Tweet
بسم الله الرحمن الرحيم
أزيك يا أخي ؟ تمام ، كويس وزي الفل ؟ .. طيب الحمد لله .
معلش بئى أسمحلي أتكلم معاك شويتين تلاتة .
ولا أنت مش فاضي ؟ .. عموماً فاضي مش فاضي بردوا هتكلم :) ، لالالا أوعى تفتكرها غلاسة ولا حاجة .
تقدر تقول كدة هي شوية محبة في الله ، على شويتين خوف عليك ، أيوة ياعم هكلمك دلوئتي من باب محبتي ليك في الله ، وخوفي عليكِ ، مش رسولنا الكريم .. متصلي عليه ـ صلى الله عليه وسلم قال :
المؤمنُ للمؤمنِ كالبُنيانِ . يشُدُّ بعضُه بعضًا (صحيح ) ، وقال كمان ( مَثلُ المؤمنين في توادِّهم وتراحُمِهم وتعاطُفِهم ، مَثلُ الجسدِ . إذا اشتكَى منه عضوٌ ، تداعَى له سائرُ الجسدِ بالسَّهرِ والحُمَّى(صحيح ) .
المسلمُ أخو المسلمِ لا يخونُهُ ولا يَكذِبُهُ ، ولا يخذلُهُ ،.... ) صحيح .
وأنا عارف يا عم أن أنت بتحب الرسول ( صلى الله عليه وسلم ) أوي ونفسك ترضيه كمان ، وعشان أنا كمان بحبه زيك ، فبخاف عليك وبحبك في الله زي ما رسولنا ( صلى الله عليه وسلم ) نفسه يشوفنا بالظبط ، متحابين في الله ، ومحبتي ليك هي اللي خلتني أجي النهاردة وأتكلم معاك .
هتقولي طيب يا عم لخص وقول عاوز ايه ،
ماشي يا سيدي هلخص ، الموضوع بأختصار أني شايف أننا من فترة كبيرة وأحنا المسلمين بنرمي نفسنا بإيدينا في التهلكة وأحنا مش واخدين بالنا .
كل سنة بنخرج في اليوم اللي أسمه ( شم النسيم ) وأحنا فاكرين أنه عيد الربيع ، وبنخرج ونحتفل بيه وأحنا مش عارفين أن أحتفالنا بيه ده هيكون سبب في دخولنا النار والعياذ بالله .
أنا عارف أنك قلبك أطمن دلوئتي لما عرفت أنا بكلمك عن أيه ، وهتقول أيه التفاهة اللي بيكلمني فيها دي ، هو كمان شم النسيم بئى حرام !!
هقولك أستنى بس شوية عليا ، ويا سيدي لو معجبكش كلامي متعملش بيه .
أنت عارف الأول شم النسيم ده جه أزاي ؟ .. يعني أصله أيه وأبتدا أزاي ؟
شم النسيم ده يا سيدي كان عيد عند الفراعنة ( هتقولي ما انا عارف ) هقولك طيب معلش أستحملني شوية للأخر .
الفراعنة كانوا بيحتفلوا بشم النسيم ده وبيعتبروا أن بداية الخلق كان في اليوم ده ( في يوم شم النسيم ) وكان يوم مقدس جداً عندهم .
طيب ده بالنسبة للفراعنة ، بعد كدة أخد اليهود منهم الأحتفال باليوم ده بس غيروا توقيته وجعلوا أحتفالهم بيه بسبب أن ربنا نجاهم من قوم فرعون ( طبعاً أنت عارف قصة سيدنا موسى واليهود ونجاتهم من فرعون ) .
ولما بدأت تظهر المسيحية ، وتآمر اليهود على سيدنا عيسى ( عليه السلام ) وظن النصارى أنه صُلِب ، وأنه قام من بين الأموات كان هذا يوم الأحد ( المسمى عندهم بعيد القيامة ) ، أحتفلوا به يوم الأثنين وأصبح يوم ثابت لأحتفالهم بيه ودائما تلاقيه بعد يوم الأحد عندهم اللي بيحتفلوا فيه بـ ( عيد القيامة ) .
