~♥ أنا والقلــ♥ـوب ومنتــداك ♥~

[راجية حب الرحمن]

رد: ~♥ أنا والقلــ♥ـوب ومنتــداك ♥~

الحلقــــــــــــــــــــ ( 6 )ــــــــــــة
♥ .. بداية النهاية !..♥


موضوع الحلقة النهاردة عن التجاوزات الكثيرة الي بتحصل والي خلت معدلات الزنا وصلت للدرجة الى بنسمع عنها سواء كان زنا صريح أو زنا مغيرين اسمه باسم الجواز العرفي أو جواز الدم أو غيرها من المسميات !!

ولكن
مشوار التنازلات بيبدأ بخطوة وبعد كل خطوة تظني إنها أخر خطوة ولكن دايما وللأسف في خطوة جديدة .

عمرك فكرتي البنت الي ضاعت بسبب قصة كانت بدايتها إيه ؟
عمرك تخيلتي إن ممكن تكون "من ضمنهم" واحدة كانت فى يوم من الأيام بنت محترمة وفى أسرة عادية
ونتيجة لحظة ضعف باسم الحب حياتها اتدمرت !

جتلنا كذا قصة فى سرك فى بير
من بنات كانت محترمة جدا وكل ما هنالك حدوتة إرتباط عادية زى الى بقوا منتشرين ثم التجاوزات المعروفة ثم لحظة ضعف ووقعت في كبيرة الزنا ! وبعدها مأساة تعمل إيه ؟ وطبعا الشخص ظروفه متسمحش أو بيكون أو اتهرب واختفى !

وفي كل الأحوال ضياع ...!
الى بتقول خلاص أنا ضعت وتكمل في طريق المعصية !
والي بتعاني من أمراض نفسية وحياتها بتتدمر ! وأول عقوبة الجزاء من جنس العمل فبتحرم من الزواج !
والي بتموت نفسها وتبقى خسرت دنيا ودين !
والي بتهرب من بيتها ! والي بتحاول تلاقي حد يقبل بمصيبتها ....
والي أهلها بيقتلوها .......
وللأسف الواقع مرير

النهاردة عاوزين نحكي قصص واقعية
وهنبدأ بقصص
يعتبروا انتهوا بنهايات مش مأساوية
عشان نشوف قدر المعاناة حتى فى أفضل النهايات..!


اقتباس:


قصة حلقتنا النهاردة قصة حقيقية
ذكرها الشيخ هاني حلمي في شريط مش عادى .

القصة طويلة وإختصارها إن بنت عادية عاشت وتربت على إن حاجات كثير عادي زى ما كثير جدا شايفها عادى
ارتبطت بشاب عادي كقصة حب بريئة
أول مرة الولد ده حاول يمسك أيدها رفضت وبكت ( كان لسه عندها فطرة سليمة )
صحابها قالولها بتعيطي على إيه !! متبقيش عبيطة عادي عشان ميشوفش واحدة غيرك
وتطور العادي لحد بقى مش عادى ! وزنت مع الشخص ده على وعد بالزواج
لما حملت سابها واتهرب منها وهددها
وكان معادها مع تانى كبيرة قتل نفس بغير حق واجهضت نفسها فى مكان مشبوه
وقالت تبدأ حياتها من جديد واتخطبت وكان لازم تقول لخطيبها ولما قالتله تغير أسلوبه وبدأ التجاوزات بما إنها سهلة
وكانت بتضطر للسكوت على أمل الزواج
ثم يتركها وتكرر موقف الخطوبة بنفس السيناريو مرتين أو أكثر

إلى أن قررت تعمل عملية لتبدأ حياة نظيفة وطبعا فى مكان مشبوه تاني والأتعاب مشبوهة ومن نفس النوع !!

" البنت دي فى يوم من الأيام كانت بريئة وعيطت لإن واحد مسك أيدها ، شوفوا وصلت إنها تزني كام مرة !!!!"

واتخطبت بعدها ومقالتش لخطيبها على حاجة واتجوزت
وهنا النهاية تبدو وردية

ولكن

فى يوم زفافها تكتشف إن العملية فشلت ! ( وده شىء بيحصل كثير جدا )
وتفضح أمام زوجها
وكانت تتوقع الطلاق والفضيحة فى أهلها وجيرانها وغيرها
" حد متخيل إيه الى ممكن يحصل وممكن يعمل فيها إيه ؟ وممكن أهلها يعملوا فيها إيه ؟؟ "

ولكن الغريب إنه لم يعلق !

ويقول الشيخ ولا تعلم السبب
ولعله كما تدين تدان لعله فلعلها فعوقب من جنس العمل
ولعله غير ذلك
" رسالة للشباب ممكن تعاقب في زوجتك أو أختك فاتق الله "

سكوته ممكن نقول إنه خلاص الحياة بقت وردي
ولكن ماأساتها منتهتش ولكن بدأت
مقدرتش أبدا تنسى إن زوجها يعرف عنها مصيبتها
وفى كل مرة تكون معاه تستحضر ذكرياتها الأليمة كلها وأخطائها والأشخاص الي استغلوها !
كانت بتتجنب نظراته وخايفة في يوم يسألها ومش عارفة هتقول إيه !
بعدها حملت وكانت بتفتكر حملها الأول وإجهاضها في المكان المشبوه والإعتداء عليها
وأصيبت بحالة نفسية سيئة جدا وكانت بتكره طفلها جدا ووصلت لمرحلة مش عارفة تتعامل مع زوجها أو ابنها
وكان ده سبب اتصالها بالشيخ

ضاعت في الدنيا وضاعت فى الأخرة
خسرت دنيتها وأخرتها باسم الحب !!


" لو لسة فاكرين البنت دي فى يوم من الأيام كانت بريئة وعيطت لإن واحد مسك أيدها شوفوا وصلت لإيه والسبب قصة حب بريئة !
وتخيلوا دى تعتبر نتيجتها أفضل ما يكون اتجوزت وخلفت ولم تفضح ومع كده دي مأساتها !

فأوعي تعتقدي إنك أكبر من الفتنة
لو دخلتى البحر الغرق أسهل ما يمكن لكن محدش بيغرق على البر .


بعد المقدمة الطويلة والقصص دي عاوزين كل بنت في علاقة
in relationship

تفكر مع نفسها وتسألها : أنا ليه بعمل في نفسي كده ؟!

** بلاش مبررات وتقنعي نفسك إنك صح !
أصله بيحبني ، أصلنا هنتجوز ، غصب عني
وكل واحدة تقول أنا أحسن من غيري ده في بيعمل أكثر من كده

ده حتى الي بترضى بورقة عرفي ليها مبرر ! وتقول مش أحسن ما اعمل حاجة غلط وحرام . طب وهي كده معملتش حاجة غلط وحرام !!! وهو الجواز ده في الشرع مش له شروط ميتمش إلا بيها وعلى رأسها الأشهار والولي فجواز إيه وأهلها مش عارفين !! أمال إيه الفرق بينه وبين الزنا ؟

مين قال إن الزنا هو بس الى حرام !!

النظرة والكلمة واللمسة وكل المقدمات دي حرام
وتحريم مقدمات الذنب نعمه من ربنا ..
ربنا لما حرم الخمر حرم حملها ومجالسه شاربيها وبيعها وشرائها وكل ما له علاقه بها وبكده الواحد بيبقى بعيد تماما عن الذنب
اما ان كان شربها بس هو الى حرام فتحملها وتقدمها وتجالس شاربيها هنا سهل جدا فى لحظه ضعف ان تشربها

{يَا نِسَاءَ النَّبِيِّ لَسْتُنَّ كَأَحَدٍ مِنَ النِّسَاءِ إِنِ اتَّقَيْتُنَّ فَلَا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ وَقُلْنَ قَوْلًا مَعْرُوفًا} [الأحزاب : 32]

قال رسول الله صلى الله عليه وسلم "لأن يطعن في رأس رجل بمخيط من حديد خير من أن يمس امرأة لا تحل له"

وقال " كتب على ابن آدم حظه من الزنا أدرك ذلك لا محالة : فالعينان تزنيان وزناهما النظر والأذن تزني وزناها السمع واللسان يزني وزناه المنطق واليد تزني وزناها البطش والرجل تزني وزناها المشي ، والقلب يتمنى ويشتهي والفرج يصدق ذلك أو يكذبه"

إيه الفايدة في لذة يعقبها ندم ومش هتغير في قدر الله شىء ؟!!
إيه الفايدة إنك تعملي حاجة ممكن تسعدك في لحظتها لكن هتندمي عليها بعد كده كثير ! وفي الدنيا قبل الأخرة ، إيه الفايدة وهي مش هتغير في قدر ربنا حاجة ولا هتخلى الشخص ده من نصيبك وربنا مش كتبه ليكي ؟!!

فين مراقبتك لربك وفين إحترامك لنفسك ؟؟ ليه قبلتي على نفسك توصلي لكده !
أنتي تقدري كلامكم بنصه وتصرفاتكم تبقى قدام أهلك والناس عادي !
يعني تقدرى تقولي نفس كلام الحب والتصرفات والمخالفات قدام باباكي وأخوكي ؟ قدام صاحبتك الملتزمة ؟ قدام شيخ المسجد ؟
طب تخيلي قدام رسول الله صلى الله عليه وسلم تقدري ؟
طب ليه تخلي ربنا أهون الناظرين ؟!! ليه بتتكسفي من الناس وربنا لأ ؟؟؟
فعاوزين نكلمك أنتي ؟
لإنك أنتي الي بتتأذي وبتتألمي وتخسري في النهاية
ليه تعملي ي نفسك كده ؟

ده أنتي غالية قوى عند ربنا
عارفة أنتى غالية قد إيه ؟؟

اختارك مسلمة من أمة النبي صلى الله عليه وسلم
حماكي من الكفر عشان متكونيش خالدة فى النار
كرمك فمسجدتيش لغيره ولا عبدتي صليب ولا صنم ولا بقرة
خلاكي من خير أمه أخرجت للناس

عمرك فكرتي ربنا اختارك من بين كام ؟

أمرك بالحجاب لإنك زى اللؤلوة محفوظة فى المحار
أمر الرجال بغض البصر عنك عشان محدش يأذيكي بنظرة ولا بكلمة تضايقك


حاولي تشوفي الصورة من بعيد
فى لحظة صدق مع نفسك هنسألك أنتى راضية عن نفسك ؟ ضميرك مرتاح ؟
ولا مبتديش فرصة لنفسك من الأساس تفكر ؟ وكل ما تحسي إنك هتبدأى ترفضى الوضع من جواكي تزيدى فيه عشان متفكريش !

ليه تغضبي ربنا الي خلقك ؟؟
عشان سعادة مفيش حد يملكها لقلبك إلا هو !

ولاعشان رزق مكتوب لك من قل ما تتولدي !

ولا تسخط عشان لسه ربنا مرزقكيش بالحب الحلال الحقيقي الى هو مودة ورحمة ومسئولية فخدتي أى بديل ؟!

