طيب وبعدين؟

[brok3n.spirit]

السلام عليكم ورحمه الله وبركاته
اسمحولى ابدا الكلام بالصلاه على سيدنا محمد صلى الله عليه وسلم


ياريت تستحملونى للاخر لانى هتكلم بالعاميه

الحكايه من اولها:

انا كنت شاب زى شباب كتير اوى للاسف ولا بصلى ولا اعرف طريق الايمان ولا كنت بفكر فى ثواب وعقاب ولا اخرة كان كل اللى هاممنى دنيتى وبس وتعدى الايام والسنين فى معاصى وبلاوى زرقاء

حصل ظرف وهو وفاة احد اصدقائى ودة اللى جعلنى اقف امام نفسى او بالاوضح اما القبر واسال نفسى طيب وبعدين؟

لو انا اللى مدفون مكانه هعمل اية طيب اية العالم التانى اللى صاحبى بقى فية وايه اللى بيمر بيه دلوقتى من امور داخل القبر
يوم فى التانى بدا خروجى برة البيت يقل وشويه وبدات اصلى طبعا كل دة ببكاء كان فى الاول حزنا على اخى وصديقى اللى فقدته وبعدين الموضوع اتنقل حزنا على نفسى من اللى كنت بعمله من معاصىوابتعاد عن طريق الله عز وجل وجهلى بمثل هذة نعمه وهى الاقتراب من الله والخشوع فى الصلاة والاحساس بمدى العجز والكسوف من اللى كنت بعمله قدام ربنا وبجهر بيه قدام اللى اعرفة ومعرفوش اتباهى بالمعاصى ولا انا كنت فاهم انى كدة ببنى لنفسى حفرة فى جهنم
عدت الايام وانا عامل زى الاسد الجعان اللى مصدق لقى فريسه بقيت اسمع دروس لشيوخ كتير جدا بس كان احبهم الى قلبى د\حازم شومان
ومن اول اسبوع بعد وفاة صاحبى قلت مينفعش اروح اصلى وانا ريحتى سجاير ودعيت وقلت يارب عينى انى ابطل السجاير انا هبطلها لانها معصيك ليك سبحانك وسبحان الله بطلتها من تانى يوم ولا كانت بتيجى ف بالى اصلا
بدات يوم ف يوم انزل اصلى فى المسجد
ادور على السنن اللى كان رسول الهل صلى الله عليه وسلم بيسنها واصليها ومهما كانت بتاخد وقت سبحان الله كنت بستغرب انى ازاى كنت بكسل اصلى دى الصلاة مبتاخدش نص دقيقه كانت سهله اوى بالرغم من انك ممكن تقعد تصلى وقت كبير بس مبتحسش بيه
بدات لما الاقى دروس فى المساجد اقعد واستمع واحاول اتعلم
وعدت الايام وبدات اطلق لحيتى لكن للاسف انا جلدى حساس اول ما لحيتى بدات تطول لقيت وشى بيورم وحبوب بتنتشر بطريقه غريبه ف وشى واضطريت انى احلق اللحيه
اللحمد لله فضلت اصلى وملتزم تقريبا سنه ف مرة من المرات وانا راجع البيت من صلاة الفجر كنت بحاول انى اصلى ف مساجد بعيدة ما هى كل خطوة بحسنه ويمكن اقابل حد اعرفه وييجى معايا نصلى
اللمهم بعد الفجر كان فية جلسه ضحا والشيخ قعد يدى درس خفيف وصلينا الضحى وقمت علشان اروح
وانا ماشى فى الطريق افتكرت ف نفس الوقت الىل كنت ماشى فية دة كنت راجع البيت زمان وانا فى وضع مازلت اسف عليه لغايه دلقوتى ولما قارنت نفسى زمان باللحظه الىل انا راجع فيها من صلاة فجر وجلسه ضحا والواحد كان ماشى باة فى عز الضلمه مش شايف افتكر حديث (بصراحه مش فاكرة دلوقتى )عن اللى بيمشوا فى الظلام للصلاة والنور الىل هينورلهم يوم القيامه
فجاة لقيتنى ببكى ودموعى نازلة بتنهمر بشدة وحرارة على وجهى
وجة رمضان ولاول مرة ف حياتى اختم القران واصلى التراويح
بقيت مش مصدق وناس كتير مكنتش مصدقه ازاى فلان الفلانى سبحان الله دة اية اللى حصله اية اللى وصله لكدة انا نفسى مكنتش عارف بس لاول مرة ف حياتى انام وانا مرتاح البال بعد ما اصلى قيام ليل كد واقرا قران وانام باة علشان اصحى فايق لصلاة الفجر
راحه نفسيه رهيبه عمرى ما شعرت بيها حتى وانا فى حضن امى اللى لا يضاهى السلام الروحى والنفسى اللى بنحس بيه فى حضن كل ام
وخلص رمضان فجاة لقتنى سنه مبسالش على اصحابى القدام رحتلهم القهوة اللى كانو بيعدو فيها يدوب اسلم ولو شربت شاى وامشى
طبعا الوضع كن مش عاجبنى والقهوة والشيشه اللى بيشربوها فكنت بزعل منهم وعليهم وامشى
وتعدى الايام
انا عندى قولون عصبى ربنا يعافينا ويعافيكم
وانا واقف بصلى ف وسط الصلاة والقولون اشتغل بقيت مش عارف اخرج من الصف ولا استنى وخلاص مش قادر قمت مسلم وخارج من الصف ولحظى انى كنت ف مسجد كبير وكنت محرج جدا وانا ماشى وسط الصفوف وبقيت متوتر توتر رهيب
يوم فى التانى منزلتش اصلى فى المسجد لان بطنى وجعانى بسبب القولون
شويه ولقتنى قاعد فاضى نزلت لعبه بتتلعب اون لان على النت
فى الاول كنت بلعب ووقت الصلاة بقفل الجهاز كله واجرى عالجامع وشويه والصلاة بقت فى البيت
شويه وبقت الصلاة بتفوتنى
شويه ورجعت اتفرج على افلام (كنت بضحك على نفسى واقول دى افلام كارتون مش فيها حاجات خارجه
شويه شويه افلام عربى ف افلام اجنبى ورجعت اتفرج على افلام
وشويه تانى وبدات اسمع اغانى الغريب انى كنت بسمع مش باستمع دوشه جمبى وخلاص وغالبا كنت اول ما اشغلها اقفلها
مرة ف مرة بطلت صلاة
ومرة ف مرة بدات اتفرج على افلام تانى
بدات احس بزهق وكب واكتئاب ووقت فراغ مش عارف اضيعه
بدات انزل اقعد عالقهوة لاصحابى

