قررت اغير حياتى.........حلقه (1)

[ما اريد برسول الله بدلا]

بسم الله والحمد لله والصلاة والسلام على رسول الله وآله وصحبه ومن والاه ،،،

في مسرح الجامعه ، وَقِفَ محمد و أحمد و مصطفى و عبد الرحمن

يشاهدون هذا المقطع عن ( غزه المباركه الطيبه )

( أضغط على الصوره لمشاهده المقطع ... إياك متضغطش :) )

إذا لم يعمل الرابط يمكن الدخول على هذا الرابط لرؤية المقطع

هنـــــــا

.

.

خرجَ الشباب الأربعه يخيم عليهم الحزن نتيجة لرؤية هذا المقطع حتى أنهم لم ينتظروا حتى يشاهدوا الندوه المُقامه عن حملة " قررت أغير حياتي "

محمد : ليه منتظرناش علشان نكمل الندوه ؟!!!؟

مصطفى : ياسيدي ندوة أيه وكلام فارغ أيه !!! أنت مش شايف الناس في غزه بيحصلهم ايه ؟؟

عبد الرحمن : بس المقطع كان بيقول أن الندوه بتتكلم غزه ،
وكمان عن حمله علشان نتغير ، يمكن ربنا ينصرهم لما نتعدل شويه

أحمد : نتغيّر ليه ؟؟؟ .... واحنا مالنا كده يعني !!!

( بمجرد أن قال أحمد هذه الكلمات ، وجد هذه الورقيات تُوزَّع عليهم من بعض الأخوه )

لمعرفة محتوى الورقه أضغط على الرابط

محمد : عرفت بقى نتغير ليه ،،!

أحمد : لا معرفتش ، مالك يا سيدي جامد علينا كده ليه :)

محمد : لأن خلاص أنا تعبت ... والله تعبت
احنا مش شايفين أهلنا في غزه بيحصلهم أيه !!! مش شايفين
والسبب احنا .... والله احنا السبب
احنا بكل مصائبنا
تقدر تقولي احنا عايشين ليه .... وعايشين ازاي !!!!؟؟؟؟!!!!
واحد حياته كله في البنات والخروجات ومقضيها ،،،
وواحد مدمن نت وشات واباحيات ،،، وفاكر نفسه بكده الأخ المثقف اللى وصل لقمة التقدم والرقي ،،،
وواحد تايه ... شويه مع ربنا وبيصلي وعامل فيها شيخ ... وشويه تايه معانا ،،،
وانا ... أنا حالي أيه ... أنا أيه ..................... ( وهنا نظر محمد إلى السماء يستغيث بحبيبه وموالاه )
ومع كل دا بتسأل نتغيّر ليه !!!!!!!!
احنا عملنا أيه لغزه يا أخ أحمد.... عملنا أيه للمسلمين يا رجال ...

أحمد : مش عارف أقولك أيه بصراحه ؟؟

محمد : قول كلمة حق ، أسباب النصر اللى قرأنها دي ... احنا عملنا منها أيه؟؟

مصطفى : معاك حق يا محمد ، بس احنا مش وحشين أوي كده

محمد : ينظر إليه متعجباً

( وقبل أن يتكلم ، تَدخّل عبد الرحمن قائلا )

عبد الرحمن : خلاص يا شباب ، تعالوا نصلح من نفسنا شويه

محمد : يااااااريت ( ثم نظر مره أخرى إلى السماء نظره بعيده ثم نكس رأسه )

أحمد : طيب نعمل أيه

عبد الرحمن : أول حاجه .... نروح نحضر الندوه معاهم :)

( واتفق الشبان الأربع على الذهاب للندوه مره أخرى ..

وعلى باب المسرح ... وجدوا " عبد الله " )

محمد ( وهو مستبشراً فرحاً ) : عبد الله !!!

فتبسم عبد الله ثم قال : .........

إنتظرونا في الحلقه القادمه

.

.

.

عبد الله و محمد و عبد الرحمن و أحمد و مصطفى

هم أبطال سلسلتنا

مش شرط جنسيتهم أيه ... المهم أنهم شباب مسلم

مش شرط يكونوا شباب جامعي ... ممكن يكون عندهم 15 سنه أو 50 سنه أو أكتر أو أقل

ممكن أنا أكون واحد منهم ، وممكن أنت تكون واحد منهم

حكايتهم مش علشان نتسلي ، أو نحكي قصه نفرغ فيها طاقتنا

حياتهم اللى فاتت هي واقع حياتنا ، وحياتهم اللى الجايه لازم برده تكون واقع مستقبلنا

.

.

إن الله تعالى ناصر دينه ومظهره على الدين كله لا محاله

ولكن

هل سينصر الله الدين بنا ......... أم بغيــرنا

تلك هي القضيه

{وَاللَّهُ الْغَنِيُّ وَأَنتُمُ الْفُقَرَاءوَإِن تَتَوَلَّوْا يَسْتَبْدِلْ قَوْمًا غَيْرَكُمْ ثُمَّ لَا يَكُونُوا أَمْثَالَكُمْ} [ محمد : 38 ]

أنتَ أخي ... أنتِ اختي

لعلك تكون من ينصر الله به هذا الدين

لمَ لا ..........؟؟؟

ماذا ستقول لرب العالمين عندما يسألك عن أخوانك في غزه ؟؟؟!!

ماذا قدمت لهم ..؟؟!!!

ماذا فعلت لتنصرهم ؟؟؟!!!

هل ستكفى بالبكاء ....؟؟

.

.

{ إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ }

أنا قررت أغيّّر حياتي بحول الله وقوته

إيدي في إيدك

وأوعدك – إن شاء الله – إننا هنتغيّر مع بعض

وعلشان كده .... بنقدّم السلسله دي " قررت أغير حياتي "

سلسله من القلب للقلب ......... للجنه

خطوه بخطوه

ناخد بإيد بعض

نعين بعض

لينصر الله بنا هذا الدين

.

