علشان متوقفيش في طريق الإلتزام ..حملة إنعاش القلــوب :)

[*تائبة إلى الله*]

رد: علشان متوقفيش في طريق الإلتزام ..حملة إنعاش القلــوب :)

جزاك الله خيرا يا غالية على الموضوع اللي فعلا محتاجينه
لي عودة باذن الله عشان اقراه كويس لاني مش مركزة دلوقتي

[*تائبة إلى الله*]

رد: علشان متوقفيش في طريق الإلتزام ..حملة إنعاش القلــوب :)

أختي اريد الهداية وقلب خاشغ
لو سمحتي يا غالية صورة الطفل مخالفة لقوانين المنتدى (لأنه يمنع وضع صور ذوات ارواح)
بارك الله فيك

[راجية قرب الحبيب]

رد: علشان متوقفيش في طريق الإلتزام ..حملة إنعاش القلــوب :)

جزاكي الله كل خير ونفع بك لا تنسيني من صالح دعائك

[فريق عمل زاد الداعية]

رد: علشان متوقفيش في طريق الإلتزام ..حملة إنعاش القلــوب :)

جزانا الله وإياكم كل خير جميعا وبارك الله فيكم

[فريق عمل زاد الداعية]

رد: علشان متوقفيش في طريق الإلتزام ..حملة إنعاش القلــوب :)

المرة دي جاين نتكلم عن حاجة محتاجينها كتييييييييير اووي والمفروض مش نتغافل عنها نهااااائي


هو إننا ممكن نمشي في طريق ربنا لفترات طويلة ونتعلم علم كتيير ونستمع لمواعظ كتير

لكن نيجي ندور علي أثر للعلم ده مش نلاقي

طيب ليييييه وبعد ما كنتي نشيطة ومتحمسة في بداية الطريق بقي عندك فتور

وضاعت إيمانياتك وسط إنشغالات الدنيا

طيب علشان الحاجة الخنيقة دي محتاج كل واحد فينا إنه يقف مع نفسه كل فترة ويسأل نفسه 3 أسئلة

1) ماذا عَرِفَ عن ربِّه؟ ..

2) ماذا عَرِفَ عن نفسه؟ ..

3) ماذا عَرِفَ عن الطريـــق؟

طيب الإنسان علشان يعيش بجد مع العلم اللي إتعلمه ويلاقي ليه أثر


لازم حاجة مهمة يفهمها


إبن القيم بيقول إن الإنسان ليه قوتين


قوة علمية نظرية وقوة عملية إرادية


والإنسان مش هتكتمل قوته العلمية إلا لما يعرف الله عزوجل فاطره ومعرفة أسمائه وصفاته


ويعرف طبيعة الطريق اللي ماشي فيها ويعرف آفاتها

ويعرف نفسه وعيوبها


يبقي لو كل واحد مننا عرف الأساسيات دول هيبقي تمام أووي


لأن لما هتتعرفي علي ربنا هتحبيه أكتر لأن مش إنتي لو ليكي واحدة لسة متعرفة عليها جديد بتحبيها بمقدار لكن لو عرفتيها أكتر وعرفتي أد إيه هي متدينة وطيبة وكريمة وووو هتحبيها كتيررررررر أوووي مش صح كده ولله المثل الأعلي كل ما تتعرفي عليه أكتر وعلي صفاته قلبك هيتملي إيمان وهتحبيه أكتر



وكل برده ما هتفهمي طبيعة الطريق وعارفة إيه اللي ممكن يقابلك هتكوني مستعدة بإذن الله لأي موقف هيقابلك



ولما تعرفي برده نفسك وعيوبها هتعرفي تتعاملي معاها وتحاولي تصلحي عيوبك

يبقي كده هتبقي تمام اوووي بإذن الله



طيب إنتي لما تلاقي إن القوة العلمية بقت جميلة ومكتملة هتلاقي القوة العملية عندك بقت شغاااااااااالة كويس أوووي



فهتراعي حق الله عليكي وهتعملي أعمال كتييييير ترضيه بإذن الله



لأن لو فسدت قوتك العلمية هتقعي في الضلال

ولو فسدت قوتك العملية هينزل عليكي غضب الله

ومش هتتم سعادتك إلا لو إجتمع العلم والعمل







طيب أصول معرفة الطريق المستقيم هنعرفها من سورة جميييلة أوووي بنقرأها كل يوم



هي سورة الفاتحة


وياريت نقرأ تفسيرها هنا مبسط وموضح بشكل جميل هنا


اشمعنى أنا !!! ربنا ما هدانيش !!!