وكمان النصارى زعموا أن في اليوم ده ( الأثنين ـ شم النسيم ) بشَّر سيدنا جبريل ـ عليه السلام ـ السيدة مريم ـ عليها السلام ـ بحملها بسيدنا عيسى ( عليه السلام .
وزعموا كمان أنه اليوم اللي هتقوم فيه القيامة ، ويُحشر فيه الناس ) .
وطبعاً أنا وأنت عارفين أن القيامة هتقوم يوم الجمعة ، زي مارسولنا ( صلى الله عليه وسلم قال لنا )
"خير يوم طلعت عليه الشمس يوم الجمعة، فيه خُلق آدم، وفيه أُدخل الجنة، وفيه أُخرج منها، ولا تقوم الساعة إلا في يوم الجمعة"صحيح مسلم
وكمان الفُرس قبل الإسلام أحتفلوا بيه وسموه عيد النيروز .
دي بئى يا سيدي كل المعتقدات والمناسبات اللي بيحتفل بيها غير المسلمين بشم النسيم .
يعني لو لاحظت كدة هتلاقي أن العيد ده أساس الأحتفال به هم الغير مسلمين سواء فراعنة أو يهود أو نصارى .
والموضوع ده للأسف طال كمان المسلمين ، أصبحوا بيحتفلوا بيه في كل مكان في الدنيا وكأنه عيد نزله ربنا لينا ، رغم أن ربنا نزل لينا عيدين اتنين بس ورسولنا امرنا اننا لا نحتفل بغير العيدين الاتنين دول بس .
في بلاد الشام أحتفلوا بيه وسموه عيد النيروز ، وكمان في مصر بئى كل الشعب مسلمين وغير مسلمين بيحتفلوا بيه .
وبصراحة أنا مش عارف أحنا ليه بنجعل نفسنا زيهم ، وبنتبعهم في كل صغيرة وكبيرة
رغم أن رسولنا الكريم نهانا أننا نتشبه بغير المسلمين ، أمرنا أننا نخالفهم في الهيئة والشكل واللبس ، أمرنا أننا نتميز عنهم .
لأنه يريد لنا العزة والكرامة ، وأننا نكون أحنا القدوة والقادة للديانات التانية .
مش عارف ليه بنحط من قدرنا ، وبنتنازل عن المكانة اللي ربنا وضعنا فيها لما أكرمنا بالإسلام .
ليه أصبحنا بالسهولة دي بنتنازل ونتنازل ونتهاون في ديننا وكرامتنا ونتبع من هم اقل منا .
الدين ده والمكانة دي اللي ياما رسولنا ( صلى الله عليه وسلم ) أتأذى كتير عشان يوصله لنا ،
رسولنا ده يا أخي اللي هنيجي يوم القيامة نقف على حوضه ونطلب منه يسقينا شربة ماء ، ويسقينا بيده الشريفة .
لما هتقف قدامه هتقوله ايه ..
هتقوله أنا سمعت كلامك ونفذت أوامرك يا حبيبي يارسول الله .
ولا هتقف مكسوف وحاطط وشك في الارض عشان ضيعت تعبه وعذابه والمه اللي أتألمه عشاني وعشانك وعشان أمك وبنتك واخوك واختك وابوك وعمك .عشان نكون اعزاء بين الاديان التانية .
رسولنا الكريم الحبيب يا اخي لم يمنعنا من أننا نحتفل ونخرج ونبتهج .
هو صلى الله عليه وسلم كان يخرج ويتسابق ويبتهج مع أمنا عائشة رضي الله عنها .
وكان قدوة لنا في أننا نسعد أهل بيتنا .
لكن في يوم تاني غير اليوم ده ( شم النسيم ) .
لأننا لو خرجنا في اليوم ده بالذات هنكون بنعمل زي اليهود والنصارى .
ورسولنا الكريم قال ( من تشبه بقوم فهو منهم ) ( صحيح )..