.

.

أصحابنا – أبطال سلسلتنا – منهم هيبدأ معنا وهيستمر لحد ما نوصل للجنه مع بعض

ومنهم هيقع في نصف الطريق

ومنهم مش هيحاول يدخله

ياترى أنت هتكون تبع أي فريق ؟؟؟؟

أنا واثق إنك في فريق الجنه – بإذن الله –

مش مطلوب منك إنك تهتف دلوقتي وتقول " أنا قررت أغير حياتي "

ومش مطلوب إنك تمر على رسالتنا مرور الكرام

فقط المطلوب :

{ إيدك في ادينا }

ودي هي أول خطوه

تااابعونا ... وحملة " قررت أغير حياتي "

إنّا نحبكم في الله

[dr_karmen]

رد: قررت اغير حياتى.........حلقه (1)

جزاكم الله خيرا أخونا الفاضل
رابط الورقة لا يعمل
وماشاء الله فكرة التقديم مميزة كما عودتمونا
وفقكم الله لما يحب ويرضى

[ما اريد برسول الله بدلا]

رد: قررت اغير حياتى.........حلقه (1)

السلام عليكم
جزاكم الله خيرا وسعدت بمروركم وجزاكم الله خيرا على حذف الفيس بوك كنت اود ذلك

[د.امل]

رد: قررت اغير حياتى.........حلقه (1)

ما شاء الله عليكى اختى بارك الله فيكى

وانا نقلت الموضوع الى منتدى اخر

ربنا يعطيكى اجرا عظيما

[العابدلله]

رد: قررت اغير حياتى.........حلقه (1)

جزاكم الله كل الخير اختنا فى الله المباركه
وحقا مشاركه رائعه وننتظر منكم المزيد

وموضوع جد خطير وهام ويمس عن قرب حالنا جميا وكما ذكرتى

ولكن

هل سينصر الله الدين بنا ......... أم بغيــرنا

تلك هي القضيه

فعلا هى دى القضيه
وان شاء الله معكم يدا واحدة
ونتابع معكى اختنا فى الله باقى السلسله المباركه نحسبها كذلك باذن الله تعالى

[ما اريد برسول الله بدلا]

قررت اغير حياتى.........حلقه (2)

بسم الله والحمد الله والصلاة والسلام على رسول الله وآله وصحبه أجمعين ،،،

أتأخرنا عليكم :) .... معلهش سمحونا

وقـفنـا في الحلقه اللى فاتت على :

محمد ( وهو مستبشراً فرحاً ) : عبد الله !!!

عبد الله ( مبتسماً ) : السلام عليكم ورحمة الله وبركاته ،

إزيك يا محمد .؟ :)

محمد ( ناظراً إليه بشوق ) : كويس الحمد لله

عبد الله ( ينظر للشباب ) : هاا " على فين يا شباب " ، ها أيه الاخبار

أحمد : يعني رايحين نبص ع الندوه شويه

عبد الله : والله نورتوا الندوه والمحاضره وكل حاجه :) ،

( ثم ينظر إلى محمد ) هااااا روحت فين يا عم محمد .

محمد : بفكر أنا رايح فين

عبد الله : ياااااااااااااه ... من زمان وانا مستنيك ترجعله بقى

محمد : ارجع لمين ؟!

عبد الله ( ينظر الى السماء ويشير قائلاً ) : ترجع لحبيبك

( صمت محمد وسرح في كلمات عبد الله )

مصطفى : انا مش فاهم حاجه

عبد الرحمن : ولا انا ، طيب يلاا ندخل الندوه

عبد الله : الله ينور عليك ، في محاضره رااائعه هتبدأ دلوقتي ، وهي أول خطوه في الطريق يا محمد

محمد : محاضرة ايه

عبد الله : ندخل وهنسمعها سوا :)

( دخل الشباب الخمسه الى مسرح الجامعه واخذوا يستمعون الى المحاضره سوياً )

واحنا كمان محتاجين نسمع نفس المحاضره

ودي محاضرة هذه الحلقه ، طبعاً من غير ماقول ، هنحمل المحاضره كلنا ونسمعها :)

من أجمل ما سمعت

<IMG alt="">

علي فين يا شباب

Downloadللتحميل

.

.

وانتهت المحاضره ،،،

مصطفى : يلاا نخرج بقى

عبد الله : الندوه لسه مخلصتش ، لسه هنتكلم عن طريقنا في التغيير وخطواتنا و

( قاطعه مصطفى قائلاً ) : ياسيدي كفايه علينا كده اوي

يلاا يا شباب علشان نخرج

عبد الله : طيب استنوا ان خارج معاكم

.

.

خارج مسرح الجامعه ،،،

عبد الله : هاا ايه اكتر حاجه عجبتكم بقى في المحاضره

أحمد : الحته بتاعت البنطلون الساقط ههههههه

عبد الله : هههههه اه اصله موضوع حساس اليومين دول :)

وضحك الشباب جميعا ، ولكن محمد يبدو انه كان بعيداً عنهم بتفكيره

عبد الرحمن : سبحان الله ، المحاضره كأنها بتتكلم عننا كلنا

جايبه قصة كل واحد فينا ، وكأن الشيخ كان عايش بينا

عبد الله : هاا وايه كمان ؟

عبد الرحمن : مش عااارف !!!

