حملة حماية و حملة من يدفعهم عنا و له الجنة !!!!

[قلب معلق بالمساجد]

بسم الله الرحمن الرحيم

تعرفوا يا جماعة الأرقام اللي حققتها حملة حماية إلى الآن قد إيه ..!!؟؟

- الحالات الواردة من المدمنين طالبي العلاج 6100 مدمن
- الملصق بتاع الحملة عدد مرات التنزيل حوالي 84 ألف مرة
- عدد الملصقات اللي تم توزيعها و نشرها مايقرب من 4 مليون ملصق
و فعلا الملصقات في كل مكان ... في الشارع و في الكليات و في المترو و في الأتوبيسات و الميكروباصات و الله لدرجة اني لقيت واحد في حجرتي

كل ده عن طريق برنامج أسبوعي على قناة واحدة و موقع واحد على النت

دلوقت احنا عندنا قنوات سلفية كتير و مواقع اسلامية مالهاش عدد
و في حملات فعلا موجودة
بس مفيش تجاوب يذكر

ادخل على حملة( من يدفعهم عنا و له الجنة )هاتلاقي عجز شديد في الإخوة وكل اللي شغال أخوات و برضه عدد الأخوات و الإخوة مجتمعين مايكملش 100 و الناس الفعالة ماتعديش العشرين

حملة ( المليون ساعة ) اللي عاملها الشيخ هاني حلمي الرابط في توقيعي ادخل و شوف ...
ولا رد واحد ..... و في عدد من الأفراد قول 30 واحد على موقع منهج (موقع الشيخ هاني) شغالين و بيعملوا مطويات و بوسترات للحملة
بس شوف كام واحد حمل الحاجات دي و نشرها ...!!
و كام واحد في الشارع سمع عن الحملة دي...

منتدى فرسان السنة عدد الأعضاء فيه كبير جدا .. بس شوف لما حبوا يشتغلوا و يعملوا حاجة زي الفيلم اللي عاوزين نعمله هنا ردا على الفيلم الهولندي ... عدد قليل جدا (بارك الله فيهم) شاركوا في المشروع و فعلا عملوا حاجات جميلة

يا جماعة الموضوع مش موضوع إعلام
احنا اللي اتعودنا على الكلام و خلاص
في مشروع في حملة (من يدفعهم عنا و له الجنة ) اسمه غزو الشات
الموضوع اتأجل كذا مرة تخيلوا ليه ..؟؟

لأن عدد الإخوة لا يكفي
كل مرة كان بيبقى موجود 2 أو 3

احنا منتدياتنا ملياااااااانة ناااااااااس
بس لما حد ييجي يقول عاوزين نشتغل ... الناس بتختفي

أنا مش بحب الإحباط و دايما بحب البشريات
و أنا باحس إن أعضاء المنتدى هنا عندهم همة غير أي منتدى تاني
و أبشركم إن حملة من يدفعهم عنا و له الجنة برغم قلة اللي شغالين فيها
إلا إن العمل فيها ممتاز جدا و ده الدليل
اضغط هنا

و موضوع الحملة اتثبت في منتديات كتيرة وكبيرة و اتثبت حتى في منتدى عمرو خالد

بس كده مش كفاية

فييييييييييييييييين كل الناس الملتزمة اللي بنشوفهم في الشوارع
و بيزيدوا كل يوم .. لازم نلاقي طريقة نوصل بيها لكل الناس
كل الأدوات موجودة فاضل الشغل

لو بس الناس الملتزمة كلها سمعت عن الحملات دي ده في حد ذاته يبقى انجاز

حملة حماية وصلت لـ 6000 مدمن .. عارف يعني إيه مدمن ..؟
و حملاتنا مش عارفين نوصلها لـ1000 ملتزم !!!

