عايزه اطلق

[غير مسجل]

بصراحه انا اتجوزت جوزي ومش عارفه اتجوزته ازاي انا بجد ندمانه كل الندم اولا اهله اقل اجتماعيا ونسبا وحسبا وماديا وكل حاجه غير بيت بابا انا مكنتش اعرف الحاجات دي وتاثيرها غير لما تجوزتمعرفش بابا ليه وافق يمكن كان عايز يخلص مني والله يا بنات ماما وبابا مسافرين بره مصر محضروش خطوبتي حتي بابا حضر الفاتحه وقال لجدي وعمي لبسوها الشبكه المهم انا اتخطبت كده وسرقتني السكينه مع اني كنت بحب جارنا اللي هو في نفس سني ومستواي الاجتماعي بس عشان انا بخاف رنا عمري مكلمت راجل ابدا لاني ملتزمه ومش بحب اعمل حاجه تعصي الله بس زوجي مش طايقاه علطول متعصب وعايز حنان بدون مقابل وبيعلق وينقد اي شيء وامبارح بيعلق مثلا ع الاولاد بيقلي هدومهم مش نظيفه وكنت لسه مدياهم شاور بس هما بهدلوا نفسهم قلتلو انت بس بتتامر متغير لهم انت قام ضربني وشتمني انا بجد بحس بالاهانه اوي انا بكرهه من كل قلبي هو رامي كل المسؤوليه عليه يقولي كفايه عليه الشغل مكل الناس بتشتغل والله تربيته غيرنا وكل حاجه حتي هو مش ملتزم زي مانا عايزه مع ان انا خدتوا عشان الناس قالو عليه ملتزم حسبي الله فيهم عادي ممكن يفوت صلاه عادي القران ممكن يمسكه يوم جمعه ويمكن لا مش الرسول لما جاءت ليه امره قالت زوجي احسن الناس ولا اطيقه قال لها ردي عليه حديقته اي مهره انا بجد مش عارفه اعمل ايه انا مش بحبه خالص لانه اناني ومختلف عني في كل شيء تخيلوا والله مستواهم غيرنا واخته لما جوزه ربنا فتحها عليه تيجي تزورني عارفين بقي الشبع بعد جوع تتريق علي حجات في بيتي مثلا مع انها عمرها ما شافت زيها في بيتهم وبقت تقول ايه ده حاجتك قديمه مثلا انا حاجتي احلي ده حتي مثلا تقولي انت ختي واحد اكبر منك هو اخوها يعني شوفتوا اصل جوزها قدها المهم انا مش طايقه الانسان ده والله يوم فرحي وانا حسيت اني مطعونه بسكين وندمت علي الاختيار ومش عارفه اعمل ايه بابا مريض ومش برضي احكيله حاجه عشان مريض وماما بحسها بتحب نفسها بس يمكن لو لطلقت مش ارتاح لو اقعدت معاها انا معشتش سني خالص انا عندي منه بنتين وعندي 27 ومش عارفه اعمل ايه انا زهقت مش تقولولي ابغض الحلال الطلاق انا مش بحبه انا بحس انه بالنسبه ليا حد بيصرف عليه وخلاص انا في حياتي كلها عمري محققت امنيه ابدا ولا عمر حلم اتحقق ليا بجد انا انسانه بكره نفسي اوي

[غير مسجل]

رد: عايزه اطلق

مبترودوش عليا ليه

[فريق استشارات سرك فى بير(الأخوات)]

رد: عايزه اطلق

انتظرى الرد قريبا ان شاء الله

[غير مسجل]

رد: عايزه اطلق

أنا عارفه إنك تعبانه وعندك هموووووووووووووم كتير

لكن خلي بالك إن الشيطان أكبر عمل عنده هو التفريق بين الزوجين

اسمعي هذه المحاضرة فو الله والله ستستفيدي منها كثير وهي محاضرة مش هتملي من سمعها لإنها جميلة جدااااا
بس اسمعيها وانتي فاضية مش مشغولة

http://www.ftiatislam.com/sounds/2/3alh_5msh_njom.mp3

وانا متابعة معاكي عالطووووووووووووول
بس اسمعيها وانامعاك وتحت امرك يا اختي الغالية

[غير مسجل]

رد: عايزه اطلق

اسأل الله يهديه وان يصرف عنكم همزان الشياطين وان يصلح فيما بينكم

[غير مسجل]

