وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معنا

[العزة فى طاعة الله]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

جزاكم الله خيراً ونفع الله بكم وثبت الله خطاكم وجعله فى موازين حسناتكم
وجعله حجة لكم لا عليكم
نرجوا منكم وضع رابط الحلقة العاشرة فى المشاركة الاولى وجزاكم الله خيراً :)

[أمل المستقبل]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

النور قطع في ميعاد.......... مش مناسب, قدر الله و ماشاء فعل

[عاشق الفردوس برفقة الحبيب]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

راااااااااائع والله وتسلم الايادى ويسلم المجهود

[فداك نفسى]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

مسلسل رائع جزاكم الله خيرا

[Dr.hala]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

جزاكم الله خيرا
متابعين ان شاء الله
************************
اللهم صل على سيدنامحمدوعلى اله وصحبه وسلم.
سبحان الله العظيم وبحمده.

[moslma lillah]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

انتظروا الحلقة الاخيرة
..
.
.

[ام المنذر]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

متابعين

[moslma lillah]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

.
.
.
.
.
.
.
.
.
.
.
.
.
الحلقة الأخيرة في الطريق بإذن الله


.
.

[جوا الجووون يا شباب مصــر]

الحلقة الأخيـــــــــــــــــــــــــرة ..

الحلقة الاخيرة



فسلام الله عليكم ورحمته وبركاته

ياااااااه .. بقى النور يقطع في الاجتماع المهم ده .

أيوة مهم .. ومهم جداً كمان .. أصبحت دلوقتي اجتماعات شبابنا لها أهمية كبيرة .. لأنهم دلوقتي بيجتمعوا لمناقشة أمور الدين أو أمور الوطن .. مش حوارات هايفة زي زمان .

وتفرّق الشباب على وعد بينهم أنهم يكملوا بكرة إن شاء الله حديثهم ..
يأتي بكرة
ويأتي شلة عمر بتاعة الجامعة
" جو + ميدو + سنسن - طروقة

وهم الآن في انتظار شلة السايبر
ويبدؤا الحوار :
أحمد : ها يا شباب .. إيه الأخبار ؟؟
عمر : ساكت .. لأنه طبعاً فاهم أحمد يقصد إيه .
يوسف أو ( جو ) سابقاً : أخبار إيه يا أحمد ؟؟
أحمد : قصدي ناويين إيه على يوم 25 يناير الجاي .
هتنزلوا ميدان التحرير ولا هتعملوا إيه ؟؟
يوسف : أنا طبعاً هنزل : .. لأن لسة لحد دلوقتي مش لاقيين نتيجة إيجابية للثورة .
محاكمة الرئيس المخلوع عبارة عن مهزلة ... ولسة القصاص لشهدائنا .
اللي منهم طااااااااااااااااااااااااارق
وووو .
احنا كدة يعتبر واقفين في نقطة الصفر يا أحمد .. شهدائنا ضحوا بأرواحهم .. لكن فين النتيجة ؟؟
احنا لازم كلنا ننزل ميدان التحرير عشان نكمّل الثورة ..
أحمد : عندك حق يا يوسف .. الوضع أصبح محزن أكتر من الأول .. على الأقل كان الأول عندنا أمل إنهم هيقتصوا من الرئيس المخلوع وأعوانه .. وده كان بيخفف علينا شوية .. إنما الظاهر محاكمته ده كانت خدعة كبيرة أوي أوهمونا بيها .
عمر برضو ساكت مع دموع لذكرى وفاة طارق .
أحمد : إيه يا عم عمر .. فينك ومالك؟؟
عمر : معاكم يا أحمد
أحمد : طبعا بتبكي على طارق ؟؟
عمر : طبعا بقاله سنة بالضبط أهو متوفي سبحاااااان الله حاسس إن الكلام دا حصل امبارح مش من سنة 360 يوووووم .
حسين : إنت بتقول فيها يا عمر الأيام بتمر في سرعة البرق , دانا لسه فاكر ضحكة طارق وهزاره كأنه قاعد وسطنا .
عمر اتخنق أكثر
فأحمد يغير الموضوع
أحمد : ها يا جماعة صلّوا على النبي كدة وربنا يرحم موتانا وموتى المسلمين , طيب ها يا عمر رأيك إيه في النزول يوم 25 ؟؟؟؟

عمر : والله يا أحمد أنا بين نارين ..
أول شيء إني أنزل يوم 25 لأني مقتنع جداً برأي يوسف ,
تاني شيء : أنا حاسس أن نزولنا يوم 25 هيكون بمثابة عقبة قدام نواب مجلس الشعب .. احنا عاوزين نهيأ لهم جو مستقر عشان يعرفوا ينتبهوا بقى لمصلحة البلد .. وفي نفس الوقت دم الشهداء .