ماينفعش يا جماعة يبقى في حد مشترك على المنتدى هنا و مش مشارك في الحملات دي

ان شاء الله قريبا جدا هانزل هنا بوسترات حملة المليون ساعة
و يارييييييييييييت الناس تنزل البوسترات و توزعها

الحملة دي لو ماحققتش حاجة لحد رمضان يبقى احنا مانستحقش ننتمي للالتزام أو السلفية


الحملة بيدعمها شيخ و بإذن الله هتنشر على الفضائيات يعني مالناش حجة
و هدفها مش صعب يعني الفئة اللي عاوزين نوصللها مش مدمنين و لا حاجة احنا عاوزين نوصل حتى للمتلزمين أو اللي لسه في بداية الالتزام و الشباب العادي

أنا مش باقول الكلام ده لأن أنا البطل النشيط في الدعوة إلى الله اللي بيعمل كل الحاجات دي ... ربنا أعلم بحالي .. بس اكيد جاء الوقت اللي نفوق فيه كلنا و نعمل حاجة

رجاء : لو حد حد هايتكلم عن الأستاذ عمرو خالد و يسب فيه أو يقول سلبيات حملة حماية .. ياريت بلاش .. و مش عاوزين الموضوع يتنقل لهذه النقطة

جزاكم الله خيرا

[د.خالد الرفاعي]

رد: حملة حماية و حملة من يدفعهم عنا و له الجنة !!!!

بإذن الله الحملة ستزيد و كلامك زادني اصرار و العبرة أخي الحبيب ليست بالعدد و لكن بالهمم

نداااااااااااااااء إلى كل الأخوة و الأخوات لا تتراجعوا كونوا كالإعصار

ايقظوا المارد النائم و تذكروا من يدفعهم عنا و له ....... الجنة

[ابي بن كعب]

رد: حملة حماية و حملة من يدفعهم عنا و له الجنة !!!!

اخي الحبيب قلب معلق بالمساجد.. قارنت بين الحمله التي اقامها عمرو خالد ضد الادمان والحمله التي موجوده هنا في المنتدي وفي النهايه تطالبنا عدم الحديث عن سلبيات حمله حمايه .. طيب اخي كان من باب اولي ان تحث الاخوة علي علو الهمه دون ذكر حمله عمرو خالد لانك بذلك تاخذ بالاعداد ..فالعبره اخي ليست بالاعداد او الكم ولكن الكيف ... ففي حمله حمايه عندهم الغايه تبرر الوسيله لكن عندنا في هذه الحمله الموجوده في المنتدي ان هناك ضوابط وحدود ..فيريت اخي لا تقارن بين حمله حمايه وحمله من يدفعهم عنا وله الجنه .. ولو تكلمت عن موضوع حمله حمايه لن انتهي ولكن لنتفق سويا علي هدف موضوعك وهي ضعف الهمم وكيف نشحن هذه الهمم من جديد وخاصه اننا منتسبين الي الالتزام والسلفيه
وانا اتفق تماما اننا مقصرين في الدعوة الي الله وهذا لا انكره فالعيب فينا للاسف ولكن ان شاء الله اخي سوف انضم اليكم في حمله من يدفعهم عنا وله الجنه وان شاء الله سوف اراسلك اخي الكريم وجزاكم الله خيرا ونفع الله بك

[قلب معلق بالمساجد]

رد: حملة حماية و حملة من يدفعهم عنا و له الجنة !!!!

