؛؛ × اوعى تبطّـل تحب الخيـر للغيــر × ؛؛

[عودة الأندلس]

عدنا من جديد وهذه المرة نحمل موضوع مهم للغاية في حياتنـا
وأصبح الكثير للأسف يفتقده
في البداية نذكركم بالحملة والكلمتين اللي من هنا لحد مانخلص بإذن الله
لازم تسمعوهم في كل حلقة
سمعت عن حملة اوعى تبطّـــل؟؟
.,.,.,
والمرة اللي فاتت اتكلمنا عن حسن المعاملة وحسن الظن بالآخرين
والمرة اللي قبلها خالص كنا بنقنع نفسنا اننا لازم نغير من سلوكياتنا وطريقتنا في الحياة
وقلنا ان كلنا جوانا الاخلاقيات الجميلة دي لكنها
من كتر مابننزل الشارع ونشوف ان الناس بقت مش مستحملة بعضها بنضطر نفقد
اخلاقيتنا دي ونتعامل مع كل واحد بأخلاقه هو مش بأخلاقي أنا

المرة دي بقا معانا موضوع مهم جدًا

بحثت كتيييير ومازلت ابحث إلى لحظتي هذه في هذا الموضوع
لانه مووضوع متشعب جدًا
وانا ببحث لقيت بيندرج تحت هذا العنوان وهو حب الخير للغير
حاجات كتير منها:
الإيثارو الحسد
بصراحة اتخضيت حسد
ياااااه
ولما فكرت لقيته امر بديهي
اكيد لما حكره الخير لغيري أكيد دا مش نوع من حبي ليه بس بطريقة تانية
معنى اني مش بحب له الخير إني بحسده او خايف يكون أحسن مني

موضوع مهم أوووي
لكن الأهم من الحسد
ان الموضوع متعلق جدّا بدرجة إيمان الإنسان
يعني أنا لو مؤمن بربنا أوووي حيبقى عندي عطاء للناس بلا حدود
لأني واثق ان كل ما بعطي اكتر ربنا سيعطيني اكتر واكتر
وكمان لو أنا واثق في ربنا حبقى مطمئن ان رزقي ومستقبلي وحياتي كلها
مدبرة من عند ربنا يعني محدش حياخد اللي ربنا كتبه ليا
فخلاص بقا ايه المانع من إني أتقدم واخد بإيد حد عشان يتقدم معايا؟؟؟

شفت بقا ازاي هو موضوع مهم
عارف ان كتير جدًا مننا بيقع في هذا الفخ
وكل واحد حيقول
انا مش بحسد حد او مش بحب الخير لنفسي لدرجة الأنانية لكن انا من كتر ماشفت
الناس كل واحد بقا بيفكر في نفسه ومحدش بيهمه مصلحة غيره خلاص بدأت ابقى زيهم
وعلى رأي المثـل
< داري على شمعتك تئيييد>

المثل دا للأسف امهات كتير وآباء كتير بيعلموه لعيالهم من وهما صغيرين
( ذاكر ياحبيبي ومتقولش لحد عشان محدش يحسدك وخليك ماشي جنب االحيطة)
بالتالي لما حضرتك تقول لطفل كدا من وهو صغير
تفتكر ممكن الطفل دا في يوم يشوف صاحبه مش فاهم حاجة ويروح يفهمهاله ويقف جنبه؟؟؟؟
يبقى في جزء في الموضوع دا بيتوقف على التنشئة من البداية على الأب والأم

اذكر اننا حينما كنا في الثانوية العامة وكنا ندرس الفيزياء
وكان هناك شلة بنات كان يطلق عليهم الاستاذ في الدرس
_ جروب السينما الصامتة_
مين دول؟؟
دول كان الاستاذ يسأل أي سؤال وهما مش عارفين ويقعدوا يناقشوه
كأنهم عمرهم ماأخدوا فيزياء
لأ وكمان يجوا يقعدوا مع صحابهم ويقولولهم احنا حنضيع ومش حنجيب مجموع تجارة
وللأسف هما مكانوش شلة مترابطة يعني كمان كل واحد فيهم كان بيعمل كدا مع التاني
أحب اقولكم ان الشلة دي كلها دخلت كلية طب
أترك لكم انتم التعليق