بصراحة مش عارف ... مش عاارف .

ويسكت الجميع .. لأنهم فعلاً هم كمان أصبحوا في حيرة زي عمر بالضبط .

عمر : يارب ألهمنا فعل الصواب .

الجميع : اللهم آمين .



وفجأة يدخل مين عليهم المسجد ؟؟

أخو أحمد الصغير ( هو مش صغير أوي يعني في الثانوية )
.. جاي جري ينادي على أحمد .

أحمد : إيه الجري ده بس بالراحة .. في إيه شغلتني ؟ .

أخوه الصغير : وأنا قاعد دلوقتي بتابع جلسة مجلس الشعب على التليفزيون _ طبعاً أخو أحمد بيتابع التلفزيون زي جميع الأطفال .. بس أسرة أحمد كلها اتربت أن التلفزيون متاح فقط لمتابعة البرامج الإخبارية أو لمتابعة البرامج الدينية _ الدكتور محمد سعد الكتاتني ألقى بيان مهم أوي بخصوص شهداء ومصابي الثورة .

أحمد وعمر ويوسف و حسين ( ــ ) في نفس واحد .. يلا قول لنا بسرعة إيه هو ؟؟

أول حاجة .
-صرف معاش استثنائي لأسرة كل شهيد 1750 جنيهًا،

- وصرف تعويضات للمصابين من 5 آلاف لـ 15 ألفًا حسب الإصابة

- كما أن الحكومة وفرت لمصابي الثورة فرص عمل بالمؤسسات الحكومية وأنه تم توفير 3200 وظيفة لهم

- وتخصيص معاشًا للعجز الكامل وفاقدي البصر

- وتطبيق قانون مشروع القروض الحسنة لأسر الشهداء ومصابى الثورة

- وإعفاء أبناء الشهداء والمصابين من كافة المصروفات داخل المدارس

- بجانب تخصيص وحدات سكنية لهم.

- طالب النواب من مختلف الاتجاهات السياسية بسرعة القصاص بإصدار أحكام قضائية عاجلة رافضين ما وصفوه بالمحاكمة أو المسرحية الهزلية، كما طالبوا بمحاكمة سياسية لمبارك ورموز نظامه السابق

وقال النائب صبحي صالح من حزب "الحرية والعدالة" أن الإعلان الدستوري أعطي لمجلس الشعب جميع الصلاحيات في التشريع والرقابة معا وأنه من حق المجلس أن يحاكم الحكومة سياسيا

الشباب كلهم في نفس واحد : الله أكبر .. الله أكبر .
عمر : أخيراً قدرنا نعمل حاجة لشهدائنا .
احنا الحمد لله أحسننا اختيار نواب المجلس .
عرفنا ناخد حق شهدائنا عن طريقهم .
أحمد : الحمد لله الذي تتم بنعمته الصالحات
عمر : آآآآآآآه الحمد لله وربنا يكمل نعمته علينا ويرزقنا برئيس صالح يُصلح البلاد
أحمد : يااااااااااااااااارب .



