ساعدوني.....أنا كرهت نفسي

[غير مسجل]

السلام عليكم ورحمة الله

أنا محتاجة حضراتكم تساعدوني لأني خلاص بقيت بكره نفسي
نفسي اللي هتوديني الجحيم في الدنيا والآخرة

أنا ظاهرة إني ملتزمة جدااااااا يعني زي شرعي وأخلاق وعقل زي الناس ما بتقول عليا

لكني بعمل بلاوي ومش قادرة علي نفسي
ربنا بيسترني كتير بس أنا حاسة إن ربنا هيعاقبني عقاب كبيييييييير أوي عاجلا أم آجلا

كل ما بعمل الذنب وأتوب عنه بيني وما بين ربنا برجعله تاني لدرجة اني بقيت بضرب نفسي وبعاقبها كتير بس مفيش فايدة

أنا عمري ما يأست من الدعاء لربنا بإنه يهديني بس أنا خلاص تعبت
والله تعبت ومش عارفة اعمل في نفسي إيه وبتعامل مع نفسي بحقارة جدا لأني أنا اللي أعرفها علي حقيقتها

أنا بحب ربنا جدا وبشوف الحاجات اللي أمرنا بيها وبعملها قدر إستطاعتي
وكمان مش بطيق لا أسمع اغاني ولا أشوف أفلام ولا مسلسلات ولا بطيق الإختلاط
لكن نفسي أمارة بالسوء وبتسوقني لمعاصي السر
أنا خايفة أموت وأنا كدة ودايما حاسة إن نهايتي قربت

مش عارفة أعمل ايه
يا ريت تجاوبوني وتدلوني أعمل إيه لأني خلاااااااااااااااااااص تعبت

[فريق استشارات سرك فى بير(الأخوات)]

رد: ساعدوني.....أنا كرهت نفسي

السلام عليكم ورحمة الله وبركاته ...
اهلاً بكم اختنا الفاضلة فى بيتكم الثانى الطريق الى الله
بداية نريد منك التفاؤل بلخير وعدم الحزن والاستسلام للشيطان وكيده
سنوضح المشكلة وطرق العلاج
ونرجو منك قرأة هذا الموضوع
(احترس اخى أنت في خطر)




نعم يا أخي ..


أنت في خطر



ذنوب الخلوات قد تهدم حياتك



آاااااااااااااااااه .. جيت على الجرح مش كده ؟؟


مشكلة كبيرة جدا كتير مننا بيعاني منها



مشكلة ممكن تسبب حبوط الأعمال .. و سوء الخاتمة و العياذ بالله


هنمشي مع بعض خطوة خطوة بإذن الله عشان نعرف إزاي نتخلص من المشكلة الخطيرة دي




أول خطوة في الحل هي :

معرفة خطورة ذنوب الخلوات


1- زي ما قلنا إن ذنوب الخلوات سبب في (حبوط الأعمال).. يعني كل صلاتك و صيامك و قراءتك للقرآن .. ثوابها يضيع كأنك معملتش حاجة منها ..

قال رسول الله صلى الله عليه و سلم :
(لأعلمن أقواما يأتون يوم القيامة بحسنات أمثال جبال تهامة بيضا فيجعلها الله هباء منثورا. قال ثوبان يا رسول الله صفهم لنا جلهم لنا أن لا نكون منهم ونحن لا نعلم . قال أما إنهم إخوانكم ومن جلدتكم ويأخذون من الليل كما تأخذون ولكنهم أقوام إذا خلو بمحارم الله انتهكوها) (السلسلة الصحيحة)

2- سبب في الانتكاس

يقول ابن القيم رحمه الله تعالى"أجمع العارفون بالله بأن ذنوب الخلوات هي أصل الانتكاسات، وأن عبادات الخفاء هي أعظم أسباب الثبات"
و دي حتى مش محتاجة دليل .. لأن الواحد طول ما هو بيعصي ربنا في الخلوات .. بيحتقر نفسه و بيشعر بإنه منافق .. و الشيطان بيحبطه و يقنطه من رحمة ربنا .. فينتكس

