Tweet
السلام عليكم ورحمة الله وبركاته
خدمة الحجاج بمصر بما إني طلعت قبل كده خدمة حجاج من حوالي خمس سنين حبيت أشارككم الأمر ده في ظل ظروف غلاء الحج , أولا حضرتك لو عملك الفعلي سواق أو جزار أو عامل وباسبورك نفس مهنة عملك فيا سعدك ويا هناك , فممكن تطلع خدمة حجاج كل سنة وتحج وبدون أي مشاكل إما عن طريق وزارة القوي العاملة وده مش هيكلفك إلا حوالي أربعمائة جنيه تقريبا وكام صورة شخصية وبيكون التقديم من بدري خالص الله أعلم التقديم بيكون إمتى , إما إن تقدم عن طريق بعض الشركات هنا بمصر لإلحاق العمالة بالخارج وهي قليلة جدا الموثوق فيها ( مش عايز أذكر أسامي حد لإني مش بعمل دعاية ) وخلي بالك من النصابين لإنهم كتير جدا جدا جدا , وبيستغلو شوق الناس للحج وبينصبو عليهم , أولا شركات الإلحاق العمالة اللي بتطلع خدمة حجاج مش بيتكلف عليهم الأمر حاجة إلا كلها تلتمائة جنيه وهما بيأخدو فلوس كتير من الشركات السعودية اللي إنت رايح تعمل فيها يعني لو ما أخدتش منك جنيه في كسبانة برضو من الشركات السعودية لإنهم بيأخدو فلوس على النفر , لكن الشركات دي بتستعبط وبتطلب منك فلوس كتير ما تدفعش كتير لإن زي ما بقول لك إنها مش متكلف عليهم الأمر إلا حوالي تلتمائة جنيه أنا لما طلعت دفع ثمنمائة جنه بجانب تلتمائة جنيه حق العقد . يعني في حدود ألف ومائة جنيه . وبقول خلي بالك من النصابين لإنهم كتير جدااااااااااااا .
تاني حاجة لو حضرتك عملك موظف أو أي عمل غير السواقة أو الجزارة أو العمالة . فممكن تطلع من خلال تغيير الباسبور والبطاقة بإنك تغيرهم إنك عامل , ونيجي هنا للناحية الشرعية هل حرام وحلال إنك تغير البطاقة بغير وظيفتك علشان تطلع أنا أرى أنه تزوير ولا يجوز كنت سألت شيخ مسجدنا بهذا قال لي إنه زور ولا يجوز وممكن ترجع لفتاوي موقع الإسلام سؤال وجواب أو هنا فتوي مشابهة http://fatwa.islamweb.net/fatwa/inde...waId&Id=137547
وأخيرا حضرتك لو أول مرة تطلع خدمة الحجاج فمش معناها إنك هتروح تشيل شنط أو غيره للحجاج لأ . بيكون عملك بعيد عن الموضوع ده خالص بيكون عمل عادي في بعض الشركات هنا , وخلي بالك هناك في شركات في السعودية بتعامل الناس هناك العاملين بخدمة الحجاج بذل وإهانة حسبي الله ونعم الوكيل وبتأكل حقوقك كمان , و فيه شركات محترمة لكن بيكون فيها برضو بعض رؤساء العمل حسبي الله ونعم الوكيل فيهم ,..
وأيضا : إنت بتحصل علي إقامة إما ست شهور بتبدأ من رمضان وتسافر أول رمضان , أو بتحصل على إقام ثلاث شهور وبتسافر قبل الحج بشهر أو أسابيع . وبتأخد هناك مرتب في حدود تمنمائة ريال في الشهر أو ألف ريال أو ألف ومائتين . مش أكتر من كدة ولا أقل من كده , وبيكون عمل عادي لكن ساعات العمل أتناشر ساعة ولك تأمين صحي ومسكن . والتأشيرة بيكون مكتوب عليها غير مصرح بالحج , والشركة غير مسألة إنك تحج أو ما تحجش إنت اللي بتروح تحج من نفسك على رجليك أو مواصلات داخلية أو براحتك عنك ما حجيت لأن زي ما قولت اول ما بيبدأ البيات في منى أول أيام الحج الشركة بتقفل أبوابها في العمل ومش بيكون هناك عمل..
وآخر دعوانا الحمد لله رب العالمين , دي كانت تجربتي وبصراحة كانت شاقة جدا لإن كان الحج بنفسك وغير كده حكم رؤساء العمل عليك هناك بيكون شديد , أنا أتمنى الذهاب للحج لكن بفلوسي مش بعمل ولا غيره . أسأل الله عز وجل أن يرزقنا المال الحلال الوفير من خزائنه الملأى التي وسعت أرزاق الناس جميعا بدون أن ينقص منها شئ . فليس بعيدا عن الله أن يرزقنا الرزق الواسع وأن يكرمنا الحج بأموالنا . فهذا ظني فيه . وأسألكم الدعاء .
