مخنوقه من نفسى

[غير مسجل]

بأختصار انا مشكلتى فظيعه واقعه فى ذنب كبير اوى وهو الزنا حاولت اتوب منه كتير انما كل مره برجع بعدها بفتره انا تعبت اوى من نفسى انا عارفه انه ذنب من الكبائر انما للاسف كل حاجة حواليا بتسهلى الموضوع ده لدرجة انى خلاص فقدت اغلى ما تملكه الفتاه ومبتقش بنت اعمل ايه ؟ انا مش خايفه من كده والله انا خايفه من عقاب ربنا كل يوم بنام وبقوم ومفيش حاجة بتحصل حاسه ان ربنا هيتنقم منى انتقام شديد وعندى مشاكل نفسيه كتير فى دكتور قالى انى مريضه بمرض اسمه اضطراب الشخصيه الحديه وناس تانيه تقول مس وناس تقول حسد وانا والله تعبت وبتمنى الموت لنفسى بس انا عملت ايه للموت حاولت التزم مملقتش اى حاجة تساعدنى والله لا اصدقاء ولا بيئه ولا اى حاجة تانيه اتنقبت وخلعت النقاب نفسى اعمل خير كتير نفسى اتوب نفسى الللبس النقاب تانى نفسى احفظ القران نفسى اتعلم العلم الشرعى نفسى اكون مسلمة ملتزمة فعلا

بس ارجع واقول انا حاولت كتير خلاص مفيش فايده فيا ربنا مش عايزنى مفيش توبه صادقه مع انى من جوايا ببقى والله ناويها توبه نصوحه انما للاسف برجع تانى

نفسى احس انى محدش لمسنى نفسى احسن انى على فطرتى النظيفه الى خلقنى عليها ربنا انا مش عارفه عملت كده ازاى فى نفسى بالله عليكم قولولى ايه الحل ؟

وسؤال تانى معلش انا عارفه انه خارج عن الموضوع انما محتاجة مشورتكم
هل لو اتجوزت واحد متجوز يبقى انا كده بظلم مراته الاولى ؟
هل حرام ؟
وهل لو كان هو سبب الغلطة الى انا وقعت فيها جوزنا شرعا يجوز ولا هيبقى حرام ؟

انا اسفه انى طولت عليكم بس انابالصدفه عرفت منتداكم لعل وعسى يكون ربنا بعتكم ليا

جزاكم الله كل خير واسفه على الاطاله

[غير مسجل]

رد: مخنوقه من نفسى

انا اسفه لو كنت كتبت كلام مش كويس بس غصب عنى انا نفسى الاقى حل للى انا فيه ده

جزاكم الله كل خير

[يااااارب بحبك]

رد: مخنوقه من نفسى

السلام عليكم ورحمة الله وبركاته
الاول احب ابشرك انك على خير اختي
والله يريد بكي خيرا ان شاء الله
والدليل انكي تتوبي منه على قدر استطاعتك
والدليل ايضا انك تشرعين باضطراب وقلق لكونك عصيتي الله رب العباد فأنتي على خير
لا املك لك غير الدعاء لن انساكي من صالح دعائي
اقري الموضوع ده كويس ودلوقت قومي ثلي ركعتين لله وابكي بين ايديه وقولي ياااااااااااااارب رجعت ليك ومش هبعد عنك تاني ابدا ياااارب انت سترتني وانا بعصيك كتييييييير وخلاص يااارب رجعت ليك اهو علشان مش ليا غيرك
يا حبيبي

أريد أن أتوب ولكن كيف؟!


هل استشعرت الخطر وعلمت حاجتك للتوبة؟ ..

إن عرفت خطر الذنب وأنه سبب الحرمان وضيق الصدر .. سبب ظلمة القلب .. السبب فى أن تسقط من عين الله فتمشى فى الأرض حيران تائه لا تعرف ماذا تفعل ..


فالذنـوب تجعلك ذليلاً لشهواتك ..

وهى سبب زوال النعم وحلول النقم .. وهى السبب فى محق البركة .. والسبب فى تعسير الأمور .. إن عرفت ذلك ستتعطش إلى العلاج،

وها هي خطوات العلاج بين يديك .. أنقشها على قلبك وضعها أمام عينيك ..

فأولى خطوات التوبة:



اعترافك بذنبك واستشعارك لخطورته ..

قال صلى الله عليه وسلم "فإن العبد إذا اعترف بذنبه ثم تاب إلى الله تاب الله عليه" [صحيح البخاري]

ولا تيأس إذا وقعت في هذا الذنب مرة أخرى بل عُد و تب إلى الله
إذا إقترفت الذنب مرة أخرى

و تب ثالثة و رابعة

قال صلى الله عليه وسلم "........ إن المؤمن خلق مفتنا توابا نسيا إذا ذكر ذكر" [صحيح الجامع (5735)]

و هذا الحديث يفتح لنا باب الأمل
فالمؤمن خُلق توابا
أى كثير التوبة

كلما نسى و وقع فى ذنب رجع و تذكر و تاب و أناب إلى رب العباد
و عمل من الصالحات ما يجعل الشيطان يندم أنه أوقع فى تلك المعصية




الخطوة الثانية:

معرفة فضل التوبة .. حتى تشتاق لها نفسك ويتحرك لها قلبك


من فضائل التوبة:


إذا ما تُبت توبة صادقة سُيحبك الله، قال تعالى {.. إِنَّ اللَّهَ يُحِبُّ التَّوَّابِينَ ..} [البقرة: 222]

وإن أحبك الله عز وجل ستُحلّ جميع مشاكلك،

فقد قال تعالى في الحديث القدسي "..فإذا أحببته كنت سمعه الذي يسمع به وبصره الذي يبصر به ويده التي يبطش بها ورجله التي يمشي بها وإن سألني لأعطينه ولئن استعاذني لأعيذنه" [صحيح البخاري]




ألم تشتهى التوبة بعد كل هذا؟

ألم تتحرك نفسك إلى التوبة ؟






الخطوة الثالثة:

تعرف ربك وتتعلق به ..

إن كنت تريد أن تعرف ربك، فعليك بالآتي:


فليكن لك وردًا ثابتًا من القراءة لا تتركه أبدًا، لكي تصل ما انقطع بينك وبين الله .. قال صلى الله عليه وسلم "من سره أن يحب الله ورسوله فليقرأ في المصحف" [صحيح الجامع (6289)] ..



ربٌ هذه صفاته

كيف لا تتمنى قربه ؟!!
كيف تترك طريقه ؟!!
كيف لا ترجع إليه ؟!!
كيف لا تتودد إليه ؟!!


وقال "من سره أن يستجيب الله له عند الشدائد والكرب فليكثر الدعاء في الرخاء" [رواه الترمذي وحسنه الألباني]





الخطوة الرابعة:

أحكم إغلاق الأبواب في وجه الشيطان ..



فالشيطان يدخل لك من أربع أبواب:



فاجعل لسانك يعتاد دائمًا على ذكر الله ..


واكثر من هذا الذكر، كي يكون حرزًا لك من الشيطان ..

قال رسول الله صلى الله عليه وسلم "من قال لا إله إلا الله وحده لا شريك له له الملك وله الحمد وهو على كل شيء قدير في يوم مائة مرة كانت له عدل عشر رقاب وكتبت له مائة حسنة ومحيت عنه مائة سيئة وكانت له حرزا من الشيطان يومه ذلك حتى يمسي ولم يأت أحد بأفضل مما جاء به إلا رجل عمل أكثر منه" [متفق عليه]





الخطوة الخامسة:

تخلص من جميع الأسباب التى جعلتك تقع فى المعصية وألقها في البحر ..


خذ قرارك بشجاعة ولا تتردد، فإن التردد من صفات المنافقين {مُذَبْذَبِينَ بَيْنَ ذَلِكَ لَا إِلَى هَؤُلَاءِ وَلَا إِلَى هَؤُلَاءِ ..}[النساء: 143]



الخطوة السادسة:

غيّر صُحبتك ..

قال رسول الله صلى الله عليه وسلم "المرء على دين خليله فلينظر أحدكم من يخالل" [رواه أحمد وحسنه الألباني] ..

وقال تعالى {وَاصْبِرْ نَفْسَكَ مَعَ الَّذِينَ يَدْعُونَ رَبَّهُمْ بِالْغَدَاةِ وَالْعَشِيِّ يُرِيدُونَ وَجْهَهُ وَلَا تَعْدُ عَيْنَاكَ عَنْهُمْ تُرِيدُ زِينَةَ الْحَيَاةِ الدُّنْيَا وَلَا تُطِعْ مَنْ أَغْفَلْنَا قَلْبَهُ عَنْ ذِكْرِنَا وَاتَّبَعَ هَوَاهُ وَكَانَ أَمْرُهُ فُرُطًا} [الكهف: 28] ..

فجالس الأخيار الصالحين واظفر بمرافقتهم، لتنال بهم الشفاعة يوم القيامة.




الخطوة السابعة:

انسى الذنب ولا تُفكر فيه ..



الخطوة الثامنة:

إياك أن تُعير أخاك بذنب ..

وتذكر قول الله تعالى {..كَذَلِكَ كُنْتُمْ مِنْ قَبْلُ فَمَنَّ اللَّهُ عَلَيْكُمْ فَتَبَيَّنُوا إِنَّ اللَّهَ كَانَ بِمَا تَعْمَلُونَ خَبِيرًا} [النساء: 94] ..


لا تكثر الشماتة بأخيك فيرحمه الله ويبتليك.



الخطوة التاسعة:

لابد من أعمال صالحة متدرجة تحل محل الذنوب والمعاصى ..


قال تعالى {وَأَقِمِ الصَّلَاةَ طَرَفَيِ النَّهَارِ وَزُلَفًا مِنَ اللَّيْلِ إِنَّ الْحَسَنَاتِ يُذْهِبْنَ السَّيِّئَاتِ ذَلِكَ ذِكْرَى لِلذَّاكِرِينَ} [هود: 114] ..


فعليك بهذه الأعمال:

الصلاة على وقتها في جماعة، صلاة 12 ركعة نافلة، صلاة الضحى، قيام ليل، صيام 3 أيام من كل شهر، صدقة السر، داوم على الاستغفار، بر الوالدين وصلة الأرحام، وحاول أن تحجّ في أقرب فرصة أو على الأقل لتكن لك نية فيرزقك الله من حيث لا تحتسب.



الخطوة العاشرة:

إياك أن تتعدى الخطوط الحمراء ..


فلا تجاهر بالمعصية أبدًا،

قال صلى الله عليه وسلم "كل أمتي معافى إلا المجاهرين .." [صحيح الجامع (4512)]




الخطوة الحادية عشر:

عش حياة الصالحين فى خيالك

وإستبدل أحلام اليقظة الحرام ..
داوم على سماع القرآن ودروس العلم .. اقرأ فى كتب السير .. حتى تنسى الماضى تمامًا ويصفو قلبك لله سبحانه وتعالى.



