سؤال في الصلاة " أفيدوني ضروري "

[غير مسجلة]

السلام عليكم ورحمة الله وبركاته

أنا في حاجة شاغلة بالي ومش عارفة اتصرف ازاي
أنا إن شاء الله داخلى 3 ثانوي ومعروف طبعاً موضوع الدروس وكده
فأنا بالي مشغول بأيام المدرسة أنا هيبقى خروجي من المدرسة مش هيتعدى غالباً الساعة واحدة
واحنا هناخد كل دروسنا مش في قريتنا لان احنا عايشين في قرية والمدرسين الكويسين اللي هنتابه معاهم مش من القرية
هي في المدينة اللي القرية تابعة ليها وبناخد حوالي ربع ساعة
المهم احنا المفروض هنبدأ دروس الساعة 2 وغالباً هناخد حصتين في اليوم يعني كده هنروح
على 4.5 أو 5 حسب الدرس وكده
احنا الظهر هنقدر نصليه في الفسحة
مش عارفة دلوقتي المفروض اعمل ايه في صلاة العصر ؟
بالله عليكم قولولي انا مش عارفة ومضايقة بسبب الموضوع ده

ربنا يجزيكم كل خير

[فريق استشارات سرك فى بير(الأخوات)]

رد: سؤال في الصلاة " أفيدوني ضروري "

وعليكم السلام ورحمة الله وبركاته
الحمد لله والصلاة والسلام على رسول الله صلى الله عليه وسلم
اهلا ومرحبا بكِ أختى الفاضلة ونسأل الله سبحانه أن يجعلنا وإياكِ من المقيمين الصلاة على أول وقتها
سعدنا بحرصك على الركن العملى الأول للإسلام
ننصحك أختنا أن تبذلى قصارى جهدك فى أن تصلى العصر فى أول وقته
صلى العصر بين الحصة الأولى والثانية
ضعى سجادة الصلاة معكِ وابحثى عن مكان تستطيعن الصلاة فيه إن لم تجدى مسجد لنساء تصلى فيه ولن تتأخرى بإذن الله على معاد الدرس الثانى
أما لو أذّن العصر فى الدرس الثانى فإن استطعتى أن تستأذنى من تأخذى عنده/ا درس فافعلى
نسأل الله أن ييسر لنا ولكِ كل أمر فى طاعته سبحانه
اللهم آمين

[غير مسجلة]

رد: سؤال في الصلاة " أفيدوني ضروري "

جزاكم الله كل خير على الاجابة
بس المشكلة ان برضه المدينة مش كبيرة ومعندناش مساجد فيها قسم للنساء الا بسيط جداَ وانا معرفهمش
لاننا مش بنروح خالص منعرفش حاجة احنا من العربية للدرس ومن الدرس للبيت
والمشكلة ان الدرس هيبقى في اوضة اللي بيعطينا فيها المدرس الدرس فمش هينفع
مش عارفة والله محتارة جداً لدرجة اني حاسة اني كرهت ثانوي عام

[فريق استشارات سرك فى بير(الأخوات)]

رد: سؤال في الصلاة " أفيدوني ضروري "

نسأل الله سبحانه أن يدبّر أموركم
استعينى بالله ولا تعجزى وسلى الله أن يوفقك لإن تصلى العصر فى أول وقته
والله سبحانه قادر أن يدبّر أمرك من حيث لا تحتسبى
فكِلى أمركِ كله لله ونسأل الله أن ييسر أموركم