءلت القيمة التي تبذلها في تحصيل رضاه.. وكلما شهدت حقيقة الربوبية. وحقيقة العبودية.. وعرفت الله.. وعرفت النفس.. تبين لك أن ما معك من البضاعة.. لا يصلح للملك الحق.. ولو جئت بعمل الثقلين خشيت عاقبته.. وإنما يقبله بكرمه وجوده وتفضله.. ويثيبك عليه بكرمه وجوده وتفضله.
فحينها تتبرأ من الحول والقوة.. وتفهم أن لا حول ولا قوة إلا بالله.. فينقشع هذا الحجاب.


.....
ودول كانوا العشر احجبة (العشر اسرار الذهبية) للإجابة على سؤالنا
(لية مش بنقدر نتوب ) واذا عرف السبب بطل العجب

ال 10 احجبة بين العبد وربه سببها هو

النفس - الشيطان - الدنيا - الهوى

كل واحد عرف مننا الاحجبة اللى بتمنعة من ربنا

فعشان تتخلص منها دا سر كبير اوى اوى اوى
وهو اللى بيفرق بين اللى بيقدر يتوب واللى مش بيقدر

عايزين تعرفوا السر الكبير دا ؟؟
طب صلوا على النبى صلى الله عليه وسلم




السر هو
اننا بنتبع اسلوب التمنى وليس الرجاء

(هتشتغلنا تانى )

ماهو الرجاء هو التمنى

لا

التمنى واللى كلنا بنتبعة : هو انك تتمنى التوبة دون ان تعمل لها

الرجاء : انك تدعى ربنا بالهداية والتوبة ورفع الاحجبة عنك وتعمل على ان تتوب وتترفع عنك الاحجبة اللى بين قلبك وبين التوبه

ودا سر كبير جدا لازم تفهمة كويس جدا جدا وتعمل بية




اشوفكم فى الحلقة الجاية ان شاء الله بعد ما انتهينا من لية مش بنتوب
وهندخل فى اجابة واسرار على سؤال تانى إن شاء الله

فتابعونا

وعاوز اعرف رأيكم فى الموضوع

[ضيف]

رد: ( سلسلة ) من غير لماضة ياحمادة .... متجدد بإذن الله

(( 5 ))


عايز قبل ما ابدأ كلامى ياشباب
اكشف عن سر من الأسرار بدرى شوية
ودا عشان خاطركم بس عشان هو متعلق بمدى استعيابنا وفهمنا للحلقات
وعشان متكونش زيها زى غيرها مجرد حماس لوقت قصير وبعدين ولا كأننا قرينا حاجة وتتبخر من مخنا

السر هو

المشكلة

اننا كتير بنقرأ الكلام الدعوى او المؤثر او بنسمع كلام شيخ معين
او بنشوف موقف مؤثر جدا لكن للأسف يا اما مش بنتأثر يا اما ودا لأغلبنا بيتأثر
تأثر (وقتى) وبيجيلة حماس (وقتى) للطاعة وانى خلاص هصلى وخلاص هلتزم
وبعد ساعة او اتنين او يوم او اتنين او اسبوع او شهر تلاقية نسى كل دا
ورجع تانى للطريق الغلط

والله كتبت كلام كتير ومسحتة لانى لقيت نفسى هكتب موضوع كامل فى نقطة واحده ملهاش علاقة بالحلقة بتاعتنا بس هنتناولها فى وقتها إن شاء الله


بس انت لازم تشحن قلبك كل مدة وتبعد عن الذنوب لانها بتموت القلب وبتنسيك العلم
وتستغفر ربنا كتير وتبعد عن الذنوب وتتفرج وتسمع دروس كتير
والمواقع الاسلامية مفيش اكتر منها
(دروس عذاب القبر وعذاب النار عشان تذكر نفسك بالاخره وبنهايتك اللى اكيد هتوصلها)
وكل ما تحسن انك نسيت الكلام ده ارجعله واقراه تانى

..

المهم عشان مطولش عليكم

فى الحلقة اللى فاتت
اتكلمنا عن " لية مش بقدر أتوب " وجاوبنا علي السؤال دا
وكشفنا اسرارة وعرفنا حاجات جديدة كتير ودى اول خطوة وهى معرفة السبب

انهاردة إن شاء الله هنعرف ونتعلم مع بعضحاجات تانية ونكشف اسرار جديدة


ليه أتوب أصلاً ؟؟؟
أنا كدا عايش حياتى وكله بيس وأشطة وزى اللوز

اتعب نفسى لية بئى انا بالصوم واقيد نفسى بالصلاة 5 مرااااااااااااات فى اليوموأنا البس واسع واتحرم من متعة سماع كلام المعاكسات الجميلة ونظرة الشباب بلهفه عليا
واخفاء جمالى وانوثتى عن عيون الشباب والبنات ربنا خلقنى جميلة لازم اتمتع بجمالى واتباهى بيه
اية اللى يخليني ادارى جمالى ورا خيمة ولبس واسع
اية اللى يخليني ابطل سجاير او حشيش دى احلى دماغ ومتعة ف الدنيا
ايه يخلينى ابطل كلام مع البنات ومعاكسات وفرجة على افلام اباحيه
اية يخليني ابعد عن اللى بحبها ومقدرش امسك ايدها ولا اشوفها
دى الحياة جميلة وانا (عايش حياتى ومستمتع بيها)


انتم خليتوا كل حاجة حرام وعيشتنا كلها بقت حرام
انا عايز استمتع بحياتى واعيشها



والله يا شباب الاسباب اننا نتوب كتيرة اوى

- اولاً
لأن إصلا ربنا خلقك عشان تعبده
شوفوا ربنا عز وجل بيقول ايه
{ وما خلقت الجنّ والإنس إلا ليعبدون}
[الذاريات: 56]