اتعبي زي ما أنتى عاوزة ،،،،
و دوري على سراب زي ما تحبي ،،،،
وقضي وقتك زي ما أنتي عاوزة ،،،،

أنتي الي هتخسري و في النهاية
مش هتخدي حاجة ربنامش كتبهالك
وكل حاجة هتروح ومش هيبقى إلا حسنات أو سيئات في ميزانك

سواء فكرتي في ده أو مفكرتيش ، أو اهتمتي أو كبرتي دماغك
كلنا هنتحاسب وفي الدنيا قبل الأخرة ومنلومش إلا نفسنا
{وَمَا ظَلَمْنَاهُمْ وَلَكِنْ كَانُوا هُمُ الظَّالِمِينَ} [الزخرف : 76]


مستنية أيه عشان ترجعي لربنا ؟؟
مش يمكن الموت أقرب وأسرع !
ياريت تقروا المشاركة دي
http://www.goodwayinlife.com/forum/showpost.php?p=69859&postcount=2




اقتباس:
أوعي تعتقدي إنك أكبر من الفتنة
لو دخلتى البحر الغرق أسهل ما يمكن لكن محدش بيغرق على البر



أحنا متأكدين إن فيكي خير وبتحبي ربنا
فتابعينا ولنا حلقة قادمة بعنوان " القرار الحاسم "

إنتهت حلقتنا بفضل الله ..
فانتظرونا في الحلقة القادمة
و " صداقة بريئة "

مــــــــــــــــن

[اميره بنقابى]

رد: ~♥ أنا والقلــ♥ـوب ومنتــداك ♥~

للرفع

[بنقابى ارضى ربى 2]

رد: ~♥ أنا والقلــ♥ـوب ومنتــداك ♥~

السلام عليكم ورحمة الله وبركاته

جزاكم الله خيرا

اللهم بارك موضوع رااااااااائع

بوركتم

[أميرة بإسلامي2]

رد: ~♥ أنا والقلــ♥ـوب ومنتــداك ♥~

الحلقة الســــــ 7 ـابعة منــــــــــ

●~✿~♥~ أنـا والقلـوب ومنتداك ~♥~✿~●

♥..صداقة بريئة ..♥

في ناس بتتابع الحلقات وبتقول لا ملناش علاقات عاطفية دى مجرد صداقات
ومفهوم الصداقة بين البنت والولد إنتشر بشكل أكبر في مجتمعنا وبقى عادي زي الأخوات
والبنت جنب الولد مهيش كمالة عدد
وممكن تكون البنت مرتبطة بواحد ولها زميل تاني بتعتبره زى أخوها وبتحكيله مشاكلها
وفي جملة مستفزة قوى بقت منتشرة بين البنات إن صداقة الولاد أفضل عشان البنات سوسة وأنانية
فالنهاردة عاوزين نتكلم عن مفهوم الصداقة البريئة دي






●~✿~♥~ أنـا والقلـوب ومنتداك ~♥~✿~●

أنا الحمد لله مليش علاقات عاطفية لإني مش عاوزة أشغل نفسي بالحاجات دي دلوقتي
وبعتبر زمايلي زى أخواتي بالظبط وبيكلموني يطمنوا عليا ولما بنخرج بنخرج مجموعة مع بعض بيكون بعلم أهلي .
عشان ميصحش طبعا أخرج أنا واحد بس

♥♥♥♥♥♥♥♥♥

♥..ألو أنا والقلوب ومنتداك ..♥





يعني الي بيقولوا صداقة الولاد أفضل
عشان طبعا بيبقى شهم وبيساعد مش زي البنات السوس الي بيخبوا كشاكيل المحاضرات

نتكلم بصراحة ما الولد طبيعي لازم يرسم نفسه قدام أي بنت حتى لوهو في قمة الغلاسة والندالة مع أصحابه ومش بيطقوه

دي فطرة طبيعية مخلوقين بيها وفي ميل طبيعي بين الجنسين
فالولد بيحافظ على صورته قوي قدام البنات والعكس بردو

فمش عاوزين نضحك على نفسنا بمبررات
لإن مفيش إنسان في الدنيا كلها بيعمل حاجة إلا ولها عنده مبرر ده حتى الحرامي له مبررات قوية في وجهة نظره للسرقة !!





اللي بتقول إيه الغلط ؟؟
نسأل الأول يعني إيه غلط وصح من الأساس ومين يحدد الصح والغلط ؟!
الصح والغلط نسبي لو سألنا واحدة من أمريكا البنت غلط يبقى ليها بوي فرند هتقول لأ
فدلوقتي مين يحكم بينا لو إختلفنا في حاجة صح ولا غلط
متقوليش الناس لإن الناس كمان أرائها مختلفة !!

طيب سؤال : إيه رأيك في طالب بيذاكر منهج وهيمتحن منهج تاني ؟؟!
يعني بعد ما ذكر واطمن إنه ماشي صح دخل الإمتحان لقى الأسئلة في حاجة تانية خالص ومش عارف يجاوب

فمن الذكاء إنك تتعاملي في حياتك بالمقياس الي هتتحاسبي بيه في أخرتك .

وإلا هتكوني زي الطالب ده بس هو خسر إمتحان وممكن يعيد السنة لكن أحنا لو عشنا حياتنا غلط ملناش إعادة

طب شوفي الأيتين دول :
{فَلَا وَرَبِّكَ لَا يُؤْمِنُونَ حَتَّى يُحَكِّمُوكَ فِيمَا شَجَرَ بَيْنَهُمْ ثُمَّ لَا يَجِدُوا فِي أَنْفُسِهِمْ حَرَجًا مِمَّا قَضَيْتَ وَيُسَلِّمُوا تَسْلِيمًا}[النساء : 65]

{وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْرًا أَنْ يَكُونَ لَهُمُ الْخِيَرَةُ مِنْ أَمْرِهِمْ وَمَنْ يَعْصِ اللَّهَ وَرَسُولَهُ فَقَدْ ضَلَّ ضَلَالًا مُبِينًا} [الأحزاب : 36]

يعني لما ربنا ورسوله يحكموا بشىء أحنا علينا إننا نطيعهم
لإن ده وحي من عند ربنا الي خلقك والي يعلم ما يصلحك وما يفسدك والحلقات الكثير الى عدت علينا كان كثير منها صداقة بريئة أو معرفة عابرة
وسواء عملتي كده أو لأ هو ده الميزان الي هتتحاسبي بيه

وفي الحلقات الي فاتت شوفنا أد إيه التهاون في الأمور البسيطة بيوصل لأمور كبيرة

**فربنا حرم اطلاق النظر وامر بغضه ** وفرض الحجاب على النساء**ونهاهن عن الخضوع بالقول ** ونهى عن لمس الرجل لامرأه لا تحل له ** ونهى عن الخلوه بينهما
وده مش تشدد دي قمة الرحمة والتخفيف
لو في طريق اتجاهين والسرعة غير محددة والعربيات ماشية على 120 الحوادث أسهل ما يمكن !
لكن لو الطريق one wayوالسرعة محددة ده مش تشدد ده حفاظ على السلامة
فمن رحمة ربنا بينا إنه حرم مقدمات الذنب
وده لانه يعلم ضعفنا قال تعالى:

{وَاللَّهُ يُرِيدُ أَنْ يَتُوبَ عَلَيْكُمْ وَيُرِيدُ الَّذِينَ يَتَّبِعُونَ الشَّهَوَاتِ أَنْ تَمِيلُوا مَيْلًا عَظِيمًا 27يُرِيدُ اللَّهُ أَنْ يُخَفِّفَ عَنْكُمْ وَخُلِقَ الْإِنْسَانُ ضَعِيفًا}[النساء 27: 28]





فبكده نتفق إن المعيار اللى بنقيس به أمور حياتنا هو الشرع
يعنى الفعل ده يجوز أو لا يجوز ؟؟يرضى الله أم يغضبه ؟؟
فى ميزان حسناتى أم سيئاتى ؟؟ فليس لنا خيار ثالث
وليس المعيار هو المقبول عرفاً أوالمتقبل بين الناس لإن في حاجات كثير ممكن تكون منتشرة مع إنها مترضيش ربنا !

{وَإِنْ تُطِعْ أَكْثَرَ مَنْ فِي الْأَرْضِ يُضِلُّوكَ عَنْ سَبِيلِ اللَّهِ إِنْ يَتَّبِعُونَ إِلَّا الظَّنَّ وَإِنْ هُمْ إِلَّا يَخْرُصُونَ} [الأنعام : 116]


فمبدأ زي أخويا مينفعش لإنه فعلياً مش أخوكي ولا ينفع تظهري قدامه بغير حجاب مثلا
ولا تكون في بينكم خلوة
ليه ؟ عشان حرام
تمام لنفس السبب مينفعش تكون بينكم صداقة






موضوع النية يبقى في الأعمال الصالحة عشان تجدد نيتك ويبقى في إخلاص لله ممكن في المباحات لو هتعمل العمل لله
لكن لو ربنا حرم حاجة مينفعش أعملها بنية حلوة
في قاعدة بتقول : النية الصالحة لا تصلح عمل فاسد

فمينفعش مثلاً واحد يشرب الخمر وانما الاعمال بالنيات او يسرق ويقول نيتى كويسة
فلما ربنا ينهى عن أي ذنب يبقى مسألة النية هنا ملهاش دخل

قال الرسول صلى الله عليه وسلم ( فإذا نهيتكم عن شيء فاجتنبوه ، وإذا أمرتكم بأمر فأتوا منه ما استطعتم) رواه البخارى

فمحدش يقول نيتي حلوة
يعني هم الصحابة الى هم أفضل البشر بعد الأنبياء وأمهات المؤمنين الى هم أطهر نساء العالمين نواياهم مش حلوة عشان كده ربنا أمرهم بالكلام من وراء حجاب!!!!!


فحتى لو الشخص نواياه سليمه 100% ولا يخطر بباله شىء
فامتثال اوامر الله فرض يجب علينا طاعته

وأحنا بنعبد ربنا إمتثالا لأمره مش عشان مبرر


إنتهت حلقتنا بفضل الله ..

فإنتظرونـــــــــا في الحلقة القادمة
وبداية حلقات الزواج

و " الحب والزواج "
مــــــــــــــــن


●~✿~♥~ أنـا والقلـوب ومنتداك ~♥~✿~●

[بنقابى ارضى ربى 2]

رد: ~♥ أنا والقلــ♥ـوب ومنتــداك ♥~

وعليكم السلام ورحمة الله وبركاته

مااااااااااااشااااااااااااااااء الله لا قوة إلا بالله اللهم بارك

جزاكِ الله خير الجزاء

وبإذن الله متابعة

[روان الهدى]

رد: ~♥ أنا والقلــ♥ـوب ومنتــداك ♥~

فعلا موضوع رائع جدااااااااااااااااااااااااااااا وفعلا دى المشاكل ال موجودة فى عصرنا هذا بس عاوزة اسالكم سؤال انا الحمد لله عمرى ما مشيت مع ولد بس انا حبيت شخص لانه متدين وحافظ القران وكويس بس جه فترة وكلمنى على النت بس كان كلام عادى لانه شخص جارنا بس انا قلتله كدا حرام ومينفعش جه هو تانى كلمنى بس هو ال قالى المرة دى مينفعش وحرام ومتكلمناش تانى بس اقسم بالله كان كلام عادى هو جه خطب احدة تانية بعد ما كان بيقول لاخته انه هيخطبنى بس موضوع خطوبته ده ما بعدنيش عن ربنا بل بالعكس قربنى من ربنا اكتر والحمد لله فهل انا عملت حاجه غلط؟؟؟؟؟؟؟؟ وتغضب ربنا بس والله انا مش زعلانه انه خطب لان كل شئ نصيب واكيد ربنا كاتبلى الخير مع شخص تانى السلام عليكم

[أميرة بإسلامي2]

رد: ~♥ أنا والقلــ♥ـوب ومنتــداك ♥~

فعلا موضوع رائع جدااااااااااااااااااااااااااااا وفعلا دى المشاكل ال موجودة فى عصرنا هذا بس عاوزة اسالكم سؤال انا الحمد لله عمرى ما مشيت مع ولد بس انا حبيت شخص لانه متدين وحافظ القران وكويس بس جه فترة وكلمنى على النت بس كان كلام عادى لانه شخص جارنا بس انا قلتله كدا حرام ومينفعش جه هو تانى كلمنى بس هو ال قالى المرة دى مينفعش وحرام ومتكلمناش تانى بس اقسم بالله كان كلام عادى هو جه خطب احدة تانية بعد ما كان بيقول لاخته انه هيخطبنى بس موضوع خطوبته ده ما بعدنيش عن ربنا بل بالعكس قربنى من ربنا اكتر والحمد لله فهل انا عملت حاجه غلط؟؟؟؟؟؟؟؟ وتغضب ربنا بس والله انا مش زعلانه انه خطب لان كل شئ نصيب واكيد ربنا كاتبلى الخير مع شخص تانى السلام عليكم

السلام عليكم ورحمة الله وبركاته

حياك الله وبياك وجعل سبحانه الجنة مثوانا ومثواك اخيتي

اولا يا اختي مصاحبة الاولاد للبنات حرام يا اختي واحنا عارفين كده كويس

طيب انتي كنت بتكلميه باي حق وهو ليس بمحرم لك؟

عموما اختي ارجعي الى الله وتوبي اليه واستغفريه كثيرا والله لا يرد توبة العبد اختي الغالية

وتقربي لله بالاعمال الصالحة فان الحسنات يذهبن السيئات

واي حاجة انا تحت امرك

وعايزاكي تسمعي الدرس ده

https://forums.way2allah.com/showthread.php?t=170777

والدرس ده
https://forums.way2allah.com/showthread.php?t=170775

وتابعي معانا بقيت الحلقات اختي ونووووووووووورتينا

[أميرة بإسلامي2]

رد: ~♥ أنا والقلــ♥ـوب ومنتــداك ♥~

وعليكم السلام ورحمة الله وبركاته

مااااااااااااشااااااااااااااااء الله لا قوة إلا بالله اللهم بارك

جزاكِ الله خير الجزاء

وبإذن الله متابعة

جزاانا الله واياكم

نورررررررني الموضوع اختي

نفع الله بك

[بنقابى ارضى ربى 2]