وأخيرًا:

أحسن الظن بالله تعالى ..

عن جابر قال سمعت رسول الله صلى الله عليه وسلم قبل موته بثلاثة أيام يقول "لا يموتن أحدكم إلا وهو يحسن الظن بالله" [رواه مسلم] ..

تُبّ إلى الله وأنت موقن بأنه سيتوب عليك.


"قال الله: يا بن آدم إنك ما دعوتني ورجوتني غفرت لك على ما كان فيك ولا أبالي، يا بن آدم لو بلغت ذنوبك عنان السماء ثم استغفرتني غفرت لك ولا أبالي، يا بن آدم إنك لو أتيتني بقراب الأرض خطايا ثم لقيتني لا تشرك بي شيئا لأتيتك بقرابها مغفرة"

[رواه الترمذي وصححه الألباني]



.. فهلا أجبت داعي الله؟؟ ..

وقال صلى الله عليه وسلم "إن الله يبسط يده بالليل ليتوب مسيء النهار ويبسط يده بالنهار ليتوب مسيء الليل حتى تطلع الشمس من مغربها" [رواه مسلم]



.. فإياك أن ترد يد مولاك عز وجل،،

1) حب الله لك ..


2) فرح الله عز وجل بك .. قال صلى الله عليه وسلم "لله أفرح بتوبة أحدكم من أحدكم بضالته إذا وجدها " [صحيح مسلم]

3) الكلمة .. فلسانك أحد أسلحة الشيطان الخطيرة، رسول الله صلى الله عليه وسلم قال " لا يستقيم إيمان عبد حتى يستقيم قلبه ولا يستقيم قلبه حتى يستقيم لسانه.."[رواه أحمد وحسنه الألباني] ..

4) الخطوات .. وهذا الطريق تُغلقه بأن تتمهل في خطواتك ولا تأخذ قرارات سريعة، قال تعالى {وَعِبَادُ الرَّحْمَنِ الَّذِينَ يَمْشُونَ عَلَى الْأَرْضِ هَوْنًا وَإِذَا خَاطَبَهُمُ الْجَاهِلُونَ قَالُوا سَلَامًا} [الفرقان: 63]




1) اكثر من قراءة القرآن .. قال صلى الله عليه وسلم "أبشروا فإن هذا القرآن طرفه بيد الله وطرفه بأيديكم فتمسكوا به فإنكم لن تهلكوا ولن تضلوا بعده أبدا" [صحيح الجامع (34)] ..


2) تأمل في صفات ربك .. فسبحانه كريم، رحيم، ودود، قريب، وهــــاب ..

3) اكثر من الدعاء .. النبي صلى الله عليه وسلم قال "ما من مسلم يدعو بدعوة ليس فيها إثم ولا قطيعة رحم إلا أعطاه الله بها إحدى ثلاث إما أن يعجل له دعوته وإما أن يدخرها له في الآخرة وإما أن يصرف عنه من السوء مثلها"، قالوا إذا نكثر، قال "الله أكثر" [رواه أحمد وصححه الألباني] ..



4) يُبدل الله سيئاتك حسنات .. قال تعالى {إِلَّا مَنْ تَابَ وَآَمَنَ وَعَمِلَ عَمَلًا صَالِحًا فَأُولَئِكَ يُبَدِّلُ اللَّهُ سَيِّئَاتِهِمْ حَسَنَاتٍ وَكَانَ اللَّهُ غَفُورًا رَحِيمًا} [الفرقان: 70]

4) يُمتعك متاعًا حسنًا ..
وليس كنعيم الدنيا الفاني، قال تعالى {وَأَنِ اسْتَغْفِرُوا رَبَّكُمْ ثُمَّ تُوبُوا إِلَيْهِ يُمَتِّعْكُمْ مَتَاعًا حَسَنًا إِلَى أَجَلٍ مُسَمًّى وَيُؤْتِ كُلَّ ذِي فَضْلٍ فَضْلَهُ وَإِنْ تَوَلَّوْا فَإِنِّي أَخَافُ عَلَيْكُمْ عَذَابَ يَوْمٍ كَبِيرٍ} [هود: 3]

5) سبب للنصرة والفوز والفلاح فى الدنيا والآخرة .. فيُسدد الله خطاك ويُعطيك كل ما تريد، قال تعالى {..وَتُوبُوا إِلَى اللَّهِ جَمِيعًا أَيُّهَا الْمُؤْمِنُونَ لَعَلَّكُمْ تُفْلِحُونَ} [النور: 31]



إياك إياك

1) الخاطرة .. فكل معصية بدايتها خاطرة، ولكي تُطهر قلبك منها عليك أن تُكثر من الاستعاذة وأن تُمرر هذه الآية على قلبك طوال الوقت {..وَاعْلَمُوا أَنَّ اللَّهَ يَعْلَمُ مَا فِي أَنْفُسِكُمْ فَاحْذَرُوهُ ..} [البقرة: 235]

2) النظرة .. سهم إبليس المسموم الذى يقطع به قلوب المؤمنين، وهذا الطريق تُغلقه بغض البصر ..

[يااااارب بحبك]

رد: مخنوقه من نفسى

واقري كمان الموضوع ده
بالنسبة لأسئلتك انتظري الفريق يرد عليكي فيها هم اعلم بها مني
.
هو مفيش فايدة ...هو ربنا مش هيقبلنى !!

الكلام دة بنسمعه كثير .........
كل ماحد يقرب من ربنا شوية وبعدين يضعف ويرجع لذنب
أو الموضوع يبقى أكبر فينتكس ويرجع لذنوب كثير ويقصر فى طاعات كثير


1: مفيش فايدة

أكيد طبعا فى فايدة
إلا القنوط واليأس:
** أحنا ممكن نكون عاصين وممكن نكون مقصرين ولكن إن شاء الله لا يمكن نكون كافرين

{وَلَا تَيْأَسُوا مِنْ رَوْحِ اللَّهِ إِنَّهُ لَا يَيْأَسُ مِنْ رَوْحِ اللَّهِ إِلَّا الْقَوْمُ الْكَافِرُونَ} [يوسف : 87]

*لإن القنوط من رحمة ربنا من الكبائر ..

{قَالَ وَمَنْ يَقْنَطُ مِنْ رَحْمَةِ رَبِّهِ إِلَّا الضَّالُّونَ} [الحجر : 56]

* ولإن ربنا لم يقنط أحد من رحمته

{قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لَا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ} [الزمر : 53]

* ولإنك بيأسك كأنك بتطعن فى اسم الله الغفور الرحيم
وكأنك بتقلل من رحمته وربنا قال إنها وسعت كل شىء

{غَافِرِ الذَّنْبِ وَقَابِلِ التَّوْبِ شَدِيدِ الْعِقَابِ ذِي الطَّوْلِ لَا إِلَهَ إِلَّا هُوَ إِلَيْهِ الْمَصِيرُ} [غافر : 3]

والأفكار دي مدخل من مداخل الشيطان

فيأتى لواحد ويمنيه ويجعله يكثر الرجاء والأمانى بدون عمل ويتكل على رحمه الله ويصغر له ذنوبه .......(إن رأى فى نفسه ميلا لذلك)...

أو يدخل له من مدخل اليأس والقنوط فيجعله ييأس من إصلاح نفسه

أو يجعله إن كان طائعا يرى عمله ويعجب به ويظن أنه أفضل من غيره

وأن تعددت المداخل فغايته واحده وهو أبعادك عن طريق الله

ومن أنجح الطرق أن ييأسك من صلاحك فلا تجاهد نفسك فتكون من الخاسرين

فهل نستسلم ونجعله يرفع رايه النصر بهذه السهوله؟؟؟


فاستعذ بالله
ولا تقنط من رحمته


2: هو ربنا مش هيقبلنى ؟؟

ولا هو ربنا مش عاوزنى !!!

هو مينفعش نقول كدة
لإن العوز معناه الإحتياج
وربنا سبحانه غنى مينفعش نصفه بالصفة دى
فطبعا ربنا مش محتاج لك ولا محتاج عبادتك

لكن الى بيسأل قصده هل ربنا لا يريد توبتى ؟؟

فى الآيات دى الرد

{وَاللَّهُ يُرِيدُ أَنْ يَتُوبَ عَلَيْكُمْ وَيُرِيدُ الَّذِينَ يَتَّبِعُونَ الشَّهَوَاتِ أَنْ تَمِيلُوا مَيْلًا عَظِيمًا* يُرِيدُ اللَّهُ أَنْ يُخَفِّفَ عَنْكُمْ وَخُلِقَ الْإِنْسَانُ ضَعِيفًا [النساء 27: 28]


ربنا لا يريدك ليه ؟؟؟ إيه سوء الظن دة بالله ؟؟

{مَا يَفْعَلُ اللَّهُ بِعَذَابِكُمْ إِنْ شَكَرْتُمْ وَآمَنْتُمْ وَكَانَ اللَّهُ شَاكِرًا عَلِيمًا} [النساء : 147]

وبعدين لو ربنا لا يريدك كان ليه خلاك مسلم ؟؟
ليه متطلعتش مجوسى ولا نصرانى ؟؟

أكرمك وخلاك مسلم وكمان مسلم بيدور على طريقه وبيدور على التوبة
فليه سوء الظن دة بالله ؟


*فتذكر قوله (({فَمَا ظَنُّكُمْ بِرَبِّ الْعَالَمِينَ} [الصافات : 87]

من ذا الذى أحبه فطرده !! ومن ذا الذى لجأ إليه فتركه !
لا والله هو أكرم مما تستوعب عقولنا وأرحم علينا من أبائنا وأمهاتنا


3: طيب لو فعلا فى فايدة وربنا يريدنى أتوب ..أنا ليه انتكست ....ليه مش بثبت على الطاعة ؟؟؟

إجابة السؤال دة كلمتين :
إتهم نفسك
وافهم عن ربك

{مَا أَصَابَكَ مِنْ حَسَنَةٍ فَمِنَ اللَّهِ وَمَا أَصَابَكَ مِنْ سَيِّئَةٍ فَمِنْ نَفْسِكَ وَأَرْسَلْنَاكَ لِلنَّاسِ رَسُولًا وَكَفَى بِاللَّهِ شَهِيدًا} [النساء : 79]

إتهم نفسك...

1) ممكن تكون مكنتش صادق فى التوبة ..

زى الموضوع دة أنت\ أنتِ متأكدين إنكم تبتوا ؟؟ طب ممكن لحظة !!

2) ممكن تكون بتقول بلسانك عاوز أتوب وأفعالك بتقول لأ
يعنى مقفلتش أبواب المعصية ..
زى الموضوع دة شجرة الشوك

3) ممكن تكون مش عاوز تتعب وعاوز الجنة بالساهل !

