لبس البنات اليومين دول

[حسبى من الدنيا رضاك]

بسم الله والصلاة والسلام على رسول الله أما بعد:
أخواتى الحبيبات
فى الحقيقه فى موضوع لازم نطرحه للمناقشه وهو لبس البنات اليومين دول بصراحه أنا مش مصدقة اللى أنا بشوفه فى الشوارع
نمرة واحد البادى ده أصبح هو الطبيعى يعنى مفيش حاجه اسمها بلوزه واسعة
نمرة اتنين البنطلونات الضيقه دى برده هى الطبيعى ولبس الجيب بأى موضة قديمة
نمرة تلاتة دى بأى اللى انا لحد دلوقتى مش مصدقاها ............؟؟؟؟

جيب قصيره على الحجااااااااااااااااااااب؟؟؟؟؟؟؟؟؟؟

انتوا متخيلين!!!!!!!!!!!؟؟؟؟؟؟؟
طبعا بأى مش عايزة اتكلم على المكياج والبرفانات والألوان الفاقعة الملفته..............ولا حول ولا قوة إلا بالله

والله ياجماعه انا مش متخيلة ولا مصدقة اللى بشوفه
بجد بالله عليكم حد فيكم من خمس سنين مثلا كان يتخيل إن لبس المحجبات يكون بالشكل ده؟؟
والله أبدا كان أقصى حاجه واحده تلبس بنطلون واسع وعليه بلوزة طويله وواسعه اقصد المحجبات يعنى
لكن دلوقتى حدث ولا حرج..............
آه ونسيت أقولكم كمان على موضه جديده دلوقتى فى باديهات طويله يعنى فوق الركبه بشبرين كده دى بأى بيتلبس تحتها بنطلون استريتش قصير وخفيف جدا دى أحدث صايحه

فى الحقيقه الموضوع ده شاغلنى جدا من فتره وجه الوقت اللى احنا لازم ناخد فيه خطوه ايجابيه ونعمل حاجة لازم يتمعر وجهنا ويكون عندنا غيره على محرمات الله
اللى انا عايزه أقوله احنا أولا هنطرح الموضوع للمناقشه ونشوف:
أولا أسباب ده إيه؟؟
ثانيا عايزين نعمل حملة للإصلاح ما استطعنا الحمله دى هتكون عباره عن خطوات ايجابيه 1- 2- 3- ....................وهكذا
منتظره مشاركاتكم.............

[حسبى من الدنيا رضاك]

رد: لبس البنات اليومين دول

بسم الله
هو فى الحقيقه أنا حبيت أكتب ردى منفصل عن الموضوع نفسه
بالنسبه لحكاية اللبس دى بجد بأت حاجه ما يتسكتش عليها البنات دلوقتى بالظبط 90% منهم بيلبسوا وكأنهم مش لابسين والله هما دول فعلا الكاسيات العاريات
انتوا متخيلين الرسول صلى الله عليه وسلم قال عنهم ايه؟؟؟

قال : لا يدخلن الجنه ولا يجدن ريحها

وفى أول الحديث قال: صنفان من أهل النار

يعنى البنات دى مش هتدخل الجنة خالص ........خااااااااااااااااالص؟

يارب سلم ...........اللهم قنا عذاب النار اللهم اغفر لجميع المسلمين والمسلمات وأدخلهم الجنة برحمتك لا بأعمالهم

