دورة صيانة المزربورد للمبتدئين(تم بحمد الله)

[Ayman_M]

رد: تعليم صيانة المزربورد للمبتدئين(متجدد - ان شاء الله)

السلام عليكم ورحمة الله وبركاته

تابع
-------------------------------------------------------------
رابعا :الدوائر الكهربيه
سنقوم بدراستها ان شاء الله تعالى على الترتيب التالى كل دائره على حده
(دائرة cpu - دائرة ram - دائره nb - دائرة sb - دائرة psw - دائرة audio)

..................................................
رابعا : دائرة القنطره الجنوبيه او SOUTH BRIDGE
.SB
دائره سهله ولا تختلف كثيرا عن السابقه

تغذية الدائره لها ثلاث اشكال

الاول : 3.3فولت من الطرف البرتقالى.
الثانى :نفس فولت دائرة الرامات.
الثالث :5فولت مباشر من الطرف الاحمر .

خرج هذه الفولتات يتخذ ايضا ثلاث اشكال
(يعنى اللى خارج من SOURCE الموسفت)
اما يكون 1.5 فولت - 1.6 فولت - 1.8 فولت

شكل الدائره



كما نرى تبدا التغزيه باحدى الطرق السابق زكرها
ثم يمر التيار على DRAIN الموسفت ومنه الى SOURCE ثم يمر بمكثف عادى C1
وبعدها يمر على مكثف فايبر C2
وبعدها الى IC SB


احيانا تقوم بعض الشركات باضافة موسفت فرعى Q2 و2 دايود D1 - D2 للدائره ويكون الشكل كالتالى




نقاط القياس فى الدائره
DRAIN الموسفت (وطبعا التغزيه هتختلف لكن هتكون واحده من الثلاث السابق زكرهم)
SOURCE الموسفت وخرج الفولت يكون واحد من الثلاث السابق زكرهم
المكثف C1
واخر جزء هو المكثف الفايبر ويكون واحد من الموجودين حول IC SB
(احنا بنقيس لغايه لما نلاقيه وممكن نجيبه بالقياس مسار بردو )

اذا كان فى الدائره عناصر اخرى نقوم بقياسها ايضا (الموسفت الفرعىQ2 والدايود D1 - D2)

الان مع توضيح بالصور للقياس

طبعا انا مش عارف الموسفت فبتكون باديتى بتحديد تغزية البروده
وزى ما قلنا قبل كده ان لو تغزية IC NB من دائرة الرامات
بتكون تغزيه دائرة SB من الرامات

فنبدا بنقطة القياس الاولى وهو DRAIN الموسفتات الى ان نوصل للموسفت بتاع الدائره



هنا الفولت على ال DRAIN
طلع



نبدأ نشوف SOURCE الموسفت




نقيس المكثف المجارو ليه







ندور على المكثف الفايبر وبيكون واحد من الموجودين حول اى سى SB



هنلاقى واحد مطلع 1.5فولت




وبالنسبه للقياس مسار
نضبط الافو على الصفاره
(وهنا عندنا التغزيه نفس تغزية الرمات)
فـ DRAINالموسفت فى دائرة SB هيعطى صفاره مع DRAIN MOSFT NB و SOURCE
موسفت دائرة الرمات الىل مخرج 1.8 فولت

الخطوه التانيه
الطرف الاسود على SOURCE موسفت SB والطرف الاحمر نمر بيه على المكثفات
سواء العادى او الفايبر
اللى يدى صفاره يبقى هو بتاع الدائره

ونفس القصه لو فى دايودات وموسفت فرعى

القاكم فى الدرس القادم

دمتم فى رعاية الله

سبحانالله والحمد لله ولا اله الا الله و الله اكبر

[Ayman_M]

رد: تعليم صيانة المزربورد للمبتدئين(متجدد - ان شاء الله)

السلام عليكم ورحمة الله وبركاته

تابع
-------------------------------------------------------------
رابعا :الدوائر الكهربيه
سنقوم بدراستها ان شاء الله تعالى على الترتيب التالى كل دائره على حده
(دائرة cpu - دائرة ram - دائره nb - دائرة sb - دائرة psw - دائرة audio)

..................................................
خامسا ً: دائرة التشغيل او دائرة POWER SWITCH
PSW
هى الدائرة المسئوله عن تشغيل الجهاز
ونىحظ هنا انه موجود بها اى سى انالوج من نوع 1117
او ما يطلق عليه البعض اى سى ريجناتور
(راجع الدرس الخاص بالايسيهات)

