يوميات شاب عادي ..مسلسل جديد..تابعونا ..

[Dr_Mostafa]

رد: يوميات شاب عادي ..مسلسل جديد..تابعونا ..

بارك الله فيك وجعله فى ميزان حسناتك وتقبل منا ومنكم ومنه المسلمين والمؤمنين العمل الصالح
واسمح لى اخى فى الله ان انشر الموضوع لما فيه من عظات لمن لم يتعظ بعد لعلها تكون سبب فى هدايه من لم يهتدى بعد
واشهد الله انى احبك فى الله
والسلام عليكم ورحمه الله وبركاته

وعليكم السلام ورحمة الله وبركاته..
لا مانع من النشر مطلقا اخى الحبيب..بل جزى الله خيرا كل من ساعد على نشرها..
واحبك الله الذى احببتنى من اجله اخى الحبيب..

بارك الله فيكم وجزاكم كل خير..

[قائل الحق]

رد: يوميات شاب عادي ..مسلسل جديد..تابعونا ..

ايه الاحلاوة دى يا دكتور القصة رائعة وبتزداد كل مرة فى الروعة
بارك الله فيك متابع إن شاء الله

[mega byte]

رد: يوميات شاب عادي ..مسلسل جديد..تابعونا ..

ماشاء الله أخي بارك الله فيك

وجزاك الله خير الجزاء

أسأل الله لنا ولكم الثبات

والفردوس الأعلى
اللهم آمين

[Dr_Mostafa]

رد: يوميات شاب عادي ..مسلسل جديد..تابعونا ..

ايه الاحلاوة دى يا دكتور القصة رائعة وبتزداد كل مرة فى الروعة
بارك الله فيك متابع إن شاء الله

والقادم اجمل باذن الله..
بارك الله فيكم اخى الحبيب..

ماشاء الله أخي بارك الله فيك

وجزاك الله خير الجزاء

أسأل الله لنا ولكم الثبات

والفردوس الأعلى
اللهم آمين

اللهم امين..واياكم اخى الحبيب..
بارك الله فيكم..

[Dr_Mostafa]

رد: يوميات شاب عادي ..مسلسل جديد..تابعونا ..

الحلقة الرابعه و الثلاثون




مناجاه..




عاد عبد الرحمن الى البيت ..

وجد الجميع قد ناموا..

دخل غرفته ..

واغلق الباب..

جلس على سريره يستعيد ما حدث له اليوم ..

ثم بدات الافكار تتزاحم فى راسه..


إنها رسائل من الله اليك يا عبد الرحمن...


لو مفهمتهاش يبقى انت اغبى انسان على هذه الارض..

لقد آن الاوان..


نعم..

لقد حان الوقت للتخلص من ذل المعاصى..

لقد حان الوقت لكسر قيود الشهوات..


كفايه ذنووووووووووووووووووب...


لو متبتش دلوقتى ..هتوب امتى تانى؟؟؟


لو مبداتش امشى فى طريق ربنا صح همشى امتى؟؟


لو منتهزتش وجود معاذ وعبد الله جنبى دلوقتى؟؟ هلاقى صحبه صالحه فين بعد كده؟؟؟

كان عبد الرحمن مشحونا بشحنه ايمانيه عاليه فى ذلك الوقت جعلته ينتفض من على سريره..


وقف فى وسط الغرفه وبدأ ينظر حوله..



ما هذا ؟؟ ومن هؤلاء؟؟



ذهب الى المطبخ واحضر كيسا كبيرا...



ثم اخذ ينزع كل صور المطربين والممثلين الموجوده على الحائط فى غرفته ويضعها فى الكيس..


احضر كل الشرائط والسيديهات الخاصه بالافلام والاغانى ووضعها ايضا فى الكيس..



ثم ربطه ووضعه فى سلسلة القمامه..


عاد الى جهاز الكومبيوتر..


دخل على القرص الخاص بالافلام والاغانى وقام بعمل فورمات..

فتح المتصفح وقام بحذف جميع المواقع الغير اسلاميه من المفضله..