ومن أحب قوم حُشر معهم .
عن عبد الله بن عمر رضي الله عنهما قال : من مر ببلاد الأعاجم فصنع نيروزهم ومهرجانهم وتشبه بهم حتى يموت وهو كذلك , حشر معهم يوم القيامة . ( إسناده صحيح )
عشان كدة منعنا من الاحتفال والخروج في اليوم ده لانه بيحبنا وبيخاف علينا نُحشر معهم في النار .
طبعاً هتقولي وأنا حتى لو مخرجتش في اليوم ده هغير أيه ؟
ماغيري هيخرج .
هقولك يا أخي أبدأ بنفسك وبأهل بيتك .
أنت ممكن تخلي يجي 100 شخص يبطلوا احتفال باليوم ده وميخرجوش فيه .
هتقولي ازاي ، هقولك لو أنت راجل متزوج ، تقدر تعرَّف زوجتك واولادك ان الخروج في اليوم ده حرام ، وتفهمهم ان الرسول ( صلى الله عليه وسلم ) أمرنا أننا لا نحتفل باليوم ده لانه يوم لليهود والنصارى ، ورسولنا عاوز لنا الخير والجنة .
وفهمهم أد أيه رسولنا الحبيب بيحزن لما بيلاقينا بنتبع اليهود والتنصارى في أعيادهم ، لأنه عاوزنا نكون أعزاء بين جميع البشر .
ومش عاوزنا ندخل النار لو أتبعنا اليهود والنصارى في أعيادهم
( وصدئني يا أخي لما تزرع في ولادك محبة الرسول وطاعة كلامه واوامره ، هيطيعوه في برهم بيك ) وبكدة يكون ربنا أكرمك بنعمة عظيمة وكبيرة ل"أنك تركت الاحتفال باليوم ده لأجله ، ومن ترك شيئا لله عوضه الله خيرا منه .
وقول لهم أنك هتعوضهم بأنك تخرج معاهم وتفسحهم في يوم تاني . بكدة هتكون منعت زوجتك وأولادك من أنهم يحتفلوا باليوم ده .
وزوجتك هتبلغ أمها وأخواتها وكل اللي تعرفه ، وبكدة هتكون بكلمة واحدة منك ، قدرت تمنع كذا شخص انهم يقعوا في الذنب ده .
وساعدتهم يطيعوا اوامر رسولنا الحبيب ـ صلى الله عليه وسلم ـ وكمان تأخد ثواب وأجر بُعدهم عن المعصية دي .
طيب هتقولي ياعم أفرض بئى أنا مش متزوج ، هقولك تقدر تروح للحاجة والدتك وتقول لها يا أمي يا غالية أنتي ، بلاش تخرجي أنتي وأخواتي في اليوم ده يا حبيبتي ، وقول لها أن الرسول ( صلى الله عليه وسلم ) حرم علينا الأحتفال باليوم ده ، وأنك أد أيه خايف علييهم ومن كتر محبتك ليهم خايف عليهم من النار لو أتبعوا غير المسلمين وخرجوا واحتفلوا باليوم ده .
ويا سلام بئى يا عم لما تبئى بطل وتوعدها أنك هتخرج معاها هي وأخواتك في يوم تاني .
وصدئني هتفرح أوي وهتطير مالفرحة لأنك هتبئى تخرج معاهم .
ومش هتخرج في اليوم ده من كتر فرحتها أنك هتبئى تخرج معاهم
وبكدة تكون حافظت على أسرتك من الذنب ده .
وتكون كسبت رضى الحاجة والدتك ، وكسبت رضى ربنا وأسعدت رسولنا الكريم الحبيب ( صلى الله عليه وسلم )
وأبسط بئى يا عم ، كل شيء في رضا ربنا بيكون مكسب كبير أوي .
وبس كدة يا عم هما دول الكلمتين اللي كان نفسي أقولهم لك عشان بحبك في الله .