جزاكم الله خيرا إخوتي في الله
أولا يا جماعة لازم تعرفوا
.. أنا أتكلم من داخل المعسكر و ليس من خارجه .. يعني الكلام ده موجه ليا أنا قبل ما يكون موجه لأي حد تاني و يمكن الدكتور خالد طلب مني حاجات في الحملة و أنا اعتذرت عنها عشان الامتحانات برغم من ان في ناس بتشتغل و هي عندها امتحانات و بتوفق بين الحاجتين
و أنا مش باقول الكلام ده لأني باكره الإخوة السلفيين بل بالعكس ده لأني بحبهم لسبب بسيط لأني واحد منهم
و طبعا عاوز أتوقف عند كلام الدكتور خالد الرفاعي ... مشاركة قيمة جدا و لخصت الهدف اللي أنا كاتب عشانه الموضوع .. إننا نتحمس و نشتغل أكتر و نصحي المارد اللي جوا كل واحد مننا
و أنا اتفق تماما مع كلام حضرته و كلمة الأخ أبي بن كعب في إن العبرة مش بالعدد
بس أحيانا بيبقى في أعمال ماينفعش تتعمل من غير عدد يعني ماينفعش مثلا مشروع غزو الشات الدكتور خالد يلاقي نفسه لوحده و لا معاه واحد أو اتنين
و أنا يا أخي الحبيب (أبي بن كعب) ذكرت أرقام حملة حماية عشان أحفز الناس لأن فعلا الأرقام كبيرة جدا و إنجازات ضخمة كون بقة ان في مخالفات شرعية فده أكيد معروف لكل الناس اللي موجودة في المنتدى
احنا جربنا كتير في منتدياتنا السلفية نقعد نسب و ننتقد في الناس دي و كانت النتيجة ان ده كله كان زي مابيقولوا (بيدن في مالطة) يعني اللي بيتكلم سلفيين و اللي بيقرا سلفيين و كلهم عارفين الكلام اللي بيتقال ده كله
بل بالعكس بتحصل نتيجة عكسية و الناس دول بيزدادوا ثقة في موقفهم و بيزدادوا كرها فينا كسلفيين
أنا نفسي كنت بافكر كده و كنت باكره السلفيين لانهم بتوع كلام و خلاص و كنت شايف انهم بيهاجموا الناس دي لانهم مش عارفين يعملوا زيهم

عارفين الناس دي ايه اللي بيخليهم ينجحوا ..؟؟
انهم مشغولين بهدفهم و مش بيفكروا في حاجة تانية غيره
عارفين ان في مواقع مالهاش عدد بتسب و تشتم فيهم و مش بيبصوا للكلام ده خااااااالص و كل اللي بيفكروا فيه انهم يحققوا هدفهم .. طبعا أحيانا بتكون وسائل غير مشروعة و أنا مش بادافع عن حد بس باقول اننا لازم احنا كمان نركز في أهدافنا
أرجوووووووووووووووكم بلاش نغير الموضوع

أنا من الآخر عاوز أقول الكلمتين دول

من هنا و رايح كل واحد فينا يشارك في الحملات اللي عاملها مشايخنا جزاهم الله خيرا و يركز كل جهوده فيها .. ويبقى بينام و يقوم يفكر فيها
و كل مايشوف حد يكلمه عنها
تستحوذ على كل اهتماماته
عاوزين الناس اللي ليها علاقة بمشايخنا المشهورين على الفضائيات يكلموهم في انهم يدعموا الحملات دي و يعلنوا عنها على الفضائيات
و ننشرها على المنتديات
و بين قرايبنا و اصحابنا و في جامعاتنا و مصالحنا الحكومية
احنا عددنا لا يستهان بيه و لو كل الشباب ده اشتغل الدنيا هاتتقلب بجد

جزاكم الله خيرا

[ابي بن كعب]

رد: حملة حماية و حملة من يدفعهم عنا و له الجنة !!!!

السلام عليكم .. حياكم الله اخي قلب معلق بالمساجد .. انا مش هعلق علي كلام حضرتك عشان لا نحيد عن الهدف الاساسي من موضوعك اخي وانا ضفتك عندي في الهوت ميل وسوف نتحدث في هذا الامر براحتنا:(ضحك):ويسيدي هكون كسبت اخ جديد

[قلب معلق بالمساجد]

رد: حملة حماية و حملة من يدفعهم عنا و له الجنة !!!!

طبعا ده شرف كبير جدا ليا يا أخي الحبيب