شكل الدائره



كما نرى من الشكل التوضيحى لمسار الفولت فى الدائره
خروج الفولت من ATX 20
على ثلاث اشكال مختلفه لتغزية ثلاث ايسيهات
مثل IC LAN
IC I/O
IC REGENERATOR 1117

ونلاحظ ان IC REGENERATOR 1117
وله شكل يشبه الموسفت
باخذ 5فولت على SOURCE واخراج 3.3 فولت من DRAIN
وينتقل الفلوت الى IC LAN
والى IC SB مرورا ً بمكثف فايبر اولا ً C1

نلاحظ كذلك وجود الكريستاله المسؤله عن اعطاء نبضات لكل من IC I/O و IC SB

قياس الدائره فولت

قبل القياس يجب ان نعلم ان هذه الدائره تقاس بدون تشغيل البورده

(بمعنى اننا هنوصل البرده بالبور صبلاى عادى جدا ونوصل البور صبلاى بالكهرباء - لكن - مش هنشغل البورده)

نقاط القياس

1.الطرف الاخضر والطرف البنفسجى فى البور صبلاى (راجع قياس البور صبلاى فى الدروس السابقه)












2.اطراف IC REGENERATOR 1117
5فولت
3.3 فولت
2.2 فولت
















3. قياس الفولت على اطراف IC LAN
يجب ان يكون هنالك طرفين على كل واحد منهما 3.3 فلوت احدهما المباشر من السلك البرتقالى (ممكه نعرفها بالقياس مسار)






4.قياس المكثفات الفايبر حول IC SB يجب ان يكون على احداها 3.3 فولت






5.قياس الفولت على اطارف IC I/O







اعطال دائرة PSW

1.فصل البروده بور .

2.سخونه ملحوظه فى ايسيهات الدائره وعجز فى الفلوت من اى سى 1117

** لاختبار العطل ان كان من 1117 ام من اى سى اخر يتبع الاتى
يتم رفع اطراف اىسى ال1117 المسؤاله عن خرج الفولت وتوصيل الطرف المستقبل للفولت بالبورده
اذا كان ونقوم بقياس الفولت عليه
اذا كان خرج الفلوت سليم
يكون المتسبب فى العطل اما IC LAN او IC SB
نقوم اولا برفع IC LAN عن البورده واعدة 1117 الى وضعه الصحيح
اذا عملت البرده يكون العيب من IC LAN
ان لم تعمل يكون العيب من IC SB

** احيانا تكون كريستاله DATE & TIME المتسببه فى القفله وقطع البروده بور فنوق بعمل قفله باطراف الجفت عليها ومحاولة تشغيل البرده اذا اشتغلت نقوم بتغيير الكرستاله باخرى نفس ترددها

** اذا كانت جميع فولتات الدائره سليمه ومع ذلك لا تقوم بور
نعمل قفله بين الاخضر والاسود
وبعد القفله نلمس جميع الايسيهات بايدينا
هنلاقى ان فى اى سى درجة حرارته عاليه جدا
بيكون هو سبب المشكله
** طيب لو مفيس اى سى درجة حرارته عاليه :نقوم بقياس جميع الدوائر فى البروده قياس فولت
واى عجز فى البروده يكون هو المتسبب فى العطل
** طيب لو بعد القفله كل الوفتات سليمه ومفيش اى ارتفاع فى درجات الحراره والجهاز اشتغل بور وداتا
- يكون العطل فى اى سى I/O
اما نقوم بالتسخين عليه
اذا لم يعمل نقوم بتغييره

** فى اسوا الاحوال لو لم نجد اى سى I/O مشابه

نبحث جديا عن مكان اتصال السلك الاسود والاخضر فى كابل ATX 20
ونقوم بعمل كوبرى فى البروده بينهما
قفله دائمه يعنى
ساعتها اول ما الجهاز يتوصل بالكهرباء هيشتغل لوحده

سبحان الله والحمد لله ولا اله الا الله و الله اكبر
استغفر الله
استغفر الله ... استغفر الله .....