بالتالي ياشباب عرفنا ان في جزء من هذه الصفة الأهل بيكونوا سبب فيها
لكن ثانية واحدة
حضرتك دلوقتي كام سنة؟؟
يعني الحمدلله بتعرف تفكر،
يعني بتتعرض لمواقف كتير بتشوف ناس محتاجاك فيها وبتعمل نفسك مش اخد بالك،
بالله عليك حاسس انك مرتاح وانت كدا؟؟
طيب بالله عليك تاني لو انت مكان أي حد واحتجت لحاجة من حد
مش بتروح تسأل وبتلاقي ناس بتجاوبك
لأ دا انت كمان ممكن تلاقي نفس الناس اللي كنت بتتخابث عليهم
هما أول ناس بيساعدوك
طيب مش بتروح بيتك مكسوف من نفسك؟؟
مش بتقولها ياستيييير انتي عاملة كدا ليه؟؟؟
بتتغير بعدها ولا لأ؟؟؟
انا قلت كلمة بتتخابث دي وانا قاصدها كويس اوووي
لازم تحس انك في مشكلة كبيرة اووووووووووي ولو متخلصتش منها في اسرع وقت
حتتحول لإنسان حسود وحقود
لأ وكمان حتلاقي شوية
والناس كلها بدأت تعرفك وتعرف صفتك دي وتبعد عنك
واللي كانوا بيساعدوك وانت بتتخابث عليهم بكرا مش حيعبروووووك
وابقى خلي الشمعة اللي كنت بتداري عليها تنفعك

طيب خلاص عرفت اني واقع في مشكلة كبييييرة اوووي
اعمل إيه؟؟؟
حقولك تعمل إيه بس بعد ماأعرفك ان الموضوع دا مهم أوووي
وربنا بيحب الإنسان اللي عنده إيثار وبيحب الخير لغيره
حعرفك قيمة الموضوع دا عندنا في الدين

روى الشيخان عن أنس بن مالك رضي الله عنه،

عن النبي صلى الله عليه وسلم قال:
(لا يؤمن أحدكم حتى يحب لأخيه ما يحب لنفسه).
لقد ربى الإسلام أبناءه على استشعارأنهم كيان واحد، أمة واحدة، جسد واحد:
{إِنَّمَا الْمُؤْمِنُونَ إِخْوَةٌ َ}(سورةالحجرات:10)،
ويقول الله تعالى:{إِنَّ هَذِهِ أُمَّتُكُمْ أُمَّةً وَاحِدَةً }(الأنبياء:92).

أما الرسول صلى الله عليه وسلم فقد أكد هذا المعنى وشدد عليه حين قال:
(المسلم أخو المسلم)،
(المؤمن للمؤمن كالبنيان يشد بعضه بعضا)،
(مثل المؤمنين في توادهم وتعاطفهم وتراحمهم كمثل الجسد
إذا اشتكى منه عضو تداعى له سائر الجسد بالحمى والسهر).

محبة الخير للآخرين من علامات الإيمان
ويؤكد هذا المعنى –أن محبة الخيرللآخرين من علامات الإيمان-
ما رواه الترمذي وابن ماجة عن أبي هريرة رضي الله عنه
أن النبي صلى الله عليه وسلم قال له:
(أحب للناس ما تحب لنفسك تكن مؤمنا).

ويؤكده أيضاً ما رواه أحمد عن معاذ بن جبل رضي الله عنه
أنه سأل النبي صلى الله عليه وسلم عن أفضل الإيمان؟
فقال:
(أفضل الإيمان أن تحب لله، وتبغض لله، وتعمل لسانك في ذكر الله)
قال:وماذا يا رسول الله؟
قال: (أن تحب للناس ما تحب لنفسك ، وتكره لهم ما تكره لنفسك ،
وأن تقول خيرا أو تصمت)،
وهذه الصفة سبب لكل خير..فهي من أعظم أسباب سلامة الصدر.

