حملــة ○• بنـــاء شبــــاب الأمـــة ○•

[شفيعي قرآني]

حملــة بنـــاء شباب الأمة








شباب الأمة هما أكبر هدف عندنا



هما الشباب اللي فعلا بيأثروا في الأمة



ليه دايما بننظر للشباب



علشان الشباب الهمة والطاقة والقوي اللي عندهم ممكن تغير كتيييييييير يقدروا يأثروا في الامة جدااااااا



طيب تعالوا نشوف الحديث ده كده



كما عند الترمذي من حديث ابن مسعودلا تزول قدما ابن أدم يوم القيامة من عند ربه حتى يسأل عن خمس: عن عمره فيما أفناه ؟ وعن شبابه فيما أبلاه ؟ وماله من أين اكتسبه؟ وفيما أنفقه؟ وماذا عمل فيما عمل ) وهو في سلسلة الأحاديث الصحيحة للألباني

هنا سبحان الله في سؤال عن العمر كله وسؤال مخصوص عن فترة الشباب أكيد أكيييييد لأنها مهمة جداااا الفترة دي

لو الواحد فعلا إستغلها صح هيعمل اللي ممكن مش يعمله في أي فترة تانية

فالمفروض نستغل الفترة دي كويس جداااااااا

لأن الإمكانيات اللي بتكون عندنا في الفترة دي مش بنلاقيها كلها في باقي الفترات


علشان كده إحنا عملنا حملة بنــاء شباب الأمة









طيب يا تري البنــــاء بيكون إزااااااي ؟؟

لو انا عايزة أبني شاب صح وفعلا يكون قوي إيمانيا عايزة أبنيه من جذوره

مثال انا عندي شاب لسة داخل في الإلتزام جديد وبدأ خطوات حلوة في الطريق


الشاب ده وأي حد فينا أكيـــــد بتقابله عقبات في الطريق

طيب لما يكون البناء قوي جدا من الأول هيقدر يصد العقبـــات دي صح ولا لأ ؟؟

أكيـــد بإذن الله هيصدها لكن لو كان البنـــاء هش بكده أي عقبة هتوقعه بعد كده


فبكده وصلنا لمعني الحملة







إحنا فعلا عايزين نطلع شباب قوي جدااا مش تأثر فيه العوائق ولا الرياح اللي ممكن تقابله من أي إتجاه

طيب يا تري البناء ده علشان يكون راسخ ممكن يتكون من إيه ؟؟


تعالوا نشوف نوع العوائق اللي ممكن تقابلنا ومنه بإذن الله هنوصل لمــادة البنـــاء

دلوقتي انا جيت قولتلك متسمعيش أغاني مش تلبسي لبس ضيق مش تتفرجي علي التليفزيون

غضي بصرك

إنتي في الأصل ضعيفة بس إيه الحاجة القويــة اللي هتخليكي من غير ما تجادلي تقولي سمعنا وأطاعنا غير إنك عارفة إن الحاجة حرام

الحاجة دي هي اليقيـــــن

طيب اليقين ده يجي منين ؟؟

اليقين ده بيكون قوي جدا لما تكوني عارفة ربنا صح وعارفة إنتي بتتعاملي مع مين وواثقة فيه خالص مفيش أي حاجة تيجي تهزك في معرفتك بالله عزوجل

فبالتالي لما تكوني عارفة الله عزوجل حق المعرفة هتنفذي أوامره وإنتي حابة كده ومن غير تردد لأنك واثقة فيه إنه بيأمرك بالصح

مثاللو واحدة صحبتك أنتيمتك وبتحبوا بعض أوووي وجت نصحتك وقالتلك حاجة بس الحاجة دي صعبة عليكِ شوية

هنفذيها ولا لأ

هتنفذيها ليـــه لأنك عارفة صحبتك دي أوووووي وعارفة إنها بتحبك وخايفة عليكِ ولولا خوفها عليكِ مش كانت نصحتك بكده وهي مش قصدها تخنقك خاااالص بالعكس

ولله المثل الأعلي طبعا

وبكده عرفنا إن أول مادة للبناء هي اليقين فعلشان نوصل لليقين

هندرس عقيدة بسيطة جدااااا بإذن الله

هي دراسة الأسماء والصفات لله عزوجل علشان نعرفه أكتر وبشكل جميل ومبسط




نيجي لتاني مادة إنتي بتعبدي الله عزوجل طيب في عبادتك ممكن غصب عنك تقع منك أو تغلطي فيها وإنتي مش عارفة للأسف

طب أعمالك كده هتضيع منك وتكوني تعبانة فيهـــا وتفضلي تقولي انا بعمل وبعمل وتعبانة ومفيش نتيجة طيب ما ممكن تكون في حاجة غلط أو حاجة ناقصة في عبادتك

