إعـــــــلان

تقليص
لا يوجد إعلان حتى الآن.

مسلسل جديد ( البيت بيتك )

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • اخواتي الغاليات ، اعتذر منكم عن التأخير في الكتابة لظروف امتحانات ،ولكن المسلسل لسه مكملين فيه طبعا ولسه الحلويات جاية ان شاء الله وخطوبة وسام لوليد وجوازها و....... مش هحرقه بقي ،
    اخلص ونكمل ان شاءالله ف بيتنا الجميل البيت بيتك
    التعديل الأخير تم بواسطة خديجة أحمد; الساعة 15-12-2019, 01:44 PM.
    لا إله إلا أنت سبحانك إني كنت من الظالمين

    تعليق


    • انتظروا الحلقة الجديدة
      .
      .
      .
      .

      لا إله إلا أنت سبحانك إني كنت من الظالمين

      تعليق


      • وعليكم السلام ورحمه الله وبركاته
        ماشاء الله جميلة هكمل باقى الحلقات ان شاء الله
        بالتوفيق دوما
        واشوقاه لبيتك ياالله
        علامات محبة الله لك
        "إنا لله إنا إليه راجعون اللهم أجرني في مصيبتي وأخلف لي خيراً منها فى ذريتى"
        #‏حمله_هقاطع_اللى_هيشغلنى_ع ن_ربى_فى_رمضان‬

        تعليق


        • المشاركة الأصلية بواسطة fatma22 مشاهدة المشاركة
          وعليكم السلام ورحمه الله وبركاته
          ماشاء الله جميلة هكمل باقى الحلقات ان شاء الله
          بالتوفيق دوما
          منورة غاليتي
          لا إله إلا أنت سبحانك إني كنت من الظالمين

          تعليق



          • ​​​​​

            الحلقة ال١٦ :

            هيا بنا نطير سريعا وبكل شوق لبيتنا السعيد البيت بيتك
            واليوم خطوووووووبة وسام
            ماما عزمت كل العيلة والعيلة كلها حضرت بالصلاة علي النبي , وهنا يظهر جمال وأصالة ووقفة الجيران بعضهم لبعض ,
            جيرانهم عرضوا عليهم يفتحولهم شقتهم بحيث يقسموا المعازيم لمجموعتين تخفيفا وتنظيما ومنعا للاختلاط ،
            فخلوا الرجال في شقة الجيران والنساء في شقتهم , وحضر الجميع وانبسط الجميع ،
            ووسام كانت في قمة تألقها وأناقتها وجمالها وحولها صحاباتها وأقاربها يتغنون ويتراقصون علي الأغاني الإسلامية الجميلة الخاصة بالأفراح, وها هم الرجالة في الشقة المجاورة قاعدين يتحدثون ويضحكون
            وفجأة يقوم احمد ويقول _ كإذ انبعث أشقاها_ : هو احنا ملناش نفس نرقص احنا كمان ولا ايه ياعم العريس ؟
            ضياء :هههههههه انت بتقول ايه ؟
            الحج حسين : رقص ايه استرجل يله وبعدين ايه القاصة اللي انت قصصها لشعرك دي ؟ حسابنا بعدين...بصوت منخفض .
            وليد العريس : ايه يا عمي الوشوشة دي ناوين علي ايه بالظبط ؟
            احمد : طب انت بتقول فيها يا عريس والله لهيصلك هو في ايه ! كريم - شادي - هيما let’s goooo
            صحابه كانوا ناويين يشغلوا اغاني عادية ولكنه افتكر تحذير وسام له فجابوا الكراسي واحد بيطبل عليها طبل محترف والباقي قاموا بالواجب مع العريس ,
            وتم تلبيس الشبْكة من قِبل ام العريس
            وخلصت الخطوبة وكان يوم ظريف عقبال كل البنات

