تحفظ ازااااااااااااااااااااااا اااااااااااي عشان الامتحانات

[أبو عبدالله إبراهيم]

تحفظ ازااااااااااااااااااااااااااااااااااي عشان الامتحانات ؟؟

بص يا سيدي ....
كل واحد مننا لية طريقة بيفهم و يحفظ بيها .. و دي حاجة مش ناس كتير عارفاها ! يعني مثلاً ممكن انت و صاحبك تكونوا بتذاكرو مع بعض .. نفس المادة .. نفس الوقت .. بنفس الطريقة .. و نفس الكتاب ! و نفس البيئة الي حواليكم .. و ف الاخر هو يفهم وانت لأ

طيب لية ؟؟ تفتكر هو اذكي منك ! احسن منك ! بيذاكر من وراك مثلاً

ف الحقيقة لأ , الفكرة كلها ان ممكن الطريقة الي انتو بتذاكروا بيها دي ممكن تكون نافعه معاة بس مش نافعة معاك انت !
طيب اية هي الطرق الي ممكن تكون انت واحد منهم ؟؟
3 طرق .. او 3 انواع من المتعلمين
1- المتعلم البصري
2- المتعلم السمعي
3- المتعلم الحركي

** تعرف منين انك بصري ؟؟
الاعراض

- لو انت بتحب تتكلم كتيير .. بتحب تبقي اول حد يتكلم مثلاً لو انتم مجموعة.
- لو بتفهم اكتر عن كريق الرسوم البيانية و ال Charts .. اكتر ما تبقي المعلومات مكتوبة ( يعني لو دائرة مرسومة متقسمة 3 كل قسم بلون و بتعبر مثلاً عن تلت سكان العالم .. هتفهم دة اكتر من ان يبقي مكتوب ارقام بدل الرسمة )
-لو بتحب تذاكر ف مكان هادي .. من غير دوشة و اغاني ,
- لو وانت بتفكر مثلاً او بتفتكر حاجة .. بتفتكر الشكل الي عينك شافته ساعتها .. ( يعني لو حد سألك عملت اية ف شرم .. هتفتكر شكل البحر و المكان الي كنتوا فية .. اكتر ما هتفتكر كنتوا بتتكلموا ف اية قدام البحر! )
-لو وانت بتقرأ او بتذاكر بتحب تاخد ملحوظات .
- لو بتحب تقعد ف اول صف !
** لو الاعراض دي بتظهر عليك
اعرف انت متعلم بصري ,,
و احسن طريقة تذاكر بيها هي انك ترسم المعلومات الي بتقرأها , تكتب ورا الدكتور , تستخدم الرسوم البيانية , تستخدم Highlighter pen وانت بتذاكر و تعلم المعلومات المهمة ( زي قلم Raynolds مثلاً ) , وانك تتفرج علي تجارب ف الحاجة الي بتذاكرها علي ال Youtube مثلاً .
و بكدة انت تكون عرفت احسن طريقة تذاكر بيها ( لو الاعراض دي مش بتظهر عليك ,, استني النوعين التانين و اعراضهم الايام الجاية علي صفحة ساسكو )

قولنا بقي طلعت بصري ولا حاسس ان الاعراض دي مش ليك ؟؟