طيب دلوقتي عايزين نعرف السبيل لله عزوجل


بجد عطشانين أوي نعمل إيه بقي علشان نوصل لربنا وندوب القسوة اللي تعبتنا

طيب واحد من السبل وضحه الله عزوجل في سورة المزمل وسورة الإنسان

تعالو نشوف الآيات كده



قال تعالى {يَا أَيُّهَا الْمُزَّمِّلُ(*)قُمِ اللَّيْلَ إِلَّا قَلِيلًا(*)نِصْفَهُ أَوِ انْقُصْ مِنْهُ قَلِيلًا(*)أَوْ زِدْ عَلَيْهِ وَرَتِّلِ الْقُرْآنَ تَرْتِيلًا(*)إِنَّا سَنُلْقِي عَلَيْكَ قَوْلًا ثَقِيلًا(*)إِنَّ نَاشِئَةَ اللَّيْلِ هِيَ أَشَدُّ وَطْئًا وَأَقْوَمُ قِيلًا(*)إِنَّ لَكَ فِي النَّهَارِ سَبْحًا طَوِيلًا(*)وَاذْكُرِ اسْمَ رَبِّكَ وَتَبَتَّلْ إِلَيْهِ تَبْتِيلًا} [المزمل: 1,8]



الآيات وضحت أربع أسس هتقيمي عليها سيرك لله عزوجل



وبيها بإذن الله هتلاقي الثبات والإستقامة


طيب تعالو نذكرهم مفصلين كده



1_ القيام
ومش يكونوا ركعتين صغيرين والسلام وأبقي كده صليت قيام ..لازم تاخدي غايتك وهدفك هو إنك تقومي الليل وتفضلي تناجي في الله عزوجل وتتعرفي عليه



2_إنك تقرأي القرآن ومش بسرعة

ومش يكون هدفنا جمع حسنات وبس لأ يبقي بتركيز وتتدبري الآيات وتفهمي معانيها وتشوفي ياتري إيه الرسالة اللي ربنا بعتهالك في الآيات دي هتلاقي قلبك بدأ يتحرك فعلا بفضل الله



3_ تذكري الله كتيييير ..

الآيات وضحت إن الإنسان هينشغل بأموره الدنيوية فممكن تغفلي في النص

علشان كده خلي سلاح الذكر شغال معاكي علطول


4_ التبتل
خلي في فترة كده إنعزلي عن البشر شوية وتبقي عايشة بقلبك مع الله عزوجل بس وتشغلي نفسك بكل حاجة تقربك منه







تعالو نشوف السبيل التاني وهو جمييييييييييل أوووي

هو
التوكل علي الله


قال تعالى {رَبُّ الْمَشْرِقِ وَالْمَغْرِبِ لَا إِلَهَ إِلَّا هُوَ فَاتَّخِذْهُ وَكِيلًا} [المزمل: 9]



فده تذكرة لينا إن كل اللي خلقه الله عزوجل ما بين المشرق والمغرب مربوب

لله عزوجل فمش تركني للأسباب مهما حصل ونتوكل علي الله عزوجل ونعتمد عليه


لأن ممكن وإنتي في حياتك تركني لبشر لمال قلبك يبدا يتعلق بحاجة مش بتملك لكِ لانفع ولا ضر

فتوبي وتتذكري إن محدش هيملك لكِ لا نفع ولا ضر إلا الله علشان كده تعلقي قلبك بالله اووووي






الأساس الثالث بقي مهم جداااااااا وهو

الصبر علي الإبتلاء وهجر المخالفين


في طريقك ياما هتلاقي إبتلاءات وتمحيص من الله عزوجل وإعرفي إن مفيش سبيل للنصر إلا بالصبر



وإفتكري دايما إن الدنيا دار إبتلااااااااااء وتمحيص


لكن والله والله والله لو قلبك كان متعلق بالله وبتحبي كل حاجة منه صدقيني
مش هتشعري بأي ألم لإبتلاءات دي بجد قلبك هيكون راااااااضي أوووي ومستسلم كده



لأنك هتكوني موقنة إنك أمة وهو الملك يتصرف فيكي كيف يشاء وهو حكيم خبير يعلم اللي يصلحلك وغن كل أمر بتمري بيه فيه حكمة وخير ليكي



وياما هتقابلي كتير ناس تعرقلك في طريق الإلتزام فاصبري علي أذاهم وإبعدي عنهم علشان مش تلوثي قلبك







الأساس الرابع بقي ممكن نغفل عنه كتيييير

وهو
الجحود والنكران

قال تعالى {وَذَرْنِي وَالْمُكَذِّبِينَ أُولِي النَّعْمَةِ وَمَهِّلْهُمْ قَلِيلًا} [المزمل: 11]


ممكن ربنا يرزقك التفوق مثلا تقولي دي شطارتي وجدعنتي وتنسي إن الله عزوجل هو اللي وفقك لكده


فتنسبي النعمة لنفسك وتنسي شكر الله عليها

فيكون الجزاء العذاب الآليم


لأن الشكر ركن الإيمان الأعظم ومن غيره مش هتأسسي الإيمان

شوفتي أد إيه الشكر ده مهم جداااااااااااااا




نيجي بقي لسورة الإنسان ونتأمل الحكم اللي فيها

سورة الإنسان بتوضحلنا إن الحكمة من الخلق هي إختبار الكفر والإيمان

السورة بتبدأ بآيات جميلة تعالوا نشوفها

قال تعالى {هَلْ أَتَى عَلَى الْإِنْسَانِ حِينٌ مِنَ الدَّهْرِ لَمْ يَكُنْ شَيْئًا مَذْكُورًا(*)إِنَّا خَلَقْنَا الْإِنْسَانَ مِنْ نُطْفَةٍ أَمْشَاجٍ نَبْتَلِيهِ فَجَعَلْنَاهُ سَمِيعًا بَصِيرًا} [الإنسان: 1,2] .. .