محمد : اهو انت كده جاوبت على السؤال

" على فين يا شباب " ؟؟؟؟؟ ---- >> مش عاااارفين

عبد الله : وهي دي البدايه ، إنك تجاوب على السؤال

انت مش عارف انت رايح فين

بس لازم تعرف

مشكلتنا ... مشكلتنا كلنا

سواء أنا الأخ الملتحي الملتزم ، أو أنت الأخ اللى نص نص

أو الأخ اللى تحت خالص

كلنا ماشيين ومش عارفيين احنا رايحين فين

الملتزمين متصورين ان الدين لحيه ونقاب وقيام وصيام وبس

وغير الملتزمين متصورين أن الدين خنقه وكبت وحبسه ووجع قلب

والاتنين ماشيين في طريقهم كده ، من غير أي هدف

عبد الرحمن : معاك حق يا عبد الله

أحمد : دا طريق الدين والالتزام صعب وثقيل اوي يا أخي !!

عبد الله : مين قال كده ؟؟؟ احنا بنبص للجانب المادي في الحياه ، مش بنبص للجانب العظيم

مبنبصش لربنا ...

احنا والله محرومين

بنحرم نفسنا من الله جل وعلا

بنحرم نفسنا من ساعه نقعد نشكي لله الدنيا واحوالها

بنحرم نفسنا من سجده نبكي فيها بين يديه ونطلع اللى جوانا

بنحرم نفسنا من لحظه صافيه بينا وبينه

بنحرم نفسنا من الحياه بجد

كل واحد مننا بيحب ربنا ، وبيحب ربنا اوي

وكل واحد مننا ربنا بيحبه ، وبيحبه اوي

الحب دا بيخلينا دايما مشتاقين لله ، ومحتاجين نقرب منه

بس احنا بنمنع قلوبنا وبنحرم روحنا

محمد ( وقد امتلئت عينيه بالدموع ) : انا عاوز اروّح

عبد الله : حاضر ، هسيبك النهارده بس :)

لكن متنساش تجاوب نفسك " على فين يا محمد "

ومتقولش معرفش :)

ربنا يصلح حالك ويرضى عنك يا محمد

.

.

ذهب محمد إلى بيته

ووجد نفسه يتجه مباشرة إلى الخلاء ( الحمام ) ويغتسل ( يستحم )

ثم يتوضاً ، ولأول مره يستشعر محمد معنى الوضوء

لأول مره يشعر أن في الوضوء لذه ، وانه يريح القلب ، وأنه حقاً يشغل الذنوب والخطايا

دخل محمد إلى غرفته وأغلق الباب ،

وبكى بكاءاً شديداً

كان يشعر بخجل وحياء وهو يقف وحيد مع الله في الغرفه

لأول مره يشعر أن وحيد مع ربه

كان يريد أن يقترب أكثر ، يريد أن يقوم ليصلي

ولكن حياءه منعه من أن يرفع رأسه

يااااارب ... ياااارب ... ياااارب

هكذا اخذ يتأوه وينادي ربه حتى .........

انتظرونا في الحلقه القادمه بإذن الله

.

.

.

محاضرة هذه الحلقه هي " على فين يا شباب " ، وزي ما اتفقنا

هنحمل المحاضره وهنسمعها

المحاضره بتقولنا :

أين انت ؟؟....و الي اين ذاهب؟؟
اين انت من الطريق الي الله
والي اين انت ذاهب
ماهو الهدف الذى تعيش لأجله

عايش ليه ؟؟؟
اهى ايام و بتنقضي ، مفيش هدف محدد ، عايشيين حايتنا بالطول و بالعرض ،و بنجرب كل حاجة ، ايه المشكلة
الكثير يغفل ان هذه هى البداية
كثير من الشباب يقول """اهى مرة و هتعدي"""
ابليس قبل ان يكون منه ما كان اقسم على نفسه ان لا يترك موضع قدم الا و سجد فيه
وعندما امر بالسجود ...عصي ..................كانت مرة واحدة
سيدنا ادم...................امره الله ان لا يأكل من الشجرة
أكلمنها..........عصي ................كانت مرة واحدة

ماهو حلمك فى الحياة
هل تحلم بالجنة ..............................ام ان هموم الدنيا قد انست هذا الحلم
هل تسأل عن عملاً يدخلك الجنة
عن أبي عمرو رضي اللهعنه قال: "قلت: يا رسول الله قل لي في الإسلام قولاً لا أسألعنه أحداً غيرك، "
قال: "قل آمنت بالله ثم استقم".

.

.

عايزين نسأل نفسنا نفس الأسئله اللى سألها لنا الشيخ في المحاضره ونجاوب عليها:

1/ عايش ليه ؟ وايه هي اهتماماتك في الحياه ؟

2/ أيه اكتر صوره بتحلم بيها ؟

3/ في 30 ثانيه اكتب اهم 3 اهداف في حياتك ؟

4/ لو معاك مليون جنيه الآن ، أيه او شيء هتعمله ؟ وايه تاني شيء هتعمله ؟

5/ لو عرفت إنك هتعيش 6 شهور فقط ، هتغير ايه في حياتك ؟

والاسئله الآخرى أيضا ،،

لو عاوز تغير حياتك فعلاً وتكمل معنا صح ... يبقى لازم نلتزم باتفاقنا معاً

هنسأل نفسنا الاسئله دي ، ونجاوب عليها بجد ... بجد

ونشوف ، ياترى عاوزين نكمل كده ولا هنفكر في التغيير بجد ؟

متنسوش ، من البدايه قُلنا ان في ناس هتبدأ معنا لحد من نوصل للجنه سوا

وفي ناس هتكمل لنصف الطريق وتقف

وفي ناس مش هتدخل خالص

ياترى أنت أيهم .؟؟؟؟؟؟؟؟؟؟؟؟؟؟؟؟؟!!!!!!!!!!!!!!

في شوية حاجات محتاجين نتفق نعملها معاً:

1/ نستغفر .. نستغفر ... نستغفر

( استغفر الله واتوب اليه )

2/ يكون لنا ورد يومي من القرآن ( ولو آيات قليله )

3/ ونصوم يوم الأثنين القادم :)

.

.

