يوم القيامه ( الجزء الثانى )

[Yusuf Shams al-Din]

يَوْمَ يُنفَخُ فِي الصُّورِ وَنَحْشُرُ الْمُجْرِمِينَ يَوْمَئِذٍ زُرْقًا ﴿طه: 102)

من انواع المحشورين واحد اعمى ده كان غافل عن ربنا
كانت دنيته كلها فى الغفله عاش في الدنيا عبد لمليون حاجة.. أو أكثر

كل حاجة في الدنيا بتتحكم فيه.. هواه.. شهوته.. المال.. النساء..

كان عايش في مجتمع مسلم.. الناس فيه بيقولوا انهم مسلمين.. ربهم الله.. ودينهم الإسلام.. و نبيهم محمد "صلى الله عليه وسلم"..

فطلع بيقول زيهم

لكن هل فعلا كان عنده يقين ان ربه الله.. و انه هايقف بين يديه في يوم من الأيام؟

وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَى (124)
قَالَ رَبِّ لِمَ حَشَرْتَنِي أَعْمَى وَقَدْ كُنتُ بَصِيرًا (125)..

ليه يا ربى انا مش شايف حاجه انا كنت مفتح

من انواع المحشوررين ايضا يوم القيامه الظالمين..اللى كانوا بيظلموا فى الدنيا يقول

النبى صلى الله عليه وسلم

يوتى بالظالمون يوم القيامه كأمثال النمل على هيئه رجال ..يعنى نمل على هيئه رجال شوف ..يدوسهم الناس باقدامهم....

الرجال اللى كانوا بيظلموا ولادهم ..

الرجال الذين تكبروا على زوجاتهم وجعلوا معيشتهم كلها نكد وهم داخل للبيت مكشر على طول

خلى بالكم يا رجال تتحشروا يوم القيامه يدوس عليكم الناس باقدامهم

الست اللى بتضرب الشغاله اللى عندها

الراجل اللى ظلم الساعى اللى بيشغل عنده

يحشرون يوم القيامه ويداس عليهم بالاقدام شوف النماذج
.
واحد واقف وماسك لواء مكتوب عليه هذا لواء غدر ..لانه كان غادر ..مكتوب عليها نوع الغدر اللى كان بيغدروا فى الدنيا

الناس اللى بتاكل حقوق الناس ومكتوب عليه هذه غدره فلان هذه غدره فلان

لكن برضه المؤمنين ما يخافوش يقول الرسول صلى الله عليه وسلم

تحشر امتى يوم القيامه اعرفهم من اثار الوضوء غرا محجلين من اثار الوضوء .

يقول الله تبارك وتعالى (والذين امنوا معه نورهم يسعى بين ايديهم وبايمانهم يقولون)

يا اخوان ما تخافوا من يوم القيامه ليس كل يوم القيامه رعب

ومن امثال الناس اللى محشوره يوم القيامه...رجل شعره شاب

( من شاب شيبا فى الاسلام كانت له نور يوم القيامه )

اللى يقعد لحد ما شعره يبيض عابد لله وفى سبيل الله تاتى الشيبه
تيجى الشعره البيضه دى له نور يوم القيامه

عشان مافى احد يقول ليت الشباب يعود يوما شيبتك دى احسن لك

لكن فى ناس واقفه بقى لها خمسين سنه وتحدث مفاجاه ..؟


انظر فى اليوم ده تلاقى شئ اصعب واصعب يحصل ايه هو ..؟

تاتى الشمس فوق الرؤوس

اه تقرب الشمس من راسك ..؟

تقرب وتقرب حتى تكون بينك وبينها ميل واحد ياه وتلاقى العرق يزيد ومش كفايه التراب اللى هم فيه لا...؟

كمان عرق مع تراب يعنى طين وكل واحد حسب ذنوبه تكون كميه العرق التى تغطيه...

