&& يوميـــــــــــــات في الصيدليـــــــــــــة &&

[امه الله1]

رد: مرحباً بكم في " College of Pharmacy " صيادلة المنتدي .

Day7

كان العمل هذا اليوم خفيفا...حتي النواقص و الطلبيات كانت قليلة
لذا , قررت ان اقوم بجولة استكشافية في احد اركان الصيدلية
و جدت العديد من الاشياء المثيرة التي لم الحظها من قبل



شايفين الجمال !!
دي أسمها " كرة علاج طبيعي "
مفيدة لتقوية مفاصل و عضلات اليد و الاصابع
ميكانزم العمل: اضغط .. اعصر..افعص ...الي ان تتعب !!
.
.
.
.
.



في هذه الصورة لتوضيح حجم الكرة فهي صغيرة و ليست كبيرة كما تبدو في الصورة السابقة


وجدت كرة اخري في الصيدلية ... و لكن هذه المرة كرة قدم


هدية من "Gillette"

خير اللهم اجعله خير !!!!
دي حقن مستوردة .....الواحدة بـ 75 قرش
لكن محدش بيشتري الحقنة دي للحقن عشان طالع عليها سمعة انها بتوجع
فبتطلب كــ " حقنة معيار " ... بعني بنحدد بيها كمية المية المستخدمة عشان نحل أمبول باودر مثلا

سهل التعرف عليهم بالالوان و كمان بعدد الــ mls

1- حقنة للكبار 5 مل
2- حقنة للكبار 3 مل
3- حقنة للصغار 2 مل
4-حقنة انسولين..عمري ما شفتها بتتباع !!

نيجي بقي للصناعة المصرية العرقية
هي دي الحقن اللي بتتباع علي طول مع الampoules & vials
الواحدة بــ 50 قرش

معلش هي مش واضحة أوي في الصورة ..
لما تشوفوها في الصيدلية هتعرفوها علي طول ان شاء الله

الفرق بينهم الحجم و السعة و لون الرأس اللي فيها السن
1- الرأس أسود و السعة 5 مل ...للكبار ... تعطي مع حقن الوريد
2- الرأس أزرق و السعة 3 مل ...للكبار أيضا ...تعطي مع حقن العضل
3- الرأس مشمشي اللون و السعة 2,5 مل ... للأطفال ..(الورقة في ظهر الحقنة مكتوب عليها baby ..بس لما صورتها مطلعتش واضحة..افتكروا تبقوا تشوفوها )
4- الرأس بني اللون و السعة 3 مل للأطفال " الرُضَّع"
.
.
.
و دي حقن الانسولين ... شكلها مميز جدا و توجد في عدة ألوان

ده بقي ..جهاز للكشف عن وجود حمل أم لا
طريقة استعماله تتلخص فيما يلي
توضع sample من الurine علي جزء معين في الشريط و تنتظر عدة دقائق
اذا ظهر لك علي الشريط خط واحد احمر فالنتيجة سلبية
اذا ظهر خطين تكون النتيجة ايجابية




دي صورة للconcor tablets اللي اتكلمنا عنها قبل كده...بتطلب كتير علي فكرة و توجد منها تركيزات كتيرة
بمناسبة ادوية الضغط... لما حد ييجي من غير روشتة و يقولك عاوز دواء للضغط متروحش تجري و نجيب concor علي طول
اسأله الاول هو ضغطه واطي و المفروض يترفع ...ولا عالي و المفروض ينزل .. لان شتان بين الاتنين و الخطأ في الموضوع ده ممكن يكون قاتل..و كانت هتحصل انهاردة و لكن ربنا ستر الحمد الله ..لما المريض وصف الاقراص لمدربتي عرفت انها لعلاج الضغط الواطي بعد ما كانت جابتله الconcor خلاص و كتبت علي العلبة ارشادات الاستخدام ....