            الحج حسين في طابور تجديد رخصة القيادة وهذا الطابور غني عن التعريف له ناسه وينتظرونه بفارغ الصبر ليُكَفِّروا عن ذنوب السنة كلها او اللي عاوز يخلص كتاب بقاله سنين مش عارف يخلصه يخده معاه , او اللي بيحضر دكتوراه يروح يكملها هناك لغاية ميندهوا علي اسمه انه يستلم الرخصة مش الدكتوراه طبعا .
            الحج حسين : معلش يا حج انا هروح اصلي الظهر لو ندهوا علي اسمي قولهم اني بصلي بس .
            الحج : حاضر اتفضل يا حج .
            الحج حسين رجع : ها ندهوا علي اسمي ؟
            الحج : اسمك ايه يا حج ؟ دا انت هتصلي العشا هنا ان شاء الله .
            الحج حسين : الله يبشرك , ليه كدة يا حج خليك متفاءل , ان شاء الله ربنا هيسرها انا دعيت كتير وانا بصلي .
            الحج : يارب ,انا هقوم انا كمان اصلي مفيش حاجة هتنفعنا غيرها .
            الحج حسين : الله يفتح عليك وييسرلك امورك يارب , اتفضل يا حج وانا متابع ربنا يفرجها من عنده.
            وجاء الحج من الصلاة وقاله في جديد ؟
            قاله : خير ان شاء الله قريبا
            مدام عزة اثناء شغلها تتصل تطمن علي الحج في مهمته الصعبة : ها يا حج اخبارك ايه ؟
            الحج : دعواتك ربنا يسهلها .
            مدام عزة : ربنا ييسرلك يارب وينده علي اسمك اول مقفل المكالمة .
            الحج : يارب تسلميلي .
            والناس طبعا في القعدات دي بتبقي علي اخرها وطهقانة من الحياة فبيتكلموا بكل احباط فالحج حسين يقول : ربنا يوفقكوا كلكوا ويوسع عليكوا ويرزقكوا من فضله الواسع ويعينا جميعا علي الحياة وضغوطاتها .
            يرد احدهم : امين يارب , ويخرجها منها علي خير.
            الجميع : ياااااااااارب .
            والصلاة والتسبيح والدعاء كله خير وبركة فيأتي الراجل اللي بينده ع الأسماء ومن ضمنهم ( حسين أحمد عبد الوهاب )
            الحج حسين : يامانت كريم يارب ,الحمد لله ,ربنا ييسرلكوا جميعا يارب وينده علي اسماءكوا كلكوا وتروحوا مجبورين .
            وتم تجديد الرخصة علي خير .

            اما محمد ابن العطار فاكرين كان عمال يجري في الشارع زي المجنون وكأنه عامل مصيبة ..!
            حضرته خد جرعته من المدمرات اقصد المخدرات وطلع علي أبوه في المحل واتخانق معاه وضربه وخد كل الفلوس اللي في الدرج وجررررري ,
            ولاد المنطقة مسكوه وحبسوه وسطهم عشان ميهربش ويهدّوا فيه وهو عمال يضرب في كله زي التور الهايج_معذرة في التشبيه بس هم بيبقوا كدة بالظبط انسان بدون عقل يبقي ايه ؟! _وراح واقع ع الارض وعيااااااااط ثم غاب عن الوعي .
            احمد واصحابه وكل ولاد المنطقة يشاهدون الموقف فهل من مُعتبر ؟
            ويأخذونه وأبوه المسكين الحج مختار الي المستشفي علي الفور .
            الحج حسين : شوفتوا يا ولاد محمد صاحبكوا بقي عامل ازاي ؟ بس انا زعلان منكو ؟
            الشباب : ليه يا عمو ؟
            الحج حسين : عشان سبتوه يضيع , مش دا كان صاحبكوا ؟ ليه اتخليتوا عنه ؟
            احمد : عشان خفنا علي نفسنا يا بابا مش انت كنت بتحذرني من الطريق دا !
            الحج : طبعا بحذرك وانت فهمت ووعيت ان دا طريق الدمار صح ؟ وعمرك مهتفكر فيه مهما الناس غرتك لانك راجل ومسئول وفاهم يعني ايه رجولة .
            يوسف : يا عمو انا لو مكنتش بعدت عنه كان زماني بقيت زيه بس الحمد لله .
            الحج : الحمد لله يابني هو طبعا الواحد لازم يبعد عن صحبة السوء وانتو صح بس انا بتكلم ان محمد مكنش صاحب سوء كان عادي زيكوا وابوه راجل طيب وبيصلي كل فرض , كان لازم تخدوا بإيده .
            زياد :اممممم انت قلت كلمة هزتني يا عمو ( لانك راجل وفاهم يعني ايه رجولة ) يعني ايه رجولة يا عمو انا تايه.
            الحج حسين : بص يا بطل احنا كدة عاوزين كوبايتين شاي ع الكافتيريا وندردش سوا كلنا بس بعد اما نطمن ع الحج مختار ومحمد ماشي يا ابطال !
            الشباب :تمام