صحيح ربنا قادر على كل شئ ويقول للشئ كن فيكون
ولكن لازم الواحد يبدأ بالتغير
{ إِنَّ اللَّهَ لَا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِم} [الرعد : 11]

فمثلا لو شفت طبيب ناجح جدا مشهور له عيادات وعنده أموال كثير جدا
ممكن تتمنى تبقى زيه بس عشان تبقى زيه لازم تمشى الطريق زيه من البدايه مينفعش تاخد النتيجة النهائية اللي وصل لها وده مش معناه طبعا أن ربنا مش قادر بس ربنا أمرنا ناخد بالأسباب

يعنى لو رجعت لورا هتلاقى الطبيب ده تعب جدا سهر ليالى كثير يذاكر , حرم نفسه من حاجات كثير بيحبها , مكنش بيخرج وقت ما هو عاوز و لا بيصرف وقت ما هو عاوز مكنش بيضيع وقته ...........يعنى هتلاقى إنه تعب كثير قوى لحد ما وصل للدرجة اللي حواليه يبصوا له ويقولوا محظوظ !!!

من الجمل الجميلة

(و اعلم أن الطاعة شفاء للقلب كالعلاج لا تظهر نتائجه من جرعة واحدة وإن كانت كبيرة أو حتى كبيرة جدا
و لكن بالمداومة ، وكلما كان المرض شديداً طال وقت العلاج)

فمرض معين مثلا محتاج سنة علاج لو جه مريض عاوز يخف من أول أسبوع ولو مخفش يوقف العلاج وييأس هتقوله أيه ؟؟

فالموضوع محتاج صبر قال تعالى :
{رَبُّ السَّمَاوَاتِ وَالْأَرْضِ وَمَا بَيْنَهُمَا فَاعْبُدْهُ وَاصْطَبِرْ لِعِبَادَتِهِ هَلْ تَعْلَمُ لَهُ سَمِيًّا}
[مريم : 65]

المشكلة إن كثير صحيح عاوز يقرب من ربنا لكن عاوز الموضوع يكون سهل
عاوز يقرب بس من غير ما تاخد بالأسباب ..أو على الأقل , الأسباب الصعبة بلاش منها

ودى مشكلة كثير هم عاوزين ربنا, نفسهم يتوبوا و لكن من غير تعب ومن غير مجاهدة لنفسهم


ممكن تكون تهاونت فعوقبت ...

ممكن حاجات كثير جدا
لكن إلا إساءة الظن بالله



وقد كان أكثر دعاء حبيبنا صلى الله عليه وسلم يل مقلب القلوب ثبت قلبى على دينك

لعله يختبر صبرك وصدق محبتك له
لعله يختبر صبرك وصدق محبتك له


أين الصبر على طاعته ؟؟

قال تعالى {رَبُّ السَّمَاوَاتِ وَالْأَرْضِ وَمَا بَيْنَهُمَا فَاعْبُدْهُ وَاصْطَبِرْ لِعِبَادَتِهِ هَلْ تَعْلَمُ لَهُ سَمِيًّا} [مريم : 65]

الا يستحق الامر الصبر بل والاصطبار عليه؟؟ا

أنعتقد ان نمربلا أختبار يمتحن الله فيه شده تمسكنا بطريقه وحرصنا عليه

أنحسب ان الطريق ممهد وبلا عقبات ؟؟

لا سنقع كثيرا ولكن لابد بعد كل وقوع من وقفه وسنذنب فنحن بشر
ولكن بعد كل ذنب لابد من توبه...


يبقى الحل : غلق أبواب الذنوب
اتباع السيئة الحسنة
والدعاااء وعدم اليأس أبدا


تعرف يبقى شعارك كدة

وإن يرضيك طردى وبعدى ...... فصبرى فى محبتك جميل



ولكن أعلم ما منعك إلا ليعطيك وافهم عن ربك


*لعله يريدك أن تستشعر نعمته

كثير التزامهم حدث فجأه لحظه هداية ومنة من الله
وأحيانا عندما يأتى الشىء بسهوله لا نقدره حق قدره

فتكون فتره فتور وبُعد
لنشتاق إلى القرب ونجاهد أنفسنا ونتوسل لربنا وقلوبنا تتألم حتى نعود
فنعلم مدى النعمه التى نحن فيها فنخاف عليه ولا نفرط فيه اوتستقيم باقى حياتك فتكون النجاة


*لعله يحميك من العجب


فى بدايه الإلتزام يشعر الانسان إنه قريب جدا من الله (طاعات لم يكن يعملها _وتغير لمظاهر حياته والابتعاد عن الذنوب)
فيأتى الشيطان ليزين له ذلك فيرى عمله ويشعر إنه افضل من غيره فمن رحمة الله به أن يجعله يذنب حتى ينكسر إليه ويعود فى ثوب العبد المذنب الذليل
بدلا من مقام الطائع الذى يرى نفسه

*لعله يعلمك معنى إنه القابض الباسط

فحياتنا كلها تدور بين معانى القبض والبسط
فتارة فى صحه وتارة فى مرض لنشعر بنعمه الصحه ونشعر بقدره الله علينا وضعفنا وتارة فى طاعه وتارة فى ذلة ..وحزن ..وسعادة
وتارة فى غنى وتارة فى فقر
لنلجأ إليه فى كل حين


*لعله يعلمك أن لا حول لك ولا قوة إلا به

والله إنه لمن أهم الدروس لتعلم أن القلب بيده وحده وإن الهدايه من عنده
ونعلم إننا لا حول لنا ولا قوة إلا به
فلا نعتقد إننا لمجرد أن ألتزمنا أوقات فإننا من المقربين بل نعلم اننا ممكن ان نطرد وانه ممكن ان يستبدلنا ويكون دعاؤنا


{رَبَّنَا لَا تُزِغْ قُلُوبَنَا بَعْدَ إِذْ هَدَيْتَنَا وَهَبْ لَنَا مِنْ لَدُنْكَ رَحْمَةً إِنَّكَ أَنْتَ الْوَهَّابُ} [آل عمران : 8]

[يااااارب بحبك]

رد: مخنوقه من نفسى

طيب إحنا لما هنبني نفسنا هنبنيها إزاي

تعالوا نشوف


للقرآن الكريم حديث طويل عن النفس.

وعن عيوبها.

وعن أسباب إنحراف النفس



وعن الآثار الخطيرة الناتجة من تسلطها على بقية القوى المكونة للإنسان.

وعن صور تفاعل النفس مع العواصف الصاخبة التي تهب عليها.



زي الأهواء، والميول، والتعلقات، والأعراض، والأغراض.



وكثرة التفكير في الأمور الحسية لغاية ما تتحول لأمور مادية



لغاية ما تبقي أخطر طريق للنفس للتسرب إليها العلل



وطبعا كل نفس بتختلف عن التانية في التعامل مع العواصف دي



فعندنا كذا نوع من النفوس



من النفس الأمارة بالسوء، إلى النفس اللوامة، إلى النفس المطمئنة
بدرجاتها المتنوعة.











وللقرآن الكريم أيضا حديث طويل في المقابل.


عن مسالك علاج النفس.


وعن كيفية تهذيبها، وتطهيرها.


وعن مقاومة ميولها وأهوائها.


وعن كيفية حملها على مسالك الرشد.


وعن السادة الأكابر


الذين تنورت بواطنهم بمعرفة الحق.


وأقبلوا على النفس بأنوار الوحي.


حتى انصهرت عيوبها.



وتعودت السير في دروب المعرفة والطهر والقناعة والسكينة.


وعرفت شرف التعلق بالملأ الأعلى.



لغاية ما برز المفهوم القرآني الشريف



الذي جعله الله شعاراً نورانياً.

ومنهجا علوياً ربانياً.

للتعامل مع النفس.

والذي هو:

التزكية







{وَنَفْسٍ وَمَا سَوَّاهَا،
فَأَلْهَمَهَا فُجُورَهَا وَتَقْوَاهَا،
قَدْ أَفْلَحَ مَنْ زَكَّاهَا،
وَقَدْ خَابَ مَنْ دَسَّاهَا} سورة الشمس، الآيات 7-10.
***

{قَدْ أَفْلَحَ مَنْ تَزَكَّى،
وَذَكَرَ اسْمَ رَبِّهِ
فَصَلَّى} سورة الأعلى، الآيتان 14، 15.
***





فالتزكية مفهوم قرآني جليل.

يشرح كيفية إقبال القرآن الكريم على النفوس بالهداية.

ويبين كيفية احتشاد الآيات على صناعة تلك النفس.



لغاية ما تصبح النفس ذات بصيرة وتشوف ورا كل كلمة من القرآن

مقصودا تربويا يوجه النفس إلى مراد الله منها.





والقرآن هنا فصل إجراءات التزكية وبعض خطواتها العملية





فجعل سبحانه مدار التزكية على أمرين:

أولهما: معرفة قوية عميقة بالمولى جل شأنه.



وذلك حين تمتلئ النفوس باليقين.




والارتقاء في شهود عظمة الحق سبحانه.






مما تنكشف به للنفوس من آيات جلال المولى سبحانه.


ما تهون به الدنيا والأهواء والمطامع.


وتقع به للنفوس رهبة وخشية.


تعرف بها عظمة مقام الربوبية.


وقد عبر القرآن عن كل ذلك بقوله: {وَأَمَّا مَنْ خَافَ مَقَامَ رَبِّهِ}.




يعني لما حد بيسألك إنت معني إسمك إيه



أكيد بترد صح ؟!


طيب لما حد يسألك عن معني إسم من أسماء الله الحسني بتعرف تجاوب كويس ولا لأ؟!!






ولما حد يسألك إيه الدليل إن ربنا خلق الكون وهو ربه بتجاوب جواب شافي صحيح


ولا لأ ؟!!



ينفع تحب حد ومش تكون عارف عنه حاجة



وهل مقدار الحب بيختلف بقدر معرفتك ؟!!


أكيد طبعـــا بيختلف



فلما تكون عارف ربنا صح هتحبه أوي ومش هتقدر تبعد عنه



ثانيهما: إغلاق منافذ الهوى.


وصيانة النفس من التعرض لتلك العواصف.


التي تشعل فيها نيران الشره والطمع والتنافس.


وكف النفس، ومنعها، ونهيها، وصرفها عن تلك المسالك.


وقد عبر القرآن عن ذلك بقوله: {وَنَهَى النَّفْسَ عَنْ الْهَوَى}.


فكانت النتيجة:


{فَإِنَّ الْجَنَّةَ هِيَ الْمَأْوَى} سورة النازعات، الآيتان 40، 41.
***



طيب الأمرين دول بسهولة كده يعني ناخدهم



لأ محتاجين جهاد نفسي بالإستعانة بالله



وتمرين عملي بقي إزاي تردها عن المطامع والأهواء





وصرف النفس عن صخب الحياة وضجيجها اللي بيملي النفس بالتشوش والتهالك علي حطام الدنيا



واللي بتفقد عنده النفس صفاءها



والصفاء ده محتاجينه لأنه بيخلي النفس متعلقه بالغيب وبإجلال الله وتعظيمه







وبرده متفكرش إن النفس هتوصل بكده بإنك بقي تقعد تسمع خطب ومواعظ ودروس من غير تنفيذ ولا ترتيب زي ما بنقول نبني الخريطة إزاي



تقنع نفسك بقي إنك بتشحن ومفيش تأسيس من الأول يعني بعد كده تقابلك فتنة من اي نوع تقع ومتعرفش ترجع







علشان كده التزكية مش بتيجي كده لازم تخطيط وبناء محكم



التزكية بقي مسلك قرآني بتتكون من 3 مستويات



أول حاجة صناعة النفس وتربيتها وإنشاؤها على مقاصد القرآن وأهدافه.