جاءت شلة السايبر
وعرفوا بملخص الإجتماع
شلة السايبر : ربنا يستر بس والإسلاميين دول أما يمسكوا الحكم ميعدوش يتخانقوا علي الكرسي ويبقوا مبارك رقم 2
أحمد : ليه التشاؤم دا يا جماعة ! وبعدين ايه كلمة دول دي ! مش احنا اتفقنا إن كلنا مسلمين وبنسعى لتحقيق شرع ربنا , ولا إيه يا أيمن ؟
أيمن : اممممممممممم آه آه يا عم أحمد أما نشوف .
عمر : ياااااااااااا يا جماعة تعرفوا إن دي كانت لهجتي من قيمة سنتين بالضبط
أحمد : لهجة إيه ؟ كنت بتتكلم عِبري ولا إيه ؟
عمر : ههههههههههه , لا كنت متشائم كدة وبكره مصر كره العمى وكان نفسي أهجّ منها لأي بلد تانية , وكنت بتكلم مع .... مع ...... مع طااااااارق حبيب قلبي
" وأخد عمر في البكاااااااااااااااااااااء "
الشلة : إيه دا ؟ في إيه يا عم ؟ طارق مين ؟ وبتعيط ليه كدة ؟
أحمد : طارق ! وما أدراكم وما طارق ! دا كان صاحب عمر الروح بالروح واستشهد في التحرير ساعة الثورة .
عمر :
الشلة : لا حول ولا قوة إلا بالله , بجد يا أحمد ؟
أحمد : يااااااااااه كان موقف عصيب ويمر الشريط أمام أحمد وأخذ في البكاء هو الآخر

واحتضن أحمد عمر
والشلة متأثرين بالموقف
أيمن : طب اهدوا كدة يا جماعة وصلّوا ع النبي ومعلش بقي أنا عايز أعرف الموضوع دا .
عمر : عليه الصلاة والسلام , تعرفوا طارق دا متتخيلوش أنا وهو كنا بنحب بعض قد إيه ولكن للأسف مكناش عارفين معني الصحوبية والصداقة غير لما اتفرّقنا , كانت علاقتنا كلها معاصي × معاصي × بنات × حااجات وحشة استحيي إني أذكرها دلوقت ولكن فعلا مكنتش حاسس بأي معني جميل في حياتي لغاية ما جات الثورة وفرقتني عن طارق وكنت كارهها في الأول لغاية ما قابلت الراجل الطيب دا بشمهندس أحمد ...
واتعرفنا ع بعض وبقينا صحاب في الفترة اللي كان طارق فيها بعيد عني فترة الثورة , فطارق خد رصاصة في قلبه يوم جمعة الغضب وأنا مكنتش معاه وشفته بالصدفة وهو بيحتضر ومات على صدري ودمه كان علي إيدي , وحلّفني إني مرجعش للمعاصي تاني لإن الموت قريب جدا ونطق بالشهادتين ومااااااات
" ويبكي عمر وأيمن وأحمد " .

أيمن : ربنا يرحمه يارب ويُدخله الجنة بغير حساب ,
عمر & أحمد : يااااااااااارب
أيمن : بس قولي عم أحمد إنت مهندس بجد ؟؟؟؟
أحمد : أيوة يا فندم لو تسمح يعني .
أيمن باستغراب : ياااااه غريبة !!
أحمد : ما غريب إلا الشيطان يا خويا إيه مجبش هندسة ؟
أيمن : لا تجيب طبعا أنا مقصدش والله سامحني , أصل الصراحة متزعلش مني كنت بحسبكوا بقي مبتتعلموش ومش بيفرق معاكوا التعليم العادي , أهم حاجة عندكوا الدين والقرآن وكدة .
أحمد : هتخد صفر في الحساب حساباتك غلط يا أستاذ أهم شيء إننا نجمع ما بين الإتنين ,
إنت هندسة برده يا أيمن صح ؟
أيمن : آه
أحمد : طيب نبقى نعمل مسابقة كدة ونشوف مين هيغلب
أيمن : ههههههههه ماشي ياريس .
عمر موده مش تمام مش فايق لهزارهم : آه افتكرت حاجة مهمة جدا متكلمناش فيها
ألا وهي
سورياااااااااااااااااااااااااااااااا
لازم نعمل حاجة لسوريا لازم يا جماعة :
هذه الصورة مصغرة إضغط هنا لعرضها بحجمها الطبيعي .
----------
عمر يطلع يكلم والدة طارق وفاءاً لصديقه العزيز
وتفرح جدا الأم وتدعوا لعمر .
--------

.
.
عمر الآن
يدرس في كلية أصول دين
وافتتح الحضانة الإسلامية الجديدة
وعملوا إعلانااااااات عنها في كل الشوارع والمساجد والمحطات .
وبفضل الله الإشتراكات فيها كثيرة
وأعداد الأطفال فيها أصبحت كومبليت وطبعا أول زباينها كان معاذ أفندي