خدمة الحجاج بمصر بما إني طلعت قبل كده خدمة حجاج من حوالي خمس سنين حبيت أشارككم الأمر ده في ظل ظروف غلاء الحج , أولا حضرتك لو عملك الفعلي سواق أو جزار أو عامل وباسبورك نفس مهنة عملك فيا سعدك ويا هناك , فممكن تطلع خدمة حجاج كل سنة وتحج وبدون أي مشاكل إما عن طريق وزارة القوي العاملة وده مش هيكلفك إلا حوالي أربعمائة جنيه تقريبا وكام صورة شخصية وبيكون التقديم من بدري خالص الله أعلم التقديم بيكون إمتى , إما إن تقدم عن طريق بعض الشركات هنا بمصر لإلحاق العمالة بالخارج وهي قليلة جدا الموثوق فيها ( مش عايز أذكر أسامي حد لإني مش بعمل دعاية ) وخلي بالك من النصابين لإنهم كتير جدا جدا جدا , وبيستغلو شوق الناس للحج وبينصبو عليهم , أولا شركات الإلحاق العمالة اللي بتطلع خدمة حجاج مش بيتكلف عليهم الأمر حاجة إلا كلها تلتمائة جنيه وهما بيأخدو فلوس كتير من الشركات السعودية اللي إنت رايح تعمل فيها يعني لو ما أخدتش منك جنيه في كسبانة برضو من الشركات السعودية لإنهم بيأخدو فلوس على النفر , لكن الشركات دي بتستعبط وبتطلب منك فلوس كتير ما تدفعش كتير لإن زي ما بقول لك إنها مش متكلف عليهم الأمر إلا حوالي تلتمائة جنيه أنا لما طلعت دفع ثمنمائة جنه بجانب تلتمائة جنيه حق العقد . يعني في حدود ألف ومائة جنيه . وبقول خلي بالك من النصابين لإنهم كتير جدااااااااااااا .
تاني حاجة لو حضرتك عملك موظف أو أي عمل غير السواقة أو الجزارة أو العمالة . فممكن تطلع من خلال تغيير الباسبور والبطاقة بإنك تغيرهم إنك عامل , ونيجي هنا للناحية الشرعية هل حرام وحلال إنك تغير البطاقة بغير وظيفتك علشان تطلع أنا أرى أنه تزوير ولا يجوز كنت سألت شيخ مسجدنا بهذا قال لي إنه زور ولا يجوز وممكن ترجع لفتاوي موقع الإسلام سؤال وجواب أو هنا فتوي مشابهة http://fatwa.islamweb.net/fatwa/inde...waId&Id=137547
وأخيرا حضرتك لو أول مرة تطلع خدمة الحجاج فمش معناها إنك هتروح تشيل شنط أو غيره للحجاج لأ . بيكون عملك بعيد عن الموضوع ده خالص بيكون عمل عادي في بعض الشركات هنا , وخلي بالك هناك في شركات في السعودية بتعامل الناس هناك العاملين بخدمة الحجاج بذل وإهانة حسبي الله ونعم الوكيل وبتأكل حقوقك كمان , و فيه شركات محترمة لكن بيكون فيها برضو بعض رؤساء العمل حسبي الله ونعم الوكيل فيهم ,..
وأيضا : إنت بتحصل علي إقامة إما ست شهور بتبدأ من رمضان وتسافر أول رمضان , أو بتحصل على إقام ثلاث شهور وبتسافر قبل الحج بشهر أو أسابيع . وبتأخد هناك مرتب في حدود تمنمائة ريال في الشهر أو ألف ريال أو ألف ومائتين . مش أكتر من كدة ولا أقل من كده , وبيكون عمل عادي لكن ساعات العمل أتناشر ساعة ولك تأمين صحي ومسكن . والتأشيرة بيكون مكتوب عليها غير مصرح بالحج , والشركة غير مسألة إنك تحج أو ما تحجش إنت اللي بتروح تحج من نفسك على رجليك أو مواصلات داخلية أو براحتك عنك ما حجيت لأن زي ما قولت اول ما بيبدأ البيات في منى أول أيام الحج الشركة بتقفل أبوابها في العمل ومش بيكون هناك عمل..
وآخر دعوانا الحمد لله رب العالمين , دي كانت تجربتي وبصراحة كانت شاقة جدا لإن كان الحج بنفسك وغير كده حكم رؤساء العمل عليك هناك بيكون شديد , أنا أتمنى الذهاب للحج لكن بفلوسي مش بعمل ولا غيره . أسأل الله عز وجل أن يرزقنا المال الحلال الوفير من خزائنه الملأى التي وسعت أرزاق الناس جميعا بدون أن ينقص منها شئ . فليس بعيدا عن الله أن يرزقنا الرزق الواسع وأن يكرمنا الحج بأموالنا . فهذا ظني فيه . وأسألكم الدعاء .