            داخل مدرسة أنس
            ميس تهاني جاية انهاردة المدرسة بدون حجاب
            فميس سحر بتسألها : في ايه ؟ ايه اللي حصل ؟ فين طرحتك او البونيه اللي كنتي بتلبسيه ؟
            ميس تهاني : انتي اللي في ايه ؟ براحتي ؟ انا حرة ولو سمحتي متدخليش في اللي ملكيش فيه ، وسابتها ومشيت.
            ميس سحر: :( عجبكوا كدة ؟
            ميس اسماء : منتي أحرجتيها برده يا سحر , هو ينفع تسألي حد سؤال تهجمي زي دا ؟ سؤال وكأنك ليكي سلطة عليها .
            سحر : طب منا صاحبتها وليا حق عليها اني انصحها او اعرف عملت كدة ليه ؟
            اسماء : النصيحة مش بتكون علي الملأ اولا وثانيا مش بتبقي بطريقة فيها توبيخ واستجواب يعني مثلا عاوزاها ترد عليكي تقولك ايه ؟ اصلي اتفتنت او ايماني بقي ضعيف !! دا حتي النبي صلي الله عليه وسلم عمره ماقال لحد انت عملت كدة ليه ؟ لا ربنا قاله : ادعو الي سبيل ربك بالحكمة والموعظة الحسنة ، انت تقول النصيحة بطريقة حكيمة وحسنة وبينك وبينه مش علي الملأ لان في شروط للنصيحة ، وكمان اذا نفذ كلامك او مازال ع المعصية دي مش بتاعتك يا محمد ما عليك إلا البلاغ .
            سحر : بس انا معملتش حاجة غير اني استنكرت بس ، لان احنا في مجتمع اسلامي مينفعش واحدة تقلع الحجاب فجأة وعاوزة الناس متعلقش او متسألش اصل احنا مش في امريكا او اوروبا عشان يبقي عادي او
            براحتها او حرة , حرة دا لو سألناها انتي جايبة معاكي بيتزا ليه انهاردة ؟ ليه مش فول وطعمية ؟ او انتي جايبة تليفون ايفون ليه مش هاواوي مثلا , انما تيجي تمسّ حاجة فرض في الدين زي الحجاب ونبقي عادي كدة ! .
            اسماء : يا حبيبتي دا اسمه تسلط واستعلاء واني افضل منها وتزكية اني اعطيت لنفسي الحق في سؤال الأخرين عن ذنوبهم انما كل انسان حر في تصرفاته في الدنيا وفي الدين , عارفة مين اللي ممكن يسألها؟
            وليّ أمرها أيا كان هو مين زوجها ابوها اخوها عمها خالها الرئيس اي حد مسئول انما الصداقة لا تعطيكي الحق انما كدة احنا كنا عون للشيطان عليها وهتنفر وتبعد اكتر .
            سحر : يعني كنتي عاوزاني اقولها ايه ؟
            اسماء : مثلا شكلك ف الحجاب كان جميل تدعيلها ربنا يردك له تاني ، وافضل شيء دلوقت ياريت محدش يكلمها نهائي ف الموضوع خالص ولا اي تلميحات ونتعامل عادي جدا معاها وربنا يردها للحجاب هي وكل الناس اللي قلعته وكل اللي لسه ملبستهوش .
            الميسات : اللهم آمين
            تليفون وسام يرن وتقول الووووو , ولكن .... الشحن للأسف خلص هتشحن ونكمل الحلقة الجاية ان شاء الله
            تتوقعوا يكون مين يا ترى ؟؟