وفى تلك اللحظه ..تذكر ذلك الشيخ الذى كان يتحدث فى الميكروباص..


ماذا كان اسمه؟؟؟


انه...حازم شومان...


فتح محرك البحث..وكتب حازم شومان..


ظهرت له نتائج عديده للبحث..


ولكن جذب انتباهه رابط بعنوان ..


راجعلك يارب..


قام بفتحه والاستماع اليه..


احس عبد الرحمن بسعاده غير عاديه وانشراح فى صدره بعد سماعه للمقطع..



قام وتوضأ ..



وللمره الاولى يشعر بمعنى السجود لله..


اخذ عبد الرحمن يناجى ربه ودموعه تفيض على خديه قائلا..


ما احلمك يا رب.. عصيتك كتيير وامهلتنى؟؟


ما اعظمك يارب..اتجرأت عليك وسترتنى!!


ما اكرمك يارب..ذنوبى طالعه اليك ونعمك علي لا تعد ولا تحصى..!!


كنت قادر يارب انك تاخد منى كل نعمه عصيتك بيها فى يوم من الايام ..


انا مش عارف اقولك ايه يارب؟؟؟


انا مكسووووووف منك يارب..


ولكنك رحمن ..رحيم..


جيتلك يارب..


رجعتلك يارب..


وقفت على بابك..


يارب متطردنيش..


مليش رب غيرك..


اروح لمين غيرك يا رب..


انت ربى وسيدى ومولاى وح..ب...ي...ب..ي ..


بحبك يارب..


يا حبيبى ..


نفسى الاماره بالسوء غلبتنى والشيطان وسوس لى وعصيتك..


بس جيتلك طمعان فى عفوك يارب..


يارب عذابك شديد ..


مستحملش نظرة غضب واحده منك يارب..


بس انت غنى عن عذابى..


يارب متعذبنيش ..


يارب متعذبنيش ..


يارب متعذبنيش ..


انا ضعيف يارب..


انا حقير يارب..


بس انت قولت فى كتابك..


(قل يا عبادي الذين اسرفوا على انفسهم لا تقنطوا من رحمة الله إن الله يغفر الذنوب جميعا)


عمرى ما هيأس من رحمتك يارب..


عمرى..

عارف ومتاكد انك هتقبلنى ومش هتردنى ..


اقبلنى يارب..


واغفر لى يارب ..

واهديني يارب..


اهدينى يا رب..


اهدينى يارب..




تابعونا ..

= = =
==
=

[مسلم & وافتخر]

رد: يوميات شاب عادي ..مسلسل جديد..تابعونا ..

ما شاء الله اخى الحبيب
متااااابع ان شاء الله
اسئل الله العظيم رب العرش العظيم ان يغفر للمسلمين والمسلمات
ويتقبل توب كل عاصى راجع الية
وحشا رب العالمين ان يرد تأب راجع الية
اما ان الاوان عباد الله

[Dr_Mostafa]

رد: يوميات شاب عادي ..مسلسل جديد..تابعونا ..

ما شاء الله اخى الحبيب
متااااابع ان شاء الله
اسئل الله العظيم رب العرش العظيم ان يغفر للمسلمين والمسلمات
ويتقبل توب كل عاصى راجع الية

اللهم امين..
بارك الله فيكم..

[قائل الحق]

رد: يوميات شاب عادي ..مسلسل جديد..تابعونا ..

إن شاء الله الحلقة الجايه هتكون أول طريق الهداية
متابع إن شاء الله
جزاك الله كل خير

[ابو مالك محمد المصرى]

رد: يوميات شاب عادي ..مسلسل جديد..تابعونا ..

متابع إن شاء الله

جزاك الله كل خير
.............

لكن ايه اخبار معاذ ؟؟؟؟؟؟

[علي منجد]

رد: يوميات شاب عادي ..مسلسل جديد..تابعونا ..