رد: عايزه اطلق

بصي انا مش عايزه الومك علي اختيارك من الاول لانك كان ممكن تستني الافضل

بس انتي خلاص اتجوزتي
نفرض انك اتطلقتي
عيالك هتيتشتتوا
وانتي دلوقتي هتبقي مطلقه
واي حد عايز يتجوز هيدور علي البنت مش المتجوزه (حضرتك عارفه البنات دلوقتي بالنسبه للرجال كتار)
هتفضلي كده قاعده ذي البيت الوقف
اني احق الناس بيكي وبحبك هو زوجك حبيبك ومتقوليش بكرهه قولي بحبه وحاولي تغيري معاملتك معاه غيري في شكلك وف حالك
والله في خلال اسبوع هيتغير وهيحبك معاملته هتتغير 180 درجه
يبنتي انتي بتقولي انه عايز منك مشاعر وحنان اديهم ليه
يا حببتي اكتر كلمه عجبتني قالها الشيخ يعقوب جوزك هو اولي الناس بيكي
وخلي بالك من جوزك وعيالك وسيبيكي من وساوس الشيطان الي هتدمر حياتك
وانتي ادعي زوجك وحده وحده لربنا وربنا هيهديه
ادعي زوجك لربك بالوعظه الحسنه

فكري في حاجتين
((((((((((((((((((((((((((((((((((((((عاقبه الطلاق))))))))))))))))))))))))))))))
وهتاخدي لقب مطلقه
عيالك هيتشتتوا
وفر صتك في الزواج هتقل جدا ولو لو لو اتجوزتي هتاخدي واحد متجوز يعني هتكوني زوجه تانيه

الحاجه التانيه ((((((((((((((((((((((((((((( انك تصلحي علاقتك ببيتك))))))))))))))))))
تهتمي ببيتك
زوجك ليه العمل خارج البيت علشان يوفر لكم المعيشه
وانتي عملك في البيت تربي عيالك علي الطاعه وتنضفيهم وتنضفي البيت
وتكوني اميره لزوجك حبيبك((**الي هتحبيه ان شاء الله**)
تكوني ملكه تغيري من استايلك
وكمان ده هيغير زوجك كتيييييرررر بس انتي اتغيري

وانا عندي احساس انك هتاخدي الراي التاني

انا اعرف واحده اتطلقت من زوجها وهي الي طلبت الطلاق وبعد مرور 3 سنين من الطلاق هي الي هتموت عليه عازه ترجعلوا بعد محدش عبرها وهو مش عايزها
اوعي تكوني زيها

وانا عايزه افكرك ان في بنات نفسهم الي انتي فيه نفسهم في العفاف نفسهم في زوج وبيت واولاد ومحرومين وكمان بيبكوا لوحدتهم والله ارهم بعيني يبكون نفسهم الي انتي فيه
انا بقولك كده من واقع انا شايفه قدام عيني

وعلي فكره من حقه انه يطلب منك تنظيف الاطفال وانا شايه ان حضرتك غلطانه انك بتلوميه علشان مش قادر يوفرلك عيشه هاي كلاس عيشي عيشه زوجك ومتتكبريش عليه
ادعي زوجك لربك بالوعظه الحسنه وحاولو تروحوا دروس العلم وتسمعوا الشيوخ ف التلفزيون وشغلي سوره البقره

واخيرا
بقولك اتقي الله في نفسك
اتقي الله في اولاد
اتقي الله في الانسان الي اختارك من بين مئات البنات اتقي الله في زوجك حبيبك واتغيري علشان يتغير

اختك ام البراء

[غير مسجل]

رد: عايزه اطلق

انا اخت اخرى غير صاحبة المشكلة وعاوزة رد
طيب انا مخطوبة ولما قرات المشكلة قلقت اووى
لانى مش حاباة خطيبى اووى يعنى مشاعرى عادية
ساعات اكون عاوزة وساعات عادى
انا صراحة قلقت اوى من صاحبة المشكلة
وانا الحمد لله ملتزمة ومش عاوزة اغضب ربنا
واحب وبعد كدة اتجوز الى بحبة
عاوزة الحلال
مش عارفاة هتيجى ازاى
بالله تردوا عليا لانى قلقت اووى ليحصلى كدة لا قدر الله

[غير مسجل]

رد: عايزه اطلق

فعلا على رأي الشيخ يعقوب.. سيبنا من الاحلام وخلينا نعيش الواقع
http://www.youtube.com/watch?v=C8ncj4x-L3E

[فريق استشارات سرك فى بير(الأخوات)]

رد: عايزه اطلق

الأخت الفاضلة/ ............