معلومة بسيطة و سهل تثبت في الدماغ...
الاختصار T\SR يعني ايه
.
.
T= Tablet
S = Sustained
R = Release
اذن معناها = اقراص ممتدة المفعول
... مهم تكون عارف المرادفات كلها بالعربي لان احيانا المريض بيسألك هو الدوا ده بيعمل ايه ؟؟ و جزء كبير من المرضي لازم توضحلهم بالعربي ...بل بالـ " بلدي " اذا أمكن

اخر حاجة هتكلم عنها ... روشتة جاتلنا انهاردة من طبيب عيون .. كان مطلوب فيها تركيبة من الـ boric acid
الصيدلي حضرها لكن للأسف انا كنت قاعدة برتب الأدوية و مأخدتش بالي من الموضوع ده غير بعد ما التركيبة اتحضرت...
مدربتي قالتلي امسكي الازازة دي كده

لاقيتها دافية أوي...زي ما تكون بتعمل تفاعل بـ conc H2SO4 ...لو لسه معملتش التستات اللي فيها Sulphuric ممكن اشبهولك بدفء العيش اللي لسه طالع من الفرن ...او سور البلكونة بعد العصر بقليل..
... سبحان الله ...

ده شكل التركيبة بعد ما خلصت و بردت و اتكتب عليها التعليمات

المفروض تتاخد 3 مرات قبل وضع القطرة ...

.
.
.
.

قبل موعد انتهاء عملي بدقائق ....شفت الجهاز العجيب ده
هسيبكم تفكروا ده ايه ... و هقولكم المرة القادمة ان شاء الله بعد ما أتعلم بيشتغل ازاي

تابعونا,,,,,,

[رقية 2]

رد: مرحباً بكم في " College of Pharmacy " صيادلة المنتدي .

ده موتوسيكل ده ولا صاعق كهربي

متابعة يا أمة بإذن الله

[فاطمة سعد]

رد: مرحباً بكم في " College of Pharmacy " صيادلة المنتدي .

وهو ايه ده يا امة الله

الصراحة اول مرة اشوفه

[كونى قوية]

رد: مرحباً بكم في " College of Pharmacy " صيادلة المنتدي .

[QUOTE=امه الله1;1060188248]

يا صيادله بالله عليكم عاوزه حد يقولى ازى اذاكر فايتو كويس ازااااااااااااى


اعملها ع هيئه جدول ولا اذاكرها عادى ولا اعمل ايه انا خلاص زهقانه ع اخرى وامتحانات mid teermمش حليت كويس


الله المستعاااااااااااااااااااااااااان[/QUOTE
اختي ياريت تقوليلي بتخدي إيه في الفيتو بس عشان أقدر اقولك؟
لوكان v.o والحجات دي لازم تجمعي الاسامي كلها في جدول
اما لو كانchromatography
دي مش ينفع تتجمع في جدول تتذاكر كده
وهستنا ردك عشان اوضحلك أكتر بس ياريت تقوليلي الاجزاء بالتفصيل بارك الله فيكي.

باخد monosaccaride , disaccaride polysaccride itsdervatives

inuline starch

,وشتقات كده يعنى
ده لحد ميد تيرم لسه مش عارفه هنكمل ازاى بقى؟؟؟؟؟؟؟

[امه الله1]

رد: مرحباً بكم في " College of Pharmacy " صيادلة المنتدي .

ده موتوسيكل ده ولا صاعق كهربي

متابعة يا أمة بإذن الله

ولا ده ولا ده
تابعي معايا يا رقيه

[امه الله1]

رد: مرحباً بكم في " College of Pharmacy " صيادلة المنتدي .

وهو ايه ده يا امة الله

الصراحة اول مرة اشوفه

طب خمني كده
لو مش عرفتي تابعي معايا وهنعرف ونتبسط كمان

[امه الله1]

رد: مرحباً بكم في " College of Pharmacy " صيادلة المنتدي .