لكن هنا تنبيه هام : إياك تسمع كلام الشيطان في الحالة دي .. مهما كنت بتعمل من ذنوب .. إياك تيأس من رحمة ربنا مهما عملت و تقول خلاص أنا مفيش فايدة مني أنا منافق .. و تستسلم و تنتكس و تبعد عن ربنا
ده مش حل ..
الحل إنك تتوب و تحاول تبطل الذنوب دي
لو رجعت ألأف مرة .. توب ألف مرة
( فإن الله لا يمل حتى تملوا)

إنت كده بتعمل زي اللي كان بيصلي .. و بعدين راح يشرب شيشة على القهوة .. فالشيطان جاء و قال له : ياراجل .. حد يكون بيصلي و يشرب شيشة .. ياراجل اتقي الله و بطل صلاة ! :)

3- سبب في سوء الخاتمة
يقول ابن رجب الحنبلي عليه رحمة الله : "خاتمة السوء تكون بسبب دسيسة باطنة للعبد لايطلع عليها الناس"لأن طول مانت بتعمل الذنب ده .. هتتعود عليه .. و ممكن و العياذ بالله تموت و انت بتعمله .. و كتير شفنا حالات زي دي


4- قد تحرم من الطاعات بسبب ذنوب الخلوات :

يقول سفيان الثوري : حُرمت قيام الليل خمسة أشهر بذنب أصبته "
وقيل لابن مسعود : لا نستطيع قيام الليل ؟ فقال : أبعدتكم الذنوب.

5- المعاصي تورث الذل لصاحبها :
قال تعالى : {مَن كَانَ يُرِيدُ الْعِزَّةَ فَلِلَّهِ الْعِزَّةُ جَمِيعًا } (سورة فاطر/ 10)
عن ابن عمر أن النبي صلى الله عليه وسلم قال : " وجعلت الذلة والصغار على من خالف أمري " [رواه الإمام أحمد وصححه الألباني ]
فقد أبى الله إلا أن يذل من عصاه ، والعبد يذنب الذنب في الليل فيصبح وعليه مذلته .


أنا اخترت بعض الأشياء فقط منعا للتطويل ..

و باختصار .. ذنوب الخلوات قد تضيع على الإنسان دنياه و آخرته .. و هو لا يعلم


و هو فاكر نفسه كويس



ممكن يكون الواحد بيصلي و يصوم و مجتهد



لكن عنده ذنب في خلواته .. يخلي كل اللي بيعمله ينهار

إخواني .. الموضوع فعلا خطير

و لا يحتمل أي تهاون


و لازم نحس بالمشكلة و ندرك متى خطورتها

عشان لما نوصل للحل العملي .. يبقى عندك دافع و تقدر تنفذ الكلام

.....................
أخي الحبيب ..


إياك إنك تظن إنك انت الوحيد اللي بتعمل ذنوب في السر


كل الناس (إلا من رحم الله) ليها ذنوب في السر


مش مصدقني ؟؟





ده مش كلامي ..


ده كلام حبيبك (صلى الله عليه و سلم)


ما من عبد مؤمن إلا و له ذنب ، يعتاده الفينة بعد الفينة ، أو ذنب هو مقيم عليه لا يفارقه ، حتى يفارق الدنيا ، إن المؤمن خلق مفتنا ، توابا ، نسيا ، إذا ذكر ذكر
الراوي: عبدالله بن عباس المحدث: الألباني - المصدر: صحيح الجامع - لصفحة أو الرقم: 5735
خلاصة حكم المحدث: صحيح



الحديث ده هنقف معاه شوية


لاحظ معي النبي صلى الله عليه و سلم قال إيه

قال (عبد) و (مؤمن)

يعني بيثبت للشخص ده (العبودية) و (الإيمان)




يعني الشخص اللي بيعمل الذنوب دي .. إنسان مؤمن









إيه يا عم المشاركة الغريبة دي ؟؟





مش انت المشاركة اللي فاتت كنت عمال تقول (احترس أنت في خطر) .. و ذنوب الخلوات هتدمر حياتك .. و هتتسبب في سوء الخاتمة