[Ayman_M]

رد: تعليم صيانة المزربورد للمبتدئين(متجدد - ان شاء الله)

السلام عليكم ورحمة الله وبركاته

تابع
-------------------------------------------------------------
رابعا :الدوائر الكهربيه
سنقوم بدراستها ان شاء الله تعالى على الترتيب التالى كل دائره على حده
(دائرة cpu - دائرة ram - دائره nb - دائرة sb - دائرة psw - دائرة audio)

..................................................

الدائره السادسه : دائرة الصوت او AUDIO

دائره سهله وبسيطه

الرسم التوضيحى لسريان التيار


موجود بالصوره شكلان اخران من اشكال اى سى انالوج IC 78L05

الفائده منه ان يقوم باستقبال التيار على طرف من اطرافه ويحوله الى 5 فولت ويخرجه من الطرف الاخر

نقاط القياس الاساسيه
(قياس الدائره فولت)
نقوم بتشغيل البورده وضبط الافو على 20فولت ثابت
اولا
12 فولت على رجل IC 78L05





ثانيا
خرج الفولت من رجل IC 78L05
ويكون 5 فولت





القياس على ارجل IC AUDIO نفسه
نبحث عن 3.3 فولت المباشر من الطرف البرتقالى
و 5 فولت الواصل من IC 78L05
















لم اجد فى الدائره هنا مكثف لكن وجدت دايود
(قمت بقياس فولت كل المكثفات الفايبر والكيميائيه حول الاى سى ولم اجد اى منهم له علاقه بالدائره ولكن وجدت دايود متصل بالدائره )



اشهر الاعطال
فصل البروده صوت او داتا او بور
الصيانه
التأكد من شاشة BIOS وانه ENABLE
التاكد من التعريف وتحميل احدث نسخه تعريف من الشركه المنتجه للبرده
التأكد من نسخة اولندوز ممكن يكون العيب منها
اخر شئ فحص الدائره فولت

** اذا كان العيب سببه عجز فى الفولت نقوم برفع رجل IC 78L05 الخاصه باخراج ال5 فولت ونقيس الفولت عليها لو طلع 5 فولت يبقى العيب فى IC AUDIO لكن قبل ما نرفعه او نسخن عليه نقيس كل المكثفات الفايبر املوجوده حوله والدايودات لو كل العناصر سليمه
يكون العيب من اى الاوديو

(الاحسن بدل ما نشتغل لحام فى البورده ونفك اى سى ونركب اى سى تانى نجيب كارت صوت خارجى )

هكذا نكون اتممنا قياس فولتات الدوائر بحمد الله عسى ان تكونوا استمتعتم واستفدتم بمعلومات جديده

القاكم على خير مع الدرس القادم
سبحانك اللهم وبحمدك نشهد ان لا اله الا انت نستغفرك ونتوب اليك

[Ayman_M]

رد: تعليم صيانة المزربورد للمبتدئين(متجدد - ان شاء الله)

بسم الله الرحمن الرحيم
السلام عليكم ورحمة الله وبركاته
.................................................. ........
خامسا :كيفية استخدام كارت التستر لمعرفة الاعطال .

MOTHERBOARD TESTER


الافضل عند شراءه ان يكون المحتوى على شاشتين بالاضافه الى اللمبات

فائدته: توضيح اعطال DATA البرده
ويراعى عند استخدامه اتباع الاتى

- توصيل سماعة SPEAER
(اللى هى بتصفر لما الرامات تكون مش متركبه كويس او كارت الشاشه).

- توصيل كابل الشاشه فى البرده .

يقوم الكارت بعمل متابعه للدوائر وان كان بها عطل يعطى كود معين خاص باعطال تلك الدائره
وفى الغالب يكون مع الكارت عند شرائه كتيب معلومات ويكون مزكور فيه الاكواد

يتابع عمل الدوائر التاليه

CPU PROCESSOR
RAM
VGA
BIOS

على سبيل المثال لا الحصر اشهر اكواد الاعطال

CPU
( FF / 00 / -- / NO C / C0)

RAM
(D0:D8 / C1:C8 / DF / E1 / DD)

VGA
(22 / A1 / DB)

BIOS
(FF / 00 / --)

وهنالك اكواد اخرى كثيره وما زكر كان من اشهرها

شرح لمبات LED الموجوده على كارت التستر

اولا
LED RESET

مسؤله عن دائرة البروسيسور
- اذا كانت مضيئه اضائه كامله فيوجد عطل بالدائره
- اذا اضاء مره وفصل او كانت الاضاءه خافته او لم يضئ تكون الدائره سليمه