يدخل عمر لمعاذ الفصل بتاعه
ويختبره
ويسمّع معاذ :
القرآن
والتحفة
الأسماء الحسنى
والأذكار
والأحاديث
ويختبره في العربي
والحساب
والانجليزي

كله ما شاء الله هو وكل الأطفال
وعمر في غااااااااااية السعادة لرؤية ثمرة تعبه والخير في أولاد المسلمين
يااااااااا الله إحساس رائع
ويوزع هدايا × هدايا على الأطفال


-----------------

ويفتتح عمر وأحمد وأيمن أيضاً محل
وهيقسموه نصين :
نصف فيه أجهزة كمبيوتر وصيانة ودورات كمبيوتر بأسعار رمزية .
والنصف الآخر : يبيعوا فيه مصاحف شريفة وكتب دينية لعلمائنا الأفاضل وإسطوانات دروس علم .

وبفضل رب العالمين شغله ماشي تمام التمام


وبفضل رب العالمين بردو .. ربنا بارك له في وقته .. وبيقدر يروح يحضر دروس علم لصديقه اللي هو صاحب أحمد في البداية ( إنتو فاكرينه ؟؟ ). . اللي عمر راح مرة حضر له درس علم .. أكيد افتكرتوه .
--*--*--*--*--
عمر وأحمد قاعدين في المحل دخل عليهم
هشام _ زوج اخته _ : السلام عليكم يا رجالة ؟
عمر & أحمد : وعليكم السلااااااااااااام ورحمة الله وبركاته , مرحب بالدكترة ايه النور دا !
هشام : النور منور بأصحاب الهمة العالية , بالرجالة اللي بجد ربنا يبارك فيكوا يارب , عاملين شغل هايل في المنطقة .
عمر : ربنا يتقبل يا هشام يارب دا الواحد مقصر جداا نفسي أعمل حاجات كتير جداا .
هشام : زي إيه مثلا ؟
عمر : نفسي أحس بالتغيير في أخلاق الناس ,
في بيوت الناس ,
في دين ومعتقدات الناس ,
نفسي أحس فعلا إن احنا عملنا ثورة .
أحمد : آآآآآه يا عمر دايما بتيجي علي الجرح .
هشام : ثورة ؟! يا عم صلّ علي النبي , هي فين بقي الثورة دي ؟
عمر : عليه الصلاة والسلام , إنت يا هشام اللي بتقول كدة ؟؟
هشام : آه أنا للأسف .. لما كل حاجة زي ما هي :
مبارك متحاكمش ولا هيتحاكم ولا أعوانه
لسه المسلم المصري عامل زي الصرصار علي رأي الشيخ سيد العربي تدوس علينا أمريكا وإسرائيل بالجزمة وبرده بنسمع كلامها , وتحت أمرك يا أوباما عايز البلطجية الأمريكان بتوعك اللي كانوا بيخربوا في مصر ! حاضر سمعاً وطاعة في أحسن طيارة هيوصلولك ,
وزير الداخلية اللي وقف الظباط الملتحين _اللي كان شكلهم يشرح القلب _عن العمل , عايز بس الظباط المحترفين في قلة الأدب والأخلاق البايظة .
مهو طبعا مين بيخدوا منه الفتوي " علي ويكا "
أنا مش عارف الراجل ازاي لسه قاعد !!
لسه مبارك بيحكم مش بيتحاكم
ولاّ مجلس الشعب
آآآآآآآآآآآآآآه من مجلس الشعب
إنت فين يا مجلس يا شعب ؟
روحت فين ؟ ولا خطفوك فين ؟


تعبت والله يا جماعة
رجعت زي زمان ايام مبارك مبطقش اسمع حاجة عن السياسة لإننا لسه في عهده .
أحمد : إيه يا دكتور هشام الإحباط دا كله !!!! نروح ننتحر ولا إيه !! لا روّق كدة , قوم يا عمر هات لزوج أختك واجب الضيافة ليقول علينا محل مقشف .
أحمد : بص يا هشام احنا أملنا في ربنا كبير , وبإذن الله النصر قادم بس دي زي ما تقول مرحلة تمحيص لكل فرد من أفراد أمة محمد صلي الله عليه وسلم , مين المؤمن اللي بجد ومين المنافق وأنا شايف أن دي فرصتنا
فرصة الملتزمين في الانطلاق
ودا اللي الحمد لله الدعاة والشيوخ بتعمله , واحنا لازم نساعدهم .
عمر وصل : اتفضل يا عم أحلي سينا كولا صناعة مصرية أهي يا سيدي متزعلش , يوم ما تفكر مصر تعمل حاجة تعمل بيبسي ,
أحمد & هشام : هههههههههههه .. الله المستعان
عمر : أنا حاطط الأمل في الله طبعا ثم في الرئيس القادم وطبعا مفيش حد مناسب إلا
الشيخ حازم أبو إسماعيل