دلوقت جاي بتقول عادي







لا طبعا مش عادي

بس هي قضية ذنوب الخلوات دي لازم تفهمها بالطريقة دي

ليها جانبين لازم تفهمهم كويس





ركز بس معايا و إنت تفهم

تعالى نكمل الحديث .. و نشوف الراجل اللي النبي صلى الله عليه و سلم سماه مؤمن ده إيه مواصفاته :


1- له ذنب :
مش شغال في كل الذنوب .. ذنب واحد بيضعف قدامه



2- يعتاده الفينة بعد الفينة ، أو ذنب هو مقيم عليه لا يفارقه ، حتى يفارق الدنيا :


معنى الكلام إنه كل ما يعمل الذنب بيرجع و يتوب منه

و يؤكد المعنى ده :
3- (إن المؤمن خلق مفتنا ، توابا)

يعني بيفتن .. بس بيتوب أول ما يقع




4- (نسيا ، إذا ذكر ذكر) :
يعني بيقع في الذنب .. لأنه بينسى ..
الشيطان بيغلبه ..و يخليه ينسى رقابة ربنا عز و جل عليه



لكن المهم إنه (إذا ذكر ذكر) ..
يعني أول ما ربنا بيبعت له رسالة إن كده غلط
بيندم و يتوب و يرجع لربنا










الهدف من المشاركة الي فاتت
(احترس أنت في خطر)
إنك لما تقع في ذنوب السر لازم تندم .. و تحس إنك عملت حاجة كبيرة
و خطيرة
و لو ماتبتش ممكن تخسر الدنيا و الآخرة





و الهدف من المشاركة دي
(لست وحدك)
إنك لما تقع في ذنوب السر لا تيأس من رحمة ربنا
و تتوب بسرعة
لأن دي حاجة لازم تحصل كل واحد
عشان يعرف قيمة نفسه
و لا يغتر بطاعته
و يعرف إنه من غير ربنا لا يساوي شئ



لازم تفهم النقطتين دول كويس جداً










استنى



إوعى تغير المحطة




فاضل نقطة مهمة



إيه الفرق بين اللي بيعمل ذنوب السر و بتكون سبب في سوء الخاتمة و الانتكاس و الكلام الكتير اللي قلناه في الأول

و بين الي بيعمل ذنوب السر و النبي صلى الله عليه و سلم قال عليه (عبد) و (مؤمن) ؟؟





الفرق إن الأولاني .. ساب نفسه للذنوب دي و مادورش على حل
و فضل مداوم عليها من غير ما يتوب و من غير ما يحقق المقصود اللي ربنا خلاه يذنب عشانه
إنه يتكسر لربنا .. و يعرف قيمة نفسه و احتياجه لربنا



أما التاني .. (تواب) (إذا ذُكِّر ذَكَر)

أول ما بيقع في الذنب

بيرجع لربنا

و يتوب بسرعة

و بيندم .. و يجري يدور على حل

و يسأل الناس الأكبر منه .. يتخلص إزاي من الذنوب دي

و بيحس إنه لما كان بيطيع ربنا .. كان بحول الله و قوته

مش بقوته هو







انتظرونا مع روشتة العلاج

روشتة العلاج

الروشتة مكونة من 4 مراحل

اول مرحلة : قبل الوقوع في المعصية

1- أغلق أي باب بينك و بين المعصية :

شوف إيه الباب الي بيخليك تعصي ربنا و أغلقه تماما
مينفعش تسيبه مفتوح حتى لو حاجة بسيطة
حتى لو كان الحل صعب

لو النت هو سبب معاصيك : افصل النت

اوعى تستهين بالحل ده


دي أهم نقطة في روشتة العلاج

و لو سبت الباب مفتوح .. مهما وصلت لمرحلة إيمانية عالية

هتيجي عليك لحظات ضعف .. هتضيع كل حاجة

فاحذر

2- اكتب في المكان اللي بتعصيه فيه ربنا أي جملة تذكرك بالله

اكتب مثلا (الله يراني)