رد: ~♥ أنا والقلــ♥ـوب ومنتــداك ♥~

وعليكم السلام ورحمة الله وبركاته

جزاكِ الله خير الجزاء أختاه

وبارك الله فيكِ ونفع بكِ وأثابك

اللهم بارك

بإذن الله متابعة أخيتى

بوركتِ وبورك جهدك

[أبكتنى ذنوبى]

رد: ~♥ أنا والقلــ♥ـوب ومنتــداك ♥~

راااااااااااااااااااااااااااااااائع
ماشاء الله
اسجل حضور ولى عودة إن شاء الله
ننتظر حضورك الطيب أختاه
يسر الله أمرك وأعزك ورفع قدرك

[*تائبة إلى الله*]

رد: ~♥ أنا والقلــ♥ـوب ومنتــداك ♥~

الحلقــــــــــــــــــــ ( 8 )ــــــــــــة

♥.. الحب والزواج..♥


أغلب البنات إن مكنتش كلها بتدخل قصة حب على أمل جواز سعيد وناجح وحياة مستقرة

فحلقتنا النهاردة عن الحب والجواز




ألو أنا والقلوب ومنتداك

أختي أتجوزت زميلها فى الكلية بعد قصة حب دامت 4 سنين
أنا مشفتش اتنين حبوا بعض زيهم وبعد الجواز بسنة طلقها !!!!
أنا مش قادرة استوعب لحد دلوقتي ! وحسة إنى فقدت الثقة فى كل حاجة هو إيه الى بيحصل ؟؟
♥♥♥♥♥♥♥♥♥

ألو أنا والقلوب ومنتداك
أنا مش عاوزة أتجوز جواز تقليدي أنا نفسي أتجوز عن حب
مش عاوزة جواز صالونات
مع إني حسه إن زواج تقليدى أو عن حب كله بقى فاشل ؟بس بقول لو عن حب يبقى أقلها هعيش أول أيام جوازى فى سعادة مش عارفة هو أنا بفكر صح ولا غلط

♥♥♥♥♥♥♥♥♥

ألو أنا والقلوب ومنتداك
أنا في سؤال نفسي أسأله هو الحب مش كفاية عشان الجواز يبقى ناجح ؟ يعني بالعقل كده اتنين بيحبوا بعض أكيد هيحاولوا ينجحوا جوازهم ؟ ليه التجارب مش كده أنا هتجنن


الحب والزواج المفروض إنهم وجهين لعملة واحدة :)
حالياً بقوا في أذهان الناس حاجتين متناقضتين !

دلوقتي الجواز عند البنات بالأخص نوعين
إما جوازعن حب
أو جواز تقليدي أو صالونات

وبقى المنتشر عن الولاد بالأخص الجواز مقبرة الحب وإن قصص الحب بتموت بالجواز وفي النهاية كلهم بيبقوا زى بعض بعد الجواز ولو المأذون من الباب هرب الحب من الشباك

فيعيش حياته ويحب زي ماهو عاوز لكن وقت الجواز يتجوز من نوع تاني ينفع للجواز !

......المشكلة إن البنات مش عاوزة تصدق الحقيقة دي ...

يمكن اتكلمنا في حلقة حب تيك أواي عن ليه كثير من العلاقات مبتوصلش لمرحلة الجواز وليه كثير من الشباب بيتهرب للما يدخل الموضوع في الجد !
عشان هو من البداية دخل الموضوع للهروب من الضغوط فمعندوش إستعداد يتحمل مسئولية وتبقى وسيلة ضغط إضافية

لكن الملاحظ إن النسبة الي بيتم موضوعها وبتتجوز مبتعش الحياة السعيدة الرومانسية الي كانوا بيحلموا بيها !! وحالات كثير بتوصل للطلاق !!! أو تبقى حياة أقل من عادية

ليه ؟؟
فالكلام كثير فعاوزين نتكلم عن كل نقطة لوحدها

لكن لازم تبقي فاهمة حاجتين :

*علاقة الحب مش طريق الجواز
فلو مكتوب لك تتجوزيه هيكون بعلاقة قبل أو من غير ولو مش مكتوب لك القصة بتدوم سنين وبردو مبيتجوزوش ومش محتاجة أمثلة والواقع خير دليل .

بل فى تفكير منتشر عند كثير جدا من الشباب إنه بيحب البنت بمواصفات ولما يتجوز يتجوز بمواصفات تانية خالص !!

* علاقة الحب مش ضمان أبدا لجواز سعيد
بل أحيانا بيكون العكس هو الي صحيح وهنقول ليه


لو هنتكلم عن تقسيمة الجواز المشهورة التقسيمة نفسها غلط !

والتسمية بالصالونات والتقليدي من باب التنفير تحسسك كده
بما إنه ضد الجواز الي عن حب
يبقى أكيد ده جواز عن كره

مين قال كده ؟ الأفلام والقصص :(
ده على إعتبار إن الى متعرفش الى هتتجوزه قبل الجواز ويكون في بنهم علاقة هيبقى جوازها تعيس ومفهوش حب !

طب لو فكرنا بالعقل هو إيه الى بيحصل فى الحالتين ؟؟

فى الحالة الأولى : ميدخلش البيت إلا شخص متوفر فيه الشروط الأساسية الى البنت ممكن تقبل بيها
يعنى بتبقى عارفة المستوى الإجتماعى والتعليمى ووظيفته وسنه
وبيجي وتتم الرؤية
ولو حصل قبول شكلا وموضوعا من حيث أسلوب الكلم والتفكير وغيره والأهل اتفقوا ..
بتتم فترة تعارف أو خطوبة عشان يعرفوا بعض أكثر
وده ميمنعش إنه يحصل ميل قلبي بدون تجاوزات
وبعدها عقد ويكون فى متسع للمشاعر والحب
طب ده مش يحافظ على قلب البنت أكثر ؟؟

كام مشكلة حصلت لإنها اكتشفت إنها الشخص الى اتعلقت بيه مرتبط ! أو مستواه البيت هيرفضه
أو أفكاره طلعت مش ماشية معاها زى الى بتحب واحد على النت ولا من النظرة الأولى وبعدين تلاقيها مش مقتنعة عقليا لكن مشاعرها متعلقة بيه

أو حتى الى بتحب واحد سنين وتعرفه كويس وبعدين تحصل مشكلة ويسيبوا بعض لأى سبب أو حتى اتقدم لكن الأهل ميوافقوش أو حصل إختلاف فى الماديات وتنتهي القصة وقلب البنت معاها !


مش هنقول مفيش خطوبات بتتفسخ
لأ طبعا في ولكن الفكرة نسبة وتناسب
أكيد الوضع الأول أكثر حافظا على قلب البنت وكرامتها

ويكفي إن ده الى ربنا ارتضاه ليكى
وربنا الى خلقك لن يرضى لكى إلا بأفضل شىء

♥ * ♥ * ♥ * ♥ * ♥ * ♥

الغريب إن فى بنات بتتضايق وتقول إن بحس إنى سلعة !
غريب جدا التفكير ده !

مين الى سلعة الى معززة مكرمة فى بيتها ومتدخلش أى حد إلا بمواصفات فإن رضت به وافقت وإن لم ترضى رفضت
ولا الى بتقبل تتكلم وتخرج ويتقالها كلام حب و...... غيره

للأسف المشكلة إننا أتبرمجنا غلط وبنقتنع بكل الأراء إلا الدين
وهنلاقي ده عامل مشترك فى كل المشاكل !

فمن كثر ما الإعلام والأغاني والقصص اتكلمت عن الحب والجواز اتبرمجنا بمعلومات غلط

يعنى من المسلمات إن لازم تحصل قصة حب يا أما مع ابن الجيران يا أما مع زميلها فى الجامعة
حتى قصة الحب بقى مرسوم شكلها وطريقتها وكلماتها
والى مش حاسس بيها يحاول يعيش نفسه بالعافية و يعد النجوم ولو ملوش نفس ويقطع الورد مع إنه ملوش ذنب :)

اتبرمجنا أن دى السعادة وهى دى الطريقة الصح مع إن الواقع مختلف و نسبة فشل الزيجات الى مسبوقة بقصة حب كبيرة جدا

مش هنقول مفيش فشل فى الزيجات التانية لكن نسبة نجاحها أعلى بكثير ( ده في حالة لو تمت بمواصفات صحيحة)
لإنها مبنية على أسس كثير مش على شىء واحد


نرجع لسؤالنا : ليه نسبة فشل الجواز عن حب كبيرة ومش سعيدة زي ما أصحابها كانوا بيتمنوا ؟؟

وده طبيعي عقلاً وشرعاً
فجوازات كثير رغم إنها كانت مبنية على حب
فشلت وحصل طلاق أو أقلها بقت جوازة أبعد ما يكون عن تصوراتهم وملقوش السعادة الى كانوا متوقعينها

أولا - نتكلم بالعقل

1- قائم على أساس واحد ضعيف
تفتكري لو عندك مثلا طربيزة (مائدة )هل تسقيم برجل واحدة ؟
طيب ما بالك لو هتحطي عليها أوزان ثقيلة ؟ هتستقيم وتصمد ؟
طب أفرضي إن رجل الطربيزة مزينة بالنقوش والزخارف ومية الذهب حتى ده هيخليها تصمد ؟

الفكرة إن في بنات بتظن إنها ممكن تبني حياتها كلها
وجوازها ينجح لمجرد إن بتربطها مشاعر بالشخص الى هتتجوزه

المشاعر دي زي رجل الطربيزة في المثال بتاعنا متقدرتش لوحدها تتحمل أعباء الحياة فما بالكم إن كانت في الأصل رجل ضعيفة وهشة والمشاعر واهية
لإن الكل يجيد حب الكلمات والشهوات لإنه بلا ثمن ولا تضحيات ولكن مع أول إختبار يرسب وبشدة !

وبعدين دي حتى لو رجل من فولاذ الطربيزة بردو مش هتكون متزنة برجل واحدة ! ولا تقدر تتحمل الأعباء ...
ومفيش أكثر من أعباء الحياة ...!

****************
2- قائم على صورة خيالية
فاكرين لما اتكلمناعن الصورة الى ف خيال كل شخص وأسطوريتها، المشكلة إن الاتنين تصورا تصورات خيالية ومبالغ فيها وفي معرفتهم ببعض قبل الجواز كل واحد كان بيحاول يطبق الصورة دى !

طبعا مع مراية الحب العامية الى مكنوش شايفين بيها أي عيوب
فكانت بترنلة مليون مرة فيرنها مليون وواحد :))
فتخيلوا إنهم لو اتجوزوا الحياة هتبقى وردي وكل طرف توقع من الطرف التاني حاجات مبالغ فيها فلما ملقهاش وبدأت تظهر العيوب وأكتشف الواقع بدأت المشاكل ! وفي كثير مبيقدرش يتحمل الصدمة دي فبيحصل الإنفصال

ثانيا بالشرع

مش أنتي مسلمة ؟يعني مؤمنة بالله وبرسوله وبتصدقيهم
مش كده ؟ مش معقول تصدقي كلام العقل ومتصدقيش كلام ربنا
طيب هنتكلم عن أسس في دينا ونطبقها على موضوعنا

1-كل ذنب له عقوبة ..العقوبة دي ممكن تكون إبتلاء دنيوي فربنا يكفر بيه الذنب أو عذاب في الأخرة عياذا بالله
أو تتوبي بصدق فربنا يغفر الذنب ويبدله حسنات أو ربنا يعفو

والصدق ده مش لعبة مش هتقولي طب خلاص أول يوم جواز أتوب عن الي فات بحيث متعاقبش والموضوع خلص
أنتى بتتعاملى مع ربنا الى يعلم ما في قلبك ويملك قلبك

علاقة البنت بشخص قبل الجواز عبارة عن سلسلة ذنوب
بداية من كلمات الحب والنظرات مروراً بالتجاوزات الأكبر
ونهاية بيوم الفرح وذنوبه .
إلى جانب نقطة شرك المحبة الى بتكون سبب في إن حبها يكون سبب عذابها زى ما اتكلمنا فى حلقة قبل كده

وكل الذنوب دي لا شك بتأثر على حياتهم الزوجية

{أَمْ حَسِبَ الَّذِينَ اجْتَرَحُوا السَّيِّئَاتِ أَنْ نَجْعَلَهُمْ كَالَّذِينَ آمَنُوا وَعَمِلُوا الصَّالِحَاتِ سَوَاءً مَحْيَاهُمْ وَمَمَاتُهُمْ سَاءَ مَا يَحْكُمُونَ} [الجاثية : 21]

***************
2- مين الى كان بيزين العلاقة قبل الجواز من غير زعل الشيطان
كان الممنوع مرغوب وليل نهار بيزين المعصية فى عنيهم
طب مين هيبقى أول أعداءهم بعد الجواز بردو الشيطان !