شوفتي الآيات بتذكرنا بإيه

بتذكرنا بحاجة مهمة أوووي المفروض مش ننساها هي أصلنا إنه لم يكن يذكر

علشان الواحد مش يتر ويعصي الله والمفروض يخاف منه

وبعدين ذكر إيه

قال تعالى {إِنَّا هَدَيْنَاهُ السَّبِيلَ إِمَّا شَاكِرًا وَإِمَّا كَفُورًا} [الإنسان: 3] ..



إن الله عزوجل هدي الإنسان وبينله الحلال من الحرام ووضحله طريق الهداية

والضلال لكن برده في ناس هتشكرر وفي ناس هتجحد النعمة


عرفتوا بقي اد إيه نعمة الشكر مهمة أوووي وشغالين نتكلم عنها كتييييييير أوووي


طيب بعد كده ذكرت آيات المؤمنين اللي هيفوزوا بجنة النعيم


نبتسم كده ونحسن الظن بالله إننا نكون منهم بإذن الله :)

وتعالوا نشوف ياتري صفاتهم إيه


علشان نجتهد بكل اللي نقدر عليه وما أوتينا من قوة إننا نعمل بالصفات دي



1) الوفــاء في مقابل الخيانة .. {يُوفُونَ بِالنَّذْرِ ..} [الإنسان: 7]


2) الخــوف في مقابل الجرأة .. {.. وَيَخَافُونَ يَوْمًا كَانَ شَرُّهُ مُسْتَطِيرًا} [الإنسان: 7]


3) البـذل في مقابل شُح النفس .. {وَيُطْعِمُونَ الطَّعَامَ عَلَى حُبِّهِ مِسْكِينًا وَيَتِيمًا وَأَسِيرًا} [الإنسان: 8]


4) الإخلاص في مقابل الريــــاء .. {إِنَّمَا نُطْعِمُكُمْ لِوَجْهِ اللَّهِ لَا نُرِيدُ مِنْكُمْ جَزَاءً وَلَا شُكُورًا} [الإنسان: 9]



طيب ياتري الداعي اللي خلي الناس دي تعمل كده إيه



هو إيمانهم بالآخرة وخوفهم من أهوالها



بجد لو فكرنا في يوم القيامة وأهوالها قلوبنا هتترعب كده



{إِنَّا نَخَافُ مِنْ رَبِّنَا يَوْمًا عَبُوسًا قَمْطَرِيرًا} [الإنسان: 10]



علشان كده فازوا ونالوا هدفهم الأسمي



. {فَوَقَاهُمُ اللَّهُ شَرَّ ذَلِكَ الْيَوْمِ وَلَقَّاهُمْ نَضْرَةً وَسُرُورًا(*)وَجَزَاهُمْ بِمَا صَبَرُوا جَنَّةً وَحَرِيرًا} [الإنسان: 11,12]



وبعد الوصف ده

ذكر تاني الأسس اللي المفروض نمشي عليها

وهي

1) القيــام .. 2) تلاوة القرآن .. 3) الذكر ليلاً ونهارًا .. 4) الصبر والانقطاع لله تبارك وتعالى.

فقال تعالى {إِنَّا نَحْنُ نَزَّلْنَا عَلَيْكَ الْقُرْآنَ تَنْزِيلًا(*)فَاصْبِرْ لِحُكْمِ رَبِّكَ وَلَا تُطِعْ مِنْهُمْ آثِمًا أَوْ كَفُورًا(*)وَاذْكُرِ اسْمَ رَبِّكَ بُكْرَةً وَأَصِيلًا(*)وَمِنَ اللَّيْلِ فَاسْجُدْ لَهُ وَسَبِّحْهُ لَيْلًا طَوِيلًا} [الإنسان: 23,26]

وبعدها قال تعالى مؤكدًا {إِنَّ هَذِهِ تَذْكِرَةٌ فَمَنْ شَاءَ اتَّخَذَ إِلَى رَبِّهِ سَبِيلًا} [الإنسان: 29]

ووقود الطريـــق، هو: الرحمة ..