اكتب آية قرآنية

خد صورة من هنا و اعملها خلفية لجهازك

المهم حاجة لما تشوفها تذكر ربنا و تتكسف إنك تعصيه


3- الصحبة الصالحة و الانشغال بطاعة الله
فنفسك إن لم تشغلها بالحق .. شغلتك بالباطل
دور على الناس الصالحة و اتصاحب عليهم
دور على حلقات تحفيظ قرآن

اشغل وقت فراغك بطاعة الله





المرحلة الثانية عند ثوران بواعث الشهوة

1- إياك أن تعتمد على حولك و قوتك
بسرعة ارفع نظرك إلى السماء و استغث بربك أن ينجيك من نار الشهوة

قل كما قال يوسف





2- تذكر قدرة الله عليك
و أنه قادر سبحانه أن يشل قدمك أو يعمي بصرك .. او يقبض روحك و أنت على هذا الذنب
( أَفَأَمِنَ الَّذِينَ مَكَرُوا السَّيِّئَاتِ أَنْ يَخْسِفَ اللَّهُ بِهِمُ الْأَرْضَ أَوْ يَأْتِيَهُمُ الْعَذَابُ مِنْ حَيْثُ لَا يَشْعُرُونَ (45) أَوْ يَأْخُذَهُمْ فِي تَقَلُّبِهِمْ فَمَا هُمْ بِمُعْجِزِينَ (46) أَوْ يَأْخُذَهُمْ عَلَى تَخَوُّفٍ فَإِنَّ رَبَّكُمْ لَرَءُوفٌ رَحِيمٌ (47)
و تذكر مراقبته عز و جل لك و أنه معك و يراك(راجع هذه الفقرة)


3- الجأ للصحبة الصالحة
حاول أن تتصل بأحد إخوانك .. اشغل نفسك بأي عمل فيه طاعة الله





المرحلة الثالثة إذا وقعت في الذنب

1- تب فورا :
توضأ وصلي ركعتين توبة و لا تسوف

2- عاقب نفسك :
حدد لنفسك عقوبة (رادعة) إذا وقعت في الذنب

3- زود العقوبة:
لو وقعت في الذنب مرة أخرى ارفع العقوبة و اجعلها أشد حتى لا تستهين بالذنب

4- اتبعها بحسنة تمحها
قال رسول الله صلى الله عليه و سلم
(اتق الله حيث ما كنت ، وأتبع السيئة الحسنة تمحها ، وخالق الناس بخلق حسن)

الراوي: أبو ذر الغفاري المحدث: الألباني - المصدر: صحيح الترمذي - لصفحة أو الرقم: 1987
خلاصة حكم المحدث: حسن

(السر بالسر و العلن بالعلن)
يعني إذا عصيت الله في السر .. فافعل طاعة في السر


5- العقوبة النفسية
اسمع درس فورا عن
النار - الجنة - سوء الخاتمة - نعم الله
حتى تستغل لحظة ضعفك و ندمك في أن تكون دفعة قوية لتوبة نصوح




المرحلة الرابعة في حياتك كلها

إياك ان تسئ الظن بالله و إياك و الإحباط
(راجع هذه الفقرة)


الزم ذكر الله و الاستغفار و حافظ على أذكار الصباح و المساء
اجعل كلمة (استغفر الله) في لسانك طول الوقت




حاول أخي أن تلتزم بكل ما جاء في هذه الروشتة
و ممنوع تاخد (بديل)
و استعن بالله








انتهى برنامجنا


نشوفكم على خير في برامج أخرى بإذن الله





و هيا بنا نرفع شعار




نسأل الله ان يفرج كربك وييسر امرك وان احتجت شيء أختنا فأبواب الطريق الى الله مفتوح لك
وهذة السلسلة ستفيدك جدااااا
صوتيات الأخت المسلمة
وأقرأئى هذا ايضا

العاده السريه..!!!!

مشكلة عدم غض البصر وفتنة النساء ..!!!!

المواقع الإباحية ..!!!

مشاكل للأسف انتشرت عند كثير من الشباب

إلا من رحم ربي..

وكثير بيشتكي إنه سمع كلام كثير وحلول كثير ومفيش فايدة !