فمنهم من تصل الى كعبيه وده كانت ذنوبه قليله ومنهم من تصل الى ركبتيه ومنهم من يسبح فى عرقه ومنهم من يلجمه العرق يعنى متلجم زى الحصان لو فتح فمه دخل العرق فيه يقفل شفتيه خمسين الف سنه

الكل واقف ذليل.. و الشمس تدنوا من الرؤوس.. و الكل غرقان في عرقه.. من الحر .. والزحمة.. والرعب..

" فَيَوْمَئِذٍ وَقَعَتِ الْوَاقِعَةُ (15) وَانْشَقَّتِ السَّمَاءُ فَهِيَ يَوْمَئِذٍ وَاهِيَةٌ (16) وَالْمَلَكُ عَلَى أَرْجَائِهَا وَيَحْمِلُ عَرْشَ رَبِّكَ فَوْقَهُمْ يَوْمَئِذٍ ثَمَانِيَةٌ (17) يَوْمَئِذٍ تُعْرَضُونَ لَا تَخْفَى مِنْكُمْ خَافِيَةٌ (18)" سورة الحاقة.

تتلفت ساعتها وراك.. تبحث عن مهرب.. مش عاوز تقف بين يدي الله و يحاسبك

" يَقُولُ الْإِنْسَانُ يَوْمَئِذٍ أَيْنَ الْمَفَرُّ"..

ولا مهرب.. ولا ظل.. إلا تحت عرش الرحمن..

اللهم اظلنا بظل عرشك يوم لا ظل الا ظلك..

و بينما الناس واقفين.. و الشمس تدنوا من الرؤوس.. و الحلوق تكاد تتقطع من العطش.. و الجوع..

خمسين الف سنة واقفين.. لا طعام.. ولا شراب...

يقول بعضهم "رب فض الموقف ولو الى النار".. المسكين.. يظن ان عذاب النار أهون من وقفة أرض المحشر

و بينما هم على هذا الحال.

فيه ناس في دنيا تانية..

تحت ظل عرش الرحمن..

يشربون من يد الحبيب"صلى الله عليه وسلم".. من الحوض.. شربة.. لايظمأون بعدها أبدا..

آمنين من الفزع..

بينما باقي الناس يستغيثون من الشمس و من العطش و العرق...

يستغيثون.. "يارب ظل.....يارب ظل .... حافى عريان لا ياكل ولا يشرب وغرقان فى العرق....

بس المؤمن ما يخاف لان حبيبك صلى الله عليه وسلم بيطمئنك ويقول
سبعه يظلهم الله فى ظله يوم لا ظل الا ظله ..

اتحدى ان اى واحد منكوا انت وانتى لا يقدر ان ينشن على واحده من السبعه عارفينهم ..طيب
ماشى حا اقولهم

امام عادل...
شاب نشأ فى طاعه الله ..الشباب اللى عمرهم 20 و25

رجل قلبه معلق بالمساجد ..الناس اللى بتروح المسجد كتير وتترك قلبها هناك وترجع له تانى...

رجلان تحابا فى الله اجتمعا عليه وتفرقا عليه ..والكلام كمان يمشى على المرتان زى الرجلان ..مسكينه التى ليس لها اخت تفكرها بالله ...مسكينه يلا ماعندكيش حد تحبيه لله

رجل دعته امرأه ذات منصب وجمال فقال انى اخاف الله..

رجل تصدق بصد قه فأخفاها حتى لا شماله ما انفقت يمينه ..اى صدقه تمره اكله حلوه ..تصدق وخلاص

اخر نوع.. رجل او امرأه ذكر الله خاليا ففاضت عيناه ..
اكيد كل واحد وواحده مننا جلس لوحده يفتكر ذنوبه ففاضت عيناه شوف العينين عامله كيف وهى تفيض من خشيه الله .افتكر الظل وانتى تبكى

طيب لو انتى والعياذ بالله لست من السبعه من باقى الناس الذين ليس معهم كارت بلانش يقفوا به تحت الظل

بينما باقي الناس يستغيثون من الشمس و من العطش و العرق

يستغيثون.. "يارب ظل"...

