مبروك لمصر

[بدر الاسلام]

بسم الله الرحمن الرحيم

السلام عليكم ورحمة الله وبركاتة

في البداية يؤسفنى جد أن يكون هذا هو أول موضوع اكتبه بعد عودتى ولكن هو قدر الله والحمد لله علي كل شىء ..
بالامس كان ماتش مصر والجزائر طبعا احنا مصريين وبنحب مصر ومبسوطين عشان مصر كسبت لكن من المؤسف شكل الشارع بعد الماتش لا حول ولا قوة الا بالله .. في ناس كتير مصلتش المغرب والعشاء عشان الماتش غير اللي كانوا في الاستاد .. هى دى الوطنيه اننا نسيب الصلاه عشان الكوره ؟ احنا مش بنقول الكوره حرام بس نعطى ربنا حقه الاول وبعدين نفكر في نفسنا
دا احنا مش بنقدر نقف دقايق في الصلاه لكن في الكورة ممكن نقعد واقفين سنة
يا جماعة عمرنا مش هننجح بالطريقة دى لابد من وقفة يا شباب عشان نعرف ايه الهدف
طيب مصر كسبت امبارح ايه الاستفاده اللي احنا استفدنا بيها
والله يا جماعة الشارع بعد الماتش كان عامل زى الديسكو بنات علي شباب ورقص واغانى وفجور ومحدش حاسس بحاجه ومحدش فكر في الناس اللي بتتقتل في فلسطين ولا في العراق ولا في الاقصى الاسير
وعايزين تطور ؟
وعايزين تقدم ؟
طول ما احنا بنجرى ولا الهوى مش هنفلح ولا هنكسب
انا بعتزر يا جماعة بس غصب عنى شايف الدنيا بتضيع والاسلام بيضيع والناس في غفلة محدش فكر في موت ولا في قبر ولا في صراط كله بيفكر في الكوره ولا حول ولا قوة الا بالله
انا لله وانا اليه راجعون