شوفي الحديث ده " إن إبليس يضع عرشه على الماء . ثم يبعث سراياه . فأدناهم منه منزلة أعظمهم فتنة . يجيء أحدهم فيقول : فعلت كذا وكذا . فيقول : ما صنعت شيئا . قال ثم يجيء أحدهم فيقول : ما تركته حتى فرقت بينه وبين امرأته . قال فيدنيه منه ويقول : نعم أنت"
صحيح مسلم

فهم قبلوا ولاية الشيطان قبل الزواج وإنه هو الى يتحكم فى تصرفاتهم فربنا تركهم له بعد الزواج ...

فكل واحدة بترتبط عشان الجواز
متعصيش ربنا !
رزقك كده كده هتاخديه
لكن اختاري أنتي عاوزة مين يكون وليك ؟

{وَإِذْ قُلْنَا لِلْمَلَائِكَةِ اسْجُدُوا لِآدَمَ فَسَجَدُوا إِلَّا إِبْلِيسَ كَانَ مِنَ الْجِنِّ فَفَسَقَ عَنْ أَمْرِ رَبِّهِ أَفَتَتَّخِذُونَهُ وَذُرِّيَّتَهُ أَوْلِيَاءَ مِنْ دُونِي وَهُمْ لَكُمْ عَدُوٌّ بِئْسَ لِلظَّالِمِينَ بَدَلًا} [الكهف : 50]
موضوع ذو صلة
لماذا يفشل الزواج ؟؟ حالة طلاق كل 5 دقائق

إنتهت حلقتنا بفضل الله ..

فإنتظرونـــــــــا في الحلقة القادمة
و " فارس أحلامي "

مــــــــــــــــن

[*تائبة إلى الله*]

رد: ~♥ أنا والقلــ♥ـوب ومنتــداك ♥~

الحلقــــــــــــــــــــ ( 9 )ــــــــــــة

♥.. فارس أحلامي ..♥


بعيداً عن مواصفات الخيال و الأحلام
وبعيداً عن التنازلات وشعارات أهي جوازة والسلام :(
هيكون موضوع حلقتنا عن مواصفات فارس الأحلام



ألو أنا والقلوب ومنتداك
أنا اتقدملي شخص بس أنا مش حسة إنى قبلاه خالص :(
فى الوقت نفسه مش عاوزة أرفض مش عاوزة أبقى بتبطر
ومش ضامنة يجيلي حد كويس تاني
♥♥♥♥♥♥♥♥♥
ألو أنا والقلوب ومنتداك
أنا متقدملي شخص مواصفاته كويسة بس مش ملتزم قوي
أنا كان حلمي في إنسان ملتزم بس قالوا إنه طيب وعنده إستعداد يتغير أوافق ؟





بداية طبعاً لازم تبقي عارفة إن قرار الجواز قرار مصيري مش حاجة سهلة لإن أثار القرار ده هتأثر عليكي باقي حياتك وأنتي لوحدك الي هتتحملي نتيجة إختيارك !

فمطلوب حاجتين :

1- الإستخارة وتفويض الأمر كاملا لربنا
لإن مهما بلغ عقلك وعقل الى حواليكى مستحيل تعرفوا الغيب ولا تعرفي جوازك من الشخص ده خير ولا شر
فأهم حاجة الإستخارة مع التوكل على ربنا وحسن الظن به



2- تفكري بعقلك وتخدي بالأسباب
وتشوفي فيه إتفاق مع الشخص ده ولا لأ ؟

وهنا عاوزين نتكلم في نقطتين

1- أنتي هدفك إيه من الجواز ؟


هدفك إيه ؟ سؤال شكله رخم بس مهم

بصرف النظر عن الفطرة الطبيعية إن البنت عاوزة تتجوز وتحب ويكون لها بيتها وأولادها برده
هنسأل هدفك إيه لإن الفكرة مش جوازة والسلام

يعني في بنات الى شاغلهم إنها تتجوز عشان كل اصحابها وقرايبها اتجوزا فمش مستحملة نظرات الناس

وواحدة قضيتها تبعد عن بيتها وأهلها عشان منكدين عليها
سواء في موضوع الجواز أو لإختلاف في الأفكار

وواحدة حسة إنها مش عارفة تلتزم أكثر في بيت أهلها وبيعارضوها جامد فحطة الأمل على إن حد يجي ينجدها بحيث متكونش مضغوطة كده
فدلوقتي لازم تبقى عارفة هل الجواز ده في حد ذاته غاية ؟ ولا وسيلة ؟
يعني الهدف انك تتجوزى ويقولوا فلانة اتجوزت وخلفت وبعد كده أى حاجة مش مشكلة وأهي عيشة والسلام !

ولا الجواز ده وسيلة للإستقرار وإنك تبني أسرة مسلمة وإنك وزوجك تعينوا بعض على غربة الدنيا عشان توصلوا الجنة

لو اتكلمنا بصراحة ,,كثير بيقول كلام زي الفل وعند التطبيق
انتى ممكن تضحكى على غيرك لكن متضحكيش على نفسك
كوني صريحة عشان متتشتتش .
أنتي عاوزة إيه ؟ وعلى أساسه هتحددي توافقي على إيه وترفضي إيه ؟




2- إيه هي النقاط الي هتدوري عليها في الشخص الي متقدملك ؟

بالترتيب كده

1*الدين والأخلاق
2- القبول
3- التكافؤ والتفاهم في الافكار والطباع

**الدين والأخلاق دول الأساس تسألي عليهم قبل ما الشخص يجي ومتدخليش حد البيت مش راضية عن دينه .

**بعد كده الرؤية والقبول ودي حاجة مهمة جدا مش دلع بنات ولا بطر ولا رفض للنعمة ولا,,,,, إلى أخره من جمل الأهل .
لو مش متقبلاه دي مشكلة كبيرة حتى لو فيه كل المواصفات

** التكافؤ من السن والمستوى التعليمي والإجتماعي بتبقى معروفة من قبل ما الشخص بيتقدم
**أما التفاهم واختلاف الطباع وغيرها بتظهر في فترة التعارف وبنسب

نوضح نقطتين :)

1)الكلام الكثير ده أنتى هتعرفيه( بنسب ) يعنى مش بصورة كاملة حسب ما هيظهر من تصرفاته
فأنتى هتحكمى على الظاهر وبتستخيرى لإن الباطن لا يعلمه إلا الله

2) مش مطلوب إنه يجيب 10 من 10 فى كل نقطة :))
فلكل واحدة حد أدنى تقبله وقد يختلف الحد الأدنى من واحدة للتانية وهذا شىء لا تلام فيه فالناس تختلف
ولكن المقصود يكون الأمر بنسب معقولة بالنسبة لها



الأسئلة الأكثر شيوعاً :)))

إيه الحد الأدنى المطلوب في الدين ؟ والحد الأدنى للقبول والتكافؤ وأمتى تقبل الإختلاف ؟ وأمتى تتنازل وأمتى لأ ؟

طبعا منقدرش نقول حاجات محددة تمشي على الكل لإننا مختلفين بينا وين بعض
لكن دايما يكون في نسبة وتناسب بين شخصيتك وحياتك وبين الى هتوافقي عليه

وهنقول حاجات كمعايير عامة في كل نقطة وكل واحدة تطبقها على نفسها

القبول : زى ما قلنا مهم جدا ده إنسان هتعيشي معاه باقية حياتك لو في نفور أو مش قبلاه هتظلميه وهتظلمي نفسك الموضوع مش دوا مر هتضغطي على نفسك فيه يومين ثلاثة لأ دي حياة كاملة

طبعا مش المطلوب يكون بنسبة 315% :)))
ولكن المطلوب قدر من الشعور بالإرتياح والأحترام
يعنى شكله وطريقه كلامه وأسلوبه يكون مقبول بالنسبة لك
مش راكبك عفريت وحسة بنفور ومش طايقة حياتك :)

التكافؤ مهم مش في ذاته ولكن عشان يكن في قدر من التفاهم ومش مطلوب من التكافؤ التماثل هى خريجة كلية قمة يبقى لازم يبقى خريج كلية قمة
بس مقصود قبول بالمستوى الفكري والتعليمي والإجتماعي والمادي للشخص المتقدم
بحيث لتبقى حسة إنها متنازلة ولا بردو الموضوع يكون عبارة عن تفاخر خطيبى كذا ومستواه كذا
أنت متقبليش واحد عشان تغيظى بيه الناس ولا أى حد ميتناسبش معاكي عشان يبقى اسمك اتجوزتي وخلاص

التفاهم والطباع : وارد طبعا تكونوا مختلفين فى بعض الطباع ، لكن يكون
إختلاف مقبول ، بحيث يكون فى تقبل لعيوب الطرف الأخر وميدخلش كل واحد على أمل إنه هيغير التانى لإن ده مبيحصلش

الأخلاق :مش محتاجة كلام طبعا مش هيبقى كامل الأوصاف ولا هيبقى زى الى بنقرى عنها فى كتب السيرة :)
بس أقلها وقاف عند حدود الله ومبيصرش ولا يكابر على غلط

نجي لأهم نقطة وهى الدين
الحد الأدنى ممكن نلخصه في حاجتين :

1-حبه للدين وطريقة فهمه له
لازم يكون بيحب الدين

يعني في واحد تلقي الدين مش في قايمة اهتماماته ، مش بيقدر نقطة الإنشغال بالدين والدنيا عنده أولى بالوقت والجهد
ورأى الدين زى أى رأى ممكن ياخد بيه أو لأ !
عنده استسهال بأمور الدين وكل المواضيع عنده فيها خلاف و اعمل الى على مزاجي وبيجادل فى كل حاجة وبدون علم

2 يبقى بيخاف ربنا بيبعد عن المحرمات و بيحاول يطيع ربنا ما استطاع وبيعترف بغلطه ويصلحه


قال رسول الله صلى الله عليه وسلم
فإذا نهيتكم عن شيء فاجتنبوه ، وإذا أمرتكم بأمر فأتوا منه ما استطعتم

لكن واحد حياته كلها مخالفات ظاهرة سجاير و اغاني واختلاط وشات وغيره متسمعيش كلام خديه وربنا يهديه على أيدك وتاخدي ثوابه :)))

وهنا في نقطة مهمة : ى بنات تقول ما أنا بردو عندي ذنوب هطلب إنه يكون من غير ذنوب !!

أكيد مفيش حد معندوش ذنوب ولكن أحنا بنتكلم عن الإصرار على الذنب الذنب الى له وجود فى حياته ووقت ومستمر
والى بيعمل ذنب غالبا واحد من ثلاثة.
1- شخص الدين مش في باله وممكن يكابر ويعاند بالباطل عشان يثبت انه صح وده أسؤهم
2- شخص تاني عارف إنه غلط ومبيكابرش لكن بيدى لنفسه مليون عذر ومبرر فبالتالى مستسلم لحياته بالشكل ده وبيكتفي إنه يقول ادعولى وأكيد عاوز اتغير.

3 - شخص بيعمل الذنب ضعف ويرجع يندم ويتوب ويعيط ويبقى كاره نفسه عشان صى وممكن يرجع يضعف تاني
لكن مبيبطلش محاولة

طبعا أنتى مش هتعرفى تدخلى جو نيته لكن فى حاجة ممكن تبين
وهى إن الإنسان الى عاوز طريق ربنا وبيجاهد هتلاقيه فى طريق الالتزام بيتقدم ولو ببطىء يعني في حاجات فعلا اتغيرت فيه وحاجات بيحاول فيها
يعنى فى المجمل حد كويس وماشي لقدام ممكن يكون عنده مشكله اتنين
لإن ربنا قال {وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا وَإِنَّ اللَّهَ لَمَعَ الْمُحْسِنِينَ} [العنكبوت : 69]
لكن واحد عنده لسته مشاكل وبيقول بيجاهد وبيحاول صعب !!
إلا إذا كان لسه بادىء يقرب من ربنا

دلوقتى لما بنجى نوافق على أى شىء فى حياتنا أو نرفضه أو نحكم عليه ونقيمه من خلال الواقع مش من خلال التوقعات
يعنى دلوقتي عندنا معطيات معينة بنحكم عليها
ومش معنى كده إنك بتقيمي إيمان الإنسان لا طبعا ولكن أنتى بتشوفي يناسبك ولا لأ فى نقطة الدين فى الوقت الحالي
لإن كل شىء فى الدنيا ممكن يتغير
ولكن
الغيب علمه عند ربنا وحده وعشان كده ربنا شرع الاستخارة
لكن فى النهاية حكمنا بيكون على واقع ملموس

زى ما واحد بيعمل مشروع فبيعمل دراسة جدوى وبيحسب رأس المال الى معاه فعليا دلوقتى مش الى بيتمنى يبقى معاه

كل الناس نفسها تبقى ناجحة ونفسها تبقى سعيدة ونفسها تبقى غنية ونفسها تطيع ربنا ونفسها تدخل الجنة من غير حساب ولا عذاب
لكن هل كل الناس فعلا سعيدة وناجحة وغنية وبتطيع ربنا وهتدخل الجنة بلا حساب ولا عذاب!! ؟؟

فالموضوع مش ( نفسي فى إيه )الموضوع ( أنا فعليا عملت إيه )
يعني مينفعش توافقي ( بوعود بالتنفيذ ) !