لغاية بقي ما يتم بناء النفس من بدايتها علي مراد الله منها



ونفسك بقي تتعلق بالإيمان بالغيب والتعلق بالله وتعظيم شعائر الله



وإيثار مرضاته علي كل شئ



تلاقي نفسك بقي بعدها طبعت علي دوام ذكر الله وتسبيحه وتمجيده ومستحضر دايما أمر الدار الآخرة







تاني حاجة بقي : الحفظ والصيانة والرعاية لتلك النفس بعد بنائها من أي شيء يصيبها بالأمراض والعلل.





بعد ما بنيت نفسك بقي للإرتفاع الجميل لازم تحافظ عليها وتحصنها



فتبقي بقي دايما بتراجع نفسك هو يومي وبتراقبها هو يومي كان إزاي النهاردة وانا غلطت في إيه واستغفر بقي من اي حاجة غلط وابقي دائم الإستعانة بالله



لأن أصلك ضعيف فوحدك مش هتثبت إلا لو إستعنت بالله





فنعمل كده ليه



علشان ميتسللش بقي للبناء المنيع ده أي حاجة ترجعك ورا وتشغلك بأمور الدنيا وتبعدك عن ربنا



وعلشان تتمالك النفس أمرها.


وتقوى مناعتها.


فتقدر على محاصرة كل ما هو دخيل وطارئ

.
من الخطرات ووساوس النفوس.


والظلمات والأكدار اللي بتنشأ من مخالطة كثير من الناس، من أهل الانحراف والاعوجاج.





ولازم تعرف إن أي بناء مهما بالغ صاحبه في تشييده فهو محتاج لمتابعة كل ما يختل منه







تالت حاجة بقي : إنك تقوم بسرعة تعدل أي حاجة حصل فيها خلل



يعني لو هفوت نفسك وغفلت لحظة تقوم بسرعة تعدل اللي وقعت فيه



في المرحلة دي هيكون العلاج سهل جدا



لإنك بنيت نفسك من الأول صح



واللي بيحصل للناس وممكن بنشوفه كتير إن الناس بتهمل مرحلة البناء ومرحلة الحفظ.



ويربوا الأجيال القادمة علي كده



فبعد كده لما يحصل إنحراف فيبدأ يعالجوا بقي



فتكون المعاناة شديدة ويتعبوا جامد لأن البناء مش متأسس صح



فبعدها المربي يبدأ بقي يكسر ويحطم حاجات ربما تعلقت في النفس ويتعب جامد علشان يعيد البناء من جديد






فتغيب بذلك عن الناس معالم منهج النبوة في إنشاء الإنسان.
وصناعته من أول أمره.

[يااااارب بحبك]

رد: مخنوقه من نفسى

لا يحميه تحت التراب مقاييس تانية خااااااااااااااااااالص

مقايس تانية خالص

كل واحد جاى بشهادات قد كدة

انت معاك ايه ... معايا فلوس

استخدمتها فى طاعة ربنا.....لا.....يبقى صفر

وانت معايا دكتوراة من كمبردج استخدمتها فى طاعة ربنا .... لا ... يبقى صفر
وانت معايا دكتوراة كولتى منج منت من الجامعه الامريكية

استعملتها فى طاعة ربنا .....لا ....يبقى صفر

وانت كان فى نسور وسيوف ونجوم على اكتافى

استخدمتها فى طاعة ربنا وخدمة الناس ....لا دا انا كنت برعبهم....يبقى صفر

وانت انا كنت استاذ جامعه برتبة وزير

وانا كنت وزير بحق وحقيقى

استخدمت الكرسى فى طاعة ربنا ......لا ....يبقى صفر

وانت انا كان معايا فلوس كتييييييير دا انا لو كنت اخدت فلوسى وسبت البلد

كان اقتصاد البلد اتهز

استخدمتها فى طاعة ربنا واطعام الفقراء ونصرة الدعوه ودعوة غير المسلمين

للاسلام فى العالم ......لا ....يبقى صفر

وانت انا كان معايا فلوس بسلف الحكومة لما تتزنق

استخدمتها فى طاعة ربنا .....لا .... يبقى صفر

وانت كان معايا معادلة امريكية

وانا كان معايا زمالة كلية الجراحيين الملكية

وانا كان معايا زمالة اكسفور

وانا كان معايا ........

استخدمتوها فى طاعة ربنا ....لا... يبقى صفر

كل حاجة مستخدمتوهاش فى طاعة ربنا تحت التراب تبقى صفر

صفر ياجماعه



مقاييس تانية ياجماعه

مقاييس تانية خااااااالص

انا عايز اقولك انت هتقابل ربنا بالذنوب دى كلها ازاااااااى

انا قعدت حسبتها انهاردة

والله حساب يرعب

قعدت احسبها كدة

اكتب الذنوب اللى بنقع فيها

اكتبى

عقوق الوالدين

قطيعة الارحام....... السخرية........الغيبة ......... النميمة........

الخيانة......الكذب........ عدم غض البصر........ سماع الاغانى


كل معاصى الشباب

معاصى السر

اكتبى كل المعاصى

الرشوة .......الربا

اكتب كل المعاصى وبص كدا

انا لايمكن يوم يعدى عليا مئعش فى معصية ولو حتى واحدة من دول

لااااااااا يمكن

لو موقعتش فى عقوق الوالدين انهاردة هتوقع فى الغيبة

لو موقعتيش فى الغيبة انهاردة هتوقعى فى عدم غض البصر

لو مسمعتش اغنية حرام انهاردة ممكن........

ياجماعه طيب تخيلوا

لو انت عشت 50 او 40 سنة بعد سن البلوغ

تقابل ربنا بذنب

اضرب فى عدد ايام عمرك

تقول لربنا ايه؟؟؟

لو ذنب واحد كل يوم

ياجماعه لازم نتوب......هنتوب

هنقابل ربنا ازاى كدا




ياجماعه احد السلف كان بعد الفجر بعد طول القيام والبكاء

يقف ويقول وااااااااهولاااااااااااااا لو كان هولا واحد يارب لكفى

كيف وهى اهوال كثيرة

يعنى ايه؟؟؟

بيقول يارب لو كان سراط بس كان كفاية يارب

دا احنا نشتغل ليل نهار علشانه

يارب لو مكانش فى الاخرة غير امتحان العرض عليك كان كفاية

يارب لو مكانش فيه غير سؤال الملكين فى القبر كان كفاية

يارب لو مكانش فيه غير وزن الاعمال على الميزان كانت كفاية

يارب دا كان كفاية
يارب دا لو مكانش فيه غير جنة اللى يدخلها يا يدخلها يااما خلاص مفيش جنة
لو مكانش فيه حتى نار كان كفاية
كان كفاية لو مكانش فيه جنة لو كانت نار اللى يعصى يدخلها

واللى ميعصيش ميدخلهاش

ولكنها اهوال كثيرة


الربيع بن خثيم كان يبكى فى القيام لدرجة امه تقوله

يابنى أقتلت نفسا!!!

انت قتلت قتيل يابنى

يقولها قتلت نفسى

انا كل اغنية سمعتها طعنة فى قلبى وايمانى

انا كل بصة حرام بصتها طعنه فى قلبى وايمانى

انت كل موقع دخلت عليه طعنه فى قلبك وايمانك

انتِ كل حتة مكياج او خصلة بينتيها ولا شاب كلمتيه طعنه فى قلبك وايمانك

ياجماعه دا اللى بيشوف النار فى الرؤية بيتوب

اومال اللى يشوفها فى الحقيقة يعمل ايه



واحد من الناس نام حلم ان يوم القيامة والنار بتطير شطاط على الخلق

والناس بتصرخ وتفر وتفزع

تفزع

فهو فى اخر الرؤية

حلم ان جت شرارات منها على رجليه وبيصرخ

وصحى هو وبيصرخ

بيقول صحيت لقيت مواضع دراهم مكان الحروق دى

فعلا الحروق موجودة

تاب الى الله

دا شافها فى الحلم

اومال اللى شافها فى الحقيقة

ابن عمر لما شاف النار فى الحلم تحول الى قوام لله

قوام لله طول عمره

اومال اللى شافها فى الحقيقة

هيعمل ايه؟؟؟....وهيقول ايه؟؟؟

يااخوانى الموقف اخطرمما نتخيل

احنا مهددين

مهددين بسبب المعاصى بتاعتنا

مهددين تهديدات شديدة جدا

خد بالك

خد بالك انك متراقب

دا اللى اتهموه فى الجريمة بتاعت المغنية ولا الممثلة اللى اتقتلت فى دبى

قالوا جابوه ازاى

قالو الكاميرا لقتت ماركة القميص

فبعتوا للمصنع فى اوروبا

المصنع قالهم ال34 فرع اللى بيتعامل معاهم فى دبى

راحوا وجابوا الكود من الفيزا كارد

وقالو يبقى ممكن يكون هو فلان سبحان الله

ربنا يبرء كل من اتهم بظلم

قالوا يبقى ممكن يكون هو فلان

يعنى ايه ياجماعه

تخيل دى رقابة البشر

اومال رقابة الله

انا صوتى بيوصلكم ازاى

انا صوتى دا بيطلع فوق

وصورتى كلها وبتنزلكم من القمر الصناعى

يعنى ايه؟؟؟

يعنى تخيل البشر يقدروا يراقبوا بعض كدا

اومال رقابة الله ليك وليكِ

الرقابة الفنية بتراقب الفيلم لقطة لقطة علشان طبعا تحط الحاجات الوحشة

وتشيل الحاجات الحلوة

تخيل رقابة ربنا لقطة لقطة لحياتك

احنا مراقبين ياجماعة

انت لازم تتغير

انتِ لازم تتغيرى

مفيش مناص ياجماعه

لازم تغيير حقيقى لااااااازم




محمد الفاتح فتح القسطنطينية وعنده 22 سنة

اسامة بن زيد كان خارج يحارب الروم وعنده 17 سنة
اول كتاب البخارى الفه كان عنده 16 سنة