بداية مفيش عصاة سحرية ولا في حبوب يأخذها الإنسان ليصبح بلا عيوب وبلا ذنوب !

فالشكوى وعدم الرضا عن النفس

مش وسيلة علاج ولكنها تمهيد لبدء العلاج

فلا تتوقع أبدا أن تعيش حياتك بنفس الأسلوب ونفس الأصدقاء ونفس الطريقة ثم تجد إن مشاكلك انتهت وذنوبك اختفت !

{ إِنَّ اللَّهَ لَا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِم} [الرعد : 11]

فالأمر كله استعانة بالله ومجاهدة وبإذن الله سنذكر حلول عملية

عناصر الموضوع

1*** 3 أسس لن يصح بدونها العلاج

2*** الخطوات العملية للتخلص من الذنب

3*** إزاى تعرف إن كنت ماشي فى طريق التوبة ولا لأ حتى وإن تكرر الوقوع في الذنب

1- 3 أسس لن يصح بدونها العلاج

●●●●●●●●●●●●●●●●

1)رغبة أكيدة في التوبة وتصحيح النية

أنت فعلا عاوز تتوب وعاوز تتوب ليه ؟؟؟

أحيانا النفس بتكتفى بالإعتراف بإنها سيئة وبس !!

يعنى بتبقى نوع من أنواع إراحة الضمير

أنا وحش ،، أنا سىء،،، أنا منافق

ثم

لاشىء ........

فأول شىء كن صادق في طلب التوبة

الي عاوز شىء بيجاهد عشان يحصل عليه

وعلى قدر رغبته فيه على قدر محاولاته عشان يوصل له

عاوز تتوب ليه ؟

عشان خايف حد يعرف ذنبك ؟ ولا عشان خايف من بعض الأضرار الصحية ؟

لازم تكون عاوز تتوب لله

عشان هو يرضى

عشان خايف منه وبتحبه

ودليل ده إنك تحاول تقرب له بأكثر من وسيلة

مش معقول يكون واحد جاى يشتكى من المواقع السيئة وعاوز يبطلها ومش فارق معاه إنه مبيصليش ومبيفكرش من الأساس إنه يصلي !!

أنت متأكد إنك كده عاوز تبطلها لله !!!

فصحح النية إنها لله

لإنها لو لله سيعينك الله

طب إزاي أزود رغبتي في التوبة وتكون خالصة لوجه الله ؟؟

1* تكره الذنب وتستشعر مدى قبحه

اعرف حجم المشكلة : المشكلة مش في ذنب بتعمله وتضايق بعدها وعادي ترجع تعمله تاني

المشكلة :

إن كل مرة بتعمل فيها الذنب قلبك بيظلم ..بيسود

كل مرة بتعمل فيها الذنب بتحرم نفسك رزق (فإنما يحرم العبد الرزق بالذنب يصيبه )

وياريت نقرأ بعض أثار هذة الذنوب

هنا(احترس أنت في خطر)

2* اعرف ربنا

اعرفه وحبه وخاف منه عشان تنجى في الدنيا والأخرة

وفى دورة فى المنتدى

عن كيف تتعامل مع الله

هنا

2* إستعانة شديدة بالله مع يقين بالإجابة

مهما حاولت ومهما عملت أنت عبد ضعيف ليس لك حول ولا قوة ..لازم تعترف لنفسك بكده ..ولازم تقول يارب..قوينى وساعدنى مليش غيرك ..

ده سيدنا يوسف(عليه السلام) مع إنه نبى ولكنه استعان بالله علشان يبعد امرأة العزيز عنه..قال

(وَإِلَّا تَصْرِفْ عَنِّي كَيْدَهُنَّ أَصْبُ إِلَيْهِنَّ) فربنا استجابله ونجاه..

