Tweet
السلام عليكم ورحمة الله وبركاته
وجودك في الموضوع ده وقراءتك ليه معناه إنك ما زلتِ ثابتة بفضل الله ومكملة في الدورة
وأكيد عارفة أد إيه الشيطان بيوسوس لك كتير علشان يحبطك أو يبعدك
وللأسف هو بينجح مع بعض الناس ويبرروا لنفسهم ويقولوا: الشيطان شاطر!!!
لا طبعا هو مش شاطر، هو لو شاطر كان كفر بربنا سبحانه وتعالى؟؟!!
ده ممكن يكون أفشل مخلوق في الوجود
فإزاي حد بالفشل ده تسمحي له يأثر عليكي أو يبعدك عن طريق ربنا!!
افتكري الكلام ده دايمًا
وافتكري إنك أقوى منه بإيمانك ويقينك بالله عزوجل
واسالي ربنا الثبات في كل وقت لأن الثبات عزييييز
من أسبوعين بس مكنتيش بدأتي تحفظي ولا تعرفي حاجة اسمها تجويد
لكن أسبوعين مروا عليكي أنتي بنفسك لاحظتي التغيير الكبير اللي حصل في حياتك
يكفي التزامك مرتين أسبوعيًا بمجلس قرآني
صح؟؟؟
أنتي قوية بالله ومن بعده قوية بالصحبة الصالحة اللي حواليكي
ربنا يرزقنا جميعًا الاخلاص والثبات
جدول الأسبوع الثالث
* الجدول معاه وصلات صوتية، يعني تضغطي على اسم السورة هتلاقيها اشتغلت بصوت الشيخ الحصري
اسمعي ورددي معاه
السبت: حفظ سورة التين.
سماع سورة الشرح 5 مرات وترديدها 5 مرات
الأحد: حفظ سورة الشرح.
سماع سورة الضحى 5 مرات وترديدها 5 مرات
الاثنين: حفظ سورة الضحى.
سماع سورة الليل 5 مرات وترديدها 5 مرات
الثلاثاء: حفظ سورة الليل.
سماع سورة الشمس 5 مرات وترديدها 5 مرات
الأربعاء: حفظ سورة الشمس.
سماع سورة البلد 5 مرات وترديدها 5 مرات
الخميس: حفظ سورة البلد.
سماع سورة الفجر من 1 ل 15، 5 مرات وترديدها 5 مرات
الجمعة: مراجعة لما تم حفظه وتدارك مواطن الضعف.
المطلوب تسميعه:
الحلقة الأولى: تسميع سور التين والشرح والضحى
الحلقة الثانية: تسميع سور الليل والشمس والبلد