إن شاء الله متابعين
جزاك الله الجنه اخى الحبيب على هذا الموضوع الطيب
ثبتك الله

[Dr_Mostafa]

رد: يوميات شاب عادي ..مسلسل جديد..تابعونا ..

الحلقة الخامسه و الثلاثون




ابدأ صح..




استيقظ عبد الرحمن فى صباح اليوم التالى وكله همة ونشاط ..

ذهب الى الكليه..

وهناك ..قابل صديقه محمد ..


عبد الرحمن : السلام عليكم ورحمة الله وبركاته..



محمد: وعليكم السلام ورحمة الله وبركاته..



عبد الرحمن : ازيك يابنى.. فينك كده؟؟


محمد: الحمد لله ..انا موجود اهو بس كنت مشغول حبتين..
متعرفش معاذ مختفى فين كده بقاله كام يوم..؟؟؟



عبد الرحمن : ده انا اللى لسه كنت هسألك عنه..!
اخر مره كلمته فيها كان الخميس اللى فات وقالى انه مش هيقدر يجى الكليه الاسبوع ده علشان عنده ظروف..



محمد: ان شاء الله يكون بخير..


عبد الرحمن : يارب..


محمد: مش عاوز مني حاجه علشان مستعجل؟؟


عبد الرحمن : شكرا..ابقى طمنا عليك وعلى معاذ..


محمد: ان شاء الله..
السلام عليكم..


عبد الرحمن : وعليكم السلام ورحمة الله وبركاته..



عاد عبد الرحمن الى المنزل ..


وفى طريق العوده ..اتصل به عبد الله..


عبد الله: السلام عليكم ورحمة الله وبركاته..


عبد الرحمن : وعليكم السلام ورحمة الله وبركاته..

كنت لسه هتصل بيك والله اول ما اروح..



عبد الله: القلوب عند بعضيها..ايه اخبارك؟؟


عبد الرحمن : الحمد لله..انا بجد محتاج اقعد معاك انهارده ضرورى يا عبد الله..



عبد الله: خير ان شاء الله..

هستناك بعد المغرب زى كل مره..

خلاص ..ماشى باذن الله..



عبد الرحمن : باذن الله..
السلام عليكم



عبد الله: وعليكم السلام ورحمة الله وبركاته



عاد عبد الرحمن الى المنزل..

تناول الغداء..

ثم نزل وصلى العصر فى جماعه..

ثم جلس فى المسجد يقرا القرآن..

حتى بلغت الساعه الرابعه والنصف..

فخرج من المسجد وذهب للقاء عبد الله..

وصل اليه فى اذان المغرب..

فذهبا وصليا المغرب جماعة ..

وبعد الصلاه دار هذا الحوار..



عبد الرحمن : بص بقى يا عبد الله..

انت عارف انى بعتبرك انت ومعاذ زى اخواتى بالظبط..

وربنا يشهد انا بحبكم قد ايه..

انا الحمد لله نويت اتوب لربنا ..ونفسى تاخد بايدى علشان ابدأ صح ..




عبد الله: الف مبروووووك يا حبيب قلبى..

والله انت مش حاسس انا فرحان بكلامك ده قد ايه دلوقتى..

ربنا يحفظك ويثبتك يارب..

بص بقى يا سيدي..

لازم تعرف الاول ان التزامك ده مش شطاره منى او منك ..ده فضل من ربنا انه هداك ووجهك للطريق الوحيد اللى فيه سعادة الدنيا والاخره..طريق الاستقامه..

وده الطريق اللى بنظلب من ربنا انه يهدينا ليه فى كل صلاه ..احنا مش بنقول فى كل صلاه فى الفاتحه (اهدنا الصراط المستقيم) ..؟؟


عبد الرحمن : تمام..



عبد الله: واللى يأكدلك ان ده فضل من ربنا عليا وعليك ان انا وانت عارفين ناس كتيييييييير فى الضياع ..مع انهم عارفين انهم ماشيين مسدود وفيهم ناس كتير عارفين الصح فين ..وعارفين ان اللى بيعملوه غلط..ومع ذلك مستمرين فيه..وللاسف ناس كتييييييير منهم ماتت على معصية ربنا والعياذ بالله..
فالحمد لله على نعمة الهداية ..