شوفت كلمتين صغيرين أزاي ؟ :)
أزيك يا أخي ؟ تمام ، كويس وزي الفل ؟ .. طيب الحمد لله .
معلش بئى أسمحلي أتكلم معاك شويتين تلاتة .
ولا أنت مش فاضي ؟ .. عموماً فاضي مش فاضي بردوا هتكلم :) ، لالالا أوعى تفتكرها غلاسة ولا حاجة .
تقدر تقول كدة هي شوية محبة في الله ، على شويتين خوف عليك ، أيوة ياعم هكلمك دلوئتي من باب محبتي ليك في الله ، وخوفي عليكِ ، مش رسولنا الكريم .. متصلي عليه ـ صلى الله عليه وسلم قال :
المؤمنُ للمؤمنِ كالبُنيانِ . يشُدُّ بعضُه بعضًا (صحيح ) ، وقال كمان ( مَثلُ المؤمنين في توادِّهم وتراحُمِهم وتعاطُفِهم ، مَثلُ الجسدِ . إذا اشتكَى منه عضوٌ ، تداعَى له سائرُ الجسدِ بالسَّهرِ والحُمَّى(صحيح ) .
المسلمُ أخو المسلمِ لا يخونُهُ ولا يَكذِبُهُ ، ولا يخذلُهُ ،.... ) صحيح .
وأنا عارف يا عم أن أنت بتحب الرسول ( صلى الله عليه وسلم ) أوي ونفسك ترضيه كمان ، وعشان أنا كمان بحبه زيك ، فبخاف عليك وبحبك في الله زي ما رسولنا ( صلى الله عليه وسلم ) نفسه يشوفنا بالظبط ، متحابين في الله ، ومحبتي ليك هي اللي خلتني أجي النهاردة وأتكلم معاك .
هتقولي طيب يا عم لخص وقول عاوز ايه ،
ماشي يا سيدي هلخص ، الموضوع بأختصار أني شايف أننا من فترة كبيرة وأحنا المسلمين بنرمي نفسنا بإيدينا في التهلكة وأحنا مش واخدين بالنا .
كل سنة بنخرج في اليوم اللي أسمه ( شم النسيم ) وأحنا فاكرين أنه عيد الربيع ، وبنخرج ونحتفل بيه وأحنا مش عارفين أن أحتفالنا بيه ده هيكون سبب في دخولنا النار والعياذ بالله .
أنا عارف أنك قلبك أطمن دلوئتي لما عرفت أنا بكلمك عن أيه ، وهتقول أيه التفاهة اللي بيكلمني فيها دي ، هو كمان شم النسيم بئى حرام !!
هقولك أستنى بس شوية عليا ، ويا سيدي لو معجبكش كلامي متعملش بيه .
أنت عارف الأول شم النسيم ده جه أزاي ؟ .. يعني أصله أيه وأبتدا أزاي ؟
شم النسيم ده يا سيدي كان عيد عند الفراعنة ( هتقولي ما انا عارف ) هقولك طيب معلش أستحملني شوية للأخر .
الفراعنة كانوا بيحتفلوا بشم النسيم ده وبيعتبروا أن بداية الخلق كان في اليوم ده ( في يوم شم النسيم ) وكان يوم مقدس جداً عندهم .
طيب ده بالنسبة للفراعنة ، بعد كدة أخد اليهود منهم الأحتفال باليوم ده بس غيروا توقيته وجعلوا أحتفالهم بيه بسبب أن ربنا نجاهم من قوم فرعون ( طبعاً أنت عارف قصة سيدنا موسى واليهود ونجاتهم من فرعون ) .
ولما بدأت تظهر المسيحية ، وتآمر اليهود على سيدنا عيسى ( عليه السلام ) وظن النصارى أنه صُلِب ، وأنه قام من بين الأموات كان هذا يوم الأحد ( المسمى عندهم بعيد القيامة ) ، أحتفلوا به يوم الأثنين وأصبح يوم ثابت لأحتفالهم بيه ودائما تلاقيه بعد يوم الأحد عندهم اللي بيحتفلوا فيه بـ ( عيد القيامة ) .
