رسالة الى الستات الكبار خاصة ولكل البنات عامة

[اليمامة 86]

السلام عليكم ورحمة الله وبركاته

......................................ز

.................................................. ...
كنت عاوزة اتكلم معاكم فى موضوع كده ممكن يكون حصل فينا او احنا اللى بنعمله

دلوقتى لما بنتكلم مع حد ونتعاتب مثلا او نتكلم فى اى موضوع طبيعى يحصل جذب وشد او لو فى حد بيعاتبك بتدافعى عن نفسك

المهم

لا انا ولا انتى ملاك

بس فى مواقف حصلت كتير مع ناس ومنها

هتلاقى مثلا حماتك خالتك او عمتك بتكلمك وعمالة تنتقدك فلو انتى مثلا بتفهميها وجه نظرك فانتى كده ضايقتيها مش عارفة ليه حتى لو انتى معاكى الحق واتكلمتى بأدب بردو تلاقيها مضايقة عشان مش ماشية على هواها


او حماتك مثلا بتتكلموا فانتى بتردى بادب وتفهميها وجه نظرك اللى مش على مزاجها واصلا ده موضوعك انتى ويخصك انتى وهى اللى متدخلة وانتى عشان مؤدية بتفهميها براحة واصلا مش مجبورة انك تبرريلها بس بردو تلاقيها مضايقة عشان مش ماشية على هواها


يعنى مثال للتوضيح وما اكثرها من امثلة من حياة الناس عامة


لو مثلا الست الكبيرة جارتك مثلا قالتلك وهى جاية عليكى اوى وبتتكلم بعصبية ومش بحب خالص وده باين جدا
وبتقولك مثلا انتى فاشلة ومش شاطرة وعمالة تجيبى درجات زفت ولا بتعرفى تعملى اى حاجة ومتكبرة ولا حتى بتسالى ولا بتعبرى
فى حين ان ولادها فاشلين جدا ولا عمرهم عبروا مامتك ولا بيسألوا

فانتى بتكونى عاوزة توضحى وجه نظرك وتقوليها بادب مثلا انا بحاول اذاكر والله وبتعلم وبسال على حضرتك
وتقوليلها والامتحان كان صعب زى بنت حضرتك بردو معرفتش تجاوب وجابت درجات قليلة زيى فده غصب عنى


تقوم تعمل ايه

تلاقيها راحت اشتكت لفلانة وياريت بتقول الكلام زى ما حصل لااااااااااااااااااااااااا
تلاقى الكلام لف ودار واتحور واتقال بطريقة غلط خالص وتقلب المواضيع وتخلى البنت غلطانة وانها هى الملاك البريئ

تقوم تقول دى انا كنت بنصح فلانة وقلبى عليها واقولها تذاكر عشان تكون شاطرة وتتعلم الاكل اكتر عشان بيتها فى المستقبل وعاوزالها الخير
تقوم ترد عليا بقلة ادب وتقولى قبل ما تتكلمى عليا شوفى بنتك الاول انا احسن من بنتك وبنتك فاشلة جدا وبتكلمى وبتزعقلى وهى مالها ببنتى انا عمرررررررررررررى ما ادخلت فى حياتهم اصلا هههههههه ولا اتكلمت عليهم

مع انها هى اصلا اللى عملت الموضوع وبتتدخل جداومتعرفيش عنها حاجة مثلا وتنتقدك لو عملتى حاجة ومقلتيش
واصلا لو عاوزة تنصح النصيحة عمرها ما تكون بالاسلوب ده ابدا لان ببساطة هى مترضهاش عليها ولا على بنتها


وكده وتلاقى الكلام اتحور اكتر من كده بكتير وكأنك انتى اللى بدأتى الكلام وبدأتى الغلط والانتقاد

طبعا ده مثااااااااااااااال عام بيحصل لبنات كتير مع اختلاف الاحداث

ومثلا لو انتى عمالة تعملى الببيت وتنضفى لحماتك وده اصلا مش مجبرة عليه المفروض يعنى
وتعملى كل شئ اكل ونشر ومسح وكله بس جيتى على انك معملتيش بالزعافة مثلا السقف ههههه نسيتى او من الهده تعبتى
فتقولك معملتيش ليه السقف بالزعافة فتردى بادب انك نسيتى او هتعمليها بعدين عشان تعبتى وكده وطبعا الكلام مش على هواها


