الوصايا العشر

[الحج أحمد]

بسم الله الرحمن الرحيم

السلام عليكم ورحمة الله وبركاته
نفسك تفوز برمضان السنه دي
نفسك تصلح قلبك وعلاقتك مع ربنا
نفسك تنول العفو في رمضان من اول ليلة
طيب كل حاجه بثمنها ؟؟؟؟؟
ياترى عملت ايه تستعد بيه للشهر الكريم ده ؟ واللي يعتبر فرصة العمر كله
طيب نفسك حد يساعدك تستعد ازاي ؟
هقولك انا : عندنا كام مشروع اختار منه اللي يناسبك واللي تقدر تعمله وافتكر ان انت على قد ما هتتعب دلوقتي على قد ما هتفوز برمضان يعني لو سخنت كويس قبل ما تدخل رمضان مش هتضيع نص رمضان على ما تسخن وتفوق تلاقي نفسك رمضان خلص

هما عشر حاجات هنحاول نواظب عليها الشهر ده قبل رمضان ونكمل
(الوصايا العشر )
1-التلبية الفوريه لنداء الملك
يعني اقفل اي شيء في ايدك اول ما تسمع الاذان وتوجه للصلاه فورا .
2-ورد القران وده له اكتر من اختيار اختار منهم اللي يعجبك :
-تقراء بعد كل صلاة ربع قران بتدبر
-تقراء جزء قران وتسمع تفسيره من سلسلة الطريق الى القران وتصلي بيه بالليل
- تقراء تفسير اي سورة من سور الحواميم (سوره تبدء ب حم ) وتصلي بيها قيام الليل
3- السنن الرواتب (بيت في الجنة) وهي ركعتين قبل الفجر واربعة قبل الظهر وبعده واتنين بعد المغرب واثنين بعد العشاء .
4-صلاة الوتر قبل النوم وهي من 1 – 3 ركعات
5-صلاة الضحى قبل الظهر
6- اذكار الصباح والمساء
7-اذكار بعد الصلاة
8 – صيام الاثنين والخميس
9-سنة السواك (السواك مطهرة للفم مرضاة للرب)
10-ورد الدعاء (ندعو الله بتضرع لمده عشر دقائق )

وأهم حاجة السنة دي هنعملها علشان دي اللي هتصلحلنا قلوبنا
اننا نفهم القرآن مش مهم هنختم كام مره المهم نفهمه ونعيش معاه هنسمع ونقرأ تفسير ونعيش معاه في التراويح هنغسل قلوبنا بكلام ربنا

واخيرا اوصيكم بسماع اصلاحات قبل رمضان والاكثار من التوبة والاستغفار في شهر شعبان لان اعمال السنة ترفع في هذا الشهر تقبل الله منا ومنكم.
اللهم بارك لنا في شعبان وبلغنا رمضان