وكمان النصارى زعموا أن في اليوم ده ( الأثنين ـ شم النسيم ) بشَّر سيدنا جبريل ـ عليه السلام ـ السيدة مريم ـ عليها السلام ـ بحملها بسيدنا عيسى ( عليه السلام .
وزعموا كمان أنه اليوم اللي هتقوم فيه القيامة ، ويُحشر فيه الناس ) .
وطبعاً أنا وأنت عارفين أن القيامة هتقوم يوم الجمعة ، زي مارسولنا ( صلى الله عليه وسلم قال لنا )
"خير يوم طلعت عليه الشمس يوم الجمعة، فيه خُلق آدم، وفيه أُدخل الجنة، وفيه أُخرج منها، ولا تقوم الساعة إلا في يوم الجمعة"صحيح مسلم
وكمان الفُرس قبل الإسلام أحتفلوا بيه وسموه عيد النيروز .
دي بئى يا سيدي كل المعتقدات والمناسبات اللي بيحتفل بيها غير المسلمين بشم النسيم .
يعني لو لاحظت كدة هتلاقي أن العيد ده أساس الأحتفال به هم الغير مسلمين سواء فراعنة أو يهود أو نصارى .
والموضوع ده للأسف طال كمان المسلمين ، أصبحوا بيحتفلوا بيه في كل مكان في الدنيا وكأنه عيد نزله ربنا لينا ، رغم أن ربنا نزل لينا عيدين اتنين بس ورسولنا امرنا اننا لا نحتفل بغير العيدين الاتنين دول بس .
في بلاد الشام أحتفلوا بيه وسموه عيد النيروز ، وكمان في مصر بئى كل الشعب مسلمين وغير مسلمين بيحتفلوا بيه .
وبصراحة أنا مش عارف أحنا ليه بنجعل نفسنا زيهم ، وبنتبعهم في كل صغيرة وكبيرة
رغم أن رسولنا الكريم نهانا أننا نتشبه بغير المسلمين ، أمرنا أننا نخالفهم في الهيئة والشكل واللبس ، أمرنا أننا نتميز عنهم .
لأنه يريد لنا العزة والكرامة ، وأننا نكون أحنا القدوة والقادة للديانات التانية .
مش عارف ليه بنحط من قدرنا ، وبنتنازل عن المكانة اللي ربنا وضعنا فيها لما أكرمنا بالإسلام .
ليه أصبحنا بالسهولة دي بنتنازل ونتنازل ونتهاون في ديننا وكرامتنا ونتبع من هم اقل منا .
الدين ده والمكانة دي اللي ياما رسولنا ( صلى الله عليه وسلم ) أتأذى كتير عشان يوصله لنا ،
رسولنا ده يا أخي اللي هنيجي يوم القيامة نقف على حوضه ونطلب منه يسقينا شربة ماء ، ويسقينا بيده الشريفة .
لما هتقف قدامه هتقوله ايه ..
هتقوله أنا سمعت كلامك ونفذت أوامرك يا حبيبي يارسول الله .
ولا هتقف مكسوف وحاطط وشك في الارض عشان ضيعت تعبه وعذابه والمه اللي أتألمه عشاني وعشانك وعشان أمك وبنتك واخوك واختك وابوك وعمك .عشان نكون اعزاء بين الاديان التانية .
رسولنا الكريم الحبيب يا اخي لم يمنعنا من أننا نحتفل ونخرج ونبتهج .
هو صلى الله عليه وسلم كان يخرج ويتسابق ويبتهج مع أمنا عائشة رضي الله عنها .
وكان قدوة لنا في أننا نسعد أهل بيتنا .
لكن في يوم تاني غير اليوم ده ( شم النسيم ) .
لأننا لو خرجنا في اليوم ده بالذات هنكون بنعمل زي اليهود والنصارى .
ورسولنا الكريم قال ( من تشبه بقوم فهو منهم ) ( صحيح )..