وهي سبب دخول الجنة
ثم إن هذه الصفة من أعظم أسباب دخول الجنة،
روى الإمام أحمد عن يزيد القشيري أن رسول الله صلى الله عليه وسلم قال:
(أتحب الجنة؟ قال:نعم.قال: فأحب لأخيك ما تحب لنفسك).
وروى مسلم عن عبد الله بن عمرو بن العاص رضي الله عنهما
أن رسول الله صلى الله عليه وسلم قال:
(من أحب أن يزحزح عن النار ويدخل الجنة فلتدركه منيته
وهو مؤمن بالله واليوم الآخر، وليأت إلى الناس الذي يحب أن يؤتى إليه).

خلد الله ذكر الأنصار ومدحهم بهذه الصفة
وقد مدح الله أنصار نبيه صلى الله عليه وسلم، ورضي الله عنهم:
{وَالَّذِينَ تَبَوَّأُوا الدَّارَ وَالْأِيمَانَ مِنْ قَبْلِهِمْ يُحِبُّونَ مَنْ هَاجَرَ إِلَيْهِمْ
وَلا يَجِدُونَ فِي صُدُورِهِمْ حَاجَةً
مِمَّا أُوتُوا وَيُؤْثِرُونَ عَلَى أَنْفُسِهِمْ وَلَوْ كَانَ بِهِمْ خَصَاصَةٌ
وَمَنْ يُوقَ شُحَّ نَفْسِهِ فَأُولَئِكَ هُمُ الْمُفْلِحُونَ}(سورةالحشر:9).

لا يكره الخير للمسلمين إلا أحد ثلاثة:
الأول:
رجل يسخط قضاء الله ولا يطمئن لعدالة تقديره سبحانه فهو يريد
أن يقسم رحمة ربه على حسب شهوته وهواه ،
ولو اتبع الحق هواه لما أذن هذا الساخط لى أقدار الله لغيره أن يتنسم نسيم الحياة...
الثاني:
رجل أكل الحقد والحسد قلبه....

الثالث:
رجل أذهلته شهوة طبعه عن سعة فضل الله تعالى
فيخشى إذا زاحمه الناس على الخير ألا يبقى له حظ معهم،
وهذا من الجهل، فخزائن ربنا ملأى

ازاي تكون صفة حب الخير والإيثار مزروعة جوايا؟؟

أولاً : الرغبة في مكارم الأخلاق ، والتنزه عن سيئها ،

إذ بحسب رغبة الإنسان في مكارم الأخلاق يكون إيثاره ؛
لأن الإيثار أفضل مكارم الأخلاق .
ثانياً : بُغض الشُّحِّ ، فمن أبغض الشُّحَّ
علم ألا خلاص له منه إلا بالجود والإيثار.
ثالثاً : الاستخفاف بالدنيا، والرغبة في الآخرة ،
فمن عظمت في عينه الآخرة هان عليه أمر الدنيا ،
وعلم أن ما يعطيه في الدنيا يلقاه
يوم القيامة عندما يكون في أشد الحاجة إليه .
رابعاً : توطين النفس على تحمل الشدائد والصعاب ،
فإن ذلك مما يعين على الإيثار ،
إذ قد يترتب على الإيثار قلة ذات اليد وضيق الحال أحيانًا ،
فما لم يكن العبد موطنًا نفسه على التحمل لم يطق أن يعطي مع حاجته .
خامساً : ا لاطلاع على فضائل الإيثار ،وترديدها على القلب،
وجمع الهمة على تحصيل الإيثار ، والسعي الحثيث في التحلي به .
سادساً : استحضار إيثار المثل الأعلى للبشرية
رسول الله صلى الله عليه وسلم ،
ومطالعة سيرته العطرة وشمائله الكريمة ،
ثم استحضار إيثار الصحابة رضوان الله عليهم
ثم استحضار إيثار من تبعهم منأهل العلم والإيمان .
سابعاً : تقوية رابطة الأخوة في الله التي تولد في
نفس المسلمأصدق العواطف النبيلة في اتخاذ مواقف إيجابية
من التعاون والإيثار والرحمة والعفوعند المقدرة .
ثامناً : النفرة من أخلاق اللئام والتحول
إلى الصحبة الصالحة التي تعينه على الخير