سؤال بيتسأل كثير بردو :)
أمتى أتنازل لو مواصفات العريس أقل من المطلوب
عامة مفيش عريس فول أوبشن بالضمان :)))
وأنتى كمان ليكي عيوبك فوازني بين صفات العريس وعلى أساس أهدافك الى أنتى محددها في البداية ممكن تتنازلي عن الحاجات الأقل في الأولوية حسب شخصيتك

بس متتنازليش في 3 حالات:

1-متتنازليش في دينك لإن كل خسارة دنيوية بيبقى مقابلها أجر وتمني نفسك بالجنة
لكن لو خسرتي دينك خسرتي الدنيا والأخرة !!

2- متتنازليش على أمل إنه هيتغير ، يعنى صفة معينة فيه أو مشكلة عنده عاوزة تقبلى وضع اقبليه زى ما هو دلوقتى عشان تعرفي تتأقلمي معاه
اتغير يبقى خير متغيرش يبقى ده الى كنتى مرتب نفسك عليه

3- متتنازليش على مضض وانتي حسة انك مضحية لإن لو بدأتي حياتك بالإحساس ده هتفضلي من جواكى مستنية من الشخص ده نتيجة تضحيتك ولو ملقتيش ده ( وغالبا مش هتلاقيه طبعا )
هيبقى جواكى إحساس رضينا بالهم والهم مرضيش بينا :)))
وده غصب عنك هيظهر فى تصرفاتك ودي خطوط حمراء وسوداء وكحلى عند أى راجل


يعنى الخلاصة تتنازلى فى حاجة غير دينك وفى حاجة تقدرى تتعايشى معاها لو متغيرتش وبطيب نفس


إنتهت حلقتنا بفضل الله ..

فإنتظرونـــــــــا في الحلقة القادمة
ومشكلة شائعة و" اتجوز ولا اعنس "

مــــــــــــــــن

[*تائبة إلى الله*]

رد: ~♥ أنا والقلــ♥ـوب ومنتــداك ♥~

الحلقــــــــــــــــــــ ( 10)ــــــــــــة

♥.. اتجوز ولا اعنس ..♥


الحلقة مش محتاجة تعريف و باينة من عنوانها
ومش محتاجة إتصالات :)




إنتظار الزواج الموضوع ده بقى واخد أكبر من حجمه بشكل مخيف !
تلاقي بنات من أول ما تكمل 20 سنة بتبص في الساعة:) وقلقانة من زحمة المواصلات الى ممكن تعطل العريس المنتظر والى أكبر من كده على أعصابها والى عدت ال 30
والي مكتئبة وحزينة ! والي ضغطها بيعلى لما بتبص في النتيجة أو تسمع عن فرح واحدة صحبتها
والي كارهة حياتها والي بتعمل كل المخالفات على أمل إنها تتجوز !!

ليه ده كله !!!
فقبل ما نتكلم بلاش تبقى المواضيع على أعصابك وبلاش تنشنة ريلااااااااااااااااااااكس خالص :)
وأدي الشيزلونج وكوباية ليمون عشان نتكلم بهدوء




الحلقة هتكون عبارة عن نظرية الاءات " جمع لا :) "

×1- لا للتنازلات والتعلق بالأسباب .....

●ما هو سبب عدم جوازك ده البطر شوفي كام واحد رفضتيهم
ماله العريس الأصلع الى جه من 11سنة
●هتتجوزى إزاي طول ما أنتى لابسة اللبس المنعكش الواسع ده مش لو كنتى زى باقى البنات كان زمانك اتجوزتي
●هى فلانة السبب عينها مدورة ومعروف عنها الحسد أكيد هى الى حسداكى وموقفة حالك :0
●هو العريس ده هينزل عليكى من السما مش لازم تخرجى وتشوفى الناس ويشوفوكى يمكن حد يتحول ويجي يتقدم :)

●خليكى ما أنتى عاوزة واحد تفصيل نجبهولك منين ؟ من المريخ :) ؟
● بلا شروط بلا دلع بنات إن كان الدين ربنا يهديه ! والصفات ابنك على ما تربيه وجوزك على ما تعوديه :) وقبول إيه وبتاع بعد الجواز كله محصل بعضه وأهي عيشة والسلام !! وأهو ظل راجل ولا ظل حيطة
●هو أكيد عمل ! فلانة بنتها مكنتش بتتجوز لحد ما جابوا شيخ وقرالها واتخطبت بعدها بأسبوع


إيه ده !!
هو أحنا عندنا إنفصام في الشخصية ؟؟
يعني ليل نهار " بنردد إن ربنا هو الرزاق ....ورزق الإنسان مكتوب قبل ما يتولد.... وإن الرزق يطلب صاحبه كما يطلبه الموت ...ولن تموت نفسا قبل أن تستوفى رزقها ..."
وفي الأخر ده يبقى كلامنا ...!!

أوعي تدخلي فى دوامة طب أنا صح ولا هم ؟ طب اغير لبسي
طب انزل ؟ أصل الناس هتشوفني إزاي !
وتندمي على العريس الى راح والي كان ... خلاص الى فات فات وهو مكنش نصيبك من الأساس وكل الأسباب الي فاتت شماعات مش أكثر
أمال فين اليقين ؟؟هو أحنا محتاجين تاني نعرف إن ربنا هو الرزاق ؟؟


تيجي واحدة تقول طب وإيه المشكلة مش المفروض في دينا ناخد بالأسباب ؟؟؟؟

مشكلتنا إننا بنخلط الأمور حسب مزاجنا :))
الأسباب الي دينا أمرنا بيها هي الأسباب الي ربنا أمر بيها والأسباب المباحة ..لكن أسباب عكس الي ربنا أمر بيه تبقى أسباب للرزق إزاي

فإن كان ربنا أمرك بالحجاب وعدم الإختلاط وعدم الخضوع بالقول
تبقى إزاي أسباب للزواج الى بتقولي إن دينا أمرنا بيها

ربنا قال { وَمَنْ يَتَّقِ اللَّهَ يَجْعَلْ لَهُ مَخْرَجًا (2) وَيَرْزُقْهُ مِنْ حَيْثُ لَا يَحْتَسِبُ وَمَنْ يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا (3)} [الطلاق : 2 - 3]


طب خلاص اسمع كلامهم وأي حد والسلام وأخلص :(
أحنا اتفقنا الحلقة الى فاتت إنك لازم تكوني صريحة مع نفسك وتعرفي أنتى عاوزة إيه وتتمسكي بأهدافك دي

لكن لو أنتى قضيتك إنك تغيرى البطاقة من أعزب لمتزوج
ممكن تحطي استيكر أسهل

للأسف كثير من الي اتجوزا هروبا من لقب عانس خدوا لقب مطلقة
أو زوجة تعيسة

ده طبعا مش معناه إنك تستني العريس الفول أوبشن بالضمان والصيانة
لكن معناه إنك متخليش عوامل خارجية تضغط عليكى ولما تتنازلي يكون فى ب3 شروط الي قولناهم في الحلقة الي فاتت ..

وفي النهاية أنتى الى لوحدك الى هتتحملي نتيجة أى قرار سواء وافقتي أو رفضتي مش أى حد تاني
فلازم تكوني مقتنعة بتعملي إيه وتستخيرى كويس ..



×2- لا للتسخط واليأس.....

لما نيجي نقول متتعلقيش بالأسباب وكل الموضوع بيد الخالق وحده
تلاقي فى بنات تتسخط وأشمعنة أنا الى متجوزتش برغم إن فلانة وهى أبعد عن ربنا أتجوزت وفلانة أقل مني ..وفلانة ...!!!

وبنات تيأس وتقول لو على كده يبقى مستحيل لإنى أصلا مستحقش وممكن ربنا يبتلينى عشان ذنوبي

نبدأ باليائسة الأول :)

سبحان الله ليه اليأس ؟و تفقدي الأمل ليه ؟ وتفقديه في مين ؟ في الله !!
لو ربنا بيعامل الإنسان بما يستحق كان خسف بينا الأرض من زمان أو أنزل علينا عذاب أليم
{وَلَوْ يُؤَاخِذُ اللَّهُ النَّاسَ بِظُلْمِهِمْ مَا تَرَكَ عَلَيْهَا مِنْ دَابَّةٍ وَلَكِنْ يُؤَخِّرُهُمْ إِلَى أَجَلٍ مُسَمًّى فَإِذَا جَاءَ أَجَلُهُمْ لَا يَسْتَأْخِرُونَ سَاعَةً وَلَا يَسْتَقْدِمُونَ} [النحل : 61]
ولكن من رحمة ربنا إنه بيعاملنا بفضله وإحسانه
لأنه سبحانه لا يعجزه شيء فى الأرض و لا في السماء يقول للشيء كن فيكون
كان الشيخ العريفي بيحكي إنه قابل شخص فسأله هل متزوج فقال له نعم منذ عدد من السنين فسأله : كم لديه من الأبناء
فأجابه أنه لم يرزق أولاد ، فقال له الشيخ : أدعو الله أن يرزقك أولادا
فقال الرجل ياشيخ الأطباء قالوا مفيش أمل
فقال له: سبحان الله إذا قال الأطباء مفيش أمل تفقد الأمل بالله و تتوقف عن الدعاء !!!!!




طيب الي في قلبها تسخط ..
(ولازم كل واحدة تكون صريحة مع نفسها وتسألها : أنتي راضية بجد ولا لأ ؟؟)

تعالوا نفصص المشكلة أنتى مش راضية ليه ؟

1- شايفة نفسك أفضل
أحيانا الشيطان يزرع في القلب إنك أحسن من غيرك فلانة لبسها وأسلوبها مش ملتزم ومع كده اتجوزت !
فلانة شكلها أقل مني بكثير في الجمال ومع كده !
فلانة أخلاقها وطريقتها في الكلام وأسلوبها ... ومع كده ..!
يالا ..اللهم لا إعتراض !
أمال لو كان في إعتراض كنتى قولتي إيه
فأول حاجة تعرفيها إنه محض فضل وملكيش حق الإعتراض من الأساس :)


2- فاهمة غلط إن النعم الدنيوية دليل حب ربنا !

أقري الحديثين دول

قال رسول الله صلى الله عليه و سلم " إذا رأيتم الرجل يعطيه الله ما يحب وهو مقيم على معصيته فاعلموا أن ذلك استدراج , ثم قرأ قوله تعالى : { فلما نسوا ما ذكروا به فتحنا عليهم أبواب كل شيء } اسناده حسن

و قال رسول الله ( إن الله قسم بينكم أخلاقكم ، كما قسم بينكم أرزاقكم ، وإن الله يعطي الدنيا من يحب ومن لا يحب ، ولا يعطي الدين إلا لمن أحب ، فمن أعطاه الله الدين فقد أحبه ....،)الى اخر قوله إسناده صحيح

فليس كل حرمان من نعمة ...عقوبة وليس كل نعمة ينعم على العبد بها ..رضا

ولكن كل ما قربك منه خير حتى وإن كان أمرا تكرهه النفس وكل ما بعدك عنه شر حتى وإن كان من نعيم الدنيا ومما تحبه النفس

فلو أعطاكي مال كثيرا أو صحة وقوة ثم عصيتيه بهما فاعلمي إن إعطاؤه ليكي إستدراج وإن المال والصحة أصبحوا شرا لكي
وفي المقابل إن حرمك نعمة فتقربتي إليه فاعلمي إن هذا عين العطاء


3- بتسيء الظن بربنا متخيلة إنه بيعذبك مثلا !!

ربنا قادر يقول للشىء كن فيكون فمش هيمنعك عجز
وكريم جدا فمش هيمنعك بخل
وغني خزائنه لا تنفذ فمش هيمنعك فقر
ورحيم أرحم عليكى من نفسك فمش هيمنعك قسوة
فتيقني إنه مبيمنعكيش إلا لحكمة ولمصلحة ليكى أنتى لإنه غني ولا يحتاج لشىء


فلا تتعجلي رزق الله و لا تطلبيه بمعصية الله
فلن تنالي إلا ما كتبه الله لكي في الوقت الذي قدره لكي مهما فعلتي


4-لسه قلبك معرفش معنى الرضا

متسبيش الشيطان يسيطر على قلبك
ويفسد عليكي طاعة هى سبب سعادة الدنيا والأخرة وهى الرضــــــا
فالرضا دواء كل شيء في هذه الدنيا التي جُبلت على كدر لتهفو قلوبنا للآخره ولجنات عدن

و في فرق بين الصبر والرضا

فالصبر : أن تتحملي ولا تتسخطي مع تجرع المرارة دون تسخط .