عايزين نغرق الشوارع صوره
ونعرف الناس به وبمشروعه ورؤيته
عشان الناس كلها تختاره بإذن الله
هشام & أحمد : هايل يا عمر ربنا يوفقه لصلاح العباد والبلاد يااااااااااااااارب .

وتمر الأعوام ..
وبفضل رب العالمين .. عمر يزداد إلتزامه .. ويظهر اجتهاده في دراسته بشكل ملحوظ .. وأصبح الآن في السنه النهائية في كلية ( أصول الدين ) .. ويلاحظ أحد أساتذته تفوق عمر وإلتزامه الواضح .. ويطلب من عمر أن يتحدث معه ..

ياترى هذا الأستاذ الفاضل ..
هيتكلم مع عمر في إيه ؟؟؟





صلوا علي النبي الأول







((صلي الله علي محمد صلي الله عليه وسلم ))


















الأستاذ الفاضل ده ...ربنا جعله سبب عشان يوفق عمر لشيء مهم بفضل الله .. الأستاذ الفاضل ده ..>> عرض على عمر وظيفة إعداد برامج دينية .. في إحدى قنواتنا الدينية المميزة .
ما شاء الله يا عمر .. صدقت الله في صفاء نيتك .. فصدقك الله بالتوفيق .


وخلاص .. عمر أصبح الآن مُعد برامج دينية ..
وتعرفوا فكّر في إيه دلوقتي . فكّر في ست الحبايب .. ست الكل اللي بتسهر الليالي تدعي لحبيب قلبها ونور عينها عمر .
فكّر فيها وحب يرد جزء بسييييييييييييط جدااااااااااااا من أفضالها عليه ..




فكّر إنه يروح هو وهي للعُمرة ...
ياااااااااااااه يا أماه .. ما أسعدكِ ! الله حينما قبّل عمر يديكِ وأنبئكِ بخبر .. زيارة بيت الله الحرام والصلاة في مسجد خير الأنام ... دمعت عين أم عمر .. وبكت بكاءً شديداً .. وقامت بالصلاة لله شكراً وحمداً على نعمة الإبن الصالح .. ونعمة زيارة بيته الحرام .
ربنا يتقبل منهم يااااااارب


والآن يطيــــــــر عمر وأمه ع الكعبة
وزينب وهشام بالدموع وبأجمل الكلمات يودعوهم :
وديلى سلامى يا رايح للحرم
وإدعي لي وسلملي على هادي الأمم
انظر للكعبة يامحلاها
نور وجلال يغشاها
يحفظها ربى ويرعاها
اذكرنى أمامها وإدعي لي



الآن عمر يصلي صلاة العصر في مكة .. وطبعاً لأن عمر ملئ بالخير .. وأصبح إنسان صالح ( ولا نزكي على الله أحداً ) طبعاً منسيش أصحابه كلللللللللللهم من الدعاء في هذا المكان الطاهر

.

وفي إحدى المرات .. عمر وهو نازل من غرفته في الفندق عشان يروح يصلي في الحرم ..
صادفه شيخ كبير في العمر ..
هذا الشيخ يسكن في الغرفة المجاورة لغرفة عمر ..

وطبعاً من حسن أخلاق عمر .. ألقى السلام على هذا الشيخ وقام باصطحابه في الطريق حتى يصلوا معاً إلى الحرم المكّي ...
وهما ماشيين ..
الشيخ حكى لـ عمر عن حياته وعن أبنائه ..
قال الشيخ لـ عمر أن لديه بنتان :
واحدة رزقها الله بالزوج الصالح .. وتعيش معه الآن في الأرض الطاهرة ( السعودية _ المدينة المنورة )
وأن زوج ابنته هو الذي أرسل له دعوة للعمرة هو وزوجة الشيخ .
وفي نفس اللحظة .. دعا الشيخ لأبنته الأخرى بزوج صالح يتقي الله فيها ..
وقال لـ عمر .. إن شاء الله هيرزق بنتي دي بزوج صالح يتقي الله فيها زي ما بتبرنا أنا ووالدتها .
وظل الشيخ يصف لـ عمر مدى تقوى ابنته
وأنها لا تترك فرضاً من فروض الله إلا أقامته ..
وأنها تُقيم حدود الله ..
وتوقظه هو وأمها لصلاة الفجر ..
ونعم منها هذه الابنة ..
سرح عمر في كلام الشيخ ..