الحلقه الجايه هي حلقة اخذ القرار

هنشوف قرارات الشباب الأربعه

ونشوف مين هيكمل معنا ، ومين هيتنازل عن نصيبه من الجنه

موعدنا الجنه / اسرة موقع منهج

[العابدلله]

رد: قررت اغير حياتى.........حلقه (2)

جزااااااااااااااااكم الله خيرا

ونتابع معكم ان شاء الله

[ما اريد برسول الله بدلا]

قررت اغير حياتى.........حلقه (3) هلموااا الى الله

السلام عليكم ورحمة الله وبركاته

قبل من نبدأ حلقتنا ،،،

أعتقد أننا نسينا غزه شويه ، يعني الموضوع ممكن نقول قرب من شعار "" عاااااادي ""

حتى قرار التغيير ، أيضاً بيتسحب تحت نفس الشعار

وكأننا خايفين نقرب من ربنا ... أو خايفين ندخل الفردوس الأعلى !!!!!!!!!

أو خايفين نبقى في صحبة النبي صلى الله عليه وسلم ... أو خافين من جلسه بين يدي الله جل وعلا تحت ظل عرشه

أو ممكن الحاجات دي في في دماغنا... ولا ممكن حماستنا خفت والشعله انطفئت شويه

أغلب ظني أنها في دماغنا وأن كلنا نرجوهاااا ....:)

بس بصراحه

مبنشتغلش صح ، ومش هقول مش عارفين نشتغل صح

لأن الطريق أمامنا بقى واضح أوي بفضل الله ، والأيدي التى تمتد لنا كثيره كثيره

بس احنا لسه ماسكين فيها أوي ........ ماسكين في الدنيا

صح ولا مش ؟؟

المهم .... مبارك على غزه وعلينا وعليكم آخر أحداث غزه :) ، انا في قمة سعادتي

افرح وانبسط ، وملكش دعوه باللي يقولك هتفرح على أيه ... لسه اليهود مسيطرين علينا

لأ ... النصر قادم ... وهي دي أول بشرى ، هننتصر قررررررريب يا نااس

وتعالوا نسجد جميعاً سجدة شكر لله على بشائر النصر هذه ، دي أمانه لازم تسجد J

نكمل حلقتنا ، وخليك معنا وتواصل معنا أكتر وأكتر ،،

.

.

.

محمد قضى ليلة عمره مع ربه

أول ليله يقضيها بين يدي الله ، ولا أخفيكم ما أمتع وأطيب هذه الليله

حقاً .... هي الليله التي لا تنسى والتي كلما يذكرها العبد يشعر برعشه ولذه عجيبه

ولا أنت أيه رأيك ؟؟

وفي اليوم التالي رن هاتف محمد

محمد : ألو

المتصل : السلام عليكم ، أزيك يا محمد ، انا عبد الله

محمد ( فرحاً مبتهجاً ) : عبد الله !! ، ازيك أنت ، انت اخدت رقمي منين

عبد الله : بسرعه بسرعه افتح التليفزيون دلوقتي ، وشوف حلقة " قررت أغير حياتي " ومستني منك تليفون بعدها ، انا هتصل ببقية أصحابك

، يلا السلام عليكم ، مستني تليفونك يا استاااذ

محمد : وعليكم السلام ورحمة الله وبركاته ، حااضر حاااضر حااضر

( قائلاً لنفسه : ياااارب خلي عبد الله معايا واقف جنبي ، يااارب انا نفسي أقرب منك أوي ، يااارب متحرمنيش منك ، يااارب )

وفتح التليفزيون سريعاً وشاهد الحلقه

وكانت هذه هي الحلقه ، وهي حلقة رسالتنا اليوم

من أجمل ما سمعت

<IMG alt="">

قررت أغير حياتي

Downloadللتحميل

وبعد الحلقه أمسك محمد بهاتفه ودخل على الرساله ، وكتب :

( عبد الله ... خلاص " أنا قررت أغير حياتي " خليك معايا خطوه بخطوه )

إنتظرونا في الحلقه القادمه

.

.

.

محمد أخد قراراه ، وأخده بجد وبسرعه ، واختار الصحبه اللى هتقف جنبه في طريقه ،

و بدأ يلتزم ببعض الأمور ، واحنا كمان لازم نلتزم بيها :

1/ الصلاه على وقتها

2/ صلاة 12 نافله ( سنن بعد الصلوات ) في اليوم

3/ ركعتين قيام ليله ( على نفس غرار أول ليله قضاها كل منّا بين يدي حبيبه ربه وموالاه )

4/ ورد قرآني ( ولو آيه ، أو اثنين ، أو صفحه أو جزء ، أو عشره ) على قدر ما بتحب ربنا هتحب تتلو كلماته

5/ الاستغفاار ،، فالاستغفار أول الطريق لتطهير القلب لاستقبال حب الله ومعرفته

6/ أذكار الصباح والمساء ، ودوام الذكر ... واللى بيحب دايما بيذكر حبيبه ،

انا عن نفسي بحب أوي ( سبحان الله والحمد لله ولا اله الا الله والله اكبر )

ها وانت بتحب ايه ؟؟؟!!

محمد أخد القرار وبدأ التنفيذ ،

أريدك الآن ان تهتف لله ( ياااااااااااااارب ، خلاص قررت أغير حياتي ، ياااارب خليك معايا خطوه بخطوه ، ياااارب متسبنيش ومتحرمنيش منك )

.

.

.