حزين على شباب الامة

حزين على كل بنت وشاب قاعدين فى ثانوى اوبنت وشاب فى جامعه

مش عارفين انكم كنتوا قواد جيوش

لو الايمان دخل قلوبكم هيقلبكم ابطال للامة وابطال للتاريخ

على قد الايمان ما هيدخل على قد الايمان ما هيملأ القلوب

ياجماعه قوموا

قوموا

دا انتوا احفاد ابطال اولاد ابطال

قوموا دا انتوا جدودكم عملوا امجاد فى الدنيا كلها

اتسطرت فى التاريخ كله

قوموا ياجماعه

قوموا

قوم لازم تتغير




لا انسى شاب كان بيقولى كلمة جميلة اوى

شوف مرتب حياته ازاى

انا عايزك تتعلم وعايزك تتعلمى

بيقولى انا بعد الفجر بعد جلسة الضحى واقرأ ورد القرآن

وبعد كدا ينام شوية فى الاجازة زى الايام دى كدا

وبعد الظهر يذاكر علم شرعى يعنى يكون مثلا فى معهد دعاه ولا متابع مع

شيخ ولا حد ويذاكر علم شرعى

وبعد العصر بنزل افوت على الشباب اصحابى ادعوهم

وبعد المغرب احضر درس

وبعد العشاء انام

علشان اصحى اقوم الليل

يااااااااااااااه

مين اللى يقدر يعمل كدا

سنة واحدة بس يبشر ان ربنا هيصطفيه من افضل الناس فى الارض

بعد الفجر جلسة الضحى وورد القرآن

وبعد الظهر العلم الشرعى علشان يعرف دينه (فقه الطهاره , الصلاة ,

الاحكام , العقيدة)

بعد العصر ينزل يلف على الشباب صحابه اوهى تنزل تلف على البنات

صحباتها علشان يدعوهم الى الله

بعد المغرب يحضر درس يشحن قلبه وايمانه

بعد العشاء ينام ويصحى يقوم الليل

ياجماعه فى حاجات عايز اقولهالكم

ولكن التوصية المهمة بتاعتنا دلوقتى

فى الحلقة بتاعت الليلة

التوصية المهمة

فاكرين ورقة الذنوب

انهاردة بقى اهم يوم لازم نعمل فيه ورقة الذنوب

انهاردة كشكول الذنوب

كشكول الذنوب ده لازم يتعمل

الكشكول دا هيفرق فى حياتك

انا قولتلكم ايه ياجماعه

احفظوا معايا بقى

علشان الورقة دى عايز تعملها لنفسك وتعمليها لنفسك

او الكشكول دا وتصوريها وتصوره وتوزعوها على كل اللى تعرفه

علشان نفتح ذهن الناس

انا فاكر ايام الكلية كنت اقعد عايز اعمل ورقة الذنوب مش عارف

طيب افتكر ايه......



انا بفتحلك ذهنك دلوقتى فى ذنوب على ذنوب على ذنوب

قبل ما تفاجىء بها يوم القيامة

اول حاجة اول ذنوب

ذنوب العلاقات المحرمة

العلاقات المحرمة دى ورقة وانت افتكر كل بنت كلمتها فى تليفون او فى شات

او حطيت نمرتها حرام عندك وكنت ناوى تكلمها او كلمتها فى الجامعه منك

ليها
او فى نادى او فى اى مكان

كل شاب كلمتيه فى شاتينج او تليفون او على النت او ....


الصفحة اللى بعد كدة
ظلم العباد كل مدرس كلت عليه فلوسه كل غيبه اغتبتيها كل نميمة نمتيها

كل ظن سوء ظنيته فى مخلوق

كل اتهام

كل حد ضربته , كل حد اذيته

كل حد ظلمته

كل حد افتريت عليه بمركزك واتعاليت عليه

بفلوسك ولا بمركزك

تالت صفحة

ذنوب القلب افتكر بقى ذنوب قلبك اللى هتعرض بيها على الله كل حسد

كل غيرة انت اللى عارف جوا قلبك

انتِ اللى عارفة

لازم تكتب الكلام دا دلوقتى

الذنوب اللى بعد كدا

ذنوب الفرائض كل فجر ضاع كل يوم صيام راح كل فريضة ضيعتها كل

صلاة مصلتهاش


الصفحة اللى بعدها

ذنوب عقوق الوالدين كل مرة شوحت بايدك

كل مرة كلمت ابوك بااسلوب مش حلو

كل مرة رزعت الباب وراك وخرجت

كل مرة اتشاكلت مع والدك او والدتك

اكتب

الصفحة اللى بعدها

ذنوب قطيعة الارحام كل مرة قطعت رحم من ارحامك

او اذيتهم او حاولت تاكل ورث حد منهم او ...او ....او

او اغتبتهم بالذات الارحام

يبقى ذنب قطيعة الارحام

الصفحة اللى بعد كدا

الذنوب المتعدية كل واحدة علمتيها المكياج كل واحدة علمتيها لف الطرح

كل واحدة عرفتيها موقع لف الطرح

كل واحد عرفته موقع اغانى او موقع صور سيئة

كل واحد حملتله من البليتوث او اى طريقة اغنية

كل واحدة عرفتيها على اولاد

كل واحد عرفته على بنات

كل واحد عرفته المخدرات

كل واحد عرفته سكك قرية سياحية مكنش يعرف عنها حاجة وراح عصى فيها ربنا

الذنوب المتعدية

كل دى ياجماعه اكتبوها

اكتبوها

والورقة دى بص لها

بصى ليها

وقولى كل ذنب من دول انتِ مهددة بيه

ذنب ...ذنب

عقوبة فى دنيتك

فى زواجك فى اولادك

فى صحتك فى الرزق فى النفسية

فى حب الناس ليكِ فى احبابك

فى اى حاجة

كل ذنب من دول مهددة بيه فى الدنيا

مهدد بيه فى الخاتمة انك تموت بمعصية بسببه

مهددة بيه فى الاخرة

فى كل مراحل الاخرة

مهدد بيه انك تحرم من صنف من نعيم الجنة بسببه

يبقى اذا يااخوانى الذنوب دى التهديدات بتاعت حياتنا

طب احنا عملنا الورقة دى ليه

علشان انا عايز الورقة دى

هاتها هاتها من درس على النت لو مش فاكر العناصر واكتبها اكتبها بالتفصيل

وزودو عليها وانشروها بين الشباب

علشان يعرفوا هما عملوا ايه

علشان يعرفوا هما مهددين باايه

يعرفوا التهديدات الخطيرة اللى هما فيها

طب والحل



توبة عامة وتوبة خاصة

توبة عامة

عامة ان الذنوب دى نقوم ونتوضى ونصلى توبة

ونستغفر ليل نها طول عمرنا لله

وتوبة خاصة انك تمسك ذنب ذنب من دول

اللهم انى استغفرك من تلك المعصية
اللهم تب عليا من هذا الذنب
والذنب دا تقيل لا دا انا عايز بقى توبة خاصة وضوء وركعتين توبة
والذنب دا فى حق انسان اه انا عايز بقى اروح اديله حقه
علشان اروح ادخل على ربنا نضيف وطاهر
ودى انا عملت ذنب متعدى فى حقها وعرفتها سكة الفساد يبقى هدعوها الى الله وادعيلها بالهداية
والذنب دا والذنب دا

ندخل لربنا طاهرين ونضاف ياجماعه
الذنوب دى لازم نفتكرها

ورقة الذنوب اللى قولتكم عليها
او كشكول الذنوب
وورقة الخسائر اللى قولتلكم عليها امبارح دول زاد لينا

[يااااارب بحبك]

رد: مخنوقه من نفسى

قلبي ده شاف كتيييييير وعمل كتييييييييير عملت ذنوب مفيش زيها


خلاص حاسس إنه مينفعش يكون قلب أصلا لأني معدتش حاسس بيه


ليه بس مين قال كده



طيب إيه رأيك إن ممكن قلبك ده يرجع زي الأول وكأنه لسة مولود جديد


ياسلام إزاي بقي ؟؟


طيب قبل ما نقول إزاي


إنت مفكرتش إشمعنا القلب اللي بنتكلم عنه


مش بنتكلم عن الجوارح التانية


طبعا علشان القلب هو اللي بستشعر بيه كل معاني القرب من ربنا


اه صح تمام أوي



علشان الطريق لربنا بتقطع بالقلوب مش بالأقدام

ممكن ناس تعمل كتيييييييير


لكن قلبها مش صادق فخلاص مش هتوصل


ربنا يريد مننا قلبنا ومش يريد حاجة تاني


سَمِعَ أَبَا سَعِيدٍ مَوْلَى عَبْدِ اللَّهِ بْنِ عَامِرِ بْنِ كَرِيزٍ ، يَقُولُ : سَمِعْتُ أَبَا هُرَيْرَةَ ، يَقُولُ : سَمِعْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ فِي حَدِيثٍ ذَكَرَهُ : " إِنَّ اللَّهَ لا يَنْظُرُ إِلَى أَجْسَادِكُمْ وَلا إِلَى صُوَرِكُمْ ، وَلَكِنْ يَنْظُرُ إِلَى قُلُوبِكُمْ ، التَّقْوَى هَا هُنَا " وَأَشَارَ إِلَى صَدْرِهِ ، رَوَاهُ مُسْلِمٌ فِي الصَّحِيحِ , عَنْ أَبِي الطَّاهِرِ , عَنِ ابْنِ وَهْبٍ .




تاني حاجة لأن القلب ده بيد الله فهو علشان كده موضوع القلب ده خطير اوووي


، قال الحبيب محمد -صلى الله عليه وسلم-: "القلوب بين اصبعين من أصابع الرحمن يقلبها كيف يشاء، فأيما قلب أراد أن يقيمه أقامه، وأيما قلب أراد أن يزيغه أزاغه"


فقلبك مش في إيدك..



قال الله تعالى: { يَا أَيُّهَا الَّذِينَ آمَنُواْ اسْتَجِيبُواْ لِلّهِ وَلِلرَّسُولِ إِذَا دَعَاكُم لِمَا يُحْيِيكُمْ وَاعْلَمُواْ أَنَّ اللّهَ يَحُولُ بَيْنَ الْمَرْءِ وَقَلْبِهِ وَأَنَّهُ إِلَيْهِ تُحْشَرُونَ } [ الأنفال/24]



يبقي نستجيب لكن ممكن يحال بينكم وبين الإستجابة


علشان المسألة مسألة قلب


يعني ربنا بيملئ قلوب المؤمنين إيمانا


وبيملئ قلوب الكافرين كفر


قال سبحانه وتعالى: { هُوَ الَّذِي أَنزَلَ السَّكِينَةَ فِي قُلُوبِ الْمُؤْمِنِينَ لِيَزْدَادُوا إِيمَاناً مَّعَ إِيمَانِهِمْ وَلِلَّهِ جُنُودُ السَّمَاوَاتِ وَالْأَرْضِ وَكَانَ اللَّهُ عَلِيماً حَكِيماً } [ الفتح/4]



شوف بقي { هُوَ الَّذِي.. } من هو؟ الله


يعني في الأول أنزل السكينة ..ليه ..ليزدادوا إيمانا


وبعد كده


علشان يدخلوا الجنة



وفي المقابل، قال الله سبحانه وتعالى: { كَذَلِكَ نَسْلُكُهُ فِي قُلُوبِ الْمُجْرِمِينَ } [ الحجر/12]{ لاَ يُؤْمِنُونَ بِهِ وَقَدْ خَلَتْ سُنَّةُ الأَوَّلِينَ } [ الحجر/13]


فالذي يسلك الكفر في قلوب الكافرين.. الله.