وفُتح في عقل عمر باباً جديداً ليُفكّر فيه .



ياترى عارفين عمر فكّر في إيه ؟؟؟


طبعا عارفين
تفهموا الحاجات دي وهي طايرة



عمر في هذه اللحظة فكّر في :
<< عَنْ أَبِي هُرَيْرَةَ رَضِيَ اللَّهُ عَنْهُ عَنْ النَّبِيِّ صَلَّى اللَّهُ عَلَيْهِ وَسَلَّمَ قَالَ : ( تُنْكَحُ الْمَرْأَةُ لِأَرْبَعٍ : لِمَالِهَا ، وَلِحَسَبِهَا ، وَلِجَمَالِهَا ،وَلِدِينِهَا ، فَاظْفَرْ بِذَاتِ الدِّينِ تَرِبَتْ يَدَاكَ >>
( رواه البخاري (4802) ومسلم (1466)

وفي هذه اللحظة وصل عمر والشيخ إلى الحرم المكّي ..





وقاموا بالصلاة .. وبعد الإنتهاء من صلاة الفرض .. قام عمر بصلاة ركعتين .. انتو عارفين ركعتين لإيه ؟؟؟؟

صلى ركتين إستخارة ...

طيب إستخارة لإيه بالضبط ؟؟؟

طبعاً إستخارة عشان >>>>> ِذَاتِ الدِّين .

وطبعاً هو ده تفكير أي شاب مسلم ملتزم ... إنه يبحث عن ذات الدين .. مش يدور دي حلوة .. ودي وحشة .. ودي بيضة .. ودي سمرا ..ودي .... بلاش الباقي أحسن لاحسن الواحد بيسمع مواصفات من الشباب والملتزم .... الله المستعان

فلأ طبعاً ..

وطبعاً عمر راجع للسكن مع الشيخ نفسه .... وهما ماشيين ..

عمر قال للشيخ : يا أبي ..
طبعاً لأن الشيخ في مثل أبا عمر ..
و نرجع ونقول من حسن أخلاق عمر أنه يتحدث بأحلى الألفاظ .

الشيخ : نعم يا بُنيّ .

عمر : يا أبي .. أنا صليت استخارة لله الآن .. وربنا ألهمني إني أتقدم للزواج من ابنتك . إيه رأيك ؟؟

الشيخ : والله يا ابني ما أسعدني من أب ... فقد دعوت الله الآن في صلاتي أن يرزق ابنتي بالزوج الصالح ...
ووجدتك الآن بعد صلاتي تطلب منُي الزواج منها ..

ماشاء الله ..
قال الله تعالى (الطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ )
سورة النور .

وقام عمر بأخذ عنوان هذا الشيخ في مصر ..

وذهب عمر وأمه لخطبة ابنته ...
وسبحان العزيز القدير الذي خلق فيها ووهبها من نعمة الشكل الحسن والقبول .

وتمت الخطبة ..

والزواج بعدها بفترة وجيزة ...

وأكرمهم الله بحياة هانئة تملؤها التقوى ..
ومخافة الله ..
.
.
.

وهكذا تتبدل حياة عُمر الشاب المستهتر .. إلى شاب صالح تقيّ .. .. فقد صدق الله في توبته .. وقد صدقه الله في إصلاح حياته .

************

طبعاً لم تمر كل هذه السنوات على عمر .... فمازلنا في أصعب اللحظات بعد انتهاء الثورة ... ولكن تلك النهاية كانت :
( حلم )

حلم أم : تتمنى تشوف ابنها أحواله صالحة مثل عمر .

حلم فتاه مسلمة : تتمنى أن يتقدم لخطبتها شاب ملتزم مثل عمر .