طيب نتغلب علي العائق ده إزاااي؟؟

إننا هندرس فقه العبادات اللي هو فقه الطهارة والصلاة والصيام

بإسلوب مبسط جدااااا ومش مكلكع :)

متخافوش وبإسلوب لطيف جدااا


كده وصلنا لمادين




نيجي لمادة مهمة جداااااااااا


مفيش أي حد مش بيقابله العائق ده

الإبتلاءاااااااات

كلنا بتقابلنا إبتلاءات وكل واحد حسب إيمانياته بتكون شدة الإبتلاء

في ناس كتيييييييير بترجع لورا خااااااالص وبتنتكس في الإبتلاءات نسأل الله العافية

طيب علشان أعرف إن الإبتلاء ده سنة الله في الكون وإن سبحان الله هو عين الخير له

وإن مش معني إن ربنا مش بيحبك يبقي هيبتليكِ بالعكس جدااا

طيب علشان فعلا تهون عليكِ الإبتلاءات محتاجة تشوفي ناس بتمر بظروف أصعب منك وتشوفي الفرج اللي حصلها كان كبير إزاي وتعلمي إن مهما طال الوقت الفرج جاي جاي وبشكل أحلي مما تتصوري وإن فعلا الله عزوجل بيدبر الخير للعبد في كل شئ وهو مش حاسس

أقوي مثال ممكن تشوفيه هو سيرة الرسول عليه الصلاة والسلام

لأنه أحب خلق الله إليه وهتشوفي أد إيه الإبتلاءات اللي مر بيها وكيف أُذي وإزاي ربنا نصره في النهاية

بكده وصلنا ل3 مواد للبناء






طيب نيجي بقي لعائق كبير جدااا بيقابلنا كلنا

هي مستوي الإيمانيات في القلب

الإيمانيات دي معرضة للزيادة والنقصان

فمحتاجة رقائق علشان ترقق القلب لما يحصل لحظة فتور محتاجة حاجة ترجع تاني لإيمانيات قوية

علشان كده هنسمع مقطع صغير يجدد الإيمانيات عندنا بإذن الله






نيجي بقي لمركز إشعاع النور في البناء ده كله وهو اللي بيشمل كل اللي قولنا عليه فوق ده

ياتري ممكن يكون إيــــه ؟؟


هو القـــرآن

القرآن ده مصدر النور في قلبك هتلاقيه فيه العقيدة والفقه والرقائق وبيصبرك في أزمتك

وبيكون ليك نعم الصديق بجـــد القرآن ده حاجة فوق الوصف

بس علشان انا أشعر بالمعاني دي واعيش مع القرآن وأستشعر إنه فعلا أجمل رفيق في حياتي محتاجة إنك تفهمي معانية تفهمي اللي بتقرأيه

صح ولا لأ ؟؟

صحيـــح الكلام

طيب علشان كده

هناخد كل مرة حلقة صغير أوووي لشيخ اللهم بارك عليه للشيخ ناصر القطامي

هنفهم معاه معاني القرآن وهنعيش قصص جميلة أوووي بإذن الله





نيجي آخر حاجة هنضعلكم هدية كده حديث أو مقولة مؤثرة علي شكل تصميم بإذن الله








طبعا أكيد مشغولين طيب إحنا هنلحق نعمل ده كله إمتي ؟؟

إحنا أكيد عارفين الظروف وإن معظمنا في دارسة

علشان كده خلينا الموضوع ده عبارة عن حلقة كل إسبع بحيث تتوفر ليكم الفرصة تسمعوا وتقروا كل ده

وتجاوبوا علي الأسئلة لأنكم هتتسألوا علشان بس مش تكسلوا ونتأكد إنكم فهمتوا المواضيع كويس

طيب هنتسأل فين؟؟

بإذن الله كل واحدة هتكون ليها صفحة متابعة وهتلاقي الأسئلة مكتوبة في صفحتها كل إسبوع وتبقي تدخل تجاوب عليها في أي وقت يبقي مناسب ليها طول الإسبوع

طيب الحلقة هتكون إمتي ؟؟

الحلقة هتكون كل خميس بحيث يتسني ليكم تدخلوا تشفوها لأن هيبقي قدامكم أجازة

لكن المرة دي هنعملها بس مؤقتا الحلقة الأولي يوم الإثنين القادم بإذن الله
علشان نلحق نعمل حاجة قبل العشرالأوائل من ذي الحجة


تمام كده






طلبي الأخير منكم إنكم تنشرواالإعلان عن الحملة دي وتعرفوا أصحابكم عليها علشان يجوا يتابعوا معانا لأن محتاجين أكبر عدد ممكن يشترك بإذن الله وكل ده هيكون في ميزان حسناتكم

وعايزين نبني شبـــــــــــــاب الأمة بقي





وفي نهاية الحملة عايزين بإذن الله المشاعر دي تكون إستشعرتوها


نسمع النشيد كده :)


http://www.youtube.com/watch?v=u5lsTSiHVW8

منقول