[QUOTE=صيدلانية مسلمة;1060189253]

باخد monosaccaride , disaccaride polysaccride itsdervatives

inuline starch

,وشتقات كده يعنى
ده لحد ميد تيرم لسه مش عارفه هنكمل ازاى بقى؟؟؟؟؟؟؟

اممممممممممممممممممممممممممممممم
بصي ياستي الجزء ده اغلس حاجه فيه المركبات مجعلسه
دي اول سنه تاخدي فيها فيتو ,صح؟
فبصي الجزء ممكن تعملي جزء جزء علي هيئه جدول
يعني مثلا هتخدي بعد كده الflavonoidsمثلا يعني هتخدي تحت الاسم ده كذا مركب
تقومي عملاه في جدول وتذكريه
عشان لحد لما توصلي لاخر السنه الجزء ده كبييييييييييييير هيكون معاكي مركبات مووووووووووت
وانتي اكيد الامتحان بيجي مركبات مرسومه وعاوز عليها حاجه
او ترسمي مركب وطالب بردوا عليه حاجه صح؟؟؟؟؟؟؟؟؟
وفي بقي مركبات كبيره اوي دي مش تتحفظ علميها بجزء غالبا بتيجي مرسومه
اهم حاجه تذكري الماده دي اول بأول عشان بصراحه الفيتو في الجزء ده عاوز مذكره تمام اوي بس سهل ,’هو الجديد عليكي المركب ,فانتي احفظي وعلمي وفرقي كل مجموعه عن التانيه والمجموعه لو ينفع تتعمل جدول اعمليها اي حاجه جدول بتسهل المذاكره وياريت تعمليه بأيدك دي بتعتبر نص مذاكره بتثبت المعلومه والمركب ,أهو أحسن من حفظ الorigineولا إيه؟؟؟؟؟
يارب تكوني فهمتي حاجه وأي استفسار نحن هنا إن شاء الله ولو حاجه مش فهمتيها قوليلي مش تتكسفي

[امه الله1]

رد: مرحباً بكم في " College of Pharmacy " صيادلة المنتدي .

Day8

الجهاز المجهول هو... " مسدس التسعير"

تعلمت اليوم كيف اتعامل مع هذا الجهاز و سأنقل لكم ما تعلمته باذن الله
صلوا علي النبي محمد
.
.
عليـــــــــه أفضل الصلاة و السلام

اولا,,احضرت الجهاز ثم اختبأت في احد الاركان حتي لا يراني الزبائن و يشكوا في قدراتي العقلية




هذا هو مسدس التسعير ...خفيف جدا علي فكرة

اولا تعالوا نركز علي رأس الجهاز ... في أقصي اليسار في الصورة السابقة

يلا نكبره



داخل المستطيل الاحمر وحدات تتغير بلف الجزء الاسود علي يمين المستطيل




لتختار الخانة المراد تغييرها .. تقوم بالشد الي الخارج او الدفع الي الداخل

يتم التغيير بلف الجزء الاسود الذي في الصورة... يتحرك عادي في اتجاه عقارب الساعة او عكسها ..
بعد ان تقوم بظبط السعر المطلوب..ادفع المستطيل الي الداخل مرة أخري

لا أدري ما اسم هذه الاشرطة... ولكن لنعتبرها المواد الخام لعمل الـ stickers ...

قم بالقبض علي طرفيه بحيث يتم ضمهما معا...



.
واحد
.
.
اتنيــــن
.
.
اتنيــــن و نص
.
.
ثلاثة !
.
.
هوووووووووووب

مجهود جبار مش كده !!
اللي حصل بقي ان ...في sticker جديد اتولد




........صورة عن قرب بقي

تمام كده ؟؟

ننزل بقي بالجهاز علي علبة الدواء عشان نلزق عليها الـ sticker

قم بإبعاد الجهاز بهدوء....

و ....يتربي في عزكم الsticker الجديد

يا رب تكون الطريقة وصلت .........

نيجي للجد بقي ....

عرفت انهاردة مكان المحاليل... اعرض لكم بعض منها مع العلم اننا اخدنا نبذة عنها اثناء دراستنا ...

Sodium Chloride 0.9 % + Glucose 5 % = saline-glucose IV injection




Ringer's injection
عبارة عن أملاح Sodium , calcium , and potassium as chlorides
( NaCl \ CaCl2 - KCl )





Ringer Lactate...تماما مثل السابق ولكن ضيف عليه Sodium Lactate

يشبه الRinger الأول أيضا بالإضافة إلي أملاح الAcetate

~ملحوظات علي المحاليل بشكل عام ~
*العبوة تستخدم مرة واحدة ... و اذا لم تستهلك كلها يتم التخلص من الكمية المتبقية *
ليــــــه؟
لأن تعرض المحلول للهواء بيخليه يفقد الsterility بتاعته و بيحصله contamination بالبكتريا و بيتلوث بالpyrogens
*يحفظ في درجة حرارة لا تيد عن 25 درجة مئوية ...مع العلم انه مش صنف تلاجة*


فاكرين الDigitalis ...ذات الDiacytic stomata



هذا الدواء الذي يطلق عليه الـ Lanoxin عبارة عن أقراص تحتوي علي Digoxin
يستخدم في علاج الـ Congestive Heart Faliure
(CHF)
و في Heart conditions أخري عديدة


نودع الان قسم الtablets و نلقي نظرة علي قسم الinjections
الـ Alpha Chymotrypsin



الـ 3 أمبولات علي اليمين slovent لاذابة الدواء
الـ 3 ع الشمال تحتوي علي الدواء في صورة تشبه Crystals متجمعة مع بعض في شكل يشبه القرص و تبدو متميعة بعض الشئ
.....
هذه صورة أخري للتوضيح

IM ONLY
لا بد من عمل أختبار حساسية قبل الاستخدام
Mechanism of action :
هو عبارة عن proteolytic Enzyme
يعني ايه؟؟
proteo = protien
lytic = lysis = تحليل
اذن المقصود انه انزيم يعمل علي تحليل البروتينات " الغير حية" ... لا ادري ما المقصود بغير حية و لكن سأبحث عن الامر لاحقا...ان شاء الله
يستخدم لعلاج الالتهابات و التورمات سواء الداخلية = deep او السطحية = superfacial
أمثلة لذلك : الدمامل و التورم الناتج عن الشد العضلي و احتقان الجيوب الانفية و التهابات عنق الرحم
...كتب أيضا انه يستخدم لعلاج : الجمرة الخبيثة ...لا اعرف عنها سوي انها مرض جلدي خطير ... سأبحث في الموضوع لاحقا ايضا ان شاء الله

جولة سريعة في قسم الsuppositories

جاءت الفكرة من روشتة تحوي علي الـAmrizole supp
كنت علي وشك ان ارتكب خطئا فادحا ... ولكن لحقت نفسي لما لقيت علبتين لنفس الدواء بس بلونين مختلفين



الــزرقاء هي للـrectal route ... زي اللبوس العادي
الجديد بقي... هو الأخضر
يطلق عليه لبوس مهبلي ... يستخدم عن طريق الـvaginal route(مهبلي)
....
طبعا مينفعش تلاقي روشتة لرجل مريض و تشك في الأخضر... ولا ايه ؟؟!!

كانت هذه المرة الاولي التي أري فيها vaginal suppository
فقررت اني أحضر فيها دكتوراه ... و طلعت تقريبا كل الأنواع لأتفحصها

......و هذه خلاصة ما تعلمته ....

يستخدم هذا النوع من اللبوس غالبا قبل الذهاب الي النوم
"Applied @ bed time"
اشهر استخدام له ...بل هو الاستخدام الوحيد الذي وجدته
(مضاد للالتهابات او مضاد للفطريات)= (treatment of Vaginitis & Antimycotic)
يطلق علي الvaginal supp اسم الـ Pessaries


~اهم الأنواع~



يشبه اللبوس العادي الي حد كبير.... اعرض قليلا فقط
مش فاهمة بقي ليه العلبة كبيرة كده .. مع ان فيها التلاتة دول بس
منظرة يعني ولا ايه؟؟؟!!





ده لبوس جلسرين مهبلي ... اسمه : Glycerin Ichtyol مشهور و يعتبر اكتر نوع اتطلب عندنا في الصيدلية من الvaginal suppositories
طري حتي اكتر من ال S.G .Capsule
بس المرة دي طبعا مش هيستخدم زي الrectal supp لعلاج الconstipation ..هيستخدم لعلاج الـ vaginitis

Question ...
هل ممكن نستخدم tablets من خلال الvaginal route ??
اه
!!
طب و الcapsules كمان ؟؟؟
ايووووووَن
مش مقتنعين؟؟؟
شوفوا دي
.



علي اليمين : Vaginal soft gelatine capsule
و علي الشمال : Vaginal tablets و معها applicator لادخال الأقراص




الVaginal soft gelatine capsules يوجد منها الوان عديدة .. هذه أجملها
keep it away from children ... أحسن يفتكروها بونبوني ولا حاجة

Betadine
برده pessaries و معاها الـapplicator بتاعها

اخر معلومة حبيت أقولها عن الsuppositories
اسهل جزء فيها اللي بحرف الG
يمكن تقسيمه ل3 اجزاء
الأول: لبوس الجلسرين و في منه Rectal للكبار و آخر للأطفال .. و في كمان الVaginal اللي بتسمي بـ Glycerin Ichtyol كما ذكرت من قبل

الثاني : لبوس Rectal لعلاج الvomiting و abdominal pain بصفة عامة و مفيش من النوع ده غير دوائين



النوع الثالث و الاخير هي مجموعة بتبدأ بـgyno و كلها pessaries لل vaginal route
و كما ذكرت كلها تستخدم اما لعلاج الالتهابات المهبلية (Vaginitis) أو كمضادات للفطريات
(Antimycotic)

اختم هذه المرة بجهاز غريب أيضا...نتحدث عنه غدا ان شاء الله

سبحانك اللهم و بحمدك ... اشهد ان لا اله الا انت ... استغفرك و أتوب اليك

تابعونا,,,,,,

[خديجة أحمد]

رد: مرحباً بكم في " College of Pharmacy " صيادلة المنتدي .

جزاك الله خيرا أختي أمة الله 1
بالنسبة لهذه vaginal suppository
تستعملها النساء المتزوجات فقط
وهناك معلومة أخرى من أجل ضمان فعاليتها، لا أستطيع ذكرها هنا ممكن في الخاص لو كنت لا تعلمينها

[امه الله1]

رد: مرحباً بكم في " College of Pharmacy " صيادلة المنتدي .

جزاك الله خيرا أختي أمة الله 1
بالنسبة لهذه vaginal suppository
تستعملها النساء المتزوجات فقط
وهناك معلومة أخرى من أجل ضمان فعاليتها، لا أستطيع ذكرها هنا ممكن في الخاص لو كنت لا تعلمينها

طبعا اختي والطبيبه مش بتكتبها غير للمتنزوجات
ياريت تكتبيها في الخاص من أجل نشر الوعي وبارك الله فيكي

[امه الله1]

رد: مرحباً بكم في " College of Pharmacy " صيادلة المنتدي .

ياريت حد يخذف واحده الموضوع اكتب مرتين

[خديجة أحمد]

رد: مرحباً بكم في " College of Pharmacy " صيادلة المنتدي .

طبعا اختي والطبيبه مش بتكتبها غير للمتنزوجات

ياريت تكتبيها في الخاص من أجل نشر الوعي وبارك الله فيكي

أنتظرك هنا
عندما تكوني موجودة ضعي ردا هناك

[امه الله1]

رد: مرحباً بكم في " College of Pharmacy " صيادلة المنتدي .

اضع ردي فين اختي؟؟؟؟؟

[خديجة أحمد]

رد: مرحباً بكم في " College of Pharmacy " صيادلة المنتدي .

اضع ردي فين اختي؟؟؟؟؟

في هذا الموضوع أختي
هنا

[رقية 2]

رد: مرحباً بكم في " College of Pharmacy " صيادلة المنتدي .

والله جهاز حلو متابعة بإذن الله يا أمة

__________

إيه ده فيه حاجات هنا للكبار فقط ولا إيه ^
__________

في هذا الموضوع أختي
هنا

أنا جاية أنا كمان عشان أعرف