ومقالش إلا ليلعبون او يتمتعون او يفسدون فى الأرض (العبادة فى المقام الأول)
دا الهدف من ان ربنا خلقنا عشان نعبده وهو غنى عن عبادتنا
بس مش معنى كدا اننا ننسى نفسنا
الدنيا ممكن نتمتع بيها
بس فية فرق بين المتعه الصح والمتعة الغلط (الحرام)
ومش معنى انك ملتزم ان الطريق الصح مفيهوش سعادة



-ثانيا
لأن دى أوامر من الله عز وجل (طاعة لله)
اللى خلقك وخلق الأرض والسماء
وخلقلك كل النعم اللى بتعصاه بيها
{ وتوبوا الى الله جميعا أيها المؤمنون لعلكم تفلحون} [النور: 31]
{ يا أيها الذين آمنوا توبوا الى الله توبة نصوحا} [ التحريم: 8]


-ثالثا
عشان تعيش سعيد وتلاقى الخير مش بس ف الاخرة وكمان فى الدنيا
(الطريق الصح فيه سعادة فى الدنيا والاخره)
{ وتوبوا الى الله جميعا أيها المؤمنون لعلكم تفلحون}
ولما تبحث فى تفسير الايه الكريمة هتلاقى الفلاح يقصد به فلاحين
فلاح الاخرة وكماان فلاح الدنيا يعنى الطريق الصح فيه سعادة

وَمَن يَتَّقِ اللَّهَ يَجْعَل لَّهُ مَخْرَجاً }
ودا التفسير الميسر للأيه الكريمة بالنص :
ومن يخف الله فيعمل بما أمره به, ويجتنب ما نهاه عنه, يجعل له مخرجًا من كل ضيق

وَمَن يَتَّقِ اللَّهَ يَجْعَل لَّهُ مِنْ أَمْرِهِ يُسْراً
ودا التفسير الميسر للأيه الكريمة بالنص :
ومن يَخَفِ الله, فينفذ أحكامه, يجعل له من أمره يسرًا في الدنيا والآخرة

وَأَنِ اسْتَغْفِرُواْ رَبَّكُمْ ثُمَّ تُوبُواْ إِلَيْهِ يُمَتِّعْكُم مَّتَاعاً حَسَناً إِلَى أَجَلٍ مُّسَمًّى
ودا التفسير الميسر للأيه الكريمة بالنص :
واسألوه أن يغفر لكم ذنوبكم, ثم ارجعوا إليه نادمين يمتعْكم في دنياكم متاعًا حسنًا بالحياة الطيبة فيها, إلى أن يحين أجلكم,

وَمَن يَتَّقِ اللَّهَ يَجْعَل لَّهُ مَخْرَجاً
ومن يخف الله فيعمل بما أمره به, ويجتنب ما نهاه عنه, يجعل له مخرجًا من كل ضيق (ضيق الدنيا والاخره)

طبعا انا عملت كوبى للتفسير ادامكم ومجبتش حاجة من عندى
دا عشان تصدقوا ان الطريق الصح والتوبة فيها سعادة ومتعة فى الدنيا والاخرة
وفيه ايات كتير جدا واحاديث بس هنكتفى بالقدر دا عشان منطولش المهم ان الفكرة وصلت


-رابعاً
عشان تنجو من عذاب القبر وعذاب النار ومن اهوال يوم المحشر ويوم القيامة
وعشان ننجو من عذاب الدنيا كمان

وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكاً وَنَحْشُرُهُ يَوْمَ الْقِيَامَةِ أَعْمَى }
التفسير
ومن تولَّى عن ذكري الذي أذكِّره به فإن له في الحياة الأولى معيشة ضيِّقة شاقة -وإن ظهر أنه من أهل الفضل واليسار، ويُضيَّق قبره عليه ويعذَّب فيه، ونحشره يوم القيامة أعمى عن الرؤية وعن الحجة
يعنى كل واحد مننا بيكون عيشتة صعبة ومش حلوة حتى لو كان غنى ومعاه فلوس فربنا ممكن ياخد منه راحة البال
او الصحة او يبتلية بمشكلة كبيرة جدا يتمنى ان المال كلة يروح فى سبيل انة يرتاح منها




بس نقف هنا ناخد راحة ونرجع لبعض تانى .... اوعوا تروحوا اى موضوع تانى

[أبومصعب محمود ابراهيم]

رد: ( سلسلة ) من غير لماضة ياحمادة .... متجدد بإذن الله

اللهم أحيينا حياةً طيبةً بطاعتك
وارزقنا توبةً صادقةً قبل الموت

جزاكم الله خيراً شيخنا الفاضل ورفع قدركم
كلمات رقيقة رقراقة تلامس القلب
جعل الله ما تقدمه فى موازين حسناتك

متابعون باذن الله
أحبك فى الله

[حسن العربى]

رد: ( سلسلة ) من غير لماضة ياحمادة .... متجدد بإذن الله

وفقكم الله شيخنا لكل خير
واسعدكم فى الدنيا والاخرة

[أبو معاذ احمد المصرى]

للرفع

لنكمل مع حماده حوارة

ونعرف منه
ليه احنا اتعودنا على الذنوب
وليه الذنوب بقت سهلة فى حياتنا
وليه مش حاسين بمتعة العبادة وبنحس فقط بمتعة المعاصى

كل ده هنشوف حمادة عامل فيه ايه

تابعونا من جديد

[أبوسلمى المصري]

متابعين إن شاء الله شيخنا الكريم نفع الله بك