            الفاكهة : تورتة خطوبة وسام طبعا منتو كلكو من المعازيم ,
            ربنا يفرح الجميــــــع بكل حبايبه .

            #البيت_بيتك
            #موقع_الطريق_الي_الله
            التعديل الأخير تم بواسطة خديجة أحمد; الساعة 19-12-2019, 10:33 PM.
            لا إله إلا أنت سبحانك إني كنت من الظالمين

            تعليق


            • جزاك الله خيرا
              ننتظر ابداعك في باقي الحلقات


              تعليق


              • واياك غاليتي ، ربنا يبارك فيكم القائمين ع المنتدي المباىك .
                لا إله إلا أنت سبحانك إني كنت من الظالمين

                تعليق


                • السلام عليكم مرحب بكم في حلقتنا الجديدة من مسلسل البيت بيتك
                  الحلــــــــــــــ(17)ـــــ ـــــــقة

                  ​​​​​​

                  وكنا توقفنا عند المكالمة اللي جت لوسام وكانت طبعا من خطيبها وليد ، فلما عرفت ان هو قالت كويس اني مردتش عشان بابا مش جمبي زي مااتفقت معاه اني مش هكلمه الا لما يكون بابا جمبي ، او يكلمني ع تليفون البيت .
                  وليد سال عن حكم مكالمة خطيبته ف التليفون فالشيخ قاله : بوجود وليّ أمرها عشان دا هيفتح الباب لإزالة الحدود ما بينكو وانا نفسي الشباب تبطل تسال السؤال دا اعقلوا بقي وركزوا في المفيد واللي المفروض فعلا تركز فيه ف مرحلة الخطوبة مثلا اخلاق البنت وادبها وفهمها ايه عن الدين واسقاطه ع الحياة ويعني ايه زواج وتبعل للزوج وامومة والكرم .
                  وليد : طب دول ازاي ؟
                  الشيخ : يعني مثلا تعمل نفسك رايح تصلي ف المسجد اللي ابوها بيصلي فيه وتروح تقف جمبه وبعد الصلاة يتفاجأ بيك ?? تقوله اهلا يا عمي انت بتصلي هنا! يقولك اه يا بني متتفضل معايا فتقوله بس لو مكنتش تحلف يا عمي ! فتطلع بقي معاه فهتشوف بقي درجة الطواريء اللي هتسببها ف البيت ( النضافة واحترام البيت للأب الزوجة والابناء ) وتحسبها انت .
                  وليد : دي تقريبا هتكون اخر زيارة ليا ، لما امشي هيحدفوا ورايا طوب ,صعب يا شيخنا اعمل طواريء في البيت واهلها ذنبهم ايه ؟ انا اهم حاجة عندي هي لاني هتجوزها هي .
                  الشيخ :اه طبعا هي المهم بس انا اقصد ان البنت بتبقي طباعها غالبا زي والدتها بس مش دايما طبعا ,الأخ او الأخت اللي عرف ان فيه حاجة مش عجباه ف طباع أمه او أبوه ومش حابب تكون فيه بيحاول يتجنبها ,فانت تحاول تركز في أكلها بتعرف تطبخ ؟ في ملابسها نضيفة ؟ مكوية ؟ متناسقة ؟ اسلوبها في الكلام والنقاش ودا طبعا مع البحث عن الاطمئنان العاطفي معها ، فالشاهد انك تطلع من فترة الخطوبة وانت مطمئن من كل الجوانب مش جانب واحد بس وطبعا نفس الكلام للبنت لازم تركزي في رجولته وتحمله للمسئولية وكرمه ودينه وأخلاقه وطباعه وبره لأهله ووو فالتليفون عمره مهيبن دا الا قليل.