فتقول ايه لما حد يزورها اصل لازم يتسلوا بالكلام فتتسلى عليكى

تقوم تقول مثلا للناس شفتوا انا بعمل كل شئ ومش بخلى مرات ابنى تعملى اى حاجة خالص بس مرة كده كنت تعبانة وقلتلها معلش يابنتى اعمليلى السقف بالزعافة عشان مش قادرة
قامت ردت عليا وتقولى بقولك ايه انا تعبانة اوى ومش قادرة انتى مش بتقدرى وبعدين سقف ايه وانا مالى وتخلى البت قليلة الادب مع انها مظلومة اصلا

وده بردو مثال عام للى بيحصل مع بنات كتير مع اختلاف الاحداث

وفى امثلة كتييييييييرة تانية

زى قريبة عمة خالة حما جارة صاحبت مامتك لو اتكلمتى كلمة مش على هواها وانتى مش غلطانة بالعكس هى اللى عمالة تنقدك وتغلط وتضغطك فلما تردى وتوضحى وجه نظرك وانتى اصلا فى حالك ومظلومة فلازم تطلعك غلطانة وتحور الكلام يمين وشمال وتطلعك فى الاخر ان انتى اللى عمالة تنقديها وهى اصلا اللى بتعمل كده ههههههه

لازم لما تحكى لحد تقلب القصة لصالحها طب اسكتى ومتحكيش اصلا وبلاش تحوير من الاخر بلاش كذب لان ده اسمه كذب


عاوزة اقول للستات الكبار دول حررررررررررررررررررررررررررام عليكم بجد

اعرفى ان ربنا عالم ومطلع على قلبك ونيتك واللى جواكى ولو مكنش حد قاعد فى القعده وسامع الحوار فاعرفى ان ربنا كان مطلع وشايف كل شئ خافى من ربنا واتقى الله ومتحوريش الكلام عشان تبانى ضحية صدقينى هتجيلك مشاكل ومصايب ومش هتكونى عارفة دى من ايه وبردو هتفضلى تقولى انا طيبة وغلبانة

هتلاقى ولادك قلبوا عليكى هتلاقى اللى بتحكيلهم قلبوا عليكى هتلاقى هموم وبلاوى وياريت بتتعظى لا بتكملى فى اسلوبك

خاتقى ربنا من جواكى عشان اللى بتقوليه بيسبب مشاكل كبيرة اوى وبتكونى ظالمة متفتكريش ان الموضوع بسيط ابدا والله
دى كاسرة النفس والظلم حاجة كبيرة اوى عند ربنا وربنا بيمهلك عشان تبطلى وهتخسرى كتير لو مبطلتيش

المهم عندك ان قدام الناس تطلعى طيبة براحتك بس متزعليش لما تلاقى بعد كده قلبوا عليكى ومتزعليش من مشاكل تجيلك
ده غير العقاب فى الاخرة


وبقول الكلام خاص للكبار لان انتم كبار

يعنى انتم اللى ترحمو الصغير ومتضغطوش عليه بحجة ان انتم كبار وهو صغير لازم يسكت ويتقهر وفى الاخر يطلع قليل الادب لو بس حب يوضح

مش معنى ان انتم كبار يبقى ليكم الحق انكم تغلطوا وتكذبوا وتحوروا ولازم تكونوا صادقين واالا بقى نكون بنكذبكم وتبقى جريمة تانية

مش معنى انكم كبار تكونوا متكبرين على الناس وانتم مش بتغلطوا لاااا الكبار ممكن يغلطوا عادى جدا

وعشان انتم كبار المفروض تحاولوا تهدوا المواضيع ومش تعملوا مشاكل من مفيش وتتقوا ربنا وتعدوا لان خلاص العمر بيعدى جرى وهنقابل ربنا
ومحتاجة كل عمل خير ومحتاجة الدعاء ليكى مش عليكى

يمكن لما تقروا الكلام تعملوا بيه او تفكروا مع نفسكم

اه عارفين ان احنا لازم نعدى للكبار معلش السن وكده بس هما بيكونوا واعيين جدا ويمكن اصبى مننا وحتى لو مش كده المفروض يعملوا اعمالهم لله والموضوع للتذكرة ليهم عشان دنيتهم واخرتهم لانهم بردو اهلنا ومننا ودى مجرد نصيحة ارحموا الصغار

