نـــــــــــــداء لجميع الطالبات ومن كل الاختصاصات

[اسراء حفيدة الزهراء]

رد: نـــــــــــــداء لجميع الطالبات ومن كل الاختصاصات

يومي ملخبببببببببببببببط

بقضي في المدرسة 4 ساعات وفي الدروس بقى الايام مش زي بعضها

السبت درس عربي الساعه 12 & أحياء الساعه 2 & e الساعه 6
الأحد درس رياضة الساعه 5
الإثنين درس عربي الساعه 6:45 الصبح & أحياء الساعه 2 & f مش عارفة امتى
الثلاثاء مفييييييييييييييش دروووووووس
الأربعاء درس أحياء الساعه 12 & e الساعه 3 & رياضة الساعه 5
الخميس درس f مش عارفة امتى بردو بس غالبا بيبقى الساعه 8
الجمعة درس أحياء الساعه 8 صباحا & e الساعه 9 & عربي الساعه 4

دي مواعيدي
ظبطوووووووووني بقى
نفسي أعمل جدول مذاكرة وامشي عليه

[Dr.hala]

رد: نـــــــــــــداء لجميع الطالبات ومن كل الاختصاصات

ماشى ربنا يعيننا يااااااااااااااارب

الله المستعان

تعرفى اكتر حاجة رعبانى ليل نهار مبنامش بسببها ولا عارفة اركز فى حاجة : انى لا قدر الله اهمل المذاكرة فأفشل وارسب لا قدر الله وأصبح شوكة فى ظهر الاسلام وداعية سوء الى الاسلام لما الملتزمين - او اللى سمتهم سمت الالتزام - يرسبوا !!!!

رعب بجد ليل نهار وياريته بفايدة لأ رعب بس

دعواتكن

[~باغية الجنان العلى~]

رد: نـــــــــــــداء لجميع الطالبات ومن كل الاختصاصات

هااالة
الهمة باذن الله هنرفعها سوا


خلي في بالك ان ده وااااجب عليك
لاااازم تنجحي .. ولازم تجتهدي على قد ما فيك من طاقة


شفتي فكرة الموضوع الرئيسة اننا نتغلب على مشلكتين
الهمـــــة و الوقت


يعني بالضبط المشكلة اللي تشتكي منها
واللي ان اشتكي منها

[~باغية الجنان العلى~]

رد: نـــــــــــــداء لجميع الطالبات ومن كل الاختصاصات

اسرااااء لازم تنضبطي هنا ماااشي؟؟
انتي والغيورة في مرحلة حرجة ..ركزوا كويس !!

[رقية 2]

رد: نـــــــــــــداء لجميع الطالبات ومن كل الاختصاصات

على فكرة كلام باغية في الجوووووون

بصي يا هالة عاوزين أسوووووووووووود

لا مش كده أكبرهالك شوية

عاوزين

أسووووووووووود

الهمة ؟ الهمة موجودة عندك بس الشيطان بيحاول يلهيكي باي حاجة بإنه يخلي همتك في الأرض عشان متشتغليش ومتذاكريش وتسقطي بجد

وتعرفي فيه قاعدة علمية بتقول

لو دربتي نفسك وخيالك على فكرة السقوط دي هتسقطي فعلا حتي لو مذاكرة لإنك هتخافي تسقطي تنسي كل حاجة فمتحليش

لما تدربي نفسك وخيالك على النجاح حتى لو انتي متعرفيش حاجة والله همتك هتعلى وهتلاقي نفسك بتذاكري

طب أقولك على موقف كمان

والله العظيم يا هالة النهاردة كان عندي امتحان ميد ترم برده

المادة دي رجعت امبارح من امتحان العملي مفتحتهاش كنت تعبانة وكنت مطبقة من اليوم الى قبليها فنمت مصحتش غير 8 ونص الصبح والامتحان الساعة 9 لبست بسرعة ونزلت وقلت أنا شكلي هجيب صفر ومش هحل حاجة بس افتكرت يوم الكهربية الى انا حكيتهولك ده قلت بغذن الله ربنا مش هيضيعني

روحت لقيت مسائل كنا واخدينها قبل كده في السكاشن

حليتها وخرجت كنت مش عارفة بجد اقول غير

سبحان الله
و
الحمد لله

مش عارفة بصراحة أوصلك شعوري
مش عارفة يمكن من كتر ما بتفرج على الشيخ حازم شومان بجد بقيت بحس بمعني كلمة الهمة بجد

قوووووووووووومي اتوضي صلي ركعتين وادعي ربنا يعينك ويخليكي تتغلبي على شيطانك ده وابدئي مذاكرة

بإذن الله أنا هجيب السنادي امتيااااااااااااااااااااااااز

- مع إني ميح والله يا أختي ^ ^-

لكن والله أنا عندي أمل بإذن الله

[اسراء حفيدة الزهراء]

رد: نـــــــــــــداء لجميع الطالبات ومن كل الاختصاصات

معاكم اهو

[~باغية الجنان العلى~]

رد: نـــــــــــــداء لجميع الطالبات ومن كل الاختصاصات

رقية اكيييد مش هتعرفي توصلي شعورك !!
حاولت اني اوصل شعورى في المشاركة دي

الامتحان الثالث

بس مقدرتش ولحد الان الشعور مش عارفة اوصفه لنفسي

كان حاااجة روووووووووووووعه

يا رب احسها تاني

وتحسيها انتي وتحسها هالة ويحسوها الكـــــــــل

وهيشوفوا السعادة اللي يكونوا فيها وقتها

(سامعين لما واحد يقول كنت عايز اطير من الفرحة ؟
هو ده الشعور اللي كنت بحسه
كان نفسي اكون في مكان بعييد عن الناس واصرخ بكل صوتي يا رب لك الحمد )

[رقية 2]

رد: نـــــــــــــداء لجميع الطالبات ومن كل الاختصاصات

(سامعين لما واحد يقول كنت عايز اطير من الفرحة ؟
هو ده الشعور اللي كنت بحسه
كان نفسي اكون في مكان بعييد عن الناس واصرخ بكل صوتي يا رب لك الحمد )

تعرفي

هو ده فعلا والله

بجد

وابقى ماشية مفيش على لساني غير سبحان الله !! هو بجد إلي حصل ده !! سبحان الله !!