الغريب باة وهى دى المشكله اللى بحاول ادورلها على حل

دلوقتى انا لا عارف ارجع اصلى واكون خاشع فى الصلاة ولا ارجع للحياة الىل كانت كلها زهد من الدنيا
ولا عارف ارجع لحياة الفساد الىل كنت عايشها اجى اسمع اغنيه اقول لا حرام اقوم قافلها
اى اتفرج على فيلم ييجى فيه لقطه خارجه احيانا اغض بصرى واحيانا اتفرج
احيانا ابص عالبنات فى الشارع واحيانا بردو اغض بصرة احيانا الاقينى بسب فى حد مش سب بالدبن واللعيذ بالله اقصد اشتمه يعنى ووقت تانى الاقينى ماشى اردد ازكار واستغفر
مرة اسمع اذان الفجر لانه كان احب الصلاوات الى قلبى اقوم جرى واقول ازاى اكون صاحى ومصليش ومرة تاينه ولا كانى سمعت الاذان
طيب وبعدين ؟
انا هفضل على الحال دة كتير انا بنام مرعوب انى اموت وانا نايم عايش مرعوب انى اموت وانا على معصيه اغلب الاوقات قبل نومى اقعد اناجى الهل عز وجل واستغفرة واقوله يارب الحقنى يارب
يارب انا مش عاوز اضيع يارب
انا اية بيبعدنى عنك يارب وانام من كتر البكاء
واصحى تانى يوم ولا كان فى حاجة حصلت امبارح ولا كانى كنت ببكى ولا بناجى ف ربنا عز وجل اشوف المقابر قلبى يتخلع من مكانه وابقى مرعوب وزمان كنت بتمنى اموت علشان اقابل الله عز وجل واقابل حبيب قلبى رسول الله صلى الله عليه وسلم
من امنياتى انى اصلى خلف رسول الله صلى الله عليه وسلم فى الصف الاول واجلس كدة وصلى الله عليه وسلم يشرحلى ويدينى دروس فى الدين