(فَاسْتَجَابَ لَهُ رَبُّهُ فَصَرَفَ عَنْهُ كَيْدَهُنَّ إِنَّهُ هُوَ السَّمِيعُ الْعَلِيمُ)

يبقى لازم تقول يارب وانت على يقين إنه سبحانه وتعالى شايفك وحاسس بيك ولو أنت عندك نيه صادقه فى التوبة هيقربك ويبعدك عن أى معصية ..لإنه خلقك وهو الوحيد سبحانه وتعالى اللى عالم بضعفك وعلشان كده لن يتركك وبإذن الله برحمته هينجيك من المشكله دى..بس أصدق مع الله ..!!

3 * لا تيأس ...ولا تسمع لوساوس الشيطان

فلا تيأس لو طال وقت العلاج

هناك من الأمراض ما تكفيه جرعة أو اثنين من الدواء

وهناك أمراض صعبة تحتاج علاج مدة طويلة

وقد لا يرى المريض نتيجتها في البداية ولكن هذا لا يعني إنها لا تعمل ولكنها فقط تحتاج إلى وقت

فالوقت جزء من العلاج

( الطاعة شفاء للقلب كالعلاج لا تظهر نتائجه من جرعة واحدة وإن كانت كبيرة أو حتى كبيرة جدا

و لكن بالمداومة ، وكلما كان المرض شديداً طال وقت العلاج)

وقد ورد عن أحد السلف مجاهدته لذنب 20 عام ! فلم ييأس وتاب الله عليه.

فسبحان الله أن تموت و أنت على الطريق لله والمجاهده

حتى و إن لم تصل إلى ما تريد أم أن تموت مصرا على المعصية قانطا من رحمة ربك ؟؟!!!!

ولا تيأس ..وتظن إنك لن تتغير

كل مذنب وعاصى بل ومسرف فى المعاصى يمكن أن يتوب الله عليه

بل وأن يبدل سيئاته حسنات

بل ويستخدمه فى نصرة دينه

ألم يجعل الله سحرة فرعون من أولياؤه بل وماتوا فى سبيله ؟

ألم يكن الصحابة كفارا يوما ما ؟؟

ألم تسمع عن زانية تابت وحسنت توبتها ؟ وعن ممثلة اعتزلت واقتربت من ربها ؟

وعن قاطع طرق رجع إلى ربه ؟؟

ألم يصلك حديث قاتل المائة نفس كيف تاب الله عليه ولم يعمل خير قط !

ألم تقرأ في القرآن ؟

{قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لَا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ} [الزمر : 53]

ولاتيأس ...وتسمع لوساوس الشيطان

وشوف المواضيع هنا

هو مفيش فايدة ...هو ربنا مش هيقبلنى!

ربنا بيحبك..مش مصدق؟؟ (1)+(2)

فكل شىء بيدل إن ربنا بيحبنا ويريد توبتنا

ولكن السؤال هل نحن نحب الله ونريد التوبة بصدق أم لا ؟؟؟

2)الخطوات العملية

(قبل الوقوع في الذنب ، وعند الرغبة فيه ، وبعده)

●●●●●●●●●●●●●●●●

قبل الوقوع في الذنب

1)) أغلق كل أبواب المعصية

** أنت رقيب على نفسك فأى شىء يثير في نفسك الذنب ابعد عنه

**غض بصرك ،ابتعد عن الأغاني والإختلاط

**فى التليفزيون ..إلغى كل القنوات الغير إسلامية

**فى النت..

غير مكان جهاز الكمبيوتر وضع خلفية دينية عن مراقبة الله

1) الغى خاصية اظهار الصور ..

2) غير لشركة فيها خدمة حجب المواقع الإباحية

شرح كامل لخدمة " فاميلي انترنت " لغلق المواقع الاباحيه بدون برامج لعملاء تى ايه داتا

بشــــرى لمستخدمى ال OPEN DNS كيف تمنع تغيير الاعدادات وفتح المواقع الاباحية ؟؟؟

3) ضع برنامج مانع للمواقع الاباحيه..

شرح مفصل بالصور لبرنامج Anti-Porn المراقب للجهاز والمانع للمواقع الإباحية..مع رابط لاحدث نسخه ..

