Tweet
استعدى بقى لمستقبلك اللى بجد :)
السلام عليكم ورحمة الله وبركاته
تخيلوا معايا لو أب قال لابنه .. احنا احتمال كده نطلع مصيف السنة اللى بعد الجاية
وابنه ده عنده امتحان كمان اسبوع واحد !
الولد ساب المذاكرة ونسى الامتحان وقعد يجهز ويفكر ويرتب للمصيف .. هيعمل إيه وهيروح فين وهيشترى إيه ؟؟
وكل أما حد يقوله ذاااكر ده الامتحان خلاص فاضل عليه كام يوم !
يقولهم لأ .. لما اجهز واستعد للمصيف الأول !
تفتكروا الولد ده طبيعى ؟
لأ طبعاااا
ليه بقى ؟؟
لأنه ضيع مستقبله !!
>> طب يعنى ميجهزش للمصيف ؟
هو ضامن يطلع المصيف ده أساساً ؟؟ ده والده قاله " احتمال " !!
يعنى ده مستقبل مظنون
حاجة ممكن تحصل وممكن متحصلش
انما الامتحان ده مستقبل يقينى .. أكييد هيحصل _بإذن الله_
طب يا ترى انت كده ؟
يا ترى انتى كده ؟
أحب أقولكم إن كلنـا كده .. كلنا عملنا زى الولد ده بالظبط للأسف
عمالين نستعد لمستقبلنا المظنون وسبنا مستقبلنا اليقينى اللى لازم كل يوم نستعد له !
الدنيا يوم عن يوم تاخدنا فى دوامتها اللى مبتنتهيش أبدااا
الطالب واخداه المذاكرة والدروس والتفوق و و و ... وتقوله التزم وتوب ,, يقولك لما اخلص الامتحانات .. لما تيجى
الأجازة !
انت ضامن تعيش اليوم الجاى أصلاً ؟
غيبوووبة يا جماعة والله
لما يدخل الكلية وينشغل ,, توب والتزم بقى دلوقتى .. مش لما يبقى معايا شهادة محترمة الأول ؟!
طب يا سيدى أيدك اتخرجت دلوقتى .. توب والتزم بقى !
مش لما ألاقى شغل الأول ؟!
ولقيت شغل ... التزم بقى وقرب من ربنا !
طب مش لما أكوَّن نفسى الأول واتجوز وأخلف ؟؟
طب أديك اتجوزت وخلفت .. يللا بقى قرب من ربنا وتوب !
مصاريف العيال كتيير وإزازة الزيت بقت بـ9 جنيه وكيلو الطماطم بـ5 جنيه ! أعمل إييه ؟؟
وتفضل الغيبوبة وخداه .. ووخدانا كلنـا
وعمالين نستعد ونأمن مستقبلنا " المظنووون " وسايبين مستقبلنا اليقينى !!
أنهى عقل يقول كده ؟
لحد اما مهلته تنتهى ويُقبض روحه وينزل القبر وساعتها هيتمنى 10 دقايق بسسس يصلى فيهم ركعتين توبة لله !!
انت كان أدامك عمرك كله ,, مستغلتهوش صح ليه ؟؟
متوبتش ليه ؟؟
جاى دلوقتى تقول هتوب !!
بعد ما عرت حقيقة الدنيا اللى كنت بتسعى ليها ليل ونهار وضيعت علشانها آخرتك !
نفعتك بإيه الدنيا دلوقتى ؟؟
نفعك بإيه شغلك ولا مرتبك ولا مراتك ؟
نفعك بإيه المذاكرة اللى كنت بتضيع وبتاخر الصلاة علشانها ؟
نفعتك بإيه الكلية اللى فسدت قلبك بسبب الاختلاط ؟!
نفعكم بإيه ده كلـه ؟؟
هتقول لربنا إيه لما تقابله ؟
أَنْ تَقُولَ نَفْسٌ يَا حَسْرَتَا عَلَى مَا فَرَّطْتُ فِي جَنْبِ اللَّهِ وَإِنْ كُنْتُ لَمِنَ السَّاخِرِينَ
والله هنتحسر على كل وقت عدى مننا واحنا بعيد عن ربنا !
هنتحسر على كل فرصة توبة جت لحد عندنا وأجلناها عشان مشاغل الدنيا !
هنتحسر على كل رسالة ربنا بعتهالنا ومفهمنهاش صح !
هنتحسر على كل يوم سوفنا فيه عمل صالح !
هنتحسر على الدعوة اللى سبناها بحجة مذاكرة ولا امتحانات ولا شغل !
كان تقدر تعمل كتيير أوووى فى حياتك وتستغلها صح لكنك معملتش !!