دلوقتى كل اللى فات دة مشكلتى الحاليه
وانا واقف عاجز قدام نفسى ومش عارف اتصرف ازاى او اعمل اية هل فى حل للى انا فيه؟

[osamalegend]

رد: طيب وبعدين؟

حبيبى فى الله هذا كانت مشكلتى وهذا مشكلة شباب كتير انا الحمد لله طلعت منها .
لو عايز فعلا حل عليك بالصحبه الصالحه صدقنى ده عنق الزجاجه.
ثانى شى تتصفح على الانترنت بحظر وعلى مواقع مضمونه ليس عليها اعلانات او اى شى اباحى.
ثالثا حاول تشغل نفسك فى شغل او دراسه او لو عندك كوتش انزل العب كوره.
رابعا اوعى تقعد على الانترنت وتقفل الباب عليك لان الشيطان هيستفرد بيك.
خامسا تمسح اى شى يغضب الله من جهازك pc
سادسا عليك بالصيام لان الصيام يقتل الشهوه فى قلبك.
اخى انا مش عايز اطيل عليك لكن صدقنى اساس الموضوع فى الصحبه لما تحب تسئل عن شخص لا تسئل عنه انما اسئل عن صاحبه اعمل زيى انا طيرطهم كلهم وبعدها توبت ادعوا ان يهديك ويثبتك باذن الله.

[أبومسلم السلفى]

رد: طيب وبعدين؟

السلام عليكم ورحمة الله وبركاته ،،،،
أخي الحبيب brok3n.spirit بارك الله فيك ونفع الله بك لعل حديثي يطول معك فاصبر عليَّ
بص يا أخي أولاً لازم تعرف حاجه إن الانسان قبل ما يلتزم بيكون مليان من جواه قاذورات في قلبه ملياااااااااااااااااان ايه القاذورات دي هي المعاصي يقعد يسود قلبه بيها يسود قلبه بيها لغاية اما يموت قلبه بعدين يدخل الالتزام بقلبه الاسود ده فيحافظ على الطاعات شوية وبعدين قلبه الأسود+الشيطان +نفسه الأمارة بالسوء تدعوه تاني للمعاصي واحدة ورا واحدة حتى يرجع لكل المعاصي تاني
يبقي ايه الحل بقي ياعم؟؟؟؟
الحل التخلية ثم التحلية
يعني ايه؟؟؟؟
التخلية :انك تنظف قلبك من المعاصي والذنوب نهائياً وده يكون عن طريق شروط التوبة الثلاث :

1.انك تسيب المعصية دي خالص
2.انك تعزم ان لا ترجع اليها
3.انك تندم عليها :وهذه المهمة الندم لا بد أن تندم والا ستعود مرة ثانية

خليت قلبك وفرغته ونظفته من رواسب المعاصي بقى قلب نظيف تيجي المرحلة التانية
التحلية:وهي انك تملى قلبك بالطاعات عشان الطاعات دي حاجة جميلة قوي مينفعش تتحط فففي مكان في مكان قذر ....
هذا أولاً
ثانياً:اقترب من الصالحين ودعك من أصحبك التنيين دول انساهم امحيهم من ذاكرتك لانهم عارفين انك بقيت احسن منهم فعيزينك معاهم تاااااااااااااان ي مش حب والله هو غيرة منك بس كما قال الله عن الكفار"ودوا لو تكفرون كما كفروا فتكونون سواء"
ثالثاً:لازم شيخ مربي أخ صادق يربيك على الطاعات يساعدك انك تسيب الذنوب يساعدك تنقي قلبك وحاول يكون قريب منك دايماً عشان تسأله كتير ويسأل عنك
رابعاً:القراااااااااااان احفظ القران وانشغل به وعش معه واقرأ تفسيره وستشعر بالسعادة بالفعل
خامساً:احرص على العبادة واجتهد فيها وحاول دائماً أن تتذكر الآخرة