عبد الرحمن : الحمد لله..



عبد الله: الحاجه التانيه..
مش عاوزك تدخل فى الدين حامى..وتتقل على نفسك..علشان بعد فتره متعملش زى اغلب الناس وتلاقى نفسك سبت كل حاجه مره واحده..

وطبعا مش قصدى التدرج فى ترك المحرمات..لا طبعا..قصدى التدرج فى العبادات والطاعات..

النبى صلى الله عليه وسلم بيقول (إذا نهيتكم عن شئ فاجتنبوه ، وإذا أمرتكم بأمر فأتوا منه ما استطعتم ) رواه البخاري

وربنا بيقول ( وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْرًا أَنْ يَكُونَ لَهُمُ الْخِيَرَةُ مِنْ أَمْرِهِمْ وَمَنْ يَعْصِ اللَّهَ وَرَسُولَهُ فَقَدْ ضَلَّ ضَلَالًا مُبِينًا)

يعنى ايه؟؟

يعنى طالما عرفت ان الاغانى حرام ..يبقى سمعا وطاعه يارب..

عرفت ان الشات والكلام مع البنات حرام..يبقى سمعا وطاعه يارب..

انما مثلا لو فى الاول صليت الخمس صلاوات بس ومصليتش النوافل ..مفيش مشكله..شوية بشوية وهتلاقى نفسك باذن الله بتزيد فى الطاعه..

ماشى يا سيدي؟؟



عبد الرحمن : ماشى..

وده فعلا اللى انا عملته والحمد لله..

انا رميت كل شرايط وسيديهات الافلام والاغانى اللى كانت عندى ومسحت كل حاجه من على الجهاز..



عبد الله: الحمد لله..
شوفت بقى ربنا بيحبك قد ايه علشان يوفقك لكل ده..



عبد الرحمن : الحمد لله..



عبد الله: الحاجه التالته علشان تبدأ صح ..

لازم يكون ليك جدول وثابت وورد محاسبه تحاسب نفسك عليه..متسبش العمليه ماشيه سبهلله كده..لو مشيت من غير جدول محاسبه هتلاقى نفسك مره تفوت صلاة الجماعه..مره تنسى ورد القران ..مره تنسى الاذكار ..وهكذا..

الجدول هنبتدى فيه الاول بحاجات اساسيه ..وان شاء الله نزود حاجه كل فتره..

ماشي؟؟



عبد الرحمن : ماشي..



عبد الله: الجدول عندى فى البيت ..وكلنا مشينا عليه فى الاول..هو عباره عن حاجه بسيطه جدااا..زى
- صلاة الجماعه
- ورد قرآن ثابت يوميا
- أذكار الصباح و المساء
- أذكار بعد الصلاة
كده يعنى..



عبد الرحمن : هستناك تجيبهولى ان شاء الله..



عبد الله: ان شاء الله..
دلوقتى فيه حاجه مهمه جداااااااااا لازم نعملها الاول..


عبد الرحمن : ايه ؟؟



عبد الله: عايزين نشتغل على نظافه..



عبد الرحمن : ازاى يعنى؟؟



عبد الله: احنا شغلنا كله عبادتنا وطاعتنا لله قائمه على القلب..
فلازم ننضف القلب من التراب اللى الذنوب والمعاصى راكمته عليه ..علشان تحس بلذة الطاعه بعد كده ولما تعوز قلبك تلاقيه موجود..

والنضافه دى بقى هتبقى عن طريق سماع دروس عن الدار الاخره ..الجنه والنار ويوم القيامه والقبر وهكذا..

ماشى؟؟



عبد الرحمن : ماشى..



عبد الله: على بركة الله..

هات ايميلك..

واول ما اروح هبعتلك رابط اسطوانه خطييييييره عن الدار الاخره لمجموعه من الشيوخ..