والذي يزين الطاعة ويحبب الإيمان ويزيده في قلوب المؤمنين: الله..



فالخطورة إن قلبك ده بيد الله بيد عليم خبير يعلم البواطن والسرائر


بيجازي الحسنة بالحسنة والسيئة بالسيئة


فأخطر حاجة إن قلبك ده مش في إيدك ، قال الله: { .. فَلَمَّا زَاغُوا أَزَاغَ اللَّهُ قُلُوبَهُمْ.. } [ الصف/5]



وكمان حاجة مهمة إن دخول الجنة مش بيكون إلا بالقلب



، قال الله تعالى: { إِلَّا مَنْ أَتَى اللَّهَ بِقَلْبٍ سَلِيمٍ } [ الشعراء/89]



وقال تعالى: { وَأُزْلِفَتِ الْجَنَّةُ لِلْمُتَّقِينَ غَيْرَ بَعِيدٍ } [ ق/31]{ هَذَا مَا تُوعَدُونَ لِكُلِّ أَوَّابٍ حَفِيظٍ } [ ق/32]{ مَنْ خَشِيَ الرَّحْمَن بِالْغَيْبِ وَجَاء بِقَلْبٍ مُّنِيبٍ } [ ق/33]{ ادْخُلُوهَا بِسَلَامٍ ذَلِكَ يَوْمُ الْخُلُودِ } [ ق/34]



ودخول النار برده بالقلب


.. قال الله تعالى: { وَلَقَدْ ذَرَأْنَا لِجَهَنَّمَ كَثِيراً مِّنَ الْجِنِّ وَالإِنسِ لَهُمْ قُلُوبٌ لاَّ يَفْقَهُونَ بِهَا.. } [ الأعراف/179]



طيب علشان القلب مهم اوي كده هنغوص في القلب شوية


القلب ده مكون من 4 أجزاء


، الصدر.. القلب.. الفؤاد.. اللب


والإيمان أو الكفر لما بيدخلوا بيدخلوا الأجزاء الأربعة دول


أول حاجة لما يكون عندك علم بالله يدخل الإيمان صدرك


قال الله تعالى: { بَلْ هُوَ آيَاتٌ بَيِّنَاتٌ فِي صُدُورِ الَّذِينَ أُوتُوا الْعِلْمَ.. } [ العنكبوت/49]


فينشرح صدرك فينتقل بقي للقلب


، { فَمَن يُرِدِ اللّهُ أَن يَهْدِيَهُ يَشْرَحْ صَدْرَهُ لِلإِسْلاَمِ.. } [ الأنعام/125]



لما ينشرح الصدر ويدخل للقلب يطمئن بقي القلب



{ الَّذِينَ آمَنُواْ وَتَطْمَئِنُّ قُلُوبُهُم بِذِكْرِ اللّهِ.. } [ الرعد/28]



فلما قلبك يطمن ينتقل للفؤاد فيحصل التثبيت


{ .. كَذَلِكَ لِنُثَبِّتَ بِهِ فُؤَادَكَ.. } [ الفرقان/32]



لما يحصل التثبيت هيحصل إيه هيبقي عندك بقي يقين كبيييييييير في الله



فلما تتيقن هتشوف كل حاجة بشكلها الحقيقي


{ كَلَّا لَوْ تَعْلَمُونَ عِلْمَ الْيَقِينِ } [ التكاثر/5]{ لَتَرَوُنَّ الْجَحِيمَ } [ التكاثر/6]




فبعد كده هتشوف آيات ربنا وتتعامل معاها وتبقي عارف الصح من الغلط

ويطبق آيات ربنا فعلا


مثال لو واحدة مثلا المدرس بتاعها جاي يسلم عليها هي مش هتسلم لو

عندها يقين بالله حتي لو هتكسفه


خلاص هي عارفة إنه غلط وعندها يقين بالله فمش هتعمل الحاجة الغلط دي



أو واحدة لابسة لبس كويس ومتمسكة بيه وبتقول ده لبس أمهات المؤمنين

وده اللي يرضي ربنا حواليها البنات لابسين لبس متبرج وحاجة صعبة أوي

هي بقي مش هاممها خالص وحاسة عااااااااادي جداااااااا ومش حاسة حتي إنها

بتجاهد في النقطة دي



ليه عندها يقين تام إنها هي الصح الناس التانية اللي تعمله انا مليش دعوة انا

بعمل اللي يرضي ربنا وبس

فهمناها



طيب لما يحصل اليقين هيحصل إيه ؟؟


هيحصل

الحب

الله

كلمة جمييييييييييلة أووووووي


هتحب ربنا


طيب هل جزاء الحب إلا الحب؟..


فربنا هيحبك بإذن الله


يانهار أبيض ربنا هيحبني


آآآآه هيحبك

ده لما ربنا يحبك هتحصلك حاجات تخليك حاسس إنك مش علي الدنيا أصلا



يا سلام إيه الكلام ده


هو في مشاعر من دي في الدنيا الخنقة دي


اه في ده الدنيا مش هتكون خنقة أصلا


"..فإن أحببته كنت سمعه الذي يسمع به، وبصره الذي يبصر به، ويده التي يبطش بها ورجله التي يمشي بها..".



الله أكبر هو في أحلي من كده


طيب نيجي نشوف لما يحصل كده هيبقي إيه النتيجة


هو في نتيجة تاني


آه في نتيجة تاني


إحنا لسة موصلناش اللب


دلوقتي هندخل اللب


الإيمان والعلم ده دخلوا اللب


فالعقل بقي هيشتغل بنور ربنا


كما قال ابن مسعود: "يعمل بطاعة الله على نور من الله، يرجو ثواب الله"..


فتشتغل بقي وتعمل في طريق ربنا علي نور من الله


، قال سبحانه وتعالى: { الَّذِينَ يَسْتَمِعُونَ الْقَوْلَ فَيَتَّبِعُونَ أَحْسَنَهُ أُوْلَئِكَ الَّذِينَ هَدَاهُمُ اللَّهُ وَأُوْلَئِكَ هُمْ أُوْلُوا الْأَلْبَابِ } [ الزمر/18]






طيب لو دخلت المعصية الصدر هيحصل إيه ؟؟

[يااااارب بحبك]

رد: مخنوقه من نفسى

المرة اللي فاتت وقفنا عند لما تيجي المعصية تدخل القلب هيحصل إيه

تعالوا نشوف



لما تدخل المعصية الصدر هيحصل إيه ؟؟


يوسوس الشيطان في الصدر { .. الْوَسْوَاسِ الْخَنَّاسِ } [ الناس/4]{ الَّذِي يُوَسْوِسُ فِي صُدُورِ النَّاسِ } [ الناس/5]،

يوسوس في الصدر



فلو إنشرح الصدر بالوسوسة .. يكمل في التدريج بقي .. معصية ..نفاق .. كفر



ياااااااه القلب يوصل إنه ينشرح بالكفر


هو في قلوب بتنشرح بالكفر

آآآآه


القلوب المريضة


قال الله تعالى: { .. إِلاَّ مَنْ أُكْرِهَ وَقَلْبُهُ مُطْمَئِنٌّ بِالإِيمَانِ وَلَـكِن مَّن شَرَحَ بِالْكُفْرِ صَدْراً.. } [ النحل/106]


بعض الناس تنشرح صدورهم بالكفر،


قال الله تعالى: { وَإِذَا ذُكِرَ اللَّهُ وَحْدَهُ اشْمَأَزَّتْ قُلُوبُ الَّذِينَ لَا يُؤْمِنُونَ بِالْآخِرَةِ وَإِذَا ذُكِرَ الَّذِينَ مِن دُونِهِ إِذَا هُمْ يَسْتَبْشِرُونَ } [ الزمر/45]

ففي صدور تنشرح بالكفر..


صدور تستبشر بالكفر، صدور تحب الكفر، تلتذ بالكفر، تتمتع بالكفر، وتكره الله،


نعوذ بالله


علشان كده لو عايز تعرف قلبك مريض ولا سليم



إعرض قلبك علي القرآن



لو إنشرح بالقرآن فقلبك سليم بإذن الله



لكن لو إنشرح بالأغاني وكلام الناس .. فللأسف مريض



فلو إنشرح الصدر بالوسوسة والنفاق



تنتقل الوسوسة للقلب

فيقلب الشيطان القلب


{ وَنُقَلِّبُ أَفْئِدَتَهُمْ وَأَبْصَارَهُمْ كَمَا لَمْ يُؤْمِنُواْ بِهِ أَوَّلَ مَرَّةٍ.. } [ الأنعام/110]



علي الرغم لما كان في الصدر كان ممكن يتخلص منه بإنه يستعيذ من الشيطان

الرجيم وقال أعوذ بالله من الشيطان الرجيم،



كان رجع الشيطان


لكن سابه يمر في القلب


ولما وصل القلب بدأ يقلبه


فلما يوصل للفؤاد يحصل التثبيت


مش تثبيت الإيمان


لأ


تثبيت الشيطان


في الحالة دي محتاجين عملية جراحية علشان تزيل ده كله


طب ياتري هتعمل إيه؟؟

حل خطير أوووي


بجد الحل الأمثل علشان تقطع المعاصي مرة واحدة


إنك تحبه


أيوة تحب ربنا


لو حبيته مش ممكن تعصيه


ولو عصيته بتسارع للتوبة فمش تتعاقب أو تعصي


العلماء بيقولوا إيه ؟!


المحبة.. ما هو الحب؟ .. أن تمحو من قلبك كل ما سوى المحبوب.. لا يكون

بقلبك أحد إلا من أجل الله يعني كل حاجة بتحبها لأجل الله

تعرفها إزاي من أجل الله


إنها تزيد من قربك من ربنا ومش تأثر علي علاقتك بربنا وتخليك تبعد


علشان كده لو حبيت حاجة أوووي وحست إنها بعدتك عن ربنا فده دليل إن

عندك فراغ في قلبك


لأن لو بتحب ربنا كان هيبقي في نورمن الله يحرق كل الحاجات اللي بتحبها غير ربنا



قال الله تعالى: { وَأَصْبَحَ فُؤَادُ أُمِّ مُوسَى فَارِغاً إِن كَادَتْ لَتُبْدِي بِهِ لَوْلَا أَن رَّبَطْنَا عَلَى قَلْبِهَا لِتَكُونَ مِنَ الْمُؤْمِنِينَ } [ القصص/10]


لذلك إن كادت لتبدي به، كانت ستظهره .. كانت ستقول: ابني. لولا أن ربطنا على قلبها.




تعالوا نفهمها أوضح شوية



الإنسان مخلوق من جزأين.. حفنة تراب ونفخة روح..