ثانيا
LED FRAME
OSC

مسئوله عن اختبار تبادل البيانات بين IC CPU و IC NB
- يكون سليم اذا اضائت مره وفصلت او الاضائه خافته
- اذا كانت غير مضيئه فلا يوجد بادل للبيانات
حينها نقوم بتغيير البروسيسور
ان لم تعمل نقوم بقياس دائره البروسيسور
ان كانت سليمه نقوم بقياس دائرة نورث برديج
ان كانت الدائره سليمه
نقوم بشحن BIOS

ثالثا
LED I READY
BIOS

مسؤل عن متابعة ال BIOS فى تبادله للبيانات بين عناصر البرده ودوائرها
- اذا كان مضى اضاءه خافته او اضاء مره وفصل يكون هنالك تبادل بيانات
- اذا كان غير مضى يكون هنالك عطل فى تبادل البيانات
الحل: نقوم بشحن البروده BIOS

رابعا
LED CLOCK GENERATOR

مسؤل عن الترددات على البرده

- تكون الترددات سليمه اذا اضاء مره وفصل او لو كانت هناك اضاءه خافته
- اذا كان غير مضئ يكون هنالك عطل فى ترددات على البرده

(حينها نقوم بقياس GATE الموسفتات على البروده اذا كانت تعطى كلها (صفر) العيب يكون من IC CLOCK GENERATOR
او
الكريستاله الخاصه به (اللى كان ترددها 14KHZ)


ملحوظه

احيانا كارت التستر يعطى كود اعطال دائره معينه وتكون الدائره سليمه

حينها يفضل فحص جميع دوائر البرده

القاكم مع الدرس القادم ان شاء الله

[Ayman_M]

رد: تعليم صيانة المزربورد للمبتدئين(متجدد - ان شاء الله)

سادسا شحن BIOS

حاليا لا يتوفر عندى الامكانيات انى اقوم بشرحى الخاص لشحن البيوس
فقمت بعمل بحث على بعض الفيديوهات التى وجدت بعضها ممتازه جدا فى الشرح واستفدت منها امور جديده

اولا تحديث البيوس

http://www.youtube.com/watch?v=gQ-0UiHLcMU

[Ayman_M]

رد: تعليم صيانة المزربورد للمبتدئين(متجدد - ان شاء الله)

تابع شحن bios

ic bios
احد الاسباب الرئيسيه فى فصل البروده داتا

عباره عن فلاشه صغيره مساحتها بتكون من 4 ميجا الى 12 ميجا
يتم وضع ملفات تعريفيه عليها
هذه الملفات تساعد الجهاز فى التعرف على اى هاردوير جديد تم تركيبه فى البروده

يعنى مثلا لو جبنا كارت شاشه - صوت - هارد - بروسيسور - رامات - اى جديد ازاى الجهاز بيعرف ان فى هاردوير جديد تم توصيله بالبورده؟
عن طريق شريحة bios

وبالتالى لو الجهاز بتاعنا قديم او حتى جديد
وعندنا مثلا بروسيسور i7
والبروده رافضه تقراه
ايه العمل
update bios
او شحن بالمبرمجه

طيب ما هو الفرق بين تحديث ال bios
وبين الشحن بالمبرمجه
ومتى نقوم بتلك العمليه؟

اولا : update bios

الخطوه دى بنقوم بيها اذا الجهاز يعمل بور وداتا وبتحصل معانا مشكله من المشاكل الاتيه
1- عدم الدخول على شاشة bios مهما دوسنا Del او F12
او ايا كان طريقة دخول البروده على شاشة BIOS
لانها بتختلف من بروده لبرده

2- لو فى قائمه من قوائم شاشة BIOS اختفت

3- لو قمنا بتركيب هارد وير جديد والبرده مش شايفاه
(هارد - كارت شاشه - بروسيسور - كارت صوت - كارت نت - رامات )
بس يعنى لو كارت صوت او نت الاحسن نغير الكارت بدل ما ناخد خطوة تحديث ال BIOS

4- عدم الاحتفاظ باى تحديث لشاشة ال BIOS
بمعنى مثلا لو عملت FIRST BOOT
على CD
وعملت حفظ والجهاز بيفتح لقيتها اتغيرت