كيفية غلق المواقع الابـــــــــــــــاحــيــــــة بشتى الطرق

بدون برامج احجب 150 الف موقع ضار (إباحى) بضغطة واحدة :: مُجربة وفعالة 100 % ::

2) حصن نفسك وطهر قلبك

حصن نفسك دائما بالذكر وأذكار الصباح والمساء

وطهر قلبك : فالمشكلة أساسا في القلب فإنه لو صلح لصلح الجسد كله ،

فطهر قلبك بــــ

بسماع القرآن والإستغفار وكثرة السجود والدعاء والصدقة

فالقرآن : شفاء لأمراض القلب

والإستغفار : يزيل الران والسواد الذي يتكون على القلب نتيجة الذنوب

والسجود والدعاء : وسيلة قربك من ربك

والصدقة : أمر هام جدا قد يغفل عنه الكثير فهى تطفأ الخطيئة وتطهر النفس

قال الله{خُذْ مِنْ أَمْوَالِهِمْ صَدَقَةً تُطَهِّرُهُمْ وَتُزَكِّيهِمْ بِهَا وَصَلِّ عَلَيْهِمْ إِنَّ صَلَاتَكَ سَكَنٌ لَهُمْ وَاللَّهُ سَمِيعٌ عَلِيمٌ} [التوبة : 103]

3) إلزم الصحبة الصالحة والمسجد

فصحبة السوء لن تأتي من وراءها إلا السوء

فاحرص على الصحبة الصالحة التي تذكرك بالله وتعينك على طاعته

عند الرغبة في الذنب

1) جاهد نفسك من البداية

فمجاهدة الخواطر أسهل من أن تتمادى فيها

فتتحول الخاطرة لحديث نفس ثم إراده ثم عزم ثم فعل

فمجاهدتها من البداية أيسر

2)- إياك أن تعتمد على حولك و قوتك

بسرعة ارفع نظرك إلى السماء و استغث بربك أن ينجيك من المعصية واستعذ به من شر نفسك والشيطان

3) تذكر قدرة الله عليك

و أنه قادر سبحانه أن يشل قدمك أو يعمي بصرك .. او يقبض روحك و أنت على هذا الذنب

( أَفَأَمِنَ الَّذِينَ مَكَرُوا السَّيِّئَاتِ أَنْ يَخْسِفَ اللَّهُ بِهِمُ الْأَرْضَ أَوْ يَأْتِيَهُمُ الْعَذَابُ مِنْ حَيْثُ لَا يَشْعُرُونَ (45) أَوْ يَأْخُذَهُمْ فِي تَقَلُّبِهِمْ فَمَا هُمْ بِمُعْجِزِينَ (46) أَوْ يَأْخُذَهُمْ عَلَى تَخَوُّفٍ فَإِنَّ رَبَّكُمْ لَرَءُوفٌ رَحِيمٌ (47)

و تذكر مراقبته عز و جل لك و أنه معك و يراك(راجع هذه الفقرة)

4) قم فورا واشغل نفسك بطاعة

بعد الذنب

1) تب فورا و اتبع السيئة بالحسنة تمحوها أنت فى معركة وعدوك الشيطان فإن انتصر عليك في جوله فسارع بهزيمته ولا تجعله يرفع راية النصر

أذنبت اتبع هذا الذنب بطاعة قم فصلى مدة أو أقرأ جزءا من القرآن ، تصدق بصدقة كبيرة ، وحاول أن تزيد فى كل مرة فى الطاعة حتى تكسر الشيطان وتربي نفسك

(السر بالسر و العلن بالعلن)

يعني إذا عصيت الله في السر .. فافعل طاعة في السر

2) وعاقب نفسك وزود العقوبة

فنفسك كالطفل إن لم تعاقبه على أخطاؤه لم يتربى ولم يرتدع فاحرمها من شىء تحبه ولا تهمل محاسبتها

لو وقعت في الذنب مرة أخرى ارفع العقوبة و اجعلها أشد حتى لا تستهين بالذنب

ولا تنسى العقوبة النفسية

اسمع درس فورا عن

النار - الجنة - سوء الخاتمة - نعم الله

حتى تستغل لحظة ضعفك و ندمك في أن تكون دفعة قوية لتوبة نصوح

3) إياك ان تسئ الظن بالله و إياك و الإحباط

وأخيـــــــــــــــــــــــــــــرا

الكلام من غير تطبيق = صفر

فإن كنت تريد التوبة فماذا فعلت ؟

وممكن تشوف الموضوع هنا

بصوا بقى.. أنا مفيش أى حاجة جابت معايا نتيجة ..شوفولي حل ضروري؟؟!!!!