ودلوقتي تعالوا نشوف

امثلة من حياة السلف
1- مافعل الأنصـار رضوان الله عليهم بالمهاجرين

فمع أنهم هم الذين آووا المهاجرين ووواسوهم بل وقاسموهم الأموال وأعانوهم نصروا الرسول
وبذلوا أموالهم وأرواحهم لنصرة هذا الدين لم يجدوا في صدورهم شيئا حين فضل الله المهاجرين ،
وفوق ذلك لما أخبرهم النبي صلى الله عليه وسلم أن المهاجرين تركوا ديارهم وأموالهم،
قالوا:هذه أموالنا، اقسمها بيننا وبين إخواننا المهاجرين اقسم بيننا وبين إخواننا النخيل،
فرفض النبي عليه والصلاة والسلام إلا بأن يعمل المهاجرون ويشتركوا مع الأنصار في الثمر.
كما أنهم لما عرض عليهم الرسول صلى الله عليه وسلم أن يخصص لهم أموال البحرين
قالوا:لا حتى تشرك إخواننا المهاجرين.فأي نفوس هذه التي جادت
وسمت حتى أبت أن تأخذ مما أحل الله لها حتى يشترك بقية المسلمين فيها؟!.

2- يقول عبد الله بن عباس :

(إني لأسمع بالغيث أصاب بلدا من بلدان المسلمين فأفرح وما لي بها سائمة).
ومن محبتهم الخير للآخرين لم يبخلوا عليهم بنصح وأن ظن أنه يمنعهم شيئاً من مكاسب الدنيا ،
3- فهذا محمد بن واسع رحمه الله

يذهب إلى السوق بحمار ليبيعه فيقف أمامه رجل
يريد شراء الحمار فيسأل محمد بن واسع :أترضاه لنفسك؟
فيقول محمد بن واسع :لو رضيته لنفسي ما بعته.

4- قال علي رضي الله عنه :
( الإيثار أعلى الإيمان ) .
5- يقول عبيد بن عمير :
( يحشر الناس يوم القيامة أجوع ما كانوا قط ،
فمن أطعم لله أطعمه الله ومن سقى لله سقاه الله ومن كسا لله كساه الله ) .
6- وقال بعضهمبالإيثار على نفسك تملك الرقاب7- وقيل :
من آثر على نفسه استحق الفضيلة .




ومهما قعدت اتكلم واذكر في فضائل هذه الصفة لن أقول شئ اروع مما قال
الشيخ محمود المصري
في برنامج كوكب تاني عن الإيثار
وحقا كانت تلك الحلقات من أجمل ماسمعت عن الإيثار
فحتى نلتقي الأسبوع القادم
حاولوا ان تستمعوا في كل يوم لواحد من هذه الفيديوهات التي لاتتجاوز
مدته الـ 11 دقيقة
وإليكم الحلقات
كوكب الإيثار:: الحلقة الأولى


كوكب الإيثار:: الحلقة الثانية

كوكب الإيثار:: الحلقة الثالثة



أخيرًا
انا ممكن كنت أقولك اعمل كذا وكذا وكذا واتوكل على الله وامشي
وانت حر
لكن انا ليه بذكر كل الأمثلة دي؟؟
مش عشان عندي وقت وعايز اعمل موضوع اجذب بيه الانتباه
لكن عشان يكون موضوعنا دا اول تطبيق عملي لخلق حب الخير للغير
يعني كلم أصحابك وزجتك وأولادك وابحث اكتر عن المووضوع دا وقولنا لقيت إيه
وخلوا المووضوع ينزل ارض الواقع

بجد لو عايز تعيش حياة كويسة
اتعلم حاجتين
اعمل عكس الحاجة اللي نفسك عيزاها يعني خالفها ووقتها بس حتحس انك في الطريق الصح
وتاني حاجة
اتعلم انت اللي تقود نفسك مش هي اللي تقودك يعني متمشيش وراها وخلي عندك شخصية

ونتقابل المرة القادمة بإذن الله الأربعاء القادم
والسلام عليكم ورحمة الله وبركاته
..
منقول لروعته