{يُدْخِلُ مَنْ يَشَاءُ فِي رَحْمَتِهِ وَالظَّالِمِينَ أَعَدَّ لَهُمْ عَذَابًا أَلِيمًا} [الإنسان: 31]

ونقابلكم المرة الجاية في حاجة جديدة بإذن الله

[راجية رضا الإله]

رد: علشان متوقفيش في طريق الإلتزام ..حملة إنعاش القلــوب :)

موضوع رائع جعله الله في ميزان حسناتكن

[فريق عمل زاد الداعية]

رد: علشان متوقفيش في طريق الإلتزام ..حملة إنعاش القلــوب :)

اللهم آمين وإياكِ

جزانا الله وإياكِ كل خير

[فريق عمل زاد الداعية]

رد: علشان متوقفيش في طريق الإلتزام ..حملة إنعاش القلــوب :)

المرة دي هنتكلم في حاجة محتاجينها اوووي

إننا نفهم طبيعة نفوسنا




في قواعد مهمة جدااا محتاجين نفهمها

أول حاجة هي إن النفس مش بتأمر بخير خاااااااالص

حتي لو وصلت لدرجة النفس المطمئنة ولو أمرتك يبقي مش برغبتها .. لأ ده خوفا من العقاب والآخرة


إنتي لو سجنتي نفسك وخلتيها زي الأسير أكيد هتسمع الكلام هتنفذ علطول

نيجي بقي تظني إن نفسك بقيت كويسة من كتر ما بتلاقيها بتنفذ الكلام

ومطيعة ليكِ فتفتحيلها الباب

للأسف ساعتها هترجع تاني للسوء

فإياكِ تظني بنفسك خير أبدااااا



فإذا قهرت نفسك:: تستطيع أن تقودهــا .. أما إذا أطلقت سراحها:: أمرتك بالســوء،،





تاني حاجة إن النفس دايما بتشدك للشهوات مهما إرتقيتي في درجات الإيمان


النفس دي مجموعة من الشهوات اللي بتتشد ليها نفسك زي المال وحب الجاه


والتميز والرجال وكل حاجة بتتمناها النفس وتهواها


ممكن بعد إلتزامك تتحايل عليكي نفسك في شهوتك وتبقي تحت كلمة ملتزمة


زي مثلا الشهرة ممكن تمارسيها بالدعوة


يعني الشهوة جواكي وتقنعي نفسك غنك بتدعي لله بس في الأساس بتسعي للشهرة



وللأسف هنا العمل مش لله :(





ثالث حاجة أوووعي ترضي عن نفسك خااااااااالص لأن لو رضيتي عنها هيبقي بتهلكي نفسك كده



لأن إحنا قولنا من شوية إن النفس مش بتأمر بخير خاااااااالص فإزاي ترضي عنها ؟!!!


كما ذكر النبي أن العُجب من المُهلكات، قال "ثلاث مهلكات شح مطاع وهوى متبع وإعجاب المرء بنفسه .." [حسنه الألباني، السلسلة الصحيحة

(1802)]

وقال الله تعالى {.. فَلَا تُزَكُّوا أَنْفُسَكُمْ هُوَ أَعْلَمُ بِمَنِ اتَّقَى} [النجم: 32]

فهتفضلي تجاهدي في نفسك لحد أما تموتي


قال أحد الصالحين"يموت المؤمن وسيفه يقطر دمًا"





نيجي للحاجة المهمة فعلا ونفسنا كلنا نعرفها

هي

إزاي نقدر نتعامل مع أنفسنا ؟؟


علشان نقدر نتعامل مع أنفسنا لازم نفهم طبيعتها والله عزوجل وصف 3 أنواع للنفس البشرية

النوع الأول: النفس الأمارة بالســوء
..



كما في قوله تعالى {.. إِنَّ النَّفْسَ لَأَمَّارَةٌ بِالسُّوءِ إِلَّا مَا رَحِمَ رَبِّي ..} [يوسف: 53] ..

وهي بالتأكيد النفس اللي بتحض علي الشر والسوء ويكون الواحد فاكر إن في ده سعادته الحقيقية من كتر ما النفس بتزين السوء ليه

وهو ميعرفش إن في ده هلاكه



طيب إيه العلاقة بين النفس الأمارة بالسـوء والعقــل ..



النفس الأمارة بالسوء بتتأثر بالعقل والعقل بيتأثر بالمدركات الحسية زي النظر والسمع واللمس والشم ..


والمدركات دي كلها بتتجمع في العقل وبتوصل الرغبة للنفس الأمارة بالسوء فبالتالي الواحد يقع في المنكرات


كما قال الرسول "كُتِبَ عَلَى ابْنِ آدَمَ نَصِيبُهُ مِنْ الزِّنَا مُدْرِكٌ ذَلِكَ لَا مَحَالَةَ؛ فَالْعَيْنَانِ زِنَاهُمَا النَّظَرُ، وَالْأُذُنَانِ زِنَاهُمَاالِاسْتِمَاعُ، وَاللِّسَانُ زِنَاهُ الْكَلَامُ، وَالْيَدُ زِنَاهَاالْبَطْشُ، وَالرِّجْلُ زِنَاهَا الْخُطَا، وَالْقَلْبُ يَهْوَىوَيَتَمَنَّى .."[صحيح مسلم]


فالقلب بقي مش هيقع في المعصية إلا بعد ما تثار المؤثرات الحسية

زي مثلا اللي بيتفرج علي الأفلات والحاجات المش كويسة تفضل الأفكار تراوده والخواطر حتي بعد ما يلتزم ليه لأنه درب نفسه علي السوء فبالتالي هتتولد نفس خبيثة

لكن الحاجات اللي الواحد مش عاينها حسية مش هيفكر فيها

زي السرقة مثلا



طيب سؤال مهم إيه الفرق بين تسويــل النفس ووسوسة الشيطان ..؟؟


النفس بتسولك نفس جنس المعصية

لكن الشيطان بيوسوسلك للوقوع في أي معصية أيًّ كانت المهم يشغلك عن طاعة الله عزوجل







النوع الثاني: النفس اللوامــة ..