الحاجه التانيه إن الشباب غصب عنهم إلا من رحم ربى بينظر للبنات دى أنا مش بدافع عن الشباب بس البنات هما اللى شكلهم بأى ملفت زياده عن اللزوم بتشد نظر اللى قدامها غصب عنه ولو لنظره واحدة وأنا حزينه والله على شباب المسلمين اللى افتتنوا بأولئك البنات وحزينه أكتر على هؤلاء الغافلات التائهات اللائى لن يدخلن الجنة ولازلن معرضات
والله يا جماعه أنا مرتين بكيت فى الشارع بالدموع من الذى أراه وإنا لله وإنا إليه راجعون
عايزين نتحرك الإسلام ما يستاهلش كل التهاون والتساهل ده
الإسلام ما يستاهلش إنهم يسيئوا إليه بلبسهم ده
نفسى أغمض عينى وافتحها الاقى كل المسلمات منتقبات
أنا شايفه أسباب ده هى الغفله يبقى لازم يكون فى توعيه على الأقل عشان تبقى معذرة إلى الله لأننا هنسأل عن الأمر بالمعروف والنهى عن المنكر
الحمله بأه:
أول خطوة تكون إن كل واحده فينا تعرف بنات لابسين كده تبدأ تكلمهم
تانى خطوة نبدأ نحط ورق وصور فى كل حته عن حديث الكاسيات العاريات

دول النقطتين اللى فى دماغى دلوقتى بس عايزين نتكلم فيهم بالتفصيل ونشوف هنعمل إيه بالظبط
وعايزه أفكار تانيه منكم

[حور الجنة220]

رد: لبس البنات اليومين دول

والله جزاكى الله خيرا اختى على ها الطرح الطيب
بجد فعلا حاجه تكسف البنات معادش بيهمهم الدين
كل اللى هامهم انى اعجب ده وده يعجبنى الامن رحم الله
ولا حول ولا قوة الابالله العلى العظيم
انا متابعه معاكى اختى وهشترك اول ما تبدأوا الخطوات بإذن الله

[ايه اسامه]

رد: لبس البنات اليومين دول

بارك الله فيكى بصراحه انا سعات وانا مشيه لما بشوف البنات لبسه البس الرهيب ده والله بنكسف ابصلهم بحس انى انا محرجه من النظر اليهم فما بالك بالشباب اللى بينظرو اليهم لو تعى كل بنت فى كل خروجه كم ذمب ترتكب كم رجل وشاب نظر اليها كم رجل شم رائحه عطرها وكم وكم وكم ...........لو تعى جيدا ستظل فى بيتها خوفا من ان تسير الفتنه واتمنى من الله ان يهدى نساء وبنات المسلمين اه نسيت دا المشكله الكبيره احنا بنكلم البنات بس والله فى نساء فى سن الخمسين وما فوق وبلبسو لبس مكشوف اكتر من البنات وفعلا الموضوع ميتسكتش عليه اللهم ارحمنا وتب علينا واهدنا

[حسبى من الدنيا رضاك]

رد: لبس البنات اليومين دول

جزانا وإياكم أخواتى فى الله
بس أنا عايزه أفكار واقتراحات عمليه عايزين نعمل حاجه ولو حتى ناخد بإيد واحده بس
قال صلى الله عليه وسلم : لأن يهدى الله بك نفسا خير لك من حمر النعم

وأنا هبدأ أولى الإقتراحات:
1- أكيد كل واحده فينا بيحيط بيها مجموعه من البنات زى مثلا:
أخواتها-جيرانها- زملاء الدراسة أو العمل- أقاربها ....
نبدأ بالأقرب أولا "وأنذرعشيرتك الأقربين" يبأى لو كان إخواتك مثلا مش لابسين الحجاب الشرعى بكل شروطه ابدأى بيهم وبعد كده لو ليكى واحده قريبتك وبعد كده جارتك وهكذا
بس يا جماعه مش عايزين نيأس لأن احنا هنلاقى ردود مش متوقعه وحاجات تزعل بس كل ده فى سبيل الله يهون الرسول صلى الله عليه وسلم شاف اكتر من كده بكتير فاستعينوا بالله ولا تعجزوا .
نبدأ من الآن !!!!!!!!!!!
واحكولى تجاربكم مع كل واحده كلمتوها
بسرعه عشان الخطوه الجايه هتكون مع البنات اللى ما نعرفهمش

منتظرااااااااااااااااااااااااااااااااااااكم

ومنتظره أى اقتراحات منكم وفقنا الله وإياكم لما يحب ويرضى