السلام عليكم ورحمة الله وبركاته.

وبعد:

فإننا لا نؤيد طلبك للطلاق وندعوك إلى الصبر والحكمة في معالجة الأمور خاصة بعد هذه السنوات التي كنت فيها صابرة ووفية، واعلمي أن الإنسان إذا فقد المال وربح السعادة والهدوء فإنه لا يعتبر خاسراً، والمادة ليست كل شيء، فتعوذي بالله من الشيطان واحرصي على مصلحتك واسعاد بيتك وزوجك حتى يعتاد القيام بدوره ولكن أبشري فإن الله لن يضيع إحسانك له وسوف يعطيك الأجر على صبرك.

ونحن بالطبع نلوم الرجل ولكننا ندعوك إلى تذكر إيجابياته الأخرى وتضخيمها قبل النظر في السلبيات، كما أرجو الاحتكام إلى عقلك وليس لعاطفتك وتعوذي بالله من الشيطان والذي همه أن يحزن الذين آمنوا وسعادته في خراب البيوت، ولا تحاولي العودة إلى الوراء والندم على ما حصل ولا تقولي لو أني فعلت كذا كان كذا، ولكن قولي قدر الله وما شاء الله فعل فإن لو تفتح عمل الشيطان، فلا تندمي على زواجك منه .

الابنة الفاضلة

نحن ندرك مدى الضيق الذي تعيشينه، والكرب الذي تعانين منه بسبب سوء أحوال زوجك، ولكننا في الوقت ذاته نحب أن نذكرك أولاً بأن قلوب العباد بين أصبعين من أصابع الرحمن يقلبها كيف يشاء، وأن هذا الزوج مهما بلغت إساءته فإن هداية الله سبحانه وتعالى له قريبة وليست بالأمر المحال، وما يدريك لعل الله سبحانه وتعالى يجعل خلاصه من تقصيره وقربه الى ربه على يديك إذا أنت بذلت ما في وسعك في محاولة استصلاحه، واستعنت بالله تعالى على ذلك، فلعل الله سبحانه يهديه على يديك وتنالين بذلك أجراً كبيراً وتحافظين على أسرتك وبيتك من التفرق والشتات

وكوني على ثقة - أيتها الكريمة - بأنك بإذن الله تعالى أقدر الناس على التأثير عليه، فكثيراً ما رأينا وقرأنا عن تأثر رجال كثيرين بزوجاتهم، وما ذاك إلا لن الزوجة كثيرة المجالسة لزوجها، وتخلو به في أوقات لا يخلو به الناس فيه.

ومن ثم فوصيتنا لك أن تبدئي أولاً بمحاولة بإصلاح هذا الزوج وإعانته على نفسه؛ فهو محتاج في الحقيقة إلى من يأخذ بيده، فكل بني آدم خطاء وخير الخطائين التوابون، وهو محتاج حقيقة إلى من يعينه ليتخلص من تقصيره وبعده عن ربه قد لا تكون لديه رغبة في هذا بأنه ساهي في غفلته لاهي في غيّه، ولكن إذا ذكِّر ربما تذكّر، فننصحك بالسعي في تقوية إيمان زوجك، فإن الإيمان إذا قوي في القلب صلحت بعد ذلك أعمال الجسد الظاهر، كما قال النبي صلى الله عليه وسلم:

( ألا وإن في الجسد مضغة إذا صلحت صلح الجسد كله)

فحاولي أن توقظي هذا الإيمان في قلب هذا الزوج وتقويه استغلي أوقات وجود الزوج في البيت وهدوء واكتمال عقله لتسمعيه بعض المواعظ التي تذكره بالآخرة وبالنار وبما فيها من العذاب الأليم لأنواع العصاة، والجنة وما فيها من النعيم المقيم لأهل الطاعة والمعروف، تذكرينه بالمواعظ وتصفين له أهوال يوم القيامة والعرض على الله، والوقوف بين يدي الله ونصب الميزان، والمرور على الصراط، وعرض الأعمال على الله أمام الخلائق، ذكريه بالمواعظ التي تذكره بالقبر وما فيه من أهوال ومضايق وشدائد، وحاولي أن يطرق سمعه الكثير من هذا النوع من الوعظ؛ فإنه بإذن الله تعالى يردع النفس عن غيها، ويقمع شهواتها، وكذلك حاولي أن تسلطي عليه بعض الصالحين من الأقارب إذا كان لكم أقارب فيهم صلاح ليكثروا من مجالسته ويدعوه لحضور الصلاة في المسجد ونحو ذلك، فإذا رأيت منه نوعا من الميل إلى التخلص من هذا الوضع الذي هو فيه

