موضوع مهم فى تربيه الاولاد

[om abdallah]

السلام عليكم و رحمه الله و بركاته ...
السلام عليكم اخواتى فى الله ... معايا النهارده موضوع مهم جدا لكل الاخوات و لكل بيت مسلم .. بمعنى اصح لكل ام و اب ... ان شاء الله سيتم نشر كتاب عن تربيه الاولاد على نهج تربوى رائع للشيخ محمد اسماعيل المقدم
وزى ما احنا عارفين ان الشيخ محمد اسماعيل دكتور فى علم النفس و معلم جليل لامور دينا و ذو علم واسع بارك الله فيه و فى كل دعاه المسلمين .. فقد قام الشيخ فى هذا الكتاب الذى دل من مقدمته انه رائع و الذى يسمى ب(محو الاميه التربويه ) بشرح امور كثيره فى التربيه مهمه جدا و عليها الادله الشرعيه من القرآن و السنه و الحمد لله استطعنا ان نصل الى مقدمه الكتاب حتى طرحه فى الاسواق ... بس بصراحه ماقدرتش استنى علشان اقولكوا لما ينزل لما فيه من اشياء نافعه افادتنى جدا فى معرفه الصحيح فى تربيه ابنى ... ان شاء الله هابدأ انقلكوا المقدمه علشان كلنا نستفيد و لما ينزل الكتاب ان شاء الله نعرف بعض كلنا ... فى البدايه هايبقى فى مقدمه عن اهميه التربيه و دورنا فى تربيه اولادنا و بعدين هايستخدم الشيخ اسلوب رائع لتوصيل المعلومه عن طريق الامثله الواقعيه لدرجه انك هاتقولى فعلا الموقف ده اتكرر معايا كذا مره و ان شاء الله هايرشدنا لللاسلوب المناسب للتعامل مع الموقف لأن كل رد فعل من الاب و الام ليه تأثير قوى على شخصيه طفلهم .. ده كان توضيح بس علشان ماحدش يمل مننا فى الاول ... اللى مشجع الفكره ياريت يشارك و ننصح بعض و اللى عنده اقتراح يقترحه علينا علشان يكون عمل ليه تأثير فعال ... و جزاكم الله خيرا