وهي النفس اللي لو وقع القلب في محظور تلومه عليه فيبادر بالتوبة والإستغفار

قال تعالى {وَلَا أُقْسِمُ بِالنَّفْسِ اللَّوَّامَةِ} [القيامة: 2]،

طيب ياتري هنا علاقة النفس اللوامة بالعقل ..إيه ؟؟

هنا العلاقة أقوي

العقل لما يتأثر بالمدركات الحسية وعلي الجانب التاني يلاقي طاعات زي قراءة قرآن وإستغفار وإستماع للمواعظ


فبقي العقل هنا عنده جانيبن جانب بيدعوه للخير وتقوي الله وجانب بيدعوه للشر ووالمعصية


طيب هيحصل إيه لو الإنسان إستمع لضميره وبدأ يصلح نفسه وفاق من الغفلة ؟؟


يبقي هنا النفس بقيت قريبة من النفس المطمئنة لكن لو سابها يبقي كده بقي

النفس هترجع للأسوء وتصل للنفس الأمارة بالسوء






النوع الثــالث: النفس المطمئنة .. وهي الهدف الأسمى ..

قال تعالى {يَا أَيَّتُهَا النَّفْسُ الْمُطْمَئِنَّةُ(*)ارْجِعِي إِلَى رَبِّكِ رَاضِيَةً مَرْضِيَّةً(*)فَادْخُلِي فِي عِبَادِي(*)وَادْخُلِي جَنَّتِي} [الفجر: 27,30]

هي النفس اللي لجأت لله سبحانه وتعالي ورضيت به واطمأنت إليه فالله
عزوجل كافأها بأعظم أجر تغبط عليه في الدنيا والآخرة


والمرحلة دي هي مرحلة الصدق مع النفس .. واللي كل الناس نفسها فيها ومش المسلمين بس


ومش هينول النفس دي غير المؤمن الموحد



لأن دين الإسلام هو الدين الوحيـــد الذي يمازج بين متطلبات العقل والروح ..


لكن البعيد عن الله بيفضل يلهي نفسه بشتي الطرق علشان مش يتصدم بعقله الراكد في شهوات الحس ويحصل بينهم صدام








طيب السؤال الجميل أووي

إزااااي نوصل لمرحلة النفس المطمئنة؟؟

ده اللي هنعرفه المرة الجاية بإذن الله:)

[فريق عمل زاد الداعية]

رد: علشان متوقفيش في طريق الإلتزام ..حملة إنعاش القلــوب :)

وقفنا المرة اللي فاتت عن إزاي نوصل لمرحلة النفس المطمئنة

في البداية نقطة مهمة إن لو الإنسان وصل لمرحلة النفس المطمئنة مش معناه إنه

بقي بمعزل عن الذنوب والخطايا لأن كل إنسان بيعتريه النقص والخطأ

لكن لو سعيتي علشان توصلي لصفات النفس المطمئنة هتنولي الإطمئنان النفسي في الدنيا والراحة الأبدية في الآخرة


طيب تعالوا نتعرف دلوقتي علي صفات أصحاب النفوس المطمئنة







الصفة الأولى: الإخــلاص ..


وللإخلاص علامات ابحث عنها في نفسك لتعلم أأنت مخلصٌ أم لا، وهي:


1) أن يكون في عناية الله تعالى ومعيته .. أي إنه ليس كثيــر التعثُر وأحواله ليست مضطربة أو متباينة، كما قال ابن الجوزي ".. إنما يتعثر من لم يخلص"

[صيد الخاطر(1:119)]


2) بـذل المجهود في الطــاعة ..


3) أن يكون حريصًا على إسرار الأعمال .. إلا على ما ينبغي إظهاره، مثل: الصلاة والدعوة والجهاد.


4) الحرص الشديــد على إصلاح العمل وإتقانه وإحسانه .. لأنه يعيش لله لا لنفسه، فكل ما يفعله يبذله لوجه الله .


5) وجل القلب وخوفه من عدم القبــول ..


واعلمي إن مفيش حاجة هتنجيكي غير الصدق والإخلاص




الصفة التانية بقي متابعة هدي النبي



فصاحب النفس المطمئنة بيتبع هدي النبي في كل حاجة في أدق حاجة لغاية ما تطغي محبتة علي محبة المال والولد وحتي النفس



عن أنس قال: قال رسول الله "لَا يُؤْمِنُ أَحَدُكُمْ حَتَّى أَكُونَ أَحَبَّ إِلَيْهِ مِنْ وَلَدِهِ وَوَالِدِهِ وَالنَّاسِ أَجْمَعِينَ" [متفق عليه]


وعلامة الإتبــــــــاع:: شدة الحرص على معرفة سُنَّتِهِ وأحواله وسيـرته، والإقتــداء به .