واياك و طلب الطلاق ولا بد أن تدرسي الموضوع من جميع جوانبه، حتى وإن كنت قد طلبت الطلاق فما دمت تعيشين معه في بيت واحد فواصلي الوعظ والنصائح والدعوة والدعاء، لعل الله تبارك وتعالى أن يصلحه بأن يغفر له وأن يتوب عليه، لأن رحمة الله تعالى قد تأتي في لحظة من الزمن لم تكن تخطر ببال أحد، فواصلي التذكير والنصيحة والدعاء لله تبارك وتعالى أن يصلحه وأن يهديه وأن يغفر له وأن يتوب عليه.

وقرار الطلاق ليس بقرار سهل وليس بقرار هين، والمرأة تدفع الثمن فادحًا بعد طلاقها أكثر من الرجل، فأتمنى أن تكوني قد درست الموضوع وقد أعددت للأمر عدته.

ابنتى الفاضلة

اعود الى كلامك

ذكرتِ في رسالتك أنك لم تكوني مرتاحة لهذا الزوج ولكنك لم تبدي هذه الأسباب إن كانت واقعية أو أنها فعلاً من الوساوس، وكذلك حتى كونه غير اجتماعي فليس عيباً يعيب الرجل، فغيرك كثير يشتكي من أن رجالهن لا يجلسون في المنزل وإنما جلّ وقتهم في الاستراحات مع الأصدقاء بينما زوجك لك وهي ميزة لا عيب فيها .

ابنتى

أخشى أنكِ من بعض النساء التي إذا شعرت بأن الرجل يسعى لها ترفضه؛ لأنها لا تشعر بلذة في ذلك، بل تريد شخصاً يتعبها حتى ترضى به، حاولي أخيتي أن تنظري لزوجك نظرة منصفة، تخيلي أنك أنت الهادئة المحبة المقبلة على زوجك، وأن زوجك لا يقدر ذلك لك، ألا تشعرين بخيبة أمل تجاهه؟

تأكدي أن زوجك يشعر بذلك ولكنه يصبر لأنه يحبك فلا تنكري النعمة، وعيشي مع زوجك، وغيّري من نفسك، فإني متأكد أن كثيراً من تصرفاتك ومشاعرك ستتغير بعد ذلك.

وأنصحك بأن تفتحي الموقع على قسم سرك فى بير واقرئي بعض مشكلات المتزوجات.

فهذا زوج لا يحب زوجته، وآخر يضرب زوجته ضربا مبرحا وربما تذهب الى المستشفى ، وزوج مشغول بشكل دائم، زوج يخون زوجته، زوج.. إلى آخر القائمة.

تخيلي نفسك مكان هؤلاء النساء لتعرفي كم هي كبيرة نعمة الله عليك بل كبيرة جداً بل إنني أخشى عليك من الحسد فلا تنسي وردك اليومي (قراءة المعوذات والإخلاص) عند إشراق الشمس وعند غروبها وادعي الله أن يحبب زوجك بك ويحببه إليك، ولا تنسي قيام الليل وتذكري قول الله تعالى: (وعسى أن تكرهوا شيئاً ويجعل الله فيه خيراً كثيراً) .

ابنتى

قلبي معك ولكن مشكلتك حلها بيدك أنت وأنت وحدك، بدلي نظرتك لزوجك وأبعدي الوساوس فحتماً ستتغير أشياء كثيرة من تصرفاتك تجاه هذا الزوج حتى في الأمور الخاصة.

نصيحة أخيرة:

ضعي لك اجندة خفية في دولاب ملابسك وسجلي فيها حسنات زوجك:

1- أهدى لي كذا وكذا و.........

2- اشترى لي كذا و..............

3- لم يغضب علي رغم أنني أخطأت وهكذا..

صدقيني هذه القائمة ستجعلك تشعرين بزوجك أكثر، وهذا ما نريده، أتمنى منك التواصل ونحن بالخدمة .

أسأل الله لك التوفيق في حياتك الزوجية .

وهذه وصيتي لك بتقوى الله ثم بكثرة اللجوء إليه، ونسأل الله أن يسهل أمرنا وأمرك وأن يلهمك السداد والرشاد.