Tweet
بسم الله
والصلاة والسلام علي رسوله وصحبه وسلم
احنا عندنا التوحيد 3 اقسام::
1_توحيد الالوهية
2_توحيد الربوبية
3_توحيد الاسماء والصفات
اللي يخلي ايمانك يبقي في السماء >> توحيد الاسماء والصفات
اللي هي نعوت (صفات) الرب سبحانه وتعالي
هو ده اللي يفتح قلبك علي طول!!
لذلك كان الذكر مرتبطا بمحبته (محبة الله سبحانه وتعالى)
فالذكر يرفعك الي منازل لا يرفعك ابدا اليها غيره
قال تعالي :
((وَأَقِمِ الصَّلَاةَ إِنَّ الصَّلَاةَ تَنْهَى عَنِ الْفَحْشَاء وَالْمُنكَرِ وَلَذِكْرُ اللَّهِ أَكْبَرُ))
انا لما امتنع عن اي فاحشة اللي بيمنعني صلاتي!
اقول انا لسة عفرت وجهي منذ قليل لربي سبحانه وتعالي.. وبعدين ارتكب هذا المنكر او ارتكب هذه المعصية ؟؟؟؟؟!!!!!!
تقوم الأنفة تصدك عن هذا
فاذا كانت الصلاة تنهي عن الفحشاء والمنكر .. ونفسك في المنكر بس مابتعملوش
بس قلبك واكلك وعايز تروح ... وبعدين الامر والنهي "مكتفك"
طب انا عايز اقف مرحش للمنكر وانا راضي .. و قلبي راضي و سعيد اني انا مبعملش المنكر ؟؟؟
قال لك (((وَلَذِكْرُ اللَّهِ أَكْبَرُ )))
هو ده اللي يمنعك من المعاصي وانت مستريح !
ولذلك الذكر يفعل ما لا تفعله الصلاة
وبعدين الصلاة ذكر برده لأن بعض العلماء ضد هذا التفسير
يقول لك الصلاة كلها ذكر.
تمام؟؟؟
فيبقي اذا كان الذكر في ( وَلَذِكْرُ اللَّهِ أَكْبَرُ ) يبقي غير ( إِنَّ الصَّلَاةَ تَنْهَى عَنِ الْفَحْشَاء وَالْمُنكَرِ) يبقي كده كأن الكلام فيه تكرار
ولكن الذي افهمه أنا و الذي ذهب إليه طائفة كبيرة من أهل العلم هو ما ذكرته أنا
إن ممكن الصلاة تنهاك .. وأنت مريد للمنكر
لكن الذكر يمنعك!
يعني الذي تحبه وأنت في سلطانه .. و علي بساطه.. ويراك .. وأنت بتحبه و عارف إنه يكره ذلك
هيقوي قلبك علي فعل المنكر ؟؟؟؟؟؟؟؟؟؟؟؟؟
- أكيد ماتعرفش تعملها !
علي الاقل حتي لا يغضب منك
