![السلام عليكم](https://forums.way2allah.com/core/images/smilies/555.gif)
الى كل تارك لصلاه الفجر
كيف تترك نداء الله..........كيف تعلم ان الله يدعوك للقائه وانت ترفض؟ ما اقسى قلبك يا عبد الله
بدايه هل سألت نفسك من قبل لماذا اول كلمه فى الاذان
الله اكبر الله اكبر
ربنا بيقولك اترك الدنيا الزائله وتعالى عيش معايا شويه
ياللى نايم (الله اكبر) ياللى بتذاكر (الله اكبر) ياللى بتهزر مع صحابك (الله اكبر) ياللى بتشتغل ياللى بتكلم حبيبتك او بتكلمى حبيبك ياللى بتتفرج على التلفاز او بتسمع المسلسل الله اكبر الله اكبر الله اكبر الله اكبر
انت مستكتر على ربنا انك تقوم من النوم خمس دقايق تصلى يا عبد الله برغم كل اللى عملهولك برغم كل نعمه عليك هل تعلم ان ربنا الاول فرض علينا خمسين صلاه وبعدين بقو خمسه بس وانت كمان مش عاجبك يا عبد الله
انا عايزة بس اجابه على سؤال واحد
لو فى يوم لا قدر الله صحيت بالليل على صوت والدك مثلا بيقولك قوم بسرعه اخوك تعبان اوى ولازم تعمل حاجه هل هتستجيب لنداء والدك وتقوم بسرعه ولا هتقول لا انا عايز انام ومش قادر اكيد مش هتقول كده يبقى ازاى مش بتسجيب لنداء ربنا زى ما هتستجيب لنداء والدك
يلا نبدأ صفحه جديده ونعاهد ربنا على عدم ترك صلاه الفجر مرة اخرى راجع نفسك تانى