Tweet
إضحك من قلبك *** معاذ يلى يا رميساء
كيف حالكم جميعا مع الله
ربى يحفظكم ويصلح حالكم ويغفر لكم
اليوم حدث موقف أضحكنى جدا فى وقت العصر
من رميساء لأخيها معاذ حفظهم الله
سوف أقص عليكم الموقف الأن
الأن حان موعد أذن العصر
وأيضا جاء موعد ذهاب معاذ ورميساء إلى المسجد ليصلوا ويتعلموا مع الشيخ
هداهم الله
وكانت رميساء إرتدت ملابسها قبل معاذ ومسكت الكراسه والقلم
ولكنها كانت تشاهد التلفزيون حتى يكمل معاذ إرتداء ملابسه
وفجأه لقيت رميساء حلقه مع أطفال يلعبوا الرياضه
فجلست رميساء ومازن وحاولوا التقليد وأنا وفى نفسى أضحك من مشهد حركاتهم العجيبه حفظهم الله
فجاء معاذ
وقال يلى يارميساء
رميساء مش سمعه حاجه من كتر تركيزها للمشاهده والحركات
فقلت له طب إستنى شويه الحلقه بتخلص بسرعه
تعالى إلعب معاهم
فقال لاء مش عاوز
فقلت علشان تكون قوى وعندك صحه ومش عيان
بس مكنش موافق
ثوانى ومعاذ حاطت أيده على خده وحاسه إنوا خلاص ربنا يستر
يلى يارميساء
رميساء إستنى شويه بئا مش بلعب
معاذ يلى يارميساء يعنى أمشى لوحدى طيب وبينظر إلى
فقلت له وده ينفع بنسيب رميساء لوحدها
ياماما هنتأخر والشيخ هيضربنى أنا
فقلت له يعنى مش علشان الصلاه تلحقها ولا حاجه
إنت خايف تنضرب
فقال أصل الشيخ مش بيعمل لرميساء حاجه وكل شويه يقولى أنا
فقلت معلش الشيخ عارف إنك شاطر ومش عوزك تكون كسلان أو بتهمل فى حاجه
ربنا يهديهم ويصلح حالهوا
فقلت لرميساء طب يلى يارميساء كفايه كدا
فالحمد لله قالت حاضر ونزلت معاه
فكانت طلبت حلويات فقلت لهما وإنتى نزله إشترى
رميساء نزلت من هنا وقعدت ساعه عند المحل صاحبت المحل تسلم عليها وترحب بيها وكأنها مشفتهاش بئلها سنه
ومعاذ بئا يبصلى وكأنوا مستنى الفرج
فقلت يارب أستر
معاذ هينادى إلحئينى ياماما أعمل ايه دلوقتى
فنديت على رميساء
أخذت رميساء الحاجه وجريت فقلت لها إمسكى إيد معاذ ومتمشوش بعيد عن بعض
معاذ بئا فهم الحكايه بصلى وضحك
فطبعا دا كان الأذان أذن والإقامه كمان والحمد لله
وعند المغرب جاء معاذ ورميساء فسئلت معاذ حصل حاجه مع الشيخ
فضحك وقال الحمد لله الشيخ معمليش حاجه
ردوا وضحكتوا بجد خلونى أضحك جدا منه
ربنا يحفظهم ويبعد عنهم شياطين الإنس والجن
قولوا أمين
بجد بيعملوا حجات سعات فعلا بتضحكنى غصب عنى
وسعات تانيه بيعملوا مقالب لاحولا ولا قوه إلا بالله
بس بعد كدا ببئا مش عرفه حصل كدا إزاى منهم
الله يهديهم ويصلح حالهم وأولاد المسلمين
لاتنسوهم من صالح دعائكم
فى أمان الله جميعا ورعايته
تعليق