Tweet
الحمد لله رب العالمين
ختمنا الجزء الثالث من المصحف الشريف بفضل الله
في يوم من الأيام كتير مننا كانوا معتقدين إن الحفظ صعب أو مستحيل
لكن التجربة أثبتت لكِ إن كل شيء بالاستعانة بالله بيكون يسير وسهل
ختمتِ جزء واتنين وتلاتة
وبكرة هتختمي خمسة وعشرة والمصحف كامل بأمر الله
تأملي قول الله عزوجل: " ثُمَّ أَوْرَثْنَاالْكِتَابَ الَّذِينَ اصْطَفَيْنَا مِنْ عِبَادِنَا"
ربنا سبحانه وتعالى ليه عباد بيختارهم يكونوا ورثة كتابه
بييسر لهم الطريق ويُرشدهم ليه
متخيلة كم العزة والشرف والاصطفاء في إن ربنا يختاركِ تكونِ من ورثة كتابه؟؟
وأنتِ دلوقتي عرفتِ الطريق ومشيتي فيه خطوات
حتى لو لسة في أوله لكن بدأتِ
وهتكملي طول ما أنتِ مستعينة بالله
واجبك دلوقتي وفرض عليكِ
لو ليكِ أخت متعثرة تقفي جنبها وتشجعيها
زي ما بدأتم الدورة مع بعض تنهوها مع بعض
معاكِ جزء كبير من علم التجويد بفضل الله
عليكِ بالتدرييييييييب المستمر
مش مجرد حفظ وخلاص
حفظ وإتقات تجويد علشان في يوم من الأيام تقرأي القرآن كما أُنزل
تقرأيه زي ما قرأه النبي صلى الله عليه وسلم بالظبط
متخيلة كم الشرف ده !!!!
جدول الأسبوع الحادي عشرالأسبوع ده مخصص لتعويض أي حفظ فاتك أو أي دروس تجويد متأخرة