أما الرضا : فهو أن القلب يكون راض سعيد بقضاء الله فهو غير متألم ولا متسخط .

فادعي ربنا يملأ قلبك رضا وسعادة
فرضاكِ من علامات قوة إيمانك

فأمتى هيظهر الإيمان لو مظهرش في الإبتلاءات ؟

قال تعالى {الم (1) أَحَسِبَ النَّاسُ أَنْ يُتْرَكُوا أَنْ يَقُولُوا آمَنَّا وَهُمْ لَا يُفْتَنُونَ (2) وَلَقَدْ فَتَنَّا الَّذِينَ مِنْ قَبْلِهِمْ فَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الْكَاذِبِينَ (3)} [العنكبوت : 1 - 3]

وهدية لكل واحدة فى قلبها شىء من عدم الرضا
موقف من السيرة جميل جدا أقريه بقلبك قبل لسانك


اقتباس:
الغني لا يمنعك بخلا ولا عجزا ولكن افهم عن الغني من موقف الرسول صلى الله عليه وسلم

عن عمرو بن تغلب " أن الرسول الله صلى الله عليه وسلم أتي بمال ، أو بسبي ، فقسمه ، فأعطى رجالا وترك رجالا ، فبلغه أن الذين ترك عتبوا ، فحمد الله ثم أثنى عليه ، ثم قال : أما بعد ، فوالله إني لأعطي الرجال وأدع الرجال ، والذي أدع أحب إلي من الذي أعطي ، ولكن أعطي أقواما لما أرى في قلوبهم من الجزع والهلع ،وأكل أقواما إلى ما جعل الله في قلوبهم من الغنى والخير ،

وفى قول أخر
أوجدتم في أنفسكم يا معشر الأنصار في لعاعة من الدنيا تألفت بها قوما ليسلموا ، ووكلتكم إلى إسلامكم أفلا ترضون يا معشر الأنصار أن يذهب الناس بالشاة والبعير وترجعون برسول الله – صلى الله عليه وعلى آله وسلم – في رحالكم فوالذي نفس محمد بيده لولا الهجرة لكنت امرءا من الأنصار ولو سلك الناس شعبا وسلكت الأنصار شعبا لسلكت شعب الأنصار . اللهم ارحم الأنصار وأبناء الأنصار وأبناء أبناء الأنصار . قال : فبكى القوم حتى أخضلوا لحاهم وقالوا : رضينا برسول الله – صلى الله عليه وعلى آله وسلم – قسما وحظا .



×3- لا للإكتئاب والإنعزال .....
والله الواحد بيشوف حاجات عجيبة جدا !
تلاقي واحدة مكتئبة ومتوترة وحابسة نفسها وكارهة الدنيا والى فيها ومعتزلة الناس والحياة
مالك فى إيه ؟ فتطلع المشكلة إنها متجوزتش طب إيه المشكلة بردو
مينفعش أبدا يكون ده سبب في عذابك و حزنك !
و محور تركيزك و اهتمامك الأول .

ليه تتقوقعي في نفسك وتنعزلي
عيشي كل لحظة فى حياتك واستمتعي بيها في طاعة ربك
لعل ربنا بيفرغك لشىء أكبر لعل الفترة دي تكون فرصة ليكي إنك تتعلمى دينك وتعرفى ربك وتحفظي القرآن قبل ما تنشغلى بالجواز .



والى بتفكر وشايلة الهم لحسن لما تكبر يتأخر زواجها نقولها
في حكمة بتقول : لا تعبر جسرا قبل أن تأتيه
فعمر الانسان رأس ماله فمينفعش تضيعيه في القلق
والوقت الضائع أنتي أولى به
ومحدش يعرف إن كان هيعيش لحظة كمان ولا دي أخر لحظة ..!

قصة حقيقية : بنت كانت بتشتغل فى محل كوافير كان كل حلمها فى حياتها إنها تتجوز ودايما كانت تقول مش عاوزة حاجة غير إنى أتجوز وأفرح ولو أيام قبل ما أموت .....للأسف مكنتش بتصلي ولا ملتزمة بالحجاب ولا الدين في بالها ...
اتجوزت وحققت حلمها ...وماتت بعد شهرين من جوازها !!
تفتكري لو كانت تعرف كان هيبقى هو ده حلمها !





×4- لا للإنتظار .....
في ناس بتوقف حياتها الحالية على إنتظار حياتها المستقبلية !

الي منتظرة الجواز عشان تلتزم ×
قاعدة خديها : موضوع إنك تنتظرى شىء يصلح علاقتك بربنا
سواء الشىء ده نعمة أو شخص أو حاجة تحصل فده من وسوسة الشيطان للتسويف
وكثير جدا كان يظن إن حاجة معينة لو حصلت هتقربه من ربنا فتكون فتنة له
فى ناس متفتنش إلا لما ربنا رزقها بالمال وفى الي فتنتها بتكون بسبب الزواج!
فعلاقتك بربنا افصليها تماما عن أى ظروف وأى حاجة فى الدنيا


والي منتظراه عشان تبقى سعيدة ×
مين قالك إنك هتكوني سعيدة مش وارد العكس
طبعا ربنا يسعدكم دنيا وأخرة بس في النهاية ده غيب !
وليه تأجلي سعادتك وتعيشي مش سعيدة
إيه الى مانعك تكوني سعيدة دلوقتي ؟!
ومين قال إن السعادة = أسباب مادية !
بصي حوايكى هتلاقى ناس معاها كل حاجة من أمور الدنيا لكن مش سعيدة !
والعكس موجود ..
أوعي تنتظري حد أو شىء يسعدك وخلي سعادتك من جواكي من صلتك بربك


والي منتظراه عشان يبقى لها دور وتحس انها نجحت فى حياتها ×
فى بنات بتبقى مستنية تتجوز عشان تلاقي سبب لحياتها وأما حد يسألها ويقولها عايشة ليه تقول عشان أربي العيال
طب فرضا مفيش عيال يبقى أنتى كده ملكيش لازمة

أنتي اتخلقتي عشان تعبدي ربنا فلو رحتي تقابليه من غير ما تعرفيه هتبقى مشكلة كبيرة جدا لكن لو قابلتيه من غير ما تتزوجي لن يضرك الأمر فى شيء


انتهت نظرية اللاءات :)
وإنتهت حلقتنا ومعها حلقات الزواج

وسنبدأ الحلقات الختامية
فإنتظرونـــــــــا في الحلقة القادمة

و " القرار الحاسم "


مــــــــــــــــن

[*تائبة إلى الله*]

رد: ~♥ أنا والقلــ♥ـوب ومنتــداك ♥~

الحلقــــــــــــــــــــ (11)ــــــــــــة
♥.. القرار الحاسم..♥


بعد ما اتكلمنا كثير في الحلقات الي فاتت عن العلاقات بأنواعها المختلفة
بعد ما اتكلمنا بالعقل والمنطق والشرع

ناوية على إيه ؟؟؟
مش هينفع الكلام يفضل مجرد كلام ...!

الموضوع محتاج منك قرار حاسم

الموضوع محسوم شرعا و عقلا....

فعلاقتك بيه شرعا لا تجوز
ومهما كانت علاقتكم قوية وأسطورية مش هتغير في قدر الله شىء .
والعلاقة دي لا سبب في الجواز ولا عامل نجاح في الجواز بل أحيانا كثير العكس زي ما قلنا هنا

يعني كل المسألة ذنوب وتعب قلب وعذاب !!

في بنات كثير عارفة الكلام ده كويس وعارفة إنه بالعقل والشرع الي بتعمله غلط
لكن مشكلتها مع " القلب " و مع " الحب "
مش هقدر ، هتعب ، هظلمه ، ذنبه إيه ...........

النهاردة كلامنا كله عشان نقول إن الموضوع زي ما محسوم بالشرع والعقل محسوم بردو مع القلب
بس ده لو قلبك يعرف بجد يعني إيه حب ؟


لو قلبك بجد بيعرف يحب يبقى لازم تاخدي القرار وتسبيه لله



♥ لو بتحبي ربنا ......اقطعي علاقتك بيه

أنتى مش يتحبي ربنا ؟؟
مش بتحبي الي خلقك ورزقك وسترك وعافاكِ من الأمراض والمصائب ؟
شوفي كام واحدة مشوهة وكام واحدة مشردة وكام واحدة عندها فشل كلوي وكام واحدة عندها سرطان ...مين عافاكي غيره ؟

مش بتحبي الي يعلم معاصيكي ومع ذلك يسترك ؟ كام مرة كنتي في أزمة وفرج عنك ؟ كام مرة دعتيه وأنتى تعبانة وإستجاب لك ؟ كام نعمة أنعمها عليكي وبرغم قلة شكرك لم يحرمك ؟كام مرة إبتلاكي ليطهرك من ذنوبك وبرغم قلة صبرك فرج كربك ؟

مش بتحبي من بيده أمرك كله وسعادتك ورزقك ومستقبلك وحياتك ومماتك ؟
مش بتحبي من هو أرحم عليكي من نفسك ومن أحب الناس ليكي مش بتحبيه إزاي وهو سبحانه بيحبك !


فكري في ربنا

يعني مين أغلى عندك ويهمك إنك متزعليهوش !!

أنتي لو قطعتي علاقتك به يمكن يزعل لكن ربنا هيرضى
ولو استمريتى ممكن متزعلهوش لكن ربنا هيغضب عليكم

أنتي بقى هتختاري إيه ؟؟؟؟؟؟؟


فين حبك لربنا ؟؟
مش خايفة وقت الحساب سيقررك ربك بكل ذنب يوم يوم وساعة ساعة وكلمة كلمة
هتقدري تتحملي سرد ذنوبك ؟
هتقدري تتحملي سؤاله سبحانه وعتابه
{يَا أَيُّهَا الْإِنْسَانُ مَا غَرَّكَ بِرَبِّكَ الْكَرِيمِ} [الانفطار : 6]

عارفة لما تسبيه لله ربنا هيهونها عليكي حتى لو اتألمتي شوية لكن ربنا هيبدلك إحساس ولذة لا تتخيليها هتدوقي لذة الحب بجد والراحة جربي بس كده تفضفضي لربنا وتبيكي بين إيده وتطلبي منه يخرج الحب الحرام من قلبك وأشغلي فراغك بالطاعة وأوعدك هتحسي بسعادة عمرك ماحستيها ربنا كريم سترك كتير وأنعم عليكي وإنتي عاصيه أمال لو اطعتي؟!




♥ لو بتحبي الرسول صلى الله عليه وسلم......اقطعي علاقتك بيه

مش بتحبيرسولك الي كان بيبكي ويقول أمتي أمتي
كان بيبكي خوفا عليا وعليكي من النار !
رسولك الي بكى وقال أشتقت إلى إخواني فلما سأله الصحابة ألسنا أخوانك قال عن أخوانه
قوم آمنوا بي ولم يروني
يااااااه الرسول إشتاق لنا وأحنا قلوبنا إيه حجر ؟ ومشغولة بحب حرام !