كنت فاكر انك ماشى صح لكن للأسف اكتشفت انك كنت غلط اووى بس متأخر اووى !
قُلْ هَلْ نُنَبِّئُكُمْ بِالأَخْسَرِينَ أَعْمَالا. الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعًا
كنت فاكر انك ماشى صح وإنك بكده فاهم الدنيا وفاهم كل حاجة
لكنك للأسف بكده ضليت سعيك
اوعى تضل سعيك وعينك تحود عن الطريق
اوعى تسيب مستقبلك اليقينى .. اوعى متكونش بتستعد ليه من دلوقتى !
كل يوم يمر عليك لازم تزود فيه من عملك الصالح وإلا هتتحسر عليه أشد الحسرة يوم القيامة
اوعى تفوت فرصة توبة إلى الله .. انت مش ضامن عمرك !
اللى هتعيش عليه هتموت عليه ... عيش لربنا وعلى طاعته ومحبته والدعوة ليه
متسوفش أى عمل صالح ... ومتستصغرش اى حسنة بتعملها لعلك تكون
صدقت فى نيتك وأخلصتها لله فترفعك درجات فى الجنة مكنتش هتبلغها إلا
بالعمل ده
خلى همك هو إرضاء ربنا .. هو البعد عن الحرام بكل أشكاله وصوره
تيقن إن طول ما انت مع ربنا .. مستقبلك اليقينى والمظنون مضمون بإذن الله
هتلاقى أسباب التوفيق والنجاح والفلاح كلها فى حياتك بإذن الله
انما لو بعدت عن ربنا وتركت الاستعداد للآخرة وانشغلت بالدنيا وبالمستقبل
المظنون ده هتلاقى الهموم ركبتك ومشاكلك زادت وحياتك كلها اتلخبطت !
يمكن دى رسالة من ربنا ليك .. اوعى تفوّتها !
ربنا بيحبك عشان كده حذرك .. متتجاهلش التحذير ده
استعد كويس اووووى للآخرة .. خلى ربنا يرضى عنك ويحبك
انت لو كسبت حبه ورضاه هتبقى كسبت الدنيا وما فيها وفى الآخرة هتكسب جنته ونعيم رؤيته
متضيعش آخرتك عشان دنيتك أبداااا
واستعد لأول ليلة فى القبر من دلوقتى
تخيلوا معايا لو أب قال لابنه .. احنا احتمال كده نطلع مصيف السنة اللى بعد الجاية
وابنه ده عنده امتحان كمان اسبوع واحد !
الولد ساب المذاكرة ونسى الامتحان وقعد يجهز ويفكر ويرتب للمصيف .. هيعمل إيه وهيروح فين وهيشترى إيه ؟؟
وكل أما حد يقوله ذاااكر ده الامتحان خلاص فاضل عليه كام يوم !
يقولهم لأ .. لما اجهز واستعد للمصيف الأول !
تفتكروا الولد ده طبيعى ؟
لأ طبعاااا
ليه بقى ؟؟
لأنه ضيع مستقبله !!
>> طب يعنى ميجهزش للمصيف ؟
هو ضامن يطلع المصيف ده أساساً ؟؟ ده والده قاله " احتمال " !!
يعنى ده مستقبل مظنون
حاجة ممكن تحصل وممكن متحصلش
انما الامتحان ده مستقبل يقينى .. أكييد هيحصل _بإذن الله_
طب يا ترى انت كده ؟
يا ترى انتى كده ؟
أحب أقولكم إن كلنـا كده .. كلنا عملنا زى الولد ده بالظبط للأسف
عمالين نستعد لمستقبلنا المظنون وسبنا مستقبلنا اليقينى اللى لازم كل يوم نستعد له !
الدنيا يوم عن يوم تاخدنا فى دوامتها اللى مبتنتهيش أبدااا
الطالب واخداه المذاكرة والدروس والتفوق و و و ... وتقوله التزم وتوب ,, يقولك لما اخلص الامتحانات .. لما تيجى
الأجازة !
انت ضامن تعيش اليوم الجاى أصلاً ؟
غيبوووبة يا جماعة والله
لما يدخل الكلية وينشغل ,, توب والتزم بقى دلوقتى .. مش لما يبقى معايا شهادة محترمة الأول ؟!
طب يا سيدى أيدك اتخرجت دلوقتى .. توب والتزم بقى !
مش لما ألاقى شغل الأول ؟!
ولقيت شغل ... التزم بقى وقرب من ربنا !