حلم أخت : تتمنى يكون لها أخ صالح وخال لأبنائها تقي مثل عمر .

حلم طفل : يتمنى يمسك بيد أب رائع يخاف الله مثل عمر

حلم مسجد : يتمنى أن تمتلئ أرجائه بشباب يُريدون أن يكونوا عمر .

حلم مـــصـــــر : أن يكون كل شبابها هو >>>>>> عمر .

فهل ستكون أنت يا أخي >> عمر ؟؟؟؟


هيا من الآن ..

قل أنا عمر ..



قل : أنا قررت أكون ابن بار .. تسهر أمه في جوف الليل لتدعو له .

قل : أنا قررت أكون شاب ملتزم عشان أظفر بذات الدين .. اللي هتصونني في بيتي ومالي .

قل : أنا قررت أكون أخ تقي .. يتقي الله في بنات الناس حتى يجازيه الله بالخير في أخته ..

قل : أنا قررت أكون خال صالح .. عشان أكون قدوة لأولاد أختي وأولاد أخي .

قل : أنا قررت أصدق الله في نيتي بالتوبة ... حتى يصدُقك الله بصلاح أحوالك .

قل : أنا هكون طالب ممتاز في دراستي نيتي هي نصرة ديني بالتفوق في مجالي .
قل : أنا شاب هجمع شباب منطقتي ونتعاون علي عمل صالح ونحط ايدينا في ايد بلدنا ونمسح دمعها اللي غرقنا ونلحقها بسرعة قبل الضيااااااااااااااااااااع .

قل أنا لازم أتغير
لازم
لازم
لازم .


قل أنا قررت أكون راااااااااااااااااااااااجل بجد ...

وأقاوم ضعفي تجاه السجائر والبنات وكل المحرمات .

قررت أرجعلك يااااااااااارب

ألا تري عتاب ربك لك، حين قال جل فى علاه ..

{أَلَمْ يَأْنِ لِلَّذِينَ آمَنُوا أَن تَخْشَعَ قُلُوبُهُمْ لِذِكْرِ اللَّهِ وَمَا نَزَلَ مِنَ الْحَقِّ وَلا يَكُونُوا كَالَّذِينَ أُوتُوا الْكِتَابَ مِن قَبْلُ فَطَالَ عَلَيْهِمُ الأَمَدُ فَقَسَتْ قُلُوبُهُمْ وَكَثِيرٌ مِّنْهُمْ فَاسِقُونَ}
[الحديد: 16]


ما أصعبه من عتاب على القلوب ..
ألم يأن الآوان؟؟
لماذا لا تريد أن ترجع إلى ربك؟؟
ألم تأتك النُذر بعد النُذر؟؟
ألا تخاف من الوقوف بين يدي ربك وليس بينك وبينه حجاب؟؟ ..
ووقتها لن ينفعك شيء سوى عملك الصالح ..


بلـى، قد آن الأوان يـــا رب.
فوالله الذى لا إله إلا هو، سعادتك لن تكون إلا فى طريق ربك .. ولتكن لك وقفة بينك وبين نفسك، تعترف فيها بكل تقصيرك لربك .. وربك غفور تواب رحيم، لن يردك أبدًا مادمت صادقًا .. وترجم هذه الرغبة بداخلك إلى أفعال، لأنه لو دخل قلبك الإيمان حقاً سيُصدقه عمل .


ونبدأ خطوة تلو الأخرى حتى نصل ..
فقد قال الرسول صلى الله عليه وسلم :
"إن هذا الدين متين فأوغلوا فيه برفق"
[صحيح الجامع رقم (2246)]



فمن سوف يُلبى نداء الله ؟ ..


{ أَلَمْ يَأْنِ لِلَّذِينَ آمَنُوا أَن تَخْشَعَ قُلُوبُهُمْ لِذِكْرِ اللَّهِ وَمَا نَزَلَ مِنَ الْحَقِّ ..} [ الحديد: 16]


هذه هي لحظة التغيير فى حياتنا كلها ..
اغرس هذه المعاني في قلبك
وتعايشها واصرخ من داخلك

وقل: آن الأوان يـــــــا رب ..