وفيه موقع كمان اسمه احلى حياة فى طاعة الله..هتلاقى هناك احلى صحبة تعينك على طاعة الله ..


وكمان فيه سلسله رووووووعه لازم تسمعها..اسمها على فين يا شباب..للدكتور حازم شومان..



عبد الرحمن : سبحان الله..

كنت لسه هقولك دلنى على حاجه اسمعها للراجل ده..

انا سمعتله لغاية دلوقتى درسين واثروا فيا جدااااااااااااا لابعد ما تتصور..




عبد الله: نحسبه على خير ولا نزكيه على الله من الدعاه المخلصين..


عبد الرحمن : ربنا يبارك فيه ويزيده..



عبد الله: اللهم امين..

صحيح قبل ما انسى..

فيه حاجه مهمه عايز اقولهالك..



عبد الرحمن : قول..



عبد الله: بحبك فى الله..



عبد الرحمن : وانا كمان بحبك فى الله انت ومعاذ وربنا يجمعنا مع النبى فى الجنه ان شاء الله..

عبد الله: اللهم امين..



انتهى الحوار بين عبد الرحمن وعبد الله..

ثم صليا العشاء..

وعاد كل منهم الى منزله..

وهكذا..

بدأ عبد الرحمن يشق طريق الالتزام خطوة بخطوة..



تابعونا ..

= = =
==
جميع الحقوق محفوظه..
أحلى حياة فى طاعة الله..
goodwayinlife.com

[اللهم اغفر للمؤمنين والمؤمنات]

رد: يوميات شاب عادي ..مسلسل جديد..تابعونا ..

جزاكم الله خيرا جميعا
وجزاك أخى مصطفى خير الجزاء
ولكن لى طلب عندك أن لا تتأخر فى كتابة الحلقات القادمة
لأنك قد شوقت خَلقاً كثيراااااااااا لهذه القصة الممتعة الماتعة بارك الله فيك
فأطلب منك التعجيل بكتابة الحلقات القادمة حتى لا ينشغل الاخوة بهذه القصة الجميلة
وكل وقت وحين يفتحون الانترنت ليروا باقى الحلقات فلا يجدونها فيبدأ الشيطان بوساوسة
علينا وكل بنى آدم خطاء وخير الخطائين التوابين
حيث هذه القصص المتعتة فلا يقدر أن يتحكم فى نفسه أمامها فيضطر أن يبحث عنها وعن الحلقات التالية فى كل وقت وحين
حيث ينشغلون عن الصلاة أو أن يؤخروها عن موعدها
وقد قال ربك عز وجل
* فَخَلَفَ مِن بَعْدِهِمْ خَلْفٌ أَضَاعُواْ ٱلصَّلَـوٰةَ وَٱتَّبَعُواْ ٱلشَّهَوَٰتِ فَسَوْفَ يَلْقُونَ غَيّاً * إِلاَّ مَن تَابَ وَءَامَنَ وَعَمِلَ صَـٰلِحاً فَأُوْلَـٰئِكَ يَدْخُلُونَ ٱلْجَنَّةَ وَلاَ يُظْلَمُونَ شَيْئاً * جَنَّـٰتِ عَدْنٍ ٱلَّتِى وَعَدَ ٱلرَّحْمَـٰنُ عِبَادَهُ بِٱلْغَيْبِ إِنَّهُ كَانَ وَعْدُهُ مَأْتِيّاً * لاَّ يَسْمَعُونَ فِيهَا لَغْواً إِلاَّ سَلَـٰماً وَلَهُمْ رِزْقُهُمْ فِيهَا بُكْرَةً وَعَشِيّاً * تِلْكَ ٱلْجَنَّةُ ٱلَّتِى نُورِثُ مِنْ عِبَادِنَا مَن كَانَ تَقِيّاً *
فتكون أردت المنفعة وتحقق العكس
وأخيرا أنا لا أريد بهذه الكلمات غير ما قلت
وأنا لا أعيب عليك عملك بل هى قصة جميلة ولكنى كتبت هذا لأنه يحدث معى ومع غيرى
وأنا أعلم أنك فعلت هكذا للتشويق
وجزاكم الله خير الجزاء
والسلام عليكم ورحمة الله وبركاته

[aymen mm]

رد: يوميات شاب عادي ..مسلسل جديد..تابعونا ..