حفنة التراب اللي هي الجسم ونفخة الروح اللي هي القلب



فزي ما الجسد بيجوع ويعرى ويمرض ويمل.. فبيحتاج أنه ياكل ويشرب ويستريح ويتروح



فالقلب زي كده بره "الروح"



علشان كده الشاب اللي بيشرب سجاير روحه جعانة وهو مش عارف يأكلها إيه !!!



عنده ظمأ روحي فيسمع للأغاني ويقعد يتنطط



عنده طاقة وبيفرغ الطاقة لأنه مش عارف يفرغ الطاقة فين


مع إنه لو جي وصلي لربنا قلبه هيرتاج


لو جلس يقرأ القرآن قلبه هيرتاح


لو قعد يذكر ربنا قلبه هيرتاح


لو قام الليل وناجي ربنا قلبه هيرتاح



كما قال ابن الجوزي، عندما قالوا له: ما بالنا إذا ملأنا الكوز لا يبرد، فإذا أنقصناه برد؟


لما نملأ القلة حتى الحرف لا تبرد لا تثلج، ولكن لو أنقصناها حتى الزور تبرد.. طبعا الآن لا قلل فيه ثلاجات.. لكن ... كن فاهما معي، لو ملأنا القلة حتى الزور، تثلج المياه وتكون جميلة، لماذا؟



قال: لتعلموا أن الهوى لا يدخل إلا على ناقص.
حتى تعرف أن الهواء لا يدخل إلا على ناقص.



لو كانت محبة الله كاملة في قلبك، ما أحببت غيره، قال الله تعالى: { وَمِنَ النَّاسِ مَن يَتَّخِذُ مِن دُونِ اللّهِ أَندَاداً يُحِبُّونَهُمْ كَحُبِّ اللّهِ وَالَّذِينَ آمَنُواْ أَشَدُّ حُبّاً لِّلّهِ وَلَوْ يَرَى الَّذِينَ ظَلَمُواْ إِذْ يَرَوْنَ الْعَذَابَ أَنَّ الْقُوَّةَ لِلّهِ جَمِيعاً وَأَنَّ اللّهَ شَدِيدُ الْعَذَابِ } [ البقرة/165]




لو قلبك إتملي مستحيل يدخل عليه حد تاني غير ربنا


ثم يقول: "وقيل أن المحبة ألا تفتر عن ذكره ولا تأنس عن غيره" لا تفتر أبدا عن ذكر الله، ولا تأنس بذكر الله سبحانه وتعالى..


وقيل: "المحبة بذل المجهود في معرفة الله، ثم بذل المجهود في مرضاته".
وقيل: "المحبة فطام الجوارح عن أن تستعمل في غير مرضاه الحبيب".




يا سلاااااااام علي المحبة يعني هتفطم قلبك إنه يحب حد غير ربنا

وتفطم لسانك عن أي حاجة ممن تغضب ربنا

وهتفطم عينيك إنها تنظر للحرام




وقيل المحبة شجرة تنبت في القلب..



المحبة شجرة تنبت في القلب تسقى بماء المراقبة -أن تراقبه- وإيثار رضا المحبوب.



وقيل: المحبة حفظ الحدود، فليس بصادق، من ادعى حب الله، ولم يحفظ حدوده.



وقيل: المحبة صدق المجاهدة في أوامر الله عز وجل، وتجريد المتابعة في سنة رسول الله -صلى الله عليه وسلم-



وقيل: المحبة ميلك إلى الله بكليتك

*وده معني حنفاء

أحنف يعني مائل *



مائل الي الله بكليتك


وعن الباطل

وإيثارك له عن نفسك ومالك وروحك وإنك توافقه سرا وجهرا



قال ربك تعالى: { فَلاَ وَرَبِّكَ لاَ يُؤْمِنُونَ حَتَّىَ يُحَكِّمُوكَ فِيمَا شَجَرَ بَيْنَهُمْ ثُمَّ لاَ يَجِدُواْ فِي أَنفُسِهِمْ حَرَجاً مِّمَّا قَضَيْتَ وَيُسَلِّمُواْ تَسْلِيماً } [ النساء/65]..
في الظاهر والباطن..





وبرده تعلم بتقصيرك في حبه



قال عبد الله بن المبارك: "من أعطي شيئا من المحبة ولم يعطى مثله من الخشوع، فهو مخدوع، فالمحبة شجرة في القلب عروقها الذل لله، وساقها معرفة الله، وأغصانها خشية الله، وورقها الحياء من الله، وثمرتها طاعة الله، ومادتها التي تسقيها ذكر الله، فمتى خلا الحب عن شيء من ذلك كان حبك ناقصا، والله لا يقبل إلا الكامل".



طيب لو مش لحقنا القلب في المرحلة دي هيحصل إيه ؟؟

[يااااارب بحبك]

رد: مخنوقه من نفسى

توقفنا المرة اللي فاتت

عند إننا


لو مش لحقنا القلب في المرحلة دي هيحصل إيه ؟؟










هيبقي حاجة صعبة اوووي



لو مش إتخلصنا من الشيطان وواساوسه هيدخل اللب



وللأسف في الوقت ده هيبقي العبد في يد الشيطان زي اللعبة في إيد الطفل

يعمل فيه اللي عايزه


{ .. وَمَا كَانَ لِيَ عَلَيْكُم مِّن سُلْطَانٍ إِلاَّ أَن دَعَوْتُكُمْ فَاسْتَجَبْتُمْ لِي.. } [ إبراهيم/22]



فيصبح العبد من جنود الشيطان وأولياء الشيطان وحزب الشيطان..


يا نهااااار ألواااان


حاجة صعبة

مش كده وبس



ده بعد كده بقي هتحصل العقوبة للقلب



هيحصل حاجة صعبة اووووي



قال -صلى الله عليه وسلم- والحديث صحيح: "سيكون في هذه الأمة خسف ومسخ وقذف".



فممكن يكون الخسف والمسخ والقذف علي القلب وده أخطر حاجة



هيبقي حاجة دماااااااار



فالعقوبة نوعين



عقوبة شرعية وعقوبة قدرية



العقوبة القدرية في الأقوات والأرزاق



{ ظَهَرَ الْفَسَادُ فِي الْبَرِّ وَالْبَحْرِ بِمَا كَسَبَتْ أَيْدِي النَّاسِ لِيُذِيقَهُم بَعْضَ الَّذِي عَمِلُوا لَعَلَّهُمْ يَرْجِعُونَ } [ الروم/41]




وممكن تقع علي الأجسام وممكن تقع علي القلوب ودي أخطرها



فممكن يخسف بالقلب لأسفل سافلين



{ ثُمَّ رَدَدْنَاهُ أَسْفَلَ سَافِلِينَ } [ التين/5]




وقال الله عز وجل: {.. وَمَن يُشْرِكْ بِاللَّهِ فَكَأَنَّمَا خَرَّ مِنَ السَّمَاء فَتَخْطَفُهُ الطَّيْرُ أَوْ تَهْوِي بِهِ الرِّيحُ فِي مَكَانٍ سَحِيقٍ } [ الحج/31]




فده خسف القلب نسأل الله السلامة




لأننا بنشوف المشرك عادي ماشي علي الأرض لكن قلبه حصله خسف

ياااااه الله خسف القلب



للأسف في ناس قلبها خُسف وهي مش حاسة



فتلاقي قلبه بيحوم حول الدنايا والقاذروات



قلبه خلاص طمس



أصبح أعمي


هو مُبصر لكن قلبه أعمي



{ .. فَإِنَّهَا لَا تَعْمَى الْأَبْصَارُ وَلَكِن تَعْمَى الْقُلُوبُ الَّتِي فِي الصُّدُورِ } [ الحج/46]


يبقي شايف الحق واضح قدامه لكن قلبه أعمي وبرده معيش نفسه في الدناءة


خلاص قلبه أعمي




،{ وَمَن كَانَ فِي هَـذِهِ أَعْمَى فَهُوَ فِي الآخِرَةِ أَعْمَى وَأَضَلُّ سَبِيلاً } [ الإسراء/72]



دلوقتي في الدنيا أعمي القلب لكن في الآخرة هيكون أعمي البصر



، {.. وَنَحْشُرُهُمْ يَوْمَ الْقِيَامَةِ عَلَى وُجُوهِهِمْ عُمْياً وَبُكْماً وَصُمّاً مَّأْوَاهُمْ جَهَنَّمُ كُلَّمَا خَبَتْ زِدْنَاهُمْ سَعِيراً } [ الإسراء/97]


يارب سلم سلم



والله الواحد حاسس بالرعب من الآيات



وقال الله: { وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكاً وَنَحْشُرُهُ يَوْمَ الْقِيَامَةِ أَعْمَى } [ طه/124]

{ قَالَ رَبِّ لِمَ حَشَرْتَنِي أَعْمَى وَقَدْ كُنتُ بَصِيراً } [ طه/125]

{ قَالَ كَذَلِكَ أَتَتْكَ آيَاتُنَا فَنَسِيتَهَا وَكَذَلِكَ الْيَوْمَ تُنسَى } [ طه/126]




يااااااااه خلاص نسي الآيات



خلاص بقي معندوش أدني إحساس وإنعدمت الغيرة عندهم



كل حاجة بقيت عادي عنده


معندهوش حرام ولا حلال



للأسف يبقي زي الحيوان بالظبط



، قال الله تعالى: { وَلَوْ شِئْنَا لَرَفَعْنَاهُ بِهَا وَلَـكِنَّهُ أَخْلَدَ إِلَى الأَرْضِ وَاتَّبَعَ هَوَاهُ فَمَثَلُهُ كَمَثَلِ الْكَلْبِ إِن تَحْمِلْ عَلَيْهِ يَلْهَثْ أَوْ تَتْرُكْهُ يَلْهَث.. }




ممكن تلاقيه عادي سايب مراته كل الناس تتفرج عليها

لبسها ولا كأنه لبس


ويقولك مفيش مشكلة خالص


خليك إيزي


عادي


قلبه بقي قلب خنزير مفيش غيرة خاااالص


واحد تاني عنده علم ومش بيعمل بيه


هو عارف إن ده حرام وإن ده غلط لكن بيعمله وعاااادي


ده بقي قلبه بقي قلب حمار للأسف


لأنه عارف وبيقول للناس ده حرام وده حلال وعنده هو لأ



شوف يوم القيامة هيحصله إيه




، قال رسول الله -صلى الله عليه وسلم-: "يؤتى بالرجل يوم القيامة فيرمى في جهنم فتندلق أقتاب بطنه، فيدور بها كما يدور الحمار في الرحى، فيقال يا فلان: ألم تكن تأمرنا بالمعروف وتنهانا عن المنكر؟ قال: كنت آمركم بالمعروف ولا آتيه، وأنهاكم عن المنكر وآتيه"..




