Tweet
اتكلمنا عن التوبه كتير و قليل ..
بس انت سمعت خمسين حاجه عن التوبه قبل كده و
برضو مستجبتش .. مش هسأل ليه ، لأن انت لو عارف انت عايز تتوب ليه ؟؟
كنت تبت صح
!! و لو عارف انك تقدر تسيب الذنب "و انت تقدر" كنت سبته ، بس انت مش عارف !
أنت هتتوب ليه ? .. هتقولي عشان بعمل حاجه غلط ، هقولك ماشي
و ليه برضو ما كل الناس بتعمل حاجات غلط ! ،
بس انت ربنا اصطفاك من بينهم .. ايييوه الناس دي كلها
ربنا اختارك من بينهم و حبب التوبه ليك شوفت ربنا بيحبك ازاي (:
يبقي هتتوب ليه !! عشان ربنا بيحبك و بالتالي يبقى انت هتتوب عشان ربنا يفرح بيك
<3 ، ربك و ملائكته هايفرحوا بيك ، و الشيطان يتغاظ ، و تبيض صفحتك ، و توسع قبرك ..
هتقولي ربنا بيحبني !!! ازاي !!
اقولك دليل !! و الادله كتير ، لو مكانش ربنا بيحبك كان خلقك مسلم موحد ! بالرغم من
معاصيك بس انت موحد بتقول لا إله إلا الله ، يعني لو مُت عليها ف انت ف الجنه بإذن
الله ، يبقي بيحبك و لا مبيحبكش ! و ف الحديث " ان صاحب الشمال ليرفع القلم ست
ساعات عن العبد المسلم المخطئ ، فإن ندم و استغفر اللّه منها ألقاها و الا كُتبت
واحده " ، يعني الملك اللي بيكتب خطاياك وقت ما انت بتعمل الخطيئه بيرفع القلم و
مش بيكتبها ل مده ست ساعات ! يمكن تراجع فيهم نفسك و تستغفر منها ف
ميكتبهاش ، حب ده و لا مش حب !!
طيب دلوأتي انت اذنبت ، هنعمل ايه !! اولا هتندم .. لازم تندم ، هتندم لأنك معتصمتش
باللّه وقت وقوعك ف الذنب و فرحت لما عملته و اصريت عليه بالرغم من يقينك بنظر
اللّه و اطلاعه عليك و انت بتذنب !
تندم لأنك بعت رفقه الملائكه برفقه الشياطين ، و بدلت رحمه الله ب سخطه !
تندم لان كان ممكن ربنا يأخذك على المعصيه ديه و يتختملك ب خاتمه سوء ، و من مات
على شئ بُعث عليه !
بس شوفت برضو ربنا بيحبك و سابك يمكن تتوب و ترجع له (:
و هعرف ازاي اني ندمت صح ?
هقول ل حضرتك إذا ندم العبد ظل ندمه ينمو في قلبه إلى ان يغسل ذنبه ب دمعه ،
فتسقط الدموع من خشيه اللّه لترتفع التائب إلى أعلى عليين
طب اسمع البشاره النبويه دي " عينان لا تمسهما النار ابدا ، عين باتت تحرس في
سبيل الله و عين بكت من خشيه اللّه " ،
بل إن ابن عمر يزف لك البشري بيقول : لأن
ادمع دمعه من خشيه اللّه أحب إلى من أن اتصدق بألف دينار ..
و احد اسمه محمد بن المنكدر كان لما يبكي من خشيه اللّه بيمسح وجهه و لحيته
بدموعه و بيقول : بلغني ان النار لا تأكل موضعا مسته الدموع
مش عارف تبكي تباكي لحد ما ربنا يرزقك بالدمعه المُنجيه
أبو بكر الصديق قال : من استطاع أن يبكي فليبك ، و من لم يستطع فليتباك .
طيب خلاص عيطنا و بعدين !!
ارجع ل ربك صلى ركعتين و قول يا رب أنا اسف ، يا رب انا عملت الحاجه الفلانيه دي و
انا غلطان ، يارب دي كبيره أنا عارف بس عارف ان انت أكبر و ارحم ، يا رب انت ارحم بيا
من أمي ، يا رب أنا لو عصيت امي ف حاجه بتعاقبني عليها ف وقتها يارب بس انت
رحيم اووي سبتني يارب و مقبضتنيش .. سبتني عشان ارجعلك و انا رجعت :') يارب
سامحني .. يا رب مش انت قلت " يا ابن آدم لو بلغت ذنوبك عنان السماء ثم
استغفرتني غفرت لك ما كان منك و لا ابالي " يارب انا بستغفرك اهو أنا رجعت و انت
ارحم من انك تصدني و تقفل الباب ف وشي يا رب انا عارف ، لو مكنتش رحيم كنت
قبضتني على معصيتي ياارب أنا راجع :') <3
........
اثقل شئ على العبد الذنوب ، و اخف شئ عليه التوبه ، فماله لا يدفع اثقل شئ بأخف
شئ ?!!
احلى حياه فى طاعه الله
تعليق