رسولك إلى أهتم بيكي وتركك وصية في رقبة الرجال وقال رفقاً بالقوارير عاملك زي حاجة ثمينة وغالية خاف على قلبك من الجرح والكسر أو إنك متبقيش غالية تبقى مجرد تسلية ولما يفكر في زوجة يبسبك لا لا إنتي غالية اوي

رسولك الي اتحمل الأذى وسفاهة الكفار وإيائهم ليل نهار
ويوم الطائف بعد الإيذاء الشديد يرفض الدعاء بالهلاك عليهم ويقول
بل أرجو أن يُخرِجَ الله من أصلابهم مَنْ يعبد الله وحده لا يُشرك به شيئا

عشان أخرج أنا وأنتي نطلع مسلمين
وأنتي بالساهل كده بتفرطي في ضوابط دينك

فين حبك ليه ...
أنا فرطكم على الحوض ، من ورده شرب منه ، ومن شرب منه لم يظمأ بعده أبدا ، ليردن علي أقوام أعرفهم ويعرفونني ، ثم يحال بيني وبينهم . قال أبو حازم : فسمعني النعمان بن أبي عياش وأنا أحدثهم هذا ، فقال : هكذا سمعت سهلا ؟ فقلت : نعم ، قال : وأنا أشهد على أبي سعيد الخدري لسمعته يزيد فيه قال : إنهم مني ، فيقال : إنك لا تدري ما بدلوا بعدك ، فأقول : سحقا سحقا لمن بدل بعدي
هتقدري تستحملي الموقف ده

كلمة صعبة ياربي معقول إلى بكى علينا من غير مايعرفنا وضحى بكل حاجة عشان نطلع مسلمين نهون عليه بسبب معصية إحنا مستصغرينها أوي


♥ لو بتحبي الإسلام ...أقطعي علاقتك بيه

أنتى عمر قلبك ما اتهز بالمعنى ده
الإسلام مش بتحبيه ؟ دينك الي ربنا ارتضاه ليكي
الإسلام الى بيه مش هتخلدي في النار
الإسلام الى هيجي يوم القيامة يشهد علينا ويقول هذا أعزني وهذا أذلني
هيقول عليكي إيـــــــــه ؟؟
الإسلام الى النهاردة بيحاربوه فى كل مكان
بدل ما تقفي وتكوني فى صفوف المدافعين بتشمتي فيه إعداؤه

فين حبك للإسلام
مش خايفة يقول عليكي هذة أذلتني
هتستحمليها ؟؟؟؟



♥ لو بتحبي الجنة ..أقطعي علاقتك بيه

أنتي مش عارفة يعني إيه جنة
الجنة يعني سعادة بلا حزن وصحة بلا مرض ومتعة بلا ملل وحياة بلا موت
يعني الكمال في كل شىء

هكلمك عن إيه عن المال :أقل أهل الجنة عنده من النعيم خمسين ضعف أغنى ملك من ملوك الأرض
عن الجمال هتكوني أجمل من حور العين
حتى الحب
{إِنَّا أَنْشَأْنَاهُنَّ إِنْشَاءً (35) فَجَعَلْنَاهُنَّ أَبْكَارًا (36) عُرُبًا أَتْرَابًا (37) لِأَصْحَابِ الْيَمِينِ (38)} [الواقعة : 35 - 38]
ربنا هينشئك فى الجنة من جديد
وأترابا : يعنى متساويات فى السن لإن كل من الجنة شباب
عارفة معنى عربا ؟ يعني متحببة لزوجها
يعني أجمل قصة حب هتعيشيها فى الجنة

كل حاجة تعبتي قلبك عليها فى الدنيا متعتها ناقصة ومليانة منغصات
لكن الجنة ....

مش هنقدر نتخيل !
عارفة ليه؟؟
لأن فيها ما لا عين رأت و لا أذن سمعت و لا خطر على قلب بشر!!

أنتي متحبيش الجنة ؟
مش عاوزة تتعبي عشانها
مش خايفة : يتأخر دخولك وتقفى سنين فى يوم القيامة فى العذاب
مش خايفة تحرمي أجمل شىء في الجنة وهو رؤية الله

إذا دخل أهل الجنة الجنة ، وأهل النار النار ، نادى مناد : يا أهل الجنة إن لكم عند الله موعدا يريد أن ينجزكموه ، فيقولون : وما هو ؟ ألم يثقل الله موازيننا ، ويبيض وجوهنا ، ويدخلنا الجنة ، وينجنا من النار ؟ فيكشف الحجاب ، فينظرون إليه فوالله ما أعطاهم الله شيئا أحب إليهم من النظر إليه ولا أقر لأعينهم


♥ لو بتحبي نفسك وخايفة عليها ..اقطعي علاقتك بيه

أنتي مبتحبيش نفسك شكلك بتكريها ومش خايفة عليها
مش خايفة من الفضيحة في الدنيا قبل الآخره أصل ربك بيستر مرة وإتنين بس لو أستمريتي هتتفضحي

أنتي قد السيئات دي ؟
نظراتك ليه...
كل (مسد)..وكل (مسيج) ...هيكتبها ملك اليمين ولا ملك الشمال ؟؟؟
·الأرض اللى انتي واقفة عليها معاه...هتشهد لك أم عليك ؟؟
·لو ملك الموت جه وأنتي بتكلميها هتقولي لربنا إيه ؟؟...حبيى ؟؟

أنتي ضامنة إنك متموتيش على سوء خاتمة ؟؟
ضامنه أصلا متموتيش حالاً والإنسان أخر دقايق في حياته بتبقى ملخص حياته
عاش بمعصية بيموت مفضوح بيها
أنتي مش فارق معاكى الأخرة ؟
{اقْتَرَبَ لِلنَّاسِ حِسَابُهُمْ وَهُمْ فِي غَفْلَةٍ مُعْرِضُونَ} [الأنبياء : 1]

في موت وفي قبر وفي ضمة وفي سؤال ملكين ؟؟ أنتي مش خايفة على نفسك ؟
فى عذاب قبر وحساب ووقفة 50 ألف سنة في تطاير صحف وأهوال

{يَا أَيُّهَا النَّاسُ اتَّقُوا رَبَّكُمْ إِنَّ زَلْزَلَةَ السَّاعَةِ شَيْءٌ عَظِيمٌ (1) يَوْمَ تَرَوْنَهَا تَذْهَلُ كُلُّ مُرْضِعَةٍ عَمَّا أَرْضَعَتْ وَتَضَعُ كُلُّ ذَاتِ حَمْلٍ حَمْلَهَا وَتَرَى النَّاسَ سُكَارَى وَمَا هُمْ بِسُكَارَى وَلَكِنَّ عَذَابَ اللَّهِ شَدِيدٌ (2) وَمِنَ النَّاسِ مَنْ يُجَادِلُ فِي اللَّهِ بِغَيْرِ عِلْمٍ وَيَتَّبِعُ كُلَّ شَيْطَانٍ مَرِيدٍ (3) كُتِبَ عَلَيْهِ أَنَّهُ مَنْ تَوَلَّاهُ فَأَنَّهُ يُضِلُّهُ وَيَهْدِيهِ إِلَى عَذَابِ السَّعِيرِ (4)} [الحج : 1 - 4]

أنت سايبة نفسك تضيعي ليه ؟ وياريتك هتاخدي حاجة فى الدنيا !
لو مش نصيبك مش هيكون ليكي مهما عملتي ولو بتستمتي بلحظة إيه الفايدة بلحظة يعقبها سنين ألم

{أَمْ حَسِبَ الَّذِينَ اجْتَرَحُوا السَّيِّئَاتِ أَنْ نَجْعَلَهُمْ كَالَّذِينَ آمَنُوا وَعَمِلُوا الصَّالِحَاتِ سَوَاءً مَحْيَاهُمْ وَمَمَاتُهُمْ سَاءَ مَا يَحْكُمُونَ} [الجاثية : 21]


♥ لو بتحبيه ... أقطعي علاقتك بيه

لو طفل صغير عاوز يلعب بالنار وبيعيط عشان عاوزها
لو الأم سابته يلعب بيها ويتحرق تبقى بتحبه !!! مستحيل

هو مش الوزر عليكي وعليه ؟
يعني المكالمة الي بتتكلموها أنتى بتاخدي عليها سيئات وهو لأ !!!

طبعا أنتو الاتنين بتاخدوا سيئات
طيب لما أنتى تقطعي العلاقة دي السيئات هتوقف عليكي وعليه

يبقى أنتي كده ظلمتيه ولا نفعتيه ؟؟

والذنوب والسيئات عقوبتها مش في الأخرة بس لا في الدنيا قبل الأخره

يعني ممكن بسبب ذنب ربنا يعاقب العبد بمرض أو حادثة أو مصيبة في الدنيا
فإستمراركم مع بعض بتظلموا بعض وبتعرضوا نفسكم لغضب ربنا في الدنيا والأخرة ولو نصيبك هيرجعلك ملتزم وبمواصفاتك إنتي
أو ربنا هيبدلك خير منه إلى تعيشي معاه لذة الحب الحلال إلى في النور إلى تبقى فخورة وإنتي إيدك في إيده قدام الناس كلها إلى تقدري تحبيه وإنتي عارفة إنه حبه بيقربك من ربنا

أحفظي نفسك وخليها غالية هوه أول واحد هيحس إنك أغلى من إنك حاجة سهلة
خليكي مسلمة عفيفة

عارفة مين هو أكبر عدو ليكي يوم القيامة؟

أكبر عدو ليكي هو اللي انتي كنتي سبب في كثير من معاصيه،
وانتي أكبر عدو ليه لأنه كان سبب في كثير من معاصيكي.

{الْأَخِلَّاءُ يَوْمَئِذٍ بَعْضُهُمْ لِبَعْضٍ عَدُوٌّ إِلَّا الْمُتَّقِينَ} [الزخرف : 67]


اقتباس:
بالقلب وبالحب الموضوع محسوم
بس ده لو قلبك يعرف بجد يعني إيه حب ؟


لو قلبك بجد بيعرف يحب يبقى لازم تاخدي القرار وتسبيه لله

وإن كان على التعب الجنة تستاهل ورضا رنا يستاهل

وقبل ما تختاري اسمعي الحديث ده

((من أرضى الله بسخط الناس كفاه الله الناس ، ومن أسخط الله برضا الناس وكله الله إلى الناس)) صحيح البخاري

وفي رواية

من أسخط الله [ في رضا الناس سخط الله عليه ] وأسخط عليه من أرضاه في سخطه

ومن أرضى الله في سخط الناس رضي الله عنه وأرضى عنه من أسخطه في رضاه حتى يزينه ويزين قوله وعمله في عينه

فاهمة يعني حتى لو أخترتي رضا الشخص ده على رضا ربنا

ربنا هيسخط ويجعل الشخص ده يغضب عليكي والقصص كثير

يبقى ليه ؟؟

تفتكري ربنا ممكن يحرمك من رزق كاتبه ليكي لإنك هتطيعه !!

تفتكري أنتي تقدرى تاخدي حاجة أو رزق ربنا مش كاتبه !!

أكيد مستحيل

يعني لو هو نصيبك مش هيضيع منك لو سبتيه

ولو مش نصيبك مش هيبقى عمره ليكى حتى لو استمرت علاقتكم سنيييييين وسنييييين

قدرت تبعد عني؟!

فأوعي تتراجعي في قرارك لإن لو تراجعتي وقتها لا تلومي إلا نفسك

مستنيه موت الفجأة يجى ياخدك وتقابلى ربنا كده؟؟

سبته وتعبانه مش عارفة أعمل إيه

دي ياحبيبة كلمات من قلب محب ليكي عايزينك أحسن وأحلى وأعف وأسعد إنسانة في الدنيا
وعايزينك تبشرينا بقرارك وثباتك
وإنتي هتقدري لأنك قويــــة بالله


إنتهت حلقتنا بفضل الله ..فإنتظرونـــــــــا في الحلقة

قبل الأخيرة " فترة نقاهة "

مــــــــــــــــن

[*تائبة إلى الله*]

رد: ~♥ أنا والقلــ♥ـوب ومنتــداك ♥~

الحلقــــــــــــــــــــ ( 12)ــــــــــــة

♥.. فترة نقاهة ..♥



الحلقة النهاردة حلقة خاصة

♥ لكل واحدة حزينة
♥ لكل واحدة خدت القرار الحاسم لله وسابت الشخص المرتبطة بيه إبتغاء مرضات الله وتعبانة وحسة بصعوبة
♥ لكل واحدة خارجة من تجربة وحزينة ومتألمة
♥ لكل واحدة قلبها حزين من تأخر زواج أو إنجاب أو تجربة طلاق

هوني على نفسك مفيش شىء يستاهل
ومهما كانت تجربتك ومشكلتك دي مش نهاية الحياة ومينفعش توقفي حياتك عليها
اصبري واحتسبي وعيشي حياتك وابتسمي :) وصدقينا مش مستحيل
قبل أي حاجة لازم تبقي أنتي نفسك عاوزة تتغيري وبتساعدي نفسك
هتقولى : هو أنا ممكن مبقاش عاوزة أساعد نفسى؟؟
آه ممكن عارفة أزاى ؟

أحيانا الواحد لما يتعرض لصدمة كبيرة بيستسلم لها
ويسيب نفسه عايش على ذكراها ويقفل حياته عليها ويعذب نفسه زيادة بإنه يفضل يفتكرها طول الوقت ويتألم بها ويخليها قدامه ومش عاوز يغير تفكيره !