                  داخل المستشفي الحج مختار وابنه محمد:
                  الحج حسين : حمد الله ع سلامتك يا حج , ربنا يديك الصحة يارب , معلش شباب طايش وهيعقل إن شاء الله .
                  الحج مختار _بقلب مكسور ومتحسر _:الحمد لله قدر الله وما شاء فعل , دا نصيبي وقدري لازم ارضي به , انا بس بتحسر ازاي هو الوحيد في اخواته اللي كدة ؟ دايما اقوله انت مش شايف اخواتك وائل محاسب ونادر في الكلية اهو اشمعنا انت اللي انحرفت اشمعنااااااااا ؟
                  الحج حسين : ربنا يباركلك فيهم يارب ويهديلك محمد , يلا يا حج قوم كدة تعالي نشوف محمد في الاوضة اللي جمبك وابدؤا صفحة جديدة مع بعض .
                  الحج مختار : صفحة جديدة ايه ربنا يخده انا مش طايق اشوف وشه ابداااا .
                  الشباب راحوا لمحمد في أوضته لاقوه
                  فص ملح ودااااب .
                  بعد اما الحج مختار روح بيته والحسرة والمرار تملآن قلبه اجتمع الحج حسين واحمد وباقي شباب المنطقة قائلا لزياد:كنت بتقول ايه يا زياد ؟ مش فاكر فكرني كدة !
                  زياد : انت كنت قلت كلمة هزتني يا عمو وانت بتتكلم مع احمد وهي ( لانك راجل وفاهم يعني ايه رجولة ) يعني ايه رجولة يا عمو انا تايه , انا فجأة لاقيت نفسي صوتي بقي تخين وطلعلي شنب وطولت , فببص لنفسي في المراية واقول مين دا ؟ وبقيت بغني اغنية انا مش عارفني ؟
                  الشباب : ههههههههههه
                  زياد : اه والله انتو بتضحكوا ؟ انا مش عارف انا مين بقيت شبه الراجل بس انا في الحقيقي لسه طفل ومش فاهم حاجة ومحتاج لحضن ماما زي الاول هي ليه بعدت عني وشديدة جدا عليا وبقت مش فاهماني خالص وكلامها بقي جارح ليا (يا شحط يا ابو شنب يابو صوت جعور )اجي اعمل نفسي مسمعتش تريقتها واحاول اخدها في حضني زي مكنت من كام شهر _قبل مدخل مرحلة المراهقة اللعنة دي_ألاقيها تقولي ابعد يا وله اتأدب انت كبرت خلاص وبقيت راجل , اتأدب ايه يا امي انتي منبع الحنان انتي ملجئي ليه ليه ؟؟ وش بيعيط وألاقي بابا بيزعقلي اكتر واكتر بحجة اني بقيت راجل واخواتي الاصغر مني بيتريقوا عليا وبقيت كُخة في البيت , انا كرهت نفسي يا عمو وكرهت كلمة راجل اللي بعدتني عن حضن وحنان امي وخلتني بقيت هُزء في العيلة .
                  الحج حسين : يا حبيبي وخده في حضنه وكان حضن شديد خشن يخشنه ويفوقه ويهون عليه ف نفس الوقت ,بص يا حبيبي اولا انتو دلوقتي يا حبايبي خلاص بقيتوا رجالة يعني مبقتوش اطفال مش بتتحاسب وتعمل اللي هي عاوزاه , يعني بقيتوا مُكلفين قدام ربنا علي كل حاجة بتعملوها يعني اتفتح لكل واحد كتاب عند ربنا بإسمه الملايكة بتكتب فيه حسناتك وسيئاتك وبقي ليك ملكين عن اليمين والشمال بيكتبوا كل حاجة بتعملها ,يارب يجعله كتاب كله حسنات ويحفظكوا من الفتن التي لا تريد بنا إلا ولا ذمة , بص يا زيزو الرجولة في القراءن وردت في كذا موضع تعالوا ع السريع كدة نشوف ربنا قال ايه عنها في كتابه :