وانصحك بقراءة الجدية في الالتزام وقصة الالتزام للشيخ يعقوب ستجد فيهما علاج مشكلتك

إذا فعلت هذا ستشعر بالسعادة إن شاء الله
وأي مشكلة إن شاء الله
إخوانك هنا حيساعدوووووووووووك
بحبك في الله بجد بحبك في الله لحرصك على إصلاح نفسك

[احبway2allh]

رد: طيب وبعدين؟

السلام عليكم ورحمة الله وبركاته ،،،،
أخي الحبيب brok3n.spirit بارك الله فيك ونفع الله بك لعل حديثي يطول معك فاصبر عليَّ
بص يا أخي أولاً لازم تعرف حاجه إن الانسان قبل ما يلتزم بيكون مليان من جواه قاذورات في قلبه ملياااااااااااااااااان ايه القاذورات دي هي المعاصي يقعد يسود قلبه بيها يسود قلبه بيها لغاية اما يموت قلبه بعدين يدخل الالتزام بقلبه الاسود ده فيحافظ على الطاعات شوية وبعدين قلبه الأسود+الشيطان +نفسه الأمارة بالسوء تدعوه تاني للمعاصي واحدة ورا واحدة حتى يرجع لكل المعاصي تاني
يبقي ايه الحل بقي ياعم؟؟؟؟
الحل التخلية ثم التحلية
يعني ايه؟؟؟؟
التخلية :انك تنظف قلبك من المعاصي والذنوب نهائياً وده يكون عن طريق شروط التوبة الثلاث :

1.انك تسيب المعصية دي خالص
2.انك تعزم ان لا ترجع اليها
3.انك تندم عليها :وهذه المهمة الندم لا بد أن تندم والا ستعود مرة ثانية

خليت قلبك وفرغته ونظفته من رواسب المعاصي بقى قلب نظيف تيجي المرحلة التانية
التحلية:وهي انك تملى قلبك بالطاعات عشان الطاعات دي حاجة جميلة قوي مينفعش تتحط فففي مكان في مكان قذر ....
هذا أولاً
ثانياً:اقترب من الصالحين ودعك من أصحبك التنيين دول انساهم امحيهم من ذاكرتك لانهم عارفين انك بقيت احسن منهم فعيزينك معاهم تاااااااااااااان ي مش حب والله هو غيرة منك بس كما قال الله عن الكفار"ودوا لو تكفرون كما كفروا فتكونون سواء"
ثالثاً:لازم شيخ مربي أخ صادق يربيك على الطاعات يساعدك انك تسيب الذنوب يساعدك تنقي قلبك وحاول يكون قريب منك دايماً عشان تسأله كتير ويسأل عنك
رابعاً:القراااااااااااان احفظ القران وانشغل به وعش معه واقرأ تفسيره وستشعر بالسعادة بالفعل
خامساً:احرص على العبادة واجتهد فيها وحاول دائماً أن تتذكر الآخرة

وانصحك بقراءة الجدية في الالتزام وقصة الالتزام للشيخ يعقوب ستجد فيهما علاج مشكلتك

إذا فعلت هذا ستشعر بالسعادة إن شاء الله
وأي مشكلة إن شاء الله
إخوانك هنا حيساعدوووووووووووك
بحبك في الله بجد بحبك في الله لحرصك على إصلاح نفسك

[brok3n.spirit]