الصفة الثالثة هي الرضا عن الله عزوجل

الصفة دي جمييييييييييلة أوووي بتخلي الواحد ساكن ومرتاح وإحساس الرضا في القلب جميييييييييييييل أوووووووي

نسأل الله أن يرزقنا الرضا ..اللهم آمين

لما يمر عليكِ الإبتلاء تلاقي قلبك ساكن وهادي ومرتاح ومش شايل هم خالص

عن العباس بن عبد المطلب قال: قال رسول الله "ذَاقَ طَعْمَ الْإِيمَانِ مَنْ رَضِيَ بِاللَّهِ رَبًّا وَبِالْإِسْلَامِ دِينًا وَبِمُحَمَّدٍ رَسُولًا" [رواه مسلم]







الصفة الرابعة : شدة محبة الله تعالي وتعظيمه


تلاقي حياة الإنسان اللي بيحب الله عزوجل مصبوغة كده بصبغة جميلة أوووي من حسن الظن بالله في كل حاجة والرضا بكل حاجة تحصل


فلو إبتلاه صبر ورضي ولو أنعم عليه شكر فهو سبحانه رب ودود رحيم يتودد لعباده الصالحين

قال تعالى {إِنَّ الَّذِينَ آمَنُوا وَعَمِلُوا الصَّالِحَاتِ سَيَجْعَلُ لَهُمُ الرَّحْمَنُ وُدًّا} [مريم: 96]

طيب علامات محبتك لله تعالى هي:

1) الأنس بالله تعالى في الخلوة ..
2) التلذذ بتلاوة كلام الله ..

3) كثرة اللهج بذكر الله ..
4) موافقة العبد ربَّه فيما يُحب ويكره ..





الصفة الخامسة: الصدق

مش هتنفعك حاجة في تعاملك مع الله غير الصدق ..الصدق هيخليكي مطمئنة ومرتاحة عن رسول الله قال "دع ما يريبك إلى ما لا يريبك، فإن الصدق طمأنينة وإن الكذب ريبة"[رواه أحمد وصححه الألباني، مشكاة المصابيح(2773)]




والصدق ليه أنواع

1_ الصدق مع الله تعالي : في الأقوال يعني لا ينطق لسانك غير بالصدق والأحوال يعني مش تراوغي وتتلوني حسب الموقف اللي تكوني فيه والأعمال إنها تكون خالصة لله عزوجل


2_الصدق مع النفس .. إنك تعملي مصالحة بينك وبين نفسك في كل حاجة بتعمليها وتعتقديها


وتقعدي مع نفسك وتكلميها وتقنعيها علشان مش تميل للشهوات أو تركن ليها

يقولها مثلا


يـــا نفسُ، أخلصي تتخلصي ... واصدقي تصلي إلى شواطيء الطمأنينة وتبتعدي عن الريب والشكوك،،



3_ الصدق مع الناس يعني مش يبقي قدام الناس بوجه غير اللي بيتعامل بيه مع الله عزوجل


الصفة السادسة: التقوى ..
الصفة السابعة: الأمر بالمعروف والنهي عن المنكر ..
الصفة الثامنة: الإحسان إلى عبـــاد الله ..
الصفة التاسعة: الولاء والبــراء ..
الصفة العاشرة: حُسن الخُلُق ..



إن شاء الله هنتكلم عن كل واحدة نبذة تحببنا في الصفات دي بإذن الله
بس متفرقين :)

[فريق عمل زاد الداعية]

رد: علشان متوقفيش في طريق الإلتزام ..حملة إنعاش القلــوب :)

فاكرين الصفات اللي إتكلمنا عليها قبل كده

دي لو تحلينا بيها يبقي كده إحنا عملنا تزكية لنفسنا



تزكي نفسك هترتاحي علطول




شيلي من قلبك الغل والحقد والحسد وخلي عندك حسن خلق خلي قلبك كده جميل بمعني الكلمة

كل حاجة شيفاها وحشة بلاش تخليها تخلصي منها علطول




لأن عارفين الخلل اللي في مجتماعاتنا ده مش نتيجة لخلل في السياسة أو الإقتصاد ولا حتي الضعف العلمي


لااااااا ..ده الخلل يكمن فينا إحنا


يقول تعالى {أَوَلَمَّاأَصَابَتْكُمْ مُصِيبَةٌ قَدْ أَصَبْتُمْ مِثْلَيْهَا قُلْتُمْ أَنَّى هَذَا قُلْ هُوَ مِنْ عِنْدِ أَنْفُسِكُمْ إِنَّ اللَّهَ عَلَى كُلِّ شَيْءٍ قَدِيرٌ}[آل عمران: 165]




عايزين فعلا ننشئ جيل التميكن يبقي علينا بالتزكية


التزكية دي مهمة جدااا



لأنها من المهام اللي ربنا سبحانه وتعالي أرسل الرسل من أجلها



فكانت دعوة نبي الله إبراهيم عليه السلام {رَبَّنَاوَابْعَثْ فِيهِمْ رَسُولًا مِنْهُمْ يَتْلُو عَلَيْهِمْ آَيَاتِكَ وَيُعَلِّمُهُمُ الْكِتَابَ وَالْحِكْمَةَ وَيُزَكِّيهِمْ إِنَّكَ أَنْتَ الْعَزِيزُ الْحَكِيمُ}[البقرة: 129]..