الحلقه الجايه ، هنتكلم بشكل عملي جداً

هنشوف ذنوبنا ( و آآآه من ذنوبنا )

هنشوف قد أيه هي تعبانا وصعبه علينا وهنشوف مع بعض هنخلص منها ازاي

متنساش الواجبات اللى اتفقنا عليها

أسره موقع منهج ،،،

[العابدلله]

رد: قررت اغير حياتى.........حلقه (3) هلموااا الى الله

جزاك الله تعالى كل الخير

وان شاء الله بجد احنا بنغير حياتنا دلوقتى ويارب يثبتا ويوفقنا الى مرضاته

اللهم امين

[ما اريد برسول الله بدلا]

اااااااااااااااه من ذنوبى(4)

بسم الله والحمد لله والصلاة والسلام على رسول الله وآله وصحبه ومن والاه ،،،،

نرجع شويه لحلقة ( اخدت قرارك ولا لسه )

زي ما قُلنا عن الشباب الأربعه في الحلقه الفائته
محمد آخذ قراراه ، عبد الرحمن ايضاً اخده لكن مش بنفس القوه ، أحمد كسل ياخد القرار ، ومصطفى مش شايف أنه محتاج يغير أي حاجه في نفسه ( ممكن يكون معجب بحياته كده ، لكن احنا بقى مش معجبين بحياتنا كده ، وعلشان كده هنتغير )
من هذه الحلقه هنبدأ في ( خطواتنا للإلتزام )... ودي هتكون بإذن الله أول مشروع لرحلة الفردوس
.
( عبد الله جمع الشباب الاربعه في بيته ، وبعد الترحيب والضحك )

عبد الله : صلوا على النبي يا شباب
( اللهم صلى على النبي محمد وآله وصحبه وسلم )
عبد الله : هااا تعالو نتكلم شويه عن ربنا

عبد الرحمن : يااريت والله يا عبد الله ، كلامك بيريح قلوبنا أوي

وابتسم محمد لعبد الله ابتسامه مليئه بالشوق ( الشوق لعبد الله ، والشوق للحديث عن ربّ عبد الله وربّ العباد جميعا )

عبد الله : فاكرين أول ما اتقبلنا عند مسرح الجامعه ، كنا عاوزين نعرف احنا ماشيين ازاي وطريقنا كده صح ولا غلط ، كنا عاوزين نجهز نفسنا علشان نقدر ناخد قرار التغيير
وبعد كده ربنا رزقنا بحلقه طيبه جداً ( قررت أغير حياتي ) وكانت مناسبه جداً علشان كل واحد مننا ياخد قراره
والآن .... أنتم حاسّين بايه ؟؟

محمد : حساس أني نفسي أروح لربنا أوي وبسرعه جداً ، بس حاسس أني ثقيل أوي ، في حاجه واقفه بيني وبين ربنا ، في حاجز كبير بسببه مش عارف اتغير ، بس مش عارف ايه هو الحاجز ؟

عبد الله : الذنوووووووووووووووووووب يا محمد .... وآآآآه من ذنوبنا

محمد : ذنوبي .................................................. ........ يااااااااه ودي أخلص منها ازاي ، دا لو استنيت أني أخلص من ذنوبي يبقى مش هوصل لربنا أبداً ،،،

عبد الله : لأ لأ لأ أصبر علينا كده ، خلينا ماشيين خطوه خطوه ،
ومتنساش كلام ربك رب العزه : { قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعاً إِنَّهُ هُوَ الْغَفُورُ الرَّحِيمُ } [ الزمر/53]
النهارده هنسمع درس حلو أوي ، هيعرفك إزاي ذنوبك دي كلها تتمحي في لحظه واحد

(قاطعه عبد الرحمن قائلا ) : الكلام دا لو عندنا ذنوب ثقيله ، هي دي اللى بتقف بينا وبين ربنا كده ، لكن ذنوبنا الخفيفه دي يعني عاديه جداً

عبد الله ( مبتسماً ) : انا كده هضطر أغير الدرس اللى هنسمعه :) ، الموضوع دلوقتي بقى أننا محتاجين نحس خطر ذنوبنا ، وازاي فعلاً بتكون عائق بيننا وبين الله عز وجل
أحمد : والله الواحد مش عارف من الأصل أيه هي الذنوب الخفيفه وأيه هي الثقيله
عبد الله : مممممم ، وانت يا مصطفى أيه رأيك
مصطفى : يعني عادي .... انا عندي مشوار ولازم امشي
عبد الله : تمشي !!!!
وحاول الاصدقاء جميعاً اقناع مصطفى بالبقاء ولكنه صمم على الذهاب
وعند باب البيت
ناوله عبد الله مصطفى شريط تحت عنوان ( آآآه من ذنوبي ) ، وقال له :
عبد الله : أنا مازال كلي أمل أنك مش هتترك طريق ربنا ، وأنك هتحاول توصل معنا
بالله عليك أسمع الشريط دا ، اسمعه بقلبك ، حاول تقرب خطوه واحده من ربنا ، حاول مجرد محاوله
ولو قربت هتحس قد ايه القرب منه حلو أوي ، ووقتها هتكمل عمنا وانا واثق :)

مصطفى ( ويبدو عليه التأثر وأنه يرغب في البقاء ، لكنه تراجع عن هذه المحاوله ) : حاضر هسمعه
عبد الله : أني أحبك في الله :)
مصطفى ( وكأن الكلمه اصابته ) : ادعيلي ... ادعيلي ( وذهب مصطفى عنهم !!!!!!!!!!!!!!!!! )
.
.
اجتمع الشباب الثلاثه مع عبد الله في الغرفه
عبد الله : الذنوب يا أخواني بتسجن الواحد منّا ، بيحس بوحشه بينه وبين ربه
أنت لما بتعمل ذنب من غير علم أهلك لأنه هيغضبهم ، بتحس أن بينك وبين أهلك وحشه وفجوه ومساااااافه كبير اوي
ولله المثل الأعلى ، فما بالكم لما تعمل ذنب يغضب ربنا جل وعلا ، تبقى مشكله كبيره أوي
عبد الرحمن : تعرف يا عبد الله ، أنا بسبب الذنوب الكتيره دي بحس أني تايه وحيران ، بحس أني خايف من كل حاجه ، بحس أوقات أن مليش نفس اعمل اي حاجه ، وأن في وحشه بيني وبين كل شيء ، وحشه مع صحابي واهلى والدنيا كلها ، ووحشه بيني وبين الله