رد: طيب وبعدين؟

ربنا يبارك فيكم ويجعل محالوتكم لمساعدتى ف ميزان حسناتكم باذن الله
وانا فعلا من بعد ما كتبت الموضوع امبارح بدات بالابتعاد عن الخروج من البيت وربنا يعينى وابتدى امارس اى رياضه والله المستعان ادعولى بالله عليكم :)

[ضيف]

رد: طيب وبعدين؟

أهلا بك أخى الكريم على الطريق الى الله أسأل الله أن يصرف عنك السوء و يرزقك الخير كله

عايزين نتفق على حاجة في الأول

قال تعالى :

قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّـهِ إِنَّ اللَّـهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ ﴿الزمر: ٥٣﴾


يغفر الله الذنوب جميعا

و سبحان الله يتوب علينا و يرزقنا التوبة

فإوعي تيأس أبدا من الرجوع و التوبة إلى الله تعالى

فالتوبة هي عبادة العمر

و مالناش غير اننا نستغفر و نتوب لأن أكيد سنرتكب الذنوب

فلو لم نذنب لأتي الله بقوم يذنبون فيستغفرون فيغفر الله لهم

فماتلتفتش أبدا لوسوسة الشيطان

و كلما غلبك الذنب استغفر و توب تجد الله غفارا رحيما

بص الحديث دا

قال رسول الله صلى الله عليه وسلم :

إن عبدا أصاب ذنبا ، وربما قال : أذنب ذنبا ، فقال : رب أذنبت ، وربما قال : أصبت ، فاغفر لي ، فقال ربه : أعلم عبدي أن له ربا يغفر الذنب ويأخذ به ؟ غفرت لعبدي ، ثم مكث ما شاء الله ثم أصاب ذنبا ، أو أذنب ذنبا ، فقال : رب أذنبت - أو أصبت - آخر فاغفره ؟ فقال : أعلم عبدي أن له ربا يغفر الذنب ويأخذ به ؟ غفرت لعبدي ، ثم مكث ما شاء الله ، ثم أذنب ذنبا ، وربما قال : أصاب ذنبا ، قال : قال : رب أصبت - أو قال : أذنبت - آخر فاغفره لي ، فقال : أعلم عبدي أن له ربا يغفر الذنب ويأخذ به ؟ غفرت لعبدي ، ثلاثا ، فليعمل ما شاء

صحيح البخاري

و طبعا دا لا يتنافى أبدا أبدا على المجاهدة في ترك الذنب و العزم عل ترك الذنب و دا من شروط التوبة

يعني ماينفعش أرتكب ذنب و أقول ربنا كدا كدا هيغفرلي !!

لازم أصر و أعزم و أنوي اني سأترك الذنب و أندم عليه

و لكن ان وقعت فيه أتيقن اني هتوب مرة أخرى و يتوب الله علي

طيب نقلع عن الذنب دا إزاي؟؟

تخيل هذا المشهد

إنك أثناء الذنب يأتي ملك الموت

هتحب تموت على الذنب دا ؟؟

و من مات على شيء بعث عليه

تقابل الملك يوم القيامة بالذنب دا ؟؟؟

و الا تحب تقابله ساجد ؟؟



أو بتذكر ؟؟؟ أو صايم ؟؟؟

دا مشهد و دا مشهد تحب تختار أي المشاهد ؟؟

و لازم يبقى عندك حلول عمليه لهجر الذنب تثبت صدقك لله تعالى

كيفية الثبات على الطاعة
علشان نمشي فى الطريق صح لازم نحدد هدف وهو رضا ربنا علينا
وعلشان ترضي ربنا عليك فيه حاجات ربنا بيحبها يبقى لازم نعملها

نضرب لك مثل ولله المثل الاعلي
لو فيه حد عزيز اوى عليك وبتحبه وتتمنى ان يرضى عليك
وبتستنا زيارته ومقابلته بفارغ الصبر
والحد ده لمابيطلب منك حاجة فورا بتنفذها
ليه بتنفذها؟
علشان بتحبه