ياااااااااااااااااااااااااااااااااااااااااااااااار ب اللهم لك الحمد

[Dr.hala]

رد: نـــــــــــــداء لجميع الطالبات ومن كل الاختصاصات

جزاكن الله كل خير

بجد أنتن خير صحبة وخير أخوات

تعرفى أنا دعيت ربنا النهارده وبكيت وبفضل الله من الله علىّ فقرأت المادة قراءة مبدئية اجمالية لكل المادة وفهمتها جيدا تمهيدا للمذاكرة الحقة بإذن الرحمن

بس لما دعيت وبكيت حسيت احساسك ده بجد يا باغية

راااااااااااااااااااااااااااااحة عظييييييييييييييييييمة فى القلب وهدوء نفسى وثقة ويقين

رغم ان المادة كااااااااااااااااااااارثة بجد وكبيييييرة جدا ومتكدسة

بس ما أعظم حب الله حقا والتوكل عليه والانابة اليه والثقة واليقين به

الحمد لله أنى أمة لله وقلبى يهتف ( أحبك ياااااااااااااااااااااااااااااااااااارب وأثق بك )

جزاكن الله خيرا

[~باغية الجنان العلى~]

رد: نـــــــــــــداء لجميع الطالبات ومن كل الاختصاصات

الحمد لله ..
________________
طيب الان كل وحده تشوف ايه الفترة اللي تقدر تقعد فيها ساعتين او 3 على بعض؟


انا مثلا: من 7 - 10 بالليل


بس قبلها ايه رأيكم نعمل فريقين ؟
يعني اختيارين مثلا اللي عايز ساعتين فريق واللي عايز 3 فريق؟
او مثلا فريق 3 وفريق 4 ساعات حسب اللي عندنا


واللي في التقرير اليومي تقوللنا ان هي مثلا قرات 6 ساعات
يبقى ليها هدية او مثلا تاخد لقب "الطالبة المتميزة" في اليوم التالي
واللي تكمل الساعات المتفق عليها (3 او 4)
تاخذ لقب "الطالبة المجتهدة"
واللي اقل من المتفق عليه بنسبة مش قليلة تاخد لقب "الطالبة الكسولة " ..:)
((ممكن نلغي اللقب الاخير لو هيسبب احراج ))


وبكره عندي فكرة اخرى ندخل في التفاصيل اكثر

[~باغية الجنان العلى~]

رد: نـــــــــــــداء لجميع الطالبات ومن كل الاختصاصات

هالة
لا تعرفين كم اسعدني كلامك


هنيئا لك ذاك الشعور الرااائع


وياااا رب ييسر لك ويوفقك ياااااااااااااااااااا رب

[منايا اوصلك ياربي]

رد: نـــــــــــــداء لجميع الطالبات ومن كل الاختصاصات

معاكواااااااااااااااااااااااااااااااااااااااااااا يا بنات

[الإسلام ربانى]

رد: نـــــــــــــداء لجميع الطالبات ومن كل الاختصاصات

اللهم بارك
لسه شايفة الموضوع حالا
معاكم طبعا
الموضوع فى وقته لان الواحد لازم يبقى مسيطر على نفسه مش يبقى انا عايزة اعمل حاجة واعمل حاجة تانية لا اراديا
وده نتيجة انى بسمع كلام نفسى اللى تحب الكسل والراحة والخمول
..
انا بدأت فعلا وعطلت حسابى على الفيس .. بس مازلت بضيع وقت كتير ممكن استغله فى حاجت اكثر افادة
وده بسبب انى بذاكر على الكمبيوتر وده بيخيلنى افتح النت وبقيت ادخل على المنتدى دلوقتى كتير
صدقاً جزاكِ الله خيرا يا باغية .. كنت محتاجة حد يشجعنى ويعلى همتى ..
لقيت موضوع كامل واخوات .. الحمد لله

برجع البيت فى المتوسط فى حوالى الساعة 5 تزيد او تقل احيانا
والوقت من 7 لـ 10 مناسب ليا
اعتقد لو بدأنا بـ 3 ساعات صافيين هننجز كتير
اللـــــــــــه المستعان

التوقيع رائع اللهم بارك

[روضـ الحياة ــة]

رد: نـــــــــــــداء لجميع الطالبات ومن كل الاختصاصات

حد بينادي ؟؟؟؟

ربنا يجازيكِ عنا خير يا باغية انتي وفيروز وغيورة والغائبة الحاضرة مسلمة


طلب بس ياريت تحطى المشاركات في المشاركة الاولى علشان تسهلي علينا بارك الله فيكِ

[فاطمة سعد]

رد: نـــــــــــــداء لجميع الطالبات ومن كل الاختصاصات

حد بينادي ؟؟؟؟

ربنا يجازيكِ عنا خير يا باغية انتي وفيروز وغيورة والغائبة الحاضرة مسلمة


طلب بس ياريت تحطى المشاركات في المشاركة الاولى علشان تسهلي علينا بارك الله فيكِ

يا سبحان الله جئت ع السيرة اول ما حسيت انه حد بيدعي لى دخلك علطول

ولكِ مثله وحشانى أخيتى ونفتقدك جماااااااااااااااا