عبد الله : ودا خطر من خطر الذنوب يا مصطفى ، الذنب بيعمل غلاف وطبقه سوداء على القلب ، هذه الطبعه تَحُول بينك وبين الله ،
غير كده الذنوب بتذلنا أوي ، بالله عليكم لما بتتفقوا تعملوا معصيه معينه ، وتفضلوا بقى تحاولوا يمين وشمال وتبحثوا هنا وهنا ، وتتذلوا لكل شخص شويه علشان ييسر ليكم المعصيه دي ، وتتذلوا لأنفسكم لأنكم مش قادرين تمنعوها من المعصيه الفلانيه ............. مش دا ذل !!!!
أحمد : وأنت هتقولي على الذل اللى من النوع دا ، دا الواحد بتبقى كرامته في الأرض
محمد : وربنا أكيد بيغضب مننا لمّا بنعمل الذنب
عبد الله : ياااااااااااااه يا محمد ، مش عارف أقول أيه
محمد : تعالى نسمع الشريط دا ( وأشار إلى شريط آآآه من ذنوبي )
وبالفعل جلسوا جميعاً لسماع الدرس

من أجمل ما سمعت



آه من ذنوبي

Downloadللتحميل
.
.
وبعد إنتهاء الدرس

محمد : ياااااااااااااااااااااااااه ، احنا كنا تايهين أوي
احمد : أي والله

مصطفى : أهم نقطه دلوقتي ، عاوزين يا عبد الله نتفق على شوية نقاط عمليه اللى الشيخ قالها لنا في الدرس ، ونحاسب بعض عليها ،،

محمد : انا عاوز الحلقه الثانيه اللى الشيخ قال أنها تتمة هذه الحلقه ، محتاجها ضروري يا عبد الله

عبد الله : تحت أمرك يا باشا
لكن خلينا في الأول نتفق على الواجبات :
1)الرغبه في الخلاص من كللللللللل ذنوبنااااااااا كبيرها وصغيرها ، الرغبه في التوبه بجد
[2) الدعوه دي تبقى على لسان ليل نهار ( اللهم ارفع مقتك وغضبك عنّا )!
3) محتاجين نتذل لله مش للذنب ، نجرب يعني ايه ننكسر بين يدي الله ، نجرب يعني ايه نبكي بين يديه ، نقوله يااارب مش لينا حد غير ، واحنا فق4) نتصدق بصدقه كبيره ، صدقه بينة ( صدقة السر ترفع تطفىء غضب الرب
نستغفر 1000 مره في اليوم ( متتخضش كده ، الألف استغفر مش هياخدوا الا ربع ساعه ، وجرب وقولي (6) نعمل ختمة قرآن ( يعني اللى بختم في شهر ، عاوزين نختم المره دي في اسبوع من الجمعه للجمعه ، واللى بيختم في سنه يختم في شهر ، طيب واللى مش بيختم خالص الا في رمضان ، يحاول بقدر الامكان يعمل ختمالصلاه على النبي صلى الله عليه وسلم ، بيني وبينكم أنا بحب سيدنا محمد أوي أوي ، وألذ حاجه عندي أني اقعد كده اصلي عليه وأتكلم في سيرته :)
ونصوم بقى يوم الاثنين الجاي دا :) :) :) :)))
( من غير ضرب بقى ) :)
أه صح وخدوا بالكم :

1- الذنب بيجيب ذنب ولازم ناخد قرارنا دلوقتى قبل ما أرجلنا تثقل اكتر من كده.
2- ربنا بيبعتلنا رسايل كل يوم لازم نترجمها وبيبعتلنا ناس تاخد ايدينا للطريقولازم نمسك فيهم
3- نلزم الصحبة الصالحة وندور عليها ( يعني زي صبحتنا دي كده :))))) ).
4- نحاول يبقى لينا ورد سماع من القران بقلبنابقلينااااااااااااااااااااااااااااااا .....

.

دا طبعا بالإضافه الى الخمس واجبات اللى كانوا في الدرس اللى فات

أحمد : كل داااااااااااااا

عبد الله : جرب أنت تعمل الحاجات دي بقلبك ، ووالله هتقولي الحاجات دي قليله أوي ، دا ربنا يا سيدي ... اللــــــــــــــــــــــــــــه

محمد :أنا حساس أني هتولد من جديد ، لكن خايف أوي ، حاسس أن ذنوبي دي صعه حتى اني افكر أن ممكن ربنا يغرفها

عبد الله : طيب خدوا بقى اسمعوا الجزء التاني من هذا الدرس ( نفسك تتوب )
ووقتها يا عم محمد هتقولي انك خلاص هتدخل الجنه من بكره بمشيئة الله :)


إنتظرونا في الحلقه القادمه
.
.
انا مش هزيد حاجه على كلام الأخ عبد الله

لا تنسوا الواجبات العمليه
حلقتنا القادمه هي ( نفسي اتوب ) ... هنشوف ازاي نخلص من ذنوبنا وازاي نتوب بجد الى الله عز وجل
الحلقه ستكون بين محمــــــد وربه فقط
وصلى الله على نبينا محمد وآله وصحبه وسلم
إسرة موقع منهج ،،،

[العابدلله]

رد: اااااااااااااااه من ذنوبى(4)

جزاكم الله تعالى خيرا اختنا فى الله وبارك الله فيكم

[العابدلله]

رد: اااااااااااااااه من ذنوبى(4)

جزاكم الله تعالى خيرا اختنا فى الله ونفع بكم
وسلسة رائعه بارك الله فيكم

[ما اريد برسول الله بدلا]

قررت اغير حياتى.........حلقه (6)

بسم الله والحمد لله والصلاة والسلام على رسول الله وآله وصحبه وسلم ،،،


وصلنا في الحلقه الفائته أن الأخ عبد الله أهدي لبقية الأخوه ( ماعدا مصطفى ، مصطفى اللى حتى الآن مش عاوز يتغير ) ، أهدى لهم شريط ( نفسي أتووووووووب )
وقُلت لكم أن هذه الحلقه ستكون بين محمد وربه

لكن سامحوني لأني بحول الله فضّلت أن هذه الحلقه تكوني بيني وبينكم مباشرةً والله الشهيد علينا
كلماتي ستكون من قلب هذه المحاضره...