                  1 (وجاء من أقصي المدينة رجل يسعي) يعني ايه يسعي ؟ يعني المبادرة لفعل الخير , دي من صفات الرجولة .
                  2 من المؤمنين رجال صدقوا ، الرجل لا يكذب لان الكذاب خواف ، انما الصادق واثق من نفسه حتي لو غلطان يعترف بغلطه مش عيب ابدا ومن غير خوف ويواجه .

                  3 رجال لا تلهيهم تجارة ولا بيع عن ذكر الله وطبعا احنا كرجالة اهم حاجة بتشغلنا اننا نوفر ونجيب فلوس ونتاجر ونبيع ونشتغل بس الراجل بجد مينساش يذكر الله حتي أثناء تجارته في عز معمعة الشغل .
                  4 (وإقام الصلاة )أي إقامة الصلاة في وقتها ، لأن من أخر الصلاة عن وقتها لا يكون من مقيمي الصلاة ، روى سالم عن ابن عمر أنه كان في السوق فأقيمت الصلاة فقام الناس وأغلقوا حوانيتهم فدخلوا المسجد ، فقال ابن عمر : فيهم نزلت .
                  5 (وإيتاء الزكاة ) المفروضة .
                  6- يخافون يوما تتقلب فيه القلوب والأبصار : اللي هو يوم القيامة يا ولاد فالراجل اللي بجد بيخاف من اليوم دا من شدة هوله وإزعاجه للقلوب والأبدان، فلذلك خافوا ذلك اليوم، فسهل عليهم العمل، وترك ما يشغل عنه،
                  هتجازيهم بإيه يارب الرجالة اللي تعمل كدة فعلا وسط الفتن اللي احنا فيها دي ؟!
                  (لِيَجْزِيَهُمُ اللَّهُ أَحْسَنَ مَا عَمِلُوا )
                  النور 38
                  والمراد بأحسن ما عملوا: أعمالهم الحسنة الصالحة،
                  { وَيَزِيدُهُمْ مِنْ فَضْلِهِ} هيزيدنا كمان وكمان وكمان عن اللي احنا عملناه ،
                  {وَاللَّهُ يَرْزُقُ مَنْ يَشَاءُ بِغَيْرِ حِسَابٍ ) بل يعطيه من الأجر ما لا يبلغه عمله،بل ولا تبلغه أمنيته، ويعطيه من الأجر بلا عد ولا كيل، وهذا كناية عن كثرته جدا.
                  ربنا يوعدنا جميعااااا , معلش طولت عليكوا يا رجالة يا أمل هذه الأمة , يلا طيروا علي مذاكرتكوا وكلوا الكتب أكل عشان
                  الدين محتاجكم يا أبطال .
                  بلال : الدين ؟! حاسس اني اتأثرت بالكلمة دي جدا لان مبقاش فيه اي هدف عندنا اصلا للمذاكرة دي.
                  الحج حسين : تعرف يا بلال , لما النبي صلي الله عليه وسلم لقي اليهود بقوا خطر ومفيش اي حد من المسلمين بيعرف يتكلم ولا يفهم لغتهم (العِبرية ) تعرف عمل ايه ؟
                  بلال : ايه ؟
                  الحج حسين : طلب من زيد بن حارثة رضي الله عنه انه يروح يتعلم لغة اليهود ,تعرف عشان يحمسه قاله ايه : انا خايف علي القرآن يا زيد , فانطلق زيد واتقن العبرية في 15 يوم بسسسس .
                  الشباب : الله .
                  الحج حسين : عندي ليكوا قصة جميلة عن رجل اسمه اوساهير المنتمي لتراب اليابان , بس دي القعدة الجاية بقي ان شاء الله يلا تصبحوا ع خير يا حبايبي .