ملحوظه >> كل الاعطال السابقه ممكن تكون الحجاره عاوزه تتغير فــ تقوم بتغيير حجاره
وتتاكد ان فولت الحجاره 3 فولت
لو استمر العطل اعمل تحديث


ثانيا
الشحن بالمبرمجه

1- فى حالة اذا كان الجهاز قاطع داتا وشغال بور فقط
وجميع فولتات الدوائر سليمه

2-كارت التستر طالع عليه كود دائره ودائرة الكود تعمل بكفاءه

3- كارت التستر يقوم بتغيير الاكواد بصوره متتابعه وجميع فولتات الدوائر تعمل بكفاءه

4- تغيير الكود الظاهر على كارت التستر مع كل ريستارت او فتح وقفل البروده

ملحوطه >> لو حصل معانا اى عطل من دول لازم نتأكد من البطايره ونعمل CLR SIMOS

ما هى البيانات المكتوبه اعلى شريحة BIOS

- اسم الشركه المنتجه INTEL - WIN BOND - SST وغيرها كثير
- جيل الشريحه ونوعها ومساحتها وكل ده بيكون مكتوب على شكل كود
مثال: 39LF004P
39 = جيل شريحة BIOS
LF = نوع الشريحه ولها نوعان
FRAME WERE
(LF - LP - FW - V - FL)

FLASH
(SF - F - C - EE)

004 = مساحة الشريحه بالميجا بايت 4M
(المساحات الموجوده حاليا من 4 الى 12 ميجا بايت)



طيب ازاى بردو هنشحن بيوس ان كان تحديث ولا بالمبرمجه .. ؟؟؟
تابع معانا الجزء العملى ان شاء الله

[tarekmohmed]

رد: تعليم صيانة المزربورد للمبتدئين(متجدد - ان شاء الله)

ربنا يبارك في هذا المجهود الرائع

[Ayman_M]

رد: تعليم صيانة المزربورد للمبتدئين(متجدد - ان شاء الله)

ربنا يبارك في هذا المجهود الرائع

واياكم استاذ طارق وعسى يكون فيه استفاده ان شاء الله

[mrd_ftm]

رد: تعليم صيانة المزربورد للمبتدئين(متجدد - ان شاء الله)

جزاكم الله خير الجزاء

[Ayman_M]

رد: تعليم صيانة المزربورد للمبتدئين(متجدد - ان شاء الله)

جزاكم الله خير الجزاء

جزانا واياكم ورفع قدركم

[Ayman_M]

رد: تعليم صيانة المزربورد للمبتدئين(متجدد - ان شاء الله)

سبحان الله والحمد لله ولا اله الا الله

[tarekmohmed]

رد: تعليم صيانة المزربورد للمبتدئين(متجدد - ان شاء الله)

الأستاذ / أيمن
السلام عليكم ورحمة الله وبركاته
أود أن أسأل حضرتك عن بقية دورة الصيانة هل انتهت أم لها بقية
وجزاكم الله خيراً

[Ayman_M]

رد: تعليم صيانة المزربورد للمبتدئين(متجدد - ان شاء الله)

الأستاذ / أيمن
السلام عليكم ورحمة الله وبركاته
أود أن أسأل حضرتك عن بقية دورة الصيانة هل انتهت أم لها بقية
وجزاكم الله خيراً

عليكم السلام ورحمة الله وبركاته

الدوره لم تنتهى بعد لكنى متوقف لظروف امتحانات وان شاء رب العالمين اكمل الموضوع فى خلال اسبوع او 10 ايام
ان شاء الله اللى فاضل هو شرح لشحن البيوس بالمبرمجه
ومجموعة فيديوهات عن اللحامات
وكنت نسيت اضيف دائرة الكيبورد والماوس واخر جزئيه مجموعة خطوات عن طريقها نقدر نحدد العطل ان شاء الله

[tarekmohmed]

رد: تعليم صيانة المزربورد للمبتدئين(متجدد - ان شاء الله)

أسال الله العظيم أن يرزقك التوفيق والنجاح وشكراً للرد

[master soft]

رد: تعليم صيانة المزربورد للمبتدئين(متجدد - ان شاء الله)

الاستاذ الفاضل استاذ ايمن اشكر حضرتك على هذا الشرح الجميل من شخص عنده علم وحب للناس ارجو من الله ان يوفقك في امتحاناتك ونحن في انتظار باقي الشرح