ليه تظلمى واحدة تخليها تقول لربنا حسبى الله ونعم الوكيل يارب خدلى حقى ليه تحطى نفسك فى الوضع ده


دى انتى المفروض تسترى على الغلط عشان تحمى البيوت ووتدخلى السرور على الناس لانك الكبيرة



واخيرا الكلام للبنات حاولوا بقدر الامكان لا تجادلوا مع الكبار وعدى وكبرى ولما تتضغطى اوى روحى اشتكى لربنا انه يهدى الحال ويجعلك مش مضايقة ويبرد قلبك عشان ربنااااااااااااااااااااااااااااااااااااااااااااااا اااااا

تقولى يارب انا هترك الجدال بعمل بالحديث : أنا زعيم ببيت في ربض الجنة لمن ترك المراء وإن كان محقا

هقول معلش استحمل لله يمكن ده اللى يدخلنى الجنة صبرى عليهم حتى لو مظلومة هقول معلش

مش بقول ان ده بيحصل بس من الكبار لا مممكن يحصل من البنات بس اللى باين اكتر والغالب بيحصل من الكبار للاسف
بس بردو بقول للبنات لما تكبرى اوعى تعملى كده خدى بالك الكلام ليكى بردو اوعى تخلى الشيطان يجعلك كده لازم تحاسبى نفسك
احسن تطلعى افظع منها دربى نفسك من دلوقتى مع ولادك مع الاطفال مع التلاميذ مع اخواتك الصغيرين شوفى بتعملى كده ولا لا


والله لو الكبير رحم الصغير بجد ومش يزعل اوى منه لانه صغير ممكن يغلط

ولو الصغير احترم الكبير بجد ومش يزعل منه لانه كبير

هنرتاااااااااااااااااااااااااااح

ونعدى لبعض ونتقى الله اهم شى التقوى

وبعدين الشكوى لغير الله هتضرك انتى
اشتكى لله وبلاش تشتكى للناس عشان متاخديش ذنوب انك اغتابتى وكذبتى وطلعتى فلانة وحشة بدل ما تسترى عليها ووممكن تتصالحوا فتندمى انك اشتكيتى عليها

اعملوا الاعمال لله وسامحوا لله وربنا كريم اوى ولو عملتى خير ونيتك الله وهسكت عشان معملش بغضاء وزعل
والله ربنا هيقف معاكى وهيحميكى وهيتردلك عملك الخير اضعاااااااااف فى الدنيا والاخرة

الدنيا قصيرة جدا وذليلة

[كريمه بركات]

رد: رسالة الى الستات الكبار خاصة ولكل البنات عامة

الله المستعان
اختي لاحظي اكثر الايات في الناس


وَلَـٰكِنَّ أَكْثَرَ النَّاسِ لَا يَعْلَمُونَ ﴿١٨٧﴾ الاعراف
وَلَـٰكِنَّ أَكْثَرَهُمْ لَا يَشْكُرُونَ﴿٦٠﴾ يونس
وَلَـٰكِنَّ أَكْثَرَ النَّاسِ لَا يُؤْمِنُونَ

لذلك أختي هوني عليكي وخليكي فاكره انكي بتتعاملي مع الله ودعي الخلق ولا تلتفي اليهم

[اليمامة 86]

رد: رسالة الى الستات الكبار خاصة ولكل البنات عامة

الله المستعان
اختي لاحظي اكثر الايات في الناس


وَلَـٰكِنَّ أَكْثَرَ النَّاسِ لَا يَعْلَمُونَ ﴿١٨٧﴾ الاعراف
وَلَـٰكِنَّ أَكْثَرَهُمْ لَا يَشْكُرُونَ﴿٦٠﴾ يونس
وَلَـٰكِنَّ أَكْثَرَ النَّاسِ لَا يُؤْمِنُونَ

لذلك أختي هوني عليكي وخليكي فاكره انكي بتتعاملي مع الله ودعي الخلق ولا تلتفي اليهم

جزاكى الله كل خير يااااااااارب

عندك حق وهذا الموضوع لكى يتذكر الناس انها دنيا ويتقوا الله فى اقوالهم وافاعالهم