فدلوقتي بصراااااااحة وبمنتهي الصدق


القلب اللي بين جنبيك ده قلب نوعه إيه ؟؟



قلب مؤمن ولا قلب نوع تاني




عايزين ياجماعة نتحسس قلوبنا نستشعرها




عايزين ندور نصلحها إزاي عايزين نسددها عايزين نطهرها ..ننظفها

..نوجهها..نرجعها تاني




دور علي قلبك


لأن ممكن تكون فقدته


ياتري قلبك فين ؟؟



ياتري هو غليظ قاسي


ولا لين غض



نفسنا نحصل علي قلوبنا قلوبنا تتولد من جديد


مش هو ده السؤال اللي نفسنا نعرف إجابته ؟؟


علشان يولد قلبك مرة تانية


، يقول ابن القيم في كتاب طريق الهجرتين، : "صدق التأهب للقاء الله، من أنفع ما للعبد وأبلغه في حصول استقامته، فإن من استعد للقاء الله، انقطع قلبه عن الدنيا وما فيها، ومطالبها، وخمدت من نفسه نيران الشهوات، وأخبت قلبه، إلى الله، وعكفت همته على الله، وعلى محبة الله، وإيثار مرضاة الله، واستحدثت همة أخرى وعلوم أخر، وولد ولادة أخرى".




دلوقتي إحنا عايزين نركز وننتبه



علشان بجد لو قلوبنا مش إتولدت من جديد هتفضل محجوبة عن ربنا أبد
الدهر



وقلوبنا دي في حجاب ولازم تولد



طيب تولد إزاي ؟؟


.. يقول ابن القيم: "وولد ولادة أخرى تكون نسبة قلبه فيها إلى الدار الآخرة كنسبة اسمه إلى هذه الدار، بعد أن كان في بطن أمه، فيولد قلبه ولادة حقيقية، كما ولد جسمه حقيقة، وكما كان في بطن أمه حجابا لجسمه عن هذه الدار، فهكذا نفسه وهواه وطبعه حجاب لقلبه عن الدار الآخرة، فخروج قلبه عن نفسه بارزا إلى الدار الآخرة، كخروج جسمه عن بطن أمه بارزا إلى هذه الدار".




يعني إيه الكلام ده


يعني عايزين قلبك يتولد زي ما جسمك إتولد من بطن أمك


زي ما كانت بطن أمك حجاب بينك ومابين الدنيا


فبرده نفسك والهوي وطبعك حجاب بينك ما بين الآخرة

زي ما طلعت من بطن أمك وخرجت شئ وبطن أمك شئ آخر


عايزين برده قلبك يولد فيصبح شئ آخر عن هواك ونفسك وطبعك



بجد يا جماعة ده مش كلام


ده واااااااااقع عايزين ولادة حقيقية



يقول ابن القيم في موضع آخر، يقول: "والمقصود أن القلوب في هذه الولادة ثلاثة، قلب لا يولد، ولم يأن له أن يولد، بل هو جنين في بطن الشهوات، والغي والجهل والضلال".




شوف إنت لما كنت في بطن أمك كنت في ضق وضلمة إزاي ولما خرجت خرجت لسعة



فزي كده برده إنت في نفسك وشهواتك في ضيق فلما تخرج منها لعبوديتك لله هتبقي في سعة هتحلق في سماء العبودية



،{ اللّهُ وَلِيُّ الَّذِينَ آمَنُواْ يُخْرِجُهُم مِّنَ الظُّلُمَاتِ إِلَى النُّوُرِ.. } [ البقرة/257]




فده تحرر الحمد لله ويااااه علي السعادة اللي هو فيها


خرج لتوحيد الله ومعرفته ومحبته وتخلص من مشيمة الطباع وظلمات النفس والهوي



زي ما الواحد بيكون في بطن أمه في ظلمات ثلاثة



قال الله تعالى: {.. يَخْلُقُكُمْ فِي بُطُونِ أُمَّهَاتِكُمْ خَلْقاً مِن بَعْدِ خَلْقٍ فِي ظُلُمَاتٍ ثَلَاثٍ..} [ الزمر/6]



فالقلب برده بيكون في ظلمات ثلالثة غير ظلمات البطن

، ظلمة النفس، وظلمة الطبع، وظلمة الهوى


فلما تخلص منهم


قرت عينه بالله وأنس به فاطمئن بالله وسكن إلى الله،

وعكف بهمته على الله، وسافرت هممه وعزائمه إلى الرفيق الأعلى،

لا يقر بشيء غير الله، ولا يسكن إلى شيء سوى الله،

ولا يطمئن بغير الله، ولا يجد من كل شيء سوى الله عوضا،

لا يجد من الله عوضا أبدا، فذكر الله حياة قلبه، ورضى الله غاية مطلبه،

ومحبة الله قوته، ومعرفة الله أنيسه، عدوه من جذب قلبه عن الله،

وإن كان قريبا مصافيا، وحبيبه ووليه من رده إلى الله وجمع قلبه عليه

وإن كان البعيد المناويا



يااااارب اجعلنا ممن ولدت قلوبهم



يقول ابن القيم: "فهذان قلبان متباينان غاية التباين، قلب لم يولد، ولم يأن له أن يولد، وقلب ولد وخرج إلى فضاء العبودية، وتخلص من مشيمة النفس وظلمات الطبع والهوى، وقلب ثالث في البرزخ، قلب.. ثالث.. في البرزخ"








طيب دلوقتي في سؤال


انا قلبي مين في دول؟؟




ده اللي هنتكلم عنه المرة الجاية وآخر جزئية بإذن الله

[يااااارب بحبك]

رد: مخنوقه من نفسى

وقفنا المرة اللي فاتت عند نوع القلب








السؤال دلوقتي ياتري قلبي ولد ولا لم يولد ولا قلب في البرزخ منتظر إنه يخرج في الصبح وبالليل؟؟

قلب البرزخ ده نفسه يخرج بينظر لأشعة الهداية من خلف الجدار

نفسه خلااااص خرج

لكن غلبات الهوي واالنفس والطبع منعاه

عامل بالظبط زي الحامل اللي قربت تولد

منتظر الولادة في الصبح وبالليل

فلو مش إتخلص من كل العقبات دي بيبقي عامل زي الطفل اللي مش خرج

من بطن أمه وشاف النور


*في حاجة مهمة جدااااا*

ليه مش كل الناس ممكن تولد الولادة التانية

لأن مفيش عزيمة ولا صدق

إزاي واحد يعزم علي حاجة ميعرفهاش ولا بيصدقها

علشان كده لو إتكشف غطاء الغفلة هيصدق وهيعرف إنه مش إتولد فعلا


طيب نيجي لأهم حاجة وهي إزاي القلب يتولد؟؟

علشان القلب يتولد لازم الواحد يتخلص من 3 ظلمات ظلمة النفس ومشيمة

الطبع وظلمة الهوي

لاااااااازم تخرج من الـ 3 ظلمات دول

فعايزينك بقي تقتل نفسك

إيه

إيه الجنان ده

أنتحر

لا لا مش تقتل نفسك بإنك تنتحير

تقتل نفسك الأمارة بالسوء تتخلص منها

" يقول ابن القيم: "وقد اتفق السالكون على اختلاف طرقهم وتباين سلوكهم على أن النفس قاطعة بين القلب وبين الوصول إلى الرب، وأنه لا يدخل عليه سبحانه، ولا يوصل إليه جل وعلا، إلا بعد إماتتها، إلا بعد.. إماتتها".

لازم تتخلص من نفسك علشان توصل لربنا


يقول ابن القيم: "فالنفس جبل عظيم شاق في طريق السير إلى الله عز وجل، وكل سائر إلى الله، لا طريق له إلا على ذلك الجبل، فلابد أن ينتهي إليه، حتى تصل إلى الله، لابد أن تعبر الجبل، جبل النفس"..
يقول ابن القيم: "ولكن منهم من هو شاق عليه، ومنهم من هو سهل عليه، وإنه ليسير على من يسره الله عليه"..
"اللهم لا سهل إلا ما جعلته سهلا، وإنك إن شئت جعلت الحزن سهلا"
يقول ابن القيم: "وفي ذلك الجبل أودية، وشعاب، وعقبات، و.. وشوك و.. وعليق و. و.. وقطاع طرق يقطعون الطريق على السائرين إلى الله عز وجل..

ياااااااه كله ده في جبل النفس

يانهار ألوااااااااان

شوفت بقي

يلا بقي خليك قوي وتخلص من نفسك

عايزينك تفوووووووووق

كفااااااااية

قول لنفسك يا نفسي كفاااااااااية بقي انا عطشان حب ربنا

عايز أعيش الحياة وأدوق طعمها ومش هدوق طعمها إلا في قربي لربنا

وعمري ما هكون مرتاح إلا معاه

ده ربي ومش هيضيعني أبدا وهييسرلي الخير دااااااااايما

ده حبيبي والمحب لا يعذب حبيبه أبدااااااا

وعلشان النفس دي صعبة

لما قال رسول الله -صلى الله عليه وسلم- لحصين أبو عمران ابن حصين، لما أسلم قال: "أسلم حتى أعلمك كلمات، فأسلم. قال: علمني. قال: قل اللهم ألهمني رشدي وقني شر نفسي".


يلا بقي خد القرار

وقول خلاااااااااص

هفووووق من كل حاجة بتبعدني عنك يارب وهتخلص من كل العوائق

وهكون صادق معاك يارب وهستعين بيك

يقول ابن القيم: وقطاع طرق يقطعون الطريق على السائرين إلى الله ولا سيما أهل الليل المدلجين، خصوصا المدلجون.. (من يصلون الفجر، أم من يقومون الليل)..
من خاف أدلج، ومن أدلج بلغ المنزل ألا إن سلعة الله غالية، ألا إن سلعة الله هي الجنة..
من خاف أدلج، يمشي بالليل وبالنهار.


قال صلى الله عليه وسلم: "واستعينوا بالروحة والغدوة وشيء من الدلجة"


يلا بقي خلااااااص



حان الوقت



وهيتولد القلب ولادة جديدة



وهطير من الفرحة وأقول بأعلي صوتي



بحبـك يــارب


وجايلك يارب



فخذني إليك وأعني يا حبيبي



عايزين نكون شباب جامد ومعدي بجد

[يااااارب بحبك]

رد: مخنوقه من نفسى

بعد قراءة المواضيع دي يا غالية
معلش هي طويله بس مفيدة وهتفيدك جدا ان شاء الله
ومتنسيش تقومي حالا دلوقت تصلي لله وتقولي تبت ليك يااارب يااارب اعني على جهاد نفسي يا الهي
لن انساكي من صالح الدعاء

بحبك في الله
أختك في الله

[فريق استشارات سرك فى بير(الأخوات)]

رد: مخنوقه من نفسى

انتظرى الرد قريبا نسأل الله ان يشرح صدرك وييسر امرك

[فريق استشارات سرك فى بير(الأخوات)]

رد: مخنوقه من نفسى

http://www.youtube.com/watch?v=BL8In...eature=related

[فريق استشارات سرك فى بير(الأخوات)]

رد: مخنوقه من نفسى

هل تتابعين اختنا صاحبة المشكلة ؟