3***إزاى تعرف إن كنت ماشي فى طريق التوبة ولا لأ ؟؟؟

_حتى وإن تكرر الوقوع في الذنب (وهذا يشمل أى ذنب )_

●●●●●●●●●●●●●●●●

1) عدم الإصرار على الذنب :

وعلامة ذلك إنه لا يكون هناك ترتيب مسبق للذنب وأن يكون قطع كل الوسائل التي تؤدي للذنب وفعل كل وسائل التحصين

{وَالَّذِينَ إِذَا فَعَلُوا فَاحِشَةً أَوْ ظَلَمُوا أَنْفُسَهُمْ ذَكَرُوا اللَّهَ فَاسْتَغْفَرُوا لِذُنُوبِهِمْ وَمَنْ يَغْفِرُ الذُّنُوبَ إِلَّا اللَّهُ وَلَمْ يُصِرُّواعَلَى مَا فَعَلُوا وَهُمْ يَعْلَمُونَ} [آل عمران : 135]

2) عدم الإستجابة في كل مرة للنفس الأمارة بالسوء بل يجاهدها مرات وربما ضعف مرة

{وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا وَإِنَّ اللَّهَ لَمَعَ الْمُحْسِنِينَ} [العنكبوت : 69]

3) أن يفوق من غفلته سريعا فيتدراك أمره

{إِنَّ الَّذِينَ اتَّقَوْا إِذَا مَسَّهُمْ طَائِفٌ مِنَ الشَّيْطَانِ تَذَكَّرُوا فَإِذَا هُمْ مُبْصِرُونَ} [الأعراف : 201]

4) التوبة والإستغفار بعد الذنب وأن يتألم قلبه بشده بعد فعل الذنب

{وَالَّذِينَ إِذَا فَعَلُوا فَاحِشَةً أَوْ ظَلَمُوا أَنْفُسَهُمْ ذَكَرُوا اللَّهَ فَاسْتَغْفَرُوا لِذُنُوبِهِمْ وَمَنْ يَغْفِرُ الذُّنُوبَ إِلَّا اللَّهُ }

5) اتباع السيئة بالحسنة وعدم ترك الطاعة واليأس

فبعد كل ذنب يتوب ويفعل أعمال صالحة فلا ييأس أبدا ولا يترك طاعة يفعلها لفعله الذنب بل يزيد فى الطاعة لتمحوه

5) أن يكون بشكل عام يتقرب إلي الله ويتغير للأفضل
إن كان فى الطريق الصحيح فسيجد إنه يتغير في كثير من الأمور
ولكن قد يستصعب على الإنسان ذنب معين فيحتاج منه وقت أكثر ومجاهدة أكبر

فعنه صلى الله عليه وسلم ما من عبد مؤمن إلا و له ذنب


فالرسول لم ينفي عنه الإيمان وقال ذنب وليس ذنوب فالعبد قد يضعف أما م ذنب دون أخر ولكن يجاهد نفسه فيه حتى يمن الله عليه بالتوبة


فإن كنت كذلك فأنت في الطريق الصحيح فاصبر وجاهد نفسك وادعي الله كثيرا وسيمن الله عليك بالتوبة ولو بعد حين

وإن كنت غير ذلك فادعي ربك أن يرزقك الصدق في التوبة
وارجع لنفسك فانظر هل حققت أسس حل المشكلة من الإخلاص والاستعانة بالله وعدم اليأس ؟ وهل حققت الخطوات العملية ؟

[غير مسجل]

رد: ساعدوني.....أنا كرهت نفسي

أخي الفاضل
جزاك الله كل خير وجعل عملكم هذا في ميزان حسناتكم

لا تنسونا من صالح دعائكم