الحمـــــــــ لله ــــــــــد إنـــــى مـــــا افطــــــــــرتـشــــ

[مالي حب سواك يا رب]

السلام عليكم ورحمة الله وبركاته
~~~~~~~~~~~~~~~

هذة قصة يوم نويت اصومه وانتم تعلمون فى الحر الشديد
وخواطر النفس التى تأتى علينا كلنا ووساوس الشيطان الذى لا يريد أن يتم لنا أى عمل صالح...

وأنتم تعلمون
كم نندم عندما نستسلم لأهواء النفس
وكم نفرح عندما نتمكن من مجاهدتها وقمعها

وبعد أن استخرت ربي عزمت على على ان اسجل لكم خواطرى فى هذا اليوم
لعلها تكون عونا لكم على امر الصيام
وادعو الله لى ان يرزقنى الاخلاص فى ذلك
فلا اكون مثل صائم ليس له من صومه إلا الجوع والعطش

نويت الصيام.......

واستعددت ............

وأثناء السحور استشعرت إن الله وملائكته يصلون على المتسحرين

الله يارب!!

وأنا اتسحر
رآنى أبى فقال مش لازم تصومى غدا انتى مش وراكى الا الصيام
ده تشدد!!

نظرت له وابتسمت وقلت أمد بها صوتى :
دول سبعيييييييييييييييييييين خريفا

فقال :يعنى ايه؟
ردت أمى وكانت تجلس معنا : عن النار يعنى للى بيصوم

فشرحت له الحديث

وكنت اعلم ان صيام هذا اليوم بالذات مختلف
لأن فيه نزول وامتحان
بس كان نفسى احس بالصيام شوية

والواحد بيكون مكسوف من ربنا لما بيصوم ويصحى الظهر ولا يجاهد الا قليلا

ونزلت وكان اليوم شديد الحر
وانا عائدة لبيتى أجر اقدامى
والارهاق وسهر الليلة الماضية

وشعرت ان قطرة ماء أغلى أمانيا فى تللك اللحظة

ولكن قلت انفسى هيهات أن تكسبينى

وكانت نفسى قد جعلتنى افطر اكثر من مرة بعد ان اكون اتممت قدر كبير من الصوم
وتقول لى الصائم المتطوع امير نفسه
وتسول لى ان اشرب بدون ان ازن الأمور
ولا تجعلنى أفكر إلا فى المصلحة العاجلة

واكثر ما صبرنى على الصوم كلمة دكتور حازم شومان حينما قال
ناجى ربنا وقول له يارب أنا نفسى اشرب بس مش هاشرب عشانك انت يارب

وحديث قال له الشيخ هانى ثلاثة ايام من كل شهر يذهبن وحر الصدر
وكنت صمت اليومين 13 و14
وباقى لى هذا وأنا فى امس الحاجة ان يذهب الله عنى وحر الصدر
(وقال إن وحر الصدر هذة هى وساوس الشيطان )

وعزمت على اتمام الصوم وعدم الالتفات لاهواء النفس

وانا عائدة لبيتى اشتريت اكياس عصير
واول شىء فعلته تقريبا عندما دخلت البيت ان جهزت
زجاجتان عصير لكى افطر عليهم وكل واحدة بطعم مختلف
واقول لنفسى سأشربهما بأكملهم عند الفطار

وتركت اسرتى يتحدثون عن البحر والمصايف
واقول لهم نفسى اوى اروح بحر مافيهوش حد
مكان اجلس فيه براحتى انام على الرمال وانظر للسماء وللبحر وبس
ومع نفسى ..........

أبى قال لى هى الدنيا كدة انتى مش هاتغيرى الكون
عاوزة مصايف يبقى لازم فيها ناس وكله بيعمل اللى هو عاوزه
وانتى ما لكيش دعوة بحد

قلت له بجد ما اقدرش لا أجد متعة فى ذلك والله قط
قلبي يوجعنى وبتعب نفسيا من المعاصى

ودخلت أنام شوية وظللت اتقلب فى السرير مش قادرة اروح فى النوم
وذهبت بخيالى بعييييييييييييييد إلى انهار الجنة
وان الله عز وجل دوما يصف أنها جنات تجرى من تحتها الأنهار
ودوما هذا الوصف يروق لى
واقول ياه يارب يبقى لى نهر لوحدى اعمل فيه اللى أنا عاوزاه
الله ... يا حبيبى يارب

واتممت الصيام بفضل الله وجاء وقت الافطار
الله يارب دعوة مستجابة
ورفعت يدى لله ودعوته

واحضرت الزجاجتان
وفطرت على الماء اولا ولم اشرب كثيرا لكى اترك مكان للعصير
ثم فتحت اول زجاجة وانا متلهفة جدا
وشربت لم اكمل نصفها
ولم استطع ان اكمل
ولم اشرب شىء من الأخرى
مش قادرة بجد

وشعرت انى زهدت فيه

فنظرت له وقلت له :
أنت اللى كنت هاموت عليك !!
أنت فعلا ما تستاهلش !!

وحسيت ان الدنيا كلها كدة

والأمال فيها كلها كدة الواحد بيبقى نفسه فى حاجة وبعد كدة يحس انها ما تستاهلش انه كان يشغل بيها باله اوى كدة

وتذكرت امى وهى تحكى لى شريط حياتها
وتقول لى قبل ما اتزوج نفسى اوى اتزوج
وبعدما تزوجت نفسى اوى أحمل
وبعدما جبت ولد نفسى اوى اجيب بنت
وبعدما جبت بنت نفسى اوى اجيب ولد تانى
وبعدما جبت نفسى اوى ولادى يكبروا
و..و...و...
وأحلام لا تنتهى
وكل حلم بكون ملهوفة اوى انه يتحقق وأن ده هاتبقى سعادتى فيه
وبعدما يتحقق احس ان مش دى السعادة أوى ولا حاجة

قلت لأ دنيا زى دى بجد ما ينفعش نعشها كدة

وقلت الحمد لله انى ما فطرتش

وصل اللهم وسلم على نبينا محمد

واسأل الله ان يجعلكم إخوانى وأخواتى من الصائمين والصائمات

((منقـول للأمـانـة))

[محبة الإيمان]

رد: الحمـــــــــ لله ــــــــــد إنـــــى مـــــا افطــــــــــرتـشــــ

ما شاء الله
قصة راااااائعة
بارك الله فيكِ اختى الفاضلة