وإستجاب الله عزوجل بإنه أرسل لينا سيدنا محمد صلي الله عليه وسلم


ده كمان التزكية مهمة لدرجة إن الله عزوجل قدمها علي العلم


قال تعالى {كَمَا أَرْسَلْنَا فِيكُمْ رَسُولًا مِنْكُمْ يَتْلُو عَلَيْكُمْ آَيَاتِنَاوَيُزَكِّيكُمْ وَيُعَلِّمُكُمُ الْكِتَابَ وَالْحِكْمَةَ وَيُعَلِّمُكُمْ مَا لَمْ تَكُونُوا تَعْلَمُونَ} [البقرة: 151] ..


ثمَّ قال تعالى {لَقَدْ مَنَّ اللَّهُ عَلَى الْمُؤْمِنِينَ إِذْ بَعَثَ فِيهِمْ رَسُولًا مِنْ أَنْفُسِهِمْ يَتْلُو عَلَيْهِمْ آَيَاتِهِوَيُزَكِّيهِمْ وَيُعَلِّمُهُمُ الْكِتَابَ وَالْحِكْمَةَ وَإِنْ كَانُوا مِنْ قَبْلُ لَفِي ضَلَالٍ مُبِينٍ} [آل عمران: 164]..

وقال عزَّ وجلَّ {هُوَ الَّذِي بَعَثَ فِي الْأُمِّيِّينَ رَسُولًا مِنْهُمْ يَتْلُو عَلَيْهِمْ آَيَاتِهِوَيُزَكِّيهِمْ وَيُعَلِّمُهُمُ الْكِتَابَ وَالْحِكْمَةَ وَإِنْ كَانُوا مِنْ قَبْلُ لَفِي ضَلَالٍ مُبِينٍ} [الجمعة: 2]





طيب ليه التزكية قبل العلم ؟؟


علشان تطهري قلبك ويبقي قلبك مستعد إنه يتلقي العلم


لأن الأفات دي بتقطع الإنسان عن طريق الهداية زي الكبر والعجب والحقد والحسد وووو



وإفنتكري دايما إن ملهاش فايدة كل الحاجات الوحشة دي لأن كل شئ بيد الله إنتي شغالة بتتعبي نفسك وبس

لكن لو علقتي قلبك بالله وعرفتي إنتي بتتعاملي مع مين

مش هتفكري في الحاجات دي أصلا


فتلاقي أعوج بدل ما كان ماشي مستقيم وبالتااااااااالي هيقف للأسف



.. فقد قيل "العلم ثلاثة أشبار: من دخل في الشبر الأول تكبَّر، ومن دخل في الشبر الثانى تواضع، ومن دخل في الشبر الثالث علم أنه ما يعلم" ..



لكن بإذن الله التزكية بتنقينا من ده كله



فأوعي تقدمي حاجة علي تزكية نفسك ومعرفة عيوبها وإنك تصلحيها


خلي بااااالك مش هتستفادي بالعلم أوي مدام مش مزكية نفسك وهتخسري كتير

فابدأي بالأولي فالأولي




إنتي عارفة لو زكيتي نفسك هيحصل إيه ؟؟




هتلاقي قلبك تحقق بالتوحيد والإخلاص وهتلاقي نفسك وصلتي لدرجات عالية من الرضا والصبر والشكر والخوف والرجاء وحبة الله عز وجل والصدق معه وهتلاقي نفسك إتخليتي عن الرياء والعجب والغرور والحقد وكل الآفات الوحشة دي




عارفة السلف الصالح كانوا بيهتموا أوووي بالأمور دي اللي هي تزكية النفس

كان عبد الرحمن بن القاسم المصري (الفقيه المالكي) يقول "خدمت الإمام مالك عشرين سنة، كان منها ثمان عشرة سنة في تعليم الأدب، وأخذت منه العلم في سنتين"

وقد كان الإمام مالك يقول "ليس العلم بكثرة الرواية، وإنما العلم ما نفع، وعمل به صاحبه " ..

فأهم من العلم العمل باللي إتعلمتيه

لأن اللي مش هيعمل باللي إتعلمه يبقي مصاب بالعجز والكسل






وكان الإمام الشافعي يقول "قال لي الإمام مالك: يا محمد، اجعل عملك دقيقاً، وعلمك ملحاً"


يعني شايفة الدقيق أد إيه

معناها العما كتيييير زي أكوام الدقيق كده والعلم زي قطرات الملح عليها

وكان عبد الله بن المبارك يقول "من حمل القرآن ثمَّ مال بقلبه إلى الدنيا فقد اتخذ آيات الله هزوًا .. وإذا عصى حامل القرآن ربَّه ناداه القرآن في جوفه: ـ والله ـ ما لهذا حُمِلت، أين مواعظي وزواجري؟ وكل حرف منى يناديك ويقول: لا تعصِ ربَّك".

