مش هتحلق لحيتك بقا أحسن ؟!!!

[العابدلله]

رد: مش هتحلق لحيتك بقا أحسن ؟!!!

ماشى يا بن رجب
دا موضوع برضه ..
عموما رأى صحابى اللى عرفتهم فى شغلى فى السعودية أو فى مصر زى عساكر الشرطة ..
بعد ما نتعرف على بعض ونروح اى مكان سويا او نجالس اى حد فيعرفونى عليه فيقولوله ده السعيد صاحبنا بس ما تقلقش دا غير كل الدقون اللى تعرفها بيضحك ومش مكشر وعلى طبيعته ..
لان الحمد لله مبحبش ازعل صحابى او اكشرلهم .
بس ربنا يهدينى ويتوب عليا وثبتنى ..
ما تدعولى بئى يا رجالة

[M_S_A]

رد: مش هتحلق لحيتك بقا أحسن ؟!!!

حيا الله جميع الاخوة

وكل من شارك فى الموضوع

وفى الحقيقه هذا الموضوع ألمنى كثيراً

واتفق مع ابن رجب فى ان المتحلين هم من وضع هذه الصورة

وان ضحكت او تكلمت مع احد بالحسنة والكلام اللين الطيب رأيته يغير فكره

عن فئة الملتحين وان كان هناك فئة نسأل الله لهم الهدايه ولنا الثبات على الهدايه

اما موضوع الكارنيه انا كليتى كانت اربع سنين لا اتذكر فى السنن الاربعة انى طلعت الكارينه

لوحد بتاع امن سواء كان معى شنطه او غير شنطة وذلك اولاً بفضل الله تعالى وستره على امثالى من العصاه

ثم بفضل المعاملة الطيبه والاحسان للمسلمين حتى وان كان بتوع الامن وايه المشكلة انك تضحك فى جه بتاع الامن

انهارده تضحك فى وجه بكره يدخل معاك المسجد بس ربنا يتوب عليه من الأوامر وخصوصاً ان كان عسكرى

يؤدى الخدمه العسكريه بالجيش وهذا حدث معى بالفعل أنى كنت احسن لعساكر الأمن بشىء قليل من الاحسان فمرة بعد مرة وقفت معهم قبل الاذان بدقيقه او دقيقتين وفتحت موضوع عايز كلام كتير وبعدين الآذان اذن قلت لهم تعالوا نصلى ونكلم كلامنا بعد الصلاة قال بعضهم الخدمه احنا لو سبنا الخدمه ممكن الظابط يحلقنا او كذا كذا... قلت لهم ممكن تلاته يصلوا وتلاته يكون موجودين ولو حد سأل عليهم تقول انهم ذهبوا للصلاة ولن يستطيع احد ان يكلم مدام قلت لهم صلاة ولما احنا نيجى من الصلاة الباقى يروح يصلى لم يقولوا شىء وسحبت منهم تلاته فى يدى وكأنهم اصدقائى وبعد ان اكلوا الطعم علطول اشوفهم فى المسجد بدون ان اذهب إليهم

وكل ذلك ليس بتفكر منى او شىء انما هو بفضل الله سبحانه وتعالى لان هذا حقيقة الله تعالى فى الأرض ان الدعوة باقيه الى ان يرث الله الارض ومن عليها

ولى عودة مرة اخرى ان شاء الله للتعليق على بعض كلام الاخوة

بارك الله فيك اخى الحبيب ونفع الله بك

واثابك الله الفردوس الأعلى

احبك فى الله

[Muhammad Ragab]

رد: مش هتحلق لحيتك بقا أحسن ؟!!!

ماشى يا بن رجب
دا موضوع برضه ..

ايه بس انا عملت ايه ؟؟

بس ما تقلقش دا غير كل الدقون اللى تعرفها بيضحك ومش مكشر وعلى طبيعته ..