من أجمل ما سمعت



نفسي أتوب

Downloadللتحميل

ولا أخفيكم سراً أن هذه المحاضره كانت ثاني محاضره أسمعها بعد محاضرة " أني ذاهبٌ إلى ربي " ، وكان لها أثر عملي كبير جداً بفضل الله على مجرى حياتي

محمد وبقية الأخوه ... كل منهم سيكون له حال بعد سماع الشريط بمشيئة الله ... وسنتعرف عليها في الحلقه القادمه

.
.

نفسك تتوب؟

فى بينك وبين ربنا ذنب خايف تقابله بيه؟ ..فى بينك وبين ربنا سد نفسك يتهد؟ ..بتضعف قدام شهوات نفسك؟ عشان كده بتغلبك على المعاصي ..؟؟
من جواك ومن غير لف ولا دوران وبمنتهى الصراحة والوضوح ..مرتاح البال؟ ..حاسس بطعم السعادة؟
مفيش مرة حسيت إنك مخنوق ومُكتئب وقرفان من الدنيا وعايش الدنيا بالطول وبالعرض واهى متقضية وخلاص؟ مفيش مرة حسيت إنك عايز تعيط .. تترمي في صدر حنين ..تحط راسك عليه و تشعر بالأمان والحنان؟

أنا عايز اسألك ..وجاوبنى من جوه قلبك
هل احنا عايزين ربنا ؟؟ احنا بنحب ربنا ... ؟؟ يعني نفسك تتوووووووب ؟؟

عارف إنك هترد وتقوول
آآآآآآآآآآآآآآآآآآآآآآآآآآآآآآآآه
نفسي أتوب

قضية التوبه لابد لكل مسلم
اللى ميعرفش سكة ربنا خالص ... اللى ملتزم بقاله سنه ... واللى بقاله عشر سنين إلى آخره
سيدك النبى صلى الله عليه و سلم يقول : " إنه ليغان على قلبي – أحس كده إن صدرى قافل شوية - و إني لأستغفر الله و أتوب إليه فى اليوم و الليلة مائة مرة "

دا سيدك النبي ... طيب احنا بقى يبقى حالنا أيه !!!!!!!!!!!

خلونا في البدايه ناخد نيه صادقه مع بعض ... الموضوع والله يحتاج إلى لحظة صدق بتوفيق من الله عز وجل
فقط لحظة صدق وإخلاص ،،،

قبل ما نبدأ نعرف ازاي نتوب لله بجد ... اهتف بقلبك ولسانك وعقلك وجوارحك " نفسي أتوووووووب "

طيب ازاي نتوب صدق

.
.

هنقول مع بعض مجموعة خطوات عملية بإختصار ... وأوصيكم بسماع المحاضره للتفصيل

أولا / الاعتراف بالذنوب : تعترف إن لك ذنوب ومعاصي كثيره تستوجب التوبه ، ومتتكبرش وتقول يعني يا سيدي دي كلها حاجات صغيره { وَتَحْسَبُونَهُهَيِّناً وَهُوَعِنْدَاللَّهِ عَظِيمٌ } ... أعمل قائمه بذنوبك وعاهد ربنا إنك تتخلص منها بعونه وقوته

ثانياً / تعرف فضل التوبة علشان نفسك تبقى عايزاها : طيب وأيه هي فضائل التوبه ، عد معايا :

<!--[if !supportLists]-->(1) ربنا يحبك ... { إِنَّ اللّهَ يُحِبُّ التَّوَّابِينَ } [ البقرة/222] .. وإذا ربنا حبك يبقى انسى المشاكل وعيش مع الجنه<!--[endif]-->
<!--[if !supportLists]-->(2) تانى حاجة ربك يفرح بيك .. سيدك النبي صلى الله علي وسلم قال : " لله أفرح بتوبة أحدكم بضالته إذا وجدها "<!--[endif]-->
<!--[if !supportLists]-->(3) التوبة يبدل الله السيئات حسنات قال الله {إِلَّا مَن تَابَ وَآمَنَ وَعَمِلَ عَمَلاً صَالِحاً فَأُوْلَئِكَ يُبَدِّلُ اللَّهُ سَيِّئَاتِهِمْ حَسَنَاتٍ } [ الفرقان/70]<!--[endif]-->
<!--[if !supportLists]-->(4) يمتعك متاعا حسنا قال الله { وَأَنِ اسْتَغْفِرُواْ رَبَّكُمْ ثُمَّ تُوبُواْ إِلَيْهِ يُمَتِّعْكُم مَّتَاعاً حَسَناً إِلَى أَجَلٍ مُّسَمًّى وَيُؤْتِ كُلَّ ذِي فَضْلٍ فَضْلَهُ } [ هود/3]<!--[endif]-->
<!--[if !supportLists]-->(5) من فضائل التوبة إنها سبب للنصرة والفوز والفلاح فى الدنيا والآخرة ..يسدد خطاك تبقى ماشي صح خطواتك تؤدى إلى الهدف المرجو منها .. يقول الله { وَتُوبُوا إِلَى اللَّهِ جَمِيعاً أَيُّهَا الْمُؤْمِنُونَ لَعَلَّكُمْ تُفْلِحُونَ } [ النور/31]<!--[endif]-->