بارك الله فيك اخى وجزاك الله خيرا ومتابعين باذن الله :a7:

[Dr_Mostafa]

رد: يوميات شاب عادي ..مسلسل جديد..تابعونا ..

جزاكم الله خيرا جميعا
وجزاك أخى مصطفى خير الجزاء
ولكن لى طلب عندك أن لا تتأخر فى كتابة الحلقات القادمة
لأنك قد شوقت خَلقاً كثيراااااااااا لهذه القصة الممتعة الماتعة بارك الله فيك
فأطلب منك التعجيل بكتابة الحلقات القادمة حتى لا ينشغل الاخوة بهذه القصة الجميلة
وكل وقت وحين يفتحون الانترنت ليروا باقى الحلقات فلا يجدونها فيبدأ الشيطان بوساوسة
علينا وكل بنى آدم خطاء وخير الخطائين التوابين
حيث هذه القصص المتعتة فلا يقدر أن يتحكم فى نفسه أمامها فيضطر أن يبحث عنها وعن الحلقات التالية فى كل وقت وحين
حيث ينشغلون عن الصلاة أو أن يؤخروها عن موعدها
وقد قال ربك عز وجل
* فَخَلَفَ مِن بَعْدِهِمْ خَلْفٌ أَضَاعُواْ ٱلصَّلَـوٰةَ وَٱتَّبَعُواْ ٱلشَّهَوَٰتِ فَسَوْفَ يَلْقُونَ غَيّاً * إِلاَّ مَن تَابَ وَءَامَنَ وَعَمِلَ صَـٰلِحاً فَأُوْلَـٰئِكَ يَدْخُلُونَ ٱلْجَنَّةَ وَلاَ يُظْلَمُونَ شَيْئاً * جَنَّـٰتِ عَدْنٍ ٱلَّتِى وَعَدَ ٱلرَّحْمَـٰنُ عِبَادَهُ بِٱلْغَيْبِ إِنَّهُ كَانَ وَعْدُهُ مَأْتِيّاً * لاَّ يَسْمَعُونَ فِيهَا لَغْواً إِلاَّ سَلَـٰماً وَلَهُمْ رِزْقُهُمْ فِيهَا بُكْرَةً وَعَشِيّاً * تِلْكَ ٱلْجَنَّةُ ٱلَّتِى نُورِثُ مِنْ عِبَادِنَا مَن كَانَ تَقِيّاً *
فتكون أردت المنفعة وتحقق العكس
وأخيرا أنا لا أريد بهذه الكلمات غير ما قلت
وأنا لا أعيب عليك عملك بل هى قصة جميلة ولكنى كتبت هذا لأنه يحدث معى ومع غيرى
وأنا أعلم أنك فعلت هكذا للتشويق
وجزاكم الله خير الجزاء
والسلام عليكم ورحمة الله وبركاته

وعليكم السلام ورحمة الله وبركاته..
أولا: بارك الله فيكم على حرصكم على اخوتك ..أسأل الله ان يأجركم بنيتكم..

والله يا اخى بودّى أن اضع المسلسل ..ولكن الاخوه هم الذين طلبوا الا نضع كميه كبيره حتى يتثنى للجميع قراءتها نظرا لانشغال الكثييييير..
أسأل الله ان يجعل عملنا كله صالحا..ولوجهه خالصا..

جزاكم الله خيرااااااااااااااااااااااا..

[Dr_Mostafa]

رد: يوميات شاب عادي ..مسلسل جديد..تابعونا ..

بارك الله فيك اخى وجزاك الله خيرا ومتابعين باذن الله :a7:

وفيكم بارك الله اخى الحبيب..
جزانا الله واياكم كل خير..