هو ده اللي انا بتكلم عنه

الناس عندهم مفهوم مغلوط عن اللحية والملتحين
وده بسبب سياسة اتخذت في فترة معينة وأفعال بعض من ينتسبون للإسلام
كنت أتحدث بالأمس مع أحد الاخوة -يكبرني سنا- وتطرق الحديث لأصعب فترة في التزامه
قال انها فى بدايه التسعينات ومع انتشار الافكار الخاطئة لبعض الشباب من تطاول بالايدى ونسو قول الله تعالى

{لَا يَنْهَاكُمُ اللَّهُ عَنِ الَّذِينَ لَمْ يُقَاتِلُوكُمْ فِي الدِّينِ وَلَمْ يُخْرِجُوكُم مِّن دِيَارِكُمْ أَن تَبَرُّوهُمْ وَتُقْسِطُوا إِلَيْهِمْ إِنَّ اللَّهَ يُحِبُّ الْمُقْسِطِينَ }

وقول النبي صلى الله عليه وسلم
من قتل نفسا معاهدا لم يرح رائحة الجنة ، وإن ريحها ليوجد من مسيرة أربعين عاما
الراوي: عبدالله بن عمرو بن العاص المحدث: البخاري - المصدر: صحيح البخاري - لصفحة أو الرقم: 6914
خلاصة حكم المحدث: [صحيح]

وقد يقتل عشرات المسلمين بسبب أفعاله
ويقول لك
"هذا جهاد والجهاد لا بد وأن يكون فيه خسائر"

ناهيك عن سلوك بعض الملتحين

فعلينا تصحيح ذلك المفهوم بالعاملة ولا نكون عونا للشيطان على اخواننا

[mohamedhassan87]

رد: مش هتحلق لحيتك بقا أحسن ؟!!!

المشكلة الحقيقة يا اخوة ليست بالملتحين أنفسهم
بل بالإعلام الفاسد في المقام الاول الذي صور صورة أكثر من سيئة عن كل ما هو ملتحي وكل من يدعو للدين
حتي تطاول بعضهم وقال "دول من اللي بيقولوا قال الله وقال الرسول" وهذه الكلمة قد يكون فيها كفر ولا حول ولاقوة إلا بالله لكن أغلبهم يقولها بلا علم للأسف الشديد
كل هذا أعتقد من الضلالات الإعلامية مثل الإرهاب والكباب .. طيور الظلام .. ومسلسل الجماعة آخراً
فلما يصادف أحد الناس ملتحي وهذا الاخ حصل له حادث معين أثر علي نفسيته فبطبيعة الحال الإنسان ليس مبتسماً علي الدوام يترسخ عندهم هذه النظرة وهذه الفكرة

[أبو مسلم المصري]

رد: مش هتحلق لحيتك بقا أحسن ؟!!!

انا اختلف معكم كليا

هو الملتحي دة مش بشر ؟
مش ممكن يتضايق من موقف حصل معاه فمش قادر يبتسم ؟
مش ممكن يكون طبعه الشخصي ؟

يبتسم ماشي بس هتروح لواحد في عزاء و تقول دة مش مبتسم

و بعدين هنلاقيها منكم و لا منهم
انتوا هتشيلوهم الذنب و هما يقولوا دول ارهابيين

هو ايه الحكاية بقى ؟

نبتسم ماشي و دة مصداق حديث المصطفى صلى الله عليه و سلم

لكن الملتحيين السبب ؟؟؟ لا أتفق معكم أبدا في هذا الموضوع
وكمان msa موافقك ؟
امشي يا ابن رجب الله يهديك

شكلها هتبقى حرب على الميل يا رجالة

[أحمد بن محسن]

رد: مش هتحلق لحيتك بقا أحسن ؟!!!

والله انا كل يوم بسلم عليهم كلهم وانا داخل من الباب وببتسم ساعات وساعات و الله

وساعات بيقول لناس مش ملتحية هاتوا الكرنية وانا اقوم داخل فاكره هقولي هات الكرنية زيهم فقوله احنا متحفناظ بقى ولا اية يقولي خش يا بشمهندس على طول

ربنا يهديهم علينا و الحمد لله انه انعم عليه بافراد امن وتربية عسكرية كويسين

والله في ناس اصحابي مش عارفين يتخرجوا بسبب انهم في التربية العسكرية محرجين عليهم الدخول باللحية

وهما مساكين مستنين ربنا يهديهم و يقولوا اللحية عادي

وفعلا هو تقصير مننا اننا مثلا مش بندي الناس دي هدية مثلا او نحاول باقل الاشياء نوريهم ان افضل الناس هما السنية وافضل منهج هو نهج الرسول ومن يسير على خطاه صلى الله عليه وسلم

ربنا يعيننا ان نكون خير مما نحن عليه ويهدينا ويجعلنا سببا لمن اهتدى و يهدي امة الاسلام

وجزاك الله كل خير

[Rachid Bakkali]

رد: مش هتحلق لحيتك بقا أحسن ؟!!!