ولله المثل الاعلى!..
كلنا بنقول بنحب ربنا
بس المحبة مش قول المحبة قول وفعل

يعنى اللى بيحب ربنا بيعمل كل عمل يرضى ربنا عليه

فالخطوات العملية اللى حضرتك تاخدها فورا علشان تثبت على الطاعة
وتبعد عن اى معصية او اى حاجة ممكن ترجعك زى الاول
اولا المحافظة على الصلاة ( الفرائض )
ثانيا المحافظة على سنن الصلاة
اللى هى 2قبل الفجر و4 قبل الظهر و2بعده و2بعد المغرب و2 بعد العشاء
فى الحديث القدسي
قال الله تعالى
من عادى لي ولياً فقد آذنته بحرب مني، وما تقرب لي عبدي بشيء أحب إلي مما افترضته عليه، ومازال عبدي يتقرب إلي بالنوافل حتى أحبه فإذا أحببته كنت سمعه الذي يسمع به وبصره الذي يبصر به ويده التي يبطش بها وقدمه التي يمشي بها وإذا سألني لأعطينه وإذا استغفرني لأغفرن له وإذا استعاذني أعذته
يبقى علشان تثبت لازم تعمل كل عمل يقربك من ربنا
وتحس بلذة الطاعة والايمان فى قلبك

ثالثا ودى مهمة جدا جدا جدا الصحبة الصالحة
انك تشوف حد عون لك على الطاعة ياخد بإيدك لطريق ربنا
دايما يكون حريص على انه يدلك على كل خير وطاعة

ودى من اهم عوامل الثبات على الطاعة

هاتقول مش لاقي فى الكلية هاقولك لا موجودين بفضل الله فى كل مكان وبفضل الله تعالي
الملتزمين فى ازدياد لاتجد بيت لايخلو من شاب ملتزم متسمك بالسنة
ومش شرط تكون عارفه علشان تكلمه
انت شاب فى الكلية ادخل مسجد الكلية عندك وشوف شاب تتوسم فيه الاستقامة والصلاح
واقعد اتعرف عليه وفضفض معاه واتصاحب عليه وتأكد انه هايقبلك وهايتصاحب عليك
بس اياك تتكسف انت بتدور على اى حاجة تقربك من ربنا متخليش الشيطان
يكسلك ويقولك ازاى هاتكلم واحد متعرفوش
استعن بالله واتعرف على شاب ملتزم وخليه اخ لك فى الله
ولو تعثر العثور على اخ فى الكلية
اذهب لاى مسجد فيه دروس علم وبفضل الله كل مساجد السنة فيها دروس
وهناك هاتلاقي جنة الدنيا فى دروس العلم
هاتلاقي شباب ربنا يبارك فى اعمارهم وجوههم كالقمر اول لما تدخل المسجد
هاتلاقي المسجد كله ملتزمين والجو العام هايغيرك جدا جدا

وبفضل الله المنتدى هنا فيه الصحبة الصالحة اللى بنقولك عليها

رابعا انك تدعي ربنا من كل قلبك وتبكى وتتذلل لله وتقول
يارب ثبتنى يارب انا بحبك ماليش غيرك
يارب لاحول ولاقوة لي الا بك
انا ضعيف وقلبي بيدك ثبت قلبي على طاعتك
والدعاء يكون فى احب الاوقات اللى هو فى الثلث الاخير من الليل
تقوم تصلى ركعتين قبل الفجر بنص ساعة
والله هاتلاقي الوضع تغير تماما تماما بعد الركعتين دول

خامسا انك تشغل وقتك دايما علشان مايكونش فيه فرصة للشيطان انه يفكرك بأى ذنب
يعنى مابين قراءة قرآن وصيام وذكر لله تعالي
تسمع كل يوم درس لشيخ انت بتحبه
وان شاء الله هاتلاقى يومك مليان وكله طاعة لله تعالي
وتاخد بالك من دراستك وتجتهد فيها وربنا يوفقك لكل خير

واخيرا نسأل الله لنا ولكم صلاح الحال والثبات
والسلام عليكم ورحمة الله