وكان الإمام أحمد بن حنبل إذا رأى طالب العلم لا يقوم من الليل يكف عن تعليمه، وقد بات عنده أبو عصمة ليلة من الليالي، فوضع له الإمام ماء للوضوء، ثمَّ جاءه قبل أن يؤذن للصبح فوجده نائماً، والماء بحاله فأيقظه .

وقال: لم جئت يا أبا عصمة؟، فقال: جئت أطلب الحديث .

قال : كيف تطلب الحديث وليس لك تهجد في الليل ؟! .. اذهب من حيث جئت.

وكان الإمام الشافعي يقول "ينبغي للعالم أن يكون له خبيئة من عمل صالح فيما بينه وبين الله تعالى، فإن كل ما ظهر للناس من علم أو عمل قليل النفع في الآخرة، وما رؤى أحدٌ في منامه فقال: غفر الله لي بعلمي إلا قليلٌ من الناس" [مقدمة المجموع للنووي]

كان يوسف بن أسباط يقول "أني لأهمَّ بقراءة السورة ثم أعرف ما جاء فيها، وأميل إلى التسبيح"، فقيل له: يا أبا محمد، وما جاء فيها؟، قال: "أن الرجل ليبدأ بأول السورة فإن كان ليس يعمل بما فيها لم تزل السورة تلعنه من أولها إلى آخرها، وما أحب أن يلعنني القرآن" ..

وكتب يوسف إلى حذيفة: .. من كان طلب الفضائل أهم إليه من ترك الذنوب فهو مخدوع وقد حبب أن يكون خيراً عالياً أصبر علينا من ذنوبنا. [حلية الأولياء (3,469)]

والتزكية مش هتكون إلا بمجاهدة النفس

يقول تعالى {لَقَدْ خَلَقْنَا الْإِنْسَانَ فِي كَبَدٍ}[البلد: 4

والتزكية مش سهلة مش زي العدو الخارجي


لأنك ممكن تفضلي تجاهدي في نفسك مرة وإتنين وتترجع تزل منك كتير

لذا فقد قال الله تعالى{وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا وَإِنَّ اللَّهَ لَمَعَ الْمُحْسِنِينَ}[العنكبوت: 69


وطول ما انتي بتزكي نفسك هتقابلك عقبات كتير لأن النفس جبل شاق أوي


ومش هتقدري تتسلقيه إلا لو كنتي خفيفة وشلتي الدنيا من قلبك وتخلصتي من ذنوبك

واللي مش هيزكي نفسه هيعيش في الوهم والخداع وهو فاكر نفسه من الصالحين

وهو أبعد ما يكون عنهم



لذا يقول تعالى {قَدْ أَفْلَحَ مَنْ زَكَّاهَا * وَقَدْ خَابَ مَنْ دَسَّاهَا}[الشمس: 9,10]، ودسَّاها: أي خبأ نفسه وسط الصالحين.





علشان كده خديها شعار ليكِ : الفلاح في التزكيـــة ..

قال تعالى {قَدْ أَفْلَحَ مَنْ تَزَكَّى * وَذَكَرَ اسْمَ رَبِّهِ فَصَلَّى}[الأعلى: 14,15]

والمرة الجاية نكلمكم عن وسائل التزكية بإذن الله :)

[راجية قرب الحبيب]

رد: علشان متوقفيش في طريق الإلتزام ..حملة إنعاش القلــوب :)

``

[فريق عمل زاد الداعية]

رد: علشان متوقفيش في طريق الإلتزام ..حملة إنعاش القلــوب :)

جزاكم الله خيرا

[ملكة بقرآني]

رد: علشان متوقفيش في طريق الإلتزام ..حملة إنعاش القلــوب :)

وعليكم السلام ورحمة الله وبركاته
جزاك الله خيرا موضوع جميل ومهم
بارك الله فيك

[شيماء هاشم]

رد: علشان متوقفيش في طريق الإلتزام ..حملة إنعاش القلــوب :)

مــــاشاء الله ...موضوع رائع نحتاجه فعلا ...أسأل الله أن يجعله فى ميزان حسناتكم ..
وكأن الموضوع لى ...كلامه موجه لى .....فعلا أشعر كثيراً برغم التزامى بفضل من الله ..الا اننى اشعر بتقصييير كبير جدا ..لا أعلم سببه ...غير اننى اعلم ان الايمان قد بدأ ينقص...
ثبتنى الله وإياكم على طاعته ..
جــــــــــــــــــزاكـــــــــــــم الله خــــــــــــــــيـــــــــــراً

[فريق عمل زاد الداعية]

رد: علشان متوقفيش في طريق الإلتزام ..حملة إنعاش القلــوب :)

اللهم آمين وإياكم

جزانا الله وإياكم كل خير

ربنا يبارك فيكم

أسعدني مروركم بصدق