جزاك الله خيرا

[فارس جباره]

رد: مش هتحلق لحيتك بقا أحسن ؟!!!

والله في ناس اصحابي مش عارفين يتخرجوا بسبب انهم في التربية العسكرية محرجين عليهم الدخول باللحية

ربنا يهدي مسئولين التربية العسكرية عندنا , برده موضوع اللحية ده
فى ناس اصحابى مش عارفين يتخرجوا ايضا , و انا عاوز اخلص من التربية العسكرية قبل سنة رابعة , و مش عارف اعمل ايه معاهم .. ربنا يهديهم
انا مستنى لحد ما لقى حل لهذه المشكلة ؟

[Muhammad Ragab]

رد: مش هتحلق لحيتك بقا أحسن ؟!!!

حيا الله جميع الاخوة

وكل من شارك فى الموضوع

وفى الحقيقه هذا الموضوع ألمنى كثيراً

واتفق مع ابن رجب فى ان المتحلين هم من وضع هذه الصورة

وان ضحكت او تكلمت مع احد بالحسنة والكلام اللين الطيب رأيته يغير فكره

عن فئة الملتحين وان كان هناك فئة نسأل الله لهم الهدايه ولنا الثبات على الهدايه

اما موضوع الكارنيه انا كليتى كانت اربع سنين لا اتذكر فى السنن الاربعة انى طلعت الكارينه

لوحد بتاع امن سواء كان معى شنطه او غير شنطة وذلك اولاً بفضل الله تعالى وستره على امثالى من العصاه

ثم بفضل المعاملة الطيبه والاحسان للمسلمين حتى وان كان بتوع الامن وايه المشكلة انك تضحك فى جه بتاع الامن

انهارده تضحك فى وجه بكره يدخل معاك المسجد بس ربنا يتوب عليه من الأوامر وخصوصاً ان كان عسكرى

حياك الله أخي الحبيب وبارك فيك

نسأل الله أن يصلح نوايانا وأن يهدنا ويهدي بنا

جزاك الله خيرا

[Muhammad Ragab]

رد: مش هتحلق لحيتك بقا أحسن ؟!!!

المشكلة الحقيقة يا اخوة ليست بالملتحين أنفسهم
بل بالإعلام الفاسد في المقام الاول الذي صور صورة أكثر من سيئة عن كل ما هو ملتحي وكل من يدعو للدين
حتي تطاول بعضهم وقال "دول من اللي بيقولوا قال الله وقال الرسول" وهذه الكلمة قد يكون فيها كفر ولا حول ولاقوة إلا بالله لكن أغلبهم يقولها بلا علم للأسف الشديد
كل هذا أعتقد من الضلالات الإعلامية مثل الإرهاب والكباب .. طيور الظلام .. ومسلسل الجماعة آخراً
فلما يصادف أحد الناس ملتحي وهذا الاخ حصل له حادث معين أثر علي نفسيته فبطبيعة الحال الإنسان ليس مبتسماً علي الدوام يترسخ عندهم هذه النظرة وهذه الفكرة

تمااااام
لكن أعتقد أن لكلا الطرفين دوره
لكن أحببت أن أركز على دورنا نحن ولعلك لاحظت من مشاركاتي أني ذكرت دور الإعلام أيضا
فإن غيرنا نحن أنفسنا ثم جاء الإعلام وادعى عنا ما ليس فينا
هل سيصدق الناس هذا الافتراء ؟
جزاك الله خيرا أخي الحبيب على المتابعة

[Muhammad Ragab]

رد: مش هتحلق لحيتك بقا أحسن ؟!!!

انا اختلف معكم كليا

طب بالراحة طيب

هو الملتحي دة مش بشر ؟
مش ممكن يتضايق من موقف حصل معاه فمش قادر يبتسم ؟
مش ممكن يكون طبعه الشخصي ؟

هو الملتحي بشر طبعا وأكيد بيتضايق زي البشر
لكن بما ان الملتحين قليلون فهم يمثلون الدين أمام الناس ( شئت أم أبيت )
لذلك كن خير صورة لدين الله
ومن كان طبعه الشخصي انه متضايق
يغير طبعه ده لله

يبتسم ماشي بس هتروح لواحد في عزاء و تقول دة مش مبتسم

لا في الشارع ابتسم للناس وسلم عليهم
عارف
يوم وفاة أمي ولا أظن ان احد يحب أمه ويتعلق بها كحبي وتعلقي بأمي
لكن سبحان من جعلني وقت قمة حزني وبكائي وشعوري بأن الكون كله بعدها لا شئ
كنت أبتسم رضا بقضاء الله وتخفيفا على اخواني وأصحابي