ومن أحب قوم حُشر معهم .
عن عبد الله بن عمر رضي الله عنهما قال : من مر ببلاد الأعاجم فصنع نيروزهم ومهرجانهم وتشبه بهم حتى يموت وهو كذلك , حشر معهم يوم القيامة . ( إسناده صحيح )
عشان كدة منعنا من الاحتفال والخروج في اليوم ده لانه بيحبنا وبيخاف علينا نُحشر معهم في النار .
طبعاً هتقولي وأنا حتى لو مخرجتش في اليوم ده هغير أيه ؟
ماغيري هيخرج .
هقولك يا أخي أبدأ بنفسك وبأهل بيتك .
أنت ممكن تخلي يجي 100 شخص يبطلوا احتفال باليوم ده وميخرجوش فيه .
هتقولي ازاي ، هقولك لو أنت راجل متزوج ، تقدر تعرَّف زوجتك واولادك ان الخروج في اليوم ده حرام ، وتفهمهم ان الرسول ( صلى الله عليه وسلم ) أمرنا أننا لا نحتفل باليوم ده لانه يوم لليهود والنصارى ، ورسولنا عاوز لنا الخير والجنة .
وفهمهم أد أيه رسولنا الحبيب بيحزن لما بيلاقينا بنتبع اليهود والتنصارى في أعيادهم ، لأنه عاوزنا نكون أعزاء بين جميع البشر .
ومش عاوزنا ندخل النار لو أتبعنا اليهود والنصارى في أعيادهم
( وصدئني يا أخي لما تزرع في ولادك محبة الرسول وطاعة كلامه واوامره ، هيطيعوه في برهم بيك ) وبكدة يكون ربنا أكرمك بنعمة عظيمة وكبيرة ل"أنك تركت الاحتفال باليوم ده لأجله ، ومن ترك شيئا لله عوضه الله خيرا منه .
وقول لهم أنك هتعوضهم بأنك تخرج معاهم وتفسحهم في يوم تاني . بكدة هتكون منعت زوجتك وأولادك من أنهم يحتفلوا باليوم ده .
وزوجتك هتبلغ أمها وأخواتها وكل اللي تعرفه ، وبكدة هتكون بكلمة واحدة منك ، قدرت تمنع كذا شخص انهم يقعوا في الذنب ده .
وساعدتهم يطيعوا اوامر رسولنا الحبيب ـ صلى الله عليه وسلم ـ وكمان تأخد ثواب وأجر بُعدهم عن المعصية دي .
طيب هتقولي ياعم أفرض بئى أنا مش متزوج ، هقولك تقدر تروح للحاجة والدتك وتقول لها يا أمي يا غالية أنتي ، بلاش تخرجي أنتي وأخواتي في اليوم ده يا حبيبتي ، وقول لها أن الرسول ( صلى الله عليه وسلم ) حرم علينا الأحتفال باليوم ده ، وأنك أد أيه خايف علييهم ومن كتر محبتك ليهم خايف عليهم من النار لو أتبعوا غير المسلمين وخرجوا واحتفلوا باليوم ده .
ويا سلام بئى يا عم لما تبئى بطل وتوعدها أنك هتخرج معاها هي وأخواتك في يوم تاني .
وصدئني هتفرح أوي وهتطير مالفرحة لأنك هتبئى تخرج معاهم .
ومش هتخرج في اليوم ده من كتر فرحتها أنك هتبئى تخرج معاهم
وبكدة تكون حافظت على أسرتك من الذنب ده .
وتكون كسبت رضى الحاجة والدتك ، وكسبت رضى ربنا وأسعدت رسولنا الكريم الحبيب ( صلى الله عليه وسلم )
وأبسط بئى يا عم ، كل شيء في رضا ربنا بيكون مكسب كبير أوي .
وبس كدة يا عم هما دول الكلمتين اللي كان نفسي أقولهم لك عشان بحبك في الله .
شوفت كلمتين صغيرين أزاي ؟ :)
تعليق