فى ناس بتحب تعذب نفسها وده حقيقة

طب نتكلم شوية بعلم النفس سمعتي عن الماسوشية ؟
شكلك ما سمعتيش :))

المهم المصطلح ده عبارة عن حب تعذيب الذات
وده عكس السادية وهى حب تعذيب الأخرين

اقتباس:
وحب تعذيب النفس قد يتخذ أشكالا وصورا عديدة .. بل ومراحل متنوعة ... فهناك مراحل متقدمة ومراحل متطورة واخرى مرضية وهكذا ..
قريبا كل بني البشر لديهم هذه الصفة أي ان كل إنسان فيه ولو جزء ضئيل من الماسوشية حتى لو لم يشعر. فمثلا الميل لمشاهدة أفلام الرعب والعنف هو نوع من تعذيب النفس بالرعب والمشاهد المروعة. لكن هذه الاشياء البسيطة المشتركة عند الكثيرين تظل أمور عادية وطبيعية المشكلة الحقيقية تنشأ حين يستمرأ المرء تعذيب نفسه ويتفنن في اختراع وابتكار الاساليب المختلفة لتحقيق هذا.
فيجد متعة خفية في ذلك على الرغم من شكواه الظاهرية. فهو يعشق دور الضحية والمظلوم والمقهور والمعذب

ونلاحظ مثلا ان المراهقين – خصوصا الفتيات – يكثر لديهم هذا الأمر .. فتجد مثلا فتاة مراهقة تصنع لنفسها عوالم خيالية من الحزن والألم على لا شيء وذلك لانها – داخليا – تستشعر لذة خفية بهذاالامر وأيضا فان الشعور بالظلم والاضطهاد في هذه الحالة الخيالية يولد نوعا من الارتياح النفسي رغم ان هذه الفتاة قد تكون تعيش في أحسن وضع وحال ولا يوجد أي مبرر للعذاب او الحزن ..
فأرواح المراهقين وخصوصا الجنس الرقيق دائما في حالة من القلق والعذاب والتأرجح النفسي ..
والحنين لشيء غامض لا تدري ما هو .. وهذا يعد نوعا من انوع تعذيب النفس بطريقة غير مباشرة
وطبقا لعلماء النفس فإن الماسوشية أصلاً من صفات النساء بينما السادية من صفات الرجال


بس في نقطة لازم تعرفيها إستعذاب الحزن والعذاب مش هيفيد !
أنتى بتخسري عمرك وسعادتك وشبابك ومش زى ما بتقولى مش بإرادتك
لأ ده بإرادتك لإن أنتى عجبك الوضع والألم والبكاء على الأطلال !

وهنا لازم تقفي مع نفسك وتاخدي قرار إنك عاوزة تخرجي من الحالة دي



لازم تبقى عاوزه فعلا تخرجى من الحاله دى

وأنك تكونى متأكده أن دى مش نهاية حياتك ولا نهايه قلبك وإنك هترجعى تعيشى وتتضحكى وتتخطبى وتتزوجى وتكونى سعيدة وتفتكرى الايام دى كذكرى بعييييييدة جدا
اكيد انتِ بتقولى مستحيل
ولكن بالصبر وشويه وقت هتنسى وتتأقلمى وتستمر الحياه :)



طيب نبدأ منين ؟؟؟
الاول فى شوية حاجات لازم تبقى متأكدة منهم مليون فى المية وعاوزاكى تقريهم باستمرار وتفكرى نفسك بيهم علطول
حتى لو هتكتبيهم فى ورقه وتقريهم كثير :)

أول حاجة لو أنتي الى سبتيه فاكتبي قدامك دايما انتى سبتيه ليه ؟

1-اكتبي الحاجات الى اتكلمنا عليها المرة الى فاتت وخليها قدامك دايما عشان تثبتك

2- احتسبي الألم الى حسة بيه تكفير للذنوب وإن الألم هنا أهون من الأخرة بملاييين المرات
3- تأكدي إن ربك كرييييييم جدا ومستحيل تتركي شىء إبتغاء مرضاته إلا ويجازيك كل خير بس لازم تمتحني وتصبري
وتأكدي إن ربنا شكووور يجازى الكثير على القليل فألمك ومجاهدتك مش هتضيع
بالعكس ربنا هيرزقك قدام خير كثير في دينك ودنياكِ
بس اثبتي

4- لو عندك سفنجة وتلوثت عشان تنظفيها بتغسليها بمية وتعصريها جامد وتغسليها تانى وتعصريها لحد ما تنظف
فمعلش اتحملي عصرة القلب دي عشان يتطهر ويرجع تاني قلب سليم

5- وتأكدي مستحيل ربنا هيضيعك
ولو نصيبك هيرجع بس المرة دي وربنا راضي عشان يبارك لكم
أما لو مش نصيبك فألم ساعة ولا كل ساعة
كده كده كان هيسيبك في يوم من الأيام فدلوقتي هتؤجري لإنك سبتيه لله لكن لو كان حصل أى حاجة تانية كنتى هتخسري الثواب ده



واعرفي ان الى حصل ده خير كبيييييييييييييييييييير جدا ليكى حتى لو انت مش شايفة ده

**لان احنا علمنا قاصر جدا ومنعرفش الخير فين ..لكن ربنا الرحمن الرحيم علام الغيوب يعلم ولا نعلم

افتكرى {عَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة : 216]

وافتكرى اننا كثير بندعى بحاجات فاكرين انها احسن حاجه فى الدنيا وهى فيها شر لينا

{وَيَدْعُ الْإِنْسَانُ بِالشَّرِّ دُعَاءَهُ بِالْخَيْرِ وَكَانَ الْإِنْسَانُ عَجُولًا} [الإسراء : 11]

**ربنا سبحانه وتعالى لطيف بعباده
اكييييد كان هيبقى فى ضرر أكبر بكثير لو الموضوع استمر.

شوفى كميه الألم الرهيبة دى الى انتى حاسة بيها هتتضاعف لو حصل ده بعد الزواج
حالك أحسن من غيرك بكثيييييييييييييير


عارفة قصة سيدنا موسى مع الخضر فى سوره الكهف لما خرق السفينه .....حد يتخيل ان ده خير!!!!

لكن سبحان الله كانت رحمة باصحابها لأن الملك كان هياخدها لولا إن أصبح بها خرق
فخرق بسيط أفضل من ضياع السفينة كلها

وعندما قتل الغلام....حد يتخيل ان ده خير!!

ولكن الألم الى هيشعر به الوالدين نتيجه قتله أقل بكثييييييييير من الى كان هيحصلهم بسببه لو العاش

يعنى لما نتعرض لألم فى حياتنا نعرف ان ربنا اختار لنا الألم الأقل والخير فى شكل محنة

**لازم تبقى عارفة ان الله ما منعنا الا ليعطينا
يعنى ربنا لما يصرف عنك شىء بيبدلك بشىء أفضل منه بكثيير

عارفة الطفل الصغير أحيانا يفضل يعيط على قطعة زجاج مكسورة هو شايفها جميلة وعاوزها وعاوز يلعب بيها فأهله طبعا لازم يبعدوها عنه عشان هتأذيه أذى كبير.
وممكن يكونوا محضرين له جوهره بدلها..
لكن هو مش فاهم حزين بيعيط عاوز الإزازة !!
لانها احلى حاجة فى الدنيا فى عينيه ..

أحنا كمان بنعيط على حاجات هتأذينا ومش هتنفعنا لكن ربنا رحيم بيحمينا من نفسنا زى ما احنا بنمنع المريض من بعض الاكل الى هيضره..
هل أحنا عاوزين نعذبه!! ابدا عشان مصلحته وعشان يخف بسرعة

**مين عارف مش يمكن الألم ده والمحنة دى هى بداية حقيقية ليكى
بيقولوا (الضربة الى مبتموتش بتقوى)
وبيقولوا (بالضغط تتلائم الأجزاء المبعثره)
كثير جدا جدا الى كانت بدايه نجاحهم فى الحياة محنة شديدة مروا بها فكانت نقطة تحول فى حياتهم
بل إن اغلب التغير بيجى بسبب أزمة مر بها الانسان فى حياته



**أحسنى الظن بربك :
الي جاى إن شاء الله أحسن كثيير وربنا كرييييييييييييم جدا جدا وحناااااااان ومجيييب وقرييييييب وقاااااااادر على كل شىء والقلوب بيده وحده وهو القادر على ان يزيل همك وحزنك فقط أدعيه تضرعى اليه اسجدى له
ووالله هو أرحم عليكى من الناس أجمعين


من رحمه ربنا بينا إنه برغم إن كل شىء بيبدأ صغير وبعدين يكبر إلا الحزن بيبدأ كبيييييييييير وبعدين يصغر لإن ربنا من علينا بنعمة النسيان



طيب لو أنتِ اتأكدت ان الى حصل ده خير كبيير ليكى والى جاى ان شاء الله أحسن بكثيييير يبقى نبدأ الخطوات العمليه:

1)لازم تلاقى هدف لحياتك

انتى بتعملى إيه فى حياتك وعايشة ليه؟؟
احنا عايشين عشان نعبد ربنا مش كده!!
يبقى خلاص نبدأ نحاول نحقق الهدف ده صح

نبدأ نتعلم دينا ونقرب من ربنا
وفى دورات فى المنتدى ممكن نشترك فيها
وحاولى تسمعى دروس
وتروحى تحفظي قرآن
وقوليى لنفسك المحنة دى لازم بعون الله تتحول لنجاح
وأوعي تستسلمى أبدا

♥♥♥♥♥♥♥♥♥

2)الفراغ ممنوع

انتى عرفتى هدفك
يعنى لازم تعملى جدول ليومك
وفى حاجات كثير تتعمل

♥♥♥♥♥♥♥♥♥

3)ادخلى السعادة على قلب غيرك هتحسى بيها
روحي دار أيتام حتى لو حسة انك حزينة ومش قادرة
روحي العبي مع الأطفال وجبلهم حاجة تفرحهم ..هتلاقي نفسك فرحانة على فرحهم .
روحي لناس فقراء وخد لهم أكل او أى شىء يحتاجوه لما تلاقي ابتسامتهم وتسمعيهم بيدعولك هتحسي إنك فرحانة

♥♥♥♥♥♥♥♥♥

4)ابعدى عن أى حاجه تفكرك بالموضوع ده
يعني لو فى هدايا أو أى حاجة تخصه عندك اتخلصى منها ..
متتكلميش مع حد فى الموضوع ولو حد فتحه اقفليه أنت وقولى للي حواليكي إنك مش عاوزة تتكلمي فى الموضوع ده تاني ابدا (مفيش داعى نقول إنك طبعا مش هتسمعي أغانى ولا تتفرجي على افلام هى حرام أصلا وهتقلب عليكى الجروح)

♥♥♥♥♥♥♥♥♥

5) كل ما تفكرى فى الموضوع ..فكرى نفسك بكل الكلام الى فات ده
وفكرى نفسك إنها مش نهاية الدنيا وإن الى حصل خير ليكى
ومتحاوليش تستسلمي للذكريات والحزن وقومي اعملى حاجة مفيدة
وانسب شىء تقومى تصلى وتشكي لربنا وتعديه

♥♥♥♥♥♥♥♥♥


6)عليك بالدعـــــــــــــــــــــــــــــــــأء الكثيييييييير
أن ربنا يربط على قلبك ويزيل همك ووالله هو وحده القادر على ذلك

♥♥♥♥♥♥♥♥♥

7) دايما افتكرى الناس الى ابتلائها أشد منك وفكرى فيهم
فى ناس فقيره جدا جدا
مش لاقية بيت ...فبتنام فى الشارع
ومش لاقية أكل ...فبتاكل من الزبالة
فى ناس مريضة امراض خطيرة وبتتألم ألام شديدة لا نتخيلها
عارفة كام واحد عنده سرطان.....
وكام واحد عنده فشل كلوى...
وكام واحد عنده الكبد فى حالة خطرة..!!
ملاييييييييييييييييييين كثير
عارفة كام واحد مسجون بسبب ديوووون اتراكمت عليه
عارف فى كام طفل يتيم ومشرد!!
عارفة كام واحد مدمن وضايع ..
عارفه كام واحد مش مسلم وهيكون لجهنم حطبا

فالحمد للـــــــــــــــــــــــــــــــــــــــــــــــه
حمـــــــــــــــــــــــــــــدا كثيـــــــــــــــــــــــــــــرا



إنتى ابتلائك أيسر بكثيير وفيه باذن الله
** تكفير للسيئات ورفع للدرجات
**وبالصبر تاخدى أجر ...إنما يوفى الصابرون اجرهم بغير حساب
**وخير كثير لأن الألم الآن أقل مما لو حدث الانفصال بعد ذلك
**ونقطه تغير لحياتك للافضل بالمزيد من القرب لله
**وايضا باذن الله سيبدلك الله من هو خير منه

فيبقى كده الى حصل شىء يستحق الحزن!!
أم انك تسجدى لله وتقولى الحمد لله

اكثرى من هذا الدعاء
الحمد لله اللهم أجرنى فى مصيبتى واخلفنى خير منها



إنتهت حلقتنا بفضل الله ..