                  ياسين صاحب زياد علي الفيس كاتب هذه الكلمات في قصته علي الفيس بوك التي يراها جميع اصدقائه :

                  1- تَكَادُ السَّمَاوَاتُ يَتَفَطَّرْنَ مِنْهُ
                  2- وَتَنشَقُّ الْأَرْضُ
                  3- وَتَخِرُّ الْجِبَالُ هَدًّا
                  ليييييه ؟!
                  أَن دَعَوْا لِلرَّحْمَنِ وَلَدًا (91) وَمَا يَنبَغِي لِلرَّحْمَنِ أَن يَتَّخِذَ وَلَدًا
                  لا للكريسماس او المشاركة فيه او التهنئة به

                  فعلق زياد علي القصة قائلا :دنا لسه قايل لزميل ليا نصراني كل سنة وانت طيب , هو دايما بيقولي في عيدنا .
                  ياسين : بس حرام .
                  زياد : طب تيجي نسأل شيخ المسجد بعد صلاة العصر ؟
                  بعد انتهاء الصلاة ذهبا كلا من زياد وياسين الي الشيخ وسألوه عن حكم تهنئة النصاري بعيدهم فرد الشيخ : لا يجوز لنا كمسلمين ان نهنأ النصاري حتي لو كانوا هم بيهنؤنا في عيدنا.
                  زياد : طب يا شيخ مش احنا بنحتفل بعيد ميلاد سيدنا محمد في يوم المولد !هم برده بيحتفلوا بعيد ميلاد سيدنا عيسي ليه بقي حرام ليهم واحنا لأ ؟
                  الشيخ : حبيبي احنا اعتقادنا ان سيدنا محمد هو رسولنا انما هم بيحتفلوا بميلاد عيسي الإله ابن الإله المخلَص مش رسول لالا هو عندهم إله هو الرب و هو دا الفرق العظيم بينا وبينهم فانت لما تقوله كل سنة وانت طيب فانت كدة بتقرّه وبتؤيّده علي اعتقاده الشِركي دا فلا يجوز , انما لو كانوا هم بيحتفلوا بميلاد سيدنا عيسي الرسول زينا فمش هيبقي شرك ولا كفر هيدخلوا بس في جانب البدعة والسنة , فهمت يا حبيبي ؟!
                  زياد : اه يا شيخ, تسلم .


                  والي اللقاء في الحلقة القادمة ان شاء الله

                  وكل عام ونحن نشهد أن لا إله إلا الله وأن محمد رسول الله
                  وكل عام ونحن نشهد أن عيسي ابن مريم عليه السلام رسول الله

                  ------------------
                  فاكهة الحلقة :

                  https://1.top4top.net/m_14575fssc0.mp4
                  التعديل الأخير تم بواسطة محبة الحبيب محمد; الساعة 31-12-2019, 08:34 PM.
                  لا إله إلا أنت سبحانك إني كنت من الظالمين

                  تعليق


                  • جزاكم الله خيرا


                    اللهم بارك لى فى اولادى وارزقنى برهم وأحسن لنا الختام وارزقنا الفردوس الأعلى

                    تعليق


                    • واياكم
                      لا إله إلا أنت سبحانك إني كنت من الظالمين

                      تعليق


                      • كل عام وانتم بخير
                        لا إله إلا أنت سبحانك إني كنت من الظالمين

                        تعليق

                        يعمل...
                        X