طب مش لما أكوَّن نفسى الأول واتجوز وأخلف ؟؟
طب أديك اتجوزت وخلفت .. يللا بقى قرب من ربنا وتوب !
مصاريف العيال كتيير وإزازة الزيت بقت بـ9 جنيه وكيلو الطماطم بـ5 جنيه ! أعمل إييه ؟؟
وتفضل الغيبوبة وخداه .. ووخدانا كلنـا
وعمالين نستعد ونأمن مستقبلنا " المظنووون " وسايبين مستقبلنا اليقينى !!
أنهى عقل يقول كده ؟
لحد اما مهلته تنتهى ويُقبض روحه وينزل القبر وساعتها هيتمنى 10 دقايق بسسس يصلى فيهم ركعتين توبة لله !!
انت كان أدامك عمرك كله ,, مستغلتهوش صح ليه ؟؟
متوبتش ليه ؟؟
جاى دلوقتى تقول هتوب !!
بعد ما عرت حقيقة الدنيا اللى كنت بتسعى ليها ليل ونهار وضيعت علشانها آخرتك !
نفعتك بإيه الدنيا دلوقتى ؟؟
نفعك بإيه شغلك ولا مرتبك ولا مراتك ؟
نفعك بإيه المذاكرة اللى كنت بتضيع وبتاخر الصلاة علشانها ؟
نفعتك بإيه الكلية اللى فسدت قلبك بسبب الاختلاط ؟!
نفعكم بإيه ده كلـه ؟؟
هتقول لربنا إيه لما تقابله ؟
أَنْ تَقُولَ نَفْسٌ يَا حَسْرَتَا عَلَى مَا فَرَّطْتُ فِي جَنْبِ اللَّهِ وَإِنْ كُنْتُ لَمِنَ السَّاخِرِينَ
والله هنتحسر على كل وقت عدى مننا واحنا بعيد عن ربنا !
هنتحسر على كل فرصة توبة جت لحد عندنا وأجلناها عشان مشاغل الدنيا !
هنتحسر على كل رسالة ربنا بعتهالنا ومفهمنهاش صح !
هنتحسر على كل يوم سوفنا فيه عمل صالح !
هنتحسر على الدعوة اللى سبناها بحجة مذاكرة ولا امتحانات ولا شغل !
كان تقدر تعمل كتيير أوووى فى حياتك وتستغلها صح لكنك معملتش !!
كنت فاكر انك ماشى صح لكن للأسف اكتشفت انك كنت غلط اووى بس متأخر اووى !
قُلْ هَلْ نُنَبِّئُكُمْ بِالأَخْسَرِينَ أَعْمَالا. الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعًا
كنت فاكر انك ماشى صح وإنك بكده فاهم الدنيا وفاهم كل حاجة
لكنك للأسف بكده ضليت سعيك
اوعى تضل سعيك وعينك تحود عن الطريق
اوعى تسيب مستقبلك اليقينى .. اوعى متكونش بتستعد ليه من دلوقتى !
كل يوم يمر عليك لازم تزود فيه من عملك الصالح وإلا هتتحسر عليه أشد الحسرة يوم القيامة
اوعى تفوت فرصة توبة إلى الله .. انت مش ضامن عمرك !
اللى هتعيش عليه هتموت عليه ... عيش لربنا وعلى طاعته ومحبته والدعوة ليه
متسوفش أى عمل صالح ... ومتستصغرش اى حسنة بتعملها لعلك تكون
صدقت فى نيتك وأخلصتها لله فترفعك درجات فى الجنة مكنتش هتبلغها إلا
بالعمل ده
خلى همك هو إرضاء ربنا .. هو البعد عن الحرام بكل أشكاله وصوره
تيقن إن طول ما انت مع ربنا .. مستقبلك اليقينى والمظنون مضمون بإذن الله
هتلاقى أسباب التوفيق والنجاح والفلاح كلها فى حياتك بإذن الله
انما لو بعدت عن ربنا وتركت الاستعداد للآخرة وانشغلت بالدنيا وبالمستقبل
المظنون ده هتلاقى الهموم ركبتك ومشاكلك زادت وحياتك كلها اتلخبطت !
يمكن دى رسالة من ربنا ليك .. اوعى تفوّتها !
ربنا بيحبك عشان كده حذرك .. متتجاهلش التحذير ده
استعد كويس اووووى للآخرة .. خلى ربنا يرضى عنك ويحبك
انت لو كسبت حبه ورضاه هتبقى كسبت الدنيا وما فيها وفى الآخرة هتكسب جنته ونعيم رؤيته
متضيعش آخرتك عشان دنيتك أبداااا
واستعد لأول ليلة فى القبر من دلوقتى
تعليق