و بعدين هنلاقيها منكم و لا منهم
انتوا هتشيلوهم الذنب و هما يقولوا دول ارهابيين

هو ايه الحكاية بقى ؟

حبيبي الحكاية كلها إني بحبك في الله بس
مافيش حاجه راجع بس المشاركات وانت تفهم قصدي ايه

نبتسم ماشي و دة مصداق حديث المصطفى صلى الله عليه و سلم

صلى الله عليه وسلم

لكن الملتحيين السبب ؟؟؟ لا أتفق معكم أبدا في هذا الموضوع
وكمان msa موافقك ؟
امشي يا ابن رجب الله يهديك

اللهم آمين
وإياك

شكلها هتبقى حرب على الميل يا رجالة

أهو وقعت بلسانك " حرب "
عرفت بقا ان المشكلة فيك ؟

[عاااصم]

رد: مش هتحلق لحيتك بقا أحسن ؟!!!

السلام عليكم ورحمة الله وبركاته حياكم الله جميعا ايها الافاضل فى الحقيقة اخى بن رجب انا لسة فى اعدادى هنسة السنة دى ولسة ما طلعتش كارنيه وانت كدة بتخوفنى :) (طبعا بهزر وان شاء الله مش خايف من حد )
وكلامك ما شاء الله صحيح وكلام الأخوة الافاضل عن الابتسامة والدعوة وعدم فقد الامل فى هؤلاء الافراد لان الهداية بيد الله لكن ايضا اخونا ابو مسلم المصرى على جانب من الصواب حينما قال ان السبب ليس منا لكن لعلنا جميعا نتفق ان السبب مشترك طبعا الجانب الاكبر على الاعلام الماجن وعلينا مسؤلية ترك الدعوة لهم والدعاء ايضا وبصراحة اقول فعلا ان كثيرا منا لا يبتسم فى وجه شرطى وذلك للحاجز النفسى الكبيييييييير بيننا وبينهم للأسباب التى تعرفونها ولكن علينا ان نضغط على نفسنا ففى النهاية اغلبهم مسلمين
وقد تكون هدايتهم على ايدينا وجزاكم الله خيرا

[ابن الاسلام99]

رد: مش هتحلق لحيتك بقا أحسن ؟!!!

مفيش حاجه اقولها غير حسبى الله ونعم الوكيل وجزاك الله خيرا وثبتك على الحق ونسئلك الدعاء لى

[أبو تميم المصري]

رد: مش هتحلق لحيتك بقا أحسن ؟!!!

جزاك الله خيرا ,ونفع بك

يا أخي دا النصراني انت مُطالب بالود له

لا تساوي

{لَا يَنْهَاكُمُ اللَّهُ عَنِ الَّذِينَ لَمْ يُقَاتِلُوكُمْ فِي الدِّينِ وَلَمْ يُخْرِجُوكُم مِّن دِيَارِكُمْ أَن تَبَرُّوهُمْ وَتُقْسِطُوا إِلَيْهِمْ إِنَّ اللَّهَ يُحِبُّ الْمُقْسِطِينَ }

فالبر معناه الاحسان كما قال ابن كثير و الطبري فإن احتاج طعام و انت تستطع أعطاءه فليعطي و هكذا

و القسط هو العدل .

أما الود فهو المحبة ,ونحن كما تعلم لا نظلمهم بجوارحنا و لا نودهم بقلوبنا ,وهم لم و لن يبلغوا معشار ذلك من هذا الانصاف ,فالحمد لله على نعمة الإسلام .

[Muhammad Ragab]

رد: مش هتحلق لحيتك بقا أحسن ؟!!!

جزاك الله خيرا ,ونفع بك


لا تساوي

فالبر معناه الاحسان كما قال ابن كثير و الطبري فإن احتاج طعام و انت تستطع أعطاءه فليعطي و هكذا

و القسط هو العدل .

أما الود فهو المحبة ,ونحن كما تعلم لا نظلمهم بجوارحنا و لا نودهم بقلوبنا ,وهم لم و لن يبلغوا معشار ذلك من هذا الانصاف ,فالحمد لله على نعمة الإسلام .

جزاك الله خيرا

أعلم ذلك لكني أخطأت في اللفظة

سأطلب تعديلها

بارك الله فيك