فيقول لهم الملائكة :"انطلقوا"..

" انْطَلِقُوا إِلَى ظِلٍّ ذِي ثَلَاثِ شُعَبٍ (30) لَا ظَلِيلٍ وَلَا يُغْنِي مِنَ اللَّهَبِ (31) إِنَّهَا تَرْمِي بِشَرَرٍ كَالْقَصْرِ (32) كَأَنَّهُ جِمَالَةٌ صُفْرٌ (33) وَيْلٌ يَوْمَئِذٍ لِلْمُكَذِّبِينَ (34)"( سورة المرسلات(

ظل ذي ثلاث شعب... يجروا على الظل.. فإذا هو ظل النار.. ظل جهنم..

لا ظليل.. ولا يغني عن اللهب..

" إِنَّهَا تَرْمِي بِشَرَرٍ كَالْقَصْرِ".. الشرارة من شرر النار.. كالقصر.. فما بالك بالجمرة؟

فما بالك بمن سيأكل نار.. و يشرب نار.. و يلتحف بالنار.. و يمشي في النار.. و يجلس على نار.. و ينام في نار..

" وَجِيءَ يَوْمَئِذٍ بِجَهَنَّمَ يَوْمَئِذٍ يَتَذَكَّرُ الْإِنْسَانُ وَأَنَّى لَهُ الذِّكْرَى (23) يَقُولُ يَا لَيْتَنِي قَدَّمْتُ لِحَيَاتِي (24)" سورة الفجر

تصور مجئ جهنم.. يؤتى بها.. و لها سبعين ألف زمام.. على كل زمام 70 الف ملك.. يجرونها.. و هي تكاد تفلت من أيديهم..

تخيل كل ده..

و الناس لسة واقفين في أرض المحشر.. سنين و سنين طويلة..

و فجأة..

"وفتحت السماء فكانت أبوابا"..

تفتح السماء..

و تنزل منها الصحف..

كتب بتتطاير..

سجلات الأعمال..

و الكل واقف مستني..

و انت واقف و عارف ان من أوتي كتابه بيمينه فهو في عيشة راضية.. و من أوتي كتابه بشماله فأمه هاوية.. في جهنم..

و اقف.. و مادد ايدك اليمين.. و مخبي ايدك الشمال ورا ضهرك.. خايف صحيفتك تيجي فيها..

و اقف.. و قلبك بينتفض من اللهفة..

و تفاجأ.. خدت كتابك بيمينك.. الحمد لله..

تطير م الفرحة.. يا الله.. يا رب.. لك الحمد يا رب..

يا ناس.. بصوا.. شوفوا..
" .. هَاؤُمُ اقْرَءُوا كِتَابِيَهْ (19) إِنِّي ظَنَنْتُ أَنِّي مُلَاقٍ حِسَابِيَهْ (20) فَهُوَ فِي عِيشَةٍ رَاضِيَةٍ (21) فِي جَنَّةٍ عَالِيَةٍ (22) قُطُوفُهَا دَانِيَةٌ (23) كُلُوا وَاشْرَبُوا هَنِيئًا بِمَا أَسْلَفْتُمْ فِي الْأَيَّامِ الْخَالِيَةِ (24)" سورة الحاقة.

تفتح كتابك وتقلب.. تلاقي طاعات.. تقلب.. تلاقي صلاة.. ذكر.. تلاوة قرآن.. دعاء.. بر والدين.. حسن خلق.. دعوة الله.. بصوا يا ناس.. بصوا شوفوا.. صدقة.. صيام.. قيام ليل. بكاء من خشية الله..


أما اذا جاء الكتاب في اليد الأخرى

تمد ايدك اليمين.. فإذا بالكتاب يقع في الشمال..

اللهم لا تخزنا يوم العرض عليك

اللهم امين