آن يـــــــارب


آن يــــــــارب

جايلك يارب

راجعلك يارب


قبل ان تأتي لحظة الندم بتقول فيها
( ربي ارجعون لعلي اعمل صالحا )

فيرد عليك الله بـ ( كلا )

يااااااااا كلمة (كلا ) معناها انسي ..انت بتحلم .. خلاص .. فاتك القطر.. العمر خلص .. مهما عملت ومهما قلت لا يمكن هترجع لحظة واحدة حتي تقول فيها ( لا اله الا الله ) ..

( كلا ) !!!!!!!!!

يا تري هتستني لما تتقالك وانت علي فراش الموت ؟؟؟؟؟؟؟؟

اللحظة اللي فيها لا تملك اي شيء حتي أعضائك لا تملك أن تحركها , لسانك دا اللي من شوية كنت بتتكلم عادي وبتهزر به ,
دلوقتي عايز تحركه عشان يقول ( لا اله الا الله) أسهل كلمة ع وجه الأرض .
سبحان الله لا يستطيع أن يتحرك وينطق بكلمة الحق لإن مش هو اللي بينطق لالالا دا عملك طول حياتك هو اللي هينطق هو اللي هينجدك في اللحظة الرهيبة دي .
..

هـــيـــــــــــا وكـــــن مـــــصـــــــري


وجوا الجوووووووووووووووووووون يا شباب مصر

أجوان × أجوان
هيا أدخلوا أجوان
الفرصة أمامكم
فالمباراة مازالت شغّالة
والوقت بين يديك
والشبكة أمامك
والكرة في ملعبك الآن
هيا شووووووووووووط
قبل أن يصفّر الحكم بإنتهاء المباراة
أعظم مباراة في حياتك
وهي مباراة يترتب عليها
مش كأس الأمم
لا
إما جنة وإما نار
أعاذنا الله وإياكم من النار
و

وسعدنا معكم ونسأل الله الإخلاص والصدق والقبول وحُسن العمل وحُسن الخاتمة .
وأخيراً
جزي الله كل من شارك في هذا العمل المبارك خير الجزاء
وجزي الله كل العاملين بشبكة الطريق إلي الله خير الجزاء.
ومن تقدم إلي تقدم
ونلتقي في أعمال ومسلسلات أخري بإذن الله .

ونترككم في رعاية الله وأمنه
و

[أمل المستقبل]

رد: وبناءاً علي رغبة الشعب تم انطلاق { مسلــــ &quot; جوا الجووون يا شباب مصـــر &quot; ـــــسل .}...ابقوا معن

جزاكم الله خيرا علي هذا العمل الطيب و جعله الله في موازين حسناتكم فاللهم اجعل هذا العمل شفائا للقلوب و نصرة للدين و اصلح شباب الإسلام
[[[[[[[[[اشكر كل من ساهم في اعداد هذا العمل الطيب و ننتظر المزيد وفقكم الله]]]]]]]]]

[moslma lillah]

رد: وبناءاً علي رغبة الشعب تم انطلاق { مسلــــ &quot; جوا الجووون يا شباب مصـــر &quot; ـــــسل .}...ابقوا معن

جزانا الله واياكم اختنا

أنرتي المسلسل

[مسلمة وفخورة]

رد: وبناءاً علي رغبة الشعب تم انطلاق { مسلــــ &quot; جوا الجووون يا شباب مصـــر &quot; ـــــسل .}...ابقوا معن

جزاكم الله كل خير
يااااااااااااااااااااااااارب
أذن لشرعك ان يسود ويحكم مصر

[moslma lillah]

رد: وبناءاً علي رغبة الشعب تم انطلاق { مسلــــ &quot; جوا الجووون يا شباب مصـــر &quot; ـــــسل .}...ابقوا معن

اللهم آمين
جزاكم الله خيراً اختنا

[moslma lillah]

رد: وبناءاً علي رغبة الشعب تم انطلاق { مسلــــ &quot; جوا الجووون يا شباب مصـــر &quot; ـــــسل .}...ابقوا معن

أين أنتم وتفاعلكم يا أفاضل ؟؟؟

[العائدة لربها]

رد: وبناءاً علي رغبة الشعب تم انطلاق { مسلــــ &quot; جوا الجووون يا شباب مصـــر &quot; ـــــسل .}...ابقوا معن

الحمد لله الذي بنعمته تتم الصالحات
بوركت الجهود
مسلسل راااااائع