ثالثاً / تعرف على ربك وتعلق به : وازاي نعرف ربنا :

<!--[if !supportLists]-->(1) تثبيت ورد قرآن .. ولو 10 آيات يومياً... بس عشر آيات بقلبك ... بقلبك ... قال صلى الله عليه وسلم : بيقول "من سَره أن يحب الله - عايز محبة ربنا تقع فى قلبك؟ - فليقرأ فى المصحف" ، يبقى نقرأ بالنيه دي .<!--[endif]-->
<!--[if !supportLists]-->(2) تانى حاجة تتأمل فى صفات ربنا بينك وبين نفسك ... صفاته جماله وكرمه ووده وجوده وفضله ورحمته سبحانه وتعالى ، عدد نعمه عليك وأذكرها

رابعاً / إحفظ عليك لسانك : قال صلى الله عليه وسلم : "لايستقيم إيمان عبدحتى يستقيم قلبه ولا يستقيم قلبه حتى يستقيم لسانه .. " حسنه الألباني

خامساً / إحسب خطواتك : تمهل في الطريق واحسب كل خطوه حتى لا تكون عليك .

سادساً / ارمى كل الأسباب اللى خلتك تقع فى المعصية : يعني مشكلتك المواقع الغير طيبه يبقى إلغي وصلة النت خالص لفتره معينه ، وأنتِ مشكلتك الموضوه والملابس يبقى ابتعدي عن كل المولات والأسواق وغضي بصرك عن هذه الملابس وهكذاااا

سابعاً / غيــّر الشّله : متقوليش إنك هتقدر تتغير وتتوب وترجع لربك وشلتك كلها طريقها بعيد عن ربنا ، أنجو بنفسك أولاً وبعد ثباتك في طريقك شد اصحابك للطريق الصح ،

(( وأوصيكم ونفسي بمشاهدة حلقة للشيخ / هاني حلمي – حفظه الله – تحت عنوان " شلة الأنس " هتوضح جداً أثر الأصدقاء في قريق التغيير ، على قناة الناس ، الخميس الساعه 1 وربع ظهراً ))

ثامناً / أنسى الذنب : في أول خطواتك لربك مينفعش الذنب يبقى مسيطر على تفكيرك ليل نهار علشان متيأسش وتقنط ، انسى الذنب تماماً وبدل وأرجو الله أن يبدله لك حسنات

تاسعاً / إياك وأن تُعيّر أحد بذنب : كلنا أصحاب ذنوب ، ويعلم الله من هم أصحاب كبائر ومن هم أحصاب الصغائر ، فلرب صغيره عند الله كبيره ، فلا تعير أحد بذنب ولا تنسى { كذلك كنتم من قبل ... }

عاشراً / فى طريق التوبة لابد من أعمال صالحة متدرجة تحل محل أوقات الذنوب :اخلع وانزع وازرع ...شيل وحط مكانه مينفعش تشيل وبس ، لازم يكون لينا رصيد لازم يبقى لينا أعمال ، أمثلة من الأعمال للبداية :

1- الصلاة على وقتها .. يعنى حى على الصلاة حى على الصلاة ومش بقى كده وبس والمحافظة عليها فى جماعة
2- تصلى فى اليوم والليلة 12 ركعة ويفضل ان يكونوا مثل السنن
3- الفرائض وبعد ذلك النوافل ..خاصة سنة الضحى
4- قيام الليل ابتدى بركعتين .. بعد ما تصلى العشاء صلي ركعتين وأوتر ..
5- الصيام صوم فى البداية تلات أيام من كل شهر ميعديش عليك شهر عربى إلا لما تصوم تلات أيام ... وياريت تصوم الخميس بكره :)
6- الصدقة ..طلع قرش من جيبك واتصدق بيه ..
7- داوم على الاستغفار
8- اوعى تتعدى الخطوط الحمراء ، لاتجاهر بمعصية أبدا أبدا ربنا سبحانه وتعالى يسترها عليك يوم القيامة
9- عيش حياة الصالحين فى خيالك واستبدل أحلام اليقظة الحرام ، أدمن سماع دروس العلم ..سماع القرءان ..اقرأ فى كتب السير ..

أخيراً / أحسن الظن بالله : عايز ربنا يتوب عليك؟ يبقى إن شاء الله لو عزمت بصدق وإخلاص يبقى تاب عليك ثق فى ذلك يقينا عارف لما النبى صلى الله عليه وسلم يقول " ادعوا الله وأنتم موقنون بالإجابة " هى كده بردو ... توبوا إلى الله وأنتم موقنون بأن الله سيتوب عليكم.

.
.
.

قال جل وعلا في الحديث القدسي : " يابن آدم إنك ما دعوتنى ورجوتنى غفرت لك ماكان منك ولا أبالى يابن آدم لو بلغت ذنوبك عنان السماء ثم استغفرتنى غفرت لك ولا أبالى يابن آدم لو أتيتنى بقراب الأرض خطايا ثم لقيتنى لا تشرك بى شيئا لأتيتك بقرابها مغفرة " رواه الترمذي


لا تمرر هذا الحديث على قلبك كمرور اللئام
استشعر كلمات ربك إليك ... إليك أنت وحدك

.
.

أستغفر الله العظيم الذي لا إله إلا هو الحي القيوم وأتوب إليه


.
.

انتظرونا في الحلقه القادمه وهنشوف أبطال سلسلتنا كيف حالهم بعد التوبه

إسرة موقع منهج ،،،،

[المؤمنة بالله]

رد: اااااااااااااااه من ذنوبى(4)

باركِ